البارت التاسع عشر
الساعه : 10:50 صباحا
صوفي : بدك شي مس أميره ؟؟
انتبهت من عالمي الكئيب على صوت صوفي
أميره : لا ...... مشكوره
رجعت لصحني أتأمل محتوياته
إبتهال : أميره وش فيك ؟؟
أميره : ها ..... سلامتك ما فيني شي
شيخه : اللي ماخذ عقلك ؟؟
رفعت عيني و طالعتها بحده ...... ردت علي بإبتسامه دلوعه و رجعت تطالع صحنها
حليمه : أميره حبيبي أبي السواق اليوم لأني راح أحضر عرض مجوهرات مع خالتك بدريه الساعه ست و نص المسا و يمكن نتأخر
أميره : يااا يا خالتي انتي تامرين أمر إختاري أي سواق و أي سيارة و تحت أمرك
سلطانه : الحمد لله أنا شبعت
بدريه : أي شبعتي يا بنتي ماكلتي شي
ردت بحده
سلطانه : شبعت !!!
أحيانا سلطانه تحسسني اني باقي عايشه في عهد لويس الأول ...
كانت أحكام البرلمان في عهده صارمه عليه و هو ما كان الا مجرد
صوت للبرلمان أمام الشعب !!
يعجبني في سلطانه انه لهجتها آمره قاطعه ما تسمح للتجادل فيها !!
قالت كلمتها و راحت
دفيت صحني بهدوء و قلت :
أميره : الحمد لله شبعت الفطور مره رايق
بدريه : بالعافيه يا بنيتي ؟؟
دانيا كانت سرحانه في عالمها أول ما شافتني قمت قامت تطالع صحني !!
و تطالعني بإستغراب لأني ببساطه مالمست الصحن و لا أكلت شي غير اني شربت حليب
ابتسمت بتعب و طلعت لغرفتي !
قبل ما اوصل لباب الغرفه لمحت سلطانه واقفه في بلكونة الصاله بالدور الثالث
شكلها كان يشبه لوحه قد رسمتها لإمرأه حزينه لابسه فستان أبيض حرير كبير و واسع و طويل و شعرها يحركه الهواء بعبث و هو تطالع للفراغ بحزن تطلب الحل لأحزانها !!
رحت لها بهدوء و وقفت جنبها أطالع الحديقه ؟؟
سلطانه : ليه ما دخلتي غرفتك !!
التفت لها و هي مغموره في عالمها
أميره : سلطانه لو سمحتي يعني هالتعامل تعاملين فيه أخواتك مب أميره أسلوبك غلط بقوه و يمكن هالشي اللي ..........
قطعت كلامي لأنها في هاللحظه بس التفتت لي و طالعتني بحده ....
سلطانه : كملي يا أميره قولي قولي ان مشاري طلقني لأن أخلاقي زفته صح و اني انسانه لا تطاق .... قولي و حنا نحصل جلالة الملكه أميره تهزأنا !!
أدري اني خربتها .......... رديت بإعتذار
أميره : آسفه مب ........
التفتت تطالع الحديقه بهدوء
سلطانه : ماله داعي تكملي خلاص وصلني اعتذارك !!
قمت أطالعها مبهوته أوف على هالأخلاق !!
ردت تطالعني بحزن
سلطانه : أحبه و الله أحبه بس كبريائي يا أميره يمنعني أرجع له أقول عنه و أقول
بس قلبي يقول شي ثاني في لحظة ضعف أسامحه و ارد مره ثانيه أحقد عليه
سكتت و قامت تطالع الحديقه !!
سلطانه : تدرين الجرح اللي على خده .... أنا اللي جرحته اياه يا ليته أثر فيه !!
الا زاده جمال و جاذبيه ما كان قصدي أجرحه بس ....... غصب علي يا أميره أنا .....
المسكينه ما قدرت تكمل خنقتها العبره و خانتها دمعتها و هي تطالعني
سلطانه : أميره أنا مكسوره في داخلي لأني بعيده عنه آه حتى الآه تحرقني ؟!
أول مره أشوفها منكسره بهالطريقه وش عاجبها فيه حسبي الله عليه كيف عاشت مع هالأخلاق و الله ما يستاهل ظفرك يا سلطانه !!
طالعتها بحزن على حالها !! تحب هالمجنون ... الله يعينها !
كان ودي أحضنها و أمسح دمعتها بس ما قدرت !!؟؟
و السبب غير معروف !
التفتنا للحديقه نطالع فتنتها الطاغيه و كأنها عروس تتباهى بجمالها
خرب هالصوره اللي صورتها للحديقه وجود انسان يطالع المسبح بهدوء
التفت لسلطانه و قلت بسخريه
أميره : حبيب الألب !!
