رد ع روايه
البارت الثامن
بعد انتهاء دوام المداـــرس طلعن البنات وهن يسولفن ساروه شافت سيارة سالم ويرت بنات خالها وياها :يلا نسيـــــر بلاكن
روضه بغياض: هيه يلا عشان بالمره نتحمد له بسلامه
عليوه: هزرج ما بيون يدورونا
ساره: لالا ما ظن ههههههههههههه
ضحكن البنات وسارن يركبن وضحوه كانت مستحيه وتدعي عليهن ..
ركبن السياره ...
البنات: السلام عليكم
سالم: وعليكم السلام ورحمةالله وبركاته ...
سارهــ: احم بنات خالـي
سالم: صدق ما شاء الله حد قالج انى ما عرفهن عنبوه انتن من مشيتكن تنعرفن انكن بنات خالى ما شاء الله مجندات
روضه:بتخبرك الحمد الله على سلامه قالوا لنا انحرقت
سالم لف صوب ساره ومسكها من اذنها: ما شاء الله قدج وصلتيه الخبر ضحك وقال وهو يفرك اذن ساره فديتج ساروه والله اسولف الله يسلمج يا بنت الخال
عليوه: ما تشوف شر ان شاء الله
سالم: الشر ما اييج عنبوه الا قهوه
عليوه ضحكت وقالت تعلق على كلامها: انزين ما علم الحرق
سالم: لا لا الغاليه ما علم الحرق اسميني جبيت المرهم كامل في يوم واحد
روضه: ملغوث ولد الخال
سالم وهو يطالع من المرايه: افا والله يا الوضيحي ما تقولين لي الحمد الله على سلامه شبلاج عطينا ويه الغاليه
استحت وضحى وقالت: ما خلن لى فرصه اكلمك استلمنك
طالعنها البنات وضحكن قالت وضحى : احم تستاهل السلامه بوغنيم
سالم: الله يسلمج الغناه اخبار الدراسه
وضحى: تسركــ
سالم: ابا نسبه ترفع الراس
وضحى : ان شاء الله
روضه: جيه بس وضحى تباها ترفع راسك خلاص بنات الثانويه العامه انتن نزلن راسه وانا برفع راس الذيب
سالم :اي ذيب ما حيد عندنا ذيابه
روضه: لا ذياب ولد عمى برفع راسه
ضحك سالم وقال: انزين كل وحده ترفع راس خطيبها انا مالى خص الا في خطيبتيه ...
استحت وضحى وحمدت ربها انها متغشيه ولا جان افتشلت منهم
ساره: ان شاء الله بنرفع راسك كلنا ما نطيع فيك بوغنيم عنى هبلاك
عليوه: بنشوف من اللي بيغلب نحن ولا الوضيحي
سالم: عني بلاكن حطيتن على البنت حطه ان شاء الله ما تيب شي مررره انا راضي انتن شلكن معورات روسكن ويانا مردها بتيلس في بيتي معززه مكرمه دراسه بو دراسه ماشي الا جانها هي روحها تبا الدراسه على هواها ...
ضحكت روضه وقالت: ابرك لها البنت تيلس في بيتها تربي عيالها
وضحى ضربتها بكوعها عشان تسكت روضه قالت: اي اي يا دبه يعور شله ضاربين
سالم ضحك وقال: الله يخليج رويض ظهري انتي من السالفه انا وضوح متفاهمين
عقدت وضوح حياتها متفاهمين انا اصلن متى يلست هياكــ كلام يدور في بالها وخاطرها ..
عليوه: يلا ما بنوصـــــل البيت
ساره: ليش انتى ما تعرفين سواقة سالم يوم الحب عندنا لازم يبطي الدرب وايي من الزحمة عشان بس يحلى له الوقت وييلس على كيفه ...
وضحى انقهرت منهن اوكي ولد خالي بس لا يخطن حدودهن في سوالف ويطنزن عليه شو بيقول الريال بايعينها مره اول ما وصلوا البيت نزلن عليوه ورويض ووضاح...
وساره وسالم راحوا البيت
سالم في سياره معصب: حرام عليها ووضوح ابدا مب عاطتني بال ولا تحمدت لي بسلامه الا عقب ما رمستها
ساره: سالم فديتك وضحى وايد خجولة لا تحسب هي مثل روضه جريئه لا وين روضه عادي انته شفتها كيف تسولف وتضحك وياك عليا تسولف شوي وتسكت لكن وضحى غير خجولة وايييد وانا الحين انها متاكده ان هي معصبه
سالم لف صوبها وقال بصدمه: ليش معصبه...؟؟؟!!
ساره: لان الوضيحي طبعها ما تحب وااايد ترخي الحبل وتسولف ويا اي شخص تخاف ياخذ فكره عنها انها عادى عندها تسولف ويا احد وجيه هي تحب الشخص اللي فاهم عليها بس
سالم ماقنعته الاجابه روضوه ووضوحوه من يوم سارن عند سيف وهن يسولفن ويضحكن ويايه عادى يوم أدق لسيف انا لازم ادق لسيف واشوف شو سالفه ..
نزل من سيارته وسار صوب حجرته سيده بند الباب واتصل بسيف ...
ورن مره مرتين ثالثه رنه بعدها ما كملت رد سييف: الوه
سالم بلوم: راقد
سيف: هلا سالم غفيت من دون ماحس خير فيك شي
سالم: تعبان
سيف وهو يعدل يلسته: بسم الله الرحمن الرحيم من شوه..؟؟ شغلت بالي؟؟
سالم: وضحى بلاها متغيره احيدها يوم هي مسافره تكلمنى عادى ولسانها شو طوله الحين هي ابا اعرف بلاها ساكته ولا حايتني ولا شي الا يوم رمستها وخلاف تحمدت لي بسلامه
سيف: ههههههههه والله ما فهمت شي فهمنى سالفه زين يالسه وتحرطم جنك عيوز قالعنها ريلها
سالم: يا صبر ايوب سمع سالفه وقاله السالفه كلها
سيف وهو يحك راسه ويتثاوب: وانته في ذمتك لين الحين ما عرفت بلاها
سالم: لا
سيف: زعلانه من ذاك اليوم يوم ما ييت عندنا هنيه
سالم: بس انا ما حصلت اجازه الله يعيني على دلع اختك
سيف: ههههههههههههههه تحملها وتحمل غلاستها
سالم:خخخخخخخخ خلالاص شكلي والله برد اعيد حساباتي ويا اختك
سيف: وضحى وااااايد حساسه ترى على فكره واذا قلت لها كلمه وجرحتها مستحيل تناساها لو شو يستوى
سالم:خيبه ختك متعبه عمرها والله اففف انا لازم ارمسها
سيف: شوف لك يوم ويلس وياها واقولها عن ظروفك بعد شو اسوي بك بلشت عمرك بوضحى
سالم عصب: احترم عمرك سيفوووه شو بلشت عمري هاي اصلن حياتي ودنيتي كلها والله وما ارضى عليها انك تقول هالرمسه حتى لو انته اخوها
سيف: خيبه اسولف وياك والله طريت اذني حشىىىىى
سالم: عشان تادب ولا جيه ثرها سالفه الاخت زعلانه ما عليه براضيها برايك الحين باي بسكر ..
سيف: هيه برد فوادكــ خلاص عااااد يلا انطب
وسكروا الخط ....
