03-20-2012
|
#3
|
بما انه اول بارتين بس كـ تعريف للشخصيات بنزل اليوم البارت الثالث
بس من باجر ببدا انزل كل يوم بارت وااحد بس 
البارت الثالث
مصطاب والي يحب ينصاب
هذا الهوى او حكمه عدلي
بيت بو فهد
9:00 الفليل
حل ابحشايه يا ملا حب الحبيب وابتلا
ساره وهي طالعه شافت سيارة حمد اخوها فالحوي
ساره:وااي الحين بيذبحني اكيد يدق وانا ما ارد
وراحت صوبه
مانزل الجامه
ساره تدق عليه الجامه
ساره:حوووو ..حمد
ساره بدت تعصب
ودقت الجامه بالقو
نزل الجامه
فارس شافها وابتسم
ساره وقفت منصدمه وكل علامات التعجب على ويهها
لحظة صمت
فارس لف عنها وحست ساره بالموقف ولفت ومشت بسرعه صوب المطبخ
دخلت وهي تتنفس بسرعه بسرعه
ليلو:عووذ بالله شو صابج
شويخ:اييييه بلاج
ساره:اوووف اووف اخو منوه الغبي اللي برع
الكل:هاااه !!!
ساره بدت تدمع: اووووووف طحت فموقف محررررررررررج
شويخ تشوف السياره من الجامه
شويخ:هذا فروس اخووي
ساره:وااي بنذبح واللله
شويخ:ليش شو صار
وقالت لهم اللي صار
ليلو:هههههههههههههههههههههههههههههههههههههههههه
ساره :-____"
شويخ:ههههههههه وانتي ماتعرفين سيارة اخوج . سيارته بيضه وسيارة اخوي سوده ههههههههه شهالحول اللي فيج
ساره: واللله ماركزت ياخي
ميره:ههههههههههه خل ايي يخطبج يلا
الكل:هههههههههههههههههههه
ميره :شفيكم ؟ عيبتكم النكته يعني خخخخ
شويخ:لااااا بس سارو محييره والله لو مب محيره جان انا اوول وحده خطبتها لاخووووي
ساره:وافدييييتج انا بس مابي اخوووج اوووف والله شو هاه
شويخ:هههههههههه تلقينه ناقع ضحك الحين والله خل اروح اشوفه
ليلو:هههه هو ليش ياي اصلا
شويخ:شعرفني فييه ما اتصلت به ولا قلت له تعال
شما:هههههههههه محشش اخوج شو
شويخ:اووص جب جب مب على اخوي خل اروح اشوفه
وظهرت وراحت له
شيخه : انته لييش ياي وراي انا ما اتصلت بعدني
فارس مبتسم : انتي قلتي لي يوم بتظهر من هناك اخطف علي
شيخه:انا ماتوقعت بتمل فهالسرع وبتطلع
فارس:ما ملييت بس قلت ما بتأخر عليج ههههه
شيخه:شهالغبي استغفر الله انزين اتريا بشل اغراضي وبيي شوا سوي بعد
فارس: جان تبين عادي اقعدي بروح اقعد ويا الشباب انا بكمل اليلسه وياهم بس اتصلي بي عقب
شيخه:اوكييه ! اهبل وااحد والله ليش خاطف مادري ههههه
فارس: اشتقت لج عسب جي خطفت
شيخه:هههههه روح روح الله يهديك
فارس:احبببج صدقيني
شيخه:هههههه فروس تخبلت صح
فارس:تخبلت وبس رحت فيها بعد
شيخه:لالا فيك شي اليوم
فارس:فيني كل شي اليوم ههههه يلا فداعة الله
ورااح
فارس:اااخ وربي احبببها بس كل شي فالدنيا نصييب والله يوفقها ويا نصيبها
...........
بيت بوحمد
9:30
لي شهر وانا مغير اكتم مصابي
واتجمل فالوجيه ام الذرابه
منصور:شفييك رديت
فارس:هههه ماشي والله قالو لي اخطف عليهم عقب
راشد:هههه والله انك متفيج لو انا جان سحبتها من كشتها و وديتها البيت
فارس:خيبه خيبه اختك ياحيوان
راشد:وانا متفيج اروح وارجع
منصور:ههههه عاادي اختك حليلها منو لها غيرك يعني
راشد:اووهوو يلا انفتحت المحاظره الحين
نهيان :مرررررررحب الساع
الكل نش يسلم عليه
منصور:حييييبه النسيييب
نهيان:يحييك ويبجييك
فارس :هلا
نهيان:شحاالك فروس
فارس:بخير
راشد: وانتتته علووومك
نهيان:والله بخيير بشوفتكم واسمحولي تأخرت تعرفون لين طلعت من الدوام
منصور:لالا عادي حيااك استرييح
نهيان:تسللم
جاسم:هاااه المعرس متى ناوي
نهيان:جريب ان شاء الله جريب
منصور: ع كيفك شوو يمكن اختي مب موافقه
نهيان:هااااااه !!
