البارت العشرين
الساعه : 02:20 ظهرا
طلعوا البنات يتمشون مع أخوانهم
بقيت انا و الجوهره الي اكتشفت انها جايه مع عمي خالد و لا قالت لي شفته بالحديقه
سلمت عليه و قالي انه عنده كم شغله بيخلصها و يروحون !!!
تركت الجوهره تتفرج عالمسلسل و رحت للحديقه ..؟
هالحديقه اللي المواقف معاها لا تعد و لا تحصى و كنت متوقعه اني بألقى أحد !!
بس لما لقيت الإنسان اللي ما توقعته انصدمت و جريت راجعه للصاله عند الجوهره
يوم شافت شكلي اخترعت ؟؟
الجوهره : وش فيك !!
أميره : شفت واحد ....... شفته ...... قد شفته قبل أنا متأكده
طفت التلفزيون بالرموت و قربت مني و قالت
الجوهره : بسم الله عليك وين شفتيه !
أميره : شفته عند المطعم الفرنسي في سياره بانوراما سودا لا مب معقول !!!
الجوهره : وينه !!
أميره : بالحديقه ....
الجوهره : يمكن يكون من عيال خالك يا قلبي !!
طالعت و للحين الذهول ممسك معاي
أميره : يمكن !!
طلعت لغرفتي بسرعه قفلت بابي من الخوف خايفه من ايش مب عارفه !!
جلست على سريري و انا أرتجف ...
التفت للطاوله أبي أشرب مويه لقيت خيال أسود قدامي !
يقرب مني و يضحك ببشاعه
قمت بخوف و أنا أصرخ
أميره : لالااااااا ابعد عني
رحت للأريكه كانت عليها شنطتي فتحتها بخوف و طلعت السكين و فتحتها
أميره : ابعد عني .... ابعد و لا بتموت
ضحك الخيال بصوت مخيف : تقتليني !!!!... طيب جربي
كنت أمشي على ورا و هو يقرب مني أكثر
قربت من الباب بسرعه أبي أفتحه بس كان
مقفل !!!!!!!
صرخت .... صرخت حيل صوتي انبح و هو يقرب مني و يضحك بصوته البشع
ضغطت على السكينه بقوه و قربت منه !
و طعنته و قمت أطعنه بقوه و أطعنه و أطعنه و أحطم خوفي مع كل طعنه
الدم جا على يدي و وجهي و ملابسي .....
قمت مفزوعه و خايفه !!!
أوف الحمد لله انه حلم تنهدت لما شفت النور مفتوح و الجو هادي مدري كيف نمت !!؟
أتذكر اني كلمت الجوهره و طلعت لغرفتي و نمت ؟
قمت غسلت وجهي و تمددت على الأريكه و فتحت جوالي !!
مسجات من أمير و عبادي و فيصل
ياه يا فيصل مشتاقه لجنونك بصراحه
مجنوني مره خطير !!
كان مرسل
بطاقه مره رايقه بأغنيه
عيونك آخر آمااالي ..... و ليلي أطول من اليم
كيف ألقى كلااام عذب يوصف دااافي احساااســـــــي
عشقتك قبل لا اشوفك و شفتك صرت كلي حلـــم
أبي رمشك يغطيني و أبيك اقرب من انفاااســــــي
سألتك بالذي زااانك تحبي فيني حتى الظلـــــــم
تحبي عيوني و غدري تحبي المر في كاااســـــــــي
أنا من كثر مااا أحبك أبيك كثر رمل اليـــــــــــم
و أبيك تكوني فوق الناااااس و أبي مااا ينحني راااسي
ياليتني أقدر أحبك الحب اللي تحبني اياه !!
بس .......
الجوهره : وينك !!
أميره : بسم الله علي خير انتي ليه تفتحين الباب بهالطريقه
جت تمشي بدلع
الجوهره : ياي قطعت عليك حبل أفكارك !!
رميت عليها المخده
أميره : أقول انقلعي !!
قامت تضحك
الجوهره : أقول قومي خلينا نطلع و نفلها يالله
ِأميره : وين !!
الجوهره : مكان خطير بس قومي البسي بسرعه !!
كنت فعلا محتاجه أغير جو بعد الكابوس اللي شفته
طلعت معاها و ركبنا السياره
الطريف في الموضوع كله ان الجوهره تسوق و أول ما شفتها ركبت في مكان السواق
فغرت فمي بدهشه !!!!!!!
