منتديات قصايد ليل - عرض مشاركة واحدة

05-21-2012

(في جناح بندر وشهد):
كان جالس بغرفه النوم وهموم الدنيا كلها بقلبه يدق عليها ولاترد ومع ذلك في قلبه أمل أنها ترد طرت على باله فكره
أتصل على الثابت ردت شهد وباين على صوتها التعب
بندر:هلاقلبي.
شهد:أوف أنت ماتمل ياخي خل عندك شويه كرامه وش تبي مني خلني بحالي.
بندر:أبي ترجعين للبيت.
شهد:رجعه مافيه فاهم يالله مع السلامه.
وسكرت بوجهه قبل لاتسمع منه الرد يأس فحب ينزل تحت وشاف نوره جالسه مع امه بالصاله
بندر:السلام عليكم.
أم بندر:وعليكم السلام وش فيك واناأمك ليه متضايق.
بندر:مافيني شي .
أم بندر:وش أخبار حرمتك عساها طلعت من المستشفى.
بندرتنهد:الحمدالله طلعت وراحت بيت أهلها .
أم بندرحاسه أن فيه شي : طيب دق عليها بسلم عليها.
بندر:هي تعبانه أنامن شوي كلمتها باين أنها مازالت تعبانه.
أم بندر:نوره دقي على بيتهم.
نوره:أنشاء الله.
بندرلقاها فرصه يتسمع من التلفون فقال:بروح أنام عندي بكره شغل.
أم بندر:تصبح على خير.
راح مسرع رفع السماعه بشويش سمع نوره تقول: هلاسلافه وين شهد.
سلافه:من يبيها.
نوره:أنا نوره.
سلافه:ياأختي ماتملين كل شوي سائله عنها.
نوره:وأنتي وش عليك ياأم ألسانين نادي خالتك.
سلافه:نوره تراك غثيثه محد قال لك هالكلام.
نوره:والله وبدو البزران يطقونها ميانه معي أقول نادي خالتك.
سلافه صرخت: جاء الفلم كنت برفع ضغطك لاكن بماأن الفلم جاء خذي شهد بروح أشوفه باي.
نوره:ههههههههه.
شهد:هلا وش فيك تضحكين.
نوره: على بنت أختك اللي طقت الميانه معي فجأه.
شهد:عادي هي كذا دايم حتى مع الناس عادي هذا طبعها.
نوره:ماعلينا المهم وش في صوتك أنتي تعبانه.
شهد:مدري أحس بصداع فضيع بالراس.
نوره: أكلتي بنادول.
شهد:فوازيقول شي طبيعي المهم وشلون خالتي والبنات.
نوره:الحمد الله شهد.
شهد: هلا.
نوره:دقيت عشان أسلم عليك بروح أصلح العشاء خذي امي تبي تكلمك.
أم بندر:هلا والله بمره ولدي.
شهد بخجل:هلاخالتي وشلونك.
أم بندر:الحمد الله ليه ماجيتي عندنا.
شهد:خالتي أناأبي أريح عند اهلي لأني أحس بتعب .
أم بندر:وكم يوم بتقعدين.
شهد:مدري يمكن شهر أوأكثر.
أم بندر:وتتركي بيتك ورجلك لاماعندنا بنات يغيبون عن أزواجهم شهر أقعدي ألين ماترتاحين وبعدين تعالي.
شهد:خالتي ممكن طلب أنا أعتبرك مثل امي وأنتي تعتبريني مثل بنتك .
أم بندر:إيه والله مثل بنتي وأعزعلى قلبي.
شهد:خالتي لاتغصبيني على الجيه أناتعبانه إلا الأن أحس ان جسمي مكسرمن التعب.
أم بندرمامشت عليها تصريفه شهد: شهد أنتي بينك وبين بندر شي.
شهدتوهقت: لا.
أم بندر:شهد ترا الأم تحس في ولدها أنا أعرف بندرإذا كان مبسوط ولاشي مكدر خاطره وأعرف ان كان زعلان من ملامح وجهه أن كان مضايقك بشي علميني.
شهد: خالتي مافيه شي.