راشد:وقفت قلب الريال ههههههههههه
منصور:ههههههههههه
نهيان:امحححق نسييب اذلف عن ويههي
منصور:ههههه نعم خير وين اذلف
نهيان:فر ويهك بأول زباله
احمد:بس ويهك هاه ههههههههه
فارس:...................
منصور: فااااااارس فروووووووس , اللي ماخذ عقلك يتهنى به
فارس:هههه محد وحياتك بس شكلي سطلت
راشد:ههههههههه عاد فروس يوم يسطل لا يحوووشك بيتم ساكت ويقول اشياء غريبه هههههههه
منصور:ههههههههه روح روح ارقد ورشود بيخطف على اختك
رشود:اييييييه ع كيفك تفرها براسي
فارس:هههههههه لالا بخطف عليها عقب شوي
نهيان: الا تعال انته وين اداوم الحيين
فارس :وياهم
نهيان :هييه حلو حلو كلكم فمكان واحد
فارس:......
--------------------
بيت بو فهد
11:30
والله وغلاتك ما أحــــــــب لو يموتون
إلا عيــــــــــونك وأعشقك حيل وأجهر
ساره:يخرررررررب بيتكم الساعه 11 ونص خل اروح البيت
ليلو:حووووو وين تو الناس ياخي
شويخ:أي تو الناس والله انا مستغربه للحين امهاتنا مادقو
ميره:الا امي حليلها دقت هههههه
شما:هههههههه امج تحبج
خوله:امي الله يرحمها كانت بعد تحبني
كلهم سكتو
خوله :شفييكم انزين عادي ارمس عن امي حتى لو توفت خلاص ترى الله يرحمها ان شاء الله وهذا شي مكتوب
الكل:الله يرحمها ويغمد روحها الجنه
خوله:انزييييين دبرو لنا طلعه ياخي خل نطلع نستانس شوي
ساره:هيييه والله يبالنا
رن فون ساره
ساره:هلااااااا بالطش والرش
حمد:يلا اطلعي انا برع
ساره:خيبه الناس تسلم اوكي باي
وصكرت
ساره:ههههه يلا اخي العزيز برع وانتي جوفي اخوج مب برع عسب اعرف أي وحده سيارة اخوي
شويخ:هههههه بلا هاذو تحت برووح الحين وياج
وسلمو على بعض وترخصو منهم وطلعو شويخ وساره
فارس يشوفها بكل حزن وضيق وهي طالعه من باب الصاله
ساره:يلا سلمي ع الاهل
شويخ:يبلغ وانتي بعد حياتي
ساره:الله يسلمج يلا فداعة الله
شويخ:مع السلامه
وركبت ساره ويا حمد وراحت شويخ ويا فارس
حمد:ريلج المصون عندنا
ساره:احلللللف اوويه شكلي غلط ما كشخت
حمد يشوفها بنص عين : اللي يقول بتروحين تسلمين عليه يعني ولا بتكلمينه
ساره:هههههههههه انا مب شايفتنه الا كمن مره ويا منصور
حمد:يلا ماباقي شي وتملجون
ساره:نعمممم !!!
