البارت السادس عشر
الساعه :09:25 صباحا
*
*
*
*
*
صحيت من النوم ...لا .... باقي ما صحيت
آآآآآآآآه يا ربي ليه صحيت من النوم ليتني نمت أكثر
كل ما أتذكر سالفة أمس احس برجفه فظيعه تسري بجسمي !!
و كل ما اتذكر كلام الجوهره لي أتمنى أموت ألف مره !
الجوهره : تدرين اللي تسوينه هذا شي يسمونه الناس المحترمين .... سفاله !!!
نفضت البطانيه عني و أنا اتذكر كلامها اللي مثل السم و جلست حطيت يدي على راسي مسحت على شعري و ممرتها على وجهي و غصبن علي دمعه خانتني !!
رجعت بذاكرتي لأحداث صارت قبل سبع ساعات في الحديقه ...
أميره : فيصل !!!
فيصل : أحبك يا أميره
قرب مني و أنا أبعد عنه بخوف جيت بأهرب منه طحت عالأرض بسبب الظلام
أميره : آآآآآآآآآآآآه
جاني بسرعه و كان يبي يلمس رجلي ........ بس رفضت و منعته
أميره : ابعد عني لو سمحت !
تركته بسرعه و دخلت للبيت طلعت لغرفتي و انا اتلفت وراي و أتألم من رجلي
آي تعورت حيل !!
قابلتني الجوهره بالغرفه و هي معصببببببببببببه
الجوهره : كل شي صار بالحديقه تراني شفته ؟؟
ابتسمت بتعب و قلت :
أميره : كنت راح أقولك أصلا وش صار ؟؟
الجوهره : لا يا شيخه انتي وش سالفتك بالزبط .... ؟؟؟ انتي بنت ناس محترمين يا أميره !!! محد راح يرضى بهالكلام صدقيني
طالعتها ببراءه
أميره : أنا وش سويت ...؟؟!!!!
الجوهره : أبدا ما سويتي شي .... ناصر ... عبدالله ... و فيصل بعد !!! كلهم صفتوا في قائمتك السودا مين بعد باقي ؟؟
طالعتها بذهول و هي تمر قدامي
الجوهره : تدرين اللي تسوينه هذا شي يسمونه الناس المحترمين ....
سفاله !!!
سفاله !!!
سفاله !!!
تردد صدى هالكلمه في الغرفه و في أركان عقلي اللي مهو مستوعب بجد كنت مصعوقه !!
كملت بحده
الجوهره :نقول ناصر ولد عمك و لا راح يطلع من بينا ... طيب عبدالله و فيصل بالله مب عيب عليك
استحي على وجهك و انتبهي لنفسك وش هذا اللي انتي فيه !!!
سمعتك كانت بتصير في الأرض لو ناصر تكلم !!!
و انتي كنت مقتنعه بهالشي و عارفته !!!
صح و لا لا اعقلي يا مجنونه و عيشي بأدب بعيد عن هالأشياء و المصاخه اللي تسمينها مغامرات !!! ساعدتك لأني ما أبيك تتزوجين واحد مثل ناصر بس بتسوين لي ساحة حب واحد داخل و واحد طالع لااااااااااااااااااااء فاااااااهمه !!!
طلعت من الغرفه و صفقت الباب بقوه وقفت دقيقه مب مستوعبه البشاعه اللي كانت تتكلم فيها ........ و بعدين انا ليه ما أعترف ..بصراحه بقولكم على شي كلام الجوهره صح !!
بس أنا مجنونه مني قادره أستوعب الموضوع بالله انا كذا في نظرها و في نظر ناصر ..!!!
أحس حياتي كلها رواية مهمله تقطعت صفحاتها مع مرور الزمن ؟؟
و لفحتها الرطوبه و مسحت الكتابه اللي عليها فتحولت لروايه صامته بصفحات فارغة
أكلها الزمن ؟؟!!
حرااااااااااااااااام و ربي حرااااااااااااااااام ليه كلهم علي ليه ؟؟
في هاللحظه رن جوالي كان جنبي عالطاوله شلته و رميته بقوه عالجدار !!
حتى جوالي خر ساكت و مات ...!!!
ليتني أموت أبي أمووووووووووووووووووووووووووووووووووووووووووت
فهمتوا يا ناس أبي أموت !!
سمعت طق على بابي قمت مثل المجنونه قفلته بالمفتاح و قلت بعصبيه
خلاص اتركوني بروحي ما أبي أحد ما أبيكم ارحموني خلاص خلااااااااااااااااااص
خلاص ... انهرت عالأرض و قمت أبكي و أضرب الباب بيدي مثل المجانين
قمت و رحت للطاوله بلعت حبتين منوم و رحت لسريري أسحب نفسي بالقوه
أحس بألم في جسمي و في رجلي بالذات !!