.................................................. .................................................. ...
في اللــــــــــــــــــــيل الساعه 9 ونص عليوه كانت متمدده على الشبريه وماسكه الكتاب تحضر الدرس ويالسه تخطط على الاشياء المهمه بالهاي لايت ودخلن عليها غلامتين وضحوه وروضه وضحى كانت متضايجه من حركتهن فقالت لهن: ليش قفطني جدام سالم
عليوه رفعت ايدها وقالت: اختى حبيبتي انتى انا انسحب من الاجتماع عندى مكالمة ضرورية وسامحيني مره ثانيه ما بقفطج وشلت فونها اللى كان يصيح وطلعت برى
وضحى طالع روضه وروضه يالسه طالع المرايه وتقول في خاطرها: خبز خبزتيه يا رفلة كلية يا ويلي منج يا الوضيحي ابتسمت من المرايه لوضحى وضحى قالت: بتبررين موقفج
روضه ابتسمت لين ما بانت غمازاتها وقالت: اسفه والله بس انتى تدرين انه كله مغايض × مغايض وبعدين سالم يحبج ويبا يغايضج بس انتى شاله في خاطرج على سالفه اللى استوت وريال ما حصل فرصه ايينا هناك لازم يعني تغثينه وتقولين له ليش ما تي ومادري شو كلن بظروفه يا وضحى ولاتمين وااايد عسره عن يكرهج
نطرت وضحى عيونها وقالت:هبي ان شاء الله ما يكرهنى حشى يا انتى عقي كلمة خير ولا سكتى
روضه قالت: انا قلت ان اليوم ما بيعدي على خير عرفت ان بتعطيني من حلالج شويه
وضحى: روضه انا يوم اهد واحتشر عليكن ماباكن تضرني بشي مابا سالم يقول وضحى عاقه عمرها عليه لا فديتج انا مليون واحد يتمنانى والريال يحب البنت الثجيله عمره ما يلتفت للبنت الخفيفه الهبلة واللى ضيع عمرها بيدها اباه يعرف مهما حبي له كبير ما يخليني اطيح الميانه وياه..
روضه: صح حبيبتيي كلامج عين العقل..
قطع هالجو رن تلفون وضحى ...
تتصل بي يا هلابكـــ... من بعد طول غيابكـــ اتصالكـــ غير عندى مرحبابكــ مرحبا بكـــ شع بالجوال نوركـــ يوم شرفني حضوركـــ...شع بالجوال نورك يوم شرفني حضورك وقمت لكــ من شوق اردد لكــ مرحبابكــ مرحـــبابكــ مرحبـــــــــــــــــــــــــــــــــــــــــــابـ ـــــكـ َِ
وشافت الرقم غريب طنشت بس رد دق مره ثانيه ردت وهى تقول: الوه
..........: هلاو الله وين عن التلفون؟؟
سكرت في ويهه وهى تقول لروضه: روضه شكله واحد مغلط
روضه عقدت حياتها وقالت :ليش؟؟
وضحى: مادري تروعت قالى وين عن التلفون سكرت سيده
روضه: مالت عليج يمكن يطلع علي ولا عمر
وضحى: جيه غيروا ارقامهم
روضه: لا بس موضتهم الواحد عند من تلفون لين اربع مادري على شوه خقه بس
وضحى: بسم الله كلتيهم هذوه رد دق
روضه :عطيني اياه
وضحى عطتها التلفون وقالت لها: عندج اياه
ردت روضه: الوه
...: هلا هـــــــــــــــــــــــــلا بس عطيني غرشوبتيه وحبيبت قلبي وضاح
روضه ضحكت وقالت: سالم من وين لك الرقم
سالم: الله ينطبج عايبنج اسمي عطيني اختج
روضه: وضاح تلفون
وضاح كانت لاهيه وما انتبهت على الاسم بس يوم شافت روضه تسولف دار في بالها ان حد من خوانها ..
شلت الفون وهى تقول : هلا والله
سالم: اهلين شحالج وضاح
وضاح عقدت حياتها وقالت: من انته
ضحك سالم وقال: انا عمر
وضاح: لا تجذب هب حس عمر هذا انته من .
سالم: سالم
وضاح ارتبكت وقالت :احم سااالم هلااا احم هلااا
ضحك سالم على ارتباكها وقال: احم هلابج الغاليه والمهلى ما يولي فديتج
وضوح: جنك تخطيت الحدود شو في الخاطر
سالم: خيبه ما عندج وقت المهم انا بشوفج وفي بيتكم وبرمس عمتيه وخالى اباج في موضوع ضروي وشو سمه واحد من خوانج يكون عندنا عادى ..
وضحى باستغراب: ليش الموضوع ضروري
سالم: هيه ضروري ولا يتاجل بعد
وضحى : خلاص عيل متى ما ييت البيت وتبا تكلمنى انا موجوده
سالم يبتسم: الحين انا عند بيتكم
وضحى بصدمه: والخيبه يا سالم ما عندك صبر شكلها سالفه عوده
سالم: هيه يلا انا تحت باي
سكرت وضحوه عنه وربعت صوب دريشه توايج وشافت سيارته وقالت اسميه ما عنده وقت خلنى اطلع بس اشوف شو عندهـ نزلت وهى خايفه من موقف ابوها وامها وشافت سالم يسولف وياهم احترمت وجودهم ويلست في صالة وشوي الكل دخل الصاله سلمت على سالم وحايته وهى في خاطرها تقول غريبه شو مستوي في دنيا اليوم كلهم غامضين
ابوها وامها عطوا عمر القرين لايت وراحوا فوق ابتسم عمر وهو يقول: وضاح حبيبتي انا ادري انج مستغربه بس سالم يبا يرمسج واستاذن من امايه وابويه والحين هو بيرمس هياج وانا بيلس بعيد عنكم واعتبروني مب موجود وانتوا تكلمون يلس سالم في الكرسي اللى يالسه عليه وضحى نفس الكرسي بس بو ثلاثه خخخخخخخخ قصدي يسد 3 اشخاص المهم وعمر يطالع التلفزيون وحاول يلهى عمره به مايبا يسمع هم شو يقولون لانها خصوصية فقبض الايفون ماله وحط السماعات وقعد يتسمع ويناظر في الصالة مايبا يوتر وضحى اخته..
