" بعد ساعه "
" في بيت بو فواز "
" كانت ام فواز ومنار وفواز قاعدين يسولفون شوي ونزلت منار مستعجله "
ام فواز : خلي سهر تمر عليك
منار: لايمه فشله اخلي البنت تتمرر لانها بتمر على نجود
" فواز نزل راسه .."
فواز " اكيد بتروح تنبسط وتستانس وانا ولا كأني هنا .. عديمة احساس من يومها "
فواز : وين السواق ؟
منار : ماخذ نجوى المستشفى
فواز : خلاص انا اوصلك
منار ابتسمت : صدق
فواز رفع عينه : اي
منار : اجل يلا قوم
فواز : بتتغدون من الحين
منار: اي الكل قال انه مشى
فواز : اووكيي يلا قومي
" وقام فواز معها .. منار طول الوقت تفكر ان البنات سبقوها وهم لساتهم ماطلعوا بس هي اخذت منهم اتفاق انهم يكونون على الساعه 2:00 هناك واول ماوصلوا دقت على سهر "
منار: هلا سهوره وصلتوا ؟
سهر : لا توني طالعه بروح الحين امر على نجود
منار فتحت عيونها : وشوو من جدك... اانا دقيقه واوصل
سهر: ادخلي واحجزي لنا طاوله
منار: ياحليلك بقعد لحالي
سهر: من جايبك
منار: فواز
سهر : خليه معك واذا حد وصل قبلي خليه يروح
منار: افف مدري بشوف عنه يلا باي
منار لفت على فواز : فواز البنات ماوصلوا
فواز : والحل
منار: تنزل معي نحجز طاوله
فواز ماله خلق : لاخليك بالسياره واذا وصلوا بنزلك عندهم
منار: لا فواز اليوم زحمه واكيد مافي طاولات
فواز : منار مالي خلق ادخل بزحمه البنات الحين
منار: لو سمحت فواز
فواز ناظر فيها " بيقولون هذي خويته ميب اخته افففف امري لله "
فواز : طيب خليني القى باركينج
" وبعد مالقى نزل بكل شموخه ونزلت منار .. مشت منار جنبه وهم ساكتين .. فواز زمان مادخل هذا المطعم يكرهه من كثر مايسمع السوالف اللي فيه وهمج الناس عليه .. اول ماوصلوا عند الباب كان في اكثر من قروبات بنات متجمعين ينتظرون الحجز "
فواز : يلا وين بتلقين
منار: خل ندخل ونشوف
" فواز تعوذ من الشيطان وكمل طريقه ومر من ذولا البنات اللي من اول ماقبلوا اغلبهم التفتوا عليهم وفواز فهم تفكير البنات وين ممكن يروح .. دخل وعلى طول الزحمه بوجهه والعوايل والناس اول مادخل قبض قلبه ابد هذي الاجواء ماتناسبه .. لاشعوري مسك يد اخته وخلاها بجنبه "
فواز قرب من عند الرجال : كم شخص
منار : 6 اشخاص
فواز : 6 بيرسون
المسئول : ok have a seat
فواز : نطلع برا احسن هنا كتمه
" جت عايله بتمر من ورا منار فقربت من اخوها شوي .. "
" شوي وتسمع وحده تعلق "
البنت : شوفي هي لاصقه فيه وهو ماله خلقها
البنت الثانيه : بس عرفت على مين تطيح
" منار ماسمعت ولكن فواز سمع وثارت عصبيته لف عليها بس شاف بنات كثير فاماعرف مين اللي علقت "
فواز : قومي نقعد برا
منار : فواز حرام عليك حر
فواز : اجل اقعدي انتي داخل هنا وانا بطلع
منار : هممم اوكي
" وراح فواز وصلها وهو ماسك يدها عناد حق البنت اللي تكلمت .. منار شافت مافي مكان فاظطرت توقف "
فواز بصوت مترفع شوي : حبيبي بس تبين شي انا برا اذا نادوا عليك ناديني طيب
منار ابتسمت : اوكي
" وراح فواز ومر من عندهم متعمد يبي يقهرهم "
" فواز طلع برا وقعد ينتظر قدام بوابه المطعم "
فواز " تقول مافي الخبر الا هذا المطعم الحمدالله والشكر .. هذا وانا مو منعم وعيونهم كذا كيف لو انا منعهم " ضحك على نفسه بعدين قال " وع هذا اللي كان ناقص اهتم برايهم .. ااه بس ياليت لو نجود تناظرني مثل ماهم يناظروني .."
