" في بيت فيصــل "
" عبير وهي بالطريق اتصلت عليها سهر على اساس انها بتجيها من زمان ماقعدت معها و بعد وصول عبير للبيت بعدها بعشر دقايق وصلت سهر "
عبير: ياربيييييي ماصدق
سهر تضحك : شفتي شلوون مشتاقه لك ياحمااره
عبير: اي بااين
سهر: كولي تبن من عرستي وانتي ولا تليفون حتى
عبيرتناظرها بأسف: سووري سهوره واالله انشغلت
سهر: احمدي ربك انك ماخذه واحد من العايله واعرفه واعرف طبايعه وقريبه مني اوصلك بأي وقت
عبير تضحك : اي والله استني شوي
سهر تسحبها: اقول عن حركات الحريم
عبير تضحك : بس فشله
سهر: انثبري اي شي نبيه بنقوم مع بعض
عبير تضحك : طاايب
" وقعدوا يسولفون مع بعض وقعدت عبير تحكي لسهر عن سوالفها مع فيصل اللي باين حبهم بعيون عبير .. واخذتهم السوالف ونست عبير تقدم شي حق سهر غير العصير "
عبير: لحظه سهر شوي في حلويات توني شاريتها نجيبها وناكل
سهر تضحك : لسا على حركاتك
عبير : شفتي شلوون
" وطلعت عبير وبطريقها دق الجرس .. قالت للخدامه تفتح الباب "
سهر تصارخ: عبيييير ليكون زوجك
عبير تضحك : لازوجي راح اكيد اديم ولا وصايف
سهر ابتسمت : حظك يا عبير اي وقت تبينهم يجونك
" عبير راحت غرفتها وبقت سهر قاعده بالصاله تشوف التلفزيون وتنتظر اللي بتدخل"
" فتحت الخدامه الباب ورجعت "
" دخل وشافها قاعده لحالها وقرر يسوي لها سبرااايز وجاها من وراها "
" سبرااااااااااااااايز "
"سهر نشفت من هذا الرجال لفت بكل قوتها وهو انصرررررع معقوله سهر هنا "
ياسر: اسف سف اسف
"سهر مانتظرته يكمل وعلى طول ركض للمطبخ وهي تسب بعبير "
"عبير وصلت واول ماشافت ياسر ووملامحه ضحكت عرفت انه دخل على سهر"
عبير: حيالله ياسر وش هالمفاجاءه
ياسر: صراحه مفاجاءة ياعبير ماتقولين ان حد عندك ولاخدامتك هالهبله
عبير ضحكت : يالله خيرها بغيرها..وبعدين انت ماتصلت
ياسر يضحك : يقال بسويها مفاجاءه
عبير: تفضل تفضل
ياسر: لابطلع خذوا راحتكم وبعدين برجع
عبير: لالا وش دعوى
" سهر من داخل سمعت الحوار وحست انها متفشله وانها غلط على طول تحجبت وصلحت نفسها وهدتها وطلعت "
ياسر انتبه لها ورجع لورا وعبير لفت عليها
عبير فتحت عيونها : سهرررر
سهر: ماعليش وقت ثاني
عبير: سهر والله تقعدييين
سهر تخزها وبصوت واطي : يكفي الاحراج نتفاهم بعدين
عبير ضحكت: سووري سهر
سهر تخزها يعني بعدين :اوكي حصل خير يلا باي اشوفك بعدين
" سلمت عليها وطلعت وبس حس فيها ياسر وبصوت الباب طلع "
عبير تضحك : ياربيي بتذبحني
ياسر ابتسم
عبير: شخبارك وش طاري
ياسر: شفت نفسي فاضي وقلت خلني اشوف حبيبتي عبوره وشحتني
عبير تبتسم : ياحبيلك والله.. وش تشرب
ياسر: اقعدي توني متغدي وشعبان
عبير: عاد مايصير
ياسر: كويس والله صرتي حرمه سنعه
عبير تضحك : مساع سهر والحين انت
ياسر ضحك : شفتي ان حنا صادقين
عبير: والله من يومي سنعه
ياسر ضحك : اي والله
" وشوي وقعدوا ساكتين "
عبير فجأه ضحكت
ياسر شفيك
عبير: تعبير سهر يضحكني احسها بتذبحني
ياسر ابتسم : تحبينها انتي
عبير: اكيييد وش رايك
ياسر ابتسم : يعني انتي مره معها تمونين عليها
عبير: اي طبعا
ياسر:اها طيب عبير بسألك
عبير تبتسم : تفضل
ياسر نزل راسه : تشوفينها تصلح لي
" عبير فتحت عيونها وشهقت وقامت اصلا على حيلها "
ياسر رفع راسه خاف من اللي قاله
عبير: شتقول انت
ياسر : قلت شي غلط
عبير شالت يدينها وبفرحه لاتوصف: لاطبعاااااا بس صدمتني.. ياسر يعني انت تبي سهر
ياسر ابتسم: فكرت فيها من اول وكنت بقول لامي عليها بس يوم شفتها اليوم وشفتك معها قلت خلني استشيرك
عبير تشققت وركبت على الكنبه : يس يس سهر بتاخذ ياسسسسسسر كلولولولولوش
