الجزء الحــادي والعشرين
الفصل الثـاني
والاخيــــــــــــــــــــر
" في بيت بو ياسر "
" وصلت سهر وحطت اغراضها ورتبتها ... وكانت خايفه ومتوتره من مقابلتها لبدر... ماتعرف وش بيكون شعورها ... ماتعرف كيف بتكون نظرتهـا له .. بس ارتاحت يوم شافته مو موجود "
" في هذا الوقت كانت عبير وام ياسر وسهر قاعدين في الصاله ويسولفون "
عبير: يانااس مو مصدقه واخيرا بتكونين في بيتنا
سهر ابتسمت: شفتي شلوون
عبير: قولي بالله وين اونس هنا ولابيتكم
سهر تضحك : تراني بس اليوم جيت
عبير تضحك : الله يعينك بيتنا كئيييب بس مدري اذا بيتغير اذا جيتي
ام ياسر: كئيب بعينك بدل ماتحفزينا قاعده تكرهينا
عبير تضحك : والله بيتنا يكون مهجور ارحم له
سهر " حسيــــــــت "
ام ياسر : انثبري بس
سهر ضحكت : لاعادي ياخاله اعرف عبير
عبير تضحك : ماعليش يبغى لك وقت على ماتعودين تنادينا عمتي
سهر ضحت بفشله : من جد اسمحي لي
ام ياسر: شدعووووى خوذي راحتك
سهر ابتسمت : تسلمين
" شوي ويطق الباب .. رقع قلب سهر اكيد مو ياسر .. صارت تنتفض وحطت الحجاب "
عبير: ادخل
" ارتاحت سهر يوم شافت وليد .. وليد اعتبر سهر مثل اخته قعد ويسولف معها وسهر بعد لانها تعتبره صغير "
ياسر ينادي : سهـــــــر
سهر: كأنه ياسر ينادي
عبير: ايي
سهر: اوكي بطلع له
عبير: شوفي حنا بنقعد بالمجلس الداخلي تعالي هناك اوكي
سهر: اوكي
" وطلعت له سهر "
سهر: وين بتطلع ؟
ياسر ابتسم وهو يصلح شخصيته : اي اليوم مسوين عشا الرجـال
سهر : اهاا
" وقعد تساعده في بعض الاشياء "
سهر: اروح اجيب العود
ياسر يبتسم : ياليت
سهر ابتسمت : اووكي
" وطلعت "
ياسر " اااااااه احلى شي لمن في احد يفهمك ويهتم فيك .. فديتهـا والله "
" بعدها بعشر دقايق جت سهر ومعها العود وقعدت تبخره .. عايشه الدور الاخت لوول "
ياسر: جيبي جوالي لاهنتي
سهر: ان شاء الله
" وراحت تجيبـه "
" ياسر يفتح جواله "
ياسر: اووووه مافيه شــاحن .. جوالك فيه شحن
سهر بسرعه: اي عندي جهاز ثاني
ياسر: عادي تعطيني اياه لاني ماقدر اطلع بدون جوال
سهر: اي اوكي لحظه
" وراحت جابته واعطته اياه بسرعه "
ياسر ابتسم : ياااقلبي انا بس
سهر ضحكت
" وهو قعد يبدل شرايح وبعدها قرص خدها وودعها وطلع "
" وسهر وقفت كذا بمكانها حول عشر دقايق.. حست ان الزواج شي حلو فجأه *_^ .. وبعدها شهقــت "
سهر بشهقه : مستحيييييييييييييييييييييل " وخفق قلبها " صور بدر فيه وكل شي فيه لا ياربي لااااااا
" وقعدت تضرب خدها "
سهر قعدت بعد مارجولها وقفت عليها : معقوله انكشف وانا بأول ايامي .. لا ياربي شسووي
" نزلت سهر بسرعه تحت تشوفه اذا هو موجود ولالا .. لكن انصدمت يوم انفتح الباب ودخل بدر "
" سهر كانت موقفه عند بدايه الدرج وبدر عند البـاب شوي ورفع راسه "
بدر انصدم " سهــــــــــــــــــر "
سهر طاح قلبهـا :..........................
