" في بيت بو نايف "
" في هذا الوقت بسمه كانت مع نايف اخوها يطالعون التلفزيون ونايف كان سرحان وبسمه تناديه "
نايف: هاااااه
بسمه: وين سارح
نايف: عليتي قلبي من كثر ماتنادين وش تبين
بسمه: مابي شي بس سولف لي قول اي شي
نايف ابتسم : طفشانه
بسمه : اي والله حدي
نايف: همممم شخبارك ياطويلة العمر
بسمه: الحمدالله انت كيف الشغل معك
نايف: ماشي الحال
بسمه : تعب .!!
نايف: لاوالله .. احس تعودت وبعدين مافيه شي يتعب
بسمه: طيب كوويس
نايف كان وده يسأل عن اديم بس ماهو عارف وش يقول : همم امس شفت اديم بنت عمي
بسمه ابتسمت : لاااه
نايف: اييه
بسمه : عسى ماشر وش فيها
نايف: لا بس كان عندها تحليل اخذته وطلعت
بسمه: اهاا
نايف عقد حواجبه : ماجابت لكم طاري
بسمه : لا .. واصلا انا مو مره معهم
نايف: افا ليش
بسمه : مو عن شي بس ما اكلمهم كثير ويومي يعني
نايف ابتسم : اهاا
بسمه فهمت ابتسامه شي ثاني :بس حلوه صح
نايف لف وجهه عليها : مين
بسمه: هي اديم
نايف ابتسم : اقوول خلي عنك وقومي سوي لي عصير ليمون بالنعناع
بسمه ضحكت " وجت تبي تنادي الخدامه بالتليفون "
نايف: لالا قومي انتي
بسمه فتحت عيونها : ياسلام
نايف: بليز مالي خلق من يدين خدم ابي من يدك يلا عفيه قومي
بسمه ابتسمت : طاايب ولايصير خاطرك الا طيب
نايف ابتسم : بعدي والله
" قامت بسمه وخلته .. وهو سرح "
نايف " اي من جد حلوه .. بـــــــس .. ماقدر اخذك يا اديم وقلبي متعلق بوحده غيرك .. حرام اظلمك .. بس ممكن تكون املي الوحيد بعد ريم .. بس انا مستحيل افكر بوحده غير ريم .. يالله ماعرف وش صاير فيني .. احس بديت اتمادى معها ومابي هذا الشي يصير ابي اخذها مثل ماعرفتها .. بس شلون الحين ماقدر .. ومعقوله اهلي يتقبلونها اذا عرفوا انها اقل منا مستوى .. ياربي هذا اللي بيجننني ... لازم اشوف لهذي المشكله حل .. ياخي بنات العيله مليت منهم كلهم .. ومابيهم مااااااابيهم .. اااخ اللي يعيني بس .. "
نايف" بس ليش ماهي راضيه تقول حق حد .. هذي تحاليل الكبد الوبائي .. الله يستر من التحاليل يارب تطلع نيقاتيف .. بديت احاتيها .. مستحيل اسكت لو تطلع النتايج سلبيه .. الله يكون فعونها .. من جد بديت اخاف عليها .. مهما كان هذي بنت عمي ومن حقي اخاف عليها .. انا بكرا بروح اسأل عنها والله يستر "
" نايف اصبحت اماله معلقه .. ماهو عارف وش بتكون ردة فعل اهله اذا عرفوا انه يبي ياخذ وحده تشتغل معه ومن برا العيله .. مع انه مافي اي مشكله الا ان هذي صارة عاده عندهم "
.
.
.
" اما من جهة اديــم "
" كانت كل ماتتذكر وجه نايف تبتسم .. شخصيه جذابه من تشوفه تشوف البراءه والطهر فيه .. تحس ان انسان تفكيره نظيف ماله بهذي الحركات .. تشوف اتحسه انه انسان طموح ويبي يوصل لشي .. مو مثل باقي العيال .. كانت تشوفه مميز عن الكل .. وتحس ان هذا فارس احلامها .. وغير كذا مع انها رافضه ان الكل يعرف عن تحاليلها الا انها ماعرفت ليش سمحت لنايف يعرف .. شكت انه في سبب غير انه بس يشتغل بالمستشفى .. حبت المستشفى من بعده .. وغير كذا ماهمها البنت اللي كانت واقفه معه لان هذي الحياه ماشيه بالمستشفيات .. تحس ان كل شي فيها طاب .. مع انها تحاتي النتيجه الا ان نايف شاغل كل تفكيرها .. تحب ابتسامته وقبلته .. وحتى شعره اكثر شي يجذبها فيه ويخققه .. شعره مو طويل ولا بالقصير مره كان كثيف بس مو اكثق شي وماكان ناعم المره بس كان كيوت عليه .. ماتعرف ليش هو الوحيد اللي انجذبت له .. بس تتوقع ان اي حد يشوف نايف يحس بهذا الشعور .. بس الفرق انها هي الوحيده اللي تقدر توصله .. حسب ماحسته .."
