ســــــلام يـابـيــتــاً فـــقـــد زول غــالــيـــه
واللي مضى ماهو على الهجر ضاري
والـيــوم مـابــه مـــن يـــرد الـخـبـر فـيــه
غــيــر الـهـبـايــب مـخـفـيــات الأثـــــاري
عـــز الله إن الـبـيـت لا غــــاب راعــيــه
تـبــدي عـلـيـه مــــن المـغـيـبـة مــــواري
ولـــيـــا قـــرنـــت اول زمـــانـــه بـتــالــيــه
هــلــت دمــــوع الـعـيــن مــنــي جــبــاري
ويـطــري عـلـيـه شـــي مـالــي بـطـاريــه
والـقـلــب مـاتـشـويــه غــيـــر الــطـــواري
هـــذا زمـــان اقــشــر وشـيـنــه مـبـاديــه
جـــدد عــلــي الــجــرح والــجــرح بــــاري
جرحاً مـن أحـداث الزمـن كنـت ناسيـه
والـيـوم عــاد الـجـرح واخـلـف مـســاري
مـالـه دواء ينـبـاع حـتـى إنــي أشـريــه
ولا ينـوجـد فــي ســوق بـايــع وشـــاري
لـــو ان جــرحــي لــــه طـبـيـبـاً يــداويــه
غير اعرضـه لاقـرب طبيـب استشـاري
و اقـول لـه جـرح الزمـن ويـش يبـريـه
يـمـديـك عـــن طــــب المـصـابـيـن داري
وان ماحـصـل لــك دلـنـي ويــن الاقـيــه
ان مـاحـصـل طـبــي قــريــت انـتـحــاري