" في الريــاض "
" على العشاء كانت ميساء وام مساعد وبو مساعد بس على الطاوله .. حز في خاطرهم كلهم بس الكل ساكت مو قادر يتكلم "
ام مساعد : ميساء كولي
ميساء تهز راسها بمعنى اوكي
" ام مساعد تناظرها بأبتسامه شلون رقيقه هالبنت .. شوي وميساء رفعت كم عبايتها وسمت بالله وصارت تاكل بيدها .. ام مساعد على طول تغير وجهها وبو مساعد لاحظ .."
ابو مساعد : ميساء بابا كولي بالملعقه
" ميساء ماتعرف تاكل الرز بالملعقه تعودت بيدها .. تتحسس الاشياء بيدها ويدها اللي توصلها لكل شي شلون الحين تصير تاكل بالملعقه "
ميساء ناظرت ابوها بمعنى ماتبي
ام مساعد تداركت الوضع : خلها على راحتها تاكل بالطريقه اللي تعجبها
ابو مساعد ابستم لام مساعد : الله لايحرمني منك
ام مساعد ابتسمت
"ميساء صارت تاكل بشوي شوي.. الاكل اللي تذوقه هنا مختلف عن الاكل اللي تاكله هناك .. هناك تعودت تاكل محاشي وهذي الاكلات لان جارتهم السوريه هي اللي تطبخ لهم لان امها من كبرت يالله تسوي لها شوربه "
ام مساعد تراقبها: عسى عجبك اكلنا
ميساء رفعت راسها وهزته بمعنى ايه
ام مساعد : بالعافيه
ميساء سكتت
ابو مساعد يناظره ميساء: ميساء قولي لامك الله يعافيك
ميساء قلب وجهها معقوله بتنادي حد ماما غير امها وبصوت واطي قالت : الله يعافيك
ام مساعد ماتت عليها هذي اول كلمه تنطقها ميساء من دخلت عليهم : وهـ واخيرا تكلمت
ميساء ضحكت
ابو مساعد: ماعليش تتدلع في البدايه
" ميساء استغربت اول مره تشوف ابوها بهذي الشخصيه .. شخصيته معهم تختلف عن شخصيتها معها ومع امها صحيح حنون بس ماتعرف انه من النوع اللي يسولف ويضحك "
ميساء: خاله لولوه
ام مساعد على طول لفت وابتسمت لها: سمي ي
ميساء ابتسمت : ممكن اروح فووق
ام مساعد: اي طبعا البيت بيتك.. شوفي يحلوه اليوم بتنامين مع اختك لميس ومن بكرا نروح انا وانتي ونأثث غرفتك وعلى ذوقك خلاااص تحملي اليوم
ميساء ابتسمت وقامت : شكرا
" وطلعت فوق بشوي شوي "
ام مساعد: خجوله البنت
ابو مساعد: لاتلومينها مابحياتها تعاملت مع ناس غير امها ..
" ميساء طلعت فووق واول ماطلعت ضيعت في الغرف فاقررت تروح الغرفه اللي بأخر الممر اكيد هذي غرفة لميس.. راحت وفتحت الباب بشوي شوي وبدون لاتدق الباب .. شوي ويطلع لها بوجهها واحد اخترعت وبعدت على طوول "
ميساء" من هذا ...!! "
مساعد بعصبيه : ماتعرفين تدقين الباب ... وماظن لك حاجه بغرفتي ..