ياسر قام وسحبها وحطها جنبه : الله يرجك ماكنك حرمه متزوجه
عبير تضحك : خلني اعبر مو مصدقه وااااااااااااااااااااااه بروح اكلمهااا
ياسر : نعم نعم لالالا انتبهي
عبير: ليييييييييه بفرحها
ياسر: انا بس سألتك وياويلك يطلع الكلام برا
عبير: لييييييييه
ياسر: بعدين ماشوف انه وقته .. بس ابيك تقيسين نبضها
عبير: ولا يهمـــــــــك بس اكيد تبيك وش فيك عشان ترفضك هذا غير انها تحب الشخصيات ورجال الاعمال وانا اشوفك انت الوحيد اللي تصلح لها
ياسر يبتسم: صدق
عبير تنقز وهي بمكانه: اكيد اكييييييد ياربي وش هلاخبار الحلوه ماني قدره اصدق والله بقول لها
ياسر ضحك وخزها: ياويلك ياعبير
عبير: ياربيييييييه تدري ماتصلح لك
ياسر انصدم : لييه
عبير: سهر وحده فرفوشيه ماتحب اللي على كل شي يخزوون ويهاوشون
ياسر ضحك وضرب راسها: الحين انا كذا
عبير تضحك : اي
ياسر : طاايب شغلك قدام والله لاخلي زوجك يتفاهم معك
عبير ضحكت : امزح امزح والله انك شيخهم .. شلون بنام وانا عندي هالاخبار احس بيجيني شي لوماقلتها لحد
ياسر توهق: عبيرررر لاتخليني اندم اني قلت لك انا بس ابيك تشوفينها يعني واهم شي عندي انك تحبينها وتبينها
عبير تضحك : كني انا اللي بتزوجها
ياسر يضحك : بس يهمني اهلي يكونون مرتاحين لها
عبير تبتسم : ياحبيلك والله يابختها اللي بتاخذك والله وعسى سهر تكون من نصيبك يارب
ياسر ابتسم
" وابتسم اكبر بداخله انه قال لاخته عبير.. يمكن تساعجه او تضمنها له شوي .. عبير تسولف معه طول الوقت تبتسم وياسر سولف معها اوخذ اخبارها وطلع وهو مرتاح "
.
.
.
" في الريــــاض "
" في بيت بو مساعد "
" في غرفة ميساء "
" ميساء كانت قاعده وتتأمل في غرفتها وتفكر بحياتها الجديده .. مازالت تحس انها غير وانها جديده وانها غير مقبوله بالنسبه للعالم اللي جاته.. تذكرت ماضيها وتندمت انها ضيعتها حياتها بعيده عن ابوها .. ميساء قامت وفتحت شنطتها اللي كانت جايه هديه من كنتاكي اول ماشافتها تذكرت امها يوم كانت مسويه عشا حق صديقات امها ..وكانوا طالبين كثيرر وجت هذي الشنطه هديه معها .. فتحتها ميساء وشافت اغراضها اللي جمعتها بعد مارجعت من امريكا بعد العلاج .. ماكان فيها غير كم بنطلون واحد اخضر والثاني اخضر وواحد اسود وواحد جينز فيه دناديش بالبني .. والباقي كلها تشيرتات .. وشافت في احدى التيشيرتات جوالها نوكيا الرهيب .. كان مقفل اول ماشافته رجعت لها الذكريات اللي عاشتها مع هذا الجوال في فتره مراهقتها .. كانت دايم تخلي خدامتها معها واي اتصال يجيها ترد عليه وتعطيها اياه بس بعدين علمتها الخدامه على زر الاتصال وبعدين صارت تتحسه وعرفت مكانه .. والحين تذكرت هذيك اللحظات ودمعت عينها عليها .. وعلى خدامتها اللي خدمتها وتحملتها وهي حتى شكل ماشافتها .. كان نفسها لو تشوفها وتشكرها على كل شي سوته لها .. فتحت الجوال برقمها الموحد اللي كانت دايم تتحسسه بيدها .. ابتسمت الحين يوم شغلته .. اول مافتحته بدا صوت المسجات تشتغل ورا بعض ورا بعض... كانت عارفه من وين .. نزلت يدها وهي تتنهد على ذاك الماضي .. فتحت المسجات وبدت تسمع التسجيل .. كانت تحس في صوت المرسل الدفء والحنان والشوق .. وبعد ماسمعت اول تسجيل شافت وش كثر المسجات وبعدين شافت تاريخ اخر مسج وشافته من فتره طويله "
ميساء " هئ كالعاده .. يبين انه متعلق فيك في البدايه وبعدين يتركك وحالك حال الباقي .. اه الله فكني منه .. وش بيقولون عني لو عرفوا ماضيك ياميساء اااخ بس "
" مسحت كل المسجات وقررت تنظف جوالها بس ماعرفت وشلون قاعده تتهجى الحروف تهجي .. انقهرت من نفسها .."