اما عند العصافير
سالم يرمس وضحى بصوت واطي: زعلانه ؟؟؟ انا ادري ان كلمة اسف ما تبرد فوادج وادرى انى قلت بي عندكم بس استوت ظروف وماييت ومن اهم ظروف ما اقدر اخذ اجازه انتى تدرين اذا باخذ اجازه سنويه لازم استغلها في شي في عرس مثلا ويكون شهر عسل و ماريد اقطع سفرتيه على يوم ولا يومين وارد الدوام انا فاهم شعورج وفاهم كل شي بس يا وضحى هذا مب من المنطق جيه تعامليني وبعدين الغالية انا خطيبج يعني ريلج مستقبلا باذن الله وانا مابا اشوفج زعلانه منى بسبب ظروف عمليه او بسبب خاص صدقيني يا وضحى الحرمه اللى ما تقدر ظروف ريلها ولا تقدر شغله وتعبه ما تنفع تكون حرمه وتفتح بيت وتربي عيال وداري ريال وانا ما اقول هالكلام لج لا بالعكس انا ادري انج ما تقصدين شي بس انا انبهج على خطائج من الحين لانــــــــي احبج هيه نعم احـــــــبج وماباج خلاف طيحين في اغلاط نحن في غنى عنها وتخرب حياتنا نحن لازم نبني حياتنا على تفاهم والحوار وضحى انا من دونج شرات البير اللي بليا الماي والماي محد يستغنى عنه لا انسان ولا حيوان ولا نبات وبالتالي اذا فقده مات وانا جيه اذا فقدتج معناتى مت وانا من الحين اقولج زعلج على اشياء بسيطه والله تضايجني يا وضحى وتكدر خاطريه بس ارد واقول ما عليه بعدها ياهل بتكبر وبتفهم بس لا يا وضحى انا ما بترياج لين ما تفهمين الامور انا ابا افهمج كل شي الحين ونكون واضحين مع بعض وصريحين وكل واحد يحب ثاني وفاهم كل شي عنه شرايج باالكلام الغالية
وضحى مستحيه من سالم وقالت: انا اسفه سمحلي وكلامكـَ على العين وراس واعتبرها غلطه وما تكرر
سالم ابتسم وهو يقول:وانا ادري انج اكبر من جيه وادري انج ما بتغلطين بس مهما كان لازم ندارك الاخطاء قبل لا نطيح فيها
وضحى صدق انحرجت من كلام سالم : صح والله انا غلّط ومنك سماح سالم انا حتى ما عرف شو اقول او كيف اعتذر انا كل اللى اقدر اقوله ان شاء الله ما جوف منى الا اللي يسرك
سالم ابتسم وقال وهو ينش واقف ونشت وياه وضحى: وانا ادري انى بستانس وياج ان شاء الله اذا خوزتى عنج الزعل تراه هو سبب المشاكل
وضحى استحت ونزلت راسها: سالم خلاص لا تعاتبني ارجوكـ عرفت غلطتيه بس شو اسوي انقهرت يوم رحت لدانه وطبيتنا ما خطفت علينا
سالم ضحك وقال بهمس: انقهرتي ولا غرتي الاثنين منج يعيبوني وانا ادري انها غيره حريم بس ارد واقولج قلبي ما تولع الا بج لا دانه ولا غيرها ياخذون غلاج بقلبي
استحت وضحى وعرفت ان سالم كاشفنها لو بتعذر من اليوم لين باجر ...
وضحى: جنك قطعتني من الرمسه والله عرفت انك تعرف كل شي من عيوني مشكله اذا عيوني فاضحات انا شو اسوي
سالم بحب: أنا احب غيرج عليه واحب خوفج عليه بس المثل يقول شي اللي يزيد عن حده قاطعته وضحى وهى تتقول: ينجلب ضده عرفت والله عرفت
سالم: فديتج والله احم والله بالغلط لا طالعيني بهاي النظرات
وضحى :انزين انزــــين
سالم: لبي اللى يغارون والله يلا الغلا انا ساير الحين شي في الخاطر حايه اماره منى مناك
وضحى: لا سلامة روحك،،
ابتسم سالم وهو يسير صوب الباب ولف على وضحى اللى تمشى عداله لين الباب وقال: الود ودي ما ظهر منيه بس بي يوم ان شاء الله وظهرج انتى منى على بيتى
استحت وضحى وسالم طلع وعمر نش وشل سماعات من اذنيه وقال: الحين 12 ونص اذا ما عندج خبر والاخ سالم من 9 ونص هنيه ما شاء الله شو قالج اذنيه انطرت من الطبول اللى قاعد اسمعها الا عشان ما اسمعكم وتاخذون راحتكم كل هذا مواعظ
ضحكت وضحى وقالت: هههههههههههههه تصبح على خير
عمر: نذلين كلكم وانتى من هله..
راح صوب حجرته بيرقد...
الصبح الساعه 7 ضبط نشت ساروه وهى تشوف الساعه افففف مالي خاطر اداوم برقد لين 7 وربع وبنش اففففففف والله مالي بارض اليوم اداوم بغيب انزين وقطع افكارها رنة الفون وشافت رقم عمر ردت : السلام عليكم
عمر ابتسم: عليج السلام ورحمة الله وبركاته راقده
ساره بنعاس: همممم
عمر: بس عاد يا الكسولة نشي
ساره: مالي بارض اداوم اليوم انا تعبانه
عمر بخوف: شفيج بسم الله عليج شي يعورج
ساره: لالا بس انس بروده في عظامي ومدفيه تحت الحاف مالى بارض افارجه
عمر ضحك: يالمكور انتى ما تبين تفارجين الحاف ولا ما تبين الداومين
ساره: لا حبيبي والله بداوم عادى بس مالي بارض
عمر مستانس: عيدي اللى قلتيه
ساره: عمور طلعت بالغلط والله ناشه دهمانه من رقاد ومب حاسه بلي قلته
عمر: شكلج كنتى تحلمين بي
ساره ضحكت: هيه تصدق
عمر: ههههههه تطنزين ويا ويهج
ساره: ما يحتاى احلمك وين تباني احلمك يوم اصلن اربع وعشرين ساعه وانا افكر فيكــ يعنى حتى وانا واعيه افكر فيك
عمر: فدييييييييييييييتهم والله اللي يفكرون فيني
ساره بضيجه: عمر ممكن ما تقول كلام حلو الا وانته تبادلني نفس المشاعر
عمر تنهد: ساره انا طبعي جيه اللى يحبني احبه وبعدين سبق وقلت لج كانت لج معزه في قلبي مب معانته انى الحين يوم خذتج مالج معزه عندي لا والله الا لج معزه ونص ومع الايام صدقيني بيطلع الكلام من دون حتى لا احس
ضحكت ساره وضحك عمر عرف انها مستحيه
كمل عمر وقال: هاه 7 وربع ما بقى شي عن طابور بداومين ولا
ساره: مادري والله انى تعبانه مالي خاطر واذا داومت غصبن عني
عمر: داومي خليج نفس ريلج نشيط
ساره: ليش ريلي ساير داوم
عمر: هممممم عاد انا الحين متوتر ما بقى شي على تخريج دفعتنا
ساره: شو ساير تسوي
عمر: ترتيبات الحفلة وجيه
ساره: وانته خايف
عمر يضحك: متوتر والله شوي تعرفين امنيتيه ضابط
ساره: بالتوفيج الغالى
عمر تنهد: امين يا الغلا
ساره : يلا عاد عموري ماباك تتوتر
عمر: ربج كريم
ساره: يلا عاد يوم حفلة تخرج بتفيزر على التلفزيون
عمر ضحك: لا ليش ماباج طالعين غيري
ساره: ما حفلتهم والله انته الوحيد اللى تهمنى اصلن بس ابا اسمعهم ينادون اسمك وبس
عمر:ههههههههههههههههه ياربي منج يلا الحين بسكر وصلت الدوام
ساره: الله يحفظك الا متى الحفله
عمر: ان شاء الله على الآسبوع الياي تخريجنا يلا دعواتج الغلا
ساره: موفج الغالى
عمر تنهد: يلا عاد انا الحين بنزل اشوف الترتيبات وعقبها بيدربونا
ساره: موفج الغالى وها الله ها الله با الاذكار عن حد ينظلك
عمر ضحك: قبل التخرج بيوم بييج تقرين عليه
ساره ضحكت وقالت: اونه تبا عذر عشان تي