قالت و هي تطالعه :
سلطانه : انسيه لأني نسيته من حياتي خلاص
قمت أتأمله بس فجأه هالتأمل تحول لخوف لما شفته يطيح في المسبح بطريقه مجنونه
و يختفي ........
قمنا نطالع بعض أنا و سلطانه بخوف و صدمه
سلطانه : المجنون رمى نفسه في المسبح !!!!
أميره : ليه تطالعيني كذا روحي انقذي زوجك بسرعه ؟؟
طالعتني بذهول
سلطانه : زوجي !!!!!!!
قلت بِإنفعال :
أميره : يوه يا سلطانه ايه زوجك خلصيني يالله لا يروح فيها هالمجنون ....
سحبتها و نزلنا بسرعه للحديقه و رحنا تجاه المسبح مالقينا له أثر بس شفنا
خياله غايص داخل المويه ....
حطيت يدي على فمي من الروعه و قلت :
أميره : لا يكون ........
سلطانه : لاااااااااااااا مستحيل
كانت لابسه فستان أبيض بدون أكمام ضيق عليه فستان خفيف بأكمام طويله و واسعه
فصخت الفستان الخفيف و عطتني اياه و انا في حاله من الذهول
سلطانه : امسكي أنا أعرف أتصرف
دخلت للمسبح ببراعه و اختفت ياااااااااااااااه حمستني أتعلم السباحه
ياه يا ربي حلم !!!
شوي ظهرت على السطح و هو متعلق فيها
سلطانه : أميره تعالي ساعديني ؟؟
قلت بخوف :
أميره : ما أعرف أسبح ؟؟
صرخت في وجهي
سلطانه : تعالي امسكي يدينه لين أطلع و نسحبه سوى ؟؟
زاد خوفي !!!
أميره : طيب ليه ما ننادي أحد يساعدنا ؟
صرخت آمره ...
سلطانه : بسررررررررعه ما في وقت يالله
انصعت لأوامرها و حطيت الفستان على جنب و رحت مسكت يده عشان ما يغرق
طلعت سلطانه من المسبح و تساعدنا على رفعه و تم بحمد الله بس المشكله انه ما كان يتنفس !
أميره : وش بتسوين ؟؟؟
سلطانه : تنفس صناعي ؟؟
أميره : نعــــــــــــــــــــــــم ؟؟؟
طالعتني بحده و ربي خفت
أميره : سوي .... سوي له التنفس ........... الصناعي ... على الأقل عشان يعيش !
شلت الفستان و غطيت فيه عيوني بخوف ما ودي أشوف شي !!
كنت أسمعها و هي تعد الضغطات على صدره بعدها سمعت صوت شهقتها و بكاها
بعدت الفستان عن عيني و طالعتها ...
أميره : وش فيه .... ؟
قالت و هي تبكي :
سلطانه : مهو مستجيب للتنفس
و قامت تضغط على صدره و هي تقول :
سلطانه : أحبك لا لا تخليني بروحي الله يخليك أحتاج لك جنبي حتى لو كنت بعيد عني
و هي تضغط على صدره و توصل أنفاسها لقلبه !
سلطانه : يا الله حبيبي قوم لا تموت أرجوك أحبك أحبك ياحياتي آآآآآآآآآه حبيبي
كنت مذهوله و انا اطالع لهالمشهد كأني في فيلم سنمائي
لما عجزت انه يستجيب لأنفاسها صرخت !!!
و قامت تضرب على صدره بقبضتها بقوه و تصرخ
سلطانه : عيش عيش عشاني أدري انك تكرهني بس أحبك ما اقدر أكابر أحبك أحبك أحبك
و مع آخر ضربه على صدره و مع آخر كلمة أحبك طلعت من شفاتها !!
فزالرجال و جلس بشكل سريع بسم الله روعني كأنه انصعق بالكهربا و قام يطالع سلطانه !!
هي أول ما شافته صحى طالعته بهدوء و بإبتسامه حزينه
طالعته و كأنها مهي مستوعبه انه قام رفعت شعره اللي كان طايح على جبهته و بعدها
.......... أغمى عليها بين يديه !!
أنا عن نفسي ما كان لي أي داعي في الموقف رميت الفستان من يدي و طيران عالصاله دقيت على الإسعاف و الكل يطالعوني ..
الكل : وش صاير ؟؟؟
أميره : سلطانه مغمى عليها و الإسعاف اللحين بيوصل
قامت خالتي بدريه مفجوعه
بدريه :بسم الله على بنتي !!
ابتهال : وينها ؟؟
قلت و أنا أجلس على الكرسي
أميره : مع مشاري ؟؟
كل العيون طالعتني متسائله
أميره: لا تطالعوني كذا لو سمحتوا ؟؟؟
قمت و طلعت لغرفتي ......... بإختصارانسحبت بهدوء على قولهم " خوفا من المواجهه "
جلست قدام مكتبي ... كان فيني قوة و اندفاع عجيب للكتابه
مسكت القلم و أخذت دفتري الجلد و فتحته على آخر صفحه و كتبت ...
