" بعد مرور يومين "
" في المـانيـا "
" هذا هـو اليوم اللي بتكون فيه عملية فيصل اللي برجلـه .. يا يتشافى .. يا يبقى على ماهو عليـه .. عبير من الصباح طلعت مع امها وتركت دنو مع اليكس المربيه حقتها تهتم فيها اليوم ..."
مشاري: هاه فيصل يلا نمشي
" فيصل من امس مانام .. كان خايف من العملية كثير ... وكان متوتر .. وش راح تكون ردة فعل عبير لو فشلت العمليه .. وش بتكون ردة فعله هـو .. "
فيصل : اي خـلاص
" مشاري كان خايف اكثر من فيصل "
" عبير راحت له من الورا وحضنته "
عبير: الله يقومك بالسلامه
فيصل: مشاري.. مابي حد يعرف ان عبير هنا الا اذا نجحت العميله
الكل عقد حواجبه : ليــش؟
فيصل ماعطاهم وجه : كذا
" عبير استغربت وبعدت وتركت مجال لمشاري عشان يدفه ... ام ياسر وعبير ماعلقوا لكن اعصابهم كانت حدها متوتره .."
" بعدا ركبوا السياره وتوجهوا للمستشفى وكان الطريق زحمـه ووصلوا بنفس وقت الموعد المحدد .. اول ماشافوا فيصل اخذوه من مشاري وتوصى واحد انه ياخذه داخل مباشره "
عبير بصدمه : شلون ماسلمنا عليه
فيصل: ويــت
" كان يقصد اللي بيدفعه "
"فيصل لف وناظر عبير بعيون تلمع .. عبير ماحبت تبكي قدامه وتقلقه .. اندفعت له ومسكت يده"
عبير: حبيبي لاتخاف ان شاء الله بتقوم بالسلامه وترجع لي مثل اول واحسن
" فيصل كان يناظر في عيونها الامل اللي استمد منه .."
فيصل: عبير لو ماجيتي ماكنت عارف وقتها شعوري
عبير قربت دمعتها تهل : فيصل انت بس ادعي ربي حتى تغمض عينك وربي بيكون معك
" عبير جت بتبعد عنه قبل لاتطيح دمعتها لكن فيصل رص على يدها "
فيصل : طيب واذا مانجحــت...!!
عبير: لاتقول كذا فيصـل
فيصل بأصرار : واذا صار
عبير: ماراح يتغير شي .. بتبقى فيصل سوا كنت واقف ولا قاعد " وابتسمت له "
"فيصل ابتسم والعبره تخنقه .. وبعدها ترك يدها ومشى "
"عبير راحت لمشاري وامها اللي كانوا يراقبونها وام ياسر دموعها اربع "
عبير: ليه ماخلونا نقعد اكثر
مشاري: لابس لان حنا متأخرين
عبير ضاق خلقها : يعني خلاص ماراح نشوفه الا بعد العمليه
مشاري: اي هذا الروولز حقهم لو حنا جايين قبل يمكن
" عبير تنهدت وبعدها راحوا وقعدوا في الانتظار "
مشاري: ياخاله بتطولون اذا انتظرتوا من الحين وش رايكم نروح ونتغدا وبعدين نرجع
عبير وتحس ان نفسها صاده : انتم تقدرون تروحون انا ماني رايحه
ام ياسر: انتي الاهم فينا تاكلين
عبير بنرفزه : يمه ماني مشتهيه
مشاري ضحك : سبحان الله نفس الدم هي وزوجها شيكوا عليهم لايطلعون اخوان
عبير ضحكت : مشاري خذ امي وروح
ام ياسر : ماقدر اخليك بروحك صاحيه انتي
مشاري: بنروح ناكل في مطعم قريب جنب المستشفى
" وبعد كذا اصروا على عبير وراحوا ... وعبير ماكانت مره معنده لانها شافت ان لسا فيصل ماتخدر ... راحوا وقعدوا ياكلون .. وكانت عبير يالله تاكل من الخوف اللي كل شوي يضرب في قلبهـا "
" بعد ماخلصوا غدا امداهم ضيعوا وقت .. بعدها توجهوا للمستشفى وقعدوا في الانتظار المخصص لهـم .. العمليه مثل ماقال لهم الدكتور راح تستغرق 4 ساعات "
" عبير كانت تحس الوقت مو بس مايمشي قاعد يزحف زحف ... ام ياسر كانت تدعي ربها والكل كان يدعي ربه ان يقوم فيصل بالسلامه .. مساعد بين فتره وفتره يتصل حتى ابو فيصل .. ابوفيصل ماقال لعياله عن موعد العمليه عشان لايخافون ويحاتونه وينقلقون .. بس ام فيصل اللي كانت على اعصابها ولافارقت سجادتها وهي تدعي وتطلب له "
.