آه يالجوهره ليه ليه و ربي حرام عليك حراااااااااااااااااااام
( هكذااا ننظر للحقيقة دائمااا .. على أنهااا مرااارة لابد من الإعتراااف بهااا .. مهمااا كااانت السبل للإعتراااف بذلك .. فااالحقيقة مره )
الساعه : 08:30 مساءا
قمت اطالع الفراغ و السكون و اللاشي توضيت و قمت أسحب نفسي سحب للسجاده !!
صليت و أنا أبكي و اشهق بقوه ليه ليه يا ربي !!
خلصت الصلاه و تكومت على نفسي و قمت أبكي مب عارفه وش أقول ؟؟
قمت فصخت شرشف الصاله و رحت للمرايه أطالع وجهي ... كنت ساهيه أطالعها و اكلمها !!
ليه يا دموعي تحرقيني و تختبين بين طيات الحزن
ليه أنتظر فرقى الحياه بالوقت و الثانيه
التفت لسريري فجأه
أميره : رنا !!
رنا : أدري انك ضايقه و تعبانه و مظلومه بس انتي غلطانه بعد ما في حب في هالزمن !!
أميره : طيب ليه ما في ليه يا رنا طيب أنا احب بإخلاص حبيت ناصر و شوفيه وش يصلح
فيني !! و عبدالله
رنا : لا عبدالله انتي ما حبيتيه انتي حبيتي تعوضين النقص اللي خلفه ناصر فحطيتي عبدالله مكانه ...
أميره : تعبت تعبت يا رنا أدري اني غلطت و دي أصحح غلطي
رنا : اتركي عبدالله ... و انسي الحب عيشي حياتك من جديد بحبك لعالمك اللي حولك
لأنه ما في حب في هالزمن
أميره : أنسى عبدالله !!
رنا : مثل ماجاك فجأه ... انهيه من حياتك !!!
أميره : و فيصل و حبه لي
رنا رنا رنا لااااااااااااااااااا لا تتركيني أرجوك ردي علي أرحميني من عذابي رنا
قمت أبكي بقوه آه يا ربي ارحمني رديت للمرايه و قمت أطالعها !!
لااااااااااااااااااااااء لاااااااااااااااااااااااء
و قمت أضرب المراية بقبضة يدي بقوه و هستيريه
تكسر القزاز و قام دمي يتناثر في كل مكان
و أنا أضرب المرايه بكل قسوه اضرب صورتي أضرب حياتي آلامي اللي عذبتي
العالم المخيف اللي انا عايشه فيه الوحوش اللي فصور بشر مب راحمتنا !!
انهرت عالأرض و قمت أطالع يدي اللي تجرحت بجروح عميقه بسبب القزاز
لقيت قزازه كبيره من المرايه على الأرض مسكتها و صرت أضغطها بيدي بقوه و أنا أتألم
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآه
بديت أسمع أصوات ركض عند غرفتي و طق قوي عالباب المكان صار دم ملابسي شعري اللي مب مرتب كل شي حولي .... حسيت اني باقي ما بردت قلبي
أمير : افتحي الباب يا أميره
أميره : و خروا عن حياتي ما أبيكم انتوا تكرهوني بعدوا عني بعدوا ارحموني
خلوني أعيش .....
عبدالهادي : أميره افتحي يا أميره أميره
قمت و الجروح اللي بيدي تحرقني رحت للحمام فتحت الصيدليه و قمت أصب
على يدي ديتول مركز حرقني بشكل فظيع آآآآآآآآآآآآآآح صبيت العلبه كلها على يدي
و طلعت من الحمام و باقي الدم ينزف قعدت عالسرير ...
فتحت الدرج اللي جنب سريري و طلعت الألبوم الكبير اللي فيه أجمل لحظات حياتي
قمت أتصفحه .... قلبت الصفحه على صورة أمي بالمزرعه!!
قمت أطالعها آه يا يمه صحيح كنتي بعيده عني بس عالأقل ما راح ترضين انه يصير لي
ربع هاللي صار لي !!!
رفعت يدي على الصوره و قام الدم ينقط على صورتها ... و على وجهها بالتحديد !!!
بس انتي يا يمه متي و انتهى الموضوع علمتيني الإعتماد على النفس كيف يكون و تركتيني اعيش على كيفي أختار طريقي بروحي و شوفيني هالحين ما فلحت !!!
حتى بعد ما متي عذبتيني !!
و حطيت يدي بكاملها على الصورة اللي انطمست كل الملامح فيها بسبب الدم
قلبت الصفحه كانت صورة رنا في غرفتها
تدرين يا رنا ....
كانت يدي كأنها غاطسه في بحر من الدم كنت أحس بالألم بس ساكته عليه
حطيت دايره بدمي على صورتها
توقعاتك يا رنا ما طلعت مزبوطه غدرتيني بموتك و رحتي
و قمت أضحك بجنون !!
بس تدرين ناصر قتلني مثل ما قلتي ...!!!
و قمت أضحك بهستيريا
قلبت الصفحات لين وصلت لصورة أبوي ....
الرجل الشامخ راعي المبادئ أعتقد يا يبه انك ربيت و نعم التربيه ؟؟
و النهايه أميره .... اللي دايما في الحياه صورة بدون عنوان !!