" قعد فواز ينتظر ينتظر وتوقع على هذي الزحمه انهم مطولين "
" بعد مرور عشر دقايق "
" داخل عند منار "
" دق جوال منار "
منار : هلا وينكـــــــــــــــم
جنى : انتوا اللي وينكم سنه
منار: انا صار لي ربع ساعه هنا ولسا مافي طاوله
جنى : ياحظي عليك حاجزين لكم طاوله
منار صرخت : احللللللفي ومخلييني
جنى ضحكت : وينك فيه انتي
منار: استني بطلع لك
" وراحت منار تدور لها الا جنى تأشر لها "
منار: اي شفتك بقول لفواز يروح وبرجع اوكي
جنى : اووكي
" منار طلعت لفواز "
منار : فوواز
فواز فكر نادوهم وقرب من عندها: يلا
منار ضحكت وقالت له انهم ينتظرونها
فواز انقهر بعد هذا الانتظار : شسوي فيك
منار ضحكت : سووري مادري ماحد كلمني
فواز : خلاص روحي لهم بس تعالي متى تخلصين
منار: برجع مع بنات عمي
فواز : اكييد
منار: اي طبعا
فواز : خلاص وانتبهي على نفسك
منار : اوكي يلا باي
" ودخلت منار .. وفواز بعد لف يبغى يمشي وطلع مفاتيحه واول مارفع راسه كانت سياره سهر واصله واول وحده نزلت بسمه ووراها سهر وبلاخير نجود .. فواز علقت يده بالجيب حقه ... بسمه على طول وقفت "
سهر: شفيك ؟
نجود : تحركوا
" بسمه مشت ببطئ ونجود تدخل جوالها بالشنطه وسهر شافت فوزا وعضت على شفايفها خافت تقوم هوشه هنا "
" وهنا رفعت نجود راسها وطاحت عينها بعين فواز وقفت وبسرعه لفت عليهم وهم لفوا عليها "
" سهر اشرت لبسمه انهم يمشون ويتركون نجود .. مشوا عنها ونجود ماحست فيهم "
" قرب فواز من عند نجود وهو ساكت "
" نجود بعدت عينها عن عينه "
" فواز ماعرف وش يقول وبعد عينه هو الثاني "
فواز " نجود وش اللي غيرك لهذي الدرجه معقوله انا سبب بكل اللي صار لك .. نحفت زياده عن اللزوم "
نجود " فواز من وين طلعت لي انت الثاني .."
" رفعوا عينهم مع بعض وشوي وكأن جني نجود طلع .. رمته بنظره وتركته ومشت عنه .. فواز طعنته هالنظره ماقدر يلف عليها او حتى ينطق بأسمها .. رفع راسه يبي ياخذ نفس وبعدين كمل طريقه لعند سيارته شغلها ومشى "
.
.
.
" عند نجود "
" مادخلت نجود الا وشافتهم رايحين راحت دورت عليهم ويوم شافتهم سوت نفسها مافيها شي وراحت وسلمت وابتسمت وقعدت جنب بسمه "
نجود بصوت واطي : ممكن اعرف ليش تركتوني معه
سهر كانت تراقبها
بسمه لفت على سهر .. سهر فهمت عليها وقربت من عندها
سهر: مافيها شي زوجك ترى
نجود : واذا زوجي يعني كنتوا تبوني اذبحه قدام العالم
سهر ضحكت وبسمه : افا بس اسكتي لاتسمعك " واشرت بعيونها على منار "
" شوي وتعرفوا على صديقا جنى وقعدوا يسولفون وياكلون مبسوطين .."
" ماعدا نجود .. نجود بهذي الفتره حست انها عايشه ومو عايشه كل ماتحاول تنبسط تتذكر فواز وكل شي يتنكد عليها واليوم شافته خرب عليها فرحتها بالكامل .. كانت قاعده مع البنات بجسمها وعقلها مع فواز .. شافت حالته وفي خاطرها انه يستاهل عشان يعرف كيف يحترمها .. بس الحين حست ان فواز بيسوي شي بعد ماشافها ... قلبها نغزها "
.
.
.