لم أعد أدري كيف أجمع الكلمااات
حتى القلم تبخر مع آخر همساااتي
و انسكب حبره مع آخر دمعاااتي
أحسب دائمااا أن الحب ثورة
و الشوق ورقة خريف
و الآمااان ..... نغمااات موسيقيه
تعزف ألحانهااا بشجن ...
ما قدرت أكمل و مشهد سلطانه و مشاري يالله يعيد نفسه في ذاكرتي
مدري وش صار عليها !!
شكلها تفاجأت يوم شافته قدامها !!!
يوووووووووه خلينا نحلم بعيد
رن جوالي في هاللحظه
مسج !
اناااديك و يبقى للحكي في داااخلي ميعاااد
و لا أدري ليه لا ضقت بزماااني قمت اناااديك
أحبك ليه اكررهااا ؟ و ليه بداااخلي تنعاااد
و لو أصرخ في هواااك مليون احبك " مااا توفي لك
صباااح الورد يااا احلى ورد ما قدرت انااام لأني افكر فيك
أحبك يالغلااا مليون
مجنونك فيصل
صرخت ...
أميره : آآآآآآآآآآآآآآآآآآآآآآآآآه يالمجنون خلاص انساني مجنووووووووووووووون
و ربي مجنون ..
فجأه تخيلت اني أشوف أصاله
أميره : أصاله ؟
أصاله : تحبينه !!!
أميره : بصراحه ما ادري ؟؟
أصاله : وش بتخسرين لو حبيتيه ؟؟
أميره : ما ودي اكرر تجربتي مع ناصر ؟؟
أصاله : و هو فيصل مثل ناصر ؟؟
أميره : طبعا لا بس ...... بس أنا أفكر في عبدالله
أصاله : فيصل يحبك و لا تنسي انه ضحى عشانك كثير و راح يضحي عشانك اكثر ؟؟
أميره : بس ............
قطعت كلامي لما شفتها اختفت !!!
ليه يصير معاي كذا !!!
و كيف أحبه كيف ؟؟؟
سمعت طق على الباب قطعني من أفكاري
أميره : تفضل
دانيا : وينك !!
أميره : وين راح اكون يعني !!
دخلت و جلست على الكرسي اللي قبالي
دانيا : ياي فاتك الرومنسيه اللي صارت تحت يااااااااه
أميره : وش فيك ذايبه كذا ؟؟ و بعدين كيفها سلطانه
دانيا : يا مبرد اعصابك ؟؟
طالعت فيها بلا مبالاه ؟؟
هي كانت هيمانه و منسجمه على الآخر
دانيا : مشاري كان شايل سلطانه يا الله كأنهم في فيلم رومنسي كان خايف عليها حيل
أميره : غريبه ما كنت متوقعه انك راح تتأثرين أنا أعرف انه اللي تخاوي بنات ما تتأثر بهالأشياء !!!!
تدرون كأني عطيتها بكلامي هذا كف على وجهها !!
سكت و طالعتني و هي مهي مصدقة الكلام اللي سمعته
دانيا :............................
أميره : لا تطالعيني كذا و لأني صادقه في كلامي !! أساسا هاللي تسوينه انتي و خويتك غلط لا يرضي الله و لا رسوله حكاية انه يكون لي وحده أحبها و تحبني و أغير فطرتي
طب يا شيخه اللي فيها فيني أحبها ليه ؟؟؟ قال أحبها قال .... و الله مجنونه و في الأخير يعني لو حبيتيها بتتزوجينها ؟؟؟ لا طبعا و أكيد بتصلحون أشياء شاذه مقرفه و تضيعين نفسك و الله العظيم غباء و بلاهه و شذوذ الله لا يبلانا و لو كنتي وصلتي لهالمرحله فالله يخلف علينا !!!
بعد هالموشح ضربت عالطاوله بعصبيه رهيبه و قامت ...
أول مره أشوفها تطالعني كذا بهالطريقه ......
دانيا : خلصتي يا أميره ...... حياتي و انا حره مب أحسن من اني أحب واحد و أضيع و يضيعني ...... المجنون هو انتي أنا أضمن مستقبلي
قمت و طالعتها ببرود و قلت :
أميره : ما شا الله وش يضمنك انها ما تضيعك يا أم المستقبل ليه ناقصك حنان ؟؟؟
قالت و هي متنرفزه عالآخر
دانيا : يوووووووووه انتي الكلام معاك ما يفيد !!!
شلت شلايلها كعاده خوفا من المواجهه و طلعت !!!!!!!!
