" غــزل "
" نزلت فرشاه البلاش بقهر .. قاعده تحس ان البنات ابتعدوا عنها وان منصور بيتغير عليها "
غزل " بس مو منصور يحبني اجل ليش يطلعها بين يوم ويومين.. لايكون موقف معها .. المفروض يدافع عن اخووه .. بس انا كنت حاسه ان منصور يلعب ع الحبلين ... شلون صدقته وبسمه مقابلته اربع وعشرين ساعه .. وبسمه احلى مني والكل يتمناها .. وليش هي ماتفكر فيه وهو كل يوم مطلعها .. اكييد مبسوطين وموسعين صدرهم والله انا اوريه لاخليه يندم ع الساعه اللي فكر فيها يكذب علي "
" غزل خططت على شي وقررت تسويه وتنفده الحين "
.
.
.
.
.
.
" في سيارة مشاري "
اديم : صدمتيييني صراحه
منار: والله خالي طلع مو هين
اديم: من جــد
منار: والله تقول كنها روسيه
اديم: تحمست ابي اشووفها
منار: حتى انا بنروح لهم الرياض
اديم: احللفي متى؟
منار: الويك اند الجااي
اديم: صوريها لنا
منار تضحك : طاايب
" منار قعدت تقص على اديم سالفه بنت خالها الجديده ومشاري طفش من سوالفهم "
.
.
.
" نجوى "
" نجوى من بعد ماهاوشها محمد وصلت معها ... كانت مقهوره منه ومن بسمه ... مستحيل ترجع علاقتها مع بسمه مثل اول .. بعد ماعرفت نواياها .. قعدت تتوعد لها وهالمره ماهي مكلمه محمد حتى يطلع ان الحق معها "
" شوي ويدق تليفونها "
نجوى: هلا نجلا
نجلا: هلا نجوى شخبارك .؟
نجوى: الحمدالله الله يعافيك وانتي؟
نجلا: الحمدالله.. همم نجوى انا تكلمت مع بسمه
نجوى: طيب
نجلا: هممم مدري بس بسمه مستحيل تسوي كذا او يكون تفكيرها كذا
نجوى: اها يعني انتي صدقتيها عشانها اختك
نجلا: اي عشانها اختي واعرفها واعرفها من عيونها واعرف وش تفكر فيه .. نجوى ترى الكلام اللي انقال عنها كبير.. ومادوي تصير بينا مشاكل بسبب غيره فارطه ..
نجوى: شلون يانجلا يعني انا وغزل نكذب
نجلا: ماقلت تكذبون بس يمكن فهمتوا غلط ... نجوى فكري في الكلام زين وافهمي ان حنا بنات عم مو معقوله بنخون بعض في يوم من الايام .. وبيني وبينك فكرة ان بسمه تفكر بمحمد اشوفها شوي كبيره
نجوى:....
نجلا: انا ماودي هالكلام يطلع لاهلنا ويسوون لنا مشاكل او يخلون حاجز بينا وبين بعض .. خلي الموضوع سيكرت و غير كذا يانجوى ماظنك ناسيه شلون عيال عمي سلمان متعودين علينا يعني يعتبرونا مثل خواتهم .. هذي بسمه مقابلته اربع وعشرين ساعه لو يبيها كان قال مو بيروح وبياخذك نجوى : خلاص نجلا الحين نفسيتي زفت فاخلينا نتكلم بعدين
نجلا: انا ابي بعد مكالمتي هذا ينتهي كل شي ومابيك تنشغلين بسوالف تافهه وتضغطين على نفسك وعلى اعصابك وانتي حامل .. والحمل تالف حياتك ومابيك تزيدينها على نفسك ..
نجوى تبتسم : ياحبيلك والله
نجلا ابتسم : يعني طاح الحطب
نجوى تضحك : لسا
نجلا تبتسم: يلا في تطور بس فكري زين بالموضوع اوكي
نجوى: ولايهمك
نجلا: اووكي يلا اخليك
نجوى: اوكي مع السلامه
" نجوى من بعد مكالمه نجلا لها .. طاح كل شي براسها بس مصره ان في بينهم شي .. بس ماهي عارفه وش تسوي حتى لو الفكره ماتدخل بالراس احساسها مايخيب "
.
.
.
