البارت الثالث عشر
لا يارايح الديره وصيه وصلها عني
ابيك تقولهم مشتاق وبلغهم سلام مني
خبرهم ضناني الشوق والغربه تعذبني
نحل جسمي وقلبي ضاق هذاك دمعي يسهرني
ساره : هلاا اماااايه كل عاااام وانتي بخير
ام حمد: وانتي بخير
ساره بخوف: بسم الله شو فيه صوتج ؟
ام حمد:....
ساره: شو صاير
ام حمد: عمج يابر عطاج عمره
ساره:شوووو
ام حمد: وابووج توه راح بيتهم يشوف عياله وحرمته
ساره: و ... وكيف توفى ؟
ام حمد: حاادث
ساره: انا لله وانا إليه راجعون
……………..
بيت بو فهد
1:00 الظهر
لقيت الدار من بعـد الحبايـب
خليـه باكيـه وبهـا عجـايـب
ليلى: متى توفى
خوله: اليووم
ليلى: حلييلهم والله الله يصبرهم
خوله: امييين يارب
ليلى:كلمتي ساره ؟
خوله: لا اتصلت فيها ماردت كلمت حمدوه انا
ليلى :ايواا.. انتي بعدج في بيت قوم ميره ؟
خوله: لا ردييت بيتنا واخيرا هههه
ليلى: هههه مابغييتي
خوله: والله تعودت عليهم
ليلى: لاازم تميتي فتره طويله عندهم
خوله: هييه والله
.................
بيت بو جاسم
1:30 الظهر
راحت وعيني تذرف الدمــــــــع مدرار
يا كيف وأنا إنســــان مخلوق من طين
احمد يدخل: السلااااااام عليكم
ميره: عليك السلام والرحمه
احمد: ويينهم القوم
ميره: مادري خولو ردت بيتهم وكل واحد فبيتنا انتشر في مكان
احمد: هييه والله مكانها فاضي
ميره: ههههه مايخصك في مرت جسوم هاه
احمد: هههههههه هيه وينه خل العوزه تلقينه داق حزن خولو راحت
ميره: هههههه
راحو حجرة جاسم
ميره: احم احم
احمد: يااا حلوو نش بنلعب ورقه
جاسم: متفيج تراك اطلع اطلع
ميره: ماتشووفه مندمج فالبي بي
احمد:ياخي كلنا عندنا بي بي بس يلا نش خله عنك
ميره: ههههه مايزخ البي بي الا يوم يحس بالملل وهالملل متى ايي يوم الانسه خوله تروح
جاسم يشوفها بطرف عينه: قصدج ؟
ميره: انت ادرى
احمد: هههههه تستهبل تستهبل يلا نش
جاسم: ياخي روحو روحو
ميره: هذي شكلها خولو وصلت
جاسم فز : شوووووو
ميره واحمد: ههههههههههههه واحد صفر
احمد:هههههه نش نش يا ريال
جاسم:سخيفين على فكره هههههههه
ميره: فاهميينك افا علييك
وتغمز له
جاسم:ههههههه انزين ممكن تنجلعون
احمد: كم تدفع
جاسم: يااخي برقد لي كم ساعه يلاا فكوني
ميره: اووف ما منك فايده بروح اتصل في خولو بقول لها بيي بيتكم
جاسم: اووووووكيه وانا بوصلج
ميره: لالا ارقد لك كم ساعه احسن بخلي احمد يوديني
جاسم: جب اقولج انا بوصلج
ميره: اوكي غيرت رايي ما بسير
جاسم: حششششى شهالاخوان مذله مذله
احمد: الحين انته من الصبح ذالنا ومستوي انطوائي بدون خولو تقول عنا نحن اللي ذالينك
ميره: خلاص خلاص بنقاطعه مدة 3 ساعات
جاسم: هههههه اوكيه
:ههههههههه
.................
بيت بو راشد
2:00 الظهر
أجامل وربي عليم ٍ بالإحساس
وشهو شعوري وأنت عني بعيدي
بو راشد: و وين ساره الحين
شويخ: راحت بيت اهلها ياي منصور وشلها
بو راشد: لا اله الا الله
ام راشد: هو صح ريال عوود بس كان بصحته وعافيته ومافي مثله فالطيبه والاخلاق
شويخ: الله يرحمه يارب
بو راشد: اميين
دخل حميد
حميد: كل عااااااااااام وانتو بخييييييير
حميد: عوذ بالله بلاك جي مصفعين
شويخ: ههه حبيبي حمييد الحمدلله ع السلامه
حميد: الله يسلمكم شو صاير
بو راشد: تعال يا ولدي اقعد وخذ لك نفس ونخبرك بكل شي
حميد: هااه وهذي قعده خيير و وين فروس وين رشود
...................
