في نفس الوقت ..
في بيت بو محمد
دخل البيت وكان مستعجل .. وعلى طول عالدرج حتى ما انتبه ان في احد بالصاله ..
..:: منصووور .
ويلف ناحية الصوت : حي الله من جانا .. تو مانور البيت .. خالتي ام فواز عندنا ياهلا ياهلا .
ام فواز : الله يحيك ياوليدي.
منصور : شخبارك خالتي ؟
ام فواز : بخير والله وانت شخبارك ؟
منصور بعد ماشاف اللي مع خالته : ياخالتي تعبااااااااان .. ماتشوفيني رجعت البيت .
غزل بينها وبين نفسها " دوووم يارب "
منصور " كأنه فهم اللي بقلبها " وكمل يقهرها : راجع عشان اخذ جوالي نسيت اصبح اليوم على حبيبتي .
ام محمد فتحت عيونها : منصووووووور وش تقول انت
منصور يلطف الجو : اسووولف يمه تصدقين انتي بعد .
ام محمد : السوالف اللي كذا مانبيها
منصور : افا يمه ماتبيني اتزوج
ام محمد : هذي الساعه المباركه .
منصور : ههههههههه يلا يمه بروح فوق .
" وهو رايح الدرج .. كان بعيد عنهم صح لكن قلبه هناك .. حس انه قبه يعوره .. ماتخيل في يوم انه ياخذ غير غزل .. وفكر انه يسوي شي في باله لكن مايدري وين المكان المناسب .. ومالقى غير انه يدق على سهر وتخليه يشوفها لحالها .. قال مافي الا كذا .. دق عليها .. ( الووو ...... سهر .. لاحد يعرف انه انا منصور .. سهر لاتجنني قلت لك مابي احد يعرف وخلاص .. اسمعي .. ابي اشوف غزل .. مفهوووم .. وشووو ليه ... ابيها وخلاص .. ماعندي كلام ثاني .. انتظرها في الصاله الفوقانيه .... باااااااي )"
" ومن ناحية سهر .. ماهي عارفه كيف تتصرف .. وكيف تقنع غزل انه تجي معها فوق وخصوصا انها شافت منصور رايح فوق.. شي طبيعي ماراح تروح فوق .. واحترررت معها ومعه .. وش اللي تخطط له يامنصور .. ياررررررربي .. "
" وبعدين راحت سهر لعنده فوق ودخلت له الغرفه "
سهر : منصوووور وش ناوي عليه .
منصور اللي قام من سريره : وينها غزل جبتيها .
سهر : لا طبعا .. صاحي انت .
منصور بعصبيه : سهر ماتفهمين قلت لك جيبي غزل .
سهر : ليييييييييه طيب وش تبي تسوي ابي اعرف وش ناوي عليه .
منصور وعاقد حواجبه من العصبيه: يااااااااربي منك قلت لك ابي اتفاهم معها كل شي له حد وانا تعبت من هالمهزله اللي صايره قدامي .
سهر : منصور وش مهزلته ما مهزلته البنت ايش سوت لك حبت غيرك عادي شوف لك غيرها .
منصور : اكيد بشوف غيرها والا تبيني اوقف على الاطلال بس قبل ما اشوف غيرها ابيها تندم انتي فاهمه .
سهر : منصور حرام عليك .. وماراح انادي غزل .
منصور وكل غضب الدنيا تجمع فيه : ســـــــــــــــــــــــــــــــهر لاتحرقين قلبي اكثر من ماهو محترق .. ابي اشوفها لو دقيقه انهي كل شي .
سهر مرتبكه : لـــكــ ـــن
منصور يهدي شوي : لا لكن ولاغيره نادي البنت وماراح اضرها لاتخافين تراي ولد عمها ياسهر
سهر : بس كيف ماراح تجي وانت فوق .