.
.
.
" في بيت فيصل "
فيصل : مساااعد حرام عليك وربي الله مايرضى اللي تسويه فيها
مساعد : فيصل وانا قاصد وربي مو قاصد بس ماني قادر استوعب
فيصل: وش مانت قادر تستوعب
مساعد : شوف انت من متى وابوي واهمنا انه طلقها وهو لسا باقي عنده وعنده بنت منه وغير كذا خدعنا بسفرياته وهو تلقاه عندها
فيصل : خلاص الكل تقبل الوضع وش معنى انت وش فيك زود عنهم امك واللي هي امك تقبلته من اول يوم .. وبعدين صحيح الوضع بيختلف لو كانت البنت من زوجته الثانيه بس هذي من زوجته الاولى افهم يامساعد
مساعد : فيصل لاتضغط علي
فيصل: ليه البنت ثقيله دم .. قويه ... ماتنبلع
مساعد : لاااا مو كذا
فيصل يقاطعه : وهذا اللي اقوله خواتي منجنين عليها
مساعد : انا مو عن كذا بس مستحيل بيوم وليله اتقبل اني ادلع وحده غير لميس اختي او اشوف وحده في البيت غير اختي وامي
فيصل: لييييه طيب مساعد لا تجنني .. اكيد تلقاها حزنانه من هذا الشي حرام عليك مو كافي انها كانت عميانه طول حياتها .. واكيد يحز بخاطرها انك ماتكلمها وماتعطيها وجه مثل اختها
مساعد تنهد : خلاص خلاص فيصل لاتضغط علي لو سمحت
فيصل: انا تركتك من البدايه بس الحيين مستحيل اسكت عنك يامساعد .. حتى لو مافي قلبك رحمه
مساعد : خلاص بحاول اتقبلها وش تبي
فيصل: مابيك تتقبلها عشاني ابيك تعتبرها مثل اختك لميس واذا تقدر زياده
مساعد : ياسلام
فيصل يتنهد : مو عشااااان شي عشان وضعها يامساعد بينكم بس لو فتره
مساعد : خلاص ابشر مالك الا تبيه
فيصل : اوكي .. ننتظر الاخبار الزينه
مساعد ابتسم : طيب خلاص
فيصل: وين انت فيه الحين
مساعد : راجع البيت
"فيصل شاف عبير جايه واشر لها تجي عنده وقرر يسكر التليفون "
فيصل: اها اوكي اجل وانتتظر اخبارك
مساعد: على خير مع السلامه
" وسكروا "
عبير: هذا مساعد
فيصل ابتسم وانسدح على رجلينها : أي
عبير تلعب بشعره : باين عليكم مره مع بعض
فيصل : أي الحمدالله
عبير: غريبه مع انكم ماتقربون لبعض مره
فيصل يتنهد : حنا من اول مره شفنا فيها بعض ارتحنا لبعض وبعدين مايهم يقرب لي ولالا
عبير: أي اكييد الله يخليكم لبعض
فيصل: والله ياعبير ماتتوقعين والله انه ولد حلال
عبير ابتسمت : ماشاء الله
فيصل: والله شخصيه نادره بشكل ماتتصورين
عبير: طيب حلوو
فيصل: أي والله
عبير: طيب هو لليش للحين ماتزوج
فيصل: ماعرف مأجل كل شي لبعدين
عبير تضحك : وش ينتظر الاخ
فيصل يبتسم : مدري والله وبعدين خلينا منه " ولف راسه عليها وصار يناظرها فوق "
عبير ابتسمت: اهاا
فيصل: قولي لي ماستوى شي " ومسك بطنها
عبير ضحكت : لا لسا
فيصل : وشو لسا الله يهديك
عبير: فيصل لسا بدري مابي الحين
فيصل قام على حيله : وليش بالله خايف بطنك يشوه
عبير ضحكت: تفكير سطحي .. لا بس من له خلق يربي الحين
فيصل يضحك وقرب جنبها : بالله انتي شلون تفكرين
عبير سندت راسها على كتفه وبدلع: امزح امزح بس انا وش طالع بيدي
فيصل يضمها له : ماعليك ياروحي كل شي يتسهل
عبير ابتسمت
" قعدوا هم فتره ساكتين وفيصل يطبط عليها .. بهالوقت عبير قد امداها تنام "
فيصل ابتسم : عبير تدرين اني اموت فيك
عبير:.............