.
.
" الساعه 8:00"
" في السعوديه "
" في هذا الوقت كانوا البنات طالعين يتعشوون .. غزل كانت عازمتهم "
جنى: يالله ماصدق من زمان ماطلعنا نتعشى حالنا حال العالم
سهر : من جد
وصايف: صراحه غزل شيخة البنات هي الوحيده اللي عزمتنا من تزوجت
" البنات ضحكوا "
سهر: تراي مابعد اعرس
وصايف: والله كل البنات تغيروا من تزوجوا
بسمه : حرام تلقين ماعندهم وقت
منار: والله حتى لو اعرست ماني مقابلته اربع وعشرين ساعه
غزل تضحك : بنشوف .. انا منصور يالله وافق لي اطلع
سهر تضحك : يقال انه مسوي انها حامل ويخاف عليها وهي توها
غزل تضحك : لاتطنزين مع خشتك بنشوفك بكرا مع ياسر
" سهر ابتسمت وحمرت .. والبنات قعدوا يعلقون عليهـا .. شوي ووصل العشا وقعدوا يتعشون .. غزل لقتها فرصه الكل منشغل .. طلعت جوالها وتعبثت فيه وحطت بوجه وصايف "
وصايف على طول طاحت عينها على اللي في الجوال وشهقت : وااااااااااااه مين هذا مين هذا
غزل ضحكت وسحبت الجوال ورفعت حواجبهـا : وش رياك فيه
وصايف: عذااب
جنى : اشووف اشووف
بسمه تضحك : من جد وش معنى وصايف
غزل ترفع حواجبها لكم : لاتغارون مافيه يعني مافيه
وصايف خقت عليه : تكفين مين هذا احسه مو غريب علي
غزل: هذا شاعر
غزل: اي اقول انا هالجمال مو واحد نعرفه
سهر: ياحماره خلينا نشوف
غزل تضحك : امزح هذا تركي عمي
غزل شهقت : ايي صح وانا اقول وين شايفته
" وبعدها غزل روت صورته البنات "
سهر: مبين رياضي سبحان الله
منار تخزها : شقصدك
سهر تضحك : ولا شي بس غير عنا يعني
جنى : زين وش معنى رويتيه وصايف ليكون بتخطبونها
وصايف ضحكت وبعفويه : تخيلي .. لو اخذه ما اطالع شي بس اقعد مقابله خشته
" البنات ضحكوا "
اديم : هذي المطفوقه صح
" غزل استانست من ردهـا "
جنى : من جد خاقوقي بس انا مابي واحد كذا حلو
منار: ليش؟
جنى: بشبع منه بسرعه ابي واحد عادي مره اشوفه حلو ومره وع ومره يخقق يعني مو كله حلو
" البنات ضحكوا على تفكيرها "
جنى : لاتضحكون .. هذي اديم عندها اخقق واحد عندنا بس تشبع منه
اديم حمرت خدودها : ومن قالك
" البنات ضحكوا عليها "
سهر: ايووووا اديم تو يطلع الحب
منار: ماتشوفينها قاعده معنا على نار
اديم ضحكت بخجل : وش دعوووووى
وصايف تضحك على اختها : مصدقه نفسها تستحي ترى عادي زوجك هو
" غزل يوم شافت القعده احلوت قالت بتقول لوصايف واللي فيها فيها "
غزل : لاوصايف تعالي نحكي جد
وصايف لفت عليها : عن وشو
غزل: خالي يبيك
جنى فقعت ضحك : ومتى شافها يالنصابه
غزل: انتي انقلعي مالك دخل
وصايف ماصدقت : اقوول عن الاستهبال
منار تناظرها : جد وصايف
وصايف انصدمت : وش عرفه فيني
منار ترفع حواجب : انا مدحته لك
اديم : من جدكم
غزل تضحك : نصابه انا اللي مدحتك له
جنى : عاشووا ويتهاوشون عليك بعد كش عليك
وصايف ضحكت تحسهم للحين يستهبلون : شتبين انتي اسكتي بس
سهر: وش عليك ياوصايف
وصايف: من جدكم انا توني صغيره