منصور بعد تفكير: انا اقولك كيف .. شوفي انا راح اطلع الحين وبرجع بعد دقيقتين بنسى جوالي او مفاتيح السياره اي شي وانتي وهي تجون فوق .. وخليها بالصاله لحالها وانا بطلع فوق اوكي
سهر بتردد : همممم اوكي.
" وبنفس الوقت كرهة انها عرفة العلاقة اللي بينهم لو كانت على عماها احسن لها لانها قاعدع تحس بتأنيب ضمييير "
" وطلع هو من البيت وهي ماودها تكسر بخاطر اخوها وماودي يصير بين غزل ومنصور اي خلاف .. وبعدين راح تنادي على غزل "
سهر تنادي بصوت عالي : غــــــــــــزل غــــــــــــــزل .
يصولها صوت غزل من تحت : نــــــــــــــــعم وش فيك تصارخين .
سهر : تعالي نجلس فوووق ملينا من سوالف الحريم
غزل وهي رايحه لفوق : ايه وانتي الصادقه .
" وراحت غزل فوق و اول ماوصلت فوق جلست على الكرسي وسهر شغلت لهم التلفزيون "
غزل :تصدقين زين جينا فوق بعد
سهر : ايه والله على الاقل ناخذ راحتنا بالسوالف
غزل : تصدقين دقيت على نجوى وسكرت بوجهي .
سهر: احللللللللفي يوووووووووه ليتني فيه ابي اضحك
غزل : اضحكي على خشتك
سهر : ههههههههههههه طيب ياحلوه بروح اجيب لنا عصير وكيك تبين شي ثاني
غزل وهي تفرفر يالقنوات وترد بدون ماتعلف على سهر : نو ثانكس.
" وراحت سهر تحت ودقت على منصور "
.
.
بعد فتره دخل منصور البيت
ام محمد : وش فيك يمه منصور .
منصور : لا بس نسيت مفاتيحي فوق عن اذنكم
ام فواز : اذنك معك
" راح منصور فوق وسمع صوتها منطربه وتغني
حبيبي إنت احساسي
ونبض القلب وانفاسي
ولو صار الزمن قـاسي
عشان عيونك اتصبّــر
غرامك كل يوم يزود
ولا يعرف مدى وحدود
عيوني في هواك شهود
يارب مايوم نتغيّـر
منصور ارتفع ضغطه وبعد خاشه جو بالاغنيه اه يالقهر ااااااااااااااااااااه .. ومسك جواله ودق على اللي في باله "
ومنصور وهو بطريقه في الدرج : هلااااااا والله .. وش الاخبار ياخوي ؟ ههههههههه جهز نفسك بمرك اليوم ههههههههه لا عاد مشاري وش تقول انت " وحاول انه يعلي نبرة صوته "
" وغزل من سمعته حطت حجابها على راسها وصلحت من جلستها وحست انها خايفه وماتدري ليه وخصوصا ان سهر في المطبخ ومنصور يوم شافها سوا نفسه مستغرب . وعطاها نظره بمعنى الوعد قريب ياغزل "
منصور وهو مانزل عينه من عليها بنظرته الحاده : يلا اجل يا مشاري الحين انا بجي لك
" سكر مشاري الخط " لكن منصور استغل هالوقت وقال مشاااااري لحظه غزل تسلم عليك سلام كثير . الله يسلمك ماتبي اوص لها شي ثاني .
" واصلا مشاري كان مو معه عالخط بس هو حب يقهرها "
" غزل خافت شلون يقول لمشاري كذا ومشاري مايدري عن أي شي اصلا يافضحيتها ماحد بيفضحها غيرها"
غزل بقوه: صدق انك حقيييييييير
منصور يحاول يستفزها : بس مو احقر منك يـــا انسه غزل
غزل : انت ايش تبي بالضبط
منصور :تقدرين تقولين بعد ماغلبتيني باللعبه بصير لك مرسال غرام تراي احب الخير ههههههههههههههههه " ويوم شاف سهر جات وعشان يقهرها اكثر كمل " يلا بروح اجيب مفاتيح السياره عشان ما ابي اتأخر على مشاري وحياك يابنت العم " وغمز لها وراح عنها "
.