" تعلقت عيونهم في بعض لاشعوري ... وفي دقيقه وحده ... بادلوا بعض الشعور .. من الم وجرح وعتاب ... "
" هذي كانت اول نظره لهم من بعد مافترقـوا ... وان كانت نظره خاطفه ... كانت تحمل مشاعر دفينه ... كانت نظره كفايه انها توصف شعورهم في الفتره اللي انقضت وهم بعيدين عن بعض "
" بدر بعد ماستوعب عطاها نظره احتقار ومشى وسهر شافتها ونزلت راسها ..."
سهروقلبها ينتفض " لا ياربي ثبتني ... "
" بدر كمل طريقه وكان يبغى يعديها عشان يطلع الدرج "
سهر والكلمه يالله طلعت منهـا : بـدر
" بدر سوا نفسه ماسمعها وطلع الدرجه الثانيه "
سهر بنغمه ترجي : بــدر
" قالت اسمه بنغمة ترجي ... ذكرت بدر باليوم اللي كانت تطلبه شي وهو يعاندهـا ... هالنغمه قلب عليه المواجع "
بدر وقف غصب عنه وبقهر قال بدون مايلتفت عليها : نعـم .. بغيتي شي !
سهر : بدر ممكن تساعدني لو سمحت ..!!
بدر عقد حواجبه " اسـاعدهـا " : قولي اسمعـك ..!!
سهر لفت عليه : بدر ياسر خذ جوالي
بدر حس بطعنه يوم سمع اسم ياسر بلسانها غمض عينه : ووش دخلني انـا
سهر وقلبها يرقع وتنتفض : اعطيته جوالي القديم اللي كان فيــه " وسكتت ماقدرت تكلـم "
" بدر فهم عليها شهق ولف عليهــا "
بدر صرخ بوجهها : نعم
سهر اخترعت من صرخته وغمضت عيونها
بدر: تدرين والله لو لانهي عليك لو عرف ياسر شي
" وطلع بدر يركض فوق يجيب شماغه وبينزل "
" سهر طلعت فوق غرفتها ودخلت الغرفه وهي مقهوره "
سهر " ليش يعاملني كذا ليش .. شذنبي انا يوم هو اللي بغا هذا الشي ..."
" كلمة لانهي عليك جرحت قلب سهر. .. اول مره يقولها هذي الكلمه ... سواء كان من بدر ولا غيرها .."
" اما عند بدر .. طلع يجيب الشماغ ونزلت تحت .. وطلع بسرعه برا وراح المجلس ... وضرب رجله بلارض يوم ماشاف ياسر .. لان ياسر مشى ... "
" بدر قامت دقات قلبه تتسارع ... بسرعه راح وشغل سيارته .. وهو يدعي ان ياسر مايفتح الجوال "
" بدر وهو بالطريق ويوم تذكر نظره سهر وهي تترجاه ... هزته من داخل ... طلع السي دي وشغل اغنيه ضاقت بيك"
كل مره بكون معاك عالزمن
واما الزمن يضحكلك بكون ويّاك
على طول تبعنى من غير تمن
وأنا برضه بدعى ربنا معاك
--
ضاقت بيك .. تبقى عايزني أكون حواليك
ضحكت ليك .. إخلاصي يكون حمل عليك
في الحالتين ساكت .. لا بنساك ولا عايز أنساك
--
قالوا أن اللي بيحب بجد لو فاض بيه م اللي بحبه
ميحبّش بس ميكرهش
وأنا فاض بيّا تعبت بجد
قد ما بتعب لا كرهتك
ولا عارف حتى محبّكش
آه .. ضاقت بيك
" بدر كان يشوف هذا اصعب طلب في حياته .. رغم انه مايكلف شي في حياته هو.. لكن ممكن يدمر حياة اخــوه .. "
بدر " لوعرف شي ياسر او صار له شي ماراح اسامح نفسي ولا حتى سهر ... هي السبب في كل شي ... ليتك مادخلتي حياتنـا ولاعرفنــاك "
" بدر عذبته نظرات سهر والموقف اللي صار ..."