ميساء" شلوون شلوون بنت بعمري ماتعرف تقرا "
" صارت تبكي على حالها .. من قهرها وبعدها مسحت دموعها وقررت تتعلم كل شي وكانت واثقه ان اهلها راح يساعدونها ... مسجت دموعها وطلعت لغرفة لميس ودقت عليها الباب ودخلت "
لميس ابتسمت : هلا ميوش
ميساء ابتسمت : هلا
" لميس رجعت تكمل الشغل اللي كانت تسويه وبعدها استوعبت لميس ان ميساء ساكته ماتكلمت "
لميس تلف على ميساء: ميووس
ميساء رفعت عينها اللي كانت منزلتها : هلا
لميس ابتسمت وفهمت انها تبي تقول شي تركت اللي بيدها وراحت لها وقعدت جنبها وحطت يدها على كتفها : بغيتي شي
ميساء: لا خلصي شغلك اول
لميس: ماعليك مني .. شعندك ؟؟
ميساء: لميس...
لميس: همم
ميساء: هممم في مجال اني اتعلم
لميس ابتسمت وبتشجيع : أي طبعاااااااا
ميساء رفعت راسها وهي مو مصدقه: من جدك
لميس: في حد مايقدر بتعلم
ميساء كشرت : بس شلون ادرس وانا كبيره
لميس: عادي حبيبي الدراسه ماتنتهي ..
ميساء: ابي لميس ابي ادرس
لميس ابتسمت : خلاص دامك تبغين تدرسين قومي نقول حق ابووي " ومسكت يدها"
ميساء وقفتها : بس وين ادرس "وبأستنكار" بالمدرسه
لميس:لاا طبعا بنجيب لك مدرسه خصوصي تعلمك كل شي .. صحيح انه ماراح تدرسك مثل المدرسه بس تعلمك الاساسيات بالدراسه واللي تفيدك بالحياه .. انتي عارفه انه فاتك كثير
ميساء ابتسمت وانبسطت لانه يكفيها : أي طييييب يلا قومي نرووح
" راحت ميساء ولميس ودخلوا على ابوهم وقالوا له ... وطبعا الابو مارفض ولا يقدر يرفض طلب مثل كذاا .. استانست لميس على الخطوه الحلوه من ميساء على الاقل انها فكرت ولاهملت نفسها .. شوي ولميس تركت ميساء على اساس تروح تكمل شغلها .. وميساء نزلت تحت وماكان فيه حد فتحت التلفزيون وقعدت تفرفر وهي مو عارفه ولامحطه "
ميساء: افففف وش احط
" كانت تمر على محطات اخبار وشوي جت محطة اغاني .. تشققت طالعت بالتلفزيون وشافت الاغنيه والتصوير واللبس وحسته شي خرافي "
ميساء: واااااو
" ميساء اول ماشافت الفيديو كليب حست انه شي خرافي ناس ترقص وتصوير واغاني ولبس غير شكل مابحياتها شافت مثلها .. شوي ويقطع اندماجها صوت الباب ولفت تناظر مين .. شافت مساعد دخل وطل على الصاله "
ميساء بأبتسامه : السلام عليكم
مساعد مارد وقرر يطلع فوق يوم ماشاف حد
ميساء " مسكين هذا كله مشغول .. الله يعينه بقوم اشوف اذا يبي شي يمكن يستحي مني "
" طلعت وراه وتوه كان بيسكر باب غرفته "
ميساء: مساعد مساعد
" مساعد لف عليها وانتبه انها جايه له .. ترك الباب مفتوح لها ودخل داخل "
ميساء دخلت بتردد : مسا مساعد
مساعد لف وعطاها نظره يعني نعم
ميساء فهمتها : بغيت شي
مساعد: لا ولو بغيت في خدامه اظني
ميساء ابتسمت على بالها مايبغى يكلف عليها : لااعادي وش دعوى
مساعد استغرب ردها ولا فهمه .. لف عليها وعقد حواجبه .. هي مافهمت نظراته بس قالت بسرعه : خلاص اذا بغيت شي انا تحت .. مع السلامه " ورمته بأبتسامه حلوه وطلعت "
مساعد " لاحول ولاقوة بالله من هالجاهله .. المشكله ميب هاينه علي .. بس مابي انصدم فيها بعدين مااابي .. خلني كذا معها واشوف اخرتها معها .. مابي المظهر الخارجي يغرني .. "
.