حست غزل ان كل نار الدنيا تغلي بقلبها كانت تبيه يعرف انها تكلم مشاري بس حست ان وراه شي وخافت انه يقول لمشاري وتفضح نفسها وحقدت على منصور من قلب وكل ماتقول ان كل شي انتهى تحسه يبدا من جديد كل ماتشوف عيون منصور حست بشي غريب فعيونه ماعرفت تفسره كيف او شلون تفسره .."
سهر ماكنت تبي غزل تعرف انها ورا هذا اللقاء : خذي لك عصير والا لازم عزيمه بعد
غزل اللي كانت سرحانه : هــــــــاه .. ايه كنت ابي عزيمه
سهر : احلفي زين
غزل تبي تخفي اللي بقلبها : لا والله بس شكلي غيرت رايي ما ابي عصير
سهر : عاد انا تعبانه عليه ومسويته حتى الفاكهه انا اللي قصيتها ماخليت وحده من الخدم تسويه
غزل بغمزه : شكلك ناويه تتزوجين لو فواز ما اخذ نجود كان خذتك له
سهر بمزح : خلااااص اجل عطوني طليل
غزل : طليل بعد اسمه طلااااااااااال
سهر : ادلع زوجي وش فيك انتي
" غزل ضحكت عليها وكانت تسولف وتحاول انها تنسى منصور وسوالفه "
.
.
.
الجزء الحادي عشر
الفصل الاول
"كل الوفا شفته على ذاك الرصيف ذاك المسا
وكل الجفا شفته على نفس الرصيف ذا المسا "
" بعد ملكة نجود وعبير .. عاشت العايله حالة ركود لاتستحق الذكر .. قلت المواقف وقلت فيها القاءات بين العوايل .. البنات بعد مابدوا دراسه التهوا وصار لقائهم في الجامعه وبالصدفه .. وغير هذا تكنسلت جمعه يوم الاربعاء لهذا الاسبوع لان العمان راحوا للرياض بسبب جدهم مرضت عليهم .. البنات ماقدروا يروحون وبعض الامهات ع اساس المدارس اتفقوا انهم يروحون الويك اند اللي بعده .. "
" وهذا الوضع كان له اثر على حياة فواز كمان .. فواز من اخذ نجود ماكلمها ولا مره .. ماكان يعرف ليه .. بس اللي طلع معه بالنهايه مايعرف وش يقول او عن ايش يسولف .. عشان كذا يبغى يصير حدث مهم على الاقل ياخذ ومعها .. كان يعرف ان نجود مو وجهه سوالف خطيبين هذي يالله تقول لها السلام عليكم "
" نجود على انها مو مهتمه له وعلى مكالمة لها .. الا انها تحس بنقص .. ماتحس حالها حال البنات المخطوبات .. كم كانت تتمنى انها تعيش هذي اللحظات .. الا انها احلامها كلها تحطمت من بعد فواز .. حتى هي كانت ماهي عارفه ايش تقول لمن تكلمه .. وبنفس الوقت ماتبي تحس بيوم انها خاضعه لفواز .. وغير كذا تبي تحسسه انه مايهمها وانها هي اللي تغلبه مو هو.. وهذا الشي كان سبب بأنه يمنع اتصالاتهم .."
" بس اللي كانوا متفقين فيه انهم ثنينهم مبينيين للأهل انهم عايشين حالهم حال أي خطيبيين "
.
.
.
