البارت السابع عشر
الساعه : 09:12 صباحا
*
*
*
*
كانت الحديقه هاديه جلست على طرف المسبح و أطلقت لرجولي العنان !!
و أنا أطالع يدي و باقي بقايا جروحها صحيح تشافت بس بقت آثار قالي الطبيب
مع الوقت بتزول ...... و الله ما ظنتي !!!
قمت أطالع لموية المسبح و أتأمل حركة رجلي فيها و أتذكر صوفي !!!
كانت تحكي لي قصتها بجموح عجيب و أنا كنت مستغربه
انه باقي انسانه مثلها بعد كل اللي صار لها عايشه !!!
صدق لما تشوف مصايب غيرك تهون عليك مصيبتك !؟؟
قصتها بدت لما كانت انسانه مجتهده في دراستها نجحت و قررت تسافر لبريطانيا تكمل دراستها و بما ان حالة أهلها الإقتصاديه تحت المتوسط صاروا يجمعون لها الفلوس عشان تسافر و تحقق أحلامها و تشوف مستقبلها و تجيهم بشهادة ترفع الراس ...
سافرت لبريطانيا بعد عناء في جمع الفلوس و عاشت مع وحده بريطانيه كانت كاتبه اعلان تبي أحد يعيش معاها طبعا عاشت صوفي في غرفه من هالبيت و كانت تدفع اجارها كل شهر
بدت حياتها هناك عاديه سجلت بالجامعه و صارت تدرس مثل باقي الناس !!
المشكله ان البنت اللي عاشت معاها كنت خبيثه شقتها دايما فيها شباب واحد طالع و واحد داخل و ريحة الخمره مستحيل تفارق البيت !!
خلصت الترم الأول بالصعوبه لأن نفسيتها تأزمت مع هالبنت !!
قررت صوفي في الأخير تدور على سكن أفضل من هذا ؟؟
صاحبة البيت زعلت و بدت تعطي لصوفي وعود بإنها راح تراعي راحتها و شعورها
و تبطل تدخل شباب بالبيت !!
و فعلا كانت صاحبة البيت عند وعدها و كملت صوفي دراستها على خير !
انتهت من الدراسه و جت بترجع لأهلها بس ترجتها صاحبة البيت تجلس كم يوم
عشان تسوي لها حفله صوفي ما حبت تكسر بخاطرها فجلست !
سوت صاحبة البيت لها حفله صاخبه عزمت فيها كل أصحابها
في الحفله صب لها واحد من الشباب كاس عصير فشربته بحكم انها ما كانت تشرب الخمر
بس للأسف كان العصير فيه منوم !!!
صحت المسكينه من النوم لقت نفسها في غرفتها بدون ملابس !!!!!
قامت مثل المجنونه تشوف وش صار لها !! لبست ملابسها و طلعت من الغرفه ....... لقت صاحبة البيت مقتوله !
*************
قطع تأملاتي صوت أمير
أميره : ما شا الله صاحي بدري !
جلس جنبي و قال :
أمير : طبعا لأن اليوم بيجونا ضيوف !!
أميره : مين ؟؟
أمير: خالي مطلق و خالي عبدالكريم و عيالهم
طالعته بإستغراب
أميره : يجون من وين !!
أمير : من الديره يا أميره ركزي شوي ؟
أميره : يوه يا أمير يعني بيتمون عندنا كم يوم
أمير : فتره من الزمن علمها عند رب العالمين
أميره : أوف !!
أمير : أميره الله يرحم لي والديك تحمليهم لا تسوين مثل ما صار مع أهل أبونا !!
قلت ببرود :
أميره : مب يدي لو كنت ما أطيقهم ؟؟
أمير : و مين يطيقهم بس خالي مطلق و عبدالكريم طيبين
يمكن عيالهم هم اللي ما أدانيهم و خصوصا مشاري هذا انسان كريه !!
أميره : بإذن الله راح أحاول !!
أمير : عفيه عليك ... أنا كلمت صوفي عشان تهتم بشؤون الملحق لأن محد فيه عبادي
طالع و فيصل سافر ...
طالعته و أنا منصدمه
أميره : .................
أمير : وش فيك ؟؟
أميره : ها ...... سلامتك !!... متى بيجون !!