.
.
" في بيت بو محمد "
" في الصاله والعايله كاانت مجتمعه "
سهر تضحك : يمه لايفوتك وجه منصوور
ام محمد ضحكت
منصور بصوت لسهر: لو انه مو عيب كان قمت ارقص له
بو محمد سمعه بس مابين انه سمع وضحك
ام محمد: يالله عقبال اخووك سلطان
سلطان تجمدت ابتسامته ولا علق
سهر: لا ابعدوا عيونكم عنه خلوني اشبع منه بعدين لاتزوجت خلاص زوجووه
سلطان ضحك : بعد قلبي والله
منصور يضحك : يبيها من الله عاد هو
سلطان بنظره وبصوت واطي : انثبر انت
بو محمد : لاسلطان خله يكون نفسه بعدين يصير خير
سلطان : اي لا انا توني على هذي السوالف
ام محمد : وش توك ..
سلطان يقاطعها بأبتسامه يعني سكري الموضوع : اي انا ابي اعرس مثل منصور يوم قرب الثلاثين
سهر تضحك : ماعلينا متى العرررس
ام محمد : خلاص مدام منصور بيسافر السبت الجاي نخليها الخميس
بومحمد: خلاص على خير بكرا نروح نخطب رسمي ونتفق مع الجماعه
منصور: يسسسسسسس
لفوا عليه وهو ضحك وسهر ماتت ضحك عليه
بو محمد : خلاص اليوم روح وحلل ونوره كلمي وخليهم يحللون لغزل واطلبوه مستعجل
منصور: خلاص ولايهمك
" وبعدها كملوا اتفاقهم وبعدها بو محمد طلع وبقوا بس هم "
منصور: الحين تقومين ناخذ هديه لمنار
سلطان استغرب: ليه
منصور: مالك دخل
ام محمد : خبري انت اخذت اختها مو هي
منصور: بدونها مدري وش كان بيصير فيني
سهر تضحك : لا بالمسا نطلع
منصور: الحين تسمعين
سهر: ماالي خلق منصووور
ام محمد : الا سهر تعالي عندك شي تلبسينه
منصور طاح قلبه خاف ان هذا الشي يخرب كل شي: مو مهم وش تلبس لو ببجامتها
سهر تضحك : اي يمه عندي
ام محمد: وشو عندك
سهر: اللي اخذته من لندن
ام محمد بأستغراب: اي واااااحد
سهر: مو انا اخذت ثلاث فساتين حق زواج عبير والثانيين بس كذا اخذناهم
ام محمد : والله مدري نسيت
سهر: خلاص بوريك اياهم
منصور: دام عندك اثنين اي وحده من البنات ماعندها عطيها
سلطان ضحك : الاخ مستعجل هااه " وغمز له "
منصور يضحك : افا عليييك
سهر: طيب طيب بس يلا قومي
سهر بنرفزه : منصووور استنى خلني اتفق مع امي وش بنسووي
منصور يتنهد: وين بعد
سهر تناظره : لعرسك
منصور ينرفزها : انا مو مسوي عرس
سهر: اااخ حق حفلتك
منصور ضحك
سهر فهمته ورمته بنظره ولف على امها
ام محمد : خلينا بكرا بعد الملكه نتفاهم مع ام فواز ونتقاسمها ونبدا نجهز
سهر: اها خلاااص اووكيه
ام محمد : البنات ماكلموك
سهر: لا مابعد ماحد عرف
ام محمد تضحك : بكرا ينجون راحي يفكرون ان حنا مخططين من زمان
سهر تصحك: عادي مو قايلين شي
ام محمد: اي طيب
منصور يتأفف : وبعديييييييييييين
سلطان: وش عندك صاير مطيور اركد
منصور: يالله يحطك مثل ما انا انحطيت
سلطان: استريح محد سوا فعلك
منصور طنشه : هاه سهر نمشي
سهر: اف يلا يلا .. يمه انا بروح
سلطان حب يخرب : سهر نسيتي انك مواعدتني ن حنا نطلع نتقهوى
سهر استغربت ومنصور لف عليها وهو غمز لسهر وسهر فهمته
سهر: اوووووه سووري منصووور
منصور: ابيكم تحلفون
سهر: سوري بس سلطان وعدته قبل
منصور عصب الحين من قلب : خلااص اشبعي فيه زين " وجا بيمشي .. "
فقعت سهر ضحك ومسكته : نمزح شفييك
منصور بس استوعب انهم يلعبون فيه ضحك ومسسك رقبة سهر بيدينه ورص عليها بخفه
سهر ضحكت
منصور: بسرعه سامعه
" وراحت سهر تلبس وبعدها نزلت ومشووا .. "
.