" في الــــــريـــــــاض "
" كانت لميس توها صاحيه من النوم وكانت تحس بملل الدنيا من بعد منار.. ماتشوف احد في البيت غير امها وناادر .. امها كثيرة الطلعات واخوها الكبير رسمي وماقد عطاها وجهه ومازن حاله متغيز عليها "
" طلعت من غرفتها وراحت لعند غرفة مازن على الاقل تكسر الملل اللي تحس فيه .. دقت الباب وبعد ثواني رد عليها لان عارف مافي غيرها .. فتحت الباب وتكت عليه "
لميس وتلعب بالكاسه اللي بيدها: مزووون
مازن كان قاعد على سريره وفارش خرابيط على السرير يوم جاته رفع راسه : لبيه
لميس ابتسمت : لبى قلبك " وتدلع " مازن انا طفشانه..!!
مازن : بعد منار
لميس تهز راسها : ايييي
مازن بسرعه : حتى انا " وبعد مانتبه " يعني يوم كانت هنا كان البيت فيه حركة بس الحين هاجد
لميس بدون مبالاة على مازن : أي والله وحشتني الدبا
مازن: شوفي موفي أي شي
لميٍس: صايره اطفش من كل شي
مازن : تبين اطلعك
لميس: توني متغديه اليوم مع صديقاتي مالي خلق اطلع .. اطلع وين اروووح شبعانه مولات
مازن احتار ماعرف ايسش يسوي: شسووي زين
لميس: مادري مادري انت شتسوي " وجت بتقرب "
مازن وقف : لالالا هذي اشياء خاصه
لميس فتحت عيونها: اووما
مازن: تعالي تعالي نطلع برا
لميس استغربت وطلعت معه وهو ماسكها من يدها
" بعد ماطلعوا"
مازن: امي وين راحت؟
لمييس: عندها حد غير ام عبدالله اللي كنها زوجها مو جاره
مازن ضحك
" وقعدوا بالصاله اللي فوق "
لميس بقهر : ليت عندي اخت
مازن يبتسم : ولايهمك بخلي امي تجيب لك
لميس: وش ابي فيها بتصير صغيره بعرس وهي مابعد تفهم
مازن ضحك : ابو الثقه بعرس بعد
لميس استحت : اقصد يعني صغيره بتصير
مازن: يعني ايش تبين اصنع لك اخت كبيره
لميس ضحكت على الفكره الغبيه
مازن : الا تعالي ليش قاصه شعرك
لميس تضحك : مبس مو حلو " وتلمس فيه "
مازن يلمس شعرها : الاا بس صغييير
لميس: ماحب الشعر الطويل يقهرني
مازن: غريبه...!
لميس : يعني مو حلو
مازن يبتسم : الا كيوووت والله طالعه عليك
لميس ابتسمت ابتسامه كبيره
لميس: بسألك سؤال؟
"مازن ناظرها يعني اسألي"
لميس: ابوي وش عنده على السفرات
مازن بأستغراب : وش هالسؤال بعد شغل
لميس: أي ادري بس غريبه يعني ماعنده مؤتمرات ولا اجتماعات واذا عنده هو يقول لنا بس غريبه
مازن: يمكن مالقى وقت يقول لنا
لميس: أي يمكن
لميس فجأه : اااه ليت مازن يعرس ويجيب لي وحده توسع صدري
مازن يبتسم بأستهزاء: مساعد ماظن
لميس: ليه؟
مازن: لسا مابعد يفكر بهذي المواضيع
لميس: والله قهر ووناسه لو ياخذ منار الللللللله بدخل الفكره برااسه
مازن فتح عيونه : ايشششششششش
لميس استغربت : ليه ؟
مازن ارتبك : حرام عليك يالميس ماتلوق شخصيه منار على مساعد ..ابد مايركبون
لميس بعفويه : اجل لك انت
مازن اااااه يالييت : منار مافيها شي بس انا توني على الزواج قدامي مسااعد وبعدين انا افكر
لميس: يالله قهرر
مازن: أي بس منار ماتصلح لمساعد
لميس: أي صح بس انا اقترح
مازن بداخله ياشين اقتراحاتك: زين اعطيك اقتراح احلى من اقتراحاتك
لميس: ايوا
مازن: خل نروح بيت جدتي اهل الشرقيه جايين هنا
لميس: أي والله فكرره قدام
مازن : يلا قومي البسي
" وقاموا يلبسون عشان يروحون لجدتهم "
.