" طلع وسكر الباب وراه ومشى عنها "
" هي قعدت على طول وهي تتنفس بقووه .. ليش هذا يصارخ عليها يمه منه كأنه وحش "
" شوي وينفتح باب غرفه من الغرف وهالمره طلعت لها لميس "
" لميس اول ماشافتها قعدت تناظرها بس اول ماطاحت عينها بعينها صدت وميساء على طول قامت وراحت لها لميس تأففت "
ميساء: خاله لولوه تقول اني بنام معك
" لميس حنت عليها بعد ماسمعت صوتها بس غيرتها لسا فيها "
لميس: السرير مايكفي
ميساء: لالا اصلا بنام على الارض
"لميس ناظرتها بنظره.. ولكن حنت عليها من جد "
لميس: بتنامين الحين
ميساء : كم الساعه
لميس: الساعه 8 ونص
ميساء: اي عادي بقى نص ساعه .. على ماسوي الفراش بتجي 9
لميس بأستغراب: تسعه وش معنى
ميساء: خلااص الوقت متأخر 9 عشان انام
"لميس انصدمت الحين 9 وقت متأخر من متى .؟؟؟؟؟؟ كانت تبي تسألها انتي من اي قرن بس حزنت عليها وانقهرت ليش انها حزنت عليها "
لميس: خلاص استني بنادي الخدامه تسوي فراشك
" ونادتها وراحت الخدامه تسوي فراشها ولميس نزلت تحت وتركتها فوق .. لميس على طول طلعت للحديقه بدون ماحد يحس فيها "
" ماكنت عارفه وش تسووي .. زعلانه على ابوها ومقهوره منه.. بس خلاص طاح الفاس بالراس .. بس شلون تتقبل ان يطلع لها اخت وبهالسرعه معها في البيت .. صحيح تعودت على منار..بس هذي غير .. مع انها حزنت عليها .. كم عمرها وليش لابسه كذا .. شلون ابوي معيشهم في قريه عشان تلبس كذا .. ياربي وش اسووي .."
" شوي ماحست الا بحد جا وحط يده على كتفها "
لميس: بابا
ابو مساعد: ياعيون بابا
لميس لفت وجهها بزعل
ابو مساعد : حبيبتي يحق لك تزعلين على ابوك اعرف انها صدمه عليك بس كنت لازم اخبيها عنكم
لميس: انت ليش ماقلت لنا انك متزوج قبل لاتاخذ امي
ابو مساعد: يكفي ان امك تعرف ماحسيت انه للموضوع اي اهميه بأنكم تعرفونه
لميس: وشو ماله اهميه وانت عندك منها بنت وفجأه تجي عندنا وتسكن
ابو مساعد: لميس ماتوقعتك قاسيه لهذي الدرجه
لميس بدت تدمع: اجل شلون يايبه فجأه يصير عندي اخت وتبيني اتعود
ابو مساعد: صحيح بيصعب عليك في البدايه بس بعدين تتعودين .. وصدقيني انك راح ترتاحين لها
لميس تأففت
ابو مساعد : خلاص يالميس لاتزيدينها علي
لميس تنهدت بصوت مسموع
ابو مساعد يدلعها : وهذا انا اقول بنتي الطيوبه الحنونه
لميس: اوكي طيبه بس مو معناتها اتقبلها بسرعه
ابو مساعد: ليش مع انك تقبلتي منار بسرعه
لميس: منار غيرر
ابو مساعد: هذي اختك وذيك بنت خالك
لميس: بس هاذيك متعوده عليها وهاذي لا
ابو مساعد: بتتعودين عليها .. لميس لاتزيدينها علي
لميس تناظر ابوها : طيب خلاص
ابو مساعد : يعني بتعاملينها اوكي
لميس: بحااول
"ابو مساعد ابتسم لها وقرر يقعد معها ويسولف يقال انه يكفر عن ذنبه "
.
.
.