عمر سكت تنهد وقال: لا طبعا مابا عذر ولا هم يحزنون
ساره: عيل ما يحتاي عذر متى ما تبا تي تعال بيتنا مفتوح لك اربع وعشرين ساعه
عمر:حتى قلبج اباه اربع وعشرين ساعه لي انا وبس
استحت ساره وقالت في خاطرها صدق جرئ قطع عليها دخول امها الحجره وقالت امها: ساروه يا الله بستر انتى لين الحين ما نشيتي عنبوه وصلت 8 وشي
ساره: ما بداوم امايه اليوم
امها: شله بعد عنبوه تونا نقول بسم الله
ساره: ماروم اليوم انا من 3 ليالي هب راقده زين وامس مداومه ومب راقده الا كم ساعه وامس رقدت من وقت بس مب شبعانه انس عمري متكسره الحين بقوم بتسبح بماى حار وملح
امها : من تكلمين من صباح الله خير لا تقولين لى عليوه هي بعد مب مداومه
ساره استحت:لا امايه هذا عمر
امها ضحكت عليها وقالت: هيه عنى هبلاه ياربي عطيني اياه
ساره مدت تلفون لأمها: مرحبا عمر
عمر يضحك: هلا وغلا والله بالعمه شحالج الغاليه ربج بخير
ام غانم: بخير وسهاله الله عنبوه وينك انته ما تنشاف مرره
عمر تلوم: والله عموه انا ادري انى مقصر بس والله انشغلت بالتدريبات والترتيب حفلة تخرجنا
ام غانم بفرح: هيييه الغالي عله مبرووك ان شاء الله فديتك واشوفك معلق النجمة ياربي
عمر يبتسم: امين عموه كثثري من دعواتج ترانى محتايهن والله
ام غانم: من غير لا تقول فديتك ادعى لكــ وان شاء الله افرح بك الغالى
عمر: ان شاء الله فديتج وتفرحين بوغنيم وبوعسكور
ام غانم: خلنى افرح بالكبير اول وخلاف عاد الصغار
عمر: بتفرحين به ان شاء الله حمري العين عليه عموه فديتج وحيسيه من اذنيه الهرم وبيصطلب
ام غانم: هزركــ
عمر: هيه فديتج
ام غانم: خلاص الغالي عيل ما طول عليك فديتك سر خلص شغلك حبيبي
عمر : يا الله يا عمتى ليت بنتج ذربه شراتج تسمعنى هالرمسه
ضحكة ام غانم وبطرف عينها طالعت بنتها ساروه حست ان قال شي شلت عمرها وثيابها وحدرت الحمام وانتوا بكرامه ..
ام غانم: ماعليه حبيبي بس انته صبر عليها شويه بونهن البنات يسون عمارهن مستحيات ومن داخل متقطعات بالكلام الحلو هههههههههههههه
ضحك عمر :هههههههههههههههههه صدقج والله الغاليه انزين عنى افداج بسكر انا الحين قدنى واصل عندهم
ام غانم: الله يوفجك الغالى فداعة ربي مع سلامه...
سكروا الخط....
ومنعقب هالمكالمة اللى استمرت نص ساعه بين ام غانم وعمر طلعت خاري وسارت صوب المطبخ وشافت البشكارات يحطن الريوق وقالت لهن يزهبن ويحطنه في الصاله سارت ويلست في صاله تشرب قهوه وتصب لبو غانم من القهوه لتفتت له وهى تقول: بو غانم
بوغانم: عونج الغالية
ام غانم: عانك الله الا اشوفك هب صاحي ها الايام بلاك شي يويعك
بو غانم: تبين الصدق ولا ولد عمه
ام غانم بخوف: الا ابا صدق يا الغالي قول
ابو غانم: انس صكه في قلبي وخايف من شريان
ام غانم: ويديه يا الله بستر وشله ما تقول انه رد لك
ابو غانم: يا حرمة انا مب متاكد اذا رد لى شريان من يد ويديد ولالا بس انس عمريه هالايام هب صاحى ومب ناوي اسير بقعه ابا ايلس الا في البيت
ام غانم: ويه يا الله تستر علينا دنيا واخره نش بنسير صوب الدختر نش يلا
ابو غانم: يلسي يا حرمة يلسي انا هب ساير الدخاتر ويطلعون فيني مية عله وانا ما فينيي شي
ام غانم بخوف: قوم يا ولد الحلال قوم نش خلنا نسير نطمن عليك
ابو غانم وهو يصب له فنيان قهوه: هب ساير رضيتي ولا انرضيتي هب ساير يوم بانس عمريه مره ما فيني حيل احترج وطااايح على الفراش ذيج ساعه بسير الدختر
ام غانم: الله يهديكــَ خلاف ما تنفع الرمسه لفات الفوت ما ينفع صوت
ابو غانم شاف غانم نازل من دري وقال: صـــــه سكري الموضوع غانم يا ماباه يعرف بالموضوع
ام غانم وهى تعدل برقعها: حرااام يخبره عليكـــ
ابو غانم: يا حرمة بلاج انتى مستويه جبريت قتلج انا بخير وانتى شله معوره راسج ولا تشغبين الولد ولا هم يحزنون خليه براحته
ام غانم: هيه يا بوغانم يوم الربا ربينا ويوم كبرنا صفوا لغيرنا
ابوغانم: والله ان عيالج ما يقصرون فينا مررره يا غير خلاص عاد خليهم يشوفون حياتهم نحن ربيناهم صح بس هم ما تكبروا علينا هم فازعينا يوم نطيح في الدختر ونتغربل من غيرهم هم اللى يوقفون ويانا ويلازمونا وويدرون شغلهم
وصل غانم وضحك وقال: بلاكم لا بجين
ام غانم: مادري عن بوك بلاه
ابو غانم: ما فينا شي الغالى امك شكلها خرفت
ام غانم: هيه خرفت اسميكــ انته اللى خرفت ولا تعرف شي عن هوى داركــ ولا عن صحتك
غانم عقد حياته: خير بويه بلاك شي يعورك تانس شي
ابو غانم: زين جيه خوفتي لولد لتفت لغانم لا عنى هبلاك ما فيني شي يا الغالى يا غير تعبان شويه وبس
غانم بخوف: بويه لا يكون شريان رد عليك قوم بنسير نفحص ونشوف عندك شريان جانه متسكر ولالا وبنرتاح بويه
ابو غانم: يا الله يا غانم هب تحن عنى افداك ما فيني الا العافيه
غانم: ابويه وغلاتى عندك قوم انا بسير بك المستشفى وبخليهم يفحصونك ما فيها شي
بو غانم: لالا مررره مابا ولا الله قاله اسير وعثر عمريه بين هالدخاتر حشىىى يا بوك ما تسوى عليه القعده هناك
غانم : ابويه وغلاتى عندك عاد ولا مالى خاطر
بو غانم: خاطرك غالي يا ولديه يا غير انا حاس بعمريه الحمد الله ما فيني شي ولك مني رمسه جان انست عمريه تعبان بوعيك من عز رقادك حتى لو نصاص اليالي
غانم: وانا ما عندى اغلى منك يا الوالد وحبه على راسه ونش واقف يلا عيل اترخص انا شي في الخاطر
ام غانم: ما تريقت الغالى
غانم صب له كوب جاهى: هاه عن خاطرج بشربه في سياره
بو غانم: الغالى متى بفرح بك
انصدم غانم وتنحنح وهو يقول: اه يا بويه ما الله كتب لي نصيب ويا اليازي شوف سبحان الله كنا نحب بعض بس في لحظه راح كل شي يا بويه ما كنت حاسب حساب انه منصور بيتقدم لها قبلي وتوافق اليازي عشان كلام ناس هي انجبرت توافق بس الحين هم يحبون بعض والله يوفجهم
بو غانم: انزين الغالى نحن ما رمسناك عشان تفتح جروحكـ نحن فتحنا لك الموضوع عشان ندور لك بنت الحلال اللى تنسيك جروحك
غانم تنهد وقال: بصراحه انا ودي اشوف حياتي عادى لا انا ولا اليازي اول اثنين ما يتوفقون في حبهم عادى انا مقتنع بانى اعرس بس ابا البنت اللى تناسبني
ام غانم: ان شاء الله الغالي انا روحى بدور لك
غانم ابتسم: يصير خير عيل يلا انا ساير فداعة الله...
