البارحه عيني كادت تهـــــل الدمــــــوع****دمعة فرحها ماهي دمعـــــة غربــالها
وترى الدموع لها اكثر من كــــــــــم نـوع****وهلّت دمعة الفرحه عقب مرســـالها
جتني رساله ووقتها يــــــــــوم الربــــوع****ومن فرحتي حذفت الغتره وعقـــالها
ثارت المشاعر صارت جيوش وجمـــــوع****ودلة الغلا شربنا من فنجـــــــــــــالها
والله ان طاري الحلا يزوّد من الجـــــــــوع****القلوب جاعت مدري وش جرى لـها
وانا احب شوفة الشمس وقت الطلــــوع****وانا احب اشوف القمره وقت ليــالها
من عقب الضيقه وعقب ماكن موجــــوع****احمد اللي غيّر الدنيا واحوالـــــــــها
الدعوه فيها غلا وحب وكم مــــــــوضــوع****والحب ذبّاح النفوس وقتّالـــــــــــــها
وانا ماعلي بمشي على كل ممنـــــوع****انا ذيب الليل والخيل انا خيالـــــــــها
والقرب مطموع وابن ادم ماهـــــو قــنوع****وانا شفت العين وابي شوفة جالها
ترى انشغال البال خلّا المـــــــخ مــلذوع****واحمدالله دريت اني على بـــــــالها
ونسيانها عندي اصعب من حبة الكـــوع****وشمس المحبه مستحيـــلٍ زوالها
جعلني افدى اللي ريّحتني وانا موجوع****اشهد انها ريّحتني بمرســــــــــالها



وسلامة قلوبكم