" في المطعــم "
منصور: ابو الحماس اللي هنا
سهر تضحك : اقوول اعقل
منصور: يصير ادخل الشباب
سهر: احلللف
منصور: على اساس انك تقربين لهم
بسمه تضحك: والله مانت بصاحي اختك شفيك
منصور يضحك: امزح شفيكم بس حنا هناك محرومين
سهر: احسن تستاهلون
" منصور عاجبه الوضع في المطعم قاعد ياكل وعيونه تتلافت "
بسمه: ورا ماتثقل
منصور يضحك: خليناه لبرا مو كله ثقل
"بسمه وسهر يضحكون.. شوي وكشرت بسمه منصور لاحظها على طول "
منصور: شفيك
بسمه اخترعت : هاه مافيني شي
سهر: ليه شصار
بسمه تبتسم : لامافيه شي
منصور يناظرها بتشكك: اكييد
"بسمه هزت راسها ونزلته وقعدت تاكل بهدوء قلبها يضرب"
" منصور رجع ياكل.. واول ماجا بياكل طاحت عيونه لاتلقائي على اللي كانوا توهم جايات وتوهم بيقعدون ..وعلى طول رجع الشوكه مكانها "
"بسمه على طول عرفت انه شافها لانها كانت متابعتها "
سهر انتبهت لهم : شفيكم انتوا الاثنين
منصور: مافينا شي ليش..؟
سهر فجأه سكتوا
منصور يبتسم لها : اكل يعني نسولف
سهر تضحك : ياهو يا اخلاق
منصور ابتسم لها
" منصور ابتسم ابتسامه عجيبه ورفع حاجبه .. "
منصور" اهاا يعني كذا ياغزل .. مسويه نفسك مو مهتمه وجايتني لهنا .. هههههههههه ياشين الل يكابرون .. دامني ضمنتك .. اجل انا اوريك شغل الله "
" منصور من بعد ماشاف غزل اقبلت وقعدت بالطاوله المقابله فهم الموضوع بكيفه.. فهم انها تغار عليه وجايه تبي تشوفه مع بسمه .. بس غزل صحيح جايه عشان تقهر منصور بس ماكنت حاطه حساب انهم يقعدون مقابل بعض مع انها لسا ماشافته "
" منصور صحيح كان يسولف ويضحك بس من شافها سوالفه وضحكه زادت .. لدرجه ان طاولتين لفوا يشوفون من هذا اللي يسولف.. بس هو يسكتهم بغمزه "
بسمه تناظره : انت بتعقل ولا شلون
منصور بحركه لاشعوريه سبل عيونه فيها : ولا شلون
بسمه ضحكت: سخييييف
منصور يضحك ويأشر لها براسها : كيفي
" بهذي الحركه غزل طاحت عليهم صار لها فتره تدور عليهم وماتخيلت انهم بيكونون مقابلينها .. انصدمت غزل .."
غزل" منصووور.. اه يالحقير.. ومسوي نفسه الحمار هيمان فيني وهذا هو يسبل عيونه عليها.. صدق انه حقير ونذل .. وانا اقوول وش سالفه كل يوم شايل اخته عشان تاخذ معها بسمه .. انا اوووريك والله لاتشووف "
"منصور لف يبي يناظرها وكان وقتها رافع حاجب بأبتسامه وهو اول ماشافها تناظره تشقق وهي على طول لفت وجهها "
منصور يضحك بداخله " عليناا ياغززيل عليناا .. لعنبوها غيره صدق .. بمووت واشوفك طايحه تحتي .. انا اوريييك "
منصور ابتسم : سهر مو كأن هذي غزل بنت عمي "ويأشر براسه "
" سهر لفت عليها "
سهر تشهق : اي والله ماقالت لي بتجي تشيلز
منصور ابتسم : اهاا
سهر: بقووم اشوفها
منصور زادت ابتسامته : اوكي
" سهر قامت ومنصور حب يستغل هالفرصه دامه لحاله مع بسمه "
سهر : غززززل
غزل شافتها ابتسمت وقامت وسلمت عليها : هلا والله
سهر: هلا فيك وش هالصدفه
غزل تضحك : شفتي شلوون ماكنت اتوقع بتجون هنا
سهر: من زمان عن تشيلز قلنا خل نجي
غزل: اهاا "ولفت تناظر منصور اكيد مبسووط انه معها"
" منصور كان يعرف ان غزل بتلف عليه عشان كذا قرر مايلف عليها وقعد يسولف مع بسمه وراسم على وجهه احلى ملامحه "
منصور: لاتروحين تسلمين
بسمه : ادري ماودي افشلها
منصور: انتي اللي تتفشلين مو هي
بسمه: منصور عاد خلاااص
منصور: بسومه لاتسكتين على حقك سمعتي
بسمه: بس خلااص مابي نرجع لهذا الموضوع يكفي نجلا ناشبه لي
منصور يبتسم ابتسامه جميله : ماعليك منهم غيرانين منك
بسمه تضحك : اي طيب
منصور: ورا ماتكلمين نايف يجي
بسمه : تصدق خل اشوف وينه فيه
" منصور تعمد يسألها عشان تطلع الجوال .. قام هو طلع الجوال وسوا نفسه ياخذ رقم منها كل شوي يرفع راسه لها .. وغزل بالضبط انتبهت على هذي الحركه وانقهرت حييل ..."
غزل: خلاص سهوره لاعطلك عليهم روحي معهم
سهر ابتسمت : اوكي خل اشوفك قريب .. ويلا سارا مع السلامه خلينا نشووفك
" سلمت سهر على غزل وصديقتها ورجعت "
سهر لمنصور: من تكلم
منصور: نايف تشوف وينه فيه
سهر: اهاا
بسمه: مشغول حيل عنده برزنتشين
منصور: الله يوفقه
" وبعدها قعدوا يسولفون ومنصور قرر يطول القعده حتى غزل تمشي لانه عارف انها بتنقهر زياده ..وقعدوا يسولفون عن الصالون اللي بيكون قريب الافتتاح وقرر منصور ان بسمه تكون المديره على الصالون ... يبي يلعب بأعصاااب غزل حتى تطلع من طورها وتعترف "
.
.
.