ظهر غانم من صوب ومن صوب ثاني نزلت ساروه سلمت على امها وابوها..
في المدرسة ....
كانت عليوه ملانه ومب مصدقه ان ساروه نقعت فيها خيانه وغابة استاذنت من الابلة بتسير الحمام وطلعت وسارت صوب الاداره ودخلت على الوكيلة ..
عليا: السلام عليكم
الوكيله: هلا وعليكم السلام
عليا: ابله حبيت اسال عن وضع صفنا
الوكيله: بلاه صفكم يا عليا
عليا : ابله بصراحه انا عينوني رئيسة صف وانا مابا انا مب ناقصه ويع راس وتحمل مسؤليات بنات صف لا ابله سمحي لي انا من الحين اقولج كل وحده رئيسه على عمرها انا ما بربع وراهن جنى احوش هوش جدامي لا سمحي لي انا رافضه هالفكره
الوكيله تبتسم: ان شاء الله عليا خلاص ما يهمج
عليا تبتسم: تسلمين ابله يلا عيل فداعة الله
الوكيلة : ربي يحفظج
ظهرت عليوه وهي مقهوره من بنت العمه انها خونت فيها وغابة من دون لا تقول لها سارت صوب صفها وهى تتنهد في كل خطوه تخطيها لين ما وصلت كلاسها..
اما في بيت قوم بو محمد..
ذياب ياي من نادي ضحك على دانه اللى كانت تشوف التلفزيون: بلااج اليوم متضايجه
تنهدت دانوه وهى تقول: انته ما سرت الدوام
ذياب: سرت بس خطفت على النادي لعبة وييت
دانه تهز راسها بمعنى شي طيب
ذياب: عبد الله ما كلمج
دانه تنهدت وهزت راسها بمعنى لا
ذياب بعصبيه: عنلاته الهرم لا يكون انتى لين الحين متواصله وياه بالمسجات
دانه:لا خلاص صار لى فتره ما ادق عليه ولا ارمسه
ذياب: بخبرج هذا اضني بليا احساس سود الله ذا شوارب له اييج شور مررره لا دقين له واذا دق لا تردين ويوم بيقول لج شله ما تردين قولى له انته لى بعتني وجان ماياج لين العين والله ما يطلع اسميه ذياب هذا اختيارج وتحملى نتيجته
دانه: لا تعاتبني يا خوي خلاص مالى قد العتاب ولا انى قد العذاب اللي يالسه اتعذبه الحين اعرف كل كلمة بتقولها بس ارجوك ارحمنى ولا تقول شي عن اذنك يا خوي بسير الحجره اريح شوي من تعب اليوم ...
سارت دانه حجرتها وشافت فونها بصيح والرقم رقم هنادي اخت عبد الله ردت : هلا هنادي
هنادي: اهلين دانوه شخبارج يا القاطعه
دانه : بخير الحمد الله ربي يسلمج شحال هلج وناسج وتواليج والله اسمحي لي انشغلت شويه
هنادي: كلهم بخير ونعمه اونه عبود ما اييب لج اخبارهم
دانه تغصصت وخنقتها العبره وسكت شوي وحبت ما تبين لها صرطت عبرتها وهى تدعي الابتسامه والفرح: لا فديته يقول بس عاد زيادة الخير خيرين
ضحكة هنادى وقالت:هههههههههه حسستيني المهم فديتج حبيت اقولج ان عقب يومين عندنا عزيمة وترانا عازمينكم
دانه عقدت حياته وهى تقول: والله شور هب عندي عند هليه
هنادي: خلاص بخلى ابويه يرمس ابوج وعااد ياويلج ان ما ييتي
دانه تتنهد: بشوف لين ذاك اليوم يصير خير
هنادى عقد حياتها: جنج ما تبين تين
دانه: لا فديتج مب جيه اخاف يصادف يوم تطبيق عندي في كلية فاطمة وماروم اخر التطبيق
هنادى: على العموم انا خبرتج وان شاء الله ما يكون شي عندج ان شاء الله تكونين فاضيه وتنورين دبي ياربي
دانه: ان شاء الله غناتي...
سكرت دانه عن هنادي ويلست تجلب الرسايل اللى فونها فجآه رن فونها بنغمة مسج وكانت خايفه تفتحه ولالا بس من كثر ما تولهت على عبد الله فتحت المسج بس خاب ضنها كان المسج من اليازيه[[..يكفيني صدق انسان...يشاركني فرح واحزان..ومهما غاب عن عيني...راح يبقى اعز انسان]]...
دانه في خاطرها قالت يا الله يا يزوي اكيد حاسه فيني وشوي رن فونها وكانت يزوي: هلا اليازي
يزوي: اهلين دنون شحالج اخبارج ؟؟ بتخبرج بلاج مستويه قاطعه عشان شو لا يكون زعلتى من سالفه عمر وملجته
دانه : لا فديتج عنبوه كل واحد فينا راح وشاف نصيبه وهذا نصيب عني هبلاج مب زعلانه ولا شي بس متضايجه شوي
يزوي: من شوه بسم الله عليج
دانه: بقولج بس توعديني محد يدري عن شي ادري بتقولين اوعدج وانا اقولج انا واثقه فيج بس سمعيني اللى خايفه منه ان
يزوي: ان شوه خوفتيني تراج
دانه خنقتها العبره: تبين الصدق انا وعبد الله ببينا توتر شويه
يزوي: فهميني اكثر لا ترمسين بالقطاره دانه
دانه صاحت: يزوي السالفه وما فيها ان مره كنا نرمس انا وعبد الله بعدين يبنا سالفة عمر وملجته مادري شو اللى خلانا نيب السالفه المهم جان يقول انتى لين الحين تحبينه انا سكت وبعدين قلت له هيه واستوى عاد تج بينى وبينه وقالى يوم تعرفين انى حبيبج دقي لي
يزوي عصبت على دانوه: انتى غلطي يا دانه المفروض تقولين له انج ما تحبينه لانج انتى اللى اخترتي بينهم هبله انتى تبين تخربين حياتج بيدج
دانه وهى ميته من صايح: انزين دخيلج يزوي دبريني الحين شو سواه
اليازي: سواة الله ابرك بعد شوه .. حاولى تتقربين من عبد الله بيني له انج نسيتي عمر انتى اصلن ما تحبينه الا تقصين على عمرج انتى لو تحبينه ما بديتى عبد الله عليه هذا اكبر دليل انج ما تبينه ولا تحبينه فالبتالى لا زم تتقربين من عبد الله باي طريقه كانت
دانه وهى تهدي عمرها: يعنى افهم من كلامج شوه انى ادق له ارمسه اطرش له مسجات
اليازى تنهدت وقالت: مب بس جيه حاولى تحسسين عبد الله بانه كل حياتج ترا الريال يغار اذا حرمته فكرت في غيره دانه بضيعين حياتج بيدج وبتندمين
دانه سكتت كملت اليازيه وقالت: الحين من اسكر عنج دقي له وقولى له ان عمر ما عاد يعنى لج أي شي همج الوحيد رضا عبد الله وحبه اللي يسري في دمج
دانه: بس هو مايرد لا على اتصالاتى ولا على مسجاتى وقطعته فتره تقريبا اسبوع وشوي
اليازي: بتلقينه الحينه هدى شوي من عقب السالفه وردى كلميه ..
