" في الرياض من جديد "
لميس " معقووووووله مازن يحب مناااااار... صدمه ... لالا مستحيل .. بس وشلون وصورتها عنده .. ياربي اخذها .. لالا ياويليي بيذبحني "
" ورجعت كل شي محله وطلعت بسرعه وراحت غررفتها ورمت نفسها علىى السرير وصارت تتذكر اشياء وتحاول تربط "
لميس " وانا افكر يسويه من حسن نيه واثاريه الولد غارق.. يمه بغى ياكلني يوم قلت بناخذها لمساعد"
" وابتسمت "
لميس" ياحليييييييلك يامزوون ودي ادق على منار واقولها .. أي أي بقولها "
" وبدون تردد دقت عليها البنت ماعندها وقت "
"ومنار على طول ردت عليها "
لميس: هلووووو بيبي
منار تضحك : هلوووو لموسه
لميس: كييّفك
منار: منيحه والله ؟؟ وانتي
لميس بدلع : انا اوكيييه وانتي
منار: ام فاااين
لميس تصرخ : منوررررررر وحشتيييني
منار: ياحوبيلك والله وانتي بعد
لميس: والله بيتنا ملل كللللنا ملانين
منار: ياحبيلكم
لميس تلمح : حتى مازن يقول بيتنا زهق بدونها
منار: ياحليله سلميني عليه
لميس: ولايهمـــك ماطلبتي شي
" وقعدت تسولف معها وتلمح من هنا وهناك ومنور ماتدري عن شي "
.
.
.
" الســـاعه 11:30 "
" دخل البيت مستعجل ركض على غرفة اخته بعد مافقدها بالصاله .. ودق الباب عليها "
" سهررر سهر افتحي "
" سهر فتحت الباب بسرعه "
سهر تضربه: خير خير شعندك
منصور : ادخلي ادخلي
" دخل وسكر الباب وراهم وقفله "
سهر: شفيييك
منصور: اسمعيني زين اقعدي
" وقعدوا على السرير "
منصور: ابيك تكلمين غزل الحييين
سهر: وش تبي فيها انت ياخي ابعدد عن البنت
منصور: اسمعييي كلميها وسولفي معها عادي واببيك تقولين لها منصور قرر يخطب بسمه
سهر فتحت عيونها : وش دخلها هي البنت ماتيك شفيك
منصور يضربها على راسها: اقول اقول مالك شغل دقي
سهر شالت جوالها بقوه : اتمنى الحيين تفشلك
منصور: دقي لا العن شكلك
سهر: الله بلاني استغفر الله " ودقت "
" وشوي "
سهر: الووو هلا غزوله
غزل: هلااا بتس
سهر: شخبارك؟
غزل: الحمدالله والله ماعلي
سهر: شتسوووين؟
"منصور يبي يسحب الجوال يحطه على السبيكر وسهر تسحبه يعني لا حتى غلبها وحطته "
غزل: قاعده ارتب غرفتي حووسه قد ماتتوقعين ؟؟ وانتي
سهر: انا توني كنت قاعده اسولف من منصور اخوي
غزل بلقافه: شفيييك
تسقق منصور
سهر: ابد يلمح يبي يخطب بسمه
غزل شهقت : ايششششش
سهر: شفيك
منصور تشقق حده
غزل: هااه حرام بسمه
سهر: وش فيه اخووي
غزل: مافيه شي .. بس يلا عن اذنك انا شوي مشغوله اوكي ؟
منصور يأشر لها يعني سكري سكري
سهر: تيك كير " وسكرت "
سهر فتحت عيونها: شفيك وين وصلت له
منصور: قولي لبنت عمك خليها تعيش احلى ايامها مع ولد عمها مشاري اللي مايدري عنها اصلا
سهر: منصور وش السالفه
منصور وقف وهو مرتاح : No need تعرفين
" وطلع عنها وتركها بحيرتها "
سهر" شسالفتهم يالله مره معقدين .. خلني اكمل كتابة الايميل وبعدين اتفرغ لهم والله ينخاف منه "
" ومنصور طلع وراح غرفته ورمى نفسه على السرير"
