في صباح اليوم الثاني على الساعة 6 صباحاً
..
صباح ياهــــــــــــــــــــلا
..قال الصباح ياهـــــــــــــــلا في جدة وغلى..
...وصبحكــــــــــــــــــــم حب وغلا...
..تذكرون السيارة الي كنا وراها بس من الزحمه ضاعت ورجعنا للحي الشعبي.. على العموم اليوم أنا راكبه معاه بس لابسه طاقية الاخفاء..
في سيارة كبيرة.. ماخذينها الشباب موضه.. حقيقة انا اول المعترضات عليها لاجاء احد يشتريها.. اكيد عرفتوها...همر لونها اسود.. تذكريني بسيارة العصابات..
رجع فتح نفس الاغنيه لي عبدالعزيز المنصور
اشتقتِ للاحباب *** يا عساهم ما نسونا
اشتقت للاحباب *** عساهم يذكرونا
***
لو هانت ايامي عليهم ما ظنتي قلبي نسيهم
يا وردة الأشواق حني علينا
وأرسلي مرسول منا إلهم
اش قد انا مشتاق لنسمت هواهم
احلى سنين العمر كانت معاهم
يا عسى الايام ترجع
نلتقي والحب يجمع
...هو يحب يسمع هالاغنياء خطيبته مسافره مع اهلها...ابوها صارله حادث وخذ بنته وزوجته معه..كان وده يملك عليها ويزوجها..بس هي رفضت تبى تروح مع اهلها وهي وحيدتهم.. وبيردون بعد شهرين من الحين..وهي توجيهي..بس امها هي الي تكفلت وبتدرسها..وامها دكتوره في الجامعة وهي صديقة امه..ولاجل كذا قلبت انتساب هذا الترم وبتنتظم من الترم الثاني..
وصل امام مقر عمله وحمل الشنطه الي جنبه.. كان لابس بنطلون جنز لونه بيج قاتن.. وبلوزه فستقيه.. وبصراحه شكله جنااااان.. وشعره ناعم.. وهو قاص الفرنسية.. وبالنسبه للحيته كان مسويه خطل من شفايفه لذقنه ومسوي الخنجر عند السوالف.. وشواربه محففه..
نزل ودخل المستشفى والكل يسلم عليه.. مشي لين وصل لمكتبه وحط الشنطه..ولبس الروب الابيض وخرج لمدير المستشفى..
جهاد: السلام عليكم ورحمة الله وبركاته
المدير: وعليكم السلام ورحمة الله وبركاته
راح جهاد باس راس ابوه: شلونك يبه
ابو جهاد: بخير ربي يسلمك
جهاد: ماشاءالله عليك يبه متى مداوم
ابو جهاد: من ربع ساعة
جهاد: بس باقي وقت على الدوام
ابو جهاد: لا عندي حالة طاره.. وانت مداوم بدري اليوم
جهاد: نمت مبكر وصحيت وقلت اخذ كتاب واقراءه في المستشفى لين يبداء الدوام
ابو جهاد: قبل لاتمسك الكتاب اقراء قرآن
جهاد: الحمدلله يبه انت من علمتني وانا صغير اقراء جزئي بعد صلاة الفجر مباشرةً
ابو جهاد: الله يوفقك ياوليدي دنيا واخره
جهاد وهو يوقف: استاذن انا يبه الحين توصي بشيء
منصور: لا سلامتك
ومشيء جهاد لين وصل عند الباب وتذكر منصور شي ونادى
ابو جهاد: البراء ممكن لوتسمح
جهاد وهو يرجع لابوه: تفضل الوالد
ابو جهاد: والله يا وليد بغيتك في مشوار مهم
جهاد: تفضل الوالد
ابو جهاد: في واحد مريض ونفسه عزيزه وهو صديق قديم لي..اباك تروح له البيت وتكشف عليه وتعطيه فلوس واذا رفض تقول هذه سلف ولين الله يرزقك يرجع لك المبلغ
جهاد: إن شاءالله الغالي بس هو وين ساكن
وصف ابو جهاد البيت لي جهاد وخرج من المكتب وراح لمكتبه وخلع روبه واخذ الشنطه وخرج من المستشفى
..هذه المستشفى خاصه وهي ملك لابو البراء واخوه وكلهم دكاتره عفوا برفسوارت.. و جهاد لساته طبيب وتوه جاي من السفر وبيرجع ثاني لاجل يرجع بالاستشاريه.. وولد عمه مدير قسم الهندسه الطبيه ودكتور في جامعة الملك عبدالعزيز.. يعني عائلة ماشاء الله عليها كلها اطباء..وبالفعل عندنا في السعوديه عوائل زي كذا.. اكيد طلبت الجامعة بيلاحظن هالشي..اوه نسيت ليش ذكرة هالمعلومه.. لانه ابو البراء وعمه استاذ دكتور في جامعة الملك عبدالعزيز
ـــــــــــــــــــــــــــــــــ
جودي: ابا اروح المدرسه
جود: لا والله
جودي: الله يخليك ساعديني تعرفين اني ما اقدر اجلس مع امك بروحي
غيداء: انا بجلس وياك
جود: لا انا بجلس وانت روحي لجامعتك
غيداء: لو انت أي بتجليسين بتنضرب اختك.. وانا اصلا ما عندي دوام
جودي: ايه الله يخليك لاتجيبي طار الغياب
جود: والله حاله.. وبعدين امي ماراح تصدقك انه ماعليك شي اليوم
غيداء: اشفيك انا من الاسبوع الي طاف وانا اقول انه الدكتور بيغيب اليوم
جود وهي تذكر: ايه والله ذكرتيني الله يذكرك بالشهاده والسامهين اجمعين
الكل:آمـــــــــــــــــــــــــين
ولبست جود مريولها.. طبعا البنات مسوين ستاره على طرف لاجل الوحده فيهن تلبس خلفه وماتحتاج انها تروح دورة المياة او تطرد احد من الحجرة..
