منتديات قصايد ليل - عرض مشاركة واحدة

05-21-2012

شهد: سامي أبي توقف عند د: كيف.
سامي:بندلعك بس لأنك تعبانه.
شهد: من قدي لوأدري أنكم بتدلعوني إذا مرضت كان مرضت من زمان.
سامي:أنشاء الله عدوينك.
شهد:مدلعني وخايف علي بعد وش ذا التطور من يصدق سامي اللي كنت أتضارب معه كل يوم واللي يهزئني كل يوم الحين يحترمني وخايف علي .
سامي: كنت بزر والحين غير تزوجتي ولازم أحترمك لأن الزواج يخلي الوحده تعقل ولازم تحترم.
شهد:لالاماأصدق.
سامي:خلاص ماصارت كلمه وقلناها وعطيتينا محاضره.
شهد:ههههههههههههههههه أه يابطني خلاص بسكت هههههههههه .
سامي: إيه أضحكي ناسيه أن الدكتور قال لك لاتضحكين كثيرلأن بطنك بيعورك.
شهد:ههههههههه أضحك عليك تذكر يوم كنا صغار يوم كنت أروح معك لبيت خويك بالمدرسه وألعب معكم كان شكلي تحفه وأنا ألعب معكم.
سامي فطس ضحك:ههههههههه أتذكر يوم خليتي كل أخوياي يلعبون بالعرايس هههههههههههههه.
شهد: كنت في ثالث أبتدائي بس اللي استغربت منه أنكم لعبتوبالعرايس.
سامي:أذكر أني إذا رحت للمدرسه كل واحد منهم يقول تعال وجب معك حمد.
شهد:هههههههههه والله تخلف كانو يسموني حمد لأن شعري كان بوي ودايم أجلس معهم.
سامي:مدري وش اللي عاجبهم فيك كانو دايم يقولون لي جب حمد معك ولا لاتجي بس ضحكت عليك يوم أمي منعتك تروحين معي ههههههههههههه كنت أشوفك تبكين من القهرههههههههه.
شهد:خلاص صرت في رابع عشان كذا أمي منعتني.
سامي:اللي مخليني أستغرب منك عنادك وعربجتك حتى أني قلت مستحيل ذي البنت بتتزوج.
شهد: ليه.
سامي: مدري بس أنتي كنتي مره عربجيه مع الكل لدرجه أنك ترادين أبوي وأخواني حتى سواقنا ماسلم من لسانك ويوم تملك عليك بندرقلت بعد أسبوع بيطلقها من طوالت لسانها صار لسانك يطلع لناس ويحلو لناس (وغمز لها يقصد بندر) والله منتي سهله وش سويتي بالرجال صارمثل المجنون يوم أنك بالمستشفى كان شكله تحفه من شافه قال أمه ماتت لوتشوفين دموعه
كأنها دموع عاشق بيفقد حبيبته يعيني على الحب.
شهدعصبت يوم سامي جاب طاري بندر: ماشاء الله يعرف يمثل تراها دموع تماسيح اللي مثله ماأعتقد بيحبني.
سامي:ياليتني صورته والله كان يبكي بكا غيرطبيعي ويوم طلع الدكتور مسرع وجابو لك نقاله ركض مثل المجنون وجلس يصارخ على الدكتور وين ماخذينها ويوم قال أن جاك نزيف حاد ولازم ينزلون الطفل.
دمعت عين شهد يوم تذكرت الموقف خسرت ولدها وخانها زوجها اللي طلب منها تنزله.
سامي عض على ألسانه تحسف أنه تكلم يوم شافها تبكي فصرف الموضوع: أي نوع من الكفي اللي تبينه.
شهد مسحت دموعها:كالعاده.
سامي يبي يفرفشها: وانتي ماتملين من هذا النوع.
شهد:لا أقول شغل لنا المسجل .
بدت تقلب في الأشرطه اللي بدرج سياره أخوها.