" اليوم الثاني "
" سهر وصلها خبر عن اللي صار بين بسمه ونجلا .. وزعلت كثير سهر على الكلام اللي انقال عن بسمه .. نجلا احتارت في اختها مو عارفه وش تسوي ... وسهر مقهور من ردة فعل نجوى اللي خدعتهم انه مايهمها .. بسمه قعدت تلوم نفسها في اليوم مية الف مره .. فكرت بهذا الموضوع من جهتين ..فكرت بعقلها .. وعقلها قال لها انك المفروض ماتسكتين على الكلام اللي انقال وانتي ماعطيتي مجال حتى لمحمد انه يعرف على اي اساس يتهمونها .. وقلبها يقول .. ابعدي عنه هذا من بدايتها مشاكل .. الكل بيلومك اذا عرف والكل بيتغير نظرته لك وبتصيرين منبوذه .. جن جنون بسمه.. وماعرفت وقتها وش تسوي وغير كذا نجوى قالت لهم بكل شي "
منصور: شلون يطلع هذا الكلام ومحمد مايدري
سهر: منصور لاتقول له والله بتكبر المشكله
منصور: خل تكبر شلون يطلع عليه هذا الكلام وهو ساكت وبسمه ليه ساكته
سهر: مدري والله بس لاتقول له
منصور: وخرري زين
" قام وطلع عنها وعلى طول كلم على محمد "
منصور: هلا محمد
محمد : هلا والله
منصور: محمد في موضوع لازم نتكلم فيه
محمد: مايصلح على التليفون
منصور: يفضل وجه لوجه
محمد: طيب انا في غرفتي
منصور: انت في البيت اجل اسبقني على غرفتي
محمد : اوكي
" ورجع منصور من جديد البيت وراح على غرفته ومحمد كان ينتظره سهر استغربت يوم شافته رجع ولحقته "
منصور: خليك برا
سهر: بدخل
منصور: سهر
سهر دخلت: مالي دخل
محمد : هلا سهوره شخبارك حبيبتي
سهر ابتسمت : الحمدالله وانت
محمد: الحمدالله "وناظر منصور" ايوا منصور
منصور: انت نايم ولاتدري باللي يصير حولك
محمد: وش صاير بعد
منصور: زوجتك واختها المتخلفات والكلام اللي طلعوه على بسمه
محمد وقف من سمع طاري بسمه : وش قايلين عنها
منصور: سهر قولي له باللي صار بالمشغل
سهر اخترعت : مافي شي بس غزل تقول انه في بينك وبين بسمه شي
محمد انصدم : نعـــــــم .. وعلى اي اساس قالت كذا
سهر: علشان اللي صار بالصالون يوم طاحت بسمخ
محمد عصب: ايششش ووش قالت بسمه
منصور: البنت ساكته ولاتعرف وش تسوي وزوجتك تطلع كلام عليها
"محمد عصب وطلع لنجوى فوق "
سهر تضرب منصور: شفت الحين بيتهاوش هو وزوجته
منصور: خل يأدبها المتخلفه بنات الناس مو لعبه عندهم وغزل انا اوريها
سهر: والله لو ان ابوي وامي هنا ماصار اللي صار "وصارت تبكي "
منصور حز بخاطرها كلمتها : سهورهه حبيبتي ترضينها على بسمه
سهر: لابس نجوى حرام
منصور: لاتخافين بيتفاهم معها مو بيضربها هو
سهر: محمد عصبي واي شي يسويه
منصور: حتى لو وين وصل صراخهم ماراح يضربها
.
.
.
" عند نجوى ومحمد "
نجوى تصارخ: شفت ان الكل لاحظ مو بس انا
محمد: مافيه الا انتي واختك المتخلفلات يتهيأ لكم وتحسونه صدق وبعدين بسمه مو غبيه عشان تحب واحد مثلي متزوج وعنده عياال وبالطريق واحد
نجوى: اسألها هي مو انا
محمد: نجوى انا وصلت معي عن هذا الموضوع .. تكلمت فيه كثير وماني متكلم فيه زياده غير ان لو يطلع الكلام لحد او حد يعرف والله مايردك الا الباب " وطلع عنها "
" نجوى انصدمت .. يهددها بسبب بسمه "
" محمد نزل لعند سهر "
محمد : سهر كلمي بسمه
سهر: نعم
محمد: كلميها وعطيني اياها
منصور: كلميها
سهر طلعت جوالها ودقت وعلى طول اخذه محمد
بسمه بصوت مبحوح : هلا سهر
محمد حن عليها : هلا بسمه انا محمد
بسمه شهقت
محمد : استني بسمه قبل لاتسوين شي
محمد : بسمه لو وشو مانقال عنك مابيه يأثر فيك سامعه.. وصدقيني كل واحد بيتكلم عن هذا الموضوع بقص لسانه قص .. والحين لاينشغل بالك بسبب مواضيع تافهه لاني اعرف انك اكبر من كذا طيب .. خذي سهر معك
منصور: كفوو والله
محمد : ماتسوى عليها البنت
منصور: اهلنا متخلفين غيرانين من علاقتنا ببيت عمي عبدالرحمن
محمد: والكل يفكر تفكير واحد استغفر الله بس انا اوريك فيهم
" سهر راحت تكلم بسمه وبسمه طول الوقت ساكته .. منصور طلع عنهم لانه عنده شغل مع مساعد .. ومحمد طلع يبي يتنفس "
.