.
.
ياليت عيني تهتني فيـك .. / ساعـه
وتحضن يديني ياحبيبـي يدينـك
بالحب ماعنـدي وربـي قناعـه
أبيك كلك بس ../ ويني و وينك !!
"في غرفة نجود وفواز "
" بهذا الوقت كانت نجود تتهاوش مع فواز بسبب غزل "
نجود: اظنك شفتني ماكلمتها ولا رديت عليها.. فواز بليز لاتخليني اقلبها عليك
فواز انصدم من كلمتها : وشو اقلبها عليك بزر معك يانجود
نجود: أي فواز لاتخليني اطلع عن طوري يكفي اختك توها مزودتها معي ولا اقدر ااكلها تبن بس تحمد ربها تعوذت من الشيطان وطلعت فوق
فواز بعصبيه حاده : ان لله وان اليه راجعون خلاص نجود لو سمحتي لاتقولين هذا الكلام قدامي .. انتي زوجتي وهم خواتي ولاقدر في حد لاتجننوني
نجود عصبت : اوووووهووو قاعد تهزأ وكأن انا الغلطانه
فواز: لا ماني جاهل عشان ماعرف من الغلطان .. بس انا قلت لك عشان مابي مشاكل زين
نجود سكتت
" وفجأه انفجرت "
نجود عصبت وكأنها رجعت نجود الاوليه : افففففففففففففف خلاااااااص خلااااص يكفي فوااااااااااااز
" فواز فتح عيونه .. نجود رمت الملابس اللي قدامها وثارت عليه "
" نجود تحس ان كل اطرافها ترتجف .. نجود من النوع اللي مايتحمل حد يرفع صوته عليها او ينرفزها او يستفزها .. مو منها .. من انخلقت وهذي الصفه فيها "
نجود : فواز انا ماتحمل حد يتنفر علي او يقعد يصارخ
" شوي وطاحت نجود على الكنبه وحطت يدها على راسها وتبكي وهي ترجف .. فواز انصدم نجود اول مره تبكي قدامه ولا رجفتها باينه على يده .. منظرها هزه .. هو ماينكر انه يعرف ان نجود عصبيه وماتتحمل بس مو لهذي الدرجه .. راح لعندها وقعد تحتها ومسك يدها يهديها "
فواز: نجود نجود اهدي
نجود بعدت يدها عنه
فواز: نجووود اهدي
" فواز قام وقعد جنبها وحضنها وهي ترجف .. "
"فواز قعد يقرا عليها ويهديها.. نجود بعد ماهدت بعدته عنه وجت تبي تقوم مسكها "
فواز مسكها وقعدها
نجود: فواز لو سمحت
فواز: نجود اقعدي وسمي بالله
"نجود بعدته بقوه وهو تركها .. راحت نجود ودخلت الحمام وانتم بكرامه وفواز قعد يحاتي "
فواز " اموت واعرف وش اللي يجيك يانجود .. فجأه كل شي يتغير .. ان لله .. انا ماتحمل وهي ماتتحمل شلون بنعيش مدرري .. ااااااااااه "
" فواز من النوع العصبي.. بس من عرف نجود تعلم يصبر والحين جت نجود اللي هي تعلاه في درجة العصبيه .. وكل منهم ينفلت وقت مايعصب ولايستوعب الكلام اللي يقوله الا ان نجود تغلبه بهذا الشي بشوي .."
" نجود بس خلصت وحست انها ارتاحت طلعت .. "
نجود: ابي اطلع
فواز: وين تبين تروحين
نجود : مع صديقتي
فواز " ماتفقنااااااااا "
نجود تناظره: فيها شي
" فواز عرف لو انه بيرفض بتنتفح مشكله جديده وخصوصا انهم ماتكلموا عن هذا الموضوع من قبل "
فواز: من هي .؟
نجود فتحت عيونها : ياسلام وش تبي فيها بعد ؟
فواز وقف وتوجه للباب وهو يتنهد : بنت مين كانت مالك طلعه معها
" وطلع بسرعه او بلاحرى هرب .. ماكان يبي يخليها تطلع ولا كان يبي يرفض ويتمشكل وخصوصا توهم متهاوشين "
" نجود بالغرفه رمت المنشفه بكل قوتها "
نجود تصرخ " اااااااااااااااااخ العن ابوها عيشه معك يافوااااااز .."
" نجود قعدت وهي تتندم انها تزوجت .. تحس بالحرقه وقعدت ساعتين تبكي وتتحسف على حياتها اللي راحت منها بكل سهوله
.