" بعــد مـــــــرور شهــــــــــــــر "
" سلطان .. مابعد يرجع للسعوديه يتعذر بخروج الاوراق ولكنه قريب بيرجع
سهر.. انبسطت كثير يوم رجعوا اهلها واحتفلوا بتخرج سهر اللي كان بعد تخرج سلطان بأسبوعين والعايله كلها احتفلت فيها لانها تخرجت من الجامعه.. وبدر صار بين كل فتره وفتره يرسل لها صوره ويكلمها يومي على الماسنجر
عبير وفيصل .. عبير وفيصل عايشين ولا في احلى منهم رجعوا للسعوديه والفيلا حقت فيصل كانت جاهزه .. وكانت بنفس حوش بيت بوفيصل ... وكانت كبيره بس مو اكبر من البيت الكبير اللي هو بيت بو فيصل
فواز ونجود .. فواز مبسوط مع نجود ولكنه لسا يعاني من مزاجها المتقلب .. فواز سكن بنفس بيت ابوه كان مجهز له قسم فوق مرتب ووسيع وانيق
وليد وطلال .. يشوفون بعض في اغلب الويكندات بس طلال قرر بس يخلص كورس اللغه بينقل عند وليد وبدر ماقدر يتحمل لحاله ..
طلال .. عايش جوه مع مهايط وصايف وطلال مو في باله غير انه يسولف معها على اساس بنت عمه مو شي ثاني ووصايف كمان
لميس.. شوي شوي بدت تتقبل البنت وصارت تحن عليها وتحزنها في اشياء بس شكلها بدت تحبها
ميساء.. الكل صار يعرف قصتها والكل حزن عليها اكثر من يعاتب على بو مساعد..
غزل.. من رجعت وهي تحس بالقهر او بلاحرى بالغيره بس ماهي راضيه تعترف .. ومن طلعه هذاك اليوم واول مارجعت كلمت نجوى وقالت لها انهم فهموا الموضوع غلط .. لان غزل بدت تحس ان بسمه تحب منصور مو محمد واستغبت نفسها واقنعت نجوى .. غزل هالمره لاحظت انه منصور مايلعب عليها ... بس حست انه يوم شافته ماعطته وجه انقلب على بسمه .. كل تصرفاته تبين انه يحب بسمه .. وبسمه ماهي حاسه بشييي
منار .. ماهي قادره تتقبل ان مازن يحبها مع ان اخر موقف اثبت لها بس هي مو متقبله الوضع وخايفه تتقبله .. ولميس وغزل يلحمون لها بس هي تسكتهم ..
يــاسر .. في هالفتره يحس براحه بس لسا الشغل مالي عليه حياته .. وهذا الشي خلاه شوي يتغيب عن جمعات الاربعا والكل صار يعرف ان ياسر مشغول وماهمه الا شغله ومايفكر بشي ثاني وغبيه اللي تفكر فيه ..
مساعد.. الشخص الوحيد اللي لسا مو متقبل ميساء عندهم .. وقاعد يحاول يقضي يومه برا البيت .. فيصل سولف له كثير عن شهر العسل يبغى يحمسه بس مساعد ولاجاي على باله ..
مشاري .. مازال يبحث عنها .. اخر شي عرف عنوان بيتهم في الرياض ويوم اتصل على الشقق اللي ساكنين فيهم قالوا له انهم نقلوا .. وهنا بدا يفقد الامل شوي شوي ..
نايف .. نايف عرف سالفه الاوراق المسروقه اللي كانت بسبب صديقتها دانه وبعد ماحققوا معها طلع الحق مع ريم و دانه هي اللي انطردت .. بعدها كلم نايف اخو ريم بموضوع اخته والاخو انبسط كثييير ومن يومها ارجعت ريم وهي تحس انها مو بالدنيا واخيرا في حد يهتم فيها .. وبكذا نايف ارتاح دام انه يشوفها كل يوم صباح .. وغير كذا نايف هذي اخر سنه له والسنه الجايه بيكون دكتور رسمي في المستشفى ..
بسمه .. بسمه ماعادت مثل اول .. صارت تضبط نفسها بكل شي .. تموت وتتعذب بداخلها بس ماسكه نفسها قدام الكل .. ماعادت تجتمع في البنات مثل اول .. بس انها تشوفهم .. صارت قريبه من ريم بنت خالتها .. وشافت احسن لها من انها تسمع طاري عنه او تشوفه .. مع ان محمد حاز يخاطره انه ماعاد يشوف بسمه مثل اول وكان يحس انها ماتبي تسبب له مشاكل مع زوجته كثر ماتمشكلت زوجته معها .. وكل مالها تكبر في عينه
اديم .. انجذبت لشخصيه نايف يعجبها بكل حالاته .. انسان متفتح وفاهم وتحسه غير العيال .. ليش مايكون فارس احلامها وبهذا التطور الداخلي اللي تحس فيه بدت اديم تنطلق على القفص اللي كانت حابسه نفسها فيه .. "
.
.
.