منار: وشو صغيره ثاني جامعه وش عادي
جنى: طيب هو كم عمره
غزل تناظر وصايف : داخل 28
وصايف شهقت : من جدك
جنى: كبير عليها ولا
اديم : عادي وصايف عشرين فرق بينهم ثمان سنوات .. بس لحظه الموضوع جد ولا لا .. لاتخلونا نتحمس على الفاضي
غزل بجديه : اي والله صدق هو شافها وبعد ماوصفها لي قلت مافي غير وصايف
وصايف الحين صدقت وتحس جمسها يبخ حراره : بس انا مابي اتزوج الحين
جنى يوم حست جد : والله ماتتزوج وصايف واقعد لحالي في البيت
البنات ضحكوا
وصايف : تمزح ماعليكم منها ..
منار: غزل دقي عليه عشان تتأكد
غزل بتحدي : ادق
سهر بحماس: اي اي تكفين
جنى : اي اي
"غزل ضحكت وطلعت جوالها .. اما وصايف صار قلبها يدق والبنات يطالعون فيها "
" غزل على طول حطته سبيكر "
منار تضحك : لاحد يشك فينا يقول وش عندهم
جنى بحماس : اووه طقق
" شوي ويولصهم صوت تركي المبحوح "
" منار اول ماسمعت صوته ضربت وجهها بخفه ووصايف غطت وجهها وجنى تضحك ومسكره فمها "
تركي : مســاء الخير
غزل تضحك : مسااء النوور
تركي: اوه شكلك مفلحه اللي تضحكين
غزل تضحك : اي والله .. شخبارك وش مسوي
تركي: مـاشي الحال انتوا شخباركم
غزل تضحك : والله ابد
تركي: شعندك على الضحك
غزل : ماتدري من جني
" صوايف شهقت بسرعه وسكرت فمها والبنات يضحكون مبسوطين "
تركي يضحك: لاتقــوليــن ........!!
غزل تضحك : والله
تركي: تدري انك تكلميني
" وصايف اشرت لها يعني لا "
غزل: لا ماتدري
تركي: اااخ ياقلبي
منار تدخل : سلامات الخال
تركي ضحك : وش تبين انتي
منار تضحك : طااايب دور اللي يضبطك
تركي: تعالي فديتك والله انك شيختهم
منار ضحكت
" و وصايف مو مصدقه ان في احد يحبها وهي ماتدري عنها او حتى يفكر فيها مو شرط يحبهـا .. وجنى خاقه عليه "
تركي: اقول غزوول يصير اكلمكم فيديو
" الكل ضحك "
تركي اخترع: لايكون حاطتني على السبيكر
غزل وهي تضحك : لا ماله دخل ذولا هم يسولفون
" وصايف ولعت خدودها نار والكل لاحظها اول مره يشوفونها تستحي "
منار لغزل: ارحمي البنت ولعت علينا
غزل ضحكت : اقوول اثقل لاتفشلنا " وشالت السبيكر "
" قالت له كم كلمه وسكرت "
جنى : ماصدق ماااصدق
" البنات صاروا يضحكون "
بسمه : امااا من متى هذا كله
غزل: من يوم كنت مسافره
" وصايف صارت تضحك وخدودها تحرقهـا "
اديم : اول مره اشوفها تستحي
جنى تضحك : لاتصدق نفسها مافي عرس
وصايف: ان شاء الله تبيني مقابلتك
" البنات ضحكوا على حماسها الفجأه "
جنى : من جدك تبين تعرسين ؟
بسمه: شوفيها تحمست
وصايف تضحك بتفكير: مدري ماكنت حاطه في بالي بس يوم الحين ماعندي مانع " وضحكت وضحكوا البنات عليها "
وصايف بسرعه : امزح مو تقولون عني مشفوحه مدري خلوني افكر
غزل : وصايف من جد فكري وعطيني رايك
سهر: ياحليلك ياوصايف
وصايف ضحكت بخجل ومنار وغزل يراقبونها
" شوي ويوصل مسج في جوال سهر .. جنى الوحيده اللي انتبهت لها "
جنى تصفق : ايوا هذا هو رسل ..