.
.
" من جهة ثانيه وبنفس المنطقه "
فيصل : احلى احلى شعوور وربي يامسااااعد والله حنا حارمين نفسنا والله انصحك يامساعد بالزواج
مساعد يبتسم من جنب: الحمدالله اهم شي انت سعييد
فيصل: أي والله وبالذات انا احسد نفسي على اللي اخذتها .. وربي مافي اطيب منها وعلى نياتها يامسااعد .. ماتتوقع قد ايش
مساعد بس قاعد يستمع
فيصل : ياحياتي استغنيت عن الاارم وخليتها الاارم حقي
مساعد ضحك : حرام عليك
فيصل: أيش احلى من انك تصبح على صوت مثل العصافير
مساعد يضحك : ياحليلك ارحمها
فيصل: حرام عليك والله ماسوي فيها شي
مساعد: أي ابد المهم متى بتجي الرياض
فيصل: مدري والله يقولون الويك اند الجاااي
مساعد: وانت وش عليك
فيصل يضحك : شلون اجي واترك خطيبتي هنا ماترضى
مساعد يضحك : لايكثر وتعال
فيصل: لالا بجي الويك اند الجاي
مساعد: الله يخسك مافي اعند منك
فيصل يغمز من هناك: وش على بالك حبيبي ترى العناد حلو في الاشياء الثانيه
مساعد مافهم بس ضحك : اجل دامك ماراح تجي خلني اسكر الحين
فيصل: شعندك
مساعد : خلاص خلص دوامي بضبط اموري وبطلع
فيصل: اها اوكي اجل يلا فمان الله
مساعد: في حفظه ..
" وسكروا"
مساعد " زوجه توسع صدرك وتسمع كلامك وتريحك .. لقيتها يافيصل.. ياحظك والله وربي يسعدك.. ربي يرزقني بوحده مثل اللي عندك .."
.
.
.
" في بيت بو فيصل "
" لامن تطورات في هذا البيت غير فيصل اللي عايش عالمه ومشاري عالمه .. وصايف : فاتها التسجيل بالجامعه واصلا هذا اللي تبيه وقررت تسجل ع السمستر الجاي وهي قايله من قبل تبي تاخذ راحه وعاشت باقي الايام طلعات مع صديقاتها.. وجنى هذي هي تبي تشد حيلها بس مسكينه مايطلع .. واديم : ملانه حياتها بكتومها .. ماتحس في حياتها أي اكشن أي مواقف أي اشياء مثل مايسوون البنات او يقولون .. ماتحب الطلعات كثيره .. وتحب تعيش الجو الهادي .. وهذا اللي تكرهه في نفسها تبي تصير مثل باقي البنات حياتها مليانه بالمواقف والقصص "
" في هذا الوقت كانت وصايف قاعده بتشوف موفي توها طايحه عليه و جنى نايمه واديم توها تنزل"
وصايف بس حست بأديم : ادييييم تعالي لايفووووتك
اديم: وشو
وصايف: فيلم على كيف كيييفك
اديم تضحك : أي على شو تايم سيريس وعلى كيف كيفي اقول غيري
وصايف تضحك : والله شكله حماااس
اديم: أي طييب
وصايف تلف عليها : شفيك لو صار ماصار بغيير
اديم تضحك : بنشووف
" بعد مرور حول اربع او خمس دقايق "
وصايف ضحكت
واديم صرخت : غيري غيري
وصايف تضحك وتغير: العن شكلك وش منزلك انتي
اديم فتحت عيونها: يالملعونه
وصايف: عادي تراي شايفته من قبل وعلى الطبيعه
اديم ضحكت : اقولك جربي رجعيه وبقول لامي
وصايف تغير وبنفس الوقت تبي ترجع : ااوووووه وش منزلك انتي ياهي لقافه