" عند فواز "
" فواز اعترف انه غلطان بحق نجود ومن بعد ماشاف حالتها وعرف انها تحبه قرر من بكرا يروح وياخذها "
" فواز فكر الموضوع بهذي البساطه عند نجود .. فكر انها لانت او حتى نست وحنت له .. ماكان يعرف نجود كيف ماخذه الموضوع .. الظاهر لساتهم مافهموا بعض "
.
.
.
" في الريــاض "
" لميس صار لها ثلاث ايام من خلصت الاختبارات فاالفرحه الحين بردت شوي بس ماحست انها معطله الا يوم عطلوا بنات المدارس ... وفي هالوقت كانت قاعده مع ميساء وامها "
لميس: يمه حرام عليك بموت اببي اروح الشرقيه
ام مساعد : خالك تركي اذا راح خليه يوديك
لميس : يمه لاتحرقين اعصابي طفشت تلقين الحين انواع الوناسه عندهم
ام مساعد : وش لي في الشرقيه انا بقعد هنا
لميس : يمه لو سمحتي
ميساء: لميس تو العطله باديه بعدين نروح
لميس: انتي وش دراك هنا ماتحسين بعطله ولا شي هناك وناسه ومع بنات خالي واهلهم
ام مساعد : انا قلت روحه ماني رايحه
لميس: بروح انا وميساء
ام مساعد : روحي بس انا مو رايحه
لميس: مين بيوديني
ام مساعد : شوفي اخوانك
لميس : اي طيب اذا مارحتي ماراح يودوني
ام مساعد : دبري نفسك
لميس حست بتنفجر : بروح بالقطار زين
ام مساعد ضحكت
لميس: يمه والله بنفجر
ام مساعد : وش يوديني في الشرقيه .. خواتي كلهم هنا وين اروح اضيق على الناس هناك
لميس : اي تونا صرنا ضيقين والله انا مشتاقه لبنات خالتي وبروح لهم
ام مساعد : ماقلت شي روحي
لميس تأففت وسندت راسها
ميساء: صدق فشله يالميس نقط وجهنا من الحين
لميس صرخت بوجهها : لافشله ولا شي
ميساء اخترعت وسكتت
لميس ضحكت : اسفه
ميساء ابتسمت : تعودت
لميس : والحـــل مع هالام
ام مساعد : بشوف اخوك اذا وافق يوديكم والحين خليني بروح حق ام عبدالله
لميس: ان لله ماعندا غير ام عبدالله
ام مساعد : كل الجيران عندها " وقامت"
لميس: وش الجديد كل ملكعين عندها حشا فاتحه بيتها مقهى
ميساء ضحكت بصوت واطي
ميساء: لميس اذا رحتي الخبر ماني رايحه معك
لميس صلحت جلستها: ليه ان شاء الله
ميساء: لابس روحي انتي انا بقعد مع امي هنا
لميس: مو على كيفك
ميساء : لاتكفين لميس
لميس ترجع جلستها : انسي رجلك على رجلي
ميساء راحت جنبها : لميس لاتحرجيني
لميس فتحت عينها فيها : ولييييييييه
ميساء: ماعرف احس فشله
لميس بأستهزاء : من ايش بالله
ميساء: ماعرف بس انتي تعودتي عليهم اما انا لا ماقدر انام عندهم وامي ولا ابوي مو معنا
لميس: وهـ وانا اقول وش عندك عادي ذولا عيال خالي يعني عيال خالك
ميساء: بس ماعليش خليها مره ثانيه
لميس بزعل : ميساء ليش انتي كذا ؟ لسا مسويه نفسك غريبه عنا
ميساء : لميس مو قصدي بس لو سمحتي لاتضغطين علي
" وقــــــامت "
لميس : ميووووش وين رايحه
" تركتها وكملت طريقها "
لميس : وش فيها ليكون حد مزعلها بس ماتوقع
" لميس قعدت تنتظر اخوها وبعدين تروح تشوف ميساء "
" ميساء دخلت الغرفه وسكرت عليها الباب"
