البارت الثامن
بحضر زفافك يا حياتي .. بحضر زفاف اللي هويته
و برزف عشانك لا تحاتي .. و بهديك كل الي بغيته
بهديك دمعي و عبراتي .. و الهم لي فيني رميته
بحضر ولو فعرسك مماتي .. شايل معي قلبٍ نسيته
ليلى : ويينكم حوو ؟
خالد:نحن برع اطلعي بتحصلينا
ليلى: هييه هيه جفتكم يلا باي
خالد: باااي
وصكرت وراحت صوب النيسان وبطلت الباب على اساس انها سيارة خالد
وقفت منصدمه ولسانها انربط
احمد اطالعها وابتسم ونزل راسه
ليلى:السموحه
احمد متنح :..............
وصكرت الباب واتصلت في خالد
ليلى: انتتتتتته ويييين ياخي
خالد: انتي اللي وين
ليلى: انا عند الباب على طوول
خالد: هييه جفتج جفتج
جان يدق هرن
ليلى: هييه يلا باي
وراحت وركبت
.................
ميره: انته ويينك من ساعه ادورك
احمد:.............
ميره: حوووووو تحرك انا وصلت
احمد: اووه وصلتي
ميره: بسم الله عليك احمد شفيك
احمد: سلااامة قلببج وياج وياج
ميره: امبيين ... اللي ماخذ عقلك يتهنى به
احمد: اقول ابلعي العافيه
ميره : ههههه تحرك تحرك
احمد: هههه بتحرك بتحرك
.................
والكل رد على بيته ومر هاليوم حلو وخفيف على الكل
والكل نسى همه وضيجه وحاول انه يعيش حياته لو يوم واحد لو دقيقه وحده
وبعد مرور ايام واسابيع { ياي وقت العرس ! }
اللي الكل مب متوقع ان هاليوم ايي او يصير او يكون
الكل نش من الصبح يتزهب وساره مب فاهمه شي
اي شي يعطونها تلبسه اي شي تسمعه تقول ان شاء الله
تبي ترضى بالامر تبي تفهم تبي تنسى بس !
فندق روتانا
6:30 المغر ب
بحضر ولو بعرسك مماتي ..شايل معي قلب نسيته
واجمل قديم الذكرياتي ..والظيم اللي منك خذيته
ام حمد:بعدهم مايو
حمده: شويخ وسارو فالصالون منو بيخطف عليهم
ام حمد: مادري الدريول ويا ابوج ومنصور مايرد علي
فطوم: اظن ساره اتصلت وقالت خلاص دريول قوم شويخ بيخطف عليهم
ام حمد: كيف وهو ويا فروس لان فروس عنده شغل
فطوم : عادي فروس خلص والحين بيمرون عليهم
............
في الصالون
كنت الذي لجله اباتي..ساهر ونومي ما هتنيته
بهديك في ليله وفاتي...حلم الليالي لي طويته
شويخ: يلا فروس والدريول وصلو
ساره : ويت بس خل البس عباتي وايب غشوتي
شويخ: الفستان بتلبسينه هناك صح
ساره : هييه
طلعوو برع وركبو السياره
فارس : ..............
ساره : شحالك فارس
فارس بـ غصه : بخير
شويخ تأشر له
فارس : ااا .. انتي شحالج
ساره :الحمدلله
شويخ: يلا تحرك كريم عن نتأخر
كريم : ان شاء الله
................
وصلو القاعه
شويخ: يلا تحمل من روحك
فارس: ان شاء الله
شويخ: يلا مع السلامه
فارس: فداعة الله
.......
ونزلو ودخلو ساره الغرفه
ام حمد: اللهم صل على محمد الله يحفظج من العين
فطوم: حبيييبتي والله متغيييره
ساره ابتسمت
حمده: اوه غريبه امي اليوم ماقالت يلا يلا ماشي وقت
حصيص: هههههههه لا اليوم خصلنا كل شي من وقت
ام حمد: ههههه هيه هيه يلا ماشي وقت
:ههههههههه
.........
ومر الوقت والكل مرتبش ومستانس بالجو
وقالو بيدخلون ساره
ساره: لااا خلاص ماابى
ام حمد : هههه يلا يلا مافي شي يخوف
حصيص: كلهم اهلج وتعرفينهم مافي حد وايد اصلا
ساره : صدق
حمده : هيه هيه يلااا بسرعه خلصيينا ساعه نترجاج عسب تطلعين بتمين تمي خلاص
ساره: اووف هذي طلعوها طلعوها من هني
فطوم: اطلعي برع حمدوه
حمده : هيه بنت البطه السوده
ساره : استغفر الله العلي العظيم حمدوه اسكتي شووي عطيني لحظة صمت
حمده : صمتناا يلاا
واخر شي بعد وقت طويل دخلوها
والكل كان يشوفها والكل قال عنها متغيره ومحلوه وهي سمره شوي وعيونها وساع وشعرها اسود وطويل ويووم دخلت كل العيون توجهت لها
تمشي بخطوات بطيئه ونبضها يسرع كل ماتقترب من الكوشه
و وصلت وقعدت وتنفست من خاطرها وغمضت عيونها ثواني على امل انها تنش من هالحلم
لكنها بطلت عيونها وعرفت انها صدق فهالموقف
ساره بخاطرها : الله يسامح اللي كان السبب ..