سامي:شوفي مارح أشغل أغاني مهستره صعبه وأنتي معي بالسياره تبين يشوفني واحد من أخوياي ويقول ماخذله وحده ويستعرض بها.
شهد:ههههههههههه شكلنا بيصير تحفه.
لقت شريط لعبد المجيد شغلته والأغنيه ضيقت صدر شهد
والله ماكان الفراق أختياري ولاعمري أخترت الوصال ولقيته
وأناأعشقك عشق المطرللصحاري
وصلولمحل د:كيف نزل سامي يطلب الطلب وشهد كانت تبكي من القهر جوالها ماسكت من إتصالات بندر هي يوم طلعت من المستشفى كانت حاطته صامت ويوم شافت المكالمات اللتي لم يرد عليها لقتها 55 مكالمه وكلها من بندر عادت الأغنيه
وردت عليه
بندر: شهد أسمعيني.
شهد: وش بغيت.
بندر:أبيك أنتي.
شهد:وأنا ماأبيك.
بندر: شهد خلينا نتفاهم.
شهد:على أيش على خيانتك ولاتدميرك حياتي.
بندر:شهد كل أنسان يخطي.
شهد:أنت قلتها يخطي مويخون ياليتك خنتني من وراي ولاقدامي منظرك وأنت حاضنها وتبوس فيها مافارق عيوني بذمتك لوأنا كنت بأحضان واحد من عيال عمي وأنت تكرهه وقدامك جالسه بحضنه وش بتسوي يمكن تذبحه وتضربني وبتطلقني حتى يوم شفتني مع خالي جن جنونك اجل لوأنه غريب وش بتسوي زين ماذبحته ولايعني لأني حرمه لاحول لي ولاقوه قلت أخونها صحيح أني ضعيفه وشكلي في نظرك قبيح لاكني أحسن من غيرالله ميزني بشي ناس ماملكوه قلب أبيض مايعرف الكره وعقل أفكرفيه قبل لاأغلط .
بندرعصب عرف أنها تقصده هو وعهود بس مسك أعصابه عذرها مازالت غضبانه عليه.
بندر: طيب وش تبين أسوي لك عشان ترضين أطلبي اللي تبين.
شهد:لوتجيب لي كنوزالدنيا كلها عشان أرضى إستحاله.
بندر: أطلبي اللي تبين.
شهد:أبي شي واحد.
بندر:أمري.
شهد: طلقني.
بندرأنصدم لهاالدرجه هي منجرحه ماتوقع أنها تطلب الطلاق.
بندر:أسف كل شي غير هذا الطلب.
شهد:أجل أحلم تشوف وجهي مره ثانيه.
بندر:شهد أسمعيني.
شهد: خلاص اللي بيننا أنتهى.
شهد: بندربأسمعك شي ممكن.
بندر:كلي أذان صاغيه كم شهد عندي.
قاطعته:لوأني غاليه ماخنتني المهم أسمع.
شغلت اغنيه وكانت تقصده
الله يسامحك روح بس يكفيني جروح ليمتى أتحمل خطاك الله يسامحك روح
الدنيا أخذ وعطا وأنت ماعمرك عطيت والحب إحساس ووفا وأنت ماعمرك وفيت
كنت بعيوني غلاتي كنت تسوى لي حياتي للأسف كانت أماني بس خساره تضحياتي
يوم خلصت الأغنيه سكرت بوجهه لأن سامي جاء وشرا لشهد النوع اللي تحبه وشرا لها جالكسي يعرف أنها تموت فيه.
وصلوللبيت جلست بالصاله تشرب الكفي وهي تطالع التلفزيون أهلها خلوها على راحتها ومانكدو عليها عشان نفسيتها ماتتعب.
جوالها كل شوي يدق وماردت لأنها تعرف أن بندرالمتصل ويوم تطفشت من إتصالاته رمت جوالها بغرفتها وأنزلت للصاله.