منصور" هههههههههه ياحليلك اجل عرفتي تلعبينها .. صدق انها ملعوونه ..ااااه اهم شي ضمنت ولا 80 % من انه مشاري مايدري عنها وانها قصه خرافيه .. اكييد هي تبي تسوي كذا عشان اغير وهذي الحركاات اللللله .. ياحلو الشعووور .. طيب ليه تعاندني .. خلني ادق عليها العب فيها شوي "
" وقعد على حيله ورفع السماعه ودق وماردت عليه الا بعد فتره "
منصور: السلام عليكم
غزل: وعليكم السلام
منصور: انا منصوور
غزل فتحت عيونها : خير ان شاء الله بغيت شي
منصور : لا بس حبيت اقولك شي
غزل ماعطته مجال: صدق قليل ادب ماخذ ر قمي ويدق بعد صدق قواة عين
منصور: ليه مشاري احسن مني؟
غزل تذكرت اللي سوته : ايه ايه احسن منك زين عندك شي اففف
منصور ضحك : هههههههه اعصابك بس حبيت اقولك 1\0
غزل طلعت صوت يعني ياكرهي لك "وسكرت"
منصور يضحك " هذي من الحرة اني باخذ بسمه ههههههههه ياحليلك ياغزل .. مشكلتك ان يخونك التعبيير بس بس "
" وبس منصور عرف ان قصة مشاري وغزل خرااافه من خرافاتها .. بس اللي انقهر انها لسا مصره ... وبعدين استسلم حتى لو ماتحبه اهم شي ماتحب مشاري وهذا الاهــــــــــم "
.
.
.
" في بيت بو نايف "
" كانت بسمه في المرسم حقها وترسم واختها قاعده جنبها وساكته وملانه "
نجود بعد ماطفشت: مدري وين بتوصلك هذي الرسمات
بسمه ماردت
نجود : ترى كلها اوراق وبكرا تترمى ترى
بسمه لفت عليها : من قالك
نجود: اوراق تراها تتأكل مع الزمن لو انك بتحطينها في معرض وتبيعين وتشترين يمكن الناس تناظرها ولا حاطتهم وصافتهم وتناظرينهم لحالك
بسمه : هذي اشياء خصوصيه ماحب احد يتطلع عليها او ياخذها مني
نجود بأستهزاء: اما الخصوصيه .. خصوصيه في ايش ياحظي "وجت تبي تشيل الفرشاه عنها " اقول اقول شيلي هالخرابيط من يدك
بسمه تنهدت وبسرعه سحبت يدها: يالله نجوود شفيييك بغيتي شي " وصلحت شعرها"
نجود: اقعدي معي وش يقعدني لحالي بكرا بعرس وبتقعدين لحالك
بسمه بانفعال : عندك زوج قومي كلميه .. اذلفي عن وجهي
نجود استغربت من اختها : بسمه وش صاير فيك ... ليه متغيره
بسمه اخترعت ماتبي هذا الشي يصير: انا
نجود بأستغراب: أي انتي
بسمه تأثرت وقامت تركض بسرعه وتصارخ: مافيني شي مافيني شي
نجود وقفت وهي مصدومه من اختها " وش صاير فيها " وراحت تركض ورااها
" بسمه طلعت بسرعه وراحت لغرفتها وقفلت الباب تبكي على سريرها "
بسمه " ليش ليششش ياربي ............ معقوله بدوا يحسون اللي حولي اني تغيرت .. ياربي وبسببك يامحمد .. يامحمد وش تبي فيني ومن وين طلعت لي ياااااااربيه.. ليه حالي مو حال البنات .... تستاهلين العيال كلهم قدامك ورايحه للي معرس .. اكره نفسي اكرهاااااااا .... ياربي لازم انعزل عنهم مابي اشوفه يمكن يتلاشى هالحب فاشل .. "
نجود: بسممممه بسمممه افتحي البااااب
بسمه :..........
نجود: بقول لامي انك تبكين
بسمه : مافيني شي مافيني شي
نجود: انا اورييييييك يلا افتحي
بسمه : خليييني بحالي
نجود: طااااايب
" وراحت عنها وهي متعجبه من حال اختها "
" وبسمه حبست نفسها بالغرفه اليوم ولا طلعت "
.
.
.