أم بندر:طيب ليه ضايق صدره الطفل ومات الله يرحمه ومرشهر على موته وهومن الجمعه اللي بالإستراحه وهومتكدر ومتضايق صاير شي بينكم .
شهد: لاياخالتي .
أم بندر:طيب ليه طلعتي بدري من الإستراحه وليه جاك إنهيار عصبي حاد.
شهد تنكر:ماجاني إنهيار.
أم بندر:أناسألت الدكتور قال جاها إنهيار عصبي حاد وبسببه جاك نزيف ومات اللي ببطنك قولي من ضيق صدرك أوكدر خاطرك الإنهيار مايجي إلا بصدمه قويه أنا يوم مات بدر الله يرحمه جاني إنهيار عصبي يابنتي الإنهيار مايجي إلا إذا الواحد جته صدمه قويه قولي لي إن كان بندر مازعلك من زعلك ولاتكذبين علي.
شهد:خالتي لاتضغطين علي مابيني وبين بندر شي.
أم بندر ماحبت تضغط عليها: طيب دقي عليه وطيبي خاطره بكم كلمه حلوه .
شهد: خالتي بعدين بعد شوي بنام خليها وقت ثاني.
أم بندرعرفت أن شهد تصرفها: أن كان مزعلك أوريك فيه.
شهد: خالتي مازعلني ولاشي يمكن زعلان لأن ضناه مات.
أم بندر:خلاص اجل مااطول عليك بس لك شهر وترجعين للبيت وأن ماجيتي أنا اللي بجي أخذك.
شهدتوهقت تعرف أن خالتها عنيده وراسها يابس:أنشاء الله خالتي.
أم بندر: شهد إذا ماعليك امر نادي أمك بأكلمها.
شهد:أنشاء الله .
أم وليد:ياهلابأم فهد.
أم بندر:هلابك وشلونكم عساكم بخير وشلون البنات والعيال وأبوكم عساهم بخير.
أم وليد:الحمدالله.
أم بندر: أم وليد ماحسيتي ان شهد متغيره عليكم.
أم وليد: والله طول الوقت ساكته مب عادتها العاده تضحك وتسولف مدري من أجهضت وهي متضايقه يمكن لأنها فقدت طفل.
أم بندر: ياختي حتى بندر متغيرضايق صدره ومايضحك وطول الوقت سرحان وساكت هقوتك أن بينهم شي.
أم وليد:والله مدري بس يمكن لأنهم خسرو طفلهم.
ام بندر:لا ماأعتقد هم فيهم شي طلبتك شوفي شهد ليه ماتبي تجي بيتها وأنابشوف بندرالمسأله فيها أن واضح عليهم أن بينهم مشكله.
أم وليد:أنشاء الله.
أم بندر:خلاص عاد ماأبي أطول عليك سلمي لي على الأهل.
أم وليد: أنشاء الله.
أم بندر:ياالله مع السلامه.
أم وليد مع السلامه.
سكرت أم وليد وأم بندر راحت لجناح ولدها تبي تعرف وش السالفه
(في جناح بندر):
بندر:الله يعيني أمي ماراح تتركني إلا لماتعرف السالفه الحمد الله شهد ماقالت شي لها الله يعين بس واضح الحزن في صوتها وباين انها تعبانه.
فجأه سمع الباب ينفتح تعدل بجلسته وطلع من الغرفه لصاله الجناح شاف أمه جالسه على الكرسي: يمه وش فيك.
أم بندر:لاتستغبي أدري أنك رافع السماعه وتتسمع المكالمه بندر قل لي وش السالفه ليه شهد جاها إنهيار عصبي.
بندر:يمه ليه منتي مصدقتني قلت لك مدري عنها يمكن جاها خبرمن أحد سبب لها إنهيار.
أم بندر: هالكلام مايمشي علي.
بندر:يمه لهاالدرجه منتي واثقه في ولدك.
أم بندر: أناواثقه بس ماأرضى عن الغلط.
بندر:يمه هذي أمور بيني وبين زوجتي .
أم بندر:أدري أن مالي الحق أتدخل لاكن أن شفت الغلط مستحيل أسكت أسمع موضروري أعرف السبب بس اهم شي تراضيها وبكره تروح لأهلها تراضيها.