" فــي لنــدن "
فرصه مجنونه وسعيده جابت اعيوني فعينك
قبلها روحي وحيده فجأه صارت بين ادينك
انا كل اللي اعرفه واللي قلبي فيه يشهد
انتي صدفه موأي صدفه صدفه عن مليون موعد
كالفرح شفتك ورحتي ماخذه قلبي وذاتي
نورة لندن وكنتي احلى يومين فحياتي
لندن اللي قبل اشوفك شفتها عاديه مره
حلوه لكنها بوصوفك صارت اجمل الف مره
كيف ابا انسى هالملامح ولا فيها ماافكر
وانتي لو هالبحر مالح من جمالك صار سكر
هذي عيني وذي عيونك يابخت الكويت فيها
يسألوني ويسألونك ياترى راح التقيه..
"يوم الوداع .. اليوم بيسافر سلطان عن شيماء .. وشيماء قلبها مو متطمن على سلطان .. تحسه بيروح وماراح يرجع لها .. "
سلطان : خلااص شيووم بسس عليتي قلبي بصيياحك
شيماء: شنو يظمني انك بترد لي
سلطان : يعني شلوون بهج عنك انا قلت لك بروح وبتفاهم مع اهلي واذا ماصار بحطهم في الامر الواقع وخلاص بس امسحي دموعك
شيماء مسحت دمووعها
" شوي وينادون على طياره سلطان "
سلطان ابتسم بوجهها : يلا حبيبي مع السلامه
" ارتمت شيماء بحضنه وهو حضنها وودعها وبعدها بالموت فك منها .. وشوي ومشى سلطان عنها وهو يأشر لها بيده حتى اختفت عن انظاره ..ركب سلطان طيارته والدنيا ضايقه فيه من جهة وطاير من الفرح من جهة ثانيه "
" بعد ماستقرت الطياره بالجو سند سلطان راسه على الكرسي وعلى طول ذاكرته بدت تداهمه ..قعد يقارن شعوره بجيته لو انه ماتزوج شيماء .. حس انه بيطلع من لندن ولا في شي بيذكره فيها بس شيماء كانت احلى شي هناك بعينه .. بعد ماعذبها حس بدا هو يتعذب .. بس كيف راح تكون فرحته لو رجع وماعنده أي ذكرى من هناك .. وكيف شعور اهله بعد مايعرفون حقييقته بيتقبلون الوضع ولا بيعارضون ولا كييف .. بس من ناحية المعارضات والقيامه اللي بتقول كان عارفها وضامنها بش وش بيكون موقفه هو ........!! هنا مو عارف وش يسوي ساعتها .."
" طلع سلطان شنطته اللي يشيلها معه بظهره وفتحها .. هذي ثالث مره يفتحها .. كان مجهزها بروحته للسعوديه حق العيد .. ومن يومها مافتحها الا مره كان يبي ياخذ منها الايبود جقه ومره اوراق .. شوي ويشوف الاغرااض المجمعه على السحاب اللي بالجنب .. تذكر يومها ان على اخر لحظه ياخذهم معه .."
سلطان مسكم بيده " وش تبي توصله ذي معي .. بس مادري هي متقصده ولا بالغلط من جد .. بس هي وش موصلها الغرفه .. يالله قلت بسأل سهر ونسيييت .. " قعد يلعب بربطه الشعر الفوشيه والسلسال " معقوله مافقدتهم .. لو فقدتهم اكيد بتسأل عليهم معناتها متعمده .. لايكون بس الاخت حاطه عينها علي ههههههههه اقول خلك بس بعييده .. بلاك ماعرفتي سلطان .. على بالها أي وحده تجيب راسي .. مشكله والله معهم ذا البنات .. اااااااه بس "
" وقعد مبتسم وهو يعد الساعات والعد التنازلي لذاك اليوم المنتظر "
.
.
.
" في بيت بو محمد "
"سهر ماهي قادره توصف فرحتها اخوها كم ساعه وبيكون عندها طول الووقت .. رتبت غرفته وجددت ااثاثها وغيرت ستايلها بذوقها ..وماهي عارفه وش تسوي بنفسها .. "
منصور يضربها وهي ماره من عنده تركض : اعصابك اعصابك
سهر وقفت: العن شكلك كنت بطيخ
منصور: لييتك
سهر: بروح ارسل السواق يجيب معجنات
منصور: لييه ؟
سهر: مشتهيتها
منصور:انتفخي واقعدي
سهر: مالك شغل " ومشت عنه "
" منصور حس بالغيره.. سهر مستحيل تحبه مثل ماتحب سلطان .. اعجبه الاثاث الجديد وكان يبي يغير اثاثه بس مايبي يبين غيرته عشان كذا قال بيسكت وبيأثثها بعدين .. وشوي وطلع فوق غرفة سلطان يشوفها "
" منصوور طلع لها ودخل وعجبته حيييل .. فكر ان سهر هي اللي تختار له اثاث الصالون من جد ذوقها انيق في الديكور "
سهر: شرايك
منصور يبتسم وبهدوء : شي عجييييييب
سهر تعرف غيره منصور وماحبت تحسسه بفرق بينه وبين سلطان غير ان سلطان مسافر عنهم : خلااص دام عجبك انا بختار اثاث غرفتك
منصور ابتسم ابتسمامه اكبر معقوله حست فيه : ههههههه يعني
سهر: ليه ماودك تغير
منصور: مدري عادي ماتفرق معي
سهر: خلااص خلاص انا بأثث غرفتك
منصور تشقق: خلاص نشوف ذووقك
سهر تضحك: واخيرا بيجي
منصور: شفتي شلوون
سهر ابتسمت : منصوور
منصور لف عليها : همممم
سهر: عادي اقول ي
منصور: قولي
سهر: مدري مدري بس حسيت انك
منصور ابتسم بقوه : اني ايش
سهر: انك تميل لبسمه
" منصور .. واااااااه واخيرا حد حس فيني "
منصور بنفس الابتسامه : من يومي ولا
سهر: الا بس الحين بزياده
منصور يضحك : لانها حليانه
سهر تضحك : منصووووور
منصور: نعم نعم
سهر: شفييك قلبت
منصور: والله مدري ماعرف بس ارتاح لبسمه وبس " وطلع عنها "
" منصور طلع وهو متشقق مادام سهر حست اكيد غزل حسست .. شي حلوو والله هين ياغزل هين "
" سهر خافت من اخوها ماتعرف هو وش يفكر فيه نزلت تحت وقعدت لحالها مع جدها وجدتها وامها "
.