أميره : تسوقين ؟؟
الجوهره : طبعا و ليه ما أسوق ؟؟
طول الطريق ساكته أبي أستوعب ان الجوهره تسوق ما قدرت و بين كل فتره أسألها و هي تسوق هل تعرف تسوق !!
رحنا لشارع كله مقاهي و مطاعم مره رايق !!
وقفنا عند مطعم بتطلب طلبيه
أميره : باقي ما وصلنا !!
الجوهره : لا باقي
فصخت نظارتها الشمسيه و طالعتني
الجوهره : لحظه و برجع طبعا بطلب لك أي شي
أميره : ............
ابتسمت و لبست نظارتها و نزلت
تنهدت بعمق و قمت أطالع للي حولي
وقفت جنب سيارتنا سياره بانوراما سودا رايقه كنت أعرفها عز المعرفه !
التفت أشوف اللي يسوقها ....
قمت أطالعه و انا في عالم ثاني !
من هالمجنون اللي أحقد عليه بدون سبب أشوفه للمره الثالثه في حياتي وش يحس فيه هالبني آدم ...
كان كاشخ و وسيم حيل !!
مسوي شعره بالجل و لابس نظاره شمسيه ابتسامه واثقه طالعه من شفايف متدربه عدل على هالإبتسامه سبسوكه خفيفه محدده تحديد على ذقه !!
لابس بلوزه سكري غريب شكلها على بنطلون أسود مكوي صح !
يمشي بوثوق كأنه ملك الأرض باللي فيها ... يحكي بفخر عن نفسه ... حاسب الخطوه اللي يمشيها و الهوا يحرك بلوزه موقعه من أشهر المصممين !
مره خبيث .... انطباع انطبع في داخلي أول ما شفته عند المطعم الفرنسي !!
تذكرت كلام الجوهره
الجوهره : يمكن يكون واحد من عيال خالك !!
يا ترى مين فيهم !
طلع من سيارته و وقف قدام باب سيارتنا من جهتي
طالعني و هو يبتسم !
رجعت أطالع المطعم اللي قدامي و لا كأنك يا انسان موجود و واقف قدامي !!!
فتحت شباك السياره بالزر اللي كان جنب يدي و قلت و أنا أطالع قدامي !!
أميره : نعم !!
..... : معقوله ما عرفتيني يا أميره
يع اسمي طالع من فمه زي القرف !!!
أميره : و مين حضرت جنابك !!
..... : جواد ولد خالك عبدالكريم
أميره : لاااااااااااا .... تشرفنا !!
جواد : وش عندك هنا و مين المزيونه اللي معاك ؟؟
التفت و طالعته !!
أميره : أولا مب شغلك ثانيا هالمزيونه على قولك بنت عمي
على جيت الجوهره طالعت لجواد بإستنكار و ركبت سيارتها !!
لما طلعت هالمره مالبست برقعي !!!من شين الحظ
ابتسم بمكر
جواد : محد قالك قبل انك فتنه !!و الجميله اللي جنبك ....
قاطعته الجوهره :
الجوهره : مين هالوقح اللي تكلمينه !!!
أشرت عليه بقرف و قلت :
أميره : واحد من ذولي اللي .....
و قمت أضحك و ضربنا كف على كف و حنا نضحك
جواد : مقبوله منك يا بنت العمه ؟؟
الجوهره : أها هذا ولد خالك ....... امممم تشرفنا !
أميره : ممكن تغيرين المكان يا قلبي تراني مختنقه !
قبل ما أكمل كلمتي رجعت بالسياره بسرعه على ورا و مشت
طالعتها بروعه
أميره : طيب و الطلب !!
الجوهره : نشوف لنا مطعم ثاني ما هي مشكله ؟؟؟
تنهدت بحراره
أميره : ليتني لبست برقعي ؟؟
الجوهره : لا تقولين لي عشان المجنون اللي قبل شوي ؟؟
أميره : مدري !
الجوهره : تدرين و مع ذلك تراه مره وسيم !!
أميره : الجمال عمره ما يدوم ... وش مفيدته وسامته و أخلاقه مدري كيف أوصفها ؟؟
الجوهره : هم عيال خالك كلهم كذا ؟؟
أميره : تقريبا !!
الجوهره : أكثر وحده عجبتني منهم سلطانه مره خطيره
سكت و انا أتنهد للمره الألف لبست نظارتي الشمسيه و انا متنحه
أميره : وين بنروح ؟؟
الجوهره : للبحر
أميره : وش معنى !!!