" بعد يومين "
" في الـرياض "
" في البيت الكبير ماكان فيه غير الجده ووصايف وخالتها وامها واخوها مشاري واخوالها الاثنين ... وبعد فتره وصلت ام ياسر مع بدر .. كانوا على اتفاق مع بعض انهم يجون اليوم ..
وصايف بالبدايه كانت قاعده معهم وبس وصل بدر وامه قامتت داخل "
وصايف" افففف وش هالهم ذولا ماعندهم حد اقعد معه غير هالبزران اللي يهايطون في البيت صعدوا لها راسها وهي مالها خلق بزاره "
" شوي وجا حد ونط من وراها عشان يمر قامت هي ضربته "
وصايف: عبيييد وووجع ضاق المكان هاه
" وهو طنشها وقعد يضحك عليها "
عبدالله : انتي انتي مش حلوه هاهاهااهع
وصايف تلوي برطمها: من زينك محمود ياسين
عبدالله جنونه وحد يقوله هالكلمه وعبادي مشكلته يشد بالكلام على الحروف ومخارج حروفه عطلانه يعني يدمج حرف فجأه مع الكلمه : انتشي مس مش حلوه
وصايف: ياشينك مع كشتك انقلع هناك اففففف
" ورفعت الجوال ودقت على امها واول ماردت امها"
وصايف: يمه ليكون انا جايه عشان اقعد مع البزران حوموا كبدي
ام فيصل تضحك: شسوي يايمه تعالي جنبنا
وصايف: تستهبلين تبين جدي ياكلني ترى بتركهم وبطلع
ام فيصل: وين بتروحين بالله
وصايف بقهر : أي محل بس ماني قاعده هنا صدعوا راسي
ام فيصل: لاحووول
وصايف بدلع: مالي دخل ماما طفشت
" وعلى طول تذكرت انه عندها بنت تعرفها هنا وهي لميس بنت خاله غزل وان رقم لميس عندها "
وصايف تصرخ: خلاص خلاص يمه يلا باي
ام فيصل: بسم الله يلا
" وسكرت من هنا ودقت على لميس من هناك "
" لميس وقتها سرحانه بأبتسامه على وجهها واول ماشافت اسم وصايف استغربت وش مطريها عليها "
لميٍس: مررررحبا وش صاير بالدنيا
وصايف ضحكت وتغطي: ياحييييييهم
لميس ضحكت : الله يحيك ويبقيييك شخبارك ؟
وصايف: والله انا مو كويسه
لميس: افا لييييه
وصايف: لاني بالرياض
لميس صرخت: احلللللللللفي
وصايف: والله
لميس: وينك فيه الحييين
وصايف: بيت جدي
لميس: اهااااا مو وناسه هناك ومين معك
وصايف: لا ابدن من جا ولد عمي ذا وانا مرميه بالصاله مع عيال خالي الله يخسسهم ولاحد معي خواتي كلهم بالخبر
لميس تضحك : طيب تبين امرك ونطلع
وصايف: ايييييي تكفييين
لميس: اوكي بقول لامي وبجي
وصايف: هيوووووو خلاص يلا انتظرك ياحبيلك لو ادري داقه عليك من بدري
لميس ضحكت : احم يلايلا ثواني
وصايف تشققت: يلا
" وسكروا وحدها وصايف متشققه قامت وقامت وتبي تصلح شكلها وشافت بطريقها مرت خالها ياكرهها لها"
وصايف بمجامله : هلا سماهر
سماهر: هلا وصايف ياحياالله من جات تو مانورت الرياض من زمان عنكم ولا كنا عندكم اهل هنا
وصايف ياكرهي لها حشا بالعه شريط وبمجامله كمان : والله هنا بس خبرك الدنيا " وضحكت على كلمتها اللي ماتدري شلون جت "