.
.
" منصــور"
" منصور من طلع من البيت حس كل شي فوق راسه .. مايعرف ليش ؟؟ كأن الاتهام جايه هو مو اخوه .. المهم دق على مساعد .. يبي يشوف اخر تطورات المشروع "
منصور: هلاوالله بو فهد
مساعد : هلابك زوود
منصور: شخبارك .؟ عساك بخير
مساعد : الحمد لله انت بشرنا عنك
منصور: لا الحمدالله ابشرك..
مساعد : دووم دووم
منصور: تَسلم .. بس بغيت اقولك يامساعد انت لازم تجي الشرقيه
مساعد : ليه عسى ماشر
منصور: ابغاك تشوف المشروع معي .. المبني قرب يخلص ومابعد نخطط للديكور
مساعد : اووووه نسيت الله يقطع الشيطان
منصور: اي مابقى وقت
مساعد : خلاص بكرا ان شاء الله جاي
منصور: طيب شوف اذا انت تعرف مصمم ديكور اوكي خله علي وانا اتفاهم معه.. بس مادري اذا ودك تختار الديكور معي
مساعد : لادام كذا انا وانت واحد.. شوف البندر الله لايهينك هو اللي مصمم المزرعه
منصور: البندر.. همم حلوو والله
مساعد : اي اتصل عليه وتفاهموا على كل شي لاني هالفتره مشغول حيل
منصور: خلااص اجل على خير
مساعد:اوكي اجل تامرني على شي
منصور: ابد سلامتك .. مع السلامه
مساعد: فمان الله
.
.
.
" امــريكــــــا "
ببزوغ فجر يوم التخرج ... تشتد المشاعر من شوق و سعادة و تردد و خوف "
و لكن كلما اقترب الموعد ازدادت الرهبة في القلوب ...و اضطربت النفوس من الموقف المرتقب ...يجلسون أمام المئات و ربما الآلاف من الحضور و بيكونون محط أنظار الملايين .. الساعه خمس تحرك سلطان وامه وابوه متوجهين للمقر.. شيماء والقروب حقهم كانوا مع بعض اليوم طول الوقت .. سلطان مابين لامه انه بينه وبين شيماء شي .. وشيماء كانت ضابطه الوضع ... سلطان كان حيل مبسوط اليوم .. من قام ويحس انه اخيرا بيتخرج وبيفتك .. ييبي التخرج يخلص بسرعه ... ويحس ماهو طايق يشوف الجامعه سمستر زياده .. بو محمد كان مجهز سياره خاصه لموزين تاخذهم للتخرج وكاميرا فيديو تصور الحفل كله .. سلطان تشقق على ابوه والتليفونات مشتغله طول اليوم .. بدا الحفل وبدت مراسيم التخرج اللي تتظمن الوقوف والغناء الجماعي لأغنية – يحفظ الله الملكه .
God Save the Queen
حسب العادات الإنجليزيه القديمه بما أن الجامعه تأسست تحت رعاية جامعه بريطاني .. سلطان قام يمثل انه يغني لانه مو حافظها .. وبدا الكل يصفق .. وبس جا وقت استلام الشهادات .. بس قرا رئيس الجامعه اسم سلطان ابوه وامه وقفوا واصحابه يصفقون له ويصفرون وهو قلبه يضرب امه دمعت عيونه .. وهو قلبه يرقع .. راح ويحس كأنه يستلم كاس العالم في كرة القدم..بعد ماستلم ووصل ضمته امه وبعدها وابوه بكل قوه ودموع تبكي من هنا وناس فرحانه من هنا .. تجمعوا الخريجين ورموا القبعات وكانت احلى لحظه ...والكل صار يصفق ويصفر.. وبعدها راحوا يختارون خاتم التخرج .. اللي اختاره له ابوه .. "
سلطان فجأه : واخيراااااااااااااا "ويصرخ بأعلى صوته "
امه : ههههههههههه
" وصلوا اصحابه وطلبوا من امهم تصورهم .. وبالفعل قعدوا يصورون بعض.. وفجأه واحد من الشباب اللي معه في صوره من الصور طش المويه على سلطان وسلطان فزع والتقطت وقتها ام سلطان وصارت الصوره خطيره وبعدها صارت تاخذ كل حركه يسونها الشباب بالمويه وصارت الصور خطيييره .."