بندر:أنشاء الله.
أم بندر:بروح أتعشى تبي شي.
بندر: سلامتك.
أم بندر: تصبح على خير.
بندرتنهد: وانتي من أهله.
جلس يفكر طول الليل بطريقه تراضيها.
اليوم الثاني راح ولا رضت عليه.
مرشهر على زعل شهد وطلولت جلستها ببيت أهلها وبندر كل يوم يتصل عليها يبيها ترجع للبيت وهي رافضه تبيه يطلقها ويوم من الأيام
دقت أم بندر وقالت أنها بتزورهم وفعلآ جت هي وبندر
دخلت المجلس وجلست تسولف مع أم وليد والبنات فقالت أن بندر يبي يسلم
طلعو البنات شهد وقفت أم بندر:وين رايحه.
شهد: لدوره المياه.
راحت شهد للمغاسل وأخذت نفس عميق تدري أن أم بندرمب أمخليتها بحالها
رجعت للمجلس وهي بالممر قابلت بندر بوجهها صدت عنه ودخلت للمجلس وجلست جمب امها بدون ماتطالع فيه.
بندر: بصراحه يوم شفتها بالممر جن جنوني تمنيت أضمها لصدري مشتاق لها موت ماعرفت قيمتها إلا يوم بغيت أفقدها بالمستشفى.
دخل بندرسلم على خالته ومد يده لشهد .
أم بندر: ورا ماتسلمين على رجلك له ساعه ماد يده.
شهد مدت يدها وسلمت .
شهد:من لمست يده حن قلبي له ماأقدر أخون كرامتي وكبريائي وأرجع معه.
طال الصمت
أم بندر: الحين وش بلاكم ساكتين.
أم وليد: خليهم ياأم بندر على راحتهم.
أم بندر:شهد أنا جيت عشان أرجعك للبيت.
شهد أنصدمت: خالتي تو الناس.
أم بندر بحزم: لا عاجبك حاله رجلك صاير عزوبي غثنا جيبولي حرمتي .
بندر أنحرج.
أم بندر: أنا أدري أن بينكم مشكله وماجيت إلا لأني أبي هالمشكله تنحل قوم راض حرمتك وطيب بخاطرها.
بندر:أنا أسف.
وقدم لها هديه.
أم وليد: شهد وش فيك الرجال تعب وهو ماد يده.
شهدأنتبهت لنفسها وخذتها منه بدون ماتطالع فيه ولافتحت الهديه.
أم بندر: شكل المشكله كبيره أسمعيني أنتي وياه أنا وأم وليد بنطلع من المجلس وإذا رجعنا نبي المشكله منحله.
بندر:أنشاء الله.
طلعومن المجلس وام وليد سكرت الباب وراها وراحو للصاله كملو سوالفهم مع البنات.
طال الصمت بندر:شهد أدري أنك إلين الحين شايله بخاطرك ليه ماتبين ترضين حسي فيني والله تعبت من شهر وأنا كل يوم أدق مليون مره ولاتردين وارسل لك رسايل وماتردين وش أسوي مابيدي حيله شوفي شكلي كيف صاركل من شافني لاحظ حزني والله حياتي ماتسوى بدونك.
شهد: طيب ليه طلبت مني انزل الطفل.
بندر: المسؤليه أناالأن أشغالي كثيره وإذا أنتي جبتي طفل بتتعبين الطفل يحتاج إحتياجات وأنتي صغيره على المسؤليه غير المصاريف والمواعيد للمستشفى وأنتي عارفه طبيعه شغلي كل يوم في بلد وانا ماأقدر أتركك بالرياض لازم تسافرين معي.
شهد:طيب والخيانه.
بندر:عهود اخدعتني انتي عارفه أني ماأقاوم الجمال هي اللي حرضتني على هالشي تبينا نفترق ليه تفرحين علينا العدوان ياشهد بسبب وحده تبي تفرقنا والشيطان حريص شهد أنا اسف والله أسف وهذا عهد مني مااكررها ومستعد أعوضك عن كل شي.
شهد:شوف أنا بأسامحك لخاطر خالتي وبس لأنها تعنت لي عشان ماتكبر المسأله وبمثل كأني راضيه عليك قدام خالتي اما إذا جلسنا ألحالنا لاأعرفك ولاتعرفني فاهم.