دانه: ان شاء الله
اليازي: يلا حبيبتي عيل انا بخليج وشلي عمر من بالج
دانه: ان شاء الله
اليازيه: يلا برايج مع سلامه
دانه: مع سلامه الغاليه ومشكوره على وقفتج ويايه
اليازيه: عيب عليج دناوي نحن بنات عم ولا شرايج
دانه: عنى افداج يا الغلا عنى ما ذوق حزنج تسلمين على الوقفه الحلوه
اليازيه: ردينا حق الرسميات ان شاء الله ايي بيتكم وكفخج على الكلام اللى تقولينه
دانه: ههههههه شو نسوي عاد من لم يشكر الناس لا يشكره الله
اليازيه: ومقبول شكرج الشيخه يلا فديتج باي
دانه: مع سلامة الغالية ..
وسكروا الخط...
في مكان ثانى وبالتحديد في كندا ..
كان عبد الله مسافر يخلص اوراقه اللى تابعه لدراسته في الخارج وكان ابوه موصيه على اوراق يباهن من عند واحد عشان سفاره عقب هالتعب يلس في فلته وهو يفكر فيها في اول حب في حياته دانه اشتقت لج يا حياتي والله اشتقت لج وهذا درس بسيط عشان ما تيبين طاريه على لسانج ولا تفكرين فيه قطع حبل افكاره تلفونه وشاف رقم ظافر رد بسرعه: هلا ظفوور
ظافر: اهلين شحالك وشحال مطارزيك لين الحينه وراك
عبد الله ضحك: يا الحسد يا خوي بخير وسهالة كلهم بخير تبا حد منهم تراهم ما يغلون عليك الغالي
ظافر: لا فديتك اسمعنى شو سويت بسالفتك انته ودانه
عبد الله تنهد: على حطت ايدك
ظافر: يا مسود الويه انته ما تيبك الرمسه حرام عليك عبيد انته متى بترد خبرني
عبد الله: اليوم ان شاء الله خلاص خلصت اوراق الجامعه ويبت اوراق ابويه من عند الريال والحين في الفله اريح وعقب بسير
ظافر: بطيارتك الخاصه طبعاً الشيخ
عبد الله: هيه
ظافر: انزين سمعنى عبد الله انته عذبت بنت ناس هياك هي تحبك وانته تحبها وهى اول حب في حياتك
عبد الله: ما عليه انا اصلن مقرر اول ما ارد من كندا سيده ادق لها بصراحه انا ما روم اكابر اكثر من جيه بس عيزت حرام اللى يصير فيني وفيها
ظافر: انته اللى يبته لعمرك عيل حد يسوى سواتك
عبد الله: انا غلط وهى غلطة بعد وخلاص انا كنت محتاي فتره ابعد عنها عشان ما اقول رمسه تزعلها..
ظافر: اهم شي تعرف ان البنت تحبك
عبد الله: وانا امووت فيها ومستحيل اعيش من دونها
ظافر يضحك: اسميه الشوق عذاب وذباح
عبد الله: الا واكثر من جيه بعد
ظافر: يلا عيل انا بخليك الحين وانته فكر تيب هديه للحب
عبد الله: من غير لا تقول انا يايب لها هدايا مب بس هديه وبعدين انا وااايد متوله عليها
ظافر: اللى فيك من سوايا ايديك الغالي مزاعلنها جيه شو قالت لك هي حليلها المفروض انته تقدر ها شي
عبد الله: عاد انا ما قالت لى من قبل فاجاتنى يوم قلت لها تحبينه بس خلااص اللى صار صار وانا لازم اراضيها والله لو ذياب يدري بلي بينا بيقول لها هذا اختيارج وتحملي نتايج اختيارج
ظافر: اكيد بيدري عنبوه مرت على سالفتكم اسبوع مادري اسبوعين وانته يالس تقول اذا درى اكيد بيدري لو شافها تعبانه
عبد الله تنهد: الله كريم المهم برايك الحين
ظافر: الله يحفظكــ...
سكروا الخط ..
عبد الله مسك فونه وكتب له مسج وتررد يطرشه ولا يرمسها احسن فقرر انه يتصل بها احسن لانه متوله عليها..
عند دانه عقب صايح اللى صاحته وتعب اللى تعبته حست بتعب ونزلت المطبخ بتشرب ماي واول ماوصلت عند دري داخت ويليست على اول دريه محمد كان طالع من قسمه هو وريم حرمته واول ما شاف دانه ربع صوبها
محمد بخوف: دانوه حبيبتي شفيج
دانه حطت راسها على جتف محمد: تعبانه يا خوي راسي يعورني وضاربتني دوخه مب رايمه اشل عمري
محمد: دانه غناتى قومي بنسير الدختر خلهم يقيسون ضغطج
هزت راسها بمعنى انزين
محمد يرمس ريم: سيري حبيبي هاتى عباتها وعباتج
سارت الريم الحجره ويابت عباتها وغشوتها وسارت حجرة دانه ويابت عباتها وغشوتها وبطاقتها ...
لبسن العباه وراحن صوب سيارة محمد وداهن الدختر ...