.
.
" في الريــاض "
" في الصاله الفوقانيه "
ميساء: لميس
لميس لفت عليها وابتسمت : هلا
ميساء ردت لها الابتسامه : هو لازم انا اروح معكم
لميس: أي حبيبتي مسوين عشا كبير هذا ولدهم الوحيد
ميساء: طيب كم بدله احط لي
لميس: حطي لك حق يومين
ميساء: تجين تحطين معي
لميس: أي اوكي يلا قومي
" قاموا لميس وميساء غرفة ميساء اللي رتبتها لها ام مساعد ولميس بعد ماطاح اللي براسها .. فتحت الدولاب ميساء ولميس تناظرها .. بدت ميساء تطلع لها اللبس اللي عندها ابد ابد معجبها لبسها .. صحيح من اول مو عاجبها لبسها ولحجي بس ماهي قادره تقول بس الحين شلون ماعندها ملابس حلوه تلبسها قدام البنات "
لميس توهقت
ميساء: اللبس هذا البنطول الابيض مع البلوزه الحمرا بيطلع حلوو صح
لميس توهقت : أي أي بس
ميساء: بس وشو
لميس: انا كنت ابي اخذ شي من السوق تبين تروحين معي
ميساء: وش اسوي
لميس: انتي من جيتي ماطلعتي روحي معي نشتري لنا كم شي
ميساء: وتتوقعين بابا يسمح لنا نطلع لحالنا
لميس "واااه " : أي عادي ماراح يقول شي وبعدين بنروح المول
ميساء: خلااص اجل خل نعطيه خبر لان هذا عبايتي معلقه
لميس اغتاضت ومابينت لفت ناظرت العبايه : اوكي يلا البسي
لمييس " حشا حتى عبايتها تفشل بالله شلون اطلع معها .. بتفشلني في اهل خالتي وش البسها عسى بس القى لها كم شي تلبسه والله لو البسها جينز وتي شيرت ولا اخليها تلبس الاحمر والابيض "
" ميساء.. ماكان عند امها ذاك الذوق وخصوصا انها ماتطلع ولا تعرف شي في السوق ... ملابسها تجيبها لها امها ..لميس كانت تشوف لبسها بس ماتعلق بس يوم عرفت ان عندهم عزيمه وهي تفكر انها تغير ميساء .... لانها حلوه ولبسها مخرب عليها وماتبيهم يتكلمون عليها.. وماتقدر تعطيها من ملابسها لانهم يعرفونها .."
" طلعت ميساء وهي لابسه عبايتها وشوزها الكبير وعبايتها اللي فوق الكعب بشبر ومتنقبه .. اول ماشافتها لميس انصدمت شلون بتطلع معها كذا "
ميساء: يلا نمشي
لميس راحت لعندها وابتسمت تجامل : ههههههه ياحليلك ياميووس شكلك تطولين بسرعه شوفي عبايتك شلون قصرت انا عندي عبايه بعطيك اياها البسيها اوكي
" لميس قالت الكلام وراحت بسرعه تجيب لها وحده مع انها بتطلع طويله بس قالت مع الكعب او الطابوقه اللي لابسته بتجي عليها اوكي"
ميساء انصدمت اول ماشافت العبايه بس لبستها وشوي وتطلع يدها : لميس هذي وسيعه من اليد يدي تطلع
لميس متحمله غصب عنها : أي حبيبتي لاترفعين يدك كثير عشان لاتطلع ولا امسكيها احسن امشي قبل لايتأخر الوقت
" ومشت ميساء وراها وهي مو عارفه وش تسوي بالعبايه .. اعطت لميس امها خبر وبعدها طلعت ومعها ميساء "
" في السياره "
" لميس حزنها حال ميساء معقوله في بنت باقي كذا .. "
ميساء : انتي تطلعين لحالك
لميس ابتسمت : لا مع ماما مع صديقاتي مع اخوي أي حد
ميساء: اها وين تروحين
لميس: مطاعم ومجمعات كل مكان يعني
ميساء ابتسمت
" شوي وصلوا المملكه "
لميس: يلا انزلي
" نزلت لميس وبعدها نزلت ميساء مشت لميس ووراها ميساء .. ميساء انصدمت من اللي تشوفه تناظر المجمع بأعجااب اول مره بحياتها تدخل .. "
"لميس مشت وميساء بعدها بمسافه تناظر العماير والسيارات .. لميس كانت تعرف انها وراها بس اول مادخلت لفت عليها وشافتها لساتها تمشي .. لميس تناظر ميساء .. "
" ميساء اول مادخلت وشافت الناس رايحه وراجعه والازعاج .. انزعجت وصابها الرعب في داخلها وقفت على طول عند البوابه وهي خايفه "
" لميس استغربت تصرفها "
لميس: تعالي
ميساء هزت راسها لا
لميس استغربت هالتصرف من ميساء وراحت لها
لميس: شفيكي
ميساء نزلت راسها
لميس رفعت راسها : ميساء تعبانه..!!