" سهر ضحكت وماتعرف ليش حست انه منه .. البنات قعدوا يعلقون عليها وشوي وفتحت سهر المسج "
" المسج على طول انفتح قبل لا يطلع الاسم "
" شوي وتلقاها وسائط .. قربت الجوال وهي تبتسم عشان تسمع الاغنيه والبنات يناظرونها ويعلقون وهي تضحك عليهم "
" لكن الضحكه بدت تتلاشى يوم سمعت اول كلمه من الاغنيه "
يا غداره يا غدارة تركتي قليبي في ناره
جرحتيني وغدرتيني ونسيتي الدنيا دواره
كشفتك وانتهى كل شي بعد ما تنفع اعذارك
وعيني ماتبي شوفك ولا أريد اسمع اخبارك
ويدور الزمن والله وتقضي العمر محتاره
يا غداره يا غداره
خدعتي قليبي الطيب و نسيتي أيامي و العشره
نسيتي كيف عشناها على الحلوه و على المره
و شلي غير اطباعك و قلبك عني اتخلى
حسافه عشرتي هانت و ضيعتي التعب كله
أنا الغلطان علمتك معاني الحب و أسراره
يا غداره يا غداره
عجيبه أنك غدرتيني و نسيتي إلي بينك و بيني
عطيتك روحي و عمري يا ويلي راحت سنيني
عرفتك ماتوفيني و لا في قلبك مروه
و يسري الغدر في دمك و حبك بلوه في بلوه
لخلي الدمع في خدك دهر وغيوم مطاره
يا غداره يا غداره
" كان مسج اول مقطع صوت والباقي كلمات .. البنات لاحظوا ملامحهـا "
منار: افااا
جنى : شكلهم متهاوشين
سهر بسرعه ترقع : ههههه لا ماني قاعده اسمع شي من الاغنيه
" ومشت على البنات اللي انشغلوا بالسوالف "
" سهر قلبها صار يرقع وهي تقرا كلمات الاغنيه .. توقعتها من ياسر .. وتوقعت انها انكشفت ... وطلعت فوق الا وتشوف رقم بس ... والرقم كان خارجي ... على طول عرفت انه بدر ... بلعت ريقهـا "
سهر وقفت : عن اذنكم بروح الحمام اسمع
جنى تضحك : اي ماتقدر تصبر
" ابتسمت لها مجامله وبسرعه راحت الحمام .. شغلت الاغنيه وقعدت تسمعـهـا ... واول مادخلت وحده وراها سكرتها ... دخلت الحمام وانتم بكرامه وقعدت تقرا المسج... طول ماكانت تقرا المسج حاطه يدها على فمـهـا "
" سهر سندت راسها على الباب ورفعته عشان لاتطيح الدمعه "
سهر" مين الغدار يابدر ميـــــــــن ..!!؟؟ "
" سهر عضت على شفايفها عل وعسى تمسك دمعتها قبل لاتطيح ... لكن حست شي شمخ قلبهـا ... حاولت سهر تتجاهل كل شي .. مسحت المسج وبللت خدودها وطلعت ورجعت مع البنات طبيعي لكنها في داخلها كل شوي تسرح في المسج وجسمها ينتفض "
" شوي ويدق جوال اديم "
بسمه : شســــالفه ...!
