أنتِ يا دقات الوتين
ياللي حُبها أعظم شعور
فين غبتِ عن عيني
وايش اللي خلاكِ تختفين
وحشتيني يا أقرب إنسانة
تعالي أبغى أشوفك
وريني وجهك الحلو
وفرحيني بنظراتك الفتانة وابتسامتك الرهيبة
وسمعيني صوتك
وبأحلى نغم أمتعيني
غيري جوي وضبطي مزاجي
هزي كياني بأعذب الألحان
واعزفي على أوتار الفرح
خلينا نعيش قصة عشق وهيام
دقي يا نبضات قلبي
صيري زي دمي
وامشي بين الأوردة والشرايين
" بعد ما شافها "
من يوم شفتك وأنا ملاحظ
إن منظر جفونك ما عاد زي أول
باين في عيونك إنك ما ذقتِ النوم
غلبك الشوق وحدك على السهر
ما هو كفاية
زيدي العشق
زيدي الحنين
أنا طبيبك
وهذا علاجك
خذي 3 جرعات
من الود والمعزة والمحبة
وراجعيني بعد فترة
ها طمنيني ايش صار معاكِ
إختلف نومك ولا لسى تسهرين
هي ( قالت ) طيب ياللي فاهمني
إسأل الإحساس عني
يا نظري وسمعي أنت
انت دكتوري وعلاجي
فيك صرت أفكر كثير
ومن دونك النوم عافني
يا أسطورة أتباهى بها قدام الناس
سحرتني بكل شي فيك
وبأسلوبك الحلو دوختني
ما في مجال إني أسيبك
لا تخاف مستحيل أتركك
أو حتى عنك أنشغل
وما راح أخليك تبتعد عني
قَلَّهَا وأنا أبغى أشوفك مرتاحة
بس إفهميني وركزي في اللي أقوله
تدرين مجرد وجودك في حياتي حلم وتحقق
وعقبال ( وعسى ) باقي الأحلام
قالت: مدري أصدقك ولا أصدق احساسي
لأني بصراحة أحسك تضحك علي
وإحساسي يقول إنك تحبني أكثر
سبق النشر
تنبيه " النقل ممنوع " حتى مع ذكر المصدر