حمد:والله اليوم كان يسولف وشكله نوى خلاص
ساره:اووويه لاا بعدنيي مابىىىىى
حمد:شو ماتبين بعد
ساره:والله صدق اخاف مابى
حمد:ههههههه امسات تمووتين ع التراب اللي يدوسه
ساره:هههه فديييته والله وفديت شيفته انا بس احس بعده وقت
حمد:لااا ليش ما نملج في الويكند ولاحقين ع العرس عقب
ساره:اممم مادري
حمد:يلا خييير ان شاء الله
ساره: ان شاء الله
------
بيت بو راشد
12:30
يامعودني على صبر احتسابي يا معرضني شقى القيض وسرابه
ام راشد :ماشالللللله هايته لنصاص الليالي
شيخه:هلا بأمي الحبييييييبه سااعتج عجيييبه
شيخه: اوه ويت ويت جنه هذا اخوي حميد
راشد:هههههههه بلاج مهفوفه
شيخه:مهفوفه منو بعد
حميد:ههههههه يعني فيج هفه
شيخه:الا انتو المهفووفين
حميد: ههههه رديت من الدوره يتني هفه
بو راشد:لحظه لحظه في واحد وسطكم ساااكت شو الموضوع
كلهم لفو صوب فارس
شيخه:طووول الدرب ساكت
شل حميد الكلنكس وفره عليه
فارس:هااااااااه
حميد:ويعااااااااااه
راشد:مب طبييعي الاخ شوفيك مهفووف هههههههه
فارس:انا بروح ارقد تصبحون على خير
وراح فوق
:-__"
بو راشد:شويخ شو السالفه
شويخ:والله مادري به اليوم ابد ما رمس
ام راشد: ان شاء الله مابه الا العافيه
حميد:بس مهفووف ههههههه
--------------
بيت بو جاسم
12:45
أنا أشهد إنها شمسي تنـــــــــــــــــور عالمي وتنير
أقول سبحـــــــــــــــــــان خالقها وربي قادر ويخلق
ميره:ماشالله عليهن فنانات والله
خوله:هييه لازم طالعين علي
خلود:عاااااااشت الواثقه ههههه بتمين عندنا اليوم ؟
خوله:هيييه ان شاء الله ماعندج مانع
خلود:امممم بفكر فالموضوع والله
خوله:هههههه جب يلا منااك يهال اخر زمن
خلود:وااي عدال يالعيوز
ام جاسم:خلوود عييب بنت عمج هذي
خوله:لالا عادي افا عليج نسوولف ترانا
خلود:مسكيييينه دوم يقفطوني ويسكتوني بنت البطه السوده ترى
خوله:هههههه فديت البطه انا محد يسواج والله
خلود:احم احم تسلميين لي والله
جاسم:مطووولين فالتغزل يعني
ميره:ياارباااااه وانته شو دخلك فالنص
جاسم:لان سوالفكم تافهه الصراحه
احمد:ههههه بنات وماعندهم سالفه يعني ماتدري
خوله:خييبه بلاهم اخوانج طايحين فينا
ميره:ههههههه شتبين فيهم يولون الا بتخبرج جني سمعت ان ساره محيره
خوله:هييه واحد اسمه نهيان ربيع منصور اخوها الروح بالروح واهلهم يعرفون بعض من زماااااااان ومن زمان وهم صغار محييرين لبعض
ميره:زواج تقلييدي يعني
خوله:عليييييج نور واشارة المرور
ميره:هااهاهاهي
احمد:عيديها عيديها
ميره:هاهاهاهاهي
احمد:ههههههههه شكرا
ميره:ههههه عفواا كل يوم تعال
خوله:الحمممدلله والشكر
جاسم:شكر ولا ملح هاهاهاهااااااي
خوله:لاا فلفل
احمد:فلفل ولا دقوووس هاهاهااااااي
خوله:فداعة الله اترخص انا تصبحون على خير
وراحت اونه بتطلع من البيت
الكل:ههههههههههه
ام جاسم:شتبيينهم هالمخبل تعالي اقعدي تعالي
خوله:لالااا مرت عمي عيب عيب اتم الصراحه اروح ابرك لي
احمد:ههههههه انجلعي عيل
جاسم يغني: روووووووووحه بلا رده مابيك ترجع لي اتعبتني بحبك ويكفيني ماجاني
خوله:وبعييييش انا من اليوم هالعمر بالحالي لاحب ولا حرمان ولا اريدك اقبالي
احمد:الاخوان ماتبونا انيب طرنقه وعود وقيتار وموسيقى
جاسم:ماعليك اماره هههههههههه
ميره:تااااااايم اووت يلا خولو رقاد تايم بليييز سطلت ونكمل سالفتنا فوق
خوله:يلاااا تصبحون على خير يا جماعه
الكل:وانتي من اهله
جاسم يغني: تصبح على خيير ياللي منك ما ملي ياللي وصوفك تعذب قلب هاونه
خوله وقفت تشوفه
خوله:خلصت
جاسم:ههههههه هيه
خوله:شكرا ههههههه
وراحت
ام جاسم:لو تباها بس قل تم وانا الحين اروح اخطبها لك
جاسم:يا ربااااااه ع قولت ميروه الحين انا اتغشمر ويا بنت عمي وانتي حطيتي شي ثاني فبالج
احمد:ولا تنسين نحن دوم نسولف ويا خولو لان من يوم ماتوفت امها وهي رابيه عندنا تقريبا
ام جاسم:واللله اللي اقصده انها ونعم البنت اخلاق وادب وجمال
خلود:جمااال احمد ولا فيصل خليل هاهاهاهاااي
احمد :لاااا العايله رايحه فيها هههههه تصبحون على خير اروح ارقد احسن
وهو رايح فوق رن فونه وكان الرقم غريب
احمد:الووو
----------------------
بيت بو راشد
12:59
منك يللي فاقدن منك صوابي قمت اعشقك مثل عشقي للكتابه
شف غيابك وين وداني وجابي بس مع الايام زودني صلابه
قاعد بحجرته ويفكر
فارس:ليش ما اتفائل يمكن تكوون من نصييبي ... احبها من زمااان ولحد درى و ادري انها محيره لنهيان من زمان بس فوق كل هاه مازلت ابيها . . ليش قلبي متعلق فيها للحين . . ليش ماعيش حياتي ليش ماعرس ليش ماحبب غيرها !!!!!