أنا كنت مره منقهره طفشانه مقروفه من عمري
____________________
الساعه :08:30 مساءا
بدلت ملابسي عالسريع و طلعت من البيت قلت للسواق يوديني أي مكان أغير جو مليت من جو البيت مليت من الأشكال اللي اشوفها كل يوم و من الحياه اللي تصدمك في العالم ليت كل الناس يدرون ان الحياه نقطة سودا كل يوم تمحي نفسها بنفسها و تعيد نفسها و تتكرر !!
وقفني السواق عند مطعم فرنسي مره مره رايق دخلت المطعم طبعا استقبلني المضيف من عند البوابه بالترحيب دخلت !
كانت الأنوار ساهره جدا و رومنسيه و كل واحد في حاله اخترت طاوله بعد ما خيرني الجرسون كانت الطاوله اللي اخترتها مطله على الشارع مدري ليه حظي كذا دايما تكون الطاولات اللي أختارها مطله على الشارع !!!
جلست و طلبت قهوه فرنسيه بالكريمه و تشيز كيك بالفانيلا
حطيت شنطتي في حضني و فتحتها مدري وش حطيت فيها سكين و دايم من جيت لدبي و السكين ما تفارق شنطتي اهداني اياها ابوي الله يرحمه عطر غلوس وردي محفظه مرايه مناديل كلها حركات حريم !
و من المحتويات جوالي و تعليقة ألماس يالله وش جابها هنا رفعتها في النور أتأملها ...
تبرق من داخلها بريق رايق و لمعان عجيب مثل قلب فيصل بالزبط ياه وش كثر متعبته معاي !!
رديته للشنطه و انا أبتسم ... تدرون انه واحشني.... قصدي وحشني جنونه !!
و الله أنا ما ينعرف لي صدق وش ابي !!
جاني الطلب جلست اشرب القهوه بصراحه رهيبه مره و تفوق أحس اني من جد فوقت .
قمت أطالع الناس اللي حولي و أتاملهم و احلل أوضاعهم ...
رديت للشارع اللي قبالي لأنه من راقب الناس بات هما وش بستفيد لو عرفت !!!
في الشارع : شدتني صورة واقعيه لإنسان وسيم جدا لابس الشماغ و العقال و الثوب و كاشخ كأنه عريس ليلة زواجه جالس في سياره بانوراما سودا و فخمه جدا في يده اليسار سيجاره و اليد اليمين ماسك فيها الجوال يكلم و يبتسم بين وقت و الثاني بخبث مدري ليه حسيت انه قاعد يكلم بنت ناوي يلعب عليها الحركات اللي يسويها بيده تقهر و هو ينفخ السيجاره ببرود قاتل !!
تخيلته قالب من الجليد مستحيل يذوب
و كأنه انسان محنك و دارس كل خطوه يسويها و يقيسها بالملي و السانتي !!!!
السيجاره كانت تحرق نفسها بين يدينه بنفس برود صاحبها في الأخير بعدها عن فمه و رماها بقرف ....
مدري ليه في ذيك اللحظه تخيلت ان البنت بالنسبه لشاب مستهتر مثلها مثل السيجاره !
يلعب فيها لين تحترق و يسحب آخر أنفاسها بعدين يرميها و يدوس عليها بجذمته و يمشي !!
في نفسي حقدت عليه و تمنيت ان هذا كله يكون تخمين !!
رديت لكوبي و حلاي و قمت آكل ...
رن جوالي فجأه ....
يوه حوسه على بال ما اطلعه من الشنطه يكون طفش اللي يتصل و انقهر مني !!!
شفت شاشة الجوال ..... فيصل !!!
يوه و ربي ما وده يفهمني هالإنسان ليه ما ادري !!!
مع انه وعدني انه ما راح يتصل ؟؟
رديت .......
أميره : ألو
جاني صوته الدافي !
فيصل : هلايالغلا
أميره : ممكن اعرف ليه دقيت !!
فيصل : آسف بس اشتقت لك !!
كان ودي أقوله و انت بعد وحشتني بس مدري ليه !!
فيصل : سكتي .... يعني تبيني اسكر !!!
أميره : ياليت و الله
تدروني اني ما ودي يسكر !
فيصل : طيب يا معشوقتي تامرين على شي !!
أميره : سلامتك يا قلبي ؟؟
آآآآآآآآآآآآآآآآه ليه قلتها و ربي انا مجنونه
سكرت بسرعه من الحيا قبل ما اسمع رده
صدق اني ما استحي !!!!
رديت دقيت عليه
أول ما رد قلت بعفويه
أميره : أنا آسفه يا فيصل مب قصدي اسكر في وجهك و الله آسفه
فيصل : أحبك أحبك أحبك
أميره : ......................
فيصل : أنا اللي آسف اني احرجتك و انتي بالمطعم ؟؟؟
قهرررررررررررني !!