" ميساء من يوم تعرفت على ذيك الجماعه وهي عارفه انها مستحيل تنتمي لهم .. تحس انهم غير عنها .. في كل شي .. مع ان لميس حاولت تحسسها انها مثلهم الا انها ماقدرت تحس .. هي من تقعد معهم دايم ساكته وهذا الشي بعطيهم انطباع ثاني عنها ...تحس ان مستواها مو مثل مستواهم .. بالعكس بيت بو مساعد مره متواضع ومعقول .. بس من تروح هناك تحس انهم ناس مبالغين في كل شي .. حتى لميس يوم جت تلبسها مثل لبسها تحس اللبس مو مرتاحه فيه .. تحسه عاكس شخصيه غير شخصيتها ... لميس اجبرتها على كذا عشان لاتحس انها غير عنهم .. ولكن هي حست انها غير عنهم من اول طله .. حست انها ماتقدر تتحمل تقعد معهم .. واصلا تحس انها مو مرتاحه من هذي الروحه "
" تحت في الصاله "
لميس: كان تأخرت شوي
" مازن عرف انها طالبه حرش فا مارد عليها "
لميس: اكلمك
مازن ناظرها : شتبين
لميس: وينك تأخرت
مازن : يعني وين بالدوام
لميس : اووه فكرت الناس كلها معطله سوري
مازن : يامصلك
لميس ضحكت على نفسها : انزين مازن
مازن : نعم
لميس: ممكن طلب
مازن بدون خلق : وشو
لميس: نبي نروح الخبر
مازن لف عليها وبنظره : اسف
لميس عقدت حواجبها : ليه ؟
مازن : مشغول هالويك اند
لميس: مازن بس ودنا وارجع لو سمحت وش بتخسر
مازن : لاوالله وش الله حادني على العذاب
لميس: مازن لو سمحت البنات الحوا علي الا نروخ
" والبنات اصلا مايدرون عنها "
مازن : سوري ماقدر شوفي مساعد
لميس: شكرا زين
" وقامت "
لمييس : افف وش ذا الحاله محد في البيت يعطيك وجه وش ذا مايحسون فينا معطلين ولا كأنا معطلين
مازن سمعها وضحك وشوي " تبيني اروح واشوفها واموت .. هئ انسي انا اللي بريحها مني بالمره "
" شوي ويدق التليفون ويرفعه مازن "
مازن : الووو
الطرف الثاني : الوووو مربحا
مازن رقع قلبه بس ماعرف مين : مين
الطرف الثاني : مازن
مازن رقع قلبه محد عنده هالبحه غيرها : منار هلا
منار: هلا مازن كيفك؟
مازن " لالا مازن لاتتهور "
مازن : الحمدالله
" وتعمد مايسأل عن حالها "
" منار استغربت بس سوت نفسها عادي "
منار: لميس عندك
مازن : لاوالله
منار: ممكن تناديلي اياها
مازن : اظني عندها جوال
" منار استغربت من ردها "
منار: اي بس دقيت عليها اكثر من مره ماترد .." وشوي تشوف ان عندها اتصال ثاني " اووه خلاص دقت علي " وقفلت بوجهه"
"مازن سكر السماعه وهو ندمان انه كلمها بهذا الاسلوب بس مجبور "
مازن : وتكذب على نفسك يامازن شوف قلبك شلون بغى يروح فيها كأن ربي ماخلق غيرها
" لميس قررت تروح لميساء بعدين .. لان حتى لميس مالها خلق .. وبس دخلت غرفتها شافت 2 مسد كوول من منار وبعدين رجعت دقت عليها "
.
.
.
" في سياره فواز "
" فواز قرر يتصل على مازن وينهي هذي اللعبه اللي تأخيرها ماراح يفيدهم بشي "
فواز : الووو
نايف: ارحبوووا
فواز ضحك : هلا نايف شخبارك
نايف : ماشي الحال وانت شخبارك
فواز : نحمدووه .. هاه شكلك طالع
نايف: اي والله توي طالع من الدوام
فواز: كأنك متأخر
نايف: اي في عندي كم شغله خلصتها وطلعت
فواز : حلوو والله مابي اعطلك بس ابي اعرف عندك شي الليله
نايف: امرني
فواز : لابس ابغى اطلع انا وانت مع بعض نتعشا ولانتقهوى
نايف فهم عليه : ابشر بس انت اي وقت يناسبك
فواز : بعد صلاة العشا بكلمك وبقولك وين نلتقي
نايف: حلوو خلاص اجل تامر شي ثاني
فواز : سلامتك
نايف : الله يسلمك فمان الله
فواز : في حفظه
" ترك فواز نايف وبدا يجمع الكلام اللي بيقوله "
.