" فيصل استغرب يوم شافها ماردت عليها رفع راسها بيده وطاح راسها بيدها وهي استوعبت وفتحت عيونها "
فيصل ابتسم : حبيبي نايمه قومي قومي
" عبير وقفت وتحس راسها يلف النوم سلطن عليها .. "
" حزن عليها فيصل قام وشالها واخذها لغرفة النوم ... وبعدها نام هو الثاني "
.
.
.
" الساعه 2:00 بالليل "
" وصايف كانت سهرانه .. وقاعده ع النت وتسولف مع صديقاتها وداخله جو ومبسوطه .. وفجأه تشوف طلال دخل .. كشر بوجهها يوم شافته .. وبعدها تركت صديقاتها ووتوها بتروح له الا هو جاها .. ابتسمت يوم انها جات منه "
In California :
وصايف
….. :
نعم
In California :
اول شي شخبارك ؟
….. :
بخير
In California :
وصايف كلمك مشاري صح ؟
….. :
ايه .
In California :
وانتي طبعا قلتي له كل شي
….. :
أي قلت له فيه شي ؟؟
In California :
لا مافيه شي بس ماتوقعك كذا
….. :
وش متوقع اسوي بالله جاي تقول كلام انت مو متأكد منه .. يعني تبي اخوك يهاوشني ولا وش تبيه يسوي لي
In California :
وشو مو متأكد منه انتي الثانيه
….. :
أي انت هناك وماتدري عن شي هنا .. وبعدين كيفي طيب اتعرف على اللي ابغى انت وش دخلك
In California :
طيب واذا قلت لك مو على كيفك
….. :
هههههههه ارجع وقول حق اخوي مره ثانيه
" انقهر طلال من ضحكتها "
In California :
لا هالمره انا بتصرف بنفسي
….. :
تدري شي خليك بنفسك انت وبدراستك على وعسى تفلح مع اني ماهقيته
In California :
احس منك يالعاطله
….. :
ههههههه ياحليلك تكفى متى فكر تدرس الا يوم وليد الصغير العاقل الفاهم قرر يدرس قررت معه ولا انت مو وجه دراسه
In California :
وصايف ورا ماتحترمين نفسك دامي لسا محترمك
….. :
للأسف انا ما احترم الا اللي يحترمني وانت مو وجه احترام .. وبعدين سؤال انت ليه ضايفني بلاساس
In California :
ماني راد عليك بس للأسف كنت مفكرك شي وطلعتي شي ثاني مختلف عن الفكره الي حطيتها في بالي
….. :
شفت انك دايم متسرع ولاتعرف عواقب اللي تسويه وهذا اكبر دليل ..
In California :
أي صح عليك
" طلع وسكر النت بكبر"
" اما وصايف استانست عرفت كيف ستفزه وحط من مقامه .. على وشو يشوف نفسه .. عشان يتعلم مره ثانيه مايلعب معها "
وصايف " ويامالك ياطلال يامااااااالك "
" استانست وصايف على اللي سوته فيه يستاهل محد قاله يسوي ويقول شي مايدري عنه .... بعدها رجعت تسولف مع صديقاتها ولا كأن شي صار "
.
.
.
" في غرفة نجـــود "
" بهذا الوقت كانت نجود تكلم "
نجود: ههههههههههههه بس مو شرط... ترى بزعل .. الحين صارت ذيك احسن مني .. طاايب طاايب والله بزعل عليــك .. خلاص لاتحاول لاتكلمني ... أي كله كلام ولا انت اصلا متغير من فتره علي ماصرت مثل اول ..
" نجــــــــــــــــود "
نجود اخترعـــــــت : فوااااااااااز
...................................
الجزء الخامس عشر
الفصل الاول
" في غرفة نجـــود "
" بهذا الوقت كانت نجود تكلم "
نجود: ههههههههههههه بس مو شرط... ترى بزعل .. الحين صارت ذيك احسن مني .. طاايب طاايب والله بزعل عليــك .. خلاص لاتحاول لاتكلمني ... أي كله كلام ولا انت اصلا متغير من فتره علي ماصرت مثل اول ..