الجوهره : عشان نراقب غروب الشمس
أميره : باقي عالغروب ساعه و زياده !!
الجوهره : ............................
أميره : تدرين دايم ألاقي عبدالله بهالمكان و كلها كانت صدف ؟؟
الجوهره : تدرين اني حاقده عليه ؟؟
أميره : أنا تقريبا صرت مثلك بس مشتاقه له ؟؟
الجوهره : تتوقعينه بيرجع لك ؟؟
أميره : حتى لو بغى يرجع لي أنا نفسي ما ابيه لااااااا ..... أبيه !!
و قفنا عند البحر و طلعنا .... أنا تسندت على السياره و قمت أطالع البحر بوجوم
الجوهره راحت تجيب أي شي نشربه من كوفي شوب قريب ؟؟!
أطفال كثيرين يلعبون بمرح و سعاده أستانس لما أسمع ضحكاتهم و أشوف الإبتسامه على شفاتهم ....
آه ليتني ابتسامة طفل ما تنتهي
ليتني حب و براءه في قلب أيام الطفوله
آآآآآآآآآآآه و أنا سرحانه وقفت قدامي كوره
....... : ممكن تلمي الكوله ؟؟
ياقلبي وقف قدام صغيرون يزنن خدوده حمر من اللعب و شكله روعه نزلت لمستواه
و بسته ..
أميره : وش تبي بالكوله ؟؟
..... : نبي نلأب ؟؟
شلت الكوره و عطيته اياها
أميره : و هاذي الكوله وش اسمك يا قمر ؟؟
..... : لامي ( رامي )
أميره : يا قلبي عاشت الأسامي انتبه باللعب يا قلبي لا تتعور
..... : سكلا
ابتسمت له مبسوطه آآآآآآآه ليتني طفله .... نسيت انه إحساس رهيب و حلم مستحيل لأنه اليوم مستحيل يتكرر مرتين !!
الجوهره : تفضلي
أخذت منها كوب نسكافيه و رجعت تسندت على السياره ..
الجوهره صلحت مثلي و صار الصمت سيد الموقف نشرب النسكافيه و نتأمل البحر و الناس
فجأه الجوهره التفتت و قامت تأشر
الجوهره : شوفي هذا مب فيصل اللي أنقذنا في البحر قصدي مجنونك !!
على طول التفت مكان ما تأشر ...
حطيت الكوب على السياره و قمت أطالع بذهول
الا هذا فيصل !!!
كان يلعب مع الأطفال بالكوره
فصخت نظارتي و قمت أطالع و كأن النظاره كانت عائق لي !!!
كان يضحك و يلعب و ينط مع الأطفال يمزح و يصرخ ببراءه مثل الأطفال
كان لابس تي شرت أسود و برمودا جينز سماوي !!
شعره يتحرك مع الهوا بحريه و هو يلعب !!
الأطفال حوله كثير و كأنهم أطفاله
شدني شكله حيل و هو في هالحاله حسيته له جماله الخاص
المختلف تماما عن الرجال كلهم !!
شفته و هو يجلس و يجلسون الأطفال حوله يضحكون و يسولفون بمرح و كأنهم مبسوطين ان واحد كبير مثله يهتم فيهم و يراعيهم ...
الجوهره : وين يا ماما نحن هنا !!!
أميره : أنا هنا معاك ؟؟
الجوهره : لا يكون شغلك حبيب الألب ؟؟
أميره : ياه هالإنسان غير العالم كلها
الجوهره : بالله ما يستاهل حبك !!!
نزلت راسي بحزن و قلت :
أميره : مدري ؟؟ مدري يالجوهره مدري !
الجوهره : ......................
أميره : من بعد وفاة أمي و أبوي و رنا انقلبت حياتي ما صرت أعرف وش أبي
حياتي صايره عندي ممله كئيبه غريبه عقلي مب معاي .... تايهه يا جوجو تايهه
مدري وش أبي و وش ما أبي صرت خايفه على طول و ردات فعلي غير متوقعه دايما!!
حتى احلامي بالنسبه لي صارت سراب و انا نفسي صرت لاني هنا و لاني هناك ؟؟
حزني صار معروف و الألم في حياتي صار قصه تتكرر كل يوم !