أمير : اليوم العصر ان شاالله
جلسنا نسولف شوي بعدين طلعت لغرفتي
رحت أشوف جوالي لقيت مسج من
نفس رقم المجنون !!
فتحت المسج
غلااا الروح .... غجريتي الجميله ... فاااتنتي
يااا منبع الحب و روعة اشجااانه سااافرت اليوم
و مع كل خطوه أحس بنااار بعدك
وصمت همساااتي في كل ليله
الين اليوم رغم صدك أحبك
أحبك رغم آهااات قلبي
أحبك لا لفيتي و لا جفيتي
أحبك في وجودك و في غيااابك
تركت لك يالغلااا في حديقة الورد هديه
أتمنى تعجبك .....
مجنونك : فيصل
يا ويلي عالمسج وش هذا مسج غيرعادي كأنه قطعه موسيقيه كأنها أبيات شعر
واااااااااااااااو بصراحه انسان غريب !!!
حطيت الجوال عالطاوله و طيران على حديقة الورد
قمت أدور بين الوردات لين لقيته كرتون حجمه وسط
كان مغلف بتغليف أسود و أحمر !!
رحت لغرفتي و الفضول ذابحني أبي أشوف الهديه
جلست عالسرير و بديت أفك الغلاف و أفتح الكرتون
فتحت الكرتون لقيت أوراق و علبه صغيره
فتحتها كانت عباره عن سلسله ناعمه من الفضة و تعليقتها عباره عن
قلب صغير من الألماس ...
قمت أقرى الأوراق
كانت عباره عن خمس أوراق كل ورقه قصه منفصله بروحها
اخترت لكم مقتطفات من كل ورقه ..
الأولى :
كيف كااانت بديتنااا ؟
حبيتك و صديتي !!
شغلتي البااال و التفكير
من أول نظره لعيونك
أميرة الشوق
و الحب و اللهفه و الغلااا و الغرااام ...
الثانيه :
أميرتي ... قاااتلتي
يااامن حركت الهوى في سكوني
أغلقت آهاااتي هنااا بين يديك
لأنهل من حبك و لو من بعيد
أحبك
الثالثه :
الغلااا موجود
و الحب يحكي قصتي في غلاااتك
مااا اصدق ...
مااا يقولون عنك ؟؟
انت الغلااا و غيرك في عيني ما يسوون !!
الرابعه :
أحكي قصتي مع غجريتي
ملهمتي !!
عودة مع الزمن الى أول لقاااء
الي عينين سكنهااا الهدير
لتعكس انطباااعاااتي الغااائره
عن أول حب
( انك الأولى و مااا يتبقى من نساااء الأرض ..... ذرااات رمااال )
الخامسه :
شكرااا ...قليله قليله قليله
فرحي الليله شجن
و المساااكن قااالت افراااحك أمل
و ابتدى ليلي الطويل
مع أغااانينااا الحزينه
شفتك بعيني طيور
و الهوى شوق و بحور
أفتكر شوقي بعينك
و محبتنااا في جبينك
و الأغاااني في شفاااتك
تحكي القصه الحزينه
قصة المغرم حبيبك
مجنون قصتك الحزينه
أحبك .......
وش رايكم ؟؟؟!!
آآآآآآآآآآه يا ناس كل هذا أنا لا لا مب معقول على كثر ما حبيت بس مب كذا !!!
رديت الأوراق للكرتون و حطيتها عالطاوله لبست العقد
و أنا سعيده حيل مب عارفه كيف و ليش !!!
*
بعد العصر
تسبحت و لبست بلوزه ورديه مخصره ضيقة
لبست تنوره سكري ضيقه لتحت الركبه بشوي
فليت شعري كان غجري بسبت المويه
استشورة غرتي و حطيت شريطه بيج على شعري ركبت عليها فراشه ورديه
و فيها فصوص ذهبيه لبست ساعه ذهب مرصعه بالألماس و حلق ألماس جدا خفيف
كنت بلبس تعليقة فيصل بس لونها ما يناسب
لبست صندل وردي ناعم بدون كعب و دعجت عيون بالكحل و مررت الكحل السائل
على أطراف عيوني برسم مدقن !