.
.
فڪرت آسيبڪ وابتعد عن دنياڪ
لڪن خالف القلب تفڪيــــري ..
ڪنت احسب اني مع والوقت بنساڪ
لقيت حبڪ متوسط في ضميري ..]~
" عند غزل "
غزل: تفضل
" فواز دخل عليها "
غزل فهمت جيته : هلا فواز
فواز: غزل
غزل: نعم
فواز : ممكن اتكلم معك
غزل: تفضل
فواز: غزل حبيبي ممكن
غزل ناظرته يعني وشو
فواز: ممكن اطلب منك طلب
غزل ابتسمت : تفضل
فواز: طلبي الوحيد.. ماقد طلبت منك طلب واتمنى انك تقبلينه
غزل ضحكت: انت تااامر
فواز: نجود
غزل تأفف ولفت راسها
فواز فهم : غزل .. عشان اخوك ياغزل عشانه
غزل لفت عليه " غزل لمحت بصوته نغمه حزن كانت عارفه انه اخوها راح يتمرمر معها لان نجود محد يطيقها " : كنت عارفه من البدايه انك ماراح ترتاح معها بس محد صدقني
فواز بنغمه : غزل
غزل سكتت
فواز: انا بغيت نجود برغبه مني
غزل قاطعته: غرك شكلها بس ماكنت تعرف داخلها
فواز عصب: غزل
غزل سكتت
فواز : هذي زوجتي واخترتها برغبتي وانا ماخترتها كذا او على قولتك مظهر خارجي بس ابيك تفهمين هذا الشي
فواز: المهم غزل .. اذا لي عندك غلا تحاشيها من اول وانا اعرف انكم مش اصلاح بس تحملي عشان اخوك وهي بتتحاشاك
غزل: ولايهمك
فواز حط يده على ركبتها : نجود اووه غزل عشان اخوك خليه يرتاح
غزل بس شافته غلط ضحكت شكلها مدوخته وابتسمت : طيب طيب ولاتزعل
فواز ابتسم : انا عارف انك ماراح تقصرين بس لازم الواحد يجي ويذل نفسه عندك يالبنات
غزل ضحكت: افا ماعاش من يذلك وبعدين انا امزح معها
فواز: أي عاد هاذي ماينمزح معها
غزل ضحكت : طيب طيب ولا يهمك
فواز: اتطمن يعني
غزل ابتسمت : تطمن .. فواز لاتفكرني اكرها والله اني احبها بس يعني خبرك لازم
فواز ضحك: عارف بس لازم هذي مابيها
غزل ضحكت : طيب طيب
" فواز باسها على راسها وطلع عنها بعد ماودعها وقعدت لحالها "
غزل رمت نفسها على ظهرها " واااااااه عسى منصور يحبني كثر مايحب فواز نجود .. افف لالاماتوقع ذا شكله غرقان فيها على ايش مادري .. اففففف ياربي والله بموت شلون انا وافقت .. والله شكه مسوي لي سحر.. بس انا اوريه .. بس ياربي شلونر ضيت اخذه وشلون قدر يغلبني .. اااخ .. كله منك يامنار حسبي الله على عدوينك .. شطلعك انتي بحياتي اففففف .. بس شلون منصور ماعاد يحبني .. معقوله يبي ياخذني بس عشان يعاقبني .. أي طبعا ماتوقع عقب اللي سويته فيه .. بس اوكيه مستعده اكمل الحرب معه .. الزواج مو نهاية الحرب .. في اشياء كثيره اقدر اسويها واذا كانت بعد الزواج .. بس ياربي هل هو صحيح ان عنده كورس و لا بس كذبه من اكاذيبه .. المشكله الفضول يذبحني واعرف هلانسان بأيش يفكر .. فجأه يحبني وفجأه يقلب على بسمه .. واذا كان يمون على بسمه معقوله مايحب ... انا وبسمه مانتقارن وخصوصا اني جاحدته شلون يفكر فيني بعد اللي سويته له .. اففففف لايكون بس مفكر ياخذني وياخذ اللي يبي ويرميني ....................
" قطع حبل افكارها صوت المسج "
" فتحته ولقت "
" اهنيك.. عرفتي شلون تلعبينها "
" فتحت غزل عيونها ......."
غزل " منصوور...... وش يقصد ...؟؟؟ اهااااااااا اوكي .. يسسسسسسسس .. اكيييد فهم اني لسا مازلت متمسكه باللعبه .. هههههههههه على باله اني استسلمت .. لالا كذا اووكيه .. اااااااه ريحتني الحين اقدر اخذ راحتي .. دام لسنا باللعبه اجل شوف وش راح يجيك يامنصوور .. كويس انه فهم انيي لساتني اتحداه مو اني استسلمت .. أي صح اكيد انها تنفهم كذا ولا اكيد هو عرف اني ماقبلت من هنا والطريق وماحد بيقول له عن منار .. يس ييس يسسسسسسسس "
.