طق طق طق
فارس:منوووووو
شويخ:اناا
فارس:تعالي
شويخ تشوفه
شويخ:للحين مارقدت
فارس:على وشك
شويخ:انزين شوفيك احسك مب طبيعي اليوم في شي مضايقنك
فارس:................
شويخ:ارمس فارس قولي شوفيك ماتعودنا نشوفك جي
فارس:مادر اتحمل اكثر عن جي شويخ
شويخ:تتحمل شو فروس ؟
فارس:احبها
شويخ:شوووو ؟ ومنوو هاي ومن متى انته تعذب عمرك عشان وحده
فارس: مب معذب روحي ولا شي بس التفكير بيذبحني وهي مب أي وحده هاي غير احبها من سنيين شويخ وهي ماتدري ولاحد يدري
شويخ:؟ فروس منو
فارس:محد روحي اطلعي برع برقد
شويخ:فروس رمسني قول منو وترمسها ولا لا
فارس:اقولج ماتدري اني احبها والبنت بنت ناس مب من الشوارع مثل ما انتي مفكره وكل الللي بغيته اني اخطبها وتصير من نصيبي بس انا الغبي حبيت وحده محييره لشخص ثاني
شويخ:شووووو
فارس:هييه . مستحيل تصير من نصيبي والحين ممكن تظهرين برع برقد
وتلحف وغمض عيونه ولا حب يفكر اكثر بالموضوع
وشويخ تشوفه ومنصدمه من حالة اخوها بس حبت تخليه على راحته وماتضغط عليه بالاسئله
شويخ:ماعليه ارتاح الحين ونكمل سوالفنا باجر تصبح على خير
وطلعت
بيت بوحمد
1:00
ي وسط روحي والحنايا منزلك والقلب عن ودك حبيبي ما سَلا
منصور:هههههه والله ريلج مستعيل نحن شو خصنا
ساره:لا حرام عليكم باقي لي سنتيين بس خل يتريا
ام حمد:يا حبيبتي عرسي وكملي دراستج منو بيمنعج
ساره:لا ماابى أي شي يلهييني عن دراستي ابى ايب امتيازات وتراه تريا كل هالسنوات خل يتريا سنتين شو وراه
بو حمد:شو ورااه والله انتي ادررى يتريا يتريا وبعدين يقول مابى مليت
ساره:هاه !!!
منصور:لا مايسويها
حمد:لا والله صدقه ابويه لين متى بتريا الريال
ساره:ا .. قلعته هو الخسران
منصور:هييه هو الخسران مادري منو اللي يموت ع ترابه ههههههه
ساره:فقدت ترابه دامه مايبييني مالت عليه مليون غيره اصلا يتمنووني
حمده:عن يطيح نصج بس
ساره:اويه طاح طاح اييبـه
حمده:هههههههه سخيفه
ساره:ههههه خلاص خلاص يصير خير انا الحين بروح ارقد وباجر نكمل السالفه يوم بنفتح السالفه وبيون اهله هني خبروني الحين مابي اعرف أي شي عن هالموضوع يلا فداعة الله
وراحت
-----------------
بيت بو غانم
1:05
أحس بشي ينقصني وأقـــــــــــول بقلبي لا ما يصير
وأروح بشـــــــــــــــــوق أسبقها ولكن ليتني أسبق
ام غانم: ومتى ناوي
نهيان: متى ماقررتو بنرووح
بو غانم:مستعييل ما شاء الله
نهيان:هييه والله من زماان محيرين البنت مايصير بعد
غانم: والله عندك مخ وقمت تفكر هههه
عبدالله: يعني خلاص بتستقر
نهيان: هيييه مب عايبنك ان شاء الله
عبدالله: لا حشى ههههه الله يوفقك
نهيان: عقبالك
عبدالله: هههه لالا قول غانم بس انا للحين بعدني
غانم: انا مب متفيج اتحمل مسؤوليه وحنه على راسي
نهيان: خييبه انا لو قعدت هني شكلي بهوون
:هههههه
ونش راح
...........