" وبعد ماخلص احتفال الجماعه بو سلطان كان مجهز عشا كبير لولده في احدى المطاعم الراقيه وعزم سلطان كل ربعه ..."
" على كثر ماسلطان فرحان على قد ماهو قاعد يندم ... الابو ولده يكبر في عينه .. وسلطان يحس انه يصغر بعين ابووه .. "
.
.
.
" فــي جزر المالديف "
Snorkeling
" فيصل وعبير اليوم اخذوا لهم قارب وكانوا ناويين يروحون على الى جزيره البارادايز عشان يشوفون الشعب المرجانيه.. "
عبير: يالله معقوله السمك يبين من البحر بكل وضوح
فيصل : سبحان الله
عبير تبتسم : ناس عاايشه
فيصل يضحك
" قعد فيصل عند طرف القارب وعبير وقفت جنبه وتشم الانفاس النقيه "
"فيصل وقتها كان يناظر عبير وتحركاتها.. وشوي سحبها وقعدها عليه "
عبير تناظر فوق : ثقيله
فيصل يضحك : شوي بس مضطر
عبير ضحكت وجت بتقوم
فيصل يمسكها : امزح امزح
" عبير كانت مستحيه طول الوقت من القرب اللي كان بينها وبين فيصل .. وتحس قلبها يطير مع نسمات الهوا السريعه "
فيصل عبير اكثر عنده وعبير ارتجفت وحست تبي تقوم شوي وصار فيصل يغني لها :
وانا بين ايدك تهت فى مكانى ونسيت معاك عمرى وزمانى والوقت فات وياك ثوانى قربنى ليك سبنى اعيش احساسى بيك اتحدى العالم كله وانا وياك و بقول الدنيا بحالها اننا بهواك وان انت حبيبى وقلبى و روحى معاك قربنى ليك سبنى اعيش احساس هواااااااااااك
عبير لاشعوري : اوووه حياااااااتي
" عبير خقت على فيصل .. وصارت تناظره بعيون تلمع فيها ويبرق عنوان حبهم ... فيصل اخذها وحضنها "
" وبعد لحظه "
فيصل: حبيبي قومي بتسبح
عبير قامت بسرعه : وشو
فيصل: بتسبح وانتي صوريني
عبير تترجاه : فييصـــل
فيصل يناظرها وقرصها على خشمها : عيونه
عبير: وشو تتسبح في بحرهم
فيصل يناظرها بعيون حلوه : تخافين علي
عبير شبكت يدينها ونزلت راسها: اي
فيصل قرب من عندها وحضنها من جنب : اي لا لاتخافين حبيبي مو عميق البحر هنا .. بتسبح وصوريني
عبير: فيصل لاااا
فيصل: تعالي نسأل السايق اذا عادي ولالا
" راحوا وسألوه وقالهم عادي الكل يتسبح هنا وبعدها حاول فيصل بعبير ووافقت .. وبعدها راح فيصل يسوي سنوركلينغ وعبير تصوره "
.
.
.