.
.
انــا [ أحـبّـك ] وكـانـك ماتحبيـنـي
[ يموت ] خافق وتحيا داخلي فكـره .......
[ أحبّـك بصمـت ] ../ مابينـي ومابينـي
ويبقى الأمل داخلي [ عايش ] إلى بكره ....!!
" منصوووور "
" منصور قعد يضحك بعد ما ارسل المسج "
منصور" ااخ الى متى بتخبين حبك لي ياغزل لمتى .. راح امشي معك حتى تنذلين وتعترفين لي عن حبك .. انا اعترفت بما فيه الكفايه .. والحين جا دورك .. هههه اكيد على بالها اني فكرت ان قبولها تحدي ... ياحليلك ياغزل .. انا من عرفتك عنيده وماحد يهزك .. اكييد منار بس عجلتك ولا انتي بالاول وبلاخير بتوافقين .. بس ليه مانتي راضيه تعترفيين .. طيب طيب بنشووف ياغزل وين نووصل .. اااه انا بكذا عطيتها قوه انها تكمل... واصلا هذا الشي الوحيد اللي يحمسها انها توافق على كل شي حتى انها تتزوج بدون عرس .. يالبى افكاري بسس.. صدق انك ياغزل مخفه .. بس فديتها مشتاق لها زمان ماشفتها وزمان عن هوشتها .. يلا هانت يامنصور "
.
.
.
.
.
" الســاعه 9:00"
" في احدى المقاهي "
سلطان يبتسم : ماعليش يافواز تحملها
فواز: متحمل ياسلطان بس انا ماعرف متى اثور انا مستغرب للحين اني شلون تاركها
سلطان: القلب يافواز صدقني انك تحبها .. فواز اسألني عن نجود محد عاشرها كثري حتى وحنا نلعب كانت تعصب حتى لو انك تبوسها
فواز ضحك
سلطان ضحك : والله اذكر كنت العبها وجيت ببوسها قومت الدنيا علي كانت توها بدت تفهم وانا ادلعها وقامت تسبني كنها وحده كبيره
فواز ضحك وبداخله شي ثاني
فواز" المشكله انها تعلقت فيك "
سلطان : بس والله انها طيبه
فواز: أي عارف بس هي ماترضى تعترف
سلطان: غرورها مايسمح لها ترى البنات كذا.. احيانا غرورهم يوصل لدرجه انها تقولك انت مو زوجي
فواز ضحك : ادري واتوقعها من نجود
سلطان يضحك : وترى نجود يحق لها تغتر
فواز ابتسم : انثبر زوجتي ترى
سلطان ضحك: واذا
فواز: يعني احترم نفسك قدامي بالكثير يارجال
سلطان ضحك : تراها اختي مثل ماهي زوجتك
فواز: طيب طيب خلنا مني وش بتسوي مع اهلك
سلطان: اليوم حسيت اني عندي وقت افكر اكثر لانهم مستبعدين النظر عني هالفتره
فواز: انتبه ياسلطان لاتاخذ راحتك بزياده
سلطان : ابي اروح الكويت
فواز فتح عيونه : من جدك
سلطان: أي والله مشتاق لها كلمتني اليوم تبكي قطعت قلبي
فواز بقرف: ليش اخذتها ياسلطان
سلطان خزه: فواز
فواز: ماعلينا شيل الفكره من بالك
سلطان: وليه بروح الكويت
فواز: اركد ياسلطان توك راجع .. لاتسوي لك مشاكل مع اهلك
سلطان: بقول لهم بروح مع الشباب كم يوم
فواز: وين بتاخذ اجازه وانت توك مداوم صاحي انتي
سلطان يتأفف: ليه قاعد تصك الابواب بوجهي
فواز: لا مو قاعد اصك الابواب .. انا قاعد اوعيك عيش الواقع ياخي
سلطان تأفف: خلاص فواز سكر الموضوع
فواز: الله يهديك ياسلطان كان ودي احظر زواجك ياسلطان بس
سلطان لف عليه: فواز لاتزيدها علي اللي فيني يكفيني
فواز: خلها على الله كلنا واحد محد خالي من الهم بس انا خايف عليك
"سلطان سكت "
" وعلى هذي السوالف قعدوا يسولفون ويشكون لبعض محد منهم خالي من الهم والضيقه "
.
.
.