" نجــــــــــــــــود "
نجود اخترعـــــــت : فوااااااااااز
" فواز عيونه تقلبت عليها وغير كذا نايم وعيونه طالعه حمرا .. نجود نشف ريقها يوم جا فواز خرعها هي لحالها كانت خايفه وجا فواز وخرعها اكثر "
نجود: خرعتني
فواز انقلب وحش لحظتها : مين كنتي تكلمين
نجود اخترعت من شكله وش عنده قايم متهجم عليها ويكلمها بهذا الاسلوب رفعت حاجب : نعم ..!!
فواز قرب من عندها وعلى صوته : قلت لك مين تكلمين
نجود خفق قلبها " يعني شاك فيني مثلا " ولفت وجهها وهي تاخذ نفس بتشوف وش بيسوي
فواز وصل لعندها وهي على طول وقفت وجت بتمشي ومسكها فواز من ذراعها بكل قوته نجود وقتها فهمت انه شاك فيها وهذي الفكره ثارتها وتوعدت له لو انه كرر السؤال عليها
نجود : من حقك تسأل مين اكلم لكن مو من حقك تكلمني من هذا الاسلوب طيب
" وبكل قوتها بعدت يدها عنه ووقفت بوجهه"
نجود : تبي تعرف مين كنت اكلم " مدت الجوال وبسرعه رمته بالارض بكل قوتها حتى تكسر "
فواز فتح عيونه ونجود لفت تبي تروح الغرفه ولكن فواز مسكها من شعرها
نجود صرخت : ااااااااااااي
فواز قربها من عنده : تختبرين غيرتي يعني
نجود عصبت وبحركاتها الشيطانيه بعدت نفسها عن هذا المتوحش وصارت تصيح من الالم وعلى طول راحت لغرفتها وقفلت الباب وراها وهي تركض وهو لحقها ولكنه مالحق عليها
فواز وقلبه يحترق : وين بتروحين يعني وييين
نجود من داخله : اعلى مافي خيلك اركبه سامع
فواز : نجود افتحي الباب احسن لا اكسره
نجود: ماني فاتحته يعني ماني فاتحه سامع
فواز : افتحي خلينا نتفاهم
نجود: انت مو وجه حد يتفاهم معك يالسوقي
فواز ضرب برجله على الباب بقوه وراح قعد على الكنب : والله يانجود محد بيأدبك غيري والله
" فواز حس انه مشمئز منها للحظه وماقدر ينام ... نجود اهانته كثيير ومستحيل يسكت لها هالمره .. تتكلم معه ماكأنه زوجها كأنه اصغر اخوانها مو عيالها .. بعكس نجود اللي صاحت وبعدها نامت على قعدتها "
فواز " ياربي مين بتكلم رجال بهالوقت معقوله يكون اخوها نايف ... لالا نايف وين فاضي لها بهالوقت يكلمها وبكرا عنده دوام ..."
" عصر مخه حتى وسوس له الشيطان وبدت الافكار تجيبه وتوديه .. بجا يتذكر معاملة نجود له في الفتره الاخيره "
فواز " نجود استغلتني اوهمتني انها عقلت وتحبني عشان ما اشك فيها بس الله قومني عشان اكشفها هين وين بتروح مني .. "
" حس فواز انه غبي لانه عارف مافي امل نجود تحبه في يوم وتذكر يومها يوم كانوا بلندن ويوم تقوله راح تندم على أي خطوه تخطيها معي "
" فواز عمره ماكان بهذا الاسلوب الا انه كان قايم من نوم ويسمع زوجته تكلم رجال وهذا الشي اثاره .. وهذا شي طبييعي .. فواز على الساعه 6 غفت عينه لاشعوري لانه كان عارف مدامه برا ماراح تطلع من الغرفه "
.
" الساعه 6:30"
" انقلبت نجود على الجهة الثانيه وتحس راسها ثقيل رفعته وكان النور بعيونها على طول وغير كذا الانوار كانت مفتوحه فتحت عين وسكرت عين وحاولت تستوعب وش صاير وراسها يلف مو قادره تفهم وش صاير هنا وفواز وينه .. راحت وفتحت الباب واستغربت انه مسكر واول مافتحته شافت فواز نايم قعدت تناظر وبعدين على طول تذكرت ورجعت وقفلت الباب .. دخلت الحمام و شطفت نفسها وبعدين طلعت وفتحت جوالها حق الجامعه وكلمت سواقهم يجي وبعدها سكرت ولبست عباتها وانتظرت سواقهم يجي .. "
نجود قهدت تفكر باللي صار " والله لاتشوف يانجود والله لاخليك تبوس رجولي عشان تتعذر لي لانك زودتها حيل معي وبأوريك من اللي يحترم الثاني .. اجل انا يشك فيني وش قالوله ماخذني من الشارع "
" وحست الدمعه بعيونها .. وبعد عشر دقايق دق سواقهم عليها مسد كول وعلى طول قامت وفتحت الباب بشوي وشافته انقلب وعلى طول ركض فتحت الباب وفواز حس بخرشه فتح عينه الا الباب مسكر بقوه وهي نزلت تركض .. "
" فواز لف وشاف باب غرفته مفتوحه واخترع معقوله استسلمت وطار على طول وماشاف حد وطل بالحمام وماشاف حد انصدم ووقف بوسط الغرفه وقعد يستوعب "
فواز " اجل هي اللي طلعت .. ههئ وين بتروح يعني .. "
" حس راسه مصدع وراح وانسدح وعلى طول نام "
.