بيت بو فهد
1:30
لبيه يا صوت ٍ لفى بآخر الليل
نور ظلام ٍ مافارقني سواده
همس دعاني بالغلا والتوسيل
أحكم فؤادي بالرسم ثم قاده
ليلى: هذا مب تلفون ميره
احمد:لا اختي مغلطه
ليلى:خلاص السموحه اخوي
ويايه تصكر
احمد:لحظه لحظه انتي تقصدين ميره علي
ليلى: هييه ؟
احمد:ايواا هي اختي واكيد انتي مغلطه في اخر رقم شرات رقمي هي بس اخره 09
ليلى:خلاص مشكور اخوي الحين بدق عليها والسموحه
احمد:بالحل .فداعة الله
وصكرت
ليلى:يخررررررررب بيتج يا ميرو
ودقت لها
ليلى:الو ؟
ميره:هلا والله
ليلى:يا حيوااااااااانه يا سخييييفه يا بقره ياللي مخج تنك
ميره:منو وياي
ليلى:وياج ليلووووووو منو غيري
ميره:ههههههههه وايد خذتي علي ماشالله اشوفج تسبين
ليلى:ههههههههه اسبج من العقل اللي فيج معطتني رقم اخووج بدل رقمج
ميره:اوويه احلفي ههههههههه نسيت والله ماحيد قلت لج صفر ولا 9
ليلى:غبيييه هههههه
ميره:وكيف عرفتي رقمي
ليلى:هو قالي بغيتي ميره علي هاي اختي واكيد مغلطه في اخر رقم وعطاني رقمج
ميره:هييييه داق صحبه وياج ماشالله
ليلى:هههههه شعرفني فيه
ميره:ههههههه اسمحيلي والله امسحيها فويهه خولو ههههه
خوله:وانا شخصني انتي بقررره
ليلى:اوه خولو عندج
ميره:هيييه
ليلى:عيل يلا افتحي لي الباب بيي اسهر وياكم
ميره:يلا حياااااااج
ليلى:ماصدقت ههههه يلا انجلعي انجلعي حتى نسيت انا في شو كنت اباج وليش متصله
ميره:ههههههههههههههههههههه
ليلى:هههههههههههههه يلا سلمي سلمي ومع السلامه والحين مسطله واتفاهم وياج عدل باجر
ميره:هههههه اوكييه يلا فداعه الله
ليلى:فداعة الرحمن
----------------------------
بيت بو راشد
3:00 الفير
في صدى ذكراك بقزر حياتي
مستحيل احب غيرك مستحيل
راشد:خيييبه تخييبج للحين مب راقده
شويخ:هههههه لا بعدني . افكر في فروس
راشد:ليش بلاه
شويخ:ماادري بس وايد مضايق
راشد: ان شاء الله مافيه الا العافيه لا تحاتينه احيانا الشخص نفسيته تتعب من الضغط ولا تنسين هو يدرس ويشتغل
شويخ:هييه
راشد: نشي نشي حطي راسج وارقدي
شويخ:ههه اوكيه يلا تصبح على خير
راشد:وانتي من اهلله
صكر الليت وطلع
.....................
حجـرة فارس
ما طـــــــاب نومي يا الظنين
قلــــبي حـــزين ومـــستهين
فارس يتجلب يحاول انه مايفكر بس مايقدر
فارس:اووووووووف شهالحاله
ونش راح حجرة شويخ اخته وتأكد انها راقده وشل فونها
وسجل رقم ساره في فونه
ورد فون شويخ وطلع من الحجره بكل هدوووء
قعد يفكر ويمشي فحجرته
فارس:اتصل .... شوا قوول .... لا عييب علي اللي اسويه انا مارضاها على خواتي ولازم ما ارضاها عليها
بس لازم تدري اني احبها مايصير جي.. واذا درت شو بتسوي بتحبني مثلا وبتتنازل عن نهيان عشاني وكيف اصلا بترفضه وبتوافق علي مايصير اوووف اووف
واخر شي قرر انه مايفكر ويتصل
وتم الفون يرن
يرن
يرن
نهاية البارت الثالث
|
|
|
|
|