مدري ليه صرت أعيش عالم الأموات و فجأه تلقيني رجعت مره ثانيه للحياه
بشكل غريب و انطباعات أغرب !
الجوهره : مافي أحد مرتاح يا قلبي الكل تعبان و موصله معاه لكن لو كل الناس ياخذون الحياه بطريقتك كان ماتوا من زمان ؟؟!!
قلت بيأس !
أميره : يمكن لأني أنا ميته أصلا !!!
ابتسمت و هي تشرب القهوه ...
الجوهره : شوفي الشمس كيف تغيب و تختفي ورا الأفق تدور على قصه عشان تحكيها لنا بكره مع يوم جديد .... ما أظن الشمس تعبت من كثر ما تشرق و تغرب حنا اللي تعبنا و حنا نشوفها تشرق و تغرب .... في هالحياه يا أميره أسرار عجيبه أغرب من الخيال
تلقينا كل يوم نلتقي في ناس جدد ننصدم في مواقف كثيره و ننحط في مواقف أصعب
و مع ذلك بنعيش لين الله يأذن للموت انه ياخذنا لعالمه !!!
حطت الكوب على السياره و كملت ...
الجوهره : و المشكله انه تجي علينا أوقات نتمنى الموت بشكل غريب !
أحيانا لما أفكر ألقى اني أنا نفسي أعجز عن التفكير في هالكون الوسيع ؟؟؟
يا أميره أنا لما أهرب من آلامي أتأمل العالم تهون علي آلامي و احزاني و أتذكر دايما ان في كثير يعانون أكثر مني و مع هذا الإبتسامه ما تفارقهم !
و لما أشوفهم يخف عني حمل كبير !!!
طالعتني و هي ترفع راسي
الجوهره : اضحك حبيبي و شيل الهم من راااسك
الوجه هذااا حرااام تموت ضحكاااتـــــه
ابتسمت بهدوء و جلست أفكر في كلامها و اطالع فيصل من بعيد و هو لاهي مع أولاده
قلت و كأني أكلمه
أميره : راح أحاول عشانك و بس ؟؟
قلتها هالكلمه و الشمس تغيب بعيد و ترسل أشعتها الليلكيه في السماء ترسل آخر ابتساماتها اليوم و توعدنا بلقاء قريب !!
شربت آخر قطره من القهوه
أميره : جوجو أبي أروح لهالكشك تعالي
رحنا لكشك صغير يبيع ألعاب و حلاو و أشياء كثيره
شريت كيس مليان حلويــــــــــــــــــــــــــــات
الجوهره : وش تبين في ذا كله !!
ابتسمت بمرح و قلت :
أميره : تعالي وراي
الجوهره : اذا بتسوين شي جنوني أنا بنتظرك هنا
قلت و انا أضحك
أميره : طول عمرك خوافه !
قالت و هي تضحك
الجوهره : توك تعرفين ؟؟
تركتها عند السياره و رحت لين وصلت عند فيصل و الصغار و وقفت
هو ما انتبه لي لأنه كان ماسك يد واحد من الأطفال و يلعب معاه
قلت .......
أميره : تسمحولي أقعد معاكم
رفع راسه و طالعني مستغرب يمكن آخر شي كان يتوقعه في حياته كلها !
وقف و قام يطالعني و يبتسم
فيصل : ايه اكيد تفضلي ؟؟
جلست جنب نفس الصغنن اللي جاني يبي الكوره
فتحت الكيس و قمت أوزع عليهم الحلاو جيت عند فيصل هو آخر واحد
قلت بمزح :
أميره : تبي حلاوه !!
ضحك و هز راسه بشكل مره طفولي !
مديت له حلاوه كأني أمدها لطفل
و قمنا كلنا نضحك حتى الأطفال قاموا يضحكون
حطيت يدي على كتف رامي و قلت :
أميره : انت يا قمر في أي سنه ؟؟
مدري ليه كنت أحس بنظرات تأمليه من فيصل
طالعني ببراءه
رامي : في المدلسه ؟؟
أميره : حلو ممتاز
تحمسوا الأطفال و كل واحد بدى يسولف عن نفسه
بين لحظه و الثانيه أطالع فيصل و هو يطالعني كنت أتأمل ملامحه بس
في شي غريب يبعدني عنه !!!
في هاللحظه سمعت صوت البوري تدقه الجوهره
أميره : أشوفكم يا حلوين مره ثانيه خلاص بروح !!