حطيت ميك أب ذهبي خفيف و مررت عليه الوردي
و حطيت على شفايفي غلوس وردي
تعطرت بعطري المفضل بريحة الفواكه
شلت جوالي و نزلت
البيت كان مجهز لإستقبال الضيوف !!
صوفي هذي مديرة منزل رائعه !!
طبعا الضيوف و صلوا دخلو الحريم للصاله و الرجال بالمجلس الكبير في الحديقه
عيلة خالي عبدالكريم زوجته بدريه و بناته دانيا و سلطانه و ديمه و عياله
جواد و معيض و فارس و لافي
عيلة خالي مطلق زوجته حليمه و بناته عبير و ابتهال و شيخه
و عياله مهند و مشاري ..
شفتوا كيف بتطيح على راسي ؟؟
قامت صوفي بالضيافه يا حبي لها ترى ما أعرف أضيف أحد !!
بدريه : الله يرحمك يا حصه و الله ربيتي ما شالله
دانيا كانت توها مخلصه الثانوي
دانيا : واو بصراحه القصر في منتهى الروعه
أميره : الله يسلمك يا قلبي عيونك الحلوين
حليمه : ما شا الله عليك يا أميره كبرتي و صرتي حلوه
أميره : الله يسلمك خالتي تسلمين هذا من ذوقك
بقية البنات كانوا ساكتات
بقولكم بصراحه هم ناس طيبين بس تطلع لهم طلعات أحيانا الله المستعان
دانيا مره حبوبه و رومنسيه و متهوره و دايما تخربها ( هذا ما اكتشفته أخيرا)
سلطانه اللي ما يعرفها يقول انها شايفه نفسها حيل مدري على ايش !!! بس طيبه و رزه و انيقه حيل !!
ديمه مالها ملامح لشخصيتها تسكت بعدين ترمي لك القنبله ؟؟
عبير مربوشه و فرفوشه و سوالفها مره حلوه !!
ابتهال مخطوبه و مملكه فمسويتلي فيها عاقله !
شيخه دلوعه ياي ... كل شي تتحسس منه و أحسها خبيثه هي فاتنه جدا لأنها مسويه في وجهها عمليات تجميل وش كثرها تقدرون تقولون ( الجمال العصري الإصطناعي )
بس من جد ملفته جدا أكثر من ما انها حلوه !!
طبعا صوفي كانت مختاره قائمة الغدا فكان غدا رايق بمعنى الكلمه
تغدوا و بعدين طلعوا لغرفهم
حشى هذا ما صار بيت ....... الله يهديك يا أمير فاتح لنا سويت مدفوع الثمن !!
شكلهم كانوا تعبانين من السفر صدق !
الساعه : 08:00 مساءا
ياه أخيرا خلصت الروايه "" لا تغيـــب ""
روايه رومنسيه تحكي قصة واحد حب وحده من صورتها بدون ما تدري عن حبه لها
في الأخير يموت و توها تدري عنه انه في واحد في هالعالم كان يحبها !!
تمططت بملل و طلعت أشوف وش صار على الضيوف من قام و مين نام ؟؟
رحت لجناح البنات لقيتهن جالسات حول طاوله في بلكونة الصاله يسولفن
لابسات قمصان النوم كلهم معدى شيخه كانت لابسه توب نيلي على بنطلون ابيض جالسه تحط منكير أحمر لأظافرها !
أميره : أهلين يا حلوات ؟؟
ردوا علي بصوت واحد : هلا فيك
دانيا : و الله بيتكم مره كشخه و حلو عاجبني مررررررره
سلطانه قالت بترفع
سلطانه : عصري جدا
أميره : وش فيكم جالسين بدون أكل كذا وين القهوى و الشاهي و الحلى ؟؟
ابتهال : استحينا نقول لـ...... وش اسمها ؟؟
قلت مصححه
أميره : صوفي
ابتهال : ايه صوفي ؟؟
أميره : يا أمورات لا يردكم الا تلفونك اطلبوا اللي تبونه كم بنات خال عندي غيركم ؟
عبير : مشكوره يا ذوق انتي ؟
نزلت لصوفي و طلبت القهوه و الشاهي و الحلويات و المكسرات و خلافه
رجعت جلست مع البنات
بلكونه الصاله في الدور الثالث كانت مطله على الحديقه بالكامل كانت البلكونه كبيره
جدا !!
