دوبك تعاتبني بعد صد وطعون
وأنا أحسبن يداك ما يطعننًي
غيرت تفكيري من الالف للنون
وأزعجتني وبعشرتك خاب ظنًي
ياما لعينك أعسف الصعب ويهون
ويا ما عذاب العشق يومي قتلنًي
أرد المنايا قبل الاصحاب يردون
وآطا الجمر وأحس كويه وأكلنًي
وأجاملك وأغليك وأفديك بالكون
وأرفع مقامك والنجوم يهونًي
ماهمني لو قالوا الًي يقولون
من غبن بعض الناس دائم يونًي
واليوم في أذني سامعه قول مجنون
صاحي وفي عرف المعادين جنًي
واليوم لو يطري عليً ألف مظنون
علقت عند الباب تكفون عنًي
ياقاطع حبل الوصل كنت وتكون
لمحة سراب طردها ما شحنًي
ياقاطع حبل الوصل روح ماتهون
ما ارضى علاك خلاف منهم و منًي
|