أميره : وش دراك اني بالمطعم !!!
فيصل : احساسي
أميره : لا يا شيخ تبي تقنعني ان احساسك قالك اني في مطعم
قام يضحك الا فطس من الضحك
أميره : مع السلامه
قلتها بعصبيه و انهيت المكالمه و قمت
طلعت من المطعم و وقفت بالشارع باقي للحين سيارة الخبيث اللي خمنت انه
يلاحق البنات موجوده !!!
دقيت على سواقي يجيني ...
مدري ليه شدني الفضول أقرب من السياره أكثر و أسوي اني مريت من جنبها !!
و فعلا مريت من جنبها و طالعت اللي بداخلها بحقد ركبت سيارتي و قلت للسواق يوديني للبيت كنت أضحك بجنون في داخلي لأني حسست ذاك الإنسان بالرعب يوم طالعته !!!
دخلت للبيت ما لقيت أحد بالصاله مسكت الدرج أبي أطلع ....
صوفي : مس أميره شو اخبارك ؟؟
أميره : اهلين صوفي ؟؟
صوفي : بدك شي رايحه اشتري شويت اغراض
أميره : لا مشكوره بس لا تتأخرين
صوفي : ok مس أميره
طلعت للصاله بالدور الثالث .... استغربت النور اللي أشوفه في غرفة التلفزيون !!
رحت لغرفة التلفزيون و فتحت الباب !!!
تفاجأت !!
لقيت دانيا و وحده معاها في وضع لا يحسدون عليه و الله حقاره و قذاره !!
لحظه ذهول .....
و الأكيد انهم تفاجأوا فيني !!!
يالله كان من أصعب المواقف اللي مرت علي في حياتي !!
ما كنت أشوف من كثرة الإنفعال و العصبيه و القهر اللي متعب قلبي
أول ما شافوني دخلت وقفوا .....ارتبكوا .... تفاجأوا ... توتروا
دانيا كانت تطالع الأرض و البنت اللي معاها كانت مذهوله تتترقب ردة فعلي
دخلت بهدوء و وقفت قبالهم مباشرة و انا أبتسم التفت بحركه سريعه على البنت و أعطيتها كف و أنا أصارخ بإنفعال ...
أميره : لا يا قلبي كملي خلصي مهمتك يمكن تنتعشين أكثر .....اطلعي بره بيتي يا حقيره بره يا وصخه بررررررره لا بارك الله فيك برررررررررره !!
دانيا تفاجأت فيني و البنت على طول طلعت من الغرفه ...
أول ما طلعت التفت لدانيا ... و ابتسمت ؟؟
أميره : ارفعي راسك طالعيني يا راعية الخويات و الحنان ارفعي راسك و كلميني !
رفعت راسها و قامت تطالعني بإنكسار و دموع
دانيا : أميره لا تفهمين غلط !!
أميره : و بعد تردين علي يا ........ ؟؟
ضربتها على وجهها و انفعلت أكثر و قمت أضربها و هي تصرخ كنت أشد شعرها و أضربها بيدي و أسحبها على الأرض ..
دانيا : أميره الله يخليك خلاص حرام عليك آه يا أميره اتركيني !!
كنت مجنونه في ذيك اللحظه و هي كانت تصرخ و تبكي من الألم
و تترجاني أتركها بس !!!
لما تركتها رحت لغرفتي و سكرت بابي و قمت أبكي بإنفعال و اهتز بعنف عمري ما توقعت أسوي كذا
وين خواتها عنها .... طلعوا معقوله!!
ما في أحد غيرها و كيف جت خويتها لدبي كنت متوقعه انها
بديرتهم وش جابها هنا ؟؟؟!!
حسيت انه مب أنا اللي أعرف نفسي مب انا أميره !!!
صرخ صوت عنيف في داخلي
اليوم ... ضربتي دانيا عشانها تخاوي بنات بكره .... بيقتلونك أهلك لأن أخوياك شباب !!!!
مرت ذكرى سريعه قدام عيني ...
رنا : جتني اليوم رضوى قال وشو معجبه ؟؟ أموره اذا أنا نفسي ما حبيت واحد كيف راح أحب وحده منتهى الشناعه !!
أميره : ممكن أحب واحد بس وحده مستحيل
رفعت نظارتها
رنا : انتي متهوره و مجنونه آخاف تنتكسين في يوم من الأيام يعني شوفي مثلا المره اللـ ..
قاطعتها و ضحكت بلامبالاه و قلت :
أميره : (ذوو النفوس الدنيئه يجدون اللذه في التفتيش عن أخطاااء العظماااء )
رنا : عظيمه ... يالعظيمه !!.. و طلعت أنا دنيئة !!