صورتها دايما في الأرشيف عليها غبار و ممكن مع الزمن تاكلها الحشرات بدون ما يحس أحد بوجودها !!!
الفلوس صح !!! هذا اللي كان هامك في الحياه الفلوس اللعينه اللي وصلتني لهالحال !!
يا راعي المبادئ .....!!!
قمت أضحك بهستيريا !!
حسيت بألم لا قصدي خمول في جسمي طالعت ليدي كانت ملابسي غرقانه دم و الدم
ينزف من يدي بغزاره بديت أشوف قدامي خيالات و عالم كله بياض ؟؟
صرت أتكلم بدون وعي ...
كلكم مجانين كلكم ...
كلكم تبوني اموت ههههههههه عادي شوفوني أموت هههههه استانسوا و انبسطوا
هههههههه الموت روعه أحسن من عالمكم البغيض ..... و قمت أبكي !!
كنت أسمع دق ناديه على الباب و بكاها المسكينه و صراخها و الله حرام
مسكينه لو بتسقط اللي في بطنها راح اكون انا السبب !!
فصخت التي شيرت اللي كنت لابسته لفيت فيه يدي المجروحه
و قمت خذت لي حبتين منوم !!
الساعه 10:15 صباحا
يوه صحيت لقيت الدنيا حولي دمار ما راح أكذب لو قلت اني جبت فلسطين بكبرها في غرفتي ول شي يروع حوسه غير طبيعيه هذا غير الدم اللي منتشر في كل مكان !!
عالباب عالأرض عالطاوله و السرير و التسريحه ملابسي كلها غرقانه دم طالعت ليدي
اللي كانت ملفوفه بالتي شيرت ....
فكيت التي شيرت عنها و قمت أطالعها آآآآآآآآآآآآآآآآآآآآآآآه شكلها يروع صاير مقرف
صحيح الدم وقف بس الجروح فيها مب طبيعيه ذراعي بعد مجروحه بس ما أحس بأي ألم فيها قمت للحمام توضيت و حسيت ان المويه تجرحني زياده و وجهي كان فعلا يخرع !!
رحت للصيدليه خذت شاش ربطته بإهمال على يدي و خذت كم لصقه حطيتها على يدي
اليسار و ذراعي و طلعت بدلت ملابسي و لبست قميص وردي و قمت أصلي
خلصت صلاتي و جلست أسبح و استغفر بهدوء !
رحت للبلكون فتحت ستايرها و فتحت بابها خلي الشمس تدخل تتفرج على الحرب اللي سويتها أمس ؟؟؟!!!! طلعت للبلكون أشوف الحديقه
كانت هاديه كالعاده ساكنه أصوات العصافير تزينها و زرقة السما الصافيه تعكس بهجتها عليها .
التفت للسور للقيت عصفور صغير طايح جريح يبي المساعده رحت له شلته بيدي اليسار اللي كانت شبه سليمه من معركة أمس ... كان جناحه مجروح رحت جبت مطهر من الصيدليه و شاش و حطيت له و ربطت له جناحه و قمت أمسح على ظهره مسكين
خايف هالعصفور مثلي جريح كسير مب قادره ينتقم لنفسه أو حتى يدافع عنها !!!
حطيته عالمخده حقتي و قمت أدور له أي شي عشان أحطه داخله لقيت سلة الصوف
رتبتها و حطيت في داخلها قطن و غطيتها بقطعة قماش ... حطيته داخلها
و طلعته للبلكون يشم الهوا و يشوف الشمس ؟؟!!
حطيت له مويه في غطى الكريم و كسرت له بسكويت كان عندي من زمان
أميره : مضطره أتركك اللحين ... تصبح على خير ؟؟؟
دخلت الغرفه بس خليت باب البلكونه مفتوح
أخذت لي حبوب منومه و نمت ...
حسيت انه النوم حل مؤقت لمشاكلي !!!
*
*
*
*
*
الساعه : 05:00 صباحا
أقدر أقولكم انه هاليوم الثالث لي في هالغرفه بنفس شكلها ما تغير بنفس دمائها
و كآبتها و حزنها و وحشتها بنفس ألمها و عذابها !!
مثل ما هي كل يوم تسلم عليها الشمس و تغيب أول ما قمت رحت للعصفور
لقيته نشيط شوي عبيت له مويه و كسرت له بسكويت و صبحت عليه !!
رحت للحمام توضيت و طلعت صليت و جلست على سجادتي من كثر التعب لي ثلاث أيام ما أكلت و تعبانه حيل و جسمي مهدود حيل يدي كانت تعورني و كأنها تنتقم مني ؟
فكيت الشاش عنها كان منظرها جدا مخيف
ضغطت عليها بقوه و أنا أتألم فنزفت دم من جديد
جروح ما تتعقم و تجلس بالأيام بدون تعقيم أكيد بتعفن و تلتهب و تنزف !!!
قمت أطالع الدم ينزف من يدي يترى من هاللي راح ينقذني هالمره ... فيصل !!