بيت بوخليفه
2:00 الظهر
وش يسلي النفس في بعدك حبيبي .... كل دقيقة تمر في قلبي لهايب
خوله: بتصل في ميره بشوفها شو تسوي
واتصلت
ميره: هلااااااا بالطش والرش
خوله: اهلين
ميره: بسم الله بلاج
خوله :اممم دريتي ان عم ساروتوفى
ميره:شوووووو
خوله: والله اليووم
ميره: لا اله الا الله
خوله: بحادث
ميره: هي كم عم عندها
خوله: عمين .. عمها يابر اللي توفى
ميره: و عود ولا
خوله :هييه ريال عود بس ما شاء الله كان بصحته يعني وعافيته .. ماتحيدين اللي في عرسها ياي الحجره وسلم عليها
ميره: هييييه .. اويه هذااا .. الله يرحمه ان شاء الله
خوله: اميين يارب
جاسم: بسم الله منو مات
ميره: عم منصور ولد بو حمد
احمد: لاااااا تقولين
ميره :والله
احمد: بتصل في منصور عيل
خوله: يلا بخليج عيل انا عقب بكلمج
ميره: اوكيه
خوله : مع السلامه
ميره:مع السلامه
اتصل احمد في منصور
احمد: شحالك منصور
منصور: الحمدلله
احمد: صدق الخبر
منصور: هييه والله صدق
احمد: عظم الله اجرك
منصور: اجرنا و اجرك
احمد: و وين العزى بيكون
منصور: بيت عمي في سويحان صوب بيت حمد الخيلي لو تعرفه
احمد: هييه هيه اعرفه
منصور: ولو مادليت اتصل بي بدليك
احمد: لا خلاص دليته يلا ما بطول عليك اكثر
منصور: اوكي
احمد: فداعة الله
منصور: مع السلامه
وصكر
جاسم: وين العزى
احمد: عند بيت حمد الخيلي في سويحان
جاسم: ايواا
احمد: نش يلا خل نروح
جاسم: اوكي يلا بتلبس
...............
بيت بو حمد
3:00 الظهر
من عشقك عينك بإحساسه وقلبه .... عاش آمن لو تحدته الصعايب
ام حمد: يلا بسرعه
ساره: انا خلصت
حمده: يلاا
ساره: وفطوم اختي بتي
ام حمد:ريلها بيبها
ساره: اها يلا عيل توكلنا
.........
بيت بو راشد
3:30 الظهر
لي شهر وانا مغير اكتم مصابي واتجمل فالوجيه ام الذرابه
حميد: كل هااااااه يصير وانا خبر خيير
شويخ: والله قلنا لك لا تدخل الجيش
حميد: لاا اوكي راشد عرسنا عرفنا بس سالفة وفاة سالم ومرض رشود وحرمته ماتباه ولا رشود يباها هذي الصراحه قوويه والحين عم ساره اللي هي مرت اخوي بعد توفى
بو راشد: يلا ماشي وقت خل نروح العزى
شويخ: ليش هو متى توفى
بو راشد : الفير
ام راشد: يلا حميد بدل ملابسك ونحن نترياك
حميد: ان شاء الله
............
بيت بو مايد
5:30 العصر
صابني ضـــــرب الودادي
والـهوى تـيــــم فـوادي
ساره: هييه هذا بيتهم
ام حمد: هييه وهذا مايد على ماظن
مايد كان ظاهر وهم داخلين
ام حمد: شحالك ولدي مايد
مايد: هلا مرت عمي الحمدلله وانتو علومكم
ام حمد: بخير والحمدلله.. احسن الله عزاك
مايد: الدواام لله
ام حمد: يلا ما بنطول عليك خل نروح داخل
مايد: حياكم الله
ام حمد: الله يحيك
حمده تساسر سارو: محلوووووووووووو ماشالله عليه
ساره: يخرب بيتج يايين عزه نحن وانتي فالحه تبحلقين فالريال
حمده: ما بحلقت بس جي لمحت
ساره: هييه بس لمحتي
ام حمد: بسكن يلا ندخل
ساره: ان شاء الله
دخلو وسلمو على الحريم وعزوهم وقعدو
ام مايد: انتي ساره ؟
ساره: هيه
ام مايد: واايد كان يرمس عنج الله يرحمه ( وبدت تصيح شوي شوي )
ساره: الله يرحمه ويغمد روحه الجنه
ام مايد: امين يارب امييين
................