قالتها بسخريه و كأنها تقول بتشوفين الأيام بتوريك !!؟؟
رحت للدرج المقيت اللي فيه الحبوب المنومه و أخذت بس مدري كم حبه !!
في شي يجبرني ألجأ لهالحبوب يمكن هروب من الواقع مدري !!
بلعت حبوبي و شربت كاس مويه و قمت أبكي بإنفعال و أحس بألم فظيع في يدي !!
.......................
*
*
*
*
*
*
*
الساعه : 12:30 مساءا
آه يا راسي
فتحت عيوني ببطء مني مستوعبه انا وين !!
حسيت بيد تمسح على شعري و تمسك يدي و انسان يبكي قربي
فتحت عيوني شفت خياله هالإنسان و رجعت غمضت عيوني مره ثانيه
فتحتها بس هالخيال اللي تخيلته اختفى ماله أثر و أنا في غرفه بروحي ريحتها
مطهر و السرير اللي ممدده عليه بارد ...... أول شي خمنته اني بالمستشفى !!
قمت بسرعه جلست أطالع العالم اللي حولي !!
مالقيت أحد غير الظلام و نور خافت كان فوق راسي ... قمت بسرعه نفضت الشرشف الأبيض عني و مشيت فتحت الباب و طلعت !!
الممر هادئ ساكن بس مدري ليه كنت أشم فيه ريحة المرض و الموت و الجنون !!
مشيت و أنا يالله أتماسك !!
طلعت من الممر و رحت للمصعد و نزلت للدور الأرضي أول ما فتح الباب قابلتني وحده من الممرضات ...
كانت مستغربه وضعي مره
الممرضه : وين يا اخت !!
طالعتها بإنفعال و دفيتها و طلعت من المصعد..
أميره : أقول وخري عني و اطلعي من حياتي !!!
ضحكت بهستيريه و بشاعه و مشيت كل اللي بالدور الأرضي يطالعوني بإستغراب
كنت امشي و اطالعهم بغباء وش تبون انتم !!!
فجأه قابلني أمير و مسكني بقوه متفاجأ
أمير : وين يا أميره ؟؟
أميره : ابعد عني أبي أطلع من هنا ما ابي هالمستشفى خلاص مليت من المستشفيات
ابتسم لي ابتسامه فهمت منها انه يخدعني أكيد بيقول للمرضات يضربوني ابرة مهدئ !
و يتركني هنا أكيد دانيا قالت له اني مجنونه و تهجمت عليها !!!
أمير : طيب روحي البسي عباتك
قلت بطاعه :
أميره : ان شا الله
رجعت مع الممرضه اللي أخذتني لغرفتي سكرت الباب و طلعت
دورت على عباتي المزعومه .... لقيتها لبستها بسرعه و غطيت وجهي و طلعت خفيه
نزلت بالمصعد للدور الأرضي مره ثانيه و هالمره محد انتبه لي !!
و الله الحجاب نعمه من رب العالمين ... المهم اني طلعت من المستشفى !
و رجعت بتكسي للبيت دخلت لقيت البيت هادي جدا طلعت لغرفتي بسرعه
و سكرت بابي تنهدت بإرتياح انه محد درى عني فصخت عباتي و رميتها على السرير
جاني صوت مخيف من وراي ...
انفجعت و قمت التفت للي وراي ببطء و خوف و أنا متأكده اني اعرف صاحب هالصوت
لقيته !!!!!!!!!!
آآآآآآآآآه مب معقوله ...
لاااااااااااااا
*
*
*
*
*
*
*
*
أميره : الجوهره لاااااااااااااااااا يا بنت انتي هنا ؟؟؟
حضنتها بقوة مشتاقه لها حييييييييييييل يا حياتي
أميره : كيف جيتي هنا كيف !!!
الجوهره : لا تنسين تراك معطيتني المفتاح !!
و قامت تلمس وجهي بإستغراب
الجوهره : وش فيه وجهك كذا ؟؟ و بعدين وين كنتي ؟؟
رميت طرحتي عالسرير و فتحت النور
أميره : بالمستشفى !!
الجوهره : في المستشفى !!! خير ان شا الله لا يكون فاتحين لك المستشفى سبيل !!
ضحكت على كلامها وقلت :
أميره : مدري عن اخواني ؟؟ كل ما شافوني تعبت شوي قاموا رموني بالمستشفى !!
الجوهره : و بتظل حياتك مستشفيات و ابر و مغذيات خلاص انا نفسي مليت ارحميني !!
أميره : مدري عنهم ؟
الجوهره : لا يا شيخه مدري عنك !!! و قوليلي يالبرنسيسه وش سبب دخولك المستشفى هالمره !!!
قلت بهدوء
أميره : الـ خ و ي ا ت !!