جلسنا نسولف و نتقهوى ..
كانت سلطانه واقفه عند السور تاكل الحلى و تطالع الحديقه بشرود
تركت البنات يسولفون و رحت لها
أميره : اللي ماخذ عقلك ؟؟
ابتسمت و قالت :
سلطانه : تدرين ؟؟
أميره :.......
قالت و ملامحها تتغير بالكامل بشكل مخيفه
سلطانه : أكرهه ما أدانيه ؟
طبعا محد يسمعها غيري لأنه المسافه بينا و بين البنات بعيده شوي !
قمت أطالعها بذهول من خلال معرفتي لسلطانه هي طيبه بس عندها شموخ بذاتها وصلها لدرجة التكبر محد كان يفهمها غيري صحيح أسرارها لنفسها بس ما كنت أتوقع
انها تكلمني بهالطريقه و تفصح عن مشاعرها !!
أميره : مين ؟؟
بنفس ملامحها ما تغيرت و قامت تأشر عليه
سلطانه : مشاري
قمت أطالع هالمشاري اللي تكرهه سلطانه الله يعينه
من ناحية التقييم ما قدرت أقيمه لأنه كان بعيد شوي
و بصراحه ما أعرف عن عيال خوالي شي ؟
بس صار عندي فضول اني أعرفه !!
رجعت للبنات و تركت سلطانه في تأملاتها
أميره : بنات وش رايكن نروح السوق ؟؟
بعد اعتراضات جت بسبب انهم تعبانين من السفر
طلعت بالآتي : شيخه ما تبي تروح لأنها تبي تسوي مساج ليدينها و رجلينها
و ابتهال ماتبي تروح لأنها تعبانه
و ديمه مالها خلق تطلع قال ايش تبي تكمل الروايه
أوف قروب ما يشجع ... سلطانه و عبير و دانيا هم الحماسيين اللي وافقوا
كل وحده راحت على غرفتها تلبس
لبست لبس هادي جدا و لبست عبايه سوده مطرزه في أطرافها بتطريز هادي
لبست جزمه بيضا بدون كعب و شنطه تفاحي ...
و طلعت لقيت البدع !!
سلطانه عبايتها حلوه مثلها الفراشه و أكمامها مطرزه بالذهبي
و متلثمه و شايله شنطه بيج غامق
دانيا كانت كاشفه وجهها مره طفولي لابسه لبس أحمر
عبير كان لبسها جدا رايق و عباتها ناعمه جدا مطرزه بالأزرق
و شايله شنطه ملونه بمختلف الألوان
بلغت عبدالهادي يبلغ أمير اني طالعه للسوق و رحنا
في السياره كانوا كلهن ساكتات ما غير همس و السواق مشغل الراديو عالإف ام
و الإهداءات شغاله بالطابور
بصراحه حنا نسمع الإهداء و الأغنيه موضوع الحلقه في البرنامج كان يتكلم عن الحب
المذيعه : تفضل أخوي فيصل
فيصل : حبيتها بصمتي و سكوتي مب عارف هل هي ما تدري عني أو تدري بس تكابر و تتغلى
المذيعه : كيف عزيزي ما فهمت ؟!
فيصل : ينقال دايم ان اللي يحب يتعذب في الحب و أنا قبل ما أحب ..........
المذيعه : للأسف انقطع الإتصال و ما سمعنا فيصل .... و نرجع و نقول ألو مين معنا
في البدايه حسيت بحراره في جسمي تخترقني الا هذا فيصل فيصل اللي أعرفه مجنون أميره ......... حاولت أكون جدا طبيعيه و أكمل يومي عادي !!
و صلنا للمول و بدى الإستهبال
بصراحه تفاجأت
أميره : توكم يا مال العافيه ساكتين وش عجب اللحين ؟
دانيا : ما تعودنا يا أميره في ديرتنا نتكلم في السياره و اللي يسوق بنا سواق ؟
هزيت راسي بتفهم و قلت :
أميره : بس اتعودتوا تسولفون في المولات قدام الله و خلقه !!
عبير : يوه يا أميره مب لهالدرجه
دخلنا المول و حنا نضحك و نسولف و أحيانا عبير تضحك بصوت لا إله الا الله عالي !!!