.
.
"الساعه 7:00 صباحا "
" كان الجو كعادته .. شمس حارقه وغبار .. ياسر من صحى وكان يحس ان مزاجه رايق على الاخير نزل تحت وفطر على رواق وبعدها طلع على شغله واول ما شاف الجو اعتفس مزاجه وانقلب فوق وتحت .. لان الجو بالمره مايأهل الواحد يمارس حياته بشكل طبيعي الا مايكون في شي يعكر .. فتح سيارته ودخل بسرعه قبل لايذوب وهو واقف والغبار كاد يدخل بعيونه .. وبعدها ضبط التكيف بالشكل اللي يناسبه .. ومشى بطريقه وهو يفكر .. هو مايتوقع ان اليوم راح يتراجع عن القرار اللي اخذه امس .. وبينه وبين نفسه مافي شي يستاهل الانتظار اكثر يحس انه مستقر وعايلته مستقره وفكر بحالة دانه من جهة ثانيه ولقى انه حتى لو تزوج ماراح يحملها لانه اوردي راح يسكن في بيتهم وراح يكون الطول في العرض .. طول الوقت يفكر وهو رايق وحس انه وقتها "
ياسر " اي ياسر مابقى شي .. سهر هي البنت اللي انت تدور عليها .. ولا ماكن لفتت انتباهك .. وهذي هي تخرجت وبسن زواج وش تنتظر الحين اكيد راح تتفرغ لي ومنها تساعد امي في دانه ودلعها طول ما انا غايب.. سهر اكيد تحب دانه مثل ماتحب سلمان يعني انا متطمن من هذي الجهة .. وماراح تكون عندي مشاكل من ناحية اهلي واهلها الحمدالله حنا متفاهمين ... اجل وش تنتظر ..انا دخلت بالتسعه وعشرين وعلى قولة عبير بكرا لوصلة الثلاثين محد بيرضى فيني .. "
" وقعد يتخيل لو انه اخذ سهر كيف راح تتغير حياته ويتغير روتينه الممل اللي مل منه .. وياسر مافكر بهذا الشي واخذ هذا القرار الا يوم شاف البيت بدون بدر ووليد .. كانت حياته كله بيزي وازعاج بس الحين يحس بهدوء تام خلاه يتملل من هذي الحياه .. والحين اتوقع صار الوقت اللي تغير فيه الجو الممل ... وتنهد وهو يحس براحه تتخلله "
" نزل ياسر واخذ المسؤول السياره وراه ووقتها كان مبتسم بعكس الوجوه اللي نادر ماتشوفها مبتمسه مع هذي الاحوال الجويه .. ودخل ومر كالعاده من الاقسام اللي يمر عليها واول مادخل مكتبه واليوم ما اعطته السكرتيره شي معناته اليوم فاضي ... فكر وقتها انه بفتره الغدا يروح حق اخته عبير احسن وقت لانه مايبي يعطلها بعد الدوام عن زوجها .. "
" طق طق طق "
ياسر رفع عينه : تفضل " شوي وفيصل يدخل عليه "
" قام وسلم عليه وبعد السلام "
فيصل: كيف الحال
ياسر: بخير الله يسلمك بشرني عنك
فيصل ابتسم : لا الحمدالله " وفع حاجب " اشوف اليوم رايق
ياسر ضحك : كم بنعيش ياخوك
فيصل يضحك : واخيرا اقتنعت
ياسر ضحك : شخبار عبير
فيصل: الحمدالله ماعليها المهم
ياسر اعطاه اهتمامه
فيصل: مشينا
ياسر عقد حواجبه : على وين
فيصل استغرب شلون ياسر ينسى : على وين بعدعلى المصنع مو على اساس ان الخام يوصل اليوم والاجتماع بيكون بالمصنع
ياسر فتح عينه : اوووه شلون نسيت
ياسر ضحك بداخله " هذي بدايتها "
فيصل ضحك : اللي ماخذ عقلك
يياسر: الله يهديك بس كويس ذكرتني انا استغربت السكرتيره مااجابت لي شي اليوم
فيصل : انا خليتها تضبط باقي الاجتماعات لان فيه كم اجتماع مع المحامي ومع شركة المقاولات اللي راح نتعامل معها
" ياسر ضاق خلقه .. كل تخطيطاته خربت فكر نفسه فاضي وطلع كل ذا فوق راسه "
ياسر: على خير فواز وصل
فيصل : لا والله كنت ناوي امرك ونروح له سوا
ياسر: لاوين مشوار اتصل عليه وخله يسبقنا بس تعال وسلطان وينه
فيصل ناظره : وش فيك سلطان اخذ اجازه اليوم لانه بيسافر
ياسر تذكر : اووه صح يلا مشينا
فيصل ضحك : اوكي مع اني شاك انك مو طبيعي بس تفضل
" وقاموا وراحوا سوا وياسر صابته خيبة امل ماقد حس فيها "
.