" البنات ضحكوا واديم طلعت جوالهـا وعضت على شفايفها على طول "
جنى: لهذي الدرجه تخافين منه
اديم ضحكت : اووش " وردت " مرحـبــا
" البنات كلهم كانوا يناظرونها وهي كانت تلعب بالسترو حق البيبسي وعيونها تلمع .."
سلطان : مراحب .. هاه خلصتي ؟؟
اديم : اي تقريبـا
سلطان : امر اخـذك
اديم : لاعادي ارجع مع خواتي
جنى تضحك : ياعيني مقطع الحيا
سهر تضحك وهي تناظر اديم
سلطـان : لا انا قريب منك دقيقتين واطلعي
اديم ابتسمت وخدودها حمرت: خلاص اوكي
" وبعدها سكرت "
وصايف: غزل انتي مثلها تستحين اذا كلمتيه
غزل تضحك على نفسها : لاطبعـا
" البنات ضحكوا على اديم .. ماكانوا يدرون انها بس توها تعيش معه بركـاد "
وصايلإ: اجل مدري وش فيها اختي
اديم تناظرها: ماني راده عليك " وقعدت تصلح حجابها عشان بتطلع "
غزل: بتروحين ؟
اديم: اي يقول هو قريب
غزل: اجل العنز اللي عندي ليش مايكلمني ويقولي بجي اخذك
" البنات ضحكوا "
سهر : لاتخلوني اكلمه يجي ياخذني
" وضحكوا عليها البنات "
سهر: اي والله بس هم يفكرون متزوجات وزاعطين علينا
وصايف تضحك : ترى حتى انا مخطوبه لاتخلوني اجيبه من الرياض
غزل ضحكت : ايوااا ايوووا
منار: الله يعينك كل كلمه بتنقلها له
وصايف اخترعت: اي تبيني اذبحك
غزل تضحك : خليني اوسع صدره
وصايف: بس اجل بسكت
" وكلموا القعده سوالف وكذا ومنصور مسكين مر واخذها والباقي رجعوا مع سواق سهر وسواق وصايف وجنى "
.
.
.
" في نفس هذا الوقت بالضبط "
" في المانيـا وفي ميونخ بالتحديد "
عبير وقلبها يتراقع : مشاري صارت الحين خمس ساعات ونص
مشاري وقلبه يرقع :الله يستر
" عبير وقفت لاشعوري حتى طلع لهم الدكتور والنيرسات وكلهم كانت مرسومه في وجههم احلى ابتسـامه "
عبير بفرحه لفت على امها : يمه اكيد نجحت
" مشاري طار لهم وبالفعل نجحت عملية فيصل ... لكن يحتاج انه يخضع لعلاج فيزيائي ... مشاري طار من الفرحه كلم ابوه على طول وبعدها مساعد وعبير تشققت ... بعد نص ساعه دخلوهم على فيصل ... بس فيصل كان مازال تحت تأثير البنج " المخدر " عبير اول مادخلت حضنت راسه بقوه ... وبعدها كل العايله عرفت عن فيصل والكل فرح لــه .. ياسر حاول يكلم عبير ويبلغهـا لكن عبير صدمته يوم قالت له كل شي .. ياسر انصدم في البدايه لكن بعدين ماعلق ولا قال شي ... اهم شي هي مبسوطه وبخير وزوجها بعد ... ماكان يعرف انها بتطلع جنيه ... وقال بيستفسر منها بعدين شلون عرفت مكانه ..."
.
.
.
" بعد مرور شهـــرين "
" مر شهرين بخطف البصر ... سهر صارت تحظر لزواجهـا والبنات يساعدونها ... اديم قضت هذي الفتره بأيام حلوه وايام عاديه ... بس ماكانت تلتفت الا للأيام الحلوه ... سلطان انشغل عنها في هذي الفتره وهو يحظر لزواج اخته الوحيده كان يبغاه مثل عرسه واحلى ... وياسر كان معه بكل شي ...
