السلام عليكم ويش حالكم
حبيت اقدم لكم اول مشاركه لي من نزف قلمي وبحر خيالي واتمنا انها ترقا لذائقتكم
واتمنا كل واحد يحط احسن بيت اعجبه في القصيده

اقوووووول

انتظرت وصبرت لكن طال الصبــــر****تحمّلت العنا بما فيه الكفايــــــــــــه
صابر واتحرّى مرسال واتحرّى خـبـر****ابي ارتاح ابي استمتع بالقرايـــــــه
على اعصابي وقلبي مارضا يـنـثـبــــر****ابي احدٍ يدلّني يوم انا تايــــــــــــه
ببعد وبقعد وحداني ف كورنيش الخبـــر****بتوجّد بشق جيبي بصفق يدايــــــه
ياوجودي وجد من راح ابـــوه الـقـبـــر****وياوجودي وجد من ودّوه العنايـــه
على الي عقب مراوحها همي كــــبـــــر****مابه شبه لها الا صورتها ف مرايــه
ضاقت بي الدنيا وصارت شبــرفي شبـــر****عقب مااختفت غايه وانهدمت بنايــــه
حبيت انا لكن حبي قـــــرّب ينـــقــــــبـــر****مات حبي وتوّه رضيعٍ في البدايــــــه
من وفاته خاطري انكسر ولاانـــــجـــبـــر****احسن الله عزاها واحسن الله عزايــــه
كــنـي داخـــل اختــبــار القيـــاس اخــتـبـر****اسئله صعبه طولها طول الحكايـــــــه
ادمـنــت حبها ادمــــــــــان من دق الابـــــر****يالله انك تدلني طريق الهدايـــــــــــــه
والدنيا جروح والام ودروس وعــــــبـــــــر****وقال المثل خير من العلاج الوقايــــــه
هذي اخر ابياتي دامــــه جـــفّ الحــــبــــــر****وهذي النهايه ياشينها من نهايــــــــــــه

وسلامة الجميييييع
اتمنا كل واحد يعطيني احسن بيت في القصيده