بيت بو مايد
مايد 24
بطي 23
حمدان 22
مهره 20
مر الاسبوع والكل لاهي مع العزه
و وصلنا لاخر اسبوع للكليات والمدارس
..........
يوم الخميس
الجامعه
10:00 الصبح
يـــاضي عيني خــاطري بالبكى ضـي
ودمـــوع قــلبي مـن شجونك شجنها
ليلى: شويخ غايبه اليوم
ساره: هييه بتسافر
ليلى: وانتي مابتروحين وياهم
ساره: لاا ماقدر احس للحين الاحوال فالبيت مب لذاك الزود ابويه صرنا مانشوفه كله ويا عيال عمي وامي تحاتيه احس لازم اتم فالبيت
ليلى: اييواا
خوله: ومتى طيارتهم
ساره: اليوم الساعه 3 الظهر
ميره: الله يردهم بالسلامه ان شاء الله
ساره: اميين
.............
بيت بو راشد
11:00 الصبح
دنيتي تضحك ليه بقربك خلني بقربك عمري حياتي حبيبي انا محبوبك
ام راشد: زهبتي كل شي
شويخ: هييه
حميد: يا سلاااام وفارس يدري ان نحن بني ولا
شويخ: هييه يدري
بو راشد: الا تعالو انتو قلتو له عن عم ساره
شويخ: هييه هيه خبرته وقالي بيتصل في منصور بيعزيه
بو راشد: هييه
شويخ: حتى انه كان بيرجع بس ماقدر لانه ماخذ تذاكره مره وحده روحه ورده مايروم يغير قالو له
بو راشد: يلا ماعلييه
ام راشد: انا حطيت كل شي فالسياره عساس ما نتأخر عقب
بو راشد: زين تسوين
راشد: يعني مصريين تسافرون
حميد: دخيييلك نغير جو لا تخرب علينا
راشد :والله فاضيين
بو راشد : و انت ما ولهت على حرمتك ولا تسأل ع الاقل عنها
راشد: هه اوله عليها لييش .. ماعندي سالفه
بو راشد: الله يهديك بس .. خلاص طلقها عيل
راشد: اوهو فايج انا من محكمه لمحكمه ومادري شو تتحسب السالفه تعال طلق وخلاص
بو راشد: اسمعننني يا تحترم وجود البنت ويااك يا تخليها تروح في حال سبيلها وتشوف نصيبها
راشد: زين زين يصير خير
...........
بيت بو مايد
1:00 الظهر
الشعر بيت يهز لك كل هوجاس
و أنا البحر وانته من البحر قطره
مايد توه داخل البيت شاف بو حمد يالس فالميلس
مايد: هلا عمي شحالك
بو حمد: هلااا ولدي .. هااه خلصت دوامك
مايد: هييه
بو حمد: يلا روح تغدى وارتاح
مايد: عمي صدقني ماله داعي تتعب عمرك ويانا تقدر تروح لبيتك خلاص
بو حمد: لااا يا ابويه ابوك قبل لا يمووت كنت وااقف عنده و وصاني كمن وصيه وانا قاعد انفذهم بس وصيه وحده اللي ماقدر اسويها
مايد: اللي هي
بو حمد: ابوك قبل لا يتوفى كان يتمنى وحده من بناتي تكون من نصيبك
مايد : بس هالشي نصيب يا عمي
بو حمد: وان شاء الله اذا صار نصيب بنتي بتكون لك
مايد: كيف يعني
بو حمد: ترى راشد شوي مريض وهم زوجوه يمكن الله يهديه بس للحين هو مريض وفالنهايه بيطلقون
مايد: وساره ؟
بو حمد: ساره اللي طلبت الطلاق بس انا اللي رفضت
مايد:اا..اها .. خير ان شاء الله
...........
بيت بو راشد
1:30 الظهر
لقيت الدار من بعـد الحبايـب
خليـه باكيـه وبهـا عجـايـب
ساره: ييت اسلم عليكم قبل لا تروحون
ام راشد: تسلمين والله يا بنتي
حمدي: اووه عيل انتي مرت اخوي هاه
ساره:ههه هلا حميد اخبارك
حميد: بخير والحمدلله وانتي
ساره:الحمدلله والله بخير
شويخ تحضنها بالقو: بشتااااااااق لج يالزفته
ساره:هههه وانا بعد والله
شويخ: انزين تمت لي كمن شغله تعالي عدليها وياي
ساره: اوكيه يلا
وراحو فووق
شويخ تشوفها
ساره: سلمي عليه
شويخ: انزين تقدرين اتين ويانا ترى حاجزين لج اووردي
ساره: لا والله ماروم اودر اهلي
شويخ: اخاف يطردنا مابيدخلنا بدونج هههه
ساره: هههه دخيلج انتي بس
رن فون شويخ
شويخ: لوو طارين مليون هو اللي داق
ساره:تعالي ليكون خبرتيه عني
شويخ: اممم تبين الصدق عقب ماقلتي لي على طول خبرته ماقدرت ازخ عمري
ساره: طع
شويخ: هههه والله واستااااااااااانس زين ماشل الدنيا ع راسه
ساره:..............