سماهر: أي والله الدنيا مشاغل اجل وين خواتك
وصايف في خاطرها اخلصي : بس انا جييت عليهم مدارس
سماهر: وانتي
وصايف ياللللللله ابي القف منها : انا على السمستر الجاي ان شاء الله
سماهر: اجل على وين انتي رايحه
وصايف تبتسم يعني اخلصي: الحين بتمرني بنت وبطلع منها
سماهر: وش دعوى ماشبعنا منكم وانتوا طايرين
وصايف تنصب: بس كنك جايه بدري وانا البنت مواعدتها من الخبر اني اذا جيت بشوفها فرصه سعيده اني شفتك من جديد وعن اذنك " قبل لاتسأل سؤال ثاني قالت لها كل شي مره وحده "
سماهر بصوت واطي : ياهي مغروره
وصايف وهي رايحه واحد جاي بيمر قدامها بهباله : وخر انت الثاني " وطلعت برا "
" راحت عند المغاسل اللي برا بالحوش بترتب خشتها وبالمره تنتظر لميس ترد عليها.. طلعت وحطت شنطتها على المغسله وغسلت وجهها تسوي لوجهها رفريش من تعب الطريق والازعااج وشهقت تذكرت انها ماقالت لامها انها بتطلع جففت وجهها ورفعت الموبايل وتكت على المغسله ودقت على امها "
ام فيصل: السلام عليكم
وصايف: هلا يمه اسمعي
ام فيصل : هممم
وصايف: لميس الحين بتمر علي وبنطلع مع بعض اوكي
ام فيصل: مين لميس
وصايف : يمممه لميس بنت خالة غزل شفيييك
ام فيصل نست : اوووه وين بتروحون
وصايف: ياحليلك يايمه وش عندهم هنا غير هالمولات بنشوف لنا واحد وبنتعشى وبنجي
ام فيصل: بتزعل جدتك جايه تتمشين ولا جايه لها
وصايف: يمه كلكم قاعدين معها ومعكم عيال وانا وش يحشرني
ام فيصل: كيفك كيفك بس مو تطوليين
وصايف: لاافا عليك لاتخاافين
ام فيصل: وسلمي عليها وعلى امها
وصايف مستمعه : ان شااااااء الله ولايهمك يلا بابااااي
"ام فيصل ماعندها وقت سكرت على طول مثل امي لووووول "
" ورجعت تبي تحط شي خفيف على وجهها الي مبين مريض .. وبس خلصت ودخلت اغراضها تبي تمشي رفعت تلقي نظره اخيره على شكلها العام وتشوف في المرايه واحد واقف وراها بخرف لفت ورا ... واللي وراها كان ساكت ويناظرها بنظرات استغربت وش يبي منها يناظرها كذا ليكون شكلها مو عاجبه ووش يدخله اصلا .. المهم النظرات الغريبه الموجهه لها استمترت فتره وبعدها مشى عنها وهي كلمت ترتيب اغراضها بسرعه "
وصايف" ايش ابيييي يمون الاخ شكله مغلط خخخخخ يلا عاد وش لي فيه انا "
" وبعد دقايق عطتها لميس دقه وطلعت لها "
" اول ماركبت "
لميس: ياحيالله من جانا تومانورت الرياض والسياره
وصايف تضحك : الله يحيك منوره فيك
لميس ابتسمت : عبدالقادر المملكه موول
ولفت عليها : وشخبااارك وشخبار البنات
وصايف: والله كلهم بخير زمان ماتجمعنا ولاشفناهم
لميس: ياحليلكم والله اشتقت لكم .. طفشت من بعد ماراحت منار
وصايف ضحكت : احسن مالك الا العذاااب
" وقعدوا يسولفون حتى وصلوا "
.
.
.