.
.
" في بيت فواز "
" الساعه 11:00 "
" تقلب فواز حتى فتحت عينه شوي شوي وبس شاف النور بوجهه قام على حيله ويحس بجسمه متكسر ابد ماهنا له بال طول ماهو نايم .. نوم متقطع وبال مشغول .. بلمره ماقدر يرتاح .. قام وعلى طول راح اخذ له دش ساخن وبعز الصيف بس عشان يخفف الالم والصداع اللي يحس فيه .. وبعد ماخلص طلع وتوه يستوعب ان الحمام اللي اخذه كان ممكن يغمى عليه وماحد حوله .. قعد على السرير وسرح لفتره وبعدين اخذ جواله وشاف 3 مسد كوول من عند فيصل استغغرب وخاف ليكون فيهم شي ورجع اتصل عليه "
فيصل : بدري
فواز : اعذرني فيصل بس راحت علي نومه
فيصل: وينك فيه الكل كان ينتظرك
فواز: ليه عسى ماشر وش صاير
فيصل : لا بالله انت وياسر مدري وش صار عليكم
فواز ضحك وماه خلق : وياسر وش دخله
فيصل: بالله اليوم نسيت الاجتماع اللي في المصنع
فواز ضرب راسه : اووووه يالله شلون نسيت بس صدقني ماقدرت اجي تعبان وبالموت شلت نفسي
فيصل: اعطيتنا خبر قعدنا ننتظرك
فواز: عاد فيصل امسحها بوجهي هالمره
فيصل ضحك : طيب كيفك الحين احسن
فواز: اي الحمدالله
فيصل: يعني بتجي
فواز: لالا ماتوقع برتاح اليوم
فيصل: همم اوكي اجل ماتشوف شر
فواز: الشر مايجيك
" سكر فواز وقعد يفكر ويضبط وش راح يصير معه هالمره زعلت وراحت بيت اهلها يعني الاهل راح تتدخل هالمره ولا بالعاده محد يعرف باللي يصير بينا .. تتحمل هي الللي بغت هذا الشي وتتحمل اللي بيجيها "
.
.
.
" سلطان "
" بهذا الوقت هبطت طياره سلطان في مطار الكويت .. كان المطار هالوقت زحمه كانت حول 4 طيارات واصله بنفس الوقت .. سلطان يكره الزحمه بزياده يعني تقلب مزاجه بشكل مو طبيعي ... تأخر حيل في الجوازات .. وبعد ماخل راح واخذ شنطته وبسرعه طلع وعلى طول قام يتلفت وشوي ام شيماء تناديه ابتسم يوم شافها ضايعه في الزحمه "
ام شيماء: الف الف الحمدالله على السلامه
سلطان سلم على عمته : الله يسلمك ياعمه
ام شيماء: كيف كانت رحلتك؟
سلطان: الحمدالله خفيفه بس الزحمه في المطار هنا
ام شيماء: يلا اهم شي وصلت لنا بالسلامه يلا نمشي
سلطان ابتسم : يلا
" وسحب شنطته ومشى معها حتى ركبوا السياره كان الجو شوي رطب مافرق شي عن جو السعوديه "
ام شيماء : تو مانورت الكويت
سلطان ابتسم : بوجودكم والله.. والله ياعمه مايحتاج كلفتي على نفسك كنت مرتب مع جماعه تجي وتاخذني
ام شيماء: افا وش دعوى وش كلافة ولاشي وشوله تكلمهم وحنا هني
سلطان ابتسم : تسلمين والله من طيبك
ام شيماء : شلون هلك
سلطان : والله الحمدالله بخير ماعليهم
ام شيماء تلمح: والله ودي اتعرف عليهم بس يلا
سلطان : ان شاء الله قريب ياعمه
ام شيماء ابتسمت : أي الله يسهل عليكم... شيوم بتطير من الفرحه لم تجوفك
سلطان : والله حتى انا ودي اطير
ام شيماء تضحك : يلا كا انت في الكويت وجم خطوه وتكون عندها
سلطان ابتسم : أي والله
" سكت سلطان وهو مبسوط وبنفس الوقت متوتر .. ماعرف وش يسوي في حياته .. ابد ابد ماهي منظمه ... توتر وقلق وخوف .. مع ان شخصية سلطان من النوع اللي مايهمه أي شي .. سلطان قرر يجمع قوته من جديد وبيواجه اهله اول مايرجع السعوديه .. هذي حياته وهو حر فيها .."