خصوصا لما قمنا نسولف عن جدتي أم أمي شريفه اللي في الديره !!
سلطانه : يا بنت عيب احترمي انها جدتك
عبير تابعت ضحكها و قالت :
عبير : تواكب الموضه هههههه لا و معاها جوال أبو كاميرا ههههههههه
بصراحه فطسنا ضحك و سلطانه ودها تضحك بس يمنعها شموخها و نفخة راسها الزايده
دانيا : عجوزه صف أسنانها نزل و طاح لا و تحط روج و روج أحمر بعد ههههههه
قمنا نضحك من قلب و حنا عند محل الإكسوارات
سلطانه : بس خلاص الناس قاموا ينتبهون لنا !!
عبير : يا ابو السلاطين مين راح يهتم هههههههههه
سلطانه : خلص الكلام !!!
قالتها بحزم شديد
سكتنا يوم سمعناها و قمنا نتفحص البضاعه كل وحده شرت لها شي معدا سلطانه ما عجبها شي بس تبون الحق سلطانه عليها لبس لا اله الا الله رايييييييييييق قليل عليه رايق !!
أحيانا تلبس أشياء نادره ما تجي الا بطلبيات و أحيانا تلبس ألوان عجيبه لو قلتها
لكم بتقولون يع وش هالقرف ؟؟؟ بس ما شفتوها عليها رائعه جدا و هالبنت تعجبني
أناقتها نادره و مختلفه عننا ؟؟
طلعنا من محل الإكسسوارات و قمنا نلف و نتفرج
دانيا : آه يا بنات تعبت و جعت ودي نروح المطعم نروق و نتعشى
وافقنا عالإقتراح و رحنا للمطعم طلبنا الطلبات بعد مضاربه و جا دور سلطانه
سلطانه: ما يحتاج أشوف المنيو ... أبي مثل طلب أميره
يا ويلي عالرزه اللي ذابحتها !
جا العشا و قمنا نتعشى و نسولف
أميره : دانيا ما قلتي لي وش نتيجة الثانوي ؟؟
قالت و هي تاكل قطع الدجاج
دانيا : زفت و الحمد لله
ضحكت على ردها و قلت :
أميره : طيب سجلتي بالجامعه ؟؟
عبير : تدرين عاد سجلت في قسم التغذيه ؟؟
أميره : اكشخ يا حركات يا هووو ياحقين التغذيه
قمنا نضحك فجأه
سلطانه : الحقير !!!!!!!
طالعنا سلطانه و بصراحه تفاجأنا فيها و هي تقولها هالكلمه مره قويه
أميره : سلطانه وش فيك ؟؟
قالت ابنفعال و هي تهتز
سلطانه : قوموا بسرعه
دانيا : نعم و العشا ؟؟
قامت بعصبيه
سلطانه : بعشيكم في أي مكان تختارونه بس هنا لا ياالله
دانيا : شايفين اللي أشوفه هذا مشاري ولد خالي مطلق
عبير : مشاري أخوي ؟
قالت دانيا بسخريه
دانيا : لا أخوي
و قمنا مشينا بسرعه نزلنا من الدرج و طلعنا من المول
ركبنا السياره و مشينا
حسيت سلطانه ارتاحت حيل ودي أعرف وش سالفتها ؟؟
قالت و صوتها مفعم بالإرتياح !!
سلطانه : يالله وين تبون تتعشون ؟؟
أميره : أنا أعرف مطعم حلو عالبحر وش رايكم ؟؟طبعا الكل وافقوا
و رحنا للمطعم !!
طلبنا أسماك و ربيان أكلات بحريه الله يعين عالسمنه المفرطه اللي راح تصيبني
جلسنا نسولف لين جا العشا
أميره : سلطانه وش سالفتك مع مشاري هذا ؟؟
قالت دانيا متحمسه تبي تقول السالفه
دانيا : و الله يا طويلة العمر السالفه و ما فيها انـ ........
طالعتها سلطانه بنظره مثل الجمر حاده نظره تحذيريه لهيبيه بسم الله علينا هذي مب نظره !!
هذي مسدس عيار عشرين !!!
سلطانه : بنت ............!!!!