بدر وليـد وطلال وصلوا اليوم ارض السعوديه .. وطلال ووليد من فرحتهم وكأنهم اول مره يدخلونها .. وكل شوي واحد منهم يقول انه مستحيل يرجع هناك مستحيل ... بس كله كلام فاضي .. ماعدا بدر .. كان يمشي وكأنه يمشي في جنازته .. ماكان يبي يصير قريب منها وخصوصا ان زواجهم مابقى عليه الا اسبــوع
فيصل وعبير .. رجعوا وسوو لهم حفل استقبال بعد ماعرفوا عن اللي سوته والكل انبسط منها وفيصل مجح في العمليتين حقت الرجل والثاني حق التشوه اللي بوجهه صحيح ماراح لكن صار ارحم من اول يعني بس اثر الخياطه اللي مبين ..
اما ام مساعد تكلمت عن موضوع مساعد ومازن بشكل رسمي لكنهم ماخططوا متى بيصير كل شي رسمي ...
نجود وفواز كانوا على مثل ماهم عليه
غزل ومنصور مثل ماهم عليه غزل تنتظر متى يبرز بطنها
هذي الاحداث اللي صارت باختصار "
.
.
.
" قبل زواج سهر بيوم "
" في احدى المقاهي "
" كانوا وليد وطلال طالعين يتقهوون "
وليد : ااااااه فديت هواها بس يكفيني
طلال: وانت الصادق
وليد : خلاص مابي ارجع هناك بحاول اقنع ياسر
طلال : اي طيب
وليد : ادري مستحيل يوافق
طلال شوي ويشهق وبعدها ضحك : ماقلت لك
وليد اخترع : بسم الله علي شعندك
طلال: امي شفت وصايف
وليد شهق وضحك : احلللللللف
طلال : وربي
وليد : وكيف كان اللقاء
طلال بعدم تصديق : ماتتوقع شلون كبــرت .. تغيرت تغيرت كليـا
وليد : احلف
طلال: وربي
وليد : حلوت ولا شينت
طلال: هي حلوووت انا ماخقيت عليها خقيت على لونها بنت اللذينا
وليد يضحك : اصلا انت مو عاجبك شي فيها كثر لونها
طلال: والله يجنن بس هي مهما تحلو ياشينها بعيني
وليد : المهم وش سوت يوم شافتك
طلال: كنت رايح بيتهم بالعمد ابي اشوفها .. قعدت اسولف مع فيصل ومشاري وكذا يقال اني اسلم وبعدها شفت مافي فايده وطلعت .. وانا طالع كانت توها راجعه مع اختها جنى .. انا قعدت اناظر من هذي وهي تطالعني وكأنها منصدمه انها شافتني .. ههههههههه قلت لها لاتطير عيونك شايفه جنى
وليد ضحك : وش قالت
طلال: قالت يابثرك ... قهرتني ودي ضربتهـا ينرفزني غرورها مدري على ايش كنت برد عليها بس طلع مشاري وراي وبعدها كملوا طريقهم
وليد: وجنى شخبارها
طلال ضحك : كنها نحفانه المسكينه
وليد ضحك : بس تراها حلوه
طلال بدون اهتمام : حلوه ولا شينه وش ابي افيها
وليد يقهره: اي انت خلك مع وصايف
طلال بقرف : تخسي الا هي
وليد يضحك : زين زين لاتاكلني.. اقول طلال تخيل يعطونك اياها
طلال : لاوالله اخذ اختها ولا اخذها
وليد : الله ليـه ؟
طلال: فكرت فيها من اول بس طلعت نذله عنيده
وليد : ماحس لذيك الدرجه بس انت مكبر السالفه وبعدين كنتوا بزران
طلال: خلاص ماعدت ابلعها
وليد بصوت واطي: وش دعوى هي ميته فيك
طلال يخزه: ترى سمعتك
" وليد ضحك وبعدها كملوا سوالف "
.
.
.