بعد مارحن من البيت تقريبا البيت فضى محد الصبح اللى في العزبة واللى في دوامات من العيال الا ذياب اللي بلا شغله يحوط ما دري متى بيشغل وقته المهم حياب راد من داوم تعبان ويلس في صالة وشوي حدروا امه وابوه
حياب معقد حياته: انتوا من وين يايين الحين بياذن الظهر
امه وابوه: من العزبه
حياب: يحافظ عليكم
وشوي ذياب داخل عليهم
حياب: انته بعد وين كنت
ذياب وهو ييلس: كنت في الميلس يالس اطالع الفلم اللى يايبنه
حياب: حلو
ذياب: وووووع لوعت جبد قاصين علينا اونه رعب ومادري شو ومناك كله خرطي بس حاطين تشويق للفلم
حياب: هاي تراها سياسة البزنس انزين سر شوف حجرة دانه احيد عندها وايد افلام
ذياب: الا صدق دانه وين
امه: دانه فديتها تعبت وشلها محمد اخوك الدختر ويا ريم
حياب معقد حياته: وانتى ما سرتي غريبة امايه احيده كل ولا عيالج
امه تتنهد: والله يا الغالى مادريت الا يوم ظهرنا من العزبة وخطفنا عليهم ويينا عاد عقب ريحة العزبة
حياب: شوفيها
امه: ضغطها نازل وسوء تغذيه
ذياب منقهر من عبد الله كل من سبته الخايس قال لامه: بيرقدونها
امه: يمكن لين باجر الصبح وبيطلعونها
ذياب: بتسيرين
امه: هيه الغالى بسير الحين حادره بتسبح وبشل ملابس لها ولى وبشل الغدى وبسير
حياب يبتسم: الله يخليج لنا يا احن ام بدنيا
امه: فديتكم عيالي انا ما عندى اغلى عنكم كلكم
ذياب سار فوق وهو مقهور من هالعبد الله اللى فيها من اسباب عبد الله الهرم سار صوب حجرة دانه وشاف 4 اتصالات من عبد الله و3 مسجات انقهر وقال لا والله الحين مفتكر فيها وهو يالس ينبش في المكتبة سمع تلفون يرن وسار صوبه ولقى المتصل(غـــــلآ ٌ ــــقـــلبي)..
ذياب رد بعصبيه: توك تذكرتها يعنى ليش متصل خير شو عندك
عبد الله في خاطره الله لا بليتنا هذا شعبله يرد على الفون صبرك يارب: السلام عليكم اعتقد من الادب تسلم قبل ما تنطر في حلجي
ذياب بعصبيه: عليك السلام نعم
عبد الله: ذياب ما في داعي لهرمسه احترمنى كونى على الاقل ريل اختك
ذياب: وهاي المشكله
عبد الله في خاطره الله ينطبك : على العموم انا مب داق لك ابا حرمتيه وحبيبة قلبي
ذياب:هيه دور حرمتك الغالي وحبيبة قلبكــَ
عبد الله منقهر من ذياب: هيه اباها ممكن تعطيني اياها
ذياب : حرمتك يا حبيب العين في دختر سر لها يوم انته تباها تعبت اختيه مرضتها وهي بعدها صغيرها كم عانت منك ومن زعلك ومن فراقك وانته ولا همك حاطنها على الكورنر ولا حافلنها ولا هم يحزنون مب انته اللى مية عليها وكنت تباها وياي لين هنيه واخر شي تذلها ذل بحبك يا بوك ما يسوى عليها ودانه في دختر برد فوادك نتيجة غيابك عنها وبعدك رقدها في الدختر ومع سلامه
سكر ذياب وهو يحس انه برد فواده من هالتبن عبد الله...
اما عبد الله فكان مصدوم معقولة دانه في الدختر دانه حبيبتي شو فيها انزين أي دختر الله ينطب الحاله مالى الا محمد هو اللي بخبرني كل شي هب هذا بسم الله حشىىى ما يتناغى اتصل بمحمد
عبد الله بخوف: سلام عليكم ها بشرني بو جسيم
محمد ابتسم: وعليك السلام ورحمة الله وبركاته الغالي يسرك حالها احسن عن قبل
عبد الله بلوم: سمحلي محمد ما سالتك عن الحال شحالك ربك الا بخير
محمد: بالحل الغالي بخير وسهالة الله ادريبك مشغوب عليها
عبد الله: محمد انتوا أي مستشفى
محمد: الجيمي
عبد الله: هيه انزين تروم ترمسنى ولا تعبانه
محمد: والله حاليا الدكتور عندها يقايس الضغط
عبد الله: الا صدق هي بلاها
محمد: ما شي قلة عيشه وارهاق وضغطها نزل
عبد الله في خاطره فديتتتتت عيونها الوساع اكيد بسببيه قال: ما تشوف شر الغالى
محمد: الشر ما ايييك
عبد الله: بترقدونها شو؟
محمد: هيه لين الصبح وبنطلع ان شاء الله ...
عقب 3 ساعات عبد الله بالضبط وصل مطار دبي دولي وعلى طول بيتهم تسبح وبدل ثيابه وسلم على هله بسرعه وسيده قبض خط العين
اتصل بمحمد وقاله رقم الغرفه وقاله من عندها الحين وحمد ربه ان ذياب هب هناك ولا استوت حرب البسوس ..
وصل عبد الله وهو متلوم من اللى سواه في دانه وفي عمره حرم عمره من دانه وحرم دانه منه واخر شي حصل له هزبه من ذياب ضحك على ذياب اللى باين انه يكره قال في خاطره الله يهديه ويحنن قلبه عليه حشىىى ماخذني بشراع وميداف ...
وصل عبد الله المستشفى وهوود سمع محمد يقرب به دخل وسلم على محمد وحياب وعمه وحبه على راسه وسلم على عمته وحبها على راسها وحط باقة الورد على الطاولة وسلت الحلاوه والخضرا تحت
ام محمد: واايه عنى افداك يا الغالي شله متعب عمرك ويايب هذا كله
عبد الله يبتسم بتوتر: هذا كله يفدى دانه
محمد: تعال تبا تسلم عليها
عبد الله: هيه هي في الحجره الثانية
محمد: هيه هذا القسم الفي أي بي نحن ماخذينه حق يووم واحد شفت البطره
عبد الله: تستاهل الدانه فديتها
محمد: يلا هبط عندها في الحجره
عبد الله: حد عندها
محمد: لا حدر
حدر عبد الله وهو متوتر ومتلووم بنفس الوقت اول ما دخل شاف المغذي على ايد دانه وهى منسدحه وتعب باين على عيونها ...
دخلت وانا متوتر وخايف عليها هذي سواتى فيها رقدتها في المستشفى لا اله الا الله قربت من الشبريه وانا اشوفها بدت تتحرك بحركه سريعه حطيت ايدي على ايدها وايدي ثانيه على ويهها لفيته صوبي مشتاق له وااااااااااايد فتحت عيونها ببطء وغمضتهن مره ثاينه سسمعتها تهمس قربت اذني منه سمعتها تقول عبد الله ابتسمت وقلت لها: عيون عبد الله
فتحت عيونها وهى تقول: اخ انا وين في حلم ولا علم
عبدالله بحب وهو يمسك ايدها: في علم فديتج في علم
دانه بعدت ايدها عن عبد الله ولفت صوب الثاني وهي تقول: هنت عليك يا عبد الله كل هالفتره تقاطعنى
عبد الله لف ويهها صوبه وقال: حبي انا اسف والله العظيم اسف بس انا ما تحملت ان مشاعرج لين الحين صوبه
دانه: من قالك اصلن انا ما حبه ولا هم يحزنون بس بالعمالة قلت لك جيه ابا اشوف مدى حبك لي وهاي اخرتها
عبد الله يبتسم بفرح ويمسك ايدها ويبوسها: سامحيني يا روحي سا محيني انا ادري انى غلط
دانه تبتسم بالتعب: ولا يهمك الغالى ما صار شي الحمد الله ردينا لبعض
عبد الله قرب منها وباسها على يبهتها وهمس في اذنها: اخوج ذياب قطعني تقطيع من رمسه خلاني بيزه ما اسوى
ضحكت دانه وقالت: وين لقاك
عبد الله يتنهد: رد على فونج
دانه : تستاهل اللى ياك عيل جيه تسوي بي لا ليلي ليل ولا نهاري نهار حرام عليك
عبد الله: زعلانه؟؟
دانه: هيه زعلانه ان شاء الله تباني ارضى على حركاتك والله قهرتنى اطرش لك طنش ادق لك طنش ابدا ما حطيت اعتبار يوم من الايام انك بطنشني توقعت حبك لي يشفعلي عندك بس الظاهر انى كنت غلطانه
عبد الله مسك ايدها: لا والله حبيبي انا مب زعلان ولاهم يحزنون وذيج الفتره اللى مارديت فيها عليج كنت ابا ابعد عنج شويه واباج انتى بعد تفكرين وتحطين النقاط على الحروف و شفتى يوم بعدنا عن بعض محد رام يصبر عن الثاني وردينا لبعض ما كنت ابا افر رمسها عليج وقتها كنت معصب عادي يزل لساني ويجرحج وانا مابا اجرح مشاعرج وماباج تكرهيني اباج دايمن واقفه عندى تحبيني مثل ما انا احبج
دانه استحت وقالت بهدوء: يلا الحمد الله ع كل حال ..