رحت جلست على الكرسي الهزاز
قامت الجوهره تطالعني بإستغراب
الجوهره : خويات يااااااه يا اميره هالمصطلح السخيف كنت اسمعه بالجامعه
و بعدين منتي راعية هالحركات و لااا عندك خويه من وراي !!
قلت بقرف ..
أميره : أعوذ بالله تفي من بأك يا بت وش هالكلام أنا !!
و قمت أأشر على نفسي بإستغراب
راحت للطاوله تصب كاس مويه
الجوهره : أجل !!!
أميره : طيب اسمعي يالشيخه بقولك السالفه كلها
و قمت أحكي لها كل اللي صار من وصول خوالي و عيالهم هنا الى آخر مشهد أتذكره
الجوهره : كل هذا يصير معاك و أنا ما أدري ؟؟
أميره : مدري عنك !!
الجوهره : بس بيني و بينك فيصل مسكين يحبك وافقي على عرضه انه يتزوجك و استقري و خلصينا يكفيك مغامرات !!
أميره : أما اني اتزوج فيصل هذي كثري لي منها فتحت باب البلكونه و قمت أطالع الحديقه .... جت وراي !!
الجوهره : و اذا على دانيا اللي دخلتي بسبتها المستشفى تستاهل ماجاها لأنها شاذه و قليلة أدب !!
أميره : طيب و الإنسان اللي أحسه قربي دايم و الخيالات اللي أتخيلها و الشخصيه اللي بداخلي و تجبرني اني أقتنع اني مجنونه صدقيني يالجوهره اني أحيانا ما أدري وش الأشياء اللي صلحتها قبل ساعه لأني أكيد اني ما كنت بوعيي لما سويتها !!
الجوهره : تدرين لازم تتعالجين عند طبيب نفسي !!
أميره : لا يا شيخه عشان يقولون عني مجنونه و تتأكد شكوكهم لا الله يعافيك خلينا نغير هالسيره الهباب !!! الا قولي لي مين استقبلك من أهل البيت ..
الجوهره : ما غير صوفي و .......
دنقت راسها مستحيه و كملت
الجوهره : و .......عبدالهادي
ابتسمت أبي أغيظها
أميره : يا عيني يا وعدي ما يمديني على شغل الحب و الرومنسيه و وافقتي عليه من وراي ها و حتى ما تشوريني !!
الجوهره : لا يا شيخه كنتي ولي أمري !!
أميره : لا كنت ولي عهدك هههههههههه
الجوهره : بس خلاااااااااااااااااااااص ....
و قامت رمت علي علبة مناديل كانت في يدها
على حظها تفاديت الضربه فطاحت علبة المناديل من ورى سور البلكونه و سمعنا صوت
واحد يتألم لأن علبة المناديل كانت خشب للأسف !
دنقنا روسنا نطالع مين اللي جت عليه العلبه !
لقيناه ....... عبدالهادي !!!
قمنا فطسنا ضحك و حنا نسمع عبدالهادي يحسب علينا هههههههه
الساعه : 04:00 عصرا
صحيت متاخره متكاسله قمت تسبحت و صليت بدلت ملابسي لبست بلوزه ماسكه لونها وردي و أصفر مره رايقه فرايحيه لبست تحتها بنطلون أبيض و جزمه نعومه صفرا
فليت شعري و حطيت ميك آب خفيف رايق و نزلت لهم ...
أول ما شفت بوجهي في الصاله
دانيا صديت عنها و قلت بقرف :
أميره : يالله يوم خير ؟؟
سلمت عليهم اللي هم خالتي حليمه و سلطانه اللي مب عارفه سالفتها مع مشاري من ذاك اليوم .. و الجوهره و ابتهال و عبير
جلست جنب الجوهره و هم يتهامسون بعدين طالعتني عمتي حليمه بشك
حليمه : ما شا الله عليك صحتك اليوم ممتازه
قالت لها الجوهره و كأنها فهمت قصدها
حطت يدها على راسي و هي تمسح على شعري
الجوهره : كل يوم ما شاء الله عليها صحتها ممتازه و تمام بعد !
خالتي حليمه هزت راسها بشك مدري وش واصلهم كلام عني ؟
ردت سلطانه بحدتها المعتاده و صراحتها اللاذعه !!
سلطانه :اذا محسبين أميره مجنونه مثل ما قالت دانيا فهي أعقل مني و منك فلا تسوون لي حركات الحريم حقتكم و انتم عارفين الحقيقه و تستغبون و تتهمون المسكينه !
الجوهره المجنونه حطت يدها على فمها و طلعت صوت ضحكه مكتومه من الكلام اللي قالته سلطانه قمت قرصتها من خصرها ..
حليمه : و مين قالك اننا نقول انها مجنونه !!
سلطانه ابتسمت ببرود و مدت يدها بتاخذ قطعة حلى من عالصينيه !!
