10-20-2012
|
|
|
|
بنت وشخصيتها قوية
صبآآح الخير 
,
صار نقاش هداك اليوم بين اخوتي وولاد عمي بخصوص واحد راح يخطب وتردد لأنو عرف انو البنت شخصيتها قوية !!
انا صصراحة استغربت
طيب ازا شخصيتها قوية يعني عيب !!
وين المشكلة ازا البنت شخصيتها قوية
المهم
انا سآآلتهم .. طيب شو يعني شخصيتها قوية !
يعني يمكن هما مشش فاهمين شو معنى الجملة بالزبط !! 
كل واحد بيوخد فكرة عن صاحب الششخصية القوية
حكولي انه البنت بتكون شخصيتها قوية لما تكون زلمة ,, وراسها يابسس ,, وما بتمششي الا اللي بمخها ,, وشخصية متسلطة ,, لسانها طويل وبتحكي وما بتحترم حدا ,,, الخ
وطبعا كل واحد حكالي رآي بختلف عن التاني
طلع ما حدا فينا عارف شو يعني شخصيتها قوية !!
مين حكى انه هي تعتبر قوة الششخصية
هاد اسسمه هبل مش قوة شخصية !
انا لو حدا حكالي انه هالبنت شخصيتها قوية , بفهم انها عارفة شو بدها , قد حالها , واثقة من حالها , عندها مبآآدئ ,, ما بتسمح لحدا يلعب فيها .
بس مش متل ما حكوا
هلآآ لو اسآلكم ..؟؟
شو الفكره اللي بتاخدها ع طول عن الانسان اللي شخصيتو قوية ؟ أو بمعنى تاني شو تعريفك للشخصية القوية ؟
ع حسب تعريفك اللي فوق هل قوة الشخصية بتتعارض مع انوثة الفتاة؟
لو بدك ترتبط بترتبط ببنت صاحبة شخصية قوية (ع حسب تعريفك طبعا)؟
شو بتفهم من الشخص اللي بقلك انا بدي وحده مغمضة أو شخصيتها مش قوية ؟
بالنسسبة لي بفهم انه خايف تحكمه
او اقنعوني بسبب تاني 
بانتظآآر ارآءكم
|