" في بيت بوفواز "
غزل: مــن جــــــدك
منار: هذا اللي قالته خالتي لامي
غزل: يالله مااااصدق وليه خباها عنهم طول هالفتره
منار: مدري
غزل: ياربي اكيد لميس مبسوطه
منار: والله تقول خالتي انها حابسه نفسها بالغرفه
غزل: غريبه مو هي تبي اخت
منار: اي بس تعرفين غير اذا كان مثل هذي الحاله
غزل: بس لاتنسين انه من زوجته القديمه
منار: والفرق
غزل تلف على تسريحتها وتضبط شعرها: يفرق كثييييير.. واخيرا صار عندنا بنت خال ثانيه
منار تضحك
غزل: وش يقولون حلوه
منار: تقولخاله لولوه كأنها روسيه
غزل: من جد اجل بتعقب على لميس
منار تضحك: الا بتموت غيره تلاقينها... بس تكسر الخاطر
غزل: ليه ؟
منار: كانت عمياء
غزل: احلللللفي
منار: وربي
غزل: يعني الحين هي عمياء ولا طابت
منار: لااا صارت الحين تشوف عشان كذا زوج خالتي يسافر كثيير كان يعالجها
غزل: كم عمرها هي
منار: سمعت 17
غزل: اهااااااااا
منار: مدري حزنت عليها
غزل: اي حرام من جد .. ماقليتي ليه لابسه وين بتروحين
منار: اديم بتمر علي الحين
غزل: على وين ان شاء الله
منار: بنروح مع مشاري اخوها نحجز اشياء حق حفل تخرج سهر
غزل: ياسلام وليه ماقلتوا لي
منار: وش صار هذا انتي دريتي
غزل: ماشاء الله عليكم
منار: تبين تروحين
غزل: لاا سهر بتجيني
منار: اجل انثبري
غزل ترميها بالمشط : قومي انقعلي
منار بعدت وجهها وضحكت وقامت بعدها : سي يااا
غزل تقلدها : يااشينك
" طلعت منار ودقايق واتصلت عليها اديم وطلعت لها "
.
.
.
" في ايطــاليــا "
Albano Lake
او بالإيطالي
Lago di Albano
" توجهوا فواز ونجود الى بحير البانو واخذ مشوار الطريق حول 40 دقيقه بالسيااره .. نجود تعبت وتكسر جسمها وفواز يسولف مع السايق وقاعد يعلمه بكل شي هنا .. بس وصلوا كان الجو العام حلووو و هوا عليل ومناظر جميلة وتروق للعين والنفس .. واول شي شافوه مقهى على البحيره على طول قعدوا فيه وطلبوا لهم شي يسرسرح على خاطرهم .. . . .
نجود: يمييييييي
فواز: اووه انتي ستروبرري
نجود: مرره يمي وقطع الثلج تونسس
فواز ابتسم
" نجود مع كل مزه لها تقول يمي حسها فواز مبسوطه عليه "
فواز: اوهوو شهيتيني خليني اذوقه
نجود فتحت عيونها : لاا طبعا
فواز ضحك : لا بالستر حقي
نجود: اووه كذا طيب
فواز يناظرها : من زينك اشرب من بعدك
نجود فتحت عيونها
فواز يضحك : امزح شفيك
نجود ابتسمت : كيفي مابيك تذوقه
فواز يناظرها من تحت: بيعورك بطنك
نجود ذحكت: يمه منك خذ
" اخذ فواز السترو حقه وذاقه "
فواز : هممممممم يميييي
نجود: من جد شرايك
فواز: ياخذ العقل
نجود: اجل اللي طالبه ليمون بالنعناع
فواز: حتى حقي يجنن
نجود: لاا ليمون يحرق المعده
"فواز ابتسم لها وش يقول بعد "
فواز: تبين نتعشى الحين ولابعدين
نجود: ناخذ لفه هنا وبعدها نرجع نتعشى
فواز: عندهم مطعم رهييب هنا
نجود ابتسمت وهزت راسها
"بعد ماخلصوا قاموا .. وقعدوا يلفون كانت البحيره جنان وتاخذ العقل .. بس حسوا انهم تعبوا راحوا على طول على مطعم باينانالي .. مطعم قمه في الروعه ووجباته توديك عالم ثاني *_^ .. فواز عجبه تصرفات نجود في التعامل والمطاعم واكثر شي عجبه انها تعرف تطلب .."
