السلام عليكم ورحمة الله وبركاته


خلطة مجربه أعجبتني بمنتدى
قلت انقلها للغاليات هنا ...

ونتائجها مضمونه راح تعجبكم اكيد ..
والأكيد الأكيد انها تعطي صفاء و نضاره للوجه << نضاره مو نظاره

هو مافيها خطوره لان مكوناتها طبيعيه جدا ... وحلوه وسهله ركزو على
سهله لانا عجازين ونبي السهل

المهم نيجي نشوف خلطتنا ..

مقادير الخلطه ...

ملعقه صغيره نشا ... طبعا نشا ذا تبع الحلى والأكل

ملعقتين كبيره موية ورد ..

2 فنجان مويه .

( شوية زلال بيض .. وشوية ليمون ) بجد ذي الاضافتين
ماحبيتهم وما وضعتهم انا بخلطتي بس هي من مقادير الخلطه
الي قريتها وانا حذفتهم عاد كيفي ماحبيتهم ههههههه



الطريقه >> حسيت اني اقدم طبخه ..

تخلطين المويه مع موية الورد مع النشا في قدر صغير وياحبذا لو تحطينهم
في غلايه يدويه صغيره لانها افضل بحجمها فما يضيع الخليط بالقدر
وتحطيهم عالنار ولما تصير مثل الكريم تقفلي النار على طول وتنقليهم بعلبه صغيره
او علبة كريم صغيره
واذا بتضعين بقية الخلطه الي هي البيض و الليمون
تخلطيهم في العلبه بعد ما تشيليهم من عالنار ...
بعدها توزعيها عالوجه .. واسترخي واتركيها لما تجف بعدين اغسليهم شطف بالمويه

انا بعدها اضع مكعب واحد من مكعبات الثلج .. بعدين مرطب للبشره ... وبس

طبعا انا ضاعفت الكميه ثلاث اضعاف بس المويه وموية الورد ونشا لاحظو

بعدها قفلت عليها بعلبه وبالثلاجه ...
صايره مثل الجلي لانها بالثلاجه بس كل يوم بسوي منها مره باليوم
وكفت مدة اسبوع ... وكل يوم النتيجه احلى ...
وصدقوني باسبوع واحد راح تعتمدون الخلطه خلاص
لانها بالتأكيد نتايجها جدا حلوه ... ماراح ابالغ واكثر حكي

لاني ابيكم انتو تكتشوفو هالشي ...
وابيكم بعد اسبوع من التجربه او اسبوعين تنقلون لي رئيكم بكل مصداقيه

وانا ماقلت لكم الا ضامنه النتايج...
عاد الي بتسوي الخلطه بالليمون والبيض مالي شغل ترا انا شايلته
من الخلطه ماعرف عنه ...
لكن بالنشا وموية الورد حلو اكثير ..
وانتو وراحتكم وعلى حسب البشره ودرجة حساسيتها ...
اذا تتحسسون ابتعدو عالليمون مية ميل

وبالنهايه

راق لي
فنقلته لكم