عبد الله بتسم وقال:فديتج نسيتيني اقول لج الحمد الله على سلامه
دانه: الله يسلمك حبيبي
عبد الله: والله انى مشتاق لج مووووت
دانه: عشان تعرف ثانى مره لا تطنشني
عبد الله:خلاص توبه ما بطنشج
دانه: وين كنت كل هالفتره اللى ادق عليها وما ترد
عبد الله: كنت في دبي وخلاف سافرت كندا اخلص اوراق دراستيه ويبت اوراق لبويه بس
دانه: ما بقى شي عن تخرجك عبد الله
عبد الله: بكمل هنيه في كلية فاطمه
دانه عقد ت حياتها: انته ليش ياي من هناك لين هنيه خلاص كمل هناك ما بقى لك شي
عبد الله: ان شاء الله ما يهمج بس انتى
دانه: انا بكمل في كلية فاطمه اكون ممرضه وانته دكتور مالي في المستشفى
عبد الله : عاد تصدقين دانوه تغربت في كندا 10 سنين وفي اخر سنه انتى يا بوج بعثه واستوى اللى استوى
دانه: ما شي فرق بينا انا الحين بدش 20 وانته الحين بتكمل 29
عبد الله: ههههههههههه جنى شوبة
دانه: ما يطيع زينك حبيبي والله اللي يشوفك يقول هذا عمره 23 او 24 سنه ما يعطيك اكثر
عبد الله: يلا الحمد الله زين الغاليه انا ما بطول عليج اترخص شي تبين مني
دانه: لا فديتك سلامتك الغالي وانتبه من درب
عبد الله ياشر على عيونه: ان شاء الله من عيوني يا عيوني وتقرب منها وباسها على يبهتها يلا ودعتج الله الغاليه
دانه: في حفظه
وراح عبد الله عنها.....
مر اليوم بسلام والصبح طلعت من المستشفى ووصلت البيت وتسبحت ويلست تريح استحت تسير بيت قوم بو عبد الله شو بيقولون مستعيله على الييه عندهم عشان جيه فضلت انها تيلس في بيتهم وينها البنات قوم يزوي وعليوه وروضوه ووضحوه وميثا وموزه وساره وهند وحصه وريم حرمة محمد سارت ياهم العزيمة هيا ريلها محمد وحياب سار بس ذياب ما سار قال ان سرت بخربها بخربها ايلس في بيتي اكرم ليه ...
عند البنات سووالفو ضحك ويالسات يطالعن التلفزيون...
دانه: روضه بامر عليج فديتج
روضه وهى تاكل حب مصري: امري
دانه: اباج تسيرين قسم ذياب وتيبين دي في دي
روضه: نعم روحى بروحج والله استحى
دانه: من هنيه محد البيت فاضي لو طيارة حربية بتسمعينها محد كلهم في دبي
روضه: الا اقول دانوه ريلج من وين من دبي
دانه: من الهباب سلمج الله
روضه: اووووه والله زين هبابج عاد كل شوي مطيح في العراقيب
دانه:هههههههه ما عليه الا بقيل في الهباب بس هب في الحر عاده سيري يلا انتى يالسه تلهيني بالرمسه ..
روضه: ان شاء الله... سايرهــ
قامت روضه وهى سايره صوب البيت لفت على البنات وقالت: دريتن
وضحى : شو
روضه: عليا وساره متزاعلات تراهن وشردت
اما البنات فاانصدمن
عليا : جذابه مب زعلانه
ساره: لا حبيبتي خلى عنج صدقها انتى زعلانه قتلج انا ما خطر في بالي اغيب الا صبح والله حتى سالي عمر
وعضت على شفايفه لانها زلت جدام دانه
دانه حست بخنقه وضيقه بس من تذكرت عبد الله حاولت تناسى عمر
عليا: وشو معنى عمر
ساره بحيا: هو اللى موعيني من رقاد
عليا: يعنى صدق كنتى راقده
ساره: هيه والله كانت الساعه 7 وعاد تكاسلت وقلت مب لازم دق عمر ويلست اسولف وياااه
عليا: وشو اخباركم ويا بعض
ساره تبتسم: الحمد الله
وضحى ضحكت وهى تقول: بعد علموكن تزاعلن غلامتين والله ما عندكن سالفه عادى علويه انتى بعد نقعي فيها خيانه وغيبي هههههههههههههه
عليوه: هههههههههههههههههههههه جب عاااد حرام عليج كل ولا حرمة اخويه لازم اخليها على بينه من العلم لا يدبغنى حبيب القلب ..
اما عند روضه فحدرت قسم ذياب وهى تنبش في المكتبه لقت كتاب عنوانه واايد حلووو وجان تبدا تقرى اول صفحتين كان اسم الكتاب لا تحزن للدكتور عايض القرني وااايد انتشر هذا الكتاب ويلست تقرى وهي في خاطرها تقول ما شاء الله مثقف الولد وشلت الكتاب وحطته على طاولة على اساس انها بتشله ويلست تنبش لقت كتاب عنوانه الطريق الى الجنه وكتاب عنوانه كيف تحقق اهدافك ورغباتك ابتسمت صدق ذياب غير عن الشباب من ناحية اهتماماته ابتسمت وردت الكتب ونبشت في مكتبة الثانية اللى فيها سيديات ما شاء الله عليه مكتبه حق الكتب ومكتبه على شكل دروج حق سيديات ويلست تقري الورقة الاولى اللى على الرف اشرطه دينينه طالعت الرف الثاني افلام رعب الرف الثالث والاخير منوعاااات ...
قعدت تتعبل بالرف الثاني وتشوف اسم الفلم اليديد اللى يايبنه ذياب يلست تقرى الفلم عيبها فلم من شكله وشلته من دون ما تقرى الاسم ...ولفت لقت رفوف على شكل دري طبقات يعنى سارت صوبهن وقرت على الرف الاول .... شرايط اعراسنا بين قوسين ( افراح الــــــ) ابتسمت قالت اكيد يوم عرس محمد ورباعته وطالعت الرف الثاني مسرحيات طارق العلى ... والرف الاخير ... ذكرياتـــي ورحلاتى ويا الربع ..
وانتهى البارت
|