و كملت بسخريه : ... و لا ناصر !!
ناصر ما يقدر ينقذني لأنه سافر للرياض مشغول رجل الأعمال !!!
ولد الحسب و النسب و لا تنسوا الصفه المهمه و الفلوس الثري الغني ولد العز
ليتني فقيره ... أشوف عيشة الفقراء أفضل و أروق من عيشة الأغنياء اللي كلها قيود
و على قول صوفي (( انتماء للإتيكيت و الترفع التقليدي اللاواعي )) هذا كان رأيها في حياة الأغنياء ... ليتني فلاحه أزرع أرضي الصبح و ارجع المسا للبيت أتعشى و أنام بهنا
مب منومات تهد حيلي ... و تعيشني مع الأموات ياه لو .......
لو ايش !! وش فيني ما كملت الجمله .... لو اموت !!
قمت من على سجادتي فصخت شرشفي اللي تلطخ بالدم و قمت تمدد على السرير و تركت
يدي تنزف على راحتها يمكن يتصفى دمي كله و أموت .... أرتاح و اريح !!
الساعه : 03:45 عصرا
نمت مدري وش اللي نومني لما صحيت كان عبدالهادي يدق على الباب
غريبه ما مت مع ان يدي كانت تنزف بغزاره شكل الدم توقف من نفسه !!
سمعت صوته من ورا الباب
عبدالهادي : لا يكون صار لها شي .... أميره افتحي الباب
قمت تسحبت سحب لين وصلت للباب و فتحته وقفت أطالعهم ببرود و صمت و الكآبه كلها على وجهي انسانه مثلي عايشه على هامش الحياه كيف راح تكون ؟؟
طالعني منصدم مذهول دخل الغرفه و قام يطالعني و يطالع الغرفه
قادمه من عالم الأموات " تقدروا تقولون عني كذا هذا الوصف لايق على انسانه مثلي !!!
جاني مذهول مسكني من كتوفي و هزني ..
عبدالهادي : مجنونه انتي صح
أميره : .....................
عبدالهادي : أميره ردي علي يرحم لي والديك
أميره :.......................
رفع يدين تجاهه و قام يطالعهم
عبدالهادي : وش هذا !!! ........ ليه كذا يا أميره وش اللي تاعبك لهالدرجة عشان
تسويين في نفسك كذا !!
طالعته و قمت أطالع الجمهره اللي عند الباب طالعوني و هم مصدومين
حلا كانت مذهوله و هلا مثلها هيفا كانت حاطه يدها على فمها و الجوهره ما عرفت كيف نفسيتها ذيك اللحظه لأنها كانت متغطيه ناديه نفس الشي أمير و أحمد
دخلوا الغرفه و هم يتأملونها و يطالعوني بصمت كنت مسويه أكشن بقووووه
عبدالهادي : شكلك انجنيتي رسمي !!
رفعت شعري عن وجهي بيدي المجروحه و باقي آثار الدم عليها
أحمد : حنا مقصرين في حقك ؟؟
التفت له و قمت أطالعه بتأمل ساخر .... أصوره بما اني رسامه !!
إنسان ثري حياته يعتبرها فلوس و مظاهر و الأهم شكله بين الناس لازم يكون اسبيشل
سياره جديده بالشي الفلاني كل سنه ساعة تلمع و تعبر عن نفسها بفخر ثوب من أقمشة مدري مين و جزمة ايطاليه جلدها طبيعي لازم الشيخ أحمد يكون كذا دفتر الشيكات قريب منه دايم و قلم مصنوع من الذهب الخالص يوقع بشرف على هالدفتر ....
و هالجملة لازم تكون على لسانه (( كم تبين ؟؟ .... ارسلي لي الفواتير عالشركه .... ))
وين المشاعر وين الأحاسيس وين الحب و الإيثار وين الحياه البسيطه اللي كل الناس
يتمنونها وين !!!
في الكم شهر اللي عرفت صوفي فيهم كانت بعض تعبيراتها الهزليه تعبر بقوه
عن الواقع (( جنتل مان .... بس بدون روح )) هذا كان رأيها في أحمد لما شافته أحيانا يكون انسان بسيط !!
و أحيانا يكون انسان غريب جامد و هو يتكلم في الفلوس !!
تعاملاتي مع أهلي كلها بالفلوس ليتكم تفهمون
اني ما أبي فلوسكم هذي ؟؟
حسيت اني دايخه حيل في ذيك اللحظه مدري شالي جاني طحت عالأرض و ما دريت عن نفسي بعد كذا ...!!!
*
*
*
*
الساعه : 11:55 ظهرا
حسيت بيد تلمس يديني ... و عيون تراقب وجهي
كنت أشوف الواقع بدون استيعاب و الصور اللي تمر قدامي كلها خيالات
صوت يسأل عني بحنان ....
و دمعه تسقط على يديني تعبر عن حنان الشخص اللي قدامي !!
لقيت نفسي بالمستشفى يدي مضمده بعنايه ملابسي نظيفه و بيضا شعري مرتب
كل شي حولي كان يبشر بإني في المستشفى مع الأطباء و الدكاتره المجانين !!