" محمد حموووووووودي "
" في بيت بومحمد في قسم محمد ونجوى كانت نجوى قاعده بالصاله ومحمد رايح يغسل وجهه "
محمد ويمسح وجهه بالمنشفه بعشوائيه : نعم نعم
نجوى انبسطت على شكله وبدلع : وين رحت فيه
محمد قعد جنبها بقوه : وين بروح هذاني عندك
نجوى تتدلع : ولهت عليك
محمد يضحك : يااااي حتى انا ولهت عليج
نجوى ضحكت
محمد يتسهزء: قالبه كويتيه الاخت
نجوى تضربه بخفه : مالك شغل
محمد: طايب مالي شغل حتى انتي مالك شغل فيني
" ورفع الريمونت وقعد يفرفر "
محمد: وين سلوومي
نجوى: مع منصوور عمه
محمد: وين راحوا
نجوى: مدري غزل كلمتني تبيه واخذه منصور بيطلعه بعدين يوديه لهم
محمد: يعني انا ماشووفه
نجوى تناظره : مشكلتك مو مشكلتي
محمد لف عليه وقرب منها: شتبين مني شتبين
نجوى ضحكت وغمزت: مابي شي كيفي
محمد: لا موبيكيفك لحالك كييفك هو كيفي
نجوى بنظرة غرور: لاتطيح على وجهك من كثر الغرور
محمد ضحك وقرب لها اكثر: مو شغلك اطيح ولاماطيح
نجوى صرخت فيه : وشو انت مو شغلي مو بكيفي اجل على شغل وكيف من
محمد يضحك ويأشر على نفسه : انا " وبنظره قويه تفهم مغزاها " عندك مانع
نجوى ضحكت واستحت وقامت: لاماعندي مانع
محمد يضحك ويجلس باسترخاء: أي كنت احسب بعد
نجوى لفت عليه: وااااااه تقهر
محمد: ياربيييه
نجوى ناظرته نظره ومشت عنه
محمد يوقفها: الاماقلتي لي وين بتروحين
نجوى: الغرفه
محمد: شتسوين
نجوى: بنام
محمد: اها ولحالك
نجوى بقوه: ايه
محمد: لا عاد هذي بقوووه مو بكيفك
"نجوى ضحكت وسرعت عنه وهو لحقها "
.
.
.
" فــي غرفة غــزل "
" كانت غزل قاعده بغرفتها من امس وهي متوتره عرفت انها اخطت خطأ كبير كونها شككت منصور الحقير فيها ... هي شافت حركات منصور من قبل بس يعني عادي يسوي أي شي فيها عشان يكسب اللعبه .. ومايخاف منصور من احد ولايهمه من احد.. مثل ابوه لمن يسوي شي مايهمه حد ونفس الشي اخوه سلطان ماتركوا شي من بعض "
غزل " حسبي الله عليك يامنصور مدري م وين طلعت لي انت .. ولا بعقلك انا احب او افكر بواحد مغزلجي مثلك .. ووووع هذا اللي كان ناقص بعد .. بس الحين وش اسوي عرف انها كذبه وغلبني فيها .. قال واحد صفر انا اوريه صدق مايتحس العن شكله انا بنت عمه ويسوي فيني كذا اجل وش مسوين ببنات الناس مساكييين والله .. اصلا الغلط عليهم من يعطي منصور وجهه ..المهم الحين ايش اسوي .. المشكله مابي اشوف خشته اصلاااا .. افف بس يخسسي الا هو يغلبني .. " " وشهقت " " اتخيييل يجي يخطبني وااااااااع يمه ماتخيل عشان يصير عشره صفر.. لازم انفره مني اكثر قبل لايغلبني صدق ويخطبني .. ياربيييه ... شسوي زين انا ماعندي شي اسويه.. كنت ماخذه مشاري
عامل مساعد والحيييين .. افففف .. بس هييين وين بتروح يامنصوور .."