بندر:من هالعين قبل هالعين.
لزمت الصمت تبي تطلع من المجلس عشان ماتضعف قدامه هي تحبه ولاتقدرعلى زعله وقف بندر: وين رايحه.
شهد:بروح أنادي أمي وخالتي.
بندر:بصراحه يوم شفت أمي وأمها طلعو كنت بركض لها وأضمها بقوه بس ماقدرت نظرات الإستحقار ذابحتني فقلت لها:شهد ممكن توقفين.
وقفت قرب منها توه بيضمها منعته:لاتحاول رجاء.
بندر:طيب بتصل على أمي بقول لها أنك رضيتي.
دق بندر قالت له أمه:روح أنت وياها وتمشوا ووسع صدرها وأنا بيجيني أخوك.
بندر:شهد كاودك تجيبين عباتك.
شهد:توالناس على الروحه.
بندرذكرها: ونسيتي أمي وش بتسوي.
شهد تذكرت تنهدت:بروح أنادي أمي وخالتي.
جت امه: هاه بشر.
أبتسم:رضت.
أم بندر:إيه خلكم كذا تراشي طبيعي الخلافات تصير بي الرجال وحرمته لاكن لازم يكبرون عقولهم ومايخسرون بعض.
أم بندرجلست نص ساعه تنصحهم ثم قالت لشهد:وانتي لين الحين واقفه وش تنتظرين روحي ألبسي وأكشخي لولدي ولاترا بزعل.
شهد راحت لغرفتها وهي متضايقه من نفسها لأنها بتروح معهم , تروشت بمويه دافيه وأستشورت شعرها ولبست بنطلون برموده أحمروبلوزه كت لونها أبيض مفتوحه من جهه الصدر ولبست كوتش أحمرمخطط باأبيض وحطت مكياج ناعم وعلى شفاتها حطت روج أحمر وتعطرت بالعطراللي يحبه بندر.
وخذت شنطتها الصغيره حطت فيها الجوال وخذت اللاب توب معها ونزلت ومعها عباتها.
دخلت المجلس أبتسمت ام بندر أمابندرطار من الفرح يوم شافها متشخصه.
ام بندرطلعت من شنطتها كيس صغير عطته بندر:هذي هديتي لكم روحو وانبسطو وعيدو شهر عسلكم ولاترجعون إلابعد شهر.
بندرفتح الكيس شاف تذكرتين سفر لماليزيا:والله منتي سهله يمه.
أم بندر:ههههههههههه ياالله ألبسي عباتك وخذ حرمتك لبيتكم جهزو شنطكم سفرتكم بعد يومين.
بندرباس راس أمه وباس راس أم وليد ووقف:ياالله شهد.
شهد لبست عباتها وباست راس أمها وخالتها وراحت معه.
أم وليد: الله يوفقهم.
ام بندر:أمين.
روجعويكملون سوالفهم.
ركبت شهد السياره بندر:نورتي سيارتي بوجودك.
شهدلازمه الصمت ماتبي تتكلم عشان ماتضعف قدامه هي تحبه ومشتاقه له بس كرامتها مخليتها تمثل القوه.
بندر:عازمك الليله على مطعم .
وصلوللمطعم ودخلو كانت إضائاته خافته شافت البوابه عرفت أنه مطعم الضوء الخافت كان قمه بالرومنسيه دخلت وهي ساكته طلب بندرالمنيوسالها:وش تطلبين.
شهدساكته.
بندر:يعني تبيني أطلب أوكيه .
طلب مأكولات بحريه وطلب الأنواع اللي شهد تحبها كان جايع فكثر الطلب.