الورد كان مالي الدنيا و ريحته في كل مكان !!
كيس المغذي كيس الدم جهاز تخطيط القلب ... !!
كلها أشياء تعودت أشوفها قريبه مني !!
قريبه من الناس اللي على حافة الموت !!
أو بالأصح بالناس اللي موتهم تحت مخدتهم !!
تعودت بعد على وجه ناديه أشوفه كل ما وعيت من غيبوبتي!
بس اللحين الجوهره اللي كانت موجوده !
الجوهره : الحمد لله على سلامتك
كانت عيونها حمر و وجهها منتفخ شكلها بكت لين تعبت حزنتني و الله حنيت عليها
مسكينه ...!!
الجوهره : ما ودك تردين علي ؟!
أميره : ...................
جت مسكت يدي
صديت عنها و بعدت يدي عن يدها
الجوهره : لهالدرجه ...!!
طق الباب ...
دخلت هالمره دكتوره مملوحه وجهها مريح
ابتسمت لي بود
الدكتوره : صباح الخير أميره كيفج اليوم ؟؟
أميره :.....................
جت قاست نبضي شافت التقرير و الخرابيط للي دايم يعلقونها على السرير
جلست جنبي ...
مسكت يدي المجروحه و قامت تفك الربط
الدكتوره : جرحج كان ملتهب و في قطع صلبه من القزاز ؟؟
الجوهره : متى ممكن ترخصونها دكتوره ؟؟
الدكتوره : متى ما تحسنت حالتها ان شالله بس و هي بهالحال ما أوعدك ؟؟
كنت مبسوطه في داخلي رغم اني ما أطيق المستشفى الا اني أفضلها على البيت و المشاكل
اللي ألقاها ...
الدكتوره : يالله يا أميره شدي حيلج جذي عشان تطلعين !
غمضت عيوني بصمت و تركتها تصلح اللي تبيه في يدي بهدوء
خلصت الدكتوره شغلها و طلعت ...
غريبه ليه ما خلت الممرضات يسوون لي هالأشياء !!!
جت الجوهره جلست جنبي حطت يدها على كتفي
الجوهره : أميره ناصر فركش الخطوبه ؟؟
ابتسمت بسخريه .... اكيد عرف اني مجنونه ففركش الخطوبه ههههههه
أحسن جت منه !! مب مني زين اتهامي بالجنون جاب نتيجه !!
تميت في المستشفى أربعه أيام رخصتني بعدها الدكتوره ..
في هالأربع أيام يوميا غرفتي تتعبى ورد !!
و هلي رايحين جيين علي ما قطعوني أبدا !!
و انسان دايم أشوفه في خيالاتي يمرني كل ليله !!!
ناديه كانت تعبانه حيل في الشهر الخامس يالله تمشي
كنت طول الوقت ساكته و الحزن يغلفني !!
رجعت للبيت و الكل كانوا يطالعوني بخوف (المجنونه ) أكيد خايفين منها طلعت لغرفتي بمساعدة عبدالهادي
عبدالهادي : بتمين ساكته طول الوقت !!
رفعت راسي قمت أطالع الغرفه نظيفه و مرتبه حتى التسريحه ركبوا لها قزاز جديد
تذكرت عصفوري ...
رحت للبلكونه ....... مالقيته !!
أميره : ما شفت عصفوري !!!
كأنه انبسط يوم سمعني أتكلم ....
عبدالهادي : تعالي معاي أنا بوريك وينه ؟
مسك يدي اليسار و مشينا نزلنا للحديقه و رحنا غرفة الطيور ياااااااه اشتقت لهم
اشتقت أسمع أصواتهم و خصوصا الببغاء اللي دوم يقلدني يوم أتكلم !
أول ما دخلناها جاب لي قفص فيه عصفوري جرحه تشافى
بس حسيته حزين لأنه مسجون في هالقفص !!
أميره : ممكن تفتح القفص ؟؟
فتح لي اياها ... شلت العصفور طلعته من القفص و طلعت من غرفة الطيور
أميره : حرام يبقى مسجون هنا و هو متعود عالحريه خليه يعيش و يشوف الناس و العالم
و يعيش حياته مثل باقي الخلايق !!
رميته في الهوا ما صدق على الله المسكين طار !!
أميره : مع السلامه لا تنساني يا عصفوري تذكر اني صوره مرت عليك في حياتك ...
نزلت راسي و قلت بحزن : صورة محروقه !!
عبدالهادي كان يطالعني و كأنه كان يبي
يتأكد من سلامة عقلي هل أنا عاقله و لا مجنونه !!
التفت له و ابتسمت
أميره : أكيد تحسب اني مجنونه صح .... مثلهم تماما !!
عبدالهادي : وش هالكلام الله يهديك ؟؟
أميره : لو ما قالها لسانك بتقولها عيونك اللي ما تخبي أي شي حتى لو كنت شاك اني
مجنونه يبين عليك !!