اديم : بقول لامي
وصايف: يمممه خفت
اديم فتحت عيونها ووصايف لفت وجهها وجلست تفرفر وملت مافيه شي جذبها ورجعته
اديم: وصايف؟
وصايف: بشوف بس متى يعيدونه
اديم ضحكت
وصايف: يلا اديم بنشوف واذا صار شي بنغير زين
اديم ضحكت وسكتت
ووصايف تشققت
"وقعدوا يشوفون الفيلم وشوي"
وصايف: انا بروح مع امي بكرا مع مشاري للرياض
اديم: من جدك
وصايف: أي ماعندي شي
اديم: بتفضين البيت علي
وصايف: معك جنى
اديم : جنى مامنها فايده نت نوم ودراسه ماشوفها وانتي مو هنا صدق ماني شايفتها
وصايف تضحك : عاد حظا اوفر
اديم : بس كويس تغيرون جو على جدي وجدتي
وصايف: أي والله وبقعنها تجي تسكن هنا .. ويقولون بعد بيشوفون جده منار وغزل هاذيك
اديم: اهااا ياحليلهم
وصايف: أي والله
اديم تشهق : ماتدرين من كلمني؟
وصايف: مين
اديم: رغد
وصايف تشهق: احللللفي ياحليلها والله شخبارها
اديم: تمامو وتسلم عليكم كلكم
وصايف: فجأأه
اديم تضحك : أي استغربت من اتصالها بس هي من اخر جيه وتتصل
وصايف: ياحليلها تطور والله
اديم : أي من جد
وصايف: اديم ممكن اسألك سؤال
اديم: أأأأأها
وصايف: ممممممم مانتي متحسفه على فواز
اديم تفاجئت : اانا
وصايف: أي
اديم: لا مادري
وصايف: عليناا
اديم: هاه لاعادي نجود ماني احسن نجود بشي
وصايف:الاااا
اديم: حرام عليك
وصايف: انتي احلى منها وارقى منها واعقل منها
اديم: وصاااااايف حرام عليك تراها ميب شينه واذا على الادب تراها بنت عمي عبدالرحمن
وصايف: بس هي غير شكل
اديم: اجل ليه تنافقين
وصايف: انا ما انافق والله بس يعني فرق بينك وبينها وخصوصا فواز ماشاء الله عليه رزه ومملووووح
اديم: خلاص الله يهنيها فيه وانا حظا اوفر لي
وصايف: لو انا منك اتحسف واعظ اصابع الندم ..! وبعدين انتي بحياتك حد
اديم ارتجفت لانها ماتخيلت نفسها: لالالا ابدن
وصايف ضحكت : ههههههه اسم الله عليك ترى ماقلت شي وبعدين مافيها شي
اديم: بس انا مابي اتعلق بحد واخذ حد ثاني
وصايف: اهااااا
اديم بتردد : انتي؟
وصايف: انا لا مالي مزاج حق هالسوالف وهذي السوالف ماحبها
اديم: اجل ليه تسألين
وصايف تشق الضحكه : تقدرين تقولين لقافه لان مافي حد ماعنده بحياته شخص يحبه غيري واللي من طقتي
اديم ضحكت
وصايف فجأأه : والله حسافته علييك فتييييه " يعني رحتي علييييه "
اديم : فجأأه وترى انا اللي ابي مو هو
وصايف: لو اخذتيه كنتم جبتوا عيال انما ايييييييه
اديم ضحكت : اقوول ترى الولد تزوج
وصايف: ايييييه والله تزوج الله يوفقه اسكتي بس خليني اشووف
"وصايف رجعت تشوف واديم سرحت "
اديم " يارب ترزقني بواحد مثله مابي اقل منه .. من جد راح علي .. بس وين بلقى كلهم تينيجرر "
.
.
.
