البارحة مابين همي والأوراق
جر القلم طاروق حزن يخليه
استرسلت ابيات شعري من أعماق
الموقف اللي مر أجريت أعديه
موعد لقا مبني على نية فراق
كان الأخير وضيق الصدر طاريه
ولا هي غريبة لو أقول الصدر ضاق
لكن الأغرب كيف ما ودعه فيه
كانت دموعه تختنق بين الأحداق
ونظرات عيني تقتله ثم تحييه
كني جلست أعلمه كيف يشتاق
وكنه يعلم شعري وشلون يرثيه
شح الزمن بموادعه والمسا ساق
حزن القصايد والعتب والمشاريه
ياليل والله ما ورا ليلك شراق
النور عانه يسحبه في خطاويه
عشاق قلي ويش أو ليش عشاق
إلا ضحايا وقت مدري شسميه
يقطع سنين العشق يادرب الأشواق
ياليت بيدي شي واقدر أسويه