عبدالهادي : طبعا لا ... كلام كله تخاريف أنا أول واحد يقول انك عاقله في هالبيت
ابتسمت بعدم اقتناع و قلت :
أميره : مب مهم وش تقولون المهم وش اقول انا عن نفسي ؟؟
عبدالهادي : قصدك لأنهم بيسافرون اليوم !!
طالعته بتساؤل
أميره : مين راح يسافر ؟؟
عبدالهادي : كلهم
أميره : و انت !!
عبدالهادي : بتم معاك
أميره : خافوا من المجنونه لا تعضهم فقرروا انهم يسافرون ......... أحسن !
عبدالهادي : وش هالتفكير كل ما في الموضوع ان دراسة أمير بتبدى بكره !!
أميره : تصدقني لو قلت لك ...... انكم انتوا المجانين هههههههه
و قمت أضحك بحزن ...
تركته و رحت على مرسمي كان الباب مفتوح دفيته و دخلت مع اني كنت
مقفلته .... إلا ..... آخر مره لما جيت اتذكر اني قفلته !!
دخلت ... لقيت المرسم مثل ما هو طيب مين كان هنا و كيف افتحوا الباب !!
قمت أتأمل لوحاتي !!
هذي لوحة لطفلة تبكي بألم ياه أتذكر اني لما كنت أرسمها كنت أبكي
و هذي لوحه ليد ينزف الدم منها بغزاره و الورد الأحمر يبكي عليها
و هذي لوحه لصورة عبدالله طالعتها و ابتسمت
أميره : ما اهمك لو اهمك كان سألت و شكرا لأني ما اهمك بس مع كل هذا ...
(( اشتقت لك حيل .......... احتاجك أبيك يا عبدالله ))
شلت هالوحه و حطيتها في دولاب الخردوات و قفلت عليها !!
حسيت برغبه في الرسم فرسمت بس هالمره بالألوان الزيتيه
رسمت البحر يصرخ بصوت مسموع يرتطم بصخور الشاطئ بلا مبالاه
يحكي قصته بألم للفراغ ...
و انسان واقف على هالصخور يطالعها بهدوء هو يسمع حكايات البحر و ساهي
في حكايته مع نفسه !!؟
انسان غامض السيجاره على شفايفه و النظارات على عيونه
و طابع الكلاسيكيه و الغموض مغلفه !!
الشمس مشرقه معلنه عن يوم جديد مشرق بالنسبه للبحر و للإنسان اللي واقف يتأملها !!
ما كملت اللوحه لأني كنت أضغط عالفرشه بقوه ... يدي لافها الشاش فما قدرت
أرسم غير البحر ...
طلعت من المرسم و رحت للصاله كانوا كلهم مستعدين للسفر و السعاده طالعه من عيونهم
تحكي عن نفسها !
غاليه : نشوفك على خير ان شا الله
ناديه سلمت علي ببرود هالمره كأنها هي بعد صفتت معاهم !!
سلموا علي البنات بخوف ملحوق بنظرة قرف .... أما الجوهره فجت حضنتني
الجوهره : كان ودي أتم معاك عشان ........
رفعت يدي قدام وجهها و قلت
أميره : عشان أبوك رفض ....... يا جوجو متعودين يا قلبي على هالردود روحي و القلب يدعي لك ؟؟
بعدتها عني بهدوء و طلعت لغرفتي أتصفح الذكريات بألم !!
بعد سفرهم مرت الأيام علي بهدوء من بدى أمير الدراسه صرت أنا و الجدار واحد
مع ان عبد الهادي اللي جلس عشاني كان يطلعني من البيت و يمشيني و يراعيني
و يسولف معاي شوي شوي حسيت نفسي بديت أتأقلم معاه !!
الصبح أروح معاه للصالة الرياضه و نجلس فيها ثلاث ساعات
الرياااضه تنسيك همومك " كان يقول لي هالجمله دايما لما يشوفني حزينه !!
رجع يعلمني اليوغا أنا أعرفها بس من زمان عنها !!
صرت أمشي و ألعب ملاكمه مع كيس الرمل .... طبعا بعد ما تشافت يدي !!
في الظهر نتغدى و بعد العصر نتقهوى بالحديقه و بالليل أنا أروح لعالمي و هو يطلع للشباب اللي تعرف عليهم و اللي كان يعرفهم قبل !!
كان يحكي لي عنهم هاني و مازن و طارق و شلة مراجيج !
يحكي لي عن مغامراتهم و عن فكرتهم في الحياه !
كان يحكي لي عن أحلامه و الفتاه في نظره ههههههههه فتاة أحلامه !!
هو الوحيد اللي حسيت ان الفلوس آخر اهتماماته حتى سيارته ما يغيرها
الا اذا خربت !!! يقول ان الناس مب مصدقين انه من عيلة الحسب و النسب
بس يهتم في أناقته ملابسه ساعاته جزمه و عطوره و غير كذا وسامته الغجريه
ههههههههه و جسمه اللي كان يلفت الأنظار ..