بدر" اذا كانت البدايه كذا .. الله يصبرك يابدر على اخرتها بس "
" وبس وصل بدر سكر السياره بسرعه ونزل وهو يهرول .. دخل المجلس ولا لقى ياسر اخترع .. خاف راح مكان ولا شي "
بدر: نايف شفت ياسر
نايف: كان هنا بس جته مكالمه وطلع ..
" طاح قلب بدر "
" وطلع من الجهة الثانيه وكان ياسر شوي وبيدخل "
" نشف ريق بدر يوم شاف ملامح العصبيه على وجهه ياسر "
بدر بخوف : ياسر ؟؟
ياسر وبدون مايلف عليه : نعـم
بدر حس وده الارض تنشق وتبلعه : شفيك
ياسر لف عليه بعصبيه : مافيني شي .. عن اذنك بدخـل
" ومشى وتركه .. بدر وقف .. عرف ان ياسر عرف باللي داخل الجوال "
بدر وقلبه ينتفض " ياويلك مني ياسهر ياويلك "
.
.
.
" في نفس هذا الوقت بالضبــط "
" في بيت بو محمد "
" نزل منصور وهو كاشخ وريحة العطر تفوح منـه .. وكان قاعد يصلح شماغه .. وهو مار القى نظره على الصاله وشاف زوجته وامه قاعدين "
منصور بابستامه حلوه : مساء الخير
غزل: اوه اوه على وين ان شاء الله
منصور يشق الضحكه : مشوار صغير ماني مطول شويتين وراجع
غزل فتحت عيونها وام محمد ضحكت : لاصدق على وين
غزل: عمتي الحقي عليه انا ماحيله ولدك
منصور يضحك : شفيك يابنت الحلال قلت لك مواعد الشباب
غزل نغزها قلبهـا : اي هين ومن متى تكشخ هالكشخه للشباب
ام محمد: صدق قول وين رايح
" ام محمد كانت تدري بس غزل ماكانت تدري ان في عشا للرجال "
منصور يبتسم يوم شاف امه مسلكه له : صراحه مسوين لنا عشا شغل في البحرين
غزل فتحت عيونها : نعم نعم من متى ؟
منصور: اليوم والله كلموا وقالوا لنـا .. بس زين والله على الاقل نغير جو
غزل تنرفزت : خوووش والله
منصور: شفيك معصبه زين .. ماقلت شي حرام اطلع
غزل لفت الجهة الثانيه: لا مافيني شي اطلع روح حق عشاك
منصور وقف : ااه ياربي على النفسيه على الاقل الواحد يروح هناك يشوف وجيه سنعه
غزل انصدمت ولفت على عمتها
ام محمد : استح ياولد تقول هالكلام قدام زوجتك
منصور يضحك : لو ادري ان زوجتي بتصير كذا اذا حملت كان اجلتها لسنتين قدام
غزل انصدمت : طاااااايب روح لهم خلهم ينفعونك
منصور يضحك : يعني سوري غلاتي بس انا ودي اغير شوي يعني انتي تدرين ماورا قابلتك بما فيه الكفـ.........