لهجة آمره ناهيه
نزلت دانيا راسها و قالت
دانيا : آسفه
قلت أبي أرقع الموقف
أميره : معليش آسفه تدخلت في شي ما يخصني
طالعتني سلطانه ببرود و سكتت
قمنا ناكل بصمت خلصنا الأكل و طلبنا القهوه و الشاي
عبير : يا ويلي عالكآبه اللي انتوا فيها ؟؟
رفعت راسي بأرد عليها ....... شفت الكرسي اللي جنبي انسحب !!!!!!
و جلس عليه واحد طويل و عريض بسم الله
قمت بسرعه معصبببببببببه
أميره : وش تبي انت يا ..........
قاطعتني عبير ..
عبير : هذا أخوي مشاري يا أميره
أول ما سمعت هالجمله لا اراديا التفت أطالع سلطانه !!
كانت تطالعه بحقد نزلت الطرحه على عيونها و جلست ساكنه مثل الصنم !!
بعدت الكرسي عنه و جلست كان بينا فراغ بسيط
مشاري : أميره بنت خالتي حصه !!
قالها بترفع فظيع ..
مشاري كان انسان رززززززززززززززززززززززززززززه
وسيم حيييييييييل عيونه سودا عذاب و نظراته حاده جدا تشكك الواحد في نفسه على خده في جرح مخلي ملامحه مثل الجنود اللي أشوفهم في الأفلام بعد المعارك بس بكل الإعتبارات حسيت هالجرح معطيه جمال و زايده وسامه !!
كان لابس بلوزه بنيه و بنطلون أسود و بين وقت و الثاني يرفع خصلات شعره اللي تطيح
على جبهته كل بعد فتره كان يحرك يده بطريقه غريبه و مدروسه ...انسان عجيب !!
مشاري : وش جايبكم هنا ؟
قلت و انا أتأمله ...
أميره : انت اللي ليه لاحقنا لهنا ...
سلطانه دعست على رجلي دعسه و ربي خلتني أصرخ صرخه آآآآآآآآآآآآآآه
خلت مشاري يطالعني بحده !!
قال و هو ينادي الجرسون
مشاري : يعجبني الإنسان اللي يجيب من الآخر ... بطبعي ما أحب اللف و الدوران !!
.. كمل و هو يكلم الجرسون
جيب واحد معسل تفاح و بيره بربيكان بالشعير !!
يوم سمعت الطلب حسيت بطني قلبت يع يع و ستين يع !!!
عبير كانت ساكته كأنها خايفه منه حتى و لا كانت تطالعه دانيا كانت حاقده عليه
دانيا : بتجلس معانا ؟؟
ابتسم بمكر و قال و هو يحط رجل على رجل
مشاري : يضرك في شي !
أميره : لا ما يضرنا في شي بس مثل منت شايف الجلسه بناتي
طالعني بحده و قال بطريقه مسرحيه :
مشاري : لما تكون جلسه بناتي في مكان بناتي ممكن تقولين ماله داعي وجودي لكن لما تكون في مكان
مليان شباب أعتقد انه يتطلب وجودي !!
عليه ريحة عطر يا ناس آآآه روعه و اسلوبه في الكلام صح أسلوب حقير بس خطير !!
جا طلبه ... حط الجرسون الشيشه جنبه و مد له ليها و قام يحط له الجمر و يرتبه
كان يسحب أنفاس سريعه من الشيشه و ينفخها في الفضاء تبعثر نفسها مع الهوا
كنت أتأمله بهدوء و أطالع ملامحه بتأمل يمكن أقدر أطلع شي عليه شموخ مب طبيعي
حسيته من الرجال اللي كلمتهم وحده يعني لا رجاء و لا توسلات اللي تخليهم يغيرون كلمتهم أحس أفكاره وسخه و ما عنده ضمير و الحل عنده دايما الإنتقام !
و بصراحه شدتني ريحة عطره !!
قمت ناديت الجرسون رفعت يدي !!
قام مشاري مسك يدي و نزلها بعصبيه
مشاري : في رجال هنا تطلبي منه ينادي لك الجرسون ؟؟
أنا عصبت و قلت :
أميره : و اذا ما أبي أقوله ..
مشاري : تجلسين في مكانك و تحترمين وجودي ؟؟ و لا انتوا يا عيال مساعد ما عندكم حشيمه !!!
يوم قال هالكلمه حقدت عليه عصبببببببببببببببببببببني !!