وجاء طلبهم وبدو ياكلون كان بندر يسولف وشهد ساكته أكلت وخلصت وراحت دوره المياه أخذ جوالها يعرف أنها تكتب مذكراتها في الملاحظات دخل على أول ملاحظه كتبت فيها:
احبه غصب عني احبه وابي أكرهه وموقادره
ماأدري متى ياربي أقابله
أشتقت له حيل وودي أضمه
هوحبيبي هوقلبي هودواي
وحياتي ماتسوى بدونه
ودي أجي له واقول له رضيت بس كرامتي ماتسمح لخاين يهينها
حس أنها بتجي رجع الجوال مكانه ويوم جت أبتسم وهويطالعها وقف وراح مغاسل الرجال غسل يده وجلس أنتبه أن شهد سرحانه شافها تنهدت عرف انها تفكر في اللي صار بالأستراحه فقال:وش رايك نمشي.
شهدوقفت وراحت تركب السياره وصلو للبيت دخلت الجناح فصخت عباتها كان بندر يراقبها في كل خطوه تخطيها أنحرجت بس حاولت تطنشه بس خافت يوم شافته راح يقفل باب الجناح.
شهد:ليه قفلته.
بندر:أخيرآ تكلمتي ياحبي واحد وزوجته ومايبون أحد يزعجهم.
شهد وقفت بدون ماتهتم لوجوده وراحت للمطبخ شربت مويه وجلست بالصاله وشغلت التلفزيون وحطت على قناه أم بي سي وكانت تشوف مسلسل نور التركي جلس بندر جمبها وهو لابس بجامه نوم وحط راسه على كتفها ماأهتمت لحركاته كانت مندمجه مع المسلسل حست بيده حول خصرها نقزت مرتاعه.
بندر:وش فيك.
شهد:لاتلمسني.
جاها النوم بس ماحبت تروح للغرفه كانت تبي تنام بالصاله أوالمجلس فراحت للغرفه تدور كمبل أحتياطي مالقت .
دخل بندر بعد ماسكر اللمبات اللي برا وقفل الباب وراه .
شهد:أفتح الباب.
بندر:نومه برا الغرفه مافيه.
أخذ المفتاح وحطه بجيبه وقال:تبينه تعالي خذيه.
وقربت منه تبي تاخذ المفتاح ومنعها وصارت معركه بينهم لدرجه أنها صارت تلاحقه بالغرفه تبي تاخذ المفتاح وبندر متشقق من الوناسه:كانك حرمه ألحقيني وخذي المفتاح تعالي خذيه.
ركضت وراه تبي تاخذ المفتاح ولاقدرت تمسكه رحمها ووقف وقال:ياالله تعالي خذيه.
قربت وفتشت مخابيه لصق فيها حست بحراره أنفاسه على أرقبتها رفعت عيونها وشافت عيونه قبالها تلاقت الأنظار
خافت بعدت عنه سحبها وضمها بقوه لدرجه أنها حست أن أعضامها بتتكسر من قوه ضمته
بندر:من بيردك عني.
شهد:فكني.
بندر:مستحيل.
بعد 25دقيقه فكها بعدت عنه وراحت للسرير: أبي انام لاتزعجني.
بندر:ماأشتقتي لي.
شهد:تعبانه.
أنسدحت وطفت الأباجوره اللي عندها فصخ ملابسه غطت وجهها تستحي تشوفه بدون ملابس.
بندر:واحد وحاس بالحر ويبي ينام بدون ملابس فيها شي .
لزمت الصمت خافت يوم شافته أنسدح جمبها : ليه تتلحف بالكمبل وأنت محتر.
بندر:زوجتي ومشتاق لها.
شهد:حنا ماأتفقنى على كذا.
بندر:قولي اللي تقولين .
توها بتردت حط يده على فمهاوقال:أششششش. وبدى يبوس وجها وأرقبتها و....و....ألخ(مايحتاج أوضح).
وبعد يومين سافرولماليزيا وشهد رضت عنه رغم أنها مازالت حازه بخاطرها سالفه عهود وبندروقررت تستمتع بحياتها
بعد مرورخمس شهور من أحلى الشهور بالنسبه لشهد لأن بندر قرر يعوضها عن طفلها اللي مات
وفي ليله من الليالي كانت شهد جالسه تطالع التلفزيون
جاء بندر وشاف حالتها غريبه فيها خمول ووجها أصفر وكل شوي تستفرغ قرر يوديها للمستشفى صارت حامل
ضاق صدره لاكن كتم بقلبه يوم شاف فرحتها تذكر أنه سبب الأنهيار اللي جاها.