.
.
" في فيينا "
" غزل قامت من النووم وناظرت بالساعه شافتها 9 ولفت الجهة الثانيه وشافت منصور جنبها .. استغربت هذا ماراح الدوام اليووم .. راحت واخذت لها دش تصحصح فيه وبعدها طلعت ولبست وراحت لمنصور"
غزل : منصووور منصوور
منصور: همممم " ويدس وجهه داخل المخده "
غزل : منصوووور قوم تأخرت على دوامك
منصور قام معصب : ماعندي دوام فاهمه وخري عن وجهي
غزل اخترعت وقفت وهي معصبه : اخر همي
" راحت وهي مطرطعه عليه لانه فجعها "
غزل : وش الاسلوب السوقي اللي يتعامل فيه معي ماكأني زوجته جعله الماحي ان شاء الله
" راحت وطلبت لها فطور لشخص عشان اذا قام يموت من الجوع ويطلب له "
" وبعد ماوصل قعدت تاكل وهي مروقه او تحاول تروق .. وضعهم بالمره مو اوكي .. هي مو متحمله تعيش هنا ولاهي قادره تتحمل معاملته معها "
" بعد نص ساعه قام منصور وتغسل بعدين طلع "
" وقتها كانت على التلفزيون وتشرب الكوفي ومنصور استغرب ان الفطور لشخص بس "
منصور : مافي فطور
غزل : مالي خلق اطبخ قلت بطلب لي جوعان اطلب لك ولاتبيني انا الحرمه اطلب
" منصور رماها بنظره وراح يطلب له "
" وقعدوا ساكتين.. وجت بتقوم متوجهه للمطبخ "
غزل بصوت شبه مسموع : اول مره اشوف دوام يروح وقت مايبي ويغيب وقت مايبي .. من يدري جايز يكون
" منصور يسمعها وهو يطالع التلفزيون قرر يطنشها لان لو رد عليها يتقوم هوشه لانه موده اليوم مره مو اوكي "
" راحت غزل حطت الكوفي حقها وشالت اكلها وبعدها ماعرفت وش تسوي قعدت تفكر لحظه بعدين راحت الغرفه قالت على قعدتها بتقعد على النت تضيع وقت فيه "
" منصور ماعرف وين راحت عنه .. شوي ووصل فطوره وقعد يفطر يريح راسه اللي بدا يخف من اكل .. اول ماخلص ماسمح له غروره يروح يشوفها شتسوي ... فقعد على الطاوله يفكر "
منصور لف رقبته ناحية الغرفه ولا شافها ورجع لوضعه الطبيعي " وين راحت هاذي وتركتني .. استغفر الله العظيم وش اللي صار عليها .. ماكنت متوقع انها ترجع غزل الاوليه .. انا يوم شفت معاملتها لي في البدايه توقعت انها رضت على كل شي وتقبلتني بس ماشوف شي الحين .. مين يوم جبنا طاري الدراسه وهي قالبه علي .. بس انا راح اعرف كيف اتصرف معها "
" وقام وراح الغرفه .. غزل كانت منسدحه واول مادخل قامت وضلحت جلستها هو ماعطاها وجهه دخل الحمام ياخذ له دش "
غزل تاففت : ياربي وش هذي الحياه " ورجعت كملت شغلها "
" بعد ربع ساعه طلع منصور وهو بس لاف المنشفه على خصره .. هي مارفعت عينها له ولا اعطته اهتمام .. هو انقهر منها ومن تصرفاتها .. قرر يسوي شي يلفت انتباههاا "
" دخل الحمام من جديد وقفله بقووه وثانيه طلع وفتحه بقوه وهو ينفخ "
غزل استغربت رفعت عينها له
منصور بنظره : ممكن تطلعين ابي البس الحمام كله مويه
" غزل تفشلت وقامت وتركت الاب توب ماخذته معها .. منصور ابتسم بانتصار يوم شاف وجهها "
منصور : طاايب ياغزل ويامالك
" لبس منصور وبعدها اخذ جاكيته وطلع "
" غزل شافته مر عليها ولا تكلم "
غزل : منصور وين بتروح
منصور: عندي دوام " وطلع "
غزل فتحت عينها : يستهبل ذا مع وجهه وهو دوامه .. اقص شعري اذا كان عنده دوام اصلااا
" قامت غزل ورجعت على الاب توب وهي طفشانه "
.