" غزل تنرفزت ورمته بالكلينكس .. منصور يوم شافها عصبت صدق راح لعندها "
ام محمد تضحك عليهم : تستااااهل
غزل: روح عني من جد زعلت .. تبي تروح كيفك بس لاتقول هالكلام قدامي
منصور يضحك ويمسك خدها : والله امزح ماني رايح مكان
غزل بأستهزاء : لا والله
منصور يضحك: معزومين بيت عمي عبدالرحمن ياحظي
" غزل لفت على ام محمد وهي ضحكت واشرت لها بمعنى ايه"
" غزل تفشلت شلون نصبوا عليها "
غزل: اي انت اصلا تبي فرصه عشان تقول ذاك الكلام
منصور بعد عنها وضحك : شدراك .. ياربيييييييه فديت اللي يفهموني
غزل تصرخ عليه: منصووور انذلف
منصور ضحك ويوم قرب عند الباب : اي طلعي قوتك قدام امي بس فوق ماراح تسلمين مني " وغمز لها وطلع "
ام محمد تضحك : الله لايغير عليكم
غزل تضحك : الا الله يغير علينا على الاقل يعقل على الاقل احس اني متزوجه خلاص
ام محمد ضحكت : هذا منصور من يومه
" غزل ضحكت عليه وقعدت تتفداه في داخله "
.
.
.
" اما في مجلس الرجـال "
" بدر ماقدر يكلم ياسر وهو معصب .. وكان يبغى يبرر له باللي صار قبل لاينفجر عليه .. بدر ماكان على بعضه وماكان منسجم بالجو يحس مزاجه متعكر وقلب ممسوك ... يحس يضحك بس عشان يجاملهم .. الا بعد العشا حطوه والتقى ياسر مع بدر في المغاسل وماكان فيه حد "
بدر: ياسر خلني اشرح لك لاتفهم غلط
ياسر لف عليه بسرعه : افهم غلط .. عن وشو تتكلم ؟؟
بدر ارتبك : هاه
ياسر: بدر وش فيك؟
بدر: لا مافيني شي .. بس شفيك انت معصب
ياسر يجفف يده : كانت عندي مشكله مع الحجوزات بس
بدر ارتـاح : اهااا
بدر بأرتباك : زين ياسر من جواله اللي عندك
ياسر: هذا جوال سهر .. مو عارف شلون اتعامل معه
بدر تصنع الضحكه : اصلا غلط عليك
ياسر : يعني شلون اطلع بدون جوال .. جوالي مافيه شحن
بدر طلع جواله الثاني : خذ هذا الجوال .. ارحم من هذا .. هذا مبين حق بنات
" اصلا هو لامبين ولا شي بس يقول كذا عشان يحصل على الجوال "
ياسر: هقوتك
بدر: اي شوف الفرق
ياسر : اجل يلا خلنا نبدل
" ارتاح بدر ... بدر يوم بدلوا "
بدر : عطني هذا الجهاز
ياسر بأستغراب : وش تبي فيه ؟
بدر: بحط شريحتي فيه لاتضيع وبعدين بعطيه زوجتك
ياسر: اها ... اوكي خذه
" ياسر اعطـاه اياه بحسن نيـه .. بدر ارتاح يوم حصل على الجوال .. وتنفس الصعداء يوم عرف ان ياسر ماعرف شي ولا شاف شي ... "
بدر" مدري اقول لها اني خذته ولا اخليها تحترق مثل ماني قاعد احترق "
" بعد العشــا "
" بدر ركب السياره فتح الجوال قبل لايفتح السياره وقلبه كان يرقع .. اول مفتحه لقى صورة مسج من فوق الشاشه .. دايركت راح على المسجات واول مسج كان من " غلا روحي " استغرب بدر ودخل على المسج ... وحس بطعنه من صدره يوم قرا الكلام اللي فيه ... تذكر ان هو اللي ارسل لها هذا المسج بس الظاهر مافتحته ... بدا يقرا المسجات ورا بعض "
بدر " معقوله ماقرت مسجاتي ... وان اللي كنت اظن مالها وجه تقابلني بعد اللي سوته .. طيب ليش مسجلتني غلا روحي وهي خاينتني "
" انقهر بدر وبعدها بدا يقرا مسجاتها .. وبعدها راح الصور وشاف صوره في فولدر خاص .. حس بالطعنات في صدره تزيد .."
بدر" سهر تحبني تحبني .. بس وش اللي صــــــــــار "
بدر : انا لازم اكلمهـا على الاقل ارتاح اذا عرفت هي ليش سوت كذا .. "
بدر: بس اليوم ماقدر
" وبعدها حرك السياره ومشى "
.