مره دق علي باب غرفتي في آخر الليل
عبدالهادي : ما جالي نوم ؟؟
أميره : عسى ما شر .... تعال تفضل
دخلته لجناحي و قعدنا بالصاله
عبدالهادي : تعبني التفكير ؟؟
أميره : في ايش ؟؟
سكت و هو يبتسم
قلت يعني اني رومانسيه و شاعريه
أميره : فتاة الأحلام ؟
طالعني بإستغراب
عبدالهادي : و انا اقول وش فيه تفكيركم وصخ يالبنات !!.... و الله مب فتاة الأحلام
أميره : ههههههه أجل مين ؟
عبدالهادي : انتي !!
أميره : أنا وش فيني أنا ؟؟
عبدالهادي : ليه ما تشتغلين في الشركه ما أحب أشوفك كذا جالسه أحب المره
تشتغل و تطلع و تتعلم من الدنيا و الناس
ابتسمت أطالعه
أميره : عرضت على اخوي أحمد فرفض
ضغط على شفايفه بقهر و قال :
عبدالهادي : أخوك أحمد هذا انسان قديم و رجعي مدري كيف تفكيره !!
أميره : ما اسمح لك
عبدالهادي : تراه أخوي أنا بعد
و قمنا نضحك
في ذيك الأيام كان أمير منهمك في دراسته لدرجة اننا ما صرنا نشوفه الا نادرا
كنت أصلح له الأكل بنفسي ألبي طلباته بنفسي وش تقولون على انسانه مالها شغله
و لا مشغله !
عبدالهادي كان يساعدني و كان يرفع معنوياته
مع انه أول ترم له على قولته مره صعب !!
مره كنت في المطبخ أسوي لي كوب قهوه لقيت عبدالهادي جالس يطالع الحديقه و قدامه عالطاوله كوب حليب
أميره : اللي ماخذ عقلك
عبدالهادي : اهلين اميره صباح الخير ؟؟
أميره : صباح الورد .... وش الدنيا بك و انا اختك !!
عبدالهادي : .................
كان حزين و غيوم الألم مظلله على وجهه
قمت أسوي قهوتي ...خلصت و جلست أتأمله
أميره : عبدالهادي ليه ما تتزوج و ربي راح ترتاح
التفت لي و ابتسم
عبدالهادي : و مين ذي اللي راح تقبل في واحد مثلي !!
طالعت ليده و بعدين طالعته
أميره : صاحبة هالربطه ممكن ترضى فيك ؟
طالع يده و طالعني ؟؟
عبدالهادي : تعرفينها ؟؟
شربت من القهوه و قلت :
أميره : طبعا !!
طالع كوبه و قام يشرب منه بهدوء !!
التفت للحديقه لقيت آخر انسان ممكن أتوقع وجوده في هالبيت نسيته مره !!
عبدالهادي : فيصل و الله خطير هالبني آدم تدرين انه خاطب ؟؟
التفت بسرعه و طالعت لعبادي ...
الكلمه كسرت كل شي فيني حسيت بالألم في قلبي ....خاااااااااطب !!
عبدالهادي : و الله بصراحه الله معاه خاطب بنت عمه و هو ما يبيها !
قلت بصوت عالي معصببببه
أميره : وش مجبره ؟
التفت يطالعني مستغرب هالإهتمام
عبدالهادي : العادات و التقاليد
هزيت راسي و قلت
أميره : مثل حكايتي مع ناصر بالزبط بس أول مادرى اني مجنونه تركني !!
عبدالهادي قام يضحك
عبدالهادي : ناصر هذا انسان فاقد لذاته انسان متعدد الشخصيات بصراحه كنت رافض فكرة زواجك منه لأنه ما يستاهلك بس لما فركش الخطوبه استانست تدرين حتى العم فهد اللي هو ابوه استانس !!!
ابتسمت و رديت أتأمل اللوحه اللي قدامي ......فيصل !!
كان لابسه تي شرت رصاصي و بنطلون برمودا أبيض بس هالمره بدون
نظارات كنت أشوفه بس هو ما يشوفني لأن نظام قزاز المطبخ غريب تشوفين اللي برى
بس هو ما يشوفك !!
كنت أشوف وجهه عدل و أتأمل تفاصيله
عيونه عسليه و رموشه كثيفه تحكي الهدوء اللي عايشه
أنفه و شفايفه مرسومه رسم على هالوجه اللي بكل بساطه يحكي عن الوسامه
بكل تفاصيلها حواجبه مرتبه و ثقيله شعره أسود ناعم قصته جدا عصريه بس حلوه
طويل و عريض .........
أحسه حنون بطريقته هو يحب بطريقته هو يضحي بطريقته !!
مدري ليه احس شخصيته ما وردت علي أبدا !!
و حبه عنيف جدا ......
حزني كلام عبادي عنه ياه الله يوفقه في حياته
قلتها بحزن لأني مدري ليه تفاعلت معاه ان شالله تكون مرته انسانه طيبه و حنونه مثله
*
*
*
*
مرت الأيام و الشهور و أميره محلك سر !!