شلت كوب الشاي الحااااااااااااااار اللي كان عالطاوله و كبيته عليه
أميره : اللي ما عنده حشيمه هو انت و أبوي لا تطري اسمه على لسانك يالتافه فاهم !!
أحسن يستاهل ......... مرت لحظه ذهول و صمت البنات طالعوني مصدومات قصدي بعباره أوضح مصعوقات ... و الناس انتبهوا لنا !!
شلت شنطتي من عالطاوله و طلعت من المطعم طبعا الناس أكلتنا عيونهم و هم يطالعونا !!
وقفت برى المطعم طلعت جوالي و دقيت عالسواق
يوه بيتأخر يقول انه بعيد رحت للبحر و قمت أتمشى عالشاطئ لأنه المطعم نفسه كان عالشاطئ !!!
واحد مثل هذا يتحكم فيني أنا !!
ليه خلصوا الرجال من الدنيا !!!!!!!
و بعدين أخواني اللي هم أخواني ما سووا مثله و الله لو أقول عاللي
صار لي لعبادي كان أمداه ذبحه من زمان يوه وش هالناس ؟؟
تذكرت كلام أمير اليوم لي يقول :
أمير :و مين يطيقهم بس خالي مطلق و عبدالكريم طيبين
يمكن عيالهم هم اللي ما أدانيهم !! و خصوصا مشاري هذا انسان كريه !!
يحق لك يا سلطانه تكرهينه وش هالإنسان إلا وش هاللسان السليط !!
أعوذ بالله ما يعرف للأدب ول !!
دقيت عالسواق مره ثانيه و أنا معصبه
أميره : وينك لمتا بتم في الشارع ان شالله
السواق : ان شالله مس أميره اللحين يجي !!
شميت ريحة عطر قويه و تدوخ .............
التفت لورى أبي أرجع لقيته واقف قدامي و ربي ارتعت
أميره : انت !!
طالعت لبلوزته البنيه بسخريه ليتك انت و بلوزتك تحترقون !!
طالعني بنفس الترفع
مشاري : يالله امشي قدامي عالسياره
أميره : ايش نعممممممم أي سياره .... أنا برد البيت مع السواق مالك دخل فيني ؟؟
مسك يدي بعصبيه و شدني
مشاري : أقول يالله ....
أميره : آه ابعد يدك عني ..
قربنا من المطعم و هو يسحبني
شفت سيارتي واقفه هناك
حاولت أتخلص من يده كانت قبضته قويه و ضاغطه على يدي
سحبت يدي من بين يدينه بالشده قام ضغط عليها و هو يضغط على يدي اللي كانت قريبه
من صدري و يشدني فشد معاه طرف البرقع !!!!!
انكشف وجهي ..... من البلاهه اني ما ربطت البرقع زين يا ربييييييييي ؟؟
وقف و قام يطالعني بذهول ترك يدي اللي كان شاد عليها بهدوء
مرت لحظه صمت قمت أطالعه بصدمه و هو يطالعني مدري شلون !
صرخت في وجهه
أميره : بتم تطالعني كذا لمتى هاااااااااااااااا !!!
ما تحرك فيه ساكن و قام يطالعني انا ارتبكت رفعت البرقع و صديت عنه ربطته زين على
راسي رحت لسيارتي اللي كانت وافقه تنتظر عند المطعم ركبتها و مشينا ؟؟
رجعني السواق للبيت متأخر بعد ما لفيت شوارع دبي لف و أنا بالعاني أبي أتأخر ..... يا ربي ليه الناس كذا شرسه !!
و متوحشه على بعضها !!!
طلعت لغرفتي دايركت و رحت أتسبح لبست قميص فوق الركبه لونه أصفر
و تمدد عالسرير بطفش !!
حسبي الله و نعم الوكيل ما توقعت هالمشاري بهالوقاحه وش سالفته مع سلطانه ؟؟
سمعت طق خفيف عالباب ...
قمت جلست و قلت :
أميره : تفضل ؟؟
طلع لي راس دانيا من ورى الباب وجهها طفولي حيل يريح
و يمكن تكون باقي طفله !بس لاء في الأخير ما طلعت طفله !!!