ميساء هزت راسها بمعنى لا
لميس: اجل وش فيكي
ميساء رفعت راسها : مافيني شي
لميس مسكت يدها ومشت معها وميساء يالله تسحب رجولها
" ميساء تحس الخوف يدب في جسمها .. اللي تشوفه اول مره تششوفه بحياتها ... هالزحمه اول مره تشوفها بحياتها غير الزحمه اللي كانت بالمستشفى اول مافتحت عيونها .. بمعنى اوضح اول مره تختلط مع ناس بهذا الشكل .. لميس مافهمت ميساء عشان كذا مشتها معها وشوي تركت يدها وخلتها تمشي معها ميساء تمشي وعيونها بلارض "
لميس: خل ندخل هنا عنده قطع حلوه " ولفت على ميساء وشافتها بلارض .. لميس تنرفزت الحين هي تدور وتناظر وهذي عينها بلارض .. مالومها يوم ماتعرف تشتري "
لميس: ميساء شوفي
ميساء رفعت راسها
لميس: تعال ندخل
ميساء : طيب
" دخلت وراها ..وقعدت تتفرج .. لميس تحب هذي الماركه وتحب ستايلها .. قررت تاخذ لميساء بدله منه ..وقعدت تدور وميساء تلحقها كأنها خدامتها لاتناظر ولاشي ولميس ارتفع ضغطها وماودها تصارخ عليها لانها وصلت معها "
لميس: في حزام معها
العامل: اي في عريض ورفيع شو بتحبي
لميس رفعت عينها تشوف ميساء وتشوف وش يلبق لها
لميس: لاعطني رفيع
العامل : تفضلي
" وراح وعطاها اثنين اختارت لميس اللي تشوفه البق ,,"
لميس: معه صندل
العامل: هذا الستايل ملبقين لاإلو صندل شوي رفيع
لميس: اوكي اشوفه
" ووراها العامل وعجبها لميس وقالت تخلص مره وحده وغير كذا رفيع يعني بتحبه ميساء وبس خلصت لميس القت نظره عليها وعجبتها بالحييل "
لميس ابتسمت : وش رايك
ميساء: حلوه بس تنورتها قصيره
لميس يأست: اي حلوو عليك بيطلع
ميساء فتحت عيونها : ايششش علي .. وش دخلني
لميس: اي مو هذي لك
ميساء فتحت عيونها وراحت تشوفها: اشووف
" ميساء راحت شافتها وشافت السعر وفتحت عيونها "
" ميساء استحت تقول عن السعر صحيح ابوها عطاها فلوس وكثيره بالنسبه لها الا انه ماقال لاها خذي لك فيها بلوزه بذاك السعر وماعرفت وش تقول "
ميساء: خلينا ندور ونرجع لها يمكن نلاقي احلى
لميس: لاوالله انا عجبتني وماراح تلقين صدقيني
ميساء بدت تحس بخوف
لميس : خلاص باخذها واسكتي لاتتكلمين
"ميساء ماعرفت وش تسوي ماتبيها اذا البلوزه كذا كيف باقي الاشياء اللي معها "
ميساء: لالا خل نرجع لها
لميس خزتها بس مو بالقوه : ميووس اعقلي
العامل: خلاص
لميس: اي اوكي
" وراحت لميس ومعها ميساء .. لميس طلعت محفظتها وميساء طلعت الشنطه اللي طول اصابعها وحاطه فيها فلوسها .. لميس يوم شافتها تفشلت "
لميس: حبيبي دخليهم معي فلوس
ميساء: لالا
لميس : ميساء عيب بعدين
ميساء كانت رافضه ولميس عجزت معها وبصوت واطي : خلاص قلت لك بابا اعطاني فلوس لك
ميساء هنا تطمنت
" ودفعت لها لميس وطلعوا "
لميس وقفت : ميساء لاتفشليني بابا اعطاني لي ولك اوكي فلوسك خبيها لك .. امشي معي
" ميساء مشت وراها وشايله الكيس .. شايله هم شلون بتلبس البدله وشلون بتتسوق مع لميس وذوقها مختلف كليا عن ذوقها "
" لميس ممو عارفه وش تبدا بميساء تحس مافيها شي زين .. وخصوصا بتروح حق بنات خالتها واهلهم .. مستحيل تخليهم يتكلمون عليها .. هي اللي بتتفشل وقتها .. والمشكله مافي وقت تفصل لها عبايه ..وعبايتها تفشل وكل عبايات لميس شافوهم ماعرفت وش تسوي تاخذ لها جاهز من اي محل .. راحت اخذتها على محل عبايات في المول نفسه .. دورت لها عبايه ارحم من عبايتها مع ان الجاهز مايعجب لميس الا انها اخذت لها وحده على مايرجعون من الشرقيه .. اختارتها وبدا ياخذ المقاس عليها .. وبعدها طلعت وراحت معها تاخذ لها شنطه ومحفظه "