رامي : أميله
أميره : يا لوح أميله ؟؟
رامي : انتي حلوه ...ماما مب حلوه
قلت ببراءه
أميره : انت أحلى يا قلبي انت بعد حلو بس فيصل مب حلو
فيصل : مقبوله منك يالغلا !
ضحكت و ربي فيه هالإنسان تناحه عجيبه
انتشروا الأولاد كل راح لحاله و انا بعد جيت أروح لجوجو اللي أكيد معصبه مني !!
وقفني فيصل
فيصل : تدرين انك أحلى مما تخيلت !!
التفت له أطالعه
أميره : مب مهم الحلى اللي برى الأهم هو اللي بداخل الإنسان ؟؟
فيصل : انت دائما جميله و فاتنه من برى و من جوه
أستحيت .........
فيصل : ممكن أطلب منك طلب يالغلا بس ما ترفضينه أو تفهميه غلط !!
تدرون وش توقعت انه بيعزمني على مطعم رومنسي مثل ما أشوف في القصص و المسلسلات ياخذ مني موعد يعني !!
أميره : تفضل
فيصل : أغار على هالوجه الفاتن ما أبي أحد يشوفه ياليت لو تحفظينه لي مب لغيري
و تغطينه عن كل العيون الا عيني ممكن تلبي لي هالطلب !!
نزلت عيوني بالأرض لأني عرفت قصده
يعني افهميها يا أميره و غطي وجهك !!
أميره : ...............
فيصل : أميره
رفعت راسي و قلت
أميره : هلا
فيصل : و الله أحبك
المجنون وش سوى نادى شاب اماراتي كان مار من قربنا قام أشر له و قاله
فيصل : شايف هالبنت أنا أحبها و أموت فيها
الشاب على طول التفت يطالعني
فيصل : خير وش انت تطالع يالله روح خلاص كنت أبي أعترف لك بحبي لها !!!
طالعه الشاب مبهوت و هو يحرك راسه و يضرب كف بكف و يروح
الشاب : مجنون فعلا
فيصل : ايه اكيد مجنون فيها ؟؟
أنا قمت أضحك على شكله
البوري خرق طبلة اذني !!
التفت للجوهره و هي مطرطعه !!
أميره : يالله باي باي
رحت بسرعه ركبت السياره و مشت و هي ساكته و الله آخاف لما تعصب !!
الجوهره : عايشه الجو !!! و تاركتني هنا بروحي !!
أميره : آسفه
الجوهره : و الله فيصل حقك هذا مره شي
أميره : هييي انتي ما اسمح لك !!
الجوهره : لا يا شيخه غرتي !!
أميره : مب شغلك !!
الجوهره : ايششش؟؟
و قفت السياره عند الرصيف و قالت
الجوهره : يالله انزلي
أميره : جوجو أكيد انجنيتي ؟؟
صرخت في وجهي
الجوهره : يالله انزلي !!
نزلت من السياره و سكرت الباب بإستسلام تام
و ...... و راحت !!!!!!!!
ما كملت أقل من دقيقه و رجعت
الجوهره : اركبي يا بنت مساعد حرام علي اتركك للضباع تاكلك هههههههههههههه
ركبت السياره و أنا معصبه !!!
ردينا البيت
صوفي : مس أميره العشا الساعه 09:00 أجلناه لأن مدام حليمه عندها ضيوف
الجوهره : أها و مين صاحبة البيت !!
أميره : يوه يا جوجو لو نقعد ندقق على هالأمور كانت انتهيت من زمان !!
الجوهره : بس من الأدب تستأذن منك انتي يا صاحبة البيت !!
أميره : مشي حالك هي معتبرتني مجنونه يا جوجو
فكيف تاخذ الإذن من وحده مجنونه ... ! صوفي في أي بروجرام اليوم
صوفي : مستر أمير بدو اياكي بعد شوي ؟؟
أميره : وش يبي مره مقهوره منه و هو مره زعلان مني !!
صوفي : مستر مطلق طلب حجز يوم الخميس
الجوهره : فكه ول !!
أميره : خالي مطلق !!!!!!!!!!!
صوفي : يس مس
أميره : يعني بيشيل عياله و يروحون !
الجوهره : أحسن
أميره : طيب وش صار اليوم من أحداث !!
صوفي : مس دانيا كانت مدايئه كتير آل شو عندى مغص ... مدام بدريه كانت زعلانه كتير منك و بس بتحكي فيكي !!!
