يا الهموم اللي علي اثقل من حمول الركايـب
ساعد الله قلبي اللي مرتكـي لحمـول همـي
و يا الظروف الي علي وين ما وجـه صعايـب
يا كثر ماني مسحت الدمـع منهـا بـراس كمـي
و يا الجروح الي يجي هـذا و ذاك العـام طايـب
كل ما هبت ظروف الوقـت شمـي و استشمـي
من عرفت العلم و الضحكـات ننهبهـا نهايـب
لا تغافلنا الوقت قمنا على الضحكـه نسمـي
و ان ضحك وجه الزمن تلقى مثل شرواي هايب
ايه اهابك يا زمن وان سقت ضحكاتـك لفمـي
نشتكي من سطوتك ونقول من شقر الذوايـب
و كل جرح يهون غير جروحـك اللي مـات دمـي
بس تنزفنا هموم و نضحـك بوجـه القرايـب
و من نشدني ماني الا بخير و همومـي بدمـي
و انت ياللي منك ثلثين الخفوق اصبح خرايـب
دام بعثرني زمـان الـذل مـا يغريك لمـي
لمني تكفى تـرى مـا عـاد فينـي للمصايـب
يا خلف جدي و نـاسي و ألا يـا ريحتة امـي
لا تخليني و انا شفني شبـاب بـراس شايـب
كان انت اقفيت مع هالنـاس و محـدن لد يمـي
مثل مـا للهم سبـه للفـرح تبقـى سبايـب
انت يا فرحه و يا ضحكه و يا مـدري شسمـي
انت آخر ما بقى لي فهالحياة مـن الحبايـب
في زمان ما نشـد و الله عـن مدحـي و ذمـي
و الزمن كـم واحـدن قبلـي موريـه العجايـب
و المصبيه كانك اللي مع زماني صـرت همـي
و يالهموم اللي علي اثقل من حمول الركايب
ساعد الله قلبي اللي مرتكي لحمول همي
’,
آتمنى تنآل آعجآبكم
راقت لي فنقلتها لكم