ميساء: بس يالميس اشترينا كثير
لميس ابتسمت : وش دعوى كم ميساء عندنا
ميساء ابتسمت : تسلمين والله بس وشو بعد تبين ناخذ
لميس: همم ماعرف خلينا نلف حتى تخلص عبايتك
ميساء: اوكي
" وهم يمشون "
ميساء: هذا المجمع غالي
لميس: ليه.؟
ميساء: امي كانت كله تجيب لي ملابس كثيره بثلاث ميه او اربع ميه بس هذا السوق الشي الواحد بخمس ميه وست ميه .. الحزام لحاله بثمان ميه بس انا امي تجيب لي حزامات كثيره وكل الالوان بميه او اقل حتى وحنا حزام ولونه خايس يابنيي يا اسود وغالي
" لميس حستها تتكلم عن زمان اول .. حزنت اكثر على حالة ميساء اللي كانت عايشتها "
لميس: اي بس الحين كل شي تغير السوق صار كذا
ميساء: صحيح
لميس: اي والله
ميساء: لميس مو اسماءنا مثل بعض يعني تاخذ من بعض
لميس ضحكت بقلب على سوالفها تحس انها تسولف مع بزر : اي لاحظتي
ميساء ضحكت
" شوي ومر واحد "
الولد : يالبىىى قلبها بس
" لميس كالعاده طنشت مو شي جديد .. ميساء وقفت "
ميساء: يعرفني هذا
لميس لفت عليها وشافتها واقفه تناظر الولد وتأشر عليه قربت من عندها وسحبتها
ميساء: وش فيك
لميس: شعندك وقفتي
ميساء: يكلمنا اكيد يعرفنا
" لميس حست انها بتتعب معها كثيييير"
لميس: لا مايكلمنا يكلم صديقه
ميساء: اييييه مانتبهت
لميس : طيب طيب تعالي
" وقعدوا يحوسون على ماتخلص عبايتها "
ميساء: لميس كأن الشنطه اللي اخذتيها كبيره
لميس: لابالعكس حلوه عشان تحطين فيها اللي ابي
ميساء تشققت: صدق
لميس ابتسمت : اي
ميساء: شكرا لميس ماااره
لميس: عادي حبيبتي مو انا اختك
ميساء: الله لايحرمني منك
لميس انبسطت على كلمتها وبعيون تلمع قالت لها : ولامنك
ميساء انبسطت
" وشوي وراحوا اخذوا العبايه وتعشوا وطلعوا "
.
.
.
" اليــوم الثــاني "
" سلطان مابقى عليه شي ويووصل والعايله وصلت الكل في انتظاره .. كان بو محمد مسوي عشا كبير حق سلطان وعازمين اهاليهم كلهم .. هالمره كانت العزيمه اكثر.. غير عيال العم كانت كل حرمه عزمه اهلها .. وصار بيت بو محمد زحمه "
" وصلوا اهل الرياض متأخر وميساء كانت طول الوقت قلبها يرقع من شافت المدخل .. البيت مطبوع عليه طابع الزحمه من السيارات والانواار والابواب مفتوحه .."
" ميساء قعدت تقرا على نفسها من الخوف .. لميس استغربت منها بس طنشت قلبها طاير تحس انها تبي تطير .. اول ماوصلوا نزلت ام مساعد ومعها البنتين ودخلوا البيت .. واول مانفتح الباب الرئيسي .. شهقت ميساء وغطت وجهها "
لميس لفت عليها: ميساء
ميساء صارت تنفخ :....
لميس: ميساء ميساء " وصارت تبعد يدها عن وجهها
ميساء: ابي اطلع
لميس تفشلت وامهم انتبهت
ام مساعد: ميساء يمه شفيك
لميس: مدري فجأه
" طلعوا فيها عند بداية المدخل وبس حست مياء انه الضجه هدت فتحت يدها وججها صار كله احمر"
لميس: ميووس وش فيك
ميساء: ابي ابي ابوي
ام مساعد استغربت : ميساء
ميساء تحس بقلبها يرجف وشوي وينتفح الباب
سهر بأبتسامه: يلا ادخلوا
لميس راحت سلمت على سهر : ميساء ماهي راضيه تدخل
سهر فتحت عيونها : هذي ميساء وش فيها مستحيه
لميس تهز راسها: يمكن
سهر: خلاص انتوا ادخلوا وانا بشوفها
لميس: لاماراح ترضى
سهر: بحاول فيها وبعدين بمكن مو متعوده على هذي الاجواء ادخلوا وانا بجيبها
ام مساعد: قومي يمه مع البنات بتنبسطين معهم وتوسعين صدرك
ميساء نزلت راسها
سهر: خلاص ياخاله ادخلي وبجيبها معي
ميساء شهقت ورفعت راسها وسهر ابتسمت لها
ام مساعد توهقت واقنعتها سهر ودخلت ومعها لميس
سهر راحت لعند ميساء وقعدت عندها : ميساء .. شخبارك
ميساء:...
