سبحان اللي خالقك

الله اللي كامل(ن) في كل حال
ما خلق فـ الزين وصفة وإنبدع

ما يفيد القول لو كثر الجدال
لو جمعت الزين ما جاء له ربع

يحفظه ربي ولو طال المطال
شوفته مثل البدر لـ من طلع

يعجز التعبير عن وصف الدلال
الحلا والذوق فـ الحلو إجتمع

والله إنه يا أهلي صعب المنال
زايد الرقه مع أصناف الدلع

نظرة عيونه بها حلم وجلال
إنهفى سهمه بقلبي وإنتزع

حين أفكر فيه هم الخوف زال
صوته الدافي على المسمع طبع

ليتني عنده وعيني به قبال
كان أشب القلب وأزيده ولع

أصعب اللحظات لا جاء لي مجال
ما قدرت أحكيه عن شوق ووجع

يختلف لوني ودمع العين سال
قلبي المجروح ما غيره طمع

خايف ألقى يوم وأشوفه محال
وخايف بـ لحظه أشوفه وأندفع

أتمنى تعجبكم

مدونتي ♥♥ شرفوني ي الغواالي ,,,