" قضوا الطريق سوالف عن الكويت والسعوديه واخبارهم واول ماوصل سلطان البيت صار قلبه يدق .. نزلت ام شيماء ونزل وراها وبعدها دخل البيت وكان هجوووود مافي لاصوت ولاهمس "
ام شيماء : حياك الله البيت بيتك
سلطان ابتسم : الله يحيك
" قعد سلطان"
سلطان : وينها ؟
ام شيماء تضحك : لاتستعيل الحين بجوفها لك وبرد لك
"سلطان ابتسم وسكت "
" وشوي وجت الخدامه واعطته عصير ومويه شرب مويه وما امداه حط الكاس الا شوي وينفتح الباب وصوت ضحك شيماء وصل لعنده على طول ابتسم "
شيماء: ههههههه جسوم مع ويهك اعقل
جاسم ضحك
" سلطان عقد حواجبه .. بس سلطان طنش لانه مو من النوع اللي يغار اصلا "
شيماء اول مالفت هي وجاسم اختفت ضحكتهم
شيماء نطت وهي تصرخ : سلطااااااااااان " ركضت لعنده وحضنته"
سلطان : وحشتيني
شيماء: وانت بعد " وبعدت عنه " واخيرا ييييت ليش ماقلت لي عشان اروح واييبك
سلطان : سبرايز
شيماءضحكت : فديتك والله
" سلطان رفع راسه وشاف جاسم بنظره "
شيماء انتبهت : اووه سوري اعرفكم على بعض جاسم هذا سلطان ريلي .. سلطان هذا جاسم ولد عمي
ابتسم سلطان ابتسامه صفرا وجاسم كذلك
جاسم : خلاص اجل بخليج معاه
شيماء: اقعد تغدا معنا
جاسم : لا خذي راحتج معاه وبييج وقت ثاني
شيماء: خلاص الله معك
" شوي وتوصل ام شيماء "
ام شيماء : وين كنتي ؟
شيماء : رحت مع جاسم اختار السياره خبرج عنده خبره في السيارات
ام شيماء ابتسمت : اهاا زين مابطيتي
شيماء لفت على سلطان : واخيرا سلطان
سلطان : ماقلتي لي انك ناويه تشترين سياره
شيماء تلعثمت : همم نسيت
سلطان بنظره : اهااا اجل خليكي ناسيه
شيماء: سلطان سوووري لاتزعل والله نسيت اخر مره
سلطان : خلاص اللي صار صار
" وقعدوا شوي يسولفون وبعدين راحوا يتغدوون "
.
.
.
" في بيت بو نايف "
" الساعه 2:10 "
" كانت ام نايف قاعده تتقهوى مثل كل يوم بهذي العصريه لحالها .. الكل بدوامه وماعندها حد غير ولد نجلا فيصل ..لان نجلا تشتغل وتخلي ولدها بيت نجلاء .. "
" شوي ويدق التليفون "
ام نايف: نعم
فواز: هلا والله خالتي كيفك ياعمه ؟
ام نايف : هلا فواز هلا شخبارك يبه ... حنى بخير الله يسلمك
فواز : الحمدالله كيف عمي ونايف
ام نايف: كلهم بخير والله الله يسلمك
فواز : همم ياعمه نجود عندك
ام نايف: لا والله نجود ماجتنا اليوم
فواز : الا خالتي بس اكيد هي نايمه في غرفتها وانتي مابعد تصحين
ام نايف: والله مدري جايز بروح اشوفها وبخيلها تتصل عليك
فواز: على خير ان شاء الله
" وسكر منها "
" راحت ام نايف ونادت الخدامه تروح تشوف نجود اذا هي فعلا هنا ولالا .. واذا كانت موجوده تصحيها عشان تتغدا معها ..."
