ي بايع الحلم ل الواقع على فكره...
ي بايع الحلم لـ الواقع على فكره
حبّك قبل لا أتعلّق به / تناسيته
عشان بعدين لاغبت وبدا ، ذكره
ما أضيق ، وأقول انا .. وشلون حبيته ؟!
الحب ..بأول نفس لو حسّ بالسكره
مع .. كل نسمة هوى تسمع تناهيته
ماهو بكيفك إذا تبغاه / تفتكره
معروف .. ماله طعم لامات وأحييته
من طيبي الجرح كان يبادلك شكره
ومن طيبك إن طال نزفي ، ماتباطيته
كم بيت لـ عيونك الثنتين مبتكره
والناس .. تسأل تقول : البيت من بيته ؟!
( وجيه الأيام ) لو تضحك لنا عكره
والحلم .. ماينتحقق ، لو ترجيته
ولو لـ الفرح درب .. ماكان الحزن ، حكره
أخذت .. مُجمل أحاسيسي ومريته
إنسان أواصل وأفارق وأعشق وأكره
مامت ... لو ما أحقق / ما تمنيته
إن طاح من عيني اليوم الرجا ، بكره
وإن طاح بكره .. تبسّمت وتعديته
حتى أنت .. إذا ودك تفارق ، على فكره
ما أنت أول إنسان ( خلاني وخليته ) !!
ممآ لآمس آحآسيسي,,,
|