.
.
" في نفس الليله "
" الســاعه 12:00 "
" في بيت بو ياسر "
" عبير توها كانت طالعه من عندهم وبقت ام ياسر مع سهر يسولفون .. لكن سهر ماهي عارفه وش نوع المواضيع اللي تفتحها معها .. تحس للحين ماتعودت على وضعها الجديد كحرمه "
ام ياسر : تأخر ياسر مو بعادته يسهر لذا الوقت
سهر: تبين اتصل عليه ؟
ام ياسر: اي يـا ...
" شوي وينفتح الباب .. سهر انقزت على طول .. وارتاحت يوم شافت ياسر اللي على طول ابتسم لهـا وردت له الابتسامه "
ام ياسر تضحك : هذا هو
ياسر: وش فيني ؟؟ تـأخرت
سهر: اي تقول عمتي اول مره تتأخر
ياسر يبتسم ويقعد جنب سهر : لابس الشباب تجمعوا وقعدوا يلعبون بالوت وقعدنا معهم
سهر ابتسمت : اها اوكي
ام ياسر : اجل اخوك وينه ماشفته اليوم ابد ؟
" اختفت معالم بسمه سهر .. "
ياسر: هذا هو يبركن السياره
" وبالفعل دقيقتين ودخل بدر .. سهر صلحت حجابها ومنزله راسها وتعلب في اصابيعها من كثر التوتر ... عرفت ماقسى الشعور وبدر يناظرها وهي جالسه جنب ياسر بكل حريه .."
" بدر ناظرهم بنظره خاطفه والقى السلام عليهم "
ام ياسر: من بعيد عاد تعال خل نقعد جنبك شوي
بدر: تعبان يمه خليها لبكر
سهر وقفت : عن اذنكم
" بدر انتبه لها "
ياسر لاشعوري مسك يدهـا : وين رايحه اقعدي
" حس بدر بطعنه في صدره "
سهر بردت يدهـا : بخليكم تاخذون راحتكم
ياسر سحبها وقعدها من جديد : اقعدي بكرا تتعودين على بدر
بدر وهو منجرح : من عن كذا اليوم تعبت
ام ياسر: طلبت طلبة تجي تقعد معي شوي
" بدر غصب عنه راح وقعد .. سهر طول الوقت منزله راسها ومتفشله وتحس قلبها يتقطع تقطع .. وبدر نفس الحاله ... وياسر حس في سهر انها مستحيه بس حب يعودها على ان الوضع طبيعي .."
ام ياسر بفرحه : عقبال ماشوفك بكرا قاعد جنب زوجتك يابدر قول امين
بدر " تكفين يمه لا "
" حس بدر بخنقه في صدره "
" سهر نفس الشي كانت حاسه "
ياسر ابتسم : خليه يخلص دراسه ويبشر بالخير
بدر: اي الله يجيب مطر لوقتهـا بس شرط انت تنقي لي زوجتي مثل ماتعبت ونقيت زوجتك .. ولا لا يامرت اخوي
" سهر حست تبي تقوم وتبتعد عن هالمقعد .. ياسر لف عليها وابتسم لها بحب وسهر ماكانت قادره ترفع عينهـا "
ياسر : لاتحرج زوجتي مابعد تاخذ عليك
بدر بأستهزاء " مابعد تاخذ علي .. مسكين والله ياخوووي "
" سهر حست انها تنغيزه لهـا "
سهر لفت على ياسر وبهدوء : ياسر انا نعسانه بطلع انام بتجي ولا مطول
" بدر شمخت قلبه هالكلمه .. تمنى لو قايلتها له في يوم من الايام .. لكن هذي هي تنقال قدامه ولشخص غيره "
ياسر: لا بطلع معك حتى انا نعسان
سهر وياسر: يلا تصبحون على خير
ام ياسر: وانتم من اهله
" وطلعت سهر مع ياسر ... ومروا من جنب بدر وبدر غمض عيونه .... "
بدر: وانتي بعد يايمه قومي نامي وريحي
ام ياسر: الحين قايمه بس بقفل الابواب
بدر: خليها بطلع انا
ام ياسر: وين بتروح في هذا الوقت
بدر: باخذ لفه بالسياره مافيني نوم
ام ياسر: اقول اهجد عاد واقعد
بدر وقف : اذا وليد ماسرا تبيني انا اسري من الحين
ام ياسر: والله ماقول غير ربي يصبرني عليكم
بدر ابتسم وغمز لها : باي ياقمر
" طلع بدر ويحس ان البيت ضاق عليــه ... ماحس يقدر يقعد ثانيه وحــده فيــه .. يحس بمدى قوة هذا الشعور عليه.. لكن لازم يتعود عليهـا "
.