.
.
" الســاعه 8:30 "
" اتفق فواز مع نايف انهم يطلعون بسياره وحده .. وبعد الصلاه مباشره راح فواز واخذ نايف "
نايف : وين رايحين
فواز : والله ماني عارف وين قلت اخذك ونشوف وين نروح
نايف : تبي نروح مطعم كذا حلو ومرتب
فواز : في مطعم كذا رايق وهادي لان خبري اليوم كل المطاعم زحمه الناس اجزت خلاص
نايف ابتسم : اي صح
فواز : شرايك نروح البيتش
نايف فتح عيونه : من جدك هالوقت
فواز : ايه ماحنا مطولين بنقعد ونسولف وبعدين نروح ونتعشى بأي مكان
" نايف حس من نغمته يبي فواز يفضفض ووده بدون قيود ومافي محل غير البحر "
نايف ابتسم : خلاص قدام
فواز : حلوو
" ومشى فواز وتحرك متوجهة ناحية البحر.. قعدوا يسولفون بالطريق سوالف عاديه عن الدوام وعن اوضاع العايله وعن الصيف ... "
" شوي وتجي اغنيه مو عادتي لفهد الكبيسي ولاشعوري سكتوا ثنينهم "
أنا مو عادتي أسهر إلى هالوقت من هاللـيل
ولا من عادة آهــاتي تعلَي صوتها فيــني
ولا من عادة دمــوعي تجي من فوق خدي سيــل
إليـن الله بـلاني بك وحطيتــك وسط عيني
عشقتك وإبتدى بي ليل وشفتك وإنتهى بي حيــل
ياعالم هالعشق إلى وين بعد رايح يوديــني؟؟
أحبــك من هنا للعمر وأحبــك من هنا لليــل
أحبــك لو دروب الحــب تكتبني وتمحينــي
تعـب هالقلب يتــألم تعب من كثر ماهو يشيــل
تعبــت أتنهد الآهــات مابين أحزانـــي وبيني
أنا ودي ولــو مــره عيوني يخــونها المنديــل
عشــان تشوف كيف الشوق على لقيــاك يطويني
" على مانتهت الاغنيه امداهم يوصلون ويدورون لهم باركنج بعد "
" نايف اول ماسمع الاغنيه عوره قلبه على فواز .. فواز بركنج وقف السياره وتنهد "
نايف : فواز ننزل
فواز كانت يده على الدركسون ولف وجهه ناحية الشباك تنهد ونزل : اوكي يلا
نايف " الله يعينك يافواز على مابلاك "
" نزلوا وراحوا يمشون متوجهين ناحية البحر وقعدوا قدامه حتى بدون مايحطون فرش تحتهم لان ماعندهم اصلا "
نايف: والله الناس يوميا تجي البحر ماقد جيت الا وهو زحمه
فواز : اي البحر راحه نفسيه
نايف: من جد
" شوي وسكتوا .. وماكان في غير صوت ازعاج الناس وصوت موجات البحر "
" نايف لف على فواز وقعد يناظره عرف ان فواز ماراح يتكلم او ماهو عارف كيف يدخل بالموضوع وقرر نايف يفكه من هالمسافه كلها "
نايف: فواز
فواز : هلا
نايف : اشوف ان صار على زعلك مع نجود فتره وفتره ماهي قصيره ... ولا اشوف واحد منكم تحرك وقال لنا عن السبب .. العايله كلها صارت تتكلم .. قولي وش اللي صار بينكم
فواز : نايف حياتي مع نجود ماكانت سهله في البدايه .. واتوقع الى الحين ماهي سهله .. لاني حاولت افهمها وماقدرت .. هي مو مقصره علي بشي وانا مو مقصر عليها بشي ان شاء الله .. ونجود صعب الواحد يتفاهم معها واتوقع انت عارف هذا الشي
نايف قاطعه : اي فاهمك يانايف والله انا عارف نجود يالله تتحمل نفسها وكويس منك انك حاولت تفهمها وتتحملها .. انا ادري عن نجود عصبيه وماتسمع الا كلام نفسها .. بس معقوله يكون هذا السبب
فواز بعد صمت : لا
نايف : اجــل
" فواز سكت بعدين قال "
فواز : انا شكيت فيهــا
نايف شهق : نعـــــــــــم
