مها:الجزء السابع
لأول مره اشوف فيها امي..هاذي امي؟!..هاذي اهي امي؟؟..نسيت الناس ونسيت نفسي بالمحكمه وانا اطالع امي.......
كانت يمي بالمحكمه كانت تتكلم بصوت خااافت تكلم ابوووي يعقووب تقوله هاذي بنتي...يعقوب...شوف بنتي...
يعقوب(بحزن ودمعه حسيتها بعيونه وصوت خاااافت):مثل ماقلت لج ...شفتيها..شفتي بنتج...شفتي مها..
بلعت ريجي و دموعي غطت ويهي...وانا اشووفها ودي اروح اقعد يمها..مابي شي ..بس بروح عندها..يمكن احس بالحنان اللي فقدته من ايااام..من يوم ما انولد يوسف في عالمنا ...واخذ فكر وحب وحنان امي موضي كله...
بعد ماخلصوو شغل و اوراق عشان يتم الاستبدال و استرجاع طفله ضاعت من15سنه في بيت البرواز ...ويوسف اللي كان ضايع من زماان في احلام و فكر امي موضي...
واجهني يوسف...وابتسم بويهي (بحزن وتقبل للواقع)
..وقال بصوت خافت : يلا عاد وخري عن امي و اخذي امج ترا اذبحتنا فيج....
ابتسمت ابتسامه سخيفه...نادتني امي موضي ..التفت لها...كانت تبي تكلمني...مشيت خطوتين جداام ..
بس رجعت...مهما يكون كانت في يوم من الايام امي...كانت امي..التفت
موضي:يمه مها لا تخافين بظل امج امج موضي اللي تحبج و تخاف علييج...
غرقت بمووووجة حزن رجعت ظميتها بس بجفااااف من غير احساااس حتى من غير ما ألمها بأيدي ...
حسيت اني عذبت ضميرها بنظرتي الاخيره لها اللي كلها لوووم و عتااااب كنت اقوول فيها(ليش يا يمه)...
استقبلتني امي الثانيه بأبتسامة حززززن كأني حلم ضاع من سنين ورجع رجع بس مكسووور وضاايع ...
التعب كان باين على ملامحي..اللي كانت تشبهها في كل تفاصيلها...
وقفت يمها..ظمتني حيييييل وبجييت على صدرهاا..
حسيت بالقهر يقطع اوصالي..
حسيت اني فعلا كنت تايهه ورجعت ...
يكفي اني اشوفها تستقبلني بحظنهاا...
بدت تتلاشى صورة امي موضي بدت تتلاشى صورة ريم و صورة فرح...
بس قلبي ليلحين مايقدر يفارق ابوي عبدالله...
ومايقدر ينسى شلون تخلت عني امي موضي...
+*+*+*+*+*+*+*+*+*+
انتظروا الجزء الثامن والاخير بعد الردود والتوقعات
|