" في سياره منصور "
منصور: بدر شفيــــــك مانت طبيعي
بدر لف عليه : وش فيني ؟
منصور: لاتحاول تقنعني انك بدر الاولي
بدر يبتسم : مافيني شي يتهيأ لك
منصور يخزه: بدر مو علي
بدر يضحك : شكل الزواج اثر عليك بس
منصور تنهد : لاتحاول تغير الموضوع
بدر: اي موضوع والله مافيني شي
منصور: وين ذاك بدر اللي بس يضحك ويعلق ويسولف ويصدع مخي الحين قاعد احس قاعد جنب جمـاد
بدر سند راسه وتنهد : خلاص كبرنا
منصور: بلا كبرنا وبلا هم وقولي جـد
بدر" وش اقولك وش اخلي "
بدر: ماعلينا نزلني عند بيتنا بمر المغسله اخذ ثوبي
منصور: اي صح ذكرتني وانا بعد ... ليش مانروح مع بعض
بدر: لاا بس يمكن تطول شوف كم مشوار بتروح
منصور: خلاص شرط تمر تاخذ ثوبي
بدر: اووكي
" وبعد لحظه "
منصور ابتسم : من يصدق ان سهر بتتزوج
" بدر حس بطعنه اخترقت قلبه لظهره "
بدر: الله يهنيهـا .. الا منصور " ولف عليه "
منصور بدون مايطالعه : همم
بدر بغصه : تحس سهر مبسوطه مع اخوي
منصور يبتسم : اي والله مرره كل شي فيها تغير تحس انها كبرت الظاهر ياسر عقلها " وضحك "
"بدر ابتسم مجامله ولف راسه ويحس وده ينفجر "
" بعدها وصلوا عند بيتهم وودعوا بعض .. بدر ركب السياره من هنا وفحط من هنـاك وعلى طول نزلت دموعه اللي صار له فتره ماسكهـا "
بحضـر زفافـك ياحياتـي :: بحضر زفاف اللي هويتـه
وبرزف عشانك لا تحاتـي :: وبهديك كل اللـي بغيتـه
وبهديك دمعي واعبراتـي :: والهم اللي فينـي رميتـه
وبحضر ولو بعرسك مماتي :: شايل معي قلـب نسيتـه
واجمـل قديـم الذكرياتـي :: والضيم اللي منك خذيتـه
وبذكر الليالي الماضياتـي :: كنت الوليف اللي احتويتـه
كنت الـذي لأجلـه اباتـي :: ساهر ونومي ما اهتنيتـه
بهديك فـي ليلـة وفاتـي:: حلم الليالي اللـي طويتـه
واعطيك من قلبي امنياتـي:: تلقى الهنا فـدرب مشيتـه
وتعيش في راحة وسباتـي:: ويا الـذي عقبـي لقيتـه
" انفجر ساعتها بدر صياح يوم تذكر كلمات هذي الاغنيه ... ماتخيل بيوم من الايام انها راحت تنطبق عليــه "
بدر بقهر " ليش ياسهر ليــــــــــش ... على الاقل قولي لي ليش سويتي كذا ليــــــــــــــش "
" بدر كان بيروح فيها من كثر الدموع اللي مغرقه عيونه وحمد ربه سيارته مظلله لاتناظره الناس ... بدر الكورنيش كان قريب من بيتهم ... راح هناك ونزل من السياره وسكر الباب بكل قوه وراح قدام البحر وتلثم وغطا وجهه بيده وقعد يبكي وصدره يهتز "
بدر صرخ بأعلى صوته
" صرخة بدر صرخه الم فاضت من قلب حزين .. تحمل الشقى والعنا وهم ... صرخه ياما خذت منه الكثثيير ... لاهي عطت ولاهي رحمت .. تركته تايه في عذاب السنين .. ماكان يدري القدر كتب له لوعه واسى وحزن وهجر ودموع تسيل .. صرخه تفجرت من صدره واثاريها زاده عذابه والانين ... زادت الجروح وجددت معها اللحزن والقسى ... قهر تمضي ليالينا وهي تجرحنا بدون احساس .. امانينا تكبر ويحطمها عنيد الراس .. خلاص راحت وهذا قدر مكتوب عن عينه تغيب ... "
بدر " شلووون اقدر انسى شلووووووووون .... اللي سوته فيني سهر مو هيــن ... حرام والله حرااام ... اكيد غصبوها .. اكييييييييد .. سهر مستحيل تخوني... اصلا شلون تقدر تخوني شلـــــــون ... بس انا الغبي ... تباطيت حتى راحت مني ... ضيعت كل فرصه جتني ... ولا لو اني حاجزها ماكانت ضاعت علي .. بس كيف اخوي يحبها وانا ماكنت حااااس ليش ماربطت ليششش ....... معقوله انا وياسر نحبها ومحد حاس في الثاني .. بس سهر اكيد ماتدري عنه اكييد ... سهر تحبني انا .. بس شلون وافقت عليــه "
" بدر يوم قلب الفكره شابها مشربطه من كل جهة ... يحس ان الهم انكتب على بيتهم من انخلق ... اول شي ابوه بعدين مرض اخته بعدين اخته عبير وعذابها مع زوجها بعدها هو ... واللي متحمل كل هذا اخوه .."