قالت الجوهره بسخريه
الجوهره : يا ربي ضربتي بنتها يا أميره !!!
ضحكت ......
صوفي : مدام سلطانه كانت طول الوئت بالدور التالت بالصاله بئيت البنات راحوا السوء
أميره : شكرا يا صوفي خلاص روحي اللحين شكرا !
طلعت الدرج ببطء و أنا أفكر ...
دخلت غرفتي رميت عباتي و شنطتي على السرير و قعدت عالأرض
الجوهره : خير عمتي لا يكون جا لمخك شي !!
قمت من عالأرض و قلت
أميره : اليوم ايش أصلا ؟؟
الجوهره : ثلثا
أميره : يوه يعني باقي على سفرهم يوم ... في حياتي ما كرهت وجود ناس مثل ما كرهت وجودهم !!
الجوهره : يا شيخه كله كوم و هالجواد كوم ثاني يوه
أميره : أنا بطلع أشوف سلطانه
الجوهره : و أنا بتسبح لأني مره مجهده
طلعت من الغرفه رحت للصاله لقيت سلطانه
أميره : لك وحشه دون عن كل خواتك !!
ابتسمت لي و قالت
سلطانه : تدرين انك غير كل الناس
أميره : ليه من اي ناحيه يعني !!
سلطانه : من كل النواحي
أميره : لا من كل النواحي هذي كثري لي منها !!
سلطانه : أحسن شي سويتيه لدانيا انك صفقتيها !!
و الله استغربت غريبه دانيا اختها المفروض يكون كلامها غير !!
سلطانه : لا تستغربين أنا عارفه حركات دانيا و سوت أشياء أخيس من اللي شفتيها
و مع ذلك محد قدر يوقف لها غيرك شفتك ذاك اليوم تصفقينها !!
أميره : غريبه و خالتي بدريه عارفه بسوالفها ؟؟
سلطانه : أمي !!! تعرف بس تسوي نفسها ما تعرف شي ؟؟
أميره : طيب زوجوها و افتكوا ما في غير هالحل !!
سلطانه : ليتها توافق !!
أميره : و الله يا قلبي وحده مثلها وصلت لهالمرحله المتدنيه لازم تتزوج غصب عليها!!
أميره : وش رايك ننزل لصالة الدور الثاني أحسن !!
نزلنا لصالة الدور الثاني فتحت البلكونه و وقفت قرب السور
سلطانه وقفت قبالي و هي تطالع الحديقه
سلطانه : من هنا تشوفين كل شي بوضوح
أميره : صح ........ وش صار معاك انتي و مشاري !!
سلطانه : تدرين كنت أقرى هالسؤال في عيونك قبل لا تسألينه !!
أميره : ........................
سلطانه : أحبه .... بس كرامتي !!
أميره : ما أعتقد ان في كرامه بين الأزواج أساسا هالكلمه مالها أساس في قاموس المتزوجين
سلطانه : صادقه بس مني مقتنعه بهالشي !!
أميره : السؤال المهم هل هو يحبك !!
سلطانه : أكيد لا !!
أميره : وش فيك تقولينها كذا و انتي واثقه !
سلطانه :....................
أميره : هذي أشياء خاصه بينكم ما راح أسئلك ليه بس حاولي تفهمينه مع اني ما ادانيه !
سلطانه : و مين أصلا يدانيه غيري ؟؟
و قمنا نضحك أول مره أشوفها تضحك و هي مستانسه ..
سلطانه : شايفه ذاك الدبدوب
أميره: ايه !
سلطانه : هذا مهند ولد عمي مطلق
أميره : فرق بينه و بين مشاري مره !! شكله مره طيوب
سلطانه : مره طيب و حبوب و أخلاقه زي العسل !
قمت أقيمه .... متين ما شاالله عليه بس مب قصير مثل منتو متوقعين طوله حلو
شعره مقصصه بشكل خفيف غير مشاري اللي شعره دايم يغطي جبهته
وجهه فيه براءه عجيبه عيونه واسعه مره رايقه
حسيت انه من الناس اللي تاكل عشان تنسى مشاكلها !!!
مدري ليه حسيته ذويق في الأكل يمكن عشانه متين ..... أدري انها فكره غبيه !!
سلطانه : و هذا جواد !!
أميره : أها باين عليه انه انسان واطي !!
سلطانه : لا مب للدرجه اللي متخيلتها !