" في امريكـــا "
" وليد وطلال كانوا طالعين وعلى طول راحوا مقهى بلياردو وطلال ماكان له خلق يلعب ونفسه صاده "
وليد: طلال افا قوم
طلال: لا وليد مالي خلق
وليد استغرب: افا بس ليه
طلال: تعبان العب انت انا باخذ لي شي وبقعد
" وليد خله على راحته وراح يلعب وطلال قعد يلعب بلياردو مع قروب وكل شوي يلتفت على طلال ويشوفه سرحان .. حس ان الولد فيه شي وانه مو طبيعي .. يعني مو مبين تعب طريق ولالا شكل الولد فيه شي .. ترك اللعبه وراح لعند طلال ماتحمل يشوفه كذا "
وليد : طلال
طلال انتبه : هلا خلصت
وليد: أي خلصت
طلال: اجل سرينا
وليد : لا اقعد
طلال: وشو له
وليد: خلك يابن الحلال .. قولي وش فيك
طلال : مافيني شي
وليد : علي ياطلال .. افا لهذي الدرجه الغربه تغيرك وعلى مين على وليد
طلال ضحك: وليدوه لاتتمسكن
وليد ضحك : قولي وش فيك شكلك مو طبيعي
طلال: دونت ووري مافيني شي
وليد : مبين شوف انا ماسأل اخوي انا اسأل توأمي يعني ماتقدر تخبي زين
طلال تضحك : تكفى لاتقول
وليد ضحك : طيب يلا لاتضيع السالفه وقول
طلال يلعب بالسترو: طيب اسمعني للأخير
" طلال قاله كل شي من البدايه لانه ماقال له ولا شي .. وليد انصدم في البدايه بس بعدين كمل معه "
وليد شهق: العن شكلها بكل مكان تطلع ذي
طلال: من جد مدري وش اسوي وهذا انا وهنا مافتكيت من شرها
وليد : طيب وش تسوي وبعدين ليه ضفتها بلاساس
طلال: مدري فضول
وليد: من وين جبت ايميلها
طلال: منور عطتني ايميلها عشان اغير رقمها السري مافتح معها وعطتني اياه اسويه وجت وصايف كلمتني وكانت حاطه صورتها وانا ماقدرت على طول ضفتها
وليد ضحك وصفق: اووكي الحين فهمت
طلال ضحك : لاتفهم غلط ولا يروح بالك بعيد بس الفضول ذبحني
وليد: غريبه مع انك ماكنت تطيقها
طلال ضحك : بس يوم عرفتها صراحه شي غير وغير عن اختها
وليد: أي مو شرط والحين
طلال: مدري اخاف خذت فكره غلط عني
وليد ابتسم : دامها ماتهمك ليش ماهتم .. لاتبين لها انك خايف لاتروح وتفضحك في خلق الله
طلال: كيف
وليد: لاتبين لها انك خايف انها درت سو كنه العيد وبعدين مالها حق تعاتبك انت حر
طلال: تصدق
وليد: الا اكييد
طلال: خلاص بشووف اذا سألتني او شي بقولها اعرفها وبس وان مالها دخل من وين اعرفها
وليد: ايواا
طلال ابتسم : على قولتك
وليد: انتبه تتهور
طلال ضحك : لا لا لاتخاف
" وقعدوا يسولفون وطلال قاعد وهو محترق يبي يكلم وصايف ويبين لها قوته وانها ماتهمه "
.
.
.
" وصــايف "
" اما عند وصايف كان العكس .. عكس ماتوقع طلال .. صحيح انها انصدمت وتضايقت بس استوعبت ان مابينهم شي ليه هي مهتمه وهي من البدايه عارفه انهم مو خاليين لاهو ولا وليد عشان كذا طنشت "
وصايف " اكيد ذولا مو خالين ليش انا مهتمه وليش قاعده افكر فيهم .. ذولا مو وجهة ثقه ..بس لحظه هذي تعرف العنود .. معقوله طلال يعرف العنود بعد ؟؟؟؟؟؟؟؟؟؟؟ لالالا ياوصايف شكلك بتروحين فيها لو ان العنود تعرف ان طلال يقرب لي .. ياربيييه وش اسوي .. شلون ادري ان طلال مايعرفها ... خلني اذا كلمته بحاول اسحبه بالكلام .. بس مو الحين ماقدر اكلمه الحين اخاف انصدم لالا مابي مو الحين "
" وصايف طلعت من غرفتها بسرعه ماتبي تدخل الننت هاليومين ماتبي تنصدم اذا سألت طلال وقعدت طول الفتره تحاتي .. وش بتسوي لو كان طلال يعرف العنود"
" للتذكير: العنود صديقه وصايف اللي خانتها "
.
.
.
أنا مشتااااق
ما أقدر / على هذا البطا أصبر !!
وحشني صوتك الأعذب
وحشتني [ ضحكتك ] أكثرررررررررررر !!
|