فواز لف عليه بسرعه : مو قصدي يانايف مو قصدي ارجوك تفهمني
نايف عصب شوي : فواز انت تعرف الكلام اللي قاعد تقوله
فواز : فاهم والله فاهم بس خلني اخلص كلام
" فواز قاله وش صار بذيك الليله "
نايف: اها عشان كذا نجود سكرت بوجهي .. بس يافواز انت مو بس هنت نجود هنتنا حنا بعد
فواز نزل راسه : عارف بس مو ذنبي يانايف انا اعترف اني واحد غيور وغيرتي كانت السبب .. نايف عمري ماضريتها بس هذا التصرف طلع مني لاشعوري اصلا نجود على طول عصبت وانا وقتها اعصابي كانت مفلوته واصلا ماخطر على بالي انها ممكن تكلمك بهذاك الوقت وانت عليك دوام .. كل المعاني والمفاهيم اعتميت عنها ماصرت افسر مكالمتها الا تفسير واحد وقتها
" نايف ماتحمل الكلام ووقف ومشى عن فواز "
" فواز توقع انه تكون ردة فعل نايف كذا لانه مايرضاها على اخته "
" فواز راح ووقف ورا نايف "
فواز : نايف من حقك تزعل وتعصب ولا تكلمني بس تفكر اني مرتاح .. كل يوم اعاتب نفسي مليون مره والومها .. رجعت كأني مراهق ماعرفت شلون انام ولاهنا لي بال وانا اتخيل موقفي وانا اقول لك ولا اقول حق عمي باللي سويته ادري اخطيت بحقكم وبحق عمي اللي مايستاهل وبحق نجود بس نجود كان المفروض تفهمني
نايف لف عليه : يعني الحين راح تحط اللوم على اختي
فواز لف وجهه جهة البحر : لا ... بس نجود كان المفروض تخلي الموضوع بينا وحنا نتفاهم وماكان له داعي يكبر.. كل العايله صارت تتكلم عنا واكيد الكل بيعرف السبب وانا ماودي الناس تدري بمشاكلنا الخاصه
نايف: اكيد اذا عرفوا الناس بيلومونك ماهم لايمين اختي ..وانت ادرى بهذا الشي .. بس انت اللي هامك كلام الناس الحين
فواز تنهد وغمض عيونه : نايف لو سمحت افهمني
نايف : وانت تفكر اختي بعد مرتاحه اختي مثل حالتك واردى وكنت الومها لاني افكر اختي ماتفهم وعصبيه واكيد هي اللي اخطت ماتوقعت هذا التصرف يبدر منك انت بالذات يافواز .. وبعد ماعرفت السبب الوم نفسي اني لمتها ..
فواز : نايف خلاص انا اسف ولاعاد اني اكررها
نايف : لاتتأسف مني روح حق ابوي وقوله وشوف اذا قبل اعتذارك لانك عارف ابوي ماراح يطلع نجود من البيت قبل لايعرف السبب
فواز : يعني شلون نجود مطوله عندكم
نايف تنهد : والله يافواز هذا الموضوع الحين صار بيد نجود هي اللي تقرر واذا كنت حاب تعجل روح وبلغ الوالد وهو يتصرف
فواز : يعني مو مساعدني يانايف
نايف ماهان عليه فواز : فواز مع انك اخطيت بحق اختي ولاني عارف وش اسوي الا اني بكلمها بس ماوعدك
فواز : نايف انا بتحمل كلام الناس و بتحمل ردة فعل عمي بس ماصرت اتحمل ارجع البيت ولا اشوف نجود يانايف افهـــم
نايف :........
فواز : يمكن انتي الحين ما راح تفهمني لانك ماعشت اللي انا عشته .. بس بكرا بتتزوج وبتشوف شلون تفرق اذا رجعت البيت وزوجتك اللي تعودت تكون جنبك ماهي فيه
نايف : خلاص يافواز بكلمها وبكلم الوالد وبشوف وش يطلع معي
فواز : نايف مشكور انك سمعتني
نايف: نقدر نمشي الحين
فواز: تفضل
" فواز عرف ان نايف زعلان بس مابين له .. مع ان توهم جايين الا ان احترم رايه ورجع فواز البيت وكانوا طول الطريق ساكتين "
.
.
.
|