الضحك ماينهي متاعب فؤادي
أضحك وبعد الضحك ينتابني خوف

ياشاغل بالي منين الرقادي
النوم من عرفك من العام محذوف

حسب اعتباراتي وحسب اعتقادي
اني على كيفك على قيس ما اشوف

يازين تكفى لاتزيد العنادي
أنا معي خفخاف مشغوف مشعوف

ماعاد لي صوت أغني وأنادي
الريق ناشف واضرب القلب بكفوف

أنت تعرف ما يضمرون الاعادي
ياكبر فرحتهم لو تصيبنا صدوف

وانت تعرف ضد البياض السوادي
وانت تعرفني بين الاوساط معروف

لاتدحم أمالي لرؤوس السنادي
ياباخصٍ في الصدر شرشوف شرشوف

رمشك طعني مثل طعن الهنادي
لا عاد تلحق سوً لك فيً معروف