ويو الحريم يباركون لها وربعها يتصورون وياها
ليلى : يلا حبييبتي الله يهنيج ويوقفج ان شاء الله
ميره: وعقبال مانشوف عيالج ان شاء الله
ساره : .................
خوله: يلا يلا بنش ايبس لعيونج
شما: هههه انثبري مكانج ترى مابتنخطبين
خوله : والعنه مابي اعرس هههههه
ميره: لالا انتي بعطيج لاخوي
ليلى تطالعها
خوله : لاا دخييلج خلي اخوانج حقج
ميره : منو تبين احمدو ولا جسوم
خوله : لا حبيبتي عندج ربيعاتج هذيل نقي لج ثنتين حق اخوانج
ميره : خلاص بخطبج حق جسووم
خوله : يا ربااااااه غصب غصب هووو
ميره : ههههههههه هيه هيه
...........
عند الرياييل
واعطيك من قلبي امنياتي ..تلقى الهنا بدرب مشيته
وتعيش في راحه وسباتي ..ويا الذي عقبي لقيته
منصور: مبرووك مبروك
راشد : الله يبارك فيك
بو راشد : يلا عقباالك
منصور: لالا خلني اعيش حياتي مب متفيج عوار راس ههههه
فهد: الحين العرس صار عوار راس
خالد: هههههه هييه ايب ود وحط وشيل وحشره وضرايب ومسؤوليه
جاسم: متى ما كاان ترى بتعرسون بتعرسون
راشد يحط ايده على جتف فارس: يلا عقبالك ياخووي
فارس يشوفه : امين
الكل لف صوبه
احمد: شووو نوييت يعني
فارس: لاا وين بس ان شاء الله ليش لا
منصور: ومنووو ؟.
فارس: هههه بلاك اقولك مانويت يعني بعدين مب الحين
منصور: يلا خير ان شاء الله خير
راشد: بس ناقصنا حميد
فارس: الله يهديه حميد دخل الجيش والحين كل فتره عنده دوره
احمد:الله يحفظه
وراح احمد ونزل ايبس صوب فارس
فارس تم ايبس وياه
فارس: منصور عطني الخيزرانه
منصور: افا عليييك تفضل
فارس: تسللللم
راشد استانس يوم شاف اخوه مرتبش
راشد: الله يرحمك يا سالم تمنيتك تكون وياي فهاللحظه
بوحمد: تتقابلون فالجنه ان شاء الله
راشد: اميين يارب
..............
صارت الساعه 12 وقالو بيدخلون المعرس
غطوه ساره ودخلو الرياييل
بوحمد وبو راشد وراشد وفارس ومنصور وحمد
كلهم سلمو عليه الا فارس تم صوب الكوشه لانه مايروم يركب وتم قاعد على الكرسي المتحرك ونزل له راشد يسلم عليه
فارس بـ غصه : م...مبروك اخوي
راشد: الله يبارك فيك فروس وعقبالك ان شاء الله
فارس نزل راسه : ان شاء الله
راشد حط ايده على جفته وابتسم
فارس: الله يوفقك
راشد ابتسم
وياي يطلع من القاعه بس شويخ كانت عند الباب
شويخ : بعد جبدي اخووي
فارس يبتسم لها : انا بخيير صدقيني
شويخ ردت له الابتسامه : ان شاء الله دووم
فارس: ههه يلا خل اطلع
شويخ: ااتريا خل حد ايي وياك انزين
فارس: لا عاادي
شويخ : هاذو منصور ياي يلا انا بروح
وراحت
وياي منصور ودز فارس وظهرو
وتصورو بو راشد وبوو حمد ويا المعرس وعقب ظهرو
وصارت الساعه 1 بالضبط وشل راشد ساره وراحو الفندق
والكل رد لبيته
..................
بيت بو راشد
2:00 الفير
شلون اتخيلك مع غيري وانا ميت ابيك
شويخ : يلا ارقد فكنا
فارس: استغفر الله وانتي شو ميلسنج عندي
شويخ : ماشي كيفي برقد اليوم عندك
فارس: وانا مابرقد شرايج
شويخ: اوكي انا بعد مابرقد
فارس: ههه بتتعبين من الصبح ناشه
شويخ : عادي عادي تعبك راحه ( عدلت يلستها ) وهاااه هذي قعده
فارس: هههه خبله حمدلله والشكر
شويخ : لا هبله هاهاها
فارس: شويخ ترى جد تقبلت الفكره خلاص لا تحاتين
شويخ تشوفه فعيونه
فارس: صدقييني خلاص من عقب هالليله هي بتكون لاخوووي شو تبيني اخون اخووي
شويخ : ..............
