12-20-2008
|
|
|
|
عنقــود النوتيــــلآ
كيفكم ياحلوين ان شآلله تمآم ^_^
حنعمل حلى خطيررر موت عجبتني وحبيت اوريكم هو
الحلى مرا سهل يعني مآيبغآلو شطآرهـ
علبة نوتيلا
حلآوة ملتيزرز
قشطه
حليب مكثف محلى ،،او مآ يسمى ( حليب جآموس )
بسكوت آولكر او ممكن دايجستف عآتي ماظن تفرق
كدآ خلصنآ كل المقآدير
نجي للشغل :17
آول شي نكسر او نطحن البسكوت ( المقدار قد ماتبغوا )
بس مانخليه نآآآآآآعم مرا ,, لا نخليه شويا مو نآعم << مآني عآرفه اوصف
زي كدآ
وبعدين نصب عليه حليب الجآموس عشآن يسير عندنا زي العجيبنه عشآن نقدر نتحكم فيها وندورهآ ,,
بس مو نكتر مرا يعني لما تحسي آنو اتمآسك البسكوت شويآ
بعد كدآ ,, نجيب الملتيزرز ,,
ونآخد شويا من البسكوت ونفردو بيدنا ونحط جوتو حبه وحده ملتيزر وندورها ,, يعني الملتيزر تسير زي الحشوه جوت البسكوت اللي نكوره عليها ,,
المهم تسير معآنآ كور صغيره زي كدآ
وبعد ماندورها يجي دور النوتيلا والقشطه ,,
نجيب زبديه ونحط فيها القشطه والنوتيلا ونقلبهم مع بعض الين ماينخلطو مزبوط ,, مايكون لون الشوكلاته ( الخليط ) غآآآمق مرا ,, يكون وسط وتقريبا سآيل تقيل
ونغطس فيها الكور اللي سوينآهآ ونغطيهآ بالشوكلاته زي كدآ
وبعدين نشيلها من الشوكلآته و نرصها في الصحن اللي حنقدمها فيه ,, وممكن نرصهآ على شكل عنقود عنب
و لما نخلص نحطهآ في التلآجه عشآن تجمد الشوكلاته ووتزبط الهرجه
وتسير عندنآ زي كدآ ...
وبس عاد زينوها براحتكم
وبآلعآآآفيه عليآ وعليكم ,,
|