.
.
" اليــوم الثاني "
" في بيت بو فيصل "
" في غرفة مشــاري "
مشاري" خلاص يامشاري لازم تلتفت لنفسـك .. الى متى وانت بتقعد تنتظر الايام تكشف اسرارهـا ... الى متى بقعد صابر وانا عايش في الغاز ... طيب شلون وش اقدر اسويه وما سويته .. لو هي ميب من العايله كان قدرت بس كل شي مسكر في وجهــي .. مافي غيرهــا "
" بعد مالقى مشاري الفكــره نزل بسرعه تحت... اول مانزل لقى جنى وامه قاعدين .."
مشاري: جنى اطلعي فوق
جنى لف عليه ببرود : وليه ان شاء الله
مشاري يخزهـا : قلت قومي اذلفي فوق بكلم امي بموضوع ولا بيك تسمعينه زين يلا اشوف
جنى قامت : من زين مواضيعك ..." ومشت "
" مشاري طنشها "
ام فيصل: الله وش هالموضوع اللي قومت اختك عليه
مشاري : خير ان شاء الله
ام فيصل : يلا اسمعـك
مشاري بعد ماخذ نفس : قررت اخطـب
ام فيصل نقزت : صدق والله
مشاري: اي بس استني لاتستعجلين
ام فيصل بسرعه : لاتقولي من برا
مشاري: لا مو من برا
ام فيصل: اجــل شفيك كتمت فرحتي
مشاري وقلبه يدق : يمه انا باي ميساء
ام فيصل تشققت : خوش ماخترت هذي من معارفنا
مشاري" ياربي مو فاهمه " : ايي
ام فيصل: وميساء خووش بنت والكل يتمناها
مشاري" اي بس عندي شرط
ام فيصل: ترى من تكلمت وانت مو على بعضك قول وش عندك واخلص
مشاري ياخذ نفس : ابي اشوفها قبل
ام فيصل استغربت : من جدك تتكـلم
مشاري بعصبيه: ليش ؟؟ مو من حقي
ام فيصل : وشو له ترى مانت ماخذ غريبه ؟
مشاري: يمه افهميني
ام فيصل : انت بتاخذ وحده من العايله تعتبر.. ليه بعد تشوفها هذا كل عيال عمك خطبوا وتزوجوا بدون مايشوفونهم
مشاري: لاتنسين انهم يشوفونهم بالشارع بس هذي تغطي
ام فيصل نغزها قلبها : وش معنى اخترتها هي وتبي تشوفها
مشاري تنرفز : مين اللي طاير فيها كل يوم يمدحها .. وانا من حقي اشوفها قبل لاخذها يمكن ماتعجبني
ام فيصل : نقدر نوريك صوره
مشاري بأصرار : لا ابي اشوفهـا
" ام فيصل نغزها قلبها من اصرار مشاري "
ام فيصل : خلني بفكر بالموضوع وبقولك
مشاري : يمه وش تفكرين مو تبوني اتزوج هذاني بتزوج
ام فيصل : اي يامشاري هذا زواج مو لعبه .. خلني اشوف الموضوع واشوف خواتك وش يقولون عن البنت وبنرد لك
مشاري: طيــب " ووقف " عن اذنك انا طالع
ام فيصل: وين رايح خلصت اللي عندك وبتطلع على الاقل خلنا نشبع منك
مشاري: عندي مشوار ضروري .. مره ثانيه يلا فمان الله
ام فيصل: في حفظـه
