على ذاك الـ/جدار اللي نقشنا اسمنا بطـينه
وقفت وهاجت الـ/ذكرى وجر الحزن مسباحه

مزجت الدمع بترابه ,, نبت بالحرف يـاسمينه
حضنت حجـاره بيدي أدوّر من تعب راحــه

شهق مـلهوف من شوقه وحسرة بللت عينه
سرت من صدري لصدره ترطب يابس جراحه

تنادت كل شببابيكه آلا "وينـه ,,, آلا"وينـه؟
صداها ضاع في الغربه ولامن جاوب صياحه

بكــــا وجاوبته بدمعٍ نثرته فوق خدينه
ألا يــاعين لاتبكي ترا الدمعات فضاحــه

ذكرت اللي مضى ‏بالـ/عمر أزهاره وبساتينه
ربيعه , ورده ، وفله ، ورمانه وتفاحـــه

ذكرته يوم أنا طفلـة تنام براح يــــدينه
تجمّع فرْحَها بصندوق لكن ضاع مفتاحــه

ذكرت أيامنا الــ/راحت سواة أغلى محبينه
خذاها درب غربتنا طواها البين بجناحــه

هطل دمعي على قلبٍ بحــبل ‏ الحب لاوينه
سكبته وانجرح رمشي كواه الدمع بـ/املاحه

على وين الـعمرأقفا يجرجر تالي سنينه ؟؟
يودع ليلي نجومه ويطفي القلب مصباحــه

ألا ياعمري الــ/رايح سرا عمري بثلاثينه
يرافق في ليالي الوجد طيف الهم واشباحـه

تحَت ذاك الـ/جدار اللي شهد مابيني ,, وبينه
دفنت الفرح وطيوفه , مع الأحلام والراحـه

رثيته في قصيدٍ لي و أنا وحرفـي معزينه
وعرفت إني فقدته حين أطلق يتمي سراحه


منقول.