تعافت يدي بس بقت الآثار و رجعت أرسم من جديد
رجعت الحياه لجوالي و صرت أتفاعل مع الناس
أكلم الجوهره دايم و ناديه و أخواني و أعمامي اللي ما قطعوني
عبدالله اكيد نساني لأنه حتى اماني ما اتصلت و انا حلفت اني ما اتصل
و حذفت رقمها بكل بساطه !!!
و بصراحه ما أكذب عليكم لو قلت اني مشتاقه له و ربي ذبحني الشوق !!!
مسجات المجنون اللي متوقعه انه فيصل ما توقفت مثل ما هي بل كثرت ؟
لدرجة اني سويت لها ملف لحالها في جوالي سميته مجنون أميره !!
خلص أمير هالترم و نجح و كان معدله مره حلو
صلحنا له حفله بينا أنا و عبادي !
اللي انصدمته فعلا ان فيصل يدرس في نفس جامعة أمير بس في مستوى عالي
ماجستير !!
سوت لنا ماري ثلاث تورتات رهيبه و فطاير و معجنات و عصيرات أشكال و ألوان هي بعد كانت سعيده بنجاح أمير ... صوفي صلحت لنا الحديقه على ذوقها و طلعت مره مميزه
قمنا نستهبل و نلعب و شغلنا أغاني و بعدين رقصنا دبكه على صوت عاصي الحلاني
كان جو جدا مرح لنا حنا ثلاثتنا ....
بس تذكرت فيصل أكيد بروحه في الملحق أو انه طالع !
رحت للمطبخ خذت تورته من اللي سوتها ماري و حطيتها في حافظه خاصه بالتورته
كتبت بطاقه نعومه و أنا بعد متخيله انه نجح (( ألف مبروك النجاااح و عقبااال مااا تخلص الدكتوراااه ))
التوقيع : الساميه
أرسلت له التورته و البطاقه مع نورما الشغاله و كنت أدعي من قلب انه يكون موجود
بالملحق ... رحت لعبادي و أمير في الحديقه و هم يضحكون !!
أميره : أمير اذا صديقك موجود ليه ما تخليه يجي يستانس معاكم مب عيب تخليه
بروحه في الملحق ...
أمير: أوف و الله انك صادقه ذكرتيني وش بيقول عني الرجال ؟؟
قام و راح
عبدالهادي : أخوك هذا ما يعرف الأصول
قمت أضحك
أميره : ما أسمح لك ؟؟
عبدالهادي : تراه أخوي بعد ههههههههه
تركته بالحديقه و طلعت لغرفتي قبل لا..يشوفني فيصل و قمت أطالعهم من بلكونتي
ناديت صوفي لغرفتي و جلسنا حول الطاوله اللي كانت في البلكونه
طبعا كذا خالفت قانون الخادم و المخدوم في نظام الإيتيكيت حق صوفي !!
(( يبقى الخااادم عااارف لقدره مهماااا رفعه المخدوم )) و أنا دخلت صوفي لغرفتي لا و جالسين ناكل حلى و نتقهوى سوى !!!!!
تعجبني سوالفها و نظرتها الفلسفيه للأشياء و بما انها تعدت الخمس و ثلاثين من عمرها فأكيد لها فكره عميقه عن الحياه ...
أميره : صوفي وش فكرتك عن الحياه ؟
صوفي : الحياه وعاء زجاجي حنا يالي بنكسره أو نحدث فيه شروخ !!!
أميره : شكلك تقرين كتب فلسفه كثير ؟؟
صوفي : اي طبعا تخصصي فلسفه مس أميره و بحب فلسفه أرسطو و ديبارت ؟؟
أميره : ما عندك أولاد ؟؟
صوفي : نو مس أميره لأني أساسا ما تزوجت
طالعتها بإستغراب :
أميره : و ليه يعني مع اني احس الزواج في بلدكم سهل ؟؟
طالعتني بحزن أول مره أشوفها كذا و لا بالعاده قسمات وجهها تكون جامده
صوفي : مين يالي ألك الزواج ببلدنا سهل هيك فكرتكون يالسعوديين عنا بلبنان ؟؟
أميره : آسفه بس لا تفهمين قصدي غلط
صوفي : ما في داعي للأسف مس أميره لأني عشت الحياه ككابوس فظيع ماوعيت منه
الا لما إجيت لهون !
أميره : ممكن تحكي لي كيف كانت حياتك ؟؟
طالعتني بتركيز و كأنها دكتور في الجامعه يجهز كل حواسه عشان يلقي محاضرته
صوفي : اصتي تبدأ من هون من الزيرو لما كنت شبه الحياه كانت تدحك لي ما بدي إلك كيف كنت بس كيف صرت هيك و الأهم.......... ؟؟
كانت تتكلم بإنفعال و تهز راسها شعرها كان ناعم و يتحرك مع كل حركه تصدر من انفعالها !!
( لو هناااك شيئااا واااحد في حياااتك يستحق أن تحتفل به ..هو أنك مازااالت على حيااا !!)
|