مره هالبنت صريحه حتى على أخوانها !!
سلطانه : هذا معيض انسان عملي في حياته و ما يحب أحد يدخل فيها
فعلا باين عليه مع ان النظارة الطبيه اللي لابسها مهي مبينه عيونه !!
سلطانه : هذا لافي و فارس !!اثنين مجانين اجتمعوا مع بعض مستحيل يفترقون مع انه الفرق بينهم ثلاث سنوات !!
أميره : بس أحلاهم جواد و أشينهم جواد !
سلطانه : الكل يقولون عنه كذا و يحبونه لأنه غيرهم !!
قلت مفهيه
أميره : يحبونه !!!
الشباب كانوا جالسين عند المسبح يسولفون و يضحكون !!
فقدرت أشوف أشكالهم و أوضاعهم بوضوح !!
سلطانه : وهذا مشاري !!
أميره : هذا عاد غني عن التعريف !!
كان يطالع المسبح سرحاااااااااااان
مدري ليه تخيلت انه يفكر في سلطانه ...
أميره : متى تطلقتي !!
سلطانه : قبل شهر !!
أميره : وش رايك ترجعين له !!
سلطانه : انتي مجنونه !!!
أميره : ليه !!تراه يحبك
سلطانه : رهيبه انتي بصراحه !!؟
طلعت من البلكونه
أميره : على فكره خالتي حليمه عازمه مين !!
سلطانه : هذي الإنسانه محد فاهمها !!!
ابتسمت و رحت لغرفتي كان ودي أشوف دانيا بس مدري شلي منعني !!
في الأخير قررت أدخل غرفتي
أميره : للحين قاعده تقرين في المجله !!
الجوهره : نتثقف !!
جلست جنبها
أميره : ودي أنزل أشوف خالتي حليمه وش تسوي !!
الجوهره : طيب قومي اكشخي و انزلي محد منعك !!
رميت المخده الصغيره في وجهها و قمت
أميره : صدق انك انسانه ما تحمس مدري عبادي وش يبي في وحده بارده مثلك!!!
أبي أسوي أكشن اليوم !!
الجوهره : يوه يا أميره ما مليتي من الأكشن و انتي كل يوم في أكشن !!
طق الباب فتحت بقهر
صوفي : مس أميره هالكيس جا اليك !!
أخذت الكيس منها بإستغراب !!
رجعت للغرفه ...
الجوهره : وش هذا ؟؟
أميره : مدري تقولي صوفي جا بإسمي
قامت متحمسه تبي تشوف وش داخل الكيس معاي
جلسنا عالسرير فتحت الكيس كان فيه ثلاث علب مغلفه بورق أحمر مخملي و الشرايط لونها ذهبي ...
فكيت التغليف و فتحت العلبه الأولى كانت ساعه ألماس كان داخلها بطاقه :
عيد ميلاد سعيد
أحبك بجنون
فيصل
أنا صرخت من الوناسه و الإستغراب
الجوهره : وش فيك ؟؟
مديت لها الكرت
الجوهره : واو انسان رهيب كيف عرف ان اليوم عيد ميلادك اذا انتي نفسك ناسيه انه اليوم عيد ميلادك !!
حركت كتوفي مدري بصراحه !!!
الجوهره : الساعه مره ذوق ذوق مع انه مب مبين عليه انه كذا ذويق !
أميره : ما اسمح لك !!
فكيت التغليف
فتحت العلبه الثانيه كانت طقم كامل ألماس و فيروز وااااااااااااو بصراحه رائع
الجوهره : أما هالطقم بصراحه مسكتتتتتتتتتت يجننننننننن يا بنت !
شفت البطاقه اللي داخله
أحبك
كلمه صرت أرددهااا دااايم
و ليت حبيبي يفهم معناها و يصدقني
ليه أحبك سر من أسرار الكون غير معروف
يااا سري المكنون و يااا حبي الأول و الأخير
أحبك ليتك تفهمين هالشي
مجنونك : فيصل
الجوهره : خطه رايق و كلامه أروق
أنا كنت مذهوله و مب مصدقه أبدا !!!
الجوهره : بفتح لك العلبه الأخيره
العلبه هذي كانت غيرهم كانت من خشب الصندل
محفور عليها اسمي !!
كان محتواها عباره عن فرشة رسم من الذهب
الجوهره : حبيبك مجنون وش فيك لـهالدرجه مجننته انتي بس شوفي وش كاتب لك !