فارس دمعت عينه : بس غصب عني غصب عني شوييييخ والله اطرد هالافكار من بالي بس ماقدر كل ما اتخييل انها مرت اخوي واتخيل انهم اليوم عرسو احس بحرقه فقلبببي تعرفيين نفس نفس ... نفس حد واقف ع صدري وماقدر اتنفس
شويخ : فروس
فارس: ابى اتنفس ابى اتنفس بس مب قاااادر متغصص شويييخ والله مجرد التخييل يذبحننني .. ( حط ايده على ويهه ونزل راسه) يذبحني شويخ يذبحني
شويخ تتقرب منه : فروووس حبيبي فضفض عسب ترتاح وترى الدموع مب رمز للضعف ... بالعكس الانسان اللي يدعي القوه وما ينزل دموعه هذا انسان جبان وضعيف شخصيه
فارس: لو دموعي تريحني جان شفتيني صبح وليل بس مافي شي يريحني
شويخ : الله بيعوضك خير صدقني
فارس يتنهد : اميين ياررب اميييين
شويخ: ابيك تحط راسك الحيين وتغمض عيونك ولا تفكر وارقد يلاا
فارس: ان شاء الله
باس راسها ورقد
.............................
2:10 الفير
إرجع و حرّر سجينك من عنا التربه
اللي عليها تغرّب في تناهيده
راشد : اانا بروح برقد فالصاله
وشل مخدته واللحاف وراح
ساره : اوكي
ونشت ساره بدلت فستانها ومسحت الميك اب واتصلت في امها
ام حمد: هلا ساره
ساره: اهليين .. قلتي لي بس نوصل اطمنج نحن وصلنا
ام حمد: هييه الحمدلله ع سلامتكم وتحملو من الخط وانتو رادين باجر
ساره : ان شاء الله
ام حمد: يلا مع السلامه
ساره : مع السلامه
......
اليوم الثاني
بيت بوحمد
9:00 الصبح
ام حمد: يلا حمدووه خل نرووح
حمده : اوووف لازم تسوون صباحيه ومادري شو ياخي نبى نررررقد
فطوم: يلا يلا بسرعه يداامي
حصيص: هههه بنشوف يوم بتعرسين جان بتسوين صباحيه ولا
حمده: وانا فايجه توني معرسه انش من صباح الله خيير
ام حمد: ههههه الله يهديج بس يلا يلا
.................
بيت بو راشد
9:30 الصبح
جاني خبرها تكـبّ الدمـع بغيابـي
وَصِّـنَّهـا تحفتظ بدموعهـا للـقـا
نش من رقاده وشاف شويخ ع الارض
فارس: هههه حليلها ... شوييخ ..شيخووو شيخه
شويخ : همممم
فارس: همبااا نشي
شويخ: عوذ بالله انته شو تسوي في حجرتي
فارس: هههههههه ماشي ياي اتفقد احوالج
شويخ: شووو
فارس: ههههه نشي نشي
شويخ : اوه صح انا رقدت عندك امس اوووف ظهري يعورني يخرب بيتك
فارس: وحد جبرج ترقدين هني ههههه
شويخ : مالت علييك يزاتي
فارس: هههه نشي نشي نادي ابوي خل ايي يساعدني
شويخ: ان شاء الله
وراحت نادت ابوها وبعدين تسبحت وتلبست ونزلت تحت
وشافت هل ساره عندهم
وسلمت عليهم
شويخ : هااه المعاريس للحين مايو
ام راشد : الحين يايين فالدرب الله يحفظهم
شويخ : ايواا
حمده: وانتي بعد ماخلوج ترقدين ولا
شويخ: ههههه فروس وعااني
فطوم: هاي من نشت وهي تتحرطم ههههه
شويخ : هييه ياحبها للرقااد ما شاء الله
حمده : وفي احلىىى وفي احلى من الرقاد خبريني
شويخ : هيييه ... النوم ههههااي
حمده: ههههه اوكي اوكي
....