" بعد لحظات نزلت الخدامه "
الخدامه :مدام نجود مافي تبين قوم
ام نايف: لا قوميها بسها نوم الساعه ثنتين
الخدامه : اوكي مدام
" وطلعت الخدامه فوق وطقت عليها الباب ودخلت "
نجود: اوووووه برليتا وبعدين معك بتحلين عني ولا شلون
برليتا : مدام قول قوم يعني قوم
نجود: اوووه ماني قايمه " ونقزت والشر بعيونها " ماني قايمه فاهمه انقلعي برا
الخدامه طنشتها : انا مايسمع انتي مدام يقول قوم واذا مافي قوم انا جيب حق انتي مويه
نجود : تهديييد يعني
الخدامه صرخت : ايييييييييه نجود يلا قومي انا واجد شغول يعني مافي شغل الا انتي
نجود: افففففف منك
" قامت نجود وبالعمد رمت كل سريرها على الارض عشان تعبها لانها عارف ماراح تتركها الا بعد ماتطفشها .. وراحت الحمام وانتم بكرامه وراحت تتحمم وبعدها نزلت وفيوزاتها ضاربه وسلمت على امها وقعدت "
ام نايف: شخبارك
نجود: بخير
ام نايف: نحط الغدا
نجود بتذمر: يايمه توي صاحيه مافيني اكل
ام نايف: طيب مت جوع وانا انتظركم
نجود: ياربي خلاص خليهم يحطون
" ام نايف راحت وقالت لهم وبعدها راحوا وجلسوا على الطاوله شوي ويدق الجرس "
ام نايف: وصلت بسمه زين نتغدا مره وحده
" نجود تاكل بالحبه ونفسيتها مره مو اوكي "
" شوي وواحد يتحنحن "
ام نايف: مين ذا صوت رجال ؟
نجود حست انه فواز
الخدامه: مدام في رجال تبين انتا
ام نايف: مين ؟
الخدامه: زوج هاذي " وتأشر على نجود "
ام نايف: قومي لزوجك كان يبيك كان متصل عليك والحين جاي
" وقامت .. نجود ماعرفت شتسوي لو تشوفه الحين عادي تضربه وقعدت مكانها تبي تعرف وش يقول وسمعته يسلم على امها وامها طلبت منه يقعد "
فواز : لاياعمه والله مستعجل باخذ نجود وراجع
ام نايف: نجود تتغدا بس تخلص غداها وتروح معك تفضل اقعد
نجود قامت : لا لايتعب نفسه ويضيع وقت لان روحه معه ماني رايحه
ام نايف فتحت عيونها
" ونجود رجعت تركض غرفتها "
ام نايف تفشلت حدها
فواز فهم موقف امها : خلاص عمتي الظاهر نجود اعصابها متوتره خلاص بس ترتاح انا جاي اخذها على المغرب اوكي
ام نايف بنظره شك بعد ماشافت وجه فواز صاير اسود : فواز صاير بينكم شي
فواز باس راس عمته : خلاف بسيط ومايستاهل ونجود شوي دلوعه ماعلييش شوي وتلين لاتحاتين
ام نايف ابتسمت : الله يسهل عليكم خلاص الله معك
" قام هالكلمتين وطلع وهو معصب وركب سيارته ولا عرف وين يروح يحس انه فاضي "
فواز " يعني يانجود ... انتي جنيتي على نفسك .. حابه انه اهلك يعرفون سواياك ... طايب واان ماعندي مانع ولاصرت استحمل حتى "
" فكر فواز وين يروح وتذكر سلطان .. وتذكر على طول انه متهاوش معه وضاقت عليه الدنيا بالقوه كل شي مقفل بوجهه .. وحس انه مو متحمل أي شي .. ترك موضوع نجود على جنب ورجع على سالفته مع سلطان .."
فواز " سلطان الحين بالكويت .. وش صار معه .. وش ناوي يسوي ..."
" فواز لااان قلبه على سلطان عارف انه محتار الحين وضايع بس غرروره ماراح يخليه يعتذر من فواز .. وفواز نفسيته اصلا مو اوكي ولكن بنفس الوقت يبي يعرف وش بيسوي مع اهله .. وانشغل على تفكيره وحس انه مشتت وحرك سيارته وراح عند اهله "
.
.
.
|