" وقعدت ام فيصل تقلب فكرة مشاري.. هي صحيح تعرف ان ميساء بنت حلوه بس ماكنت متأكده اذا تناسب مشاري ولالا ... ومستغربه من ارتباك مشاري وحماسه ونرفزته فجأه .. قلبها مارتاح لهذا الموضوع "
" اما مشاري بعد ماطلع وركب سيارته "
" قعد يفكر وشاف اللي سواه هو اللي بيدله اذا كانت ميساء نفسها ولالا .. وهذا الشي الوحيد اللي ممكن يحرره من ظنونه وشكوكه وقلقه المتواصل ... "
مشاري: وش بتسوي يامشاري اذا ماكانت هي .؟؟؟؟؟
مشاري بحرقة قلب : باخذها على الاقل يكفيني ان اسمها يذكرني فيهـا
" وشغل السياره وقعد يدور بدون هدف "
مشاري " وين القاك ياغلاي وين القــاك ... واذا ماوافقوا اهلها اني اشوفهـا او هي ماوافقت .. وش بســوي "
مشاري: ياربي ماصارت حاله معها وقســم بالله اف
" مشاري تعب من الظنون والشكوك والتفكير اللي شيب راسه ... اول مره يحس انه عاجز على التفكير .. كان عايش حياته ولا احلى منها وبيوم وليله كل شي تغير وانقلب ... شلون صار ؟؟ كيف ؟؟ مايدري "
.
.
.
" في بيت بو فــواز "
" بيت بو فواز كان زحمـه وازعاج .. خالات منار كانوا عندها وخالها تركي وام مساعد وعيالهـا فكان البيت مثل الملاهي "
" في هذا الوقت كانت غزل على جنب تسولف مع خالها "
غزل : لو جاي وماخذ منار امس كان خليتك تشوفهـا
تركي : لاتعذبيني تكفين
غزل ضحكت: والله امس كانت تخقق
تركي يتخيل شكلها : وش لابسه طيب ؟
غزل تعيش خالها الجو : لابسه فستـان اوف وايت عجيييب
تركي : اااخ اكيد مع لونهـا عذاب
غزل تضحك : اي والله
تركي: لو فيك خير صورتيها
غزل: افا عليك بسألها اذا صورت واخليك تشوفها
تركي نقز : فذمتك
" هنا انتبهوا لهم "
ام فواز : شعندك مع خالك
تركي : انتي خليك بأحبارك
ام فواز تضحك : لافي اخبار ولاغيره
منار تتحرش: اي يمه شووفي وش عندهم
تركي يناظرها : انثبري انتي .. ترى شوفي مازن تراه خاتم في اصبعي اخليه يقلب عليك
منار ضحكت : اي طييب ماتقدر
لميس تضحك : عاش واثق
منار: مالك دخل انتي الثاني تراه صار خطيبي
تركي يلف على غزل : ماعليك منهم كملي
" البنات يراقبونه "
غزل تضحك : شوفهم يناظرون
تركي : معليش تكلمي بصوت واطي
غزل: خلاص بشوف وبقولك
تركي : عاد انا عجبتها
غزل: اي مرره خقت عليك
تركي: اااخ اخيرا .. " وفجأه " غزل تخيلي مايوافقون علي
غزل: لاتتشائم ؟
تركي : من بقى من عيال عمك ماتزوج
غزل: كلهم صغار وبس يمكن فيه مشاري
تركي: تخيلي يبغاها او تكون محجوزه لطلال
غزل: ماتوقع اصلا هي ماتطيقه
تركي بخوف : الله يستر بس
غزل: ان شاء الله تكون من نصيبك
تركي يرفع يده ومن قلب يدعي : الله يسمع منك
|