ذكرى عذبه
تعبق بشذى الحب
أحبك قاااتلتي ليتك تعلمين
ليتني حتى أكون ذكرى
ذكرى في داااخلك خاااليه من الحزن
أحبك بجنون
فااارسمي البسمة دومااا
لأنك سري المكنون
سأشتاااق اليك دااائما
حتى و أنااا بقربك
أحبك
أنا صرخت بذهول ......
أميره : ليه أنا بالذات ؟؟
قالت الجوهره بمزح
الجوهره : لأنك سره المكنون سر من أسرار الكون غير معروف و خافي عن العيون !!!
أميره : يوه يالجوهره و الله مب وقتك !!
مني مصدقه أنا نفسي نسيت ان اليوم يوم ميلادي هو كيف عرف كيف عرف اني رسامه
مرسل لي هديه فرشاة رسم من الذهب كيف يعرف أدق تفاصيل حياتي و هو ماله في هالبيت غير الست شهور اللي جلسهم كيف !!
لهالدرجه يحبني لهالدرجه أهمه لهالدرجة أنا بالنسبه له شي كبير !!
صعب علي أصدق و صعب علي استوعب ان باقي في انسان يحب بهالصدق
يمكني أحلم أو ينضحك علي !!
التفت للجوهره بتفكير
أميره : هالكثر يحبني ؟؟
الجوهره : انتي مجنونه بديت اصدق هالشي كل اللي سواه و باقي تسألين هالسؤال !؟
قمت من على السرير بإنفعال
أميره : وصعب علي أحب مره ثانيه و اتعذب يكفيني عذاب يالجوهره ؟؟
الجوهره : انتي قاعده تفكرين وش بعد الحب ؟؟؟ يا ماما فكري كيف تحبينه بإرادتك
مب بالغصب عشانك خايفه على مشاعره انه لا ينجرح اذا لقيتيه انسان يستاهل الحب
أعطي لنفسك المجال و حبيه بإرادتك ؟؟؟
أميره : طيب اللحين وش أسوي !!
نزلت من عالسرير و رجعت للكرسي تتصفح المجله
الجوهره : بكل بساطه يا حلوه ترسلين له مسج تشكرينه عالهديه !!
أميره : قولتك !!
قامت سحبت جوالي اللي كان عالطاوله و عطتني اياه
الجوهره : وش تنتظرين يالله ارسلي بسرعه !!
طالعتها بتردد و رديت للجوال أكتب المسج
وش قيمة الحب !
كااان القلب مااا شااالك
و ارسى على قمة أعماااقي منااازيلك
أنااا و روحي و عذب الشعر جينااا لك
و القلب نبضه معك و يقول كلي لك
و الشعر مرسااالي المخلص و مرسااالك
و القلب مهمااا قست الأيام واافي لــك
مشكور عالهديه
ملاحظه مهمه : و لا عاد تعيدها مره ثانيه
أميره : شوفي كذا وش رايك !!
جتني أخذت الجوال و قامت تقرى و تقيم !
الجوهره : هو انتي حبيتيه أصلا عشان ترسلين له هالمسج !!!
العباره اللي تحت حلوه بس المسج هذا مب في محله
أميره : يوه أجل وش أرسل ؟؟
الجوهره : يا ربي يا أميره حتى هذي راح أقولك عليها .... امشي ورى احساسك
و اكتبي له الشي اللي تحسين فيه اللحين !
حطت الجوال في يدي و راحت لمجلتها اللي من عرفتها و هي ما تغيرها ؟؟
بديت أكتب المسج
بصراااحه مدري وش أعبر لك في هاااللحظه بس ...
احساااسي يقولك مشكور بس لا عاااد تعيدهااا مره ثااانيه
لأنه حتى الشكر عجز يوفيك حقك
احسااااسي معاك بس .....
ما قدرت أكمل أرسلت هالمسج حتى قبل ما أكمله !!
قلت و الكلمه هذي طلعت غصب عني
أميره : محتاجه أحبك !!بس ما اقدر
حطيت جوالي عالطاوله
و رحت لغرفة الملابس .....
الجوهره : على وين ؟؟
التفت لها و ابتسمت
أميره : مدري ؟؟؟
دخلت غرفة الملابس أختار وش بلبس للضيوف !!!
(( لم يفت الوقت أبدا لتكون ماكان يمكن أن تكونه ))
|