مها:الجزء السادس
رجعنا البيت ..امي طول الطريج تبجيي..ابوي ساكت ..وانا تقريبا تقبلت السالفه..ولو انه دمعاتي عاندوني بهاللحظه يمكن لاني اكتفيت دموع....حسيت انه الحين مو وقت دموع خلاص..اللي صار صار....مالازم نعيش تحت جذبة ال15 سنه ولازم اعترف ولووو لنفسي و لمره وحده بكل هدوء و صوت عالي واقول اسمي((مهـا يعقـوب الراهــي))..بعد ماقلت اسمي ...خذتني موجة بجي .....حذفتني على عتبة باب الواقع...هاذي آنـا..مها الراهــي....
بعد مارجعنا البيت ... قضيت باجي يومي بغرفتي ...مابين النوم والبجي...من دخلت غرفتي ماشفت امي...ماشفت ابوي..وينهم تخلوو عني بهاللحظه ..وانا بأمس الحاجه لهم..يمكن لأنهم بنفس حالتي و محتاجيين لاحد يوقف معاهم...من يومين وانا مو شايفه خواتي...الظلام يغطي غرفتي...وصينية الاكل داشه طالعه..تدش وتطلع من غير ما آكل اي شي...ولا احد غير الخدم كانو بغرفتي...لا خواتي ولا ابوي ولا حتى امي....متغطيه بلحافي افكر بشنوو راح يصير...اكثر من اللي صار...شلون راح اتقبل مها الراهي بعد ماعشت 15 سنه مها البرواز...منو امي و وينها ليش ماشفتها لحد الحين ..يمكن اهي مثل امي موضي ماتبيني...تبي يوسف..كلهم يبون يوسف...وين ريم وين فرح ليش خلوني بروحي...هاذا رابع يووم اقضيه بروحي بغرفتي...مع الظلام..و دموعي و خوفي ...آآه ياكبرك ياهمي.......خامس يوم يعدي...وانا شبه عايشه على البندول...محد حتى طل علي....محد بغرفتي غيري...محد ..وين راحووو...مو انا اللي جبرتهم يعيشون مع مها الراهي مو انا اللي بعدت يوسف طول هالسنين عن امه و عن خواته..ولا انا اللي لي ذنب في اللي صار..ترى حتى انا ضحيه..حتى انا مثل يوسف ..حتى انا بحاجه لهم..انا ماقلت للقدر اخذ منهم يوسف..ليش تخلوو عني وانا بهالحاله..بأحساسي بالضياع واحساسي بانه مابقى فيني شي ..آآه حسبي الله على اللي كان السبب ما اقدر اقول اكثر من جذي..تجاربي بالحياة ماكانت اكثر من لعب وغشمره ...بيوم وليله اعيش هم اكبر من عمري كله..بيوم وليله اصحى القاني مها الراهي...هاذا يومي السابع..اعيشه بروحي مع روحي ..والتعب يغسلني وارجع ابجي... مابي شي..بس ابي احد يفتح الليت ايي يظمني حيل يحسسني بأني ضحيه مالي ذنب..وتاخذني افكاري وارجع اضيع.....صحيت بيوم الثامن...قررت انهي هالعزله ..غسلت ويهي وبعد صلاتي..غسلت تعبي و كل مافيني من هموم بالشاور اللي اخذته..طلعت من غرفتي وانا اوعد نفسي ماراح ألوم احد ماراح اتكلم الا بأسمي اليديد..مها الراهي...لقيت خواتي بالصاله طالعوني بهدوووووء ونزلوو راسهم...ابتسمت ابتسامه باهته ..
مها:شفيكم!!
(محد رد علي ولا حتى طالعوني)
مها:ترا مها اللي كانت دوم وياكم اهي نفسها مها الراهي...
هدوووء
مها:ليش فجأه حسستوني اني غريبه
ريم:امي بالمستشفى من 4 ايااام
فرح(تبجي...):احنا شصار لناا منو داعي علينااا
مها:ليش شفيهاا عسى ماشر تبي يوسف (ابتسمت ابتسامة ساخره الحقد باين بعيني)
ريم:مها امشي معانا اليوم حرام كافي اللي صار لها انتي ماتدرين عن شي
مها:وانا ؟!...مو حرام اللي صارلي؟؟..ماكسرت خاطركم مثلها؟؟..ماحسيتوو فيني؟
ريم:مها مادري شقوول بس لازم تحسين فيها
مها:احس فيها واهي ماحست فيني ولا حتى قالت هاذي مها اللي ربيتها
ريم:كانت طول عمرها تحس فيج ماله داعي تطر منج الاحساس اليوم
مها:وانا طول عمري احس فيها بس اهي اليوم ماحست فيني شلون تبيني احس فيها..؟؟ولو بيدي جان من زمان تلقوني ببيت الراهي بس عشان اخلي يوسفها ايي يعيش هني...وين ابوي؟؟
ريم:ابوي نايم انتي اللي وين ابوج؟..وينه ؟؟مايبيج؟؟
مها:اي تصدقين...مايبيني !! مثل ما انتو ماتبوني..عادي متقبله الوضع
ريم(تبتسم بيأس):ابوي مفكر يرفع قضيه ويعرض الاوراق اللي تثبت انج بنت الراهي..لانه امي تبي يوسف
مها(بعصبيه):متمسكه بيووسف حتى بعد15سنه
ريم:مها هاذا اخوونا ..انتي مو مشتاقه لاخوانج؟
مها(بنبرة يأأأس و تعب):ابيهم وابيكم
ريم:واحنا بعد نبيه ونبيج
مها:انتي شفتيه؟
ريم:ودي اشوفه
مها: آآه ياريم
ريم:شفيج!
مها:ههه كل هاذا وتسأليني شفيني...
بعد 6 اشهر قضايا و مرافعات ..قررت المحكمه..انه مها الراهي تعيش في بيت يعقوب الراهي و يوسف البرواز يعيش في بيت عبدالله البرواز..مع شروط تنظيم الزيارات الاسبوعيه ..
ـــــــــــــــــــــــــــــــــــــــــــــــــ
انتظروا الجزء السابع (قبل الاخير و راح يبرد جبدكم انشالله)
لو سمحتواا توقعات
|