ردت عليه
شويخ: هلاا والله
فارس: هاااااااااه متى طيارتكم وربييييييي مشتااااااااااااااق
شويخ: ادري مشتاق لي
فارس: واللللله مشتاقلج واايد وسااااااااااااااره اووف ابى اشوفها
شويخ: يلا يايين قريبا ان شاء الله طيارتنا الساعه 3 احسب عاد متى بنوصل
فارس: اووف انزين و وين ساره
شويخ: هذي عندي
فارس: عطيني اياها
شويخ: خيير اخوي
فارس: عطيني بعزيها بلاج
شويخ : هييه اوكيه
عطتها
ساره: هلا والله
فارس: اهليين .. احسن الله عزاج
ساهر: الدواام لله
فارس: وشوو احوالج
ساره: والله الحمدلله بخير
فارس: استعيلو ترى والله ميت واشووفج
ساره :ااا
شويخ ماسكه السماعه الثانيه وتأشر حق سارو بمعنى لا تخبرينه
ساره: ان شاء الله
فارس: هههه مافي شي فخاطرج تقولينه يعني
ساره: فاارس ؟
فارس: هههه اوكي اوكي خلاص فهمنا مادري متى تطلقين وتفكينا
ساره: هههه
فارس: علها دووم هالضحكه
ساره: خلاص اندوك شويخ
فارس: لالا والله بس شوي بكلمج
ساره: اوكي بس بلا هالرمسه
فارس: هههه اوكي
ساره: هههه
شويخ: احم احم انا بنزل وبرجع لكم بعد شوي
ساره:لا لا تعالو اندوج اخوج
شويخ: جب يلا بااي
ساره:طع
فارس: خييبه عادي انزين شوي بكلمج
ساره: بس ...
فارس: والله رمسه عاديه والله جي بطمن عليج شوي
ساره: اممم
فارس: خلاص خلاص .. فاهمنج يلا روحي زهبي اغراضج .. مابرمسج بترياج لين توصلين وبشووفج
ساره:............
فارس: احببج ساره
ساره: ..............
فارس:ههههه يلا تحملي من عمرج
ساره: هههه وانته بعد
فارس: تامريين امر
ساره: ههه يلا مع السلامه
فارس: الله يحفظج
وصكرت
ونزلت تحت
شويخ: هااه شو بتروحين
ساره: هااه.. هييه .. الحين بروح
شويخ: هههه تنحت الحبيبه
ساره:ههههه جب يالسخيفه
شويخ يت صوبها: هههه يلا حبيبتي تحملي من عمرج
ساره: ان شاء اللله وترجعون بالسلامه ان شاء الله
شويخ: بشتاااااق لج والله
ساره:وانا اكثر وبس توصلون خبريني
شويخ: ان شاء الله
..........
وبعد ساعات طويله
رومآ
6:00 المغرب
وإن جيتني والله بالـــــــروووح لحضنك
وأقـــــــــــــــــول هذا الخل ما فيه حيله
نش تلبس وتكشخ وتعدل ومرتبش ومستانس
فارس: اليوم يووومه لقاااانا والفرح لارضه دعااانا
ورن الجرس ورااح يربع صوب الباب
فارس:هلااااااااااااا واللله باللي لهم وحشه
عفدت عليه شويخ:شويخ:يالحيييييوااااااااااان
فارس:هههههههه شوي شوي على كشختي
شويخ: اوووويه كااااااااشخ
فارس:هههه بسم الله انزين بلاج
وسلم على اهله
فارس: له له حميييييييييييد هني يا بعدي والله
حميد:هييه على اخر لحظه حجزو لي
فارس: واللله لك وحشه يالهررم
حميد:ههههه والله كبرااان
فارس:هههههههه دخيلو الصغير انا
حميد:هههههههه اسميك مهفوف
فارس: هههههه.. عيل وينها بنت بو حمد
نهاية البارت الثالث عشر
|