خرجت جود..
ابو غيداء: وين غيداء
جود: نايمه
منيره\ليش ما عندها دوام
جود: لا يمه انت ماسمعتيها الاسبوع الي طاف وهي تقول انه دكتورهم اعتذر
منيره:مممممممم ايه
وفطرت جود وراحت للمدرسه
خرج عواض من البيت ووقفه واحد شكله اجنبي
الرجال:لوسمحت تعرف بيت حمد بن علي الــ
عواض والخبث في عينه: يالرفيق تعال لازم اول اشي اضيفك وبعدين بخبرك
الرجال: لا نا مستعجل
عوض ما خلاه يتكلم اويعتذر مسكه من يده ودخله البيت: والله الي حلفت بس اشرب قهوتك وبخبرك بعدين
دخله من باب البيت ودخله من باب مجلس الرياجيل وخرج من الباب الي على الصاله وقفل الباب وراه
ترك الرجال في ذهول وخرج مسرع لمنيره: جهزي القهوه يامره
منيره: ليش
طنشها ودخل حجرة البنات.. كانت غيداء جالسه جنب جودي ويسولفون مع بعض.. واتفاجئوا من دخلت ابوهم لهم وهذه اول مره يسويها..هم خافوا وافرحوا..بس الحجرة صغيرة ولسه ما لحقوا حتى في عقولهم انهم يفكروا سبب دخلت ابوهم الي بعواض يمسك جودي من شعرها ويوقفها
غيداء وهي تمسك يد ابوها: يبه والي يسلم عمرك فكها
عواض: كلمة ثانيه بقطع هالعقال على راسها
وسكتت غيداء وسحب عواض جودي من شعرها..ورفع وجهها وشافها وهذه اول مره يشوفها فيه بهدا القرب.. وهي دوم لمن يمر من عندها ترخي راسها وشعرها على طول ينزل على وجهها...هذه هي قصتها من هي صغيره لاجل تخفي وجهها عن ابوها لانه لو شافها بيذبحها من الضرب لانها تشبها المرحومه امها وهو يعتقد انها السبب في موتها ولانه يموت فيها كره بنتها..وقصتها مو مكلف فيها..غيداء هي الي تقص لها هو كل ما يطول شوي لاجل يساعدها على اخفاء وجهها.. مجرد انها تساوي لها من قدام ووراى بس من كثر ما تقص لها تعلمت شلون تقص الكاريه وصارت هذه قصتها..وطول شعرها من قدام وورى لين وسط رقبتها..للعلم رقبتها طويله..
تفل على وجهها وخرجها من الحجرة وهو يسحبها من شعرها وغيداء وراهم
منيره: على وين تاخذها
عواض مارد عليها
عواض وهو يكلم جودي: شوفي داخل في رجال اباك تدخلين وتحضنيه
منيره: انت اشفيك شارب الحين
جودي: يبه الله يخليك ارحمني اقتلني اضربني بس لاترميني كذا
منيره:انت تباء تفضحنا بناتك محد راح يتزوجهن اذا انعرف بالسالفه..
عواض:ابا ازوجها وافتك منها مو انت تبين الفكه منها
منيره:شلون
عواض: بعدين تعرفين..ورد كلم جودي..يالله سوي الي قلتلك عليه
بس جودي ما صدقت ابوها..تعرف انه بيبع عرضها لاجل المال ولانه محتاج هاليومين ما لقى غيرها
غيداء تمسكت في يد ابوها: يبه الله يخليك
عواض: صوتكن لا يعلى ترى والله لاذبحها واعشيكم من لحمها
سكتت غيداء وسكتت جودي وانقادت لمصيرها..وخلى منيره تاخذ جودي
خرجت منيره من الباب الرئيسي وفتحت باب مجلس الرياجيل الي من بره ودفت جودي على الرجال..في هذه الاثناء دخل عواض ومعها القهوه.. واساسا هو سحب الثلاجه والفناجيل وهي فاضيه لانه القهوه ما مدها تستوي
|