"طق طق طق"
غزل: ادخلي
" دخلت منار وبعضها مو على بعضها"
غزل قعدت على حيلها : شفيييييك
منار: مافيني شي
غزل: شوفي وجهك شلون منقلب
منار: لا بس ماكلت شي اليوم عشان كذا
غزل: شووور
منار: ايه
غزل صرخت: زين قومي كلي
منار اخترعت : مع وجهك باكل بس مالي نفس الحين المهم دريتي
غزل: وشو
منار: فواز يفكر يقدم موعد الزواج
غزل: احلفي متى يعني
منار: يقول يبيها على السمستر الثاني
غزل: احلفي حرااام البنت اكيد ماجهزت
منار: يقول بيتفاهم معها يقول وش له يطولون هالفتره طول هالفتره تشتري ملابس حتى لو ماعندها اللي تلبسه ومن هالحكي
غزل: بالكثير تتهيأ نقسيا الا اذا هي وافقت شي ثاني
منار: المشكله حنا
غزل: وش فينا
منار: ماحس لي مزاج زواج وحوسه
غزل: لاعاادي وش بنسوي حنا
منار: مادري المهم قومي ننزل
غزل: وين نروح
منار: تو منصور دق يقوول بيجيب سلمان على اساس انتي تبينه
غزل ابتسمت : أي صح انا قلت لنجوى " وبسؤال " ومنصور اللي بيجيبه
منار: أي " وقامت " قومي تحت عازلتلي نفسك
غزل: أي شوي وبلحقك
غزل" هاهااااي اجل منصوور بيجي .. يالله حيييهم تو مانور بيتنا "
" ونطت من الكرسي ووقفت على المرايا وصلحت نفسها ونزلت وشافت فواز مع منار وش الطاري فواز وش مقعده هنا افففف "
غزل: يالله حييييهم
فواز ابتسم لها : الله يحيك ويبقيك
غزل: وش الطاري مستنر هنا بالصاله
فواز: ليه فيها شي اخت غزل ؟
غزل بأستغراب: لامافيها شي بس انت ياطالع يا ماسك لك هاالتليفوون وفي الغرفه ولاتلومني اذا استغربت انك هنا
فواز بأبتسامه : وهذاني اليوم عندك شي
غزل ابتسمت : انا ماقلت شي والله هذي حلاتك لازم تتعود بكرا بتتزوج والبنات مايحبون العيال اللي كل طالعين وجاحدينهم
منار تضحك : تكفين اذا بيطلع بيشاورك ولا بيشاور حرمته أي طيييب
فواز يناظرهم: شفيكم علي انتو الثنتييين
غزل تضحك : لالا ولاشي بس مبسوطين بشووفتك
غزل وتصفق وتعلي صوتها لانه بدا يسرح شوي : وكييييف نجووود معك
فواز ارتاع شوي العن شكلك : بسم الله زينه زينه
منار وغزل يضحكون
منار: امداك تسرح فيها
غزل تغمز: هاه رحت لها وديت لها شي ماشياات
فواز يسخر على نفسه اذا انا من اخذتها ماكلمتها الا مره: شتبيين انتي خاشه عرض
غزل تضحك : بس عشان اساعدك لان انا عندي خلفيات بهذي السوالف
فواز يبي يغير الموضوع وخزها : من وين
غزل فطست ضحك: لايروح فكرك بعييد بس كثيرمن صديقاتي متزوجات فا انا اكتسب خبره منهم
فواز قام فتح عيونه فيها هي ضحكت الا والجرس يدق
غزل قامت: هذا لوولي جااي بروح اجييبه
فواز ناظرها ولف على منار اللي على طول ضحكت
منار: انا مالي دخل
فواز ابتسم لها
" عند غزل طلعت برا وهي تقول لحظه لحظه .. وراحت وفتحت الباب من ورا وانتظرت سلمان يدخل وسلمان مادخل"
غزل: سلمااان لوولي
محد رد عليها
غزل وينهم
قامت وطلت وشهقت على طول وشافت سلمان يضحك مع منصور
غزل : سخييف
ما امداه منصور يناظرها زين الا على طول ركضت داخل
ومنصور بسرعه دخل يوم حس فيها وهي تركض يبي يلمحها الاخ وشاف قفاها
منصور يضحك " ياناسي انا عليها هالخبله "
منصور نزل لعند سلومي ويقلدها: لووولي اسمع روح حق خالو غزل زين
سلمان يهز راسه يعني أي
منصور: وعطها بوسه قول ها مني ومن عمو منصور
سلمان ضحك
منصور يضحك وضربه: خلك ماتسويها ماراح اوديك السوبر ماركت
سلمان: طيب طيب بث
منصور: لاببس ولا شي بسألها تراني وياويلك
منصور ضحك : طاااااايب
منصور يضحك : يلا روح
" ووقف وناظر منصور سلمان يوم دخل سكر الباب وراه وهو يضحك يبي يشوف ردة فعلها "
" سلمان دخل وشافهم قاعدين وراح لخاله فواز اللي حياه وباسه وقعد بحضنه "
فواز: شخبااااارك " ويبوسه ويقرص خدوده "
منار: لووولي تعال عندي
فواز : لااه خليه شوي ماشبعت منه زمان ماشفته
" شوي وقام سلمان من عند فواز وراح لعند غزل ومنار تطالعه وهو يضحك بشقاوه"
"قام ونط عليها وباسها بقووه"
سلمان ويحط يدينه حول فمه : خالو هاذي من عمو منسووور
غزل فتحت عيونها وهو ضحك وبعدين هي ضحكت
غزل: قم انقلع قليل الادب بقول لخالو
سلمان ضحك : عااادي مث انا
غزل ضحكت
غزل" الله يلعنه هالمنصور بيخرب عقل ولد اختي بصايعته "
فواز: غزل تعالي شوي معي
منار: ياسلالالالام
فواز يناظرها بروقان: بس شووي موضوع خاص
منار بدلع: مالي شغل
غزل راحت جنب اخوها: اقول كولي تبن الله يلعن هاللقافه
وجت بتلف وشافت فواز بوجهها يناظرها قامت ضحكت
منار ضحكت
فواز: لسان وصخ مدري من وين لها" ويجرها من راسها" امشي
.