بدر " سهر لو رفضت ياسر كان جرحته وعمي مستحيل يرفض ياسر .. انا ادري ... بس انا شلون مافكرت فيهـا ... سهر مستحيل تخوني مستحيل ... محد كان يعاتبني لغبت غيرها ومحد كان يونسني ويفرحني غيرها وانا بالضبط .. متأكد ان هي تحبني بس اهلها اجبروها عليه ... ياربي ليش يادنيا ليـــــش "
" بدر الى اخر لحظه يحط لسهر عذر .. مو مصدق انها ممكن تسويه فيه كذا ..."
بدر" بس ابي اكلمها ابي ارتــاح "
" على طول رفع جواله ودق عليهـا وهو يدعي ربه انها ترد "
" سهر اخترعت يوم شافت اسمه وش يبي فيهـا اليوم طبعا ماردت "
" بدر رمى الجوال بكل قوته "
بدر" ليه ماتبي تكلمني ليه .. اكيد مالها وجه "
" وقف بدر على حيله .. وعقله يحاكيه "
" تبيها يابدر تكلمك وهي بكرا بتدخل على اخوك ... تبيها تخونه قبل زواجه "
بدر " طيب انا وش ذنبي اتعذب ... انا متأكد اذا كلمتها برتــاح متــأكد ... سهر ردي واللي يعافيك حرام عليك ريحيني "
" طبعـا ماحد كان يسمع نداء بــدر "
" بدر مو قادر ينسى فرحة اخوه اليوم .. اول مره يسمع ياسر اخوه يغني "
من فينا هالليله ينام و الشوق صاحي ما ينام
و كل منا يا حبيبي شايل بقلبه كلام
هذا و أحنا ما لتقينا و رعشت الشوق بأدينا
كيف بكرى يا حبيبي و أول الموعد سلام
و من فينا هالليلة ينام
بكرى يا عيوني بتجيني شايل بعينك حنيني
تسهر الليلة عشاني و أسهر الشوق اللي فيني
و ليه أشكيلك يا غالي و أنت مثلي بانشغالي
و الله يكفيك يا حبيبي مقدر هالهلفة حرام
و من فينا هالليلة ينام
ما دري شسوي يا قلبي لما أشوفك بكره جمبي
و دي أحكيلك غرامي خايف عيوني تخبي
بكرى يا عمري لقانا وحدنا محد معانا
لو بكينا يا حبيبي ما على اللهفة ملام
و من فينا هالليلة ينام
بدر " ماقدر اسرق منك فرحة دنياك ياخوي ... ماقدر اسرقها وانت بس توك لقيتهـا ... شكل الفرحه علينا كل يوم تنسرق من واحد ..."
" مرت الساعات والدقايق والثواني وبدر مقابل البحر .... منصور يدق عليه مقفل .. ياسر يدق عليه مقفل ... لان بدر رماه وطاح الشاحن "
.
.
.
|