</B>

| New York cheese cake \ تشيز كيك |



المقادير + الطريقة :

مقادير القاعدة:

-

2 كوب بسكويت جراهام أو دايجستف مطحون ..

( أنا استخدمت واحد بس لأني أحب الطبقة تكون نحيفة )
- 5 ملاعق كبيرة سكر
- ربع ملعقة صغيرة قرفة ..
- 60غ أو 6 ملاعق كبيرة زبدة | مذوبة ..
( تقريباً ثلاثة أرباع أصبع الزبدة الكامل )

- أول خطوة قبل نبدأ بأي شئ نشغل الفرن ع درجة حراره 350 ..
- نخلط المقادير مع بعض ونرصها في قاع صينية التشيز كيك ( اللي قاعها متحرك ) و جوانبها..
أفضل شئ تستخدمون أصغر مقاس اذا تحبون الطبقة الوسكى تكون سميكة ,

P.S : خلطة البسكويت بتكون نثرية مو متماسكة، بس لما ترصونها بتمسك مع بعض..
ولتسهيل رصّ البسكوت أنا استخدمت الكاس العادي اضغط فيه ع البسكويت ,
وخصوصا ع الاطراف عشان يترتب معاي الشكل ..
وندخل الصينينة الفرن لمدة 6 دقائق حتى تتماسك معاي الطبقة ,


مقادير الحشوة :

- 600 غ جبنة فيلادلفيا ( أنا استخدمت المقاس الصغير 3 حبات

)

- كوب سكر
- ربع ملعقة بشّر ليمونة طازجة ..
- 1 ملعقة صغيرة فانيلا
- صفار 5 بيضات
- ربع كوب كريمة خفق ( أستخدمت قشطة خفق " قيمر " لـ بوك ) ..
- بياض 5 بيضات


طريقة الحشوة البيضـا :

نجيب التشيز والسكر وبشر الليمون والفانيلا ..

- نخلطهم مع بعض لين يصيرون مثل الكريمة ,
- نضيف عليهم صفار البيض والكريمة ونخلطهم
- نخلط بياض البيض لحاله لين ينفش ويتماسك
- الحين نجيب بياض البيض ونضيفه بالتدريج على مقدار الكريم تشيز..
ونحرك بملعقة خشب من فوق لتحت !
عشان ما يهبط البياض،
لحد ما يتجانس الخليط ونصبه في الصينية
- ندخل الصينية الفرن لمدة ساعة وربع..
اللي سويته هنا إني غطيت قاع الصينية بورق ألمنيوم و حطيتها في حمام مائي عشان ما تحترق لأنها بتطول بالفرن..
- خلوها تبرد تماماً، تقريباً ساعة ونص
بعدين حطوا عالوجه الحشوة اللي تحبون ..
أنا أستخدمت الافضل لي طبعاً ( sue bee ) بالستروبري
وهذي صورته ( اضغطوا هنـا )
- تدخلونها الثلاجة تبرد لوقت التقديم وشكلها النهائي يكون ..