فواز يناظر نجود : نجوود
نجود: هممم
فواز : ممكن اطلبك طلب
نجود رفعت عينها عليه وابتسمت : تفضل
فواز سكت وقعد يجمع كلامه : نجود .. ابيك تبقين على مانتي عليه
نجود عقدت حواجبها : فجأأه
فواز يصلح جلسته : ادري بس انا ابيك تبقين على مانتي عليه
نجود ابتسمت : ان شاء الله بس فواز ممكن اسألك سوال وتجاوبني عليه بصراحه
فواز: تفضلي
نجود : انتا ليه تزوجتني
" فواز انصدم ...... هو كم مره يبي يعرف ليه تزوجها ماهو عارف ..... عشرين سبب براسه "
نجود تناظره بمعنى انتظرك
فواز :......
نجود: معقوله تضحي بحياتك عشان تعقلني
فواز تلعثم : مادري بس
نجود تقاطعه : بس انت قلت من قبل انك اخذتني عشان تحافظ على سمعتي .. وانت وش شايفني مسويه
فواز حس البنت بدات تقلب لو يدري مافتح الموضوع
نجود : انا ماشوف نفسي مسويه شي غلط عشان تعاقبني وتاخذني ولا عشان تحفظ شمعتي اظن عندي اهل ويعرفون كيف يربون بناتهم
فواز: نجود انا ماقصد كذا
نجود تحمست: اجل ايش تقصد بكلامك ولا انت بس تعرف ترمي كلام وبس
فواز بجد ندم انه فتح الموضوع وبنغمه صارمه : نجوود ... خليني اتكلم
نجود انتفضت ماتدري ليش : اسمعك
فواز: نجود يمكن انتي تعرفين الفرق اللي بين عايلتنا وعايلتكم
نجود: ايش الفرق
فواز: او خلينا من العايله انا عن نفسي واحد ماحب اشوف الغلط
نجود: انا وش سويت غلط
فواز: نجود بلاش نكلم نرجع كلام اول والتجريح ونبدا نغلط
نجود: فواز حنا نتناقش مو نتهاوش
فواز تنهد : طيب الحين تراسلين ولد عمك وزاعجته هذا مو غلط
نجود تلعثمت : بس هو مايعرفني
فواز: بس انا عرفت
نجود طنشت
فواز: انا والله كنت اشوفك من ساسك لراسك غلط يانجود
نجود فتحت عيونها
فواز: بس يوم اخذتك وعرفتك زين غمضت عيوني عن كل هذي الاشياء... نجود انتي عارفه كل واحد وفيه الزين والشين وانا من نظره وحده ماشفت الا الشين فيك بس يوم عرفتك صرت اشوف ملاك بعيوني .. نجود مشكلتك مانتي لاقيه نفسك
نجود استغربت: يعني ايش
فواز: انتي تعطين للناس صوره ميب زينه عنك .. وانتي العكس
نجود زادت غرور بعد كلام فواز هذا عنها
فواز : يعني انتي في البدايه كنتي تشوفين حنا لايقين لبعض
نجود هزت راسها بمعنى لا
فواز: وشوفي الحين وش زينك.. حسيتك غير عن البنات
نجود ابتسمت مبسوطه على الكلام : طيب طيب خلااص
فواز ابتسم لها ابتسامه حلوه : اقتنعتني يعني
نجود تهز راسها: مو مرره مقنع بس يلا
فواز يضحك : مابقى الاااااا "وقام يسوي حركات بيده "
نجود ضحكت : لا لا امزح
فواز: نجود لو سمحتي لاتسأليني هذا السؤال مره ثانيه لاني انا ماني عارف السبب الرئيسي
نجود : انا اقوله عنك
فواز ابتسم يعني ايش
نجود: السبب انك بيوم من الايام بتاخذ وحده من بنات عمانك وغصب عنك بتتقبلها والحظ جابني عندك
فواز ضحك : ابي اعرف ليش مو مقتنعين في هذي الفكره ترى ولد عمك بيصونك وبيحافظ عليك اكثر من الغريب
نجود: ايي ماقلنا شي بس التغيرر مرغوب
فواز ضحك : المهم انك اعرستي
نجود ابتسمت وهي تطلع لسانها : واخذت فواز اللعين
فواز ضحك عليها : طاايب طاايب ماني راد عليك .. بس تدرين غريبه
نجود: وشو
فواز بغرور لاول مره : الكل يتمنى نظره مني وانتي تتحسفين انك اخذتيني
نجود بنظره غرور : لا تنسى انك اخذتني عشاني غير عن البنات
فواز ضحك : يعنييي
نجود هزت راسها وضحكت
" فواز ضحك عليها وش يسوي البنت مغروره ومش ممكن تنتازل عنه .. بس مازال وهو يكتشف في نجود اشياء حلوه مخبيته عنه وعن الكل "
" تررن ترررن "
فواز: اووه هذي غزل
" ابتسم وصار يكلمها وغزل حسته مبسوط مع انها استغربت شلون ينبسط مع نجود "
فواز : تبين نجود
غزل: هاه لاا بسكر الحين
فواز: اووكي سلمي عليهم
غزل: يووصل عن اذنك
"نجود عرفت انها ماتبيها مو شي جديد بس سكتت "
.