سهر: مستحيه مني ترى عادي بكرا تتعودين علي قومي معي اعرفك على بنات خالتك
ميساء: وين لميس
سهر: دخلت داخل
ميساء: ناديها
سهر: لا ماراح اناديها بتقومين معي
ميساء: مابي
سهر: ليش ..؟
ميساء:ابي ابوي
سهر ابتسمت وعورها قلبها عليها : ميساء والله عادي قومي كلهم بتعرفينهم والله كلهم حبوبات مثل لميس واكثر
ميساء : ابي مويه
سهر ابتسمت : وتوعديني تدخلين
ميساء: اي
" قامت سهر تجيب لها مويه لان البنت ترتجف "
ميساء" ياربي شلون بدخل عندهم وانا ماعرفهم لاويعرفوني .. يمه قلبي هدي شوي .. وين لميس ليش راحت وخلتني .. شكلها نستني يوم شافت اهلها .. ياربي "
" شوي ورفعت ميساء على الصراخ اللي بدا يدب "
......: داخل دااخل
" ميساء اخترعت وقفت متصنمه وين تروح .. وقفت على طول وبسرعه غطت وجهها .. شوي وتطلع سهر "
"سهر اول مافتحت الباب اخترعت وبسرعه رجعت ونادت على ميساء وميساء راحت لها على طول ودخلوا وسكروا الباب "
سهر تضحك : وش صار
ميساء كشفت وجهها : مدري قام يصارخ اخترعت
سهر تضحك : لالا عادي ماتدرين هذا مشاري ولد عمي
ميساء ابتسمت وشوي ورجعت ملامحها الحزينه
سهر: يلا عطيني عبايتك وبوديك مع البنات
ميساء وقفت متنصمنه عند الباب
سهر: ميسااء عاد كفايه دلع
" ميساء استسلمت وشالت العبايه وبقت شنطتها معلقتها عليها بكل قوه وهي خايفه .."
سهر تبتسم: ايش هذي الحلالاوه
ميساء ابتسمت برجفه
سهر: لميس قالت لنا انك حلوه بس ماتوقعناك لهذي الدرجه
ميساء ابتسمت شوي اكبر: شكرا
سهر: العفوو حبيبتي يلا تعالي
" ومسكتها من يدها وميساء عيونها في الارض "
"دخلت ميساء والكل ناظرها بأستغراب في اول نظره وبعدين الكل صار يرحب فيها وهي باقي عيونها بلارض سلمت عليها وعيونها بلارض.. الكل اعجبته ميساء.. شكلها كان مختلف نهائي عنهم وكل شي مختلف عنهم .. لميس كانت مكشختها ومع ذلك مبين ان اللبس مو لبسها لانها مو عارف شلون تتصرف بالتنوره الضيقه على جسمها وتحس انها مو مرتاحه فيه والصندل اللي مبين انها مو عارفه تمشي منه .. "
جنى : هيييووو واخيرا صار عندنا بنت جديده
البنات ضحكوا ولميس انبسطت
جنى: في اي صف انتي ياحلوه ..؟
لميس تفشلت
والبنات ينتظرونها تتكلم
ميساء رفعت راسها وماعرفت وش ترد
لميس: الحين هي ماتدرس
جنى مافهمت وش يقصدون بس البنات حزنوا عليها : امااااااا ياحظــــــــك ليت ابوي مثل ابووك
البنات ضحكوا وميساء متصنمه
ميساء استغربت هذي مره ماتبتسم حتى
وصايف: بسك اسكتي البنت مو طايقتك
ميساء نزلت عيونها
جنى: صدق
اديم: ايه
جنى تضحك : لااا مو كذا انتم مافهمتموا هي بس تستحي الحين وبعدين عادي مثل اختها لميس كانت كذا
لميس تضحك: اقول مالك دخل زين
جنى تضحك : وانا على بالي لميس بنت ثانيه وتستحي ومدري وشو والحين شوفوها انواع العربجه
ميساء ضحكت والبنات ضحكوا عليها
جنى تضحك وتأشر عليها: شفتوا واااااه قسم بالله مثل اختها ما انسى ذاك اليوم
لميس: خلااااص جنى ووجع
البنات ضحكوا
" قعدت جنى تسولف عليها حتى البنت صارت ترفع راسها وتناظرهم "
" ميساء هذا الجو اول مره تعيشه بحياتها بنات وحوسه وزحمه وسوالف ويضحكون والكل مع بعض الا هي قاعده على جنب راحت لها اديم وجلست قريب منها .. لان اديم بزياده عاجبتها البنت "
اديم: ميساء
ميساء لفت تناظرها : هلا
اديم: شفيك ساكته
ميساء: وش اقول
اديم: سولفي مع البنات يعني
ميساء ابتسمت
اديم ابتسمت : كيف شفتي الشرقيه
ميساء: ماعرف ماشفت شي فيها
اديم: ليه..؟ ماقد جيتي..؟
ميساء توهقت : الا بس من زمان
اديم ابتسمت : وامداك تنسينها
ميساء بحزن : وقتها كنت اتعالج عن عيوني
اديم حزنت اكثر لانها نست انها كانت عميانه : اوه اسفه.. بس الحمدالله الحين بكرا تشوفينها وتنبسطين فيها وماودك تفارقينها بعد
ميساء ابتسمت
|