.
في الرياض
في سياره بدر
" بدر طلع من عندهم متوجه لمكان ماتواعد مع مازن وربعه "
بدر " يالله ماتخيل الحين هذي وصايف ماغيرها .. كل يوم لها شكلها.. بس نظراتها مشببه عليها وحده شايفها انا بس مادري اذا هي نفسها وصايف ولالا .. بس ماشاء الله عليها جذابه اخ عليها.. تعال انا وين رحت ليكون بديت اخورها.. شلون نسيت سهر اللي تنتظرني.. ياويلي لو عرفت اني فكرت بوحده غيرها هههههههه ياحبيلها وحشتني يانااااس "
.
.
.
وبنفس المكان
" في سياره لميس "
وصايف : وع وع وش عندهم الشباب هنا مجتمعيين اول مره يشوفون مطعم
لميس تضحك : عن الغلط هاه
وصايف تضحك : صدق هممج
لميس: ياسلام وتتمصخر بعد
وصايف تضحك: بالله شلون ننزل انا اخاف من عيالكم
لميس: اقول انزلي بس
وصايف: بنزل من بابك
لميس ضحكت
وصايف: مقيوله مافي
لميس خزتها
وصايف ضحكت: امزح امشي بس
" واول مانزلوا الشباب وقفوا يناظرونهم وبعضهم لا .. ووصايف صلحت حجابها زيين ومشت مع لميس بخط واحد ودخلوا المطعم "
وصايف: وع الله يحوم كبدهم
لميس: قسم بالله انك حفله
" المهم راحوا وجلسوا على طاوله لشخصين وقعدوا يسولفون وجت المقبلاات وكذا ويسولفون عن اشياء متفرقه "
لميس: شوي بروح الحمام " وانتم بكرامه "
وصايف: اوووكي
" لميس راحت واخذت حول 3 دقايق وهي راجعه كانت منزله راسها تضبط عبايتها واول ماضبطتها لفت انتباهها صوت اللي يضحكوون ارفعت راسها وشافت واحد مع وحده قاعدين "
" لميس خففت سرعتها من لقافتها تبي تشوف ذولا وش يقربون لبعض .. بس من شافت مصاله البنت وهي غاسله يدها ولفت على اللد تبي تشوف من قراده حظها ذي...... اول ماشافته نو وااااااي وع الخسيييييس .. وحاولت تسوي حركته تلفت انتباهه يعني شوفني عشان نفسها ترميه بنظره "
" قربت وسوت نفسهها صقعت بكرسي البنت اللي معه .. وهو شافها وقعد يناظرها وطول وهو يناظرها "
لميس: اوبس سوري " ورمته بنظره ومشت "
" هو استغرب ليش هذي تناظره كذا .. معقوله مبينه قعدتنا .. وهي وش دخلهـ ـ ـ اووووووووووووه ليكون هاذي ماغيرها قريبة منار نو وااااااب "
" ولف بقوه مكان ماهي قاعده وكان كرسيها بالوجهه اول مايلف .. بس هي مارفعت نظرها له مره ثانيه عشان وصايف"
سلطان " يالله ذي وش تبي فييييييييني لاحوووول "
لميس" صدق حقير ونذل "
" ووقتها بدل يوصل الطلبات شي فشيء "
.
.
.
|