.
.
" في بيت بو محمد "
" سهر ومنصور وقتها قاعدين يكلمون ابوهم وامهم وسلطان "
سهر: تصورووون لي كل شي ولا بزعل
سلطان: خلااص قلت لك صورت لك كل شي
سهر: ايي مو كفايه ماحضرت
سلطان: ان شاء الله بجي وبحظر تخرجك
سهر: اووه سلطان انت بترجع مع امي
سلطان تلعثم : لا بعدهم بفتره
سهر بزعل: لييييييييه
سلطان : عشان عندي اجراءات مع الجامعه لازم اخلصها
سهر: وكم تاخذ تقريبا
سلطان توهق: مادري حبيبي بس ان شاء الله بلحق دونت ووري
سهر: طاايب
سلطان: شوفي سهوره سلمي عليهم بروح اغير ملابسي اوكي
سهر : اوكي باي
" وسكرت منه وهي مقهوره منه "
منصور لاحظها :" اللي يسمع بيحظر التخرج
سهر: اي يكفي انه يكون هنا
منصور: وانا ماني مالي عينك
سهر تناظره منصور صار طيب معها مرره وماحبت تجرحه : الاا والله بس ودي كلكم
منصور ابتسم: عن الدلع بس يخلص بيجي اصلا هو كارهه الحياه هناك
سهر ابتسمت : ياخي كيييفي المهم بروح لغزل اوكي
منصور بخباثه : ليييششش انا عاازمك على العشا انتي وبسمه اليوم
سهر تناظره بأستغراب : شعندك على بسمه هاليومين
منصور يبرء نفسه : هههه مو عشان سواد عيونكم هذا جزاي اهون عليكم وحده ابوها مسافر عنها والثانيه اختها الوحيده راحت عنها
سهر:اووووه منصوور حيااتي والله انت
منصور: شفتي شلون احس فيكم
سهر تضحك : فديتك والله اجل بكلم غزل وبقولها
" منصور بالعمد يبي يقهر غزل "
سهر: هلاا غزووله
غزل: هلا وينك
سهر: سووري حبيبتي منصور اخوي عازمنا على الشعا وماقدر اجي
غزل بقهر: احلفي انتي واياه فجأه صار حنوون
سهر تضحك : لا حرام عليك يقول حن علي عشان امي ميب فيه وعلى بسمه عشان اختها الوحيده راحت عنها
منصور يسمع ويبتسم
غزل بقهر: اها يعني انتي وبسمه بتروحون
سهر: اييه بتروحين معنا
غزل بقهر: لا صديقتي عازمتني بس انا اعتذرت بس الحين بطلع معها خلااص الحين مع السلامه
سهر: غزوله لاتزعلين
غزل بقهر: لاعادي
سهر: صدق
غزل: اي صدق يلا بابااااي
سهر: بااااي
" منصور عرف انها انقهرت "
سهر: منصور يصير نأجلها
منصور: براحتك بس مو كل يوم العييد
سهر ابتسمت: لالاخلالاص يلا بقووم
منصور: اي وكلمي بسمه اوكي
سهر: اووكي
" قامت سهر وكلمت بسمه ... ومنصووور مبتسم "
منصور" انا اووريك ياغزل اذا ما ادبتك ماكون منصوور "
.
.
.
|