سلطانه : يعني ما سمعتكم أمس تحشون في البنت !؟
خالتي حليمه وجهها قلب ألوان !!
كملت سلطانه : و غير كذا اكتشفت ان المجانين هو انتوا بس المشكله انكم مب مقتنعين بهالشي !!
قامت خالتي حليمه و هي معصبه هزت راسها بإنفعال و راحت
ابتسمت لسلطانه بكل الإمتنان و عبير و ابتهال يضحكون و يتهامسون كالعاده !!
الجوهره : عن اذنكم شوي ؟
قامت و مسكت يدي وسحبتني بقوه غصب عني قمت وراها
رحنا قريب من غرفة السفره
الجوهره : أما بنت خالك هذي خطييييييييييييييييره روعه !!
أميره : يا حبي لها صح لسانها شوي سليط بس و ربي تعجبني صراحتها !!
استندت عالباب و قلت ...
أميره : ما في مثلها ثنتين !!!
تنهدت الجوهره بحزن و سكتت
قمت أتأمل الرخام اللي عالجدار ياه قديش حنا تاعبين أنفسنا بلا شي و أشين ناس و الناس اللي ما تدانيهم تلقيهم هم اللي فيهم الخير أكثر من الناس اللي تحبيهم و تغليهم
طلعت من تأملاتي و أنا أطالع باب غرفة الموسيقى عمري ما دخلتها الا مره وحده
إبتسمت بفرح و مسكت يد الجوهره و قلت
أميره : تعالي بوريك شي مره خطير !!
الجوهره : وشو !!
فتحت باب الغرفه و دخلنا شغلت الأنوار كانت تنفتح بالتدريج !!
الجوهره : واااااااااااااااااااو
قامت تدور في الغرفه بذهول
أميره : وش رايك !!
الجوهره : فوق الوصف !!
أميره : و تدرين من بين كل هالآلات الموسيقيه ما أعرف إلا للبيانو
الجوهره : طيب حلو لأني أنا ما أعرف الا للكمان وبس
أميره : من صدقك .... و الله مب مبين عليك !!
الجوهره : لا يا شيخه وش محسبتني !!
أميره : أجل يالله ممكن نختار أغنيه و نعزفها عالبيانو و الكمان !!
الجوهره : يالله !!
رحت جلست قبال البيانو و هي جلست عالكرسي الكبير و مسكت الكمان مسكة محترفين و الله اللي يشوفها ما يعطيها نهائيا !
الجوهره : وش الأغنيه ؟؟
أميره : أنا بعزفها و انتي خمنيها و وريني شطارتك
قالت و الحماس يبرق في عيونها
الجوهره : يالله
و بديت أعزف أغنية أليسا
بعدين غنيت ..
معئوله انااا جنبك هنااا
عيشين بشوء مااا بينتهيش
من اللحظه عمري ابتدى
من الحلم دااا متصحنيش
شوي سمعت صوت الكمان و هي تكمل عزفها
و تبتسم لي انها عرفتها !!
خليني أعيش و انااا بين إيديك
مااا تغبش يوم بعدك ماااليش
مااا يكفنيش في الشوء اليك
مليون غراام مااا يكفينيش
أنا مره انسجمت و كأني أطلع كل اللي في داخلك .
من دااا اللي يأدر يبعدك
عني و يسرء حبنااا
انااا بالليله دي بوعدك
على طول هنبئ لبعضنااا
خليني أعيش و انااا بين إيديك
مااا تغبش يوم بعدك ماااليش
مااا يكفنيش في الشوء اليك
مليون غرااام مااا يكفينيش
.......................
سمعت صوت تصفيق حار من عند الباب
صوفي : برافو مس أميره مس جوهره اكسلانت
سلطانه : و يقولون عنك مجنونه ....... المجانين !!!
أنا مت من الضحك و الجوهره فطست مسكينه من الضحك لدرجة ان عود الكمان طاح عالأرض !!
ابتهال : بصراحه روعه الواحد ما يعطيك انك موهوبه أبدا
عبير : عزف حلو و صوتك أحلى
طالعتها و انا عارفه انها مقهوره مني ...
التفت أبي اطالع الجوهره
عيني تعلقت بالشباك لأني شفت وجه يطالعني !!! شوي يختفي !!
ابتهال : وش فيك ؟؟
التفتت تطالع الشباك اللي أطالعه
أميره : ها لا و لا شي
ابتسمت بشك و قالت
ابتهال : ايه أهاااا
و الله اني مجنونه نسيت ان كل حركه أصلحها مع هالناس محسوبه و تعتبر بالنسبه لهم جنون !!!!
مجانين ؟!!
بالله صدق أنا مجنونه !!!!؟؟
(( أحيااانااا تكون الإستفهااامااات عن بعض الأشياااء أجوبة للكثير من الغموض ))
|