دانيا : ممكن ادخل
ابتسمت و قلت :
أميره : تفضلي ؟
كانت لابسه قميص سماوي فيه دب كبير لونه أبيض
جت جلست جنبي و قالت :
دانيا : أول مره أشوف مشاري مكسور ؟؟
طالعتها بفضول ..
أميره : ليه !
دانيا : ردنا البيت و هو ساهي و سرحان ......... بغينا نسوي حادث !!!
انسدحت على ظهري و حطيت يديني ورا راسي و قلت
أميره : خليه ينقلع !!!
قامت تضحك ...
دانيا : أحيانا أحزن عليه ...
أميره : ليه !!!
انسدحت جنبي و قالت :
دانيا : لأنه طليق سلطانه !!!
قمت جلست بإنفاعليه و طالعتها بصدمه ....
أميره : اييييييييييييييييييييييييييييش !!!!!!!!!!!!!!!!
دانيا : ليه ما تدرين !!!
أميره : طبعا لا .......
قطع كلامي صوت جوال دانيا
أول ما شافت الرقم ردت و هي تبتسم بمكر قامت تكلم بصوت خافت و ناعم
دانيا : هلا حياتي وصلتي !!... ايه حبيبتي لا يا روحي انتي .... متى لا لا خليه بعدين
و أنا كنت أطالعها بإستغراب غير طبيعي !!
تركتها و قمت رحت للبلكونه أتأمل الحديقه يمكن تقولي شي يرحمني من عذابي و ضيقي
دانيا :أموره
التفت و طالعتها ببرود
أميره : نعم !!
دانيا : تدرين مين كنت أكلم ؟؟
دخلت الغرفه و جلست جنبها عالسرير
أميره : مين يعني ؟؟
قالت بمكر
دانيا : خويتي !!!
أميره : يعني ايش ما فهمت ؟؟
طالعتني بإستغراب و قالت :
دانيا : شوفي هذا !!
ورتني سلسله معلقتها على رقبتها عباره عن خاتم فضه
تذكرت حركات البنات الوصخه اللي في الجامعه إعجاب حب و مصخره و ق ل ة ح ي ا !!!!!
أميره : أها ....... و انتي يعني مبسوطه انه عندك خويه ؟؟؟
دانيا :طبعا وش ورانا خلينا نعيش و نلعب على بعض ؟؟
طالعتها بإستغراب و انا سرحانه في ملامحها غريبه يطلع هالكلام منها ؟؟
توني أقول عنها الطفله صارت تعرف أشياء أنا نفسي ما اعرفها !!
و بعدين اللي يشوفها يقول انها في المتوسطه مب وحده كبيره داخله الجامعه !
أميره : كيف تلعبون على بعض يعني فهميني ؟؟
قربت وجهها من وجهي و ابتسمت و قالت :
دانيا : ما تعرفين حركات الإعجاب يا أميره ...... نشتغل نظام حب و تعرفين عاد الحب لا اشتد بين البنات لين وين يوصل !!!!
بعدت وجهي بقرف و قلت :
أميره : ق ل ة أ د ب !!!
قامت من جنبي و راحت لتسريحتي و هي تطالع نفسها في المرايه
دانيا : لا قلة أدب و لا شي ؟؟
التفتت لي و كملت
دانيا : اسمه عيشي حياتك و استانسي !!
تدرين عاد اللي ناقصها حنان أعطيها حنان وش فيها يعني ؟؟
أميره : حنان يعني كيف فهميني ؟؟
دانيا : يوه يا أميره انتي ما تعرفين شي ؟؟
قلت لها بهدوء
أميره : تزيديني ثقافه لما تقولين لي يا دانيا .....
عصبت و غيرت ملامحي و قلت ...
أميره : أقول قومي انقلعي على غرفتك يا قليلة الأدب !!! صدق ما تستحين !! تدرين هذا وش يسمونه ؟؟؟
قامت تضحك
دانيا: وش يسمونه يا أميره ؟؟
شلت المخده في يدي و وقفت ......
أميره : يسمونه شذوذ ياللي ما تستحين يعني حراااااااااااااااااااام ؟؟؟
و رميت عليها المخده و هي ميته ضحك
طلعت من غرفتي و هي شوي و تطيح من كثرت الضحك !!
( للحرااام لذه لكنهااا وقتيه )
|