وظهرت شويخ من الميلس ويايه تروح المطبخ تشوف لها شي تاكله جان تشوف فروس فالصاله
كان كاشخ ولابس كندوره سوده وغتره بيضه وعقال
شويخ تنحت : انته ليش كاشخ
فارس: ههههه نعم اختي من يوم اكشخ
شويخ : لاا يعني ليش اليوم بالذات وااايد كاشخ
فارس: حوووو بلاج ههههه
شويخ : يالسخيف بيحسدوونك تعال بقرا عليك
فارس: يلا بعد جبدي اقري علي
وقرت عليه
فارس: الله يخليج ماعرف شو بيحسدون فيني ريولي مثلا
شويخ : لا حبيبي بيحسدون هييبتك .. طوولك خشمك السييف وعيونك السود الوساع وشعرك شبه طايح
فارس: هههههههههههه اوكيه كل شي صح بس الشعر الطايح وين
شويخ: ركز ركز قلت شبه طايح هاااه
فارس: اوكي اوكي .. قولي شعري ناعم بس من التعصيمه والهذا يتموج
شويخ : هذااا هوو يتمووج ههههههه بس ناعم صح ولا لا
فارس: اوكي صح صح كملي
شويخ : اممم و جسمك عريييض ماشالله و ويهك طوييل يا ربااااه
فارس: اقول اجلبي ويهج
شويخ :ههههههههه اويه تستحي فروس
فارس: جب
ورااح
شويخ ناقعه ضحك: هههههههههههه فروووس
...........
بيت بو فهد
10:30
حاولت أسولف لكن الصوت عيَّا
كن المدى حالف عليه يتـوارى
ليلى: هييه بيسون صباحيه
خوله :ايوااا
ليلى : الله يهنييهم يارب
خوله : ان شاء الله
ليلى : قالت لي شويخ تعالو وجي بس استحيت تعرفين الصباحيه في الاغلب تكون شبه عائليه
خوله : هييه بعد قالت لي بس استحيت الصراحه اروح ومالي خلق انش من صباح الله خير اروح وويهي مصفع
ميره : حوووووو منو تكلمين من صباح الله خير
خوله : خطييبي
جاسم : خييير ماسمعت شو قلتي
خوله : رييلي
احمد: ههههه توه خطيبج مسرع ماصار ريلج
خوله : هههههههه شو نسوي بعد
جاسم: صكري يلا اشووف بسرعه
ليلى : اوويه يلا يلا باي
خوله : هههههههههه يا هبله شو يلا يلا باي قاعدين يستهبلون
ليلى : اوووونه صدق
خوله : هيه هيه
ميره : هههههه منو هالهبله
خوله : ليلووو وحد غيرها
احمد ابتسم لا ارادي
ميره : ههههههههه سلمي سلمي عليها
ليلى : الله يسلمهاا من كل شر
خوله : تقول الله يسلمج من كل شر
ميره : قولي لها مابتيين عندنا اليوم جي نلتم لمه خفيفه
ليلى : لالا انتو تعالو
خوله : يلا منااااك كل يوم عيد انيي بيتكم جان تبين انتي تعالي
ليلى : اوووف انزين انزين بشوف امي وبرد لكم خبر
خوله : يلا نشي اسأليها الحين
ليلى : ياربي انزين يلا باي
خوله : ههههه باي
وصكرت
ميره : هاه بتي
خوله : الحين بتسأل وبترد لنا خبر
ميره : اوووه وناسه خل اتي شوي نقعد نسولف
خوله: لين العصر بتصل بعد في شويخ بشوفها لو بتي
ميره : اممم ماظن هذا اول يوم سارو فبيتهم اكيد بتيلس وياها
خوله : خي تسحب سارو وياها
ميره :هههههه احلفي انتي بس .. حووو عرست خلاص مافي طلعه ومادري شو ع كيفها
خوله : يااربي وتقولون عرسو وعرسو اذا جي العرس مانباه
جاسم: وانتي ان شاء الله تبين تعرسين وتهملين ريلج وتروحين تهيتيين ويا ربعج
خوله : لااا يعني ما اهييت بس يعني بعد استانس ويا ربعي بعد شوو
احمد: هههههه خذي جسوم وانتي بتستانسين ويا ربعج قصي عليه واطلعي
جاسم:لااااااا ولد البطه السوده هييه
خوله : هههههههههه لاا امك بيضه انته اللي بروحك بط اسود
جاسم : هههههههه احلفي انتي بس .. انا الغبي يالس وياكم اروح اطلع ابرك لي وانتو تمو خيسو هني
خوله : اوووووووووكي بنخيس هني وانته اطلع فكنا من شيفتك
جاسم : اوكي الايام بيننا يا خولو ههههههه
الكل : هههههههههههههه
..............
بيت بو راشد
10:40 الصبح
ويردْ صدى صوتي للحين مآجآك
بسّك ترى غآليك مآعآد / موجودْ /
وصلو راشد وساره البيت
وتجدمهم بو راشد وسلم عليهم وبعدين بو حمد ياي وسلم علييهم
وياي فارس ومنصور وحمد وسلمو عليهم
فارس يشوف ساره وساكت
ساره : شخبارك فارس
فارس :..................
نهاية البارت الثامن
|