"الســــاعه 8:00 المغرب "
" في هذا الوقت كان فواز رايح للشباب المجمع على حسب اتفاقهم وبالطريق كان يفكر بنجوود يبي يعرف لو كلمها الحين وش بتكون ردة فعلها .. بلاخير شاف انه سأل نفسه هالسؤال كثير وهالمره ماراح يتراجع بيكلمها واللي فيها فيه "
" في هذا الوقت كانت نجود توها صاحيه من النوم اليوم مداومه وتوها تصحى وكانت ناويه تنزل تحت بس دقه التليفون وقفتها ..راحت تجيب الجوال واول ماشافت الرقم انه مو مسجل رقع قلبها ماتدري ليه حسته فواز "
" ثواني وردت وعلى طول جلست على التليفون "
نجود بهدووء : الوو
فواز حس ببروده بجسمه من صوتها الهادي اول مره يسمعها مروقه : السلام عليكم
نجود بسرعه : وعليكم السلام فواز
فواز ابتسم لانها عرفته : ايه فواز
نجود صار قلبها يرقع وماهي عارفه شتقول
فواز كنه قاعد يحس فيها : كيفك نجود ؟
نجود:انا الحمدالله
" وسكتوا لثانيه "
فواز : انا الحمدالله
نجود في خاطرها سخييف بس يلا ماتبي تخرب مزاجها : سوري نسيت بس توني صاحيه من النوم
فواز استغرب هالرقه الغريبه عليها : سوري صحيتك
نجود بسرعه : لالا بس اقصد ان ماصار لي خمس دقايق من صحيت وشوي فاهيه
فواز ابتسم لابجد شكلها من جد مرووقه : طيب وش ناويه تسوين الحين
نجود تلعب ببجامتها ومنزله راسها : انا مادري بس بشوف وين بسووم فيه وبقعد معها ماعندي شي محدد
فواز : اهاا واانا بعد الحين معزوم مع الشباب على القهوه ورايح لهم
نجود سو وات : اهااا
فواز: خلاص اجل اخليك اانا
نجود: اوكي .. مع السلامه
فواز بل ماصدقت : فحفظه
" وسكروا "
فواز" حشااا ماصدقت على الله بس زيين دامها رايقه ولا عطت كم كلمه تسم البدن هذا اهم شي "
" وبعدها ابتسم ونزل "
نجود " الله وش هالطيبه اللي نازله شوف مين جنبه وقاعد يمثل يالله وش اسمييه هممممم فواز ويخب عليييه .. والله ناس تسميه حبيبي خطيبي وماني عارف وانا فواز وحااف بعد اصلا لو يستاهل كان سجلته مجنوني بعد بس يخسي الا هو مو سلطان هو ..... اخس عليك ياسلطان طلعت خااين وحقيير تعرس من ورانا صدق انه مايحششم .. مسكين ياعمي لو دريت بسوايا ولدك اللي مبسوط عليه .. هع خل تنفعه اللي خذاها "
" وشوي ونزلت "
.
.
.
" في ستــار بكس الخبر "
بدر: طيب تأأكدت انت
منصور: مادورت الا بجوال العايله حقه ومالقييت شي
بدر: طيب دور بالثاني
منصور: شلوون ادور بالثاني وهو ملصقه بيده
بدر ضحك : مدري بس بنشوف طريقه
منصور طنش وجلس يشرب
بدر شهق : لقييييتها
منصور بنظره بمعنى وشو
بدر: نكلم مشاري الحين ونسولف معه ونجيبه يمين ويسار ونرسله مثلا يجيب شي مايقدر يشيله الا بيديين ونقوله اترك جوالك مين بيدق عليك
منصور صلح جلسته: اييييي ايييييي
بدر: يلا خلني اتصل عليه
" وبالفعل اتصل عليه ومشاري ماعنده وقت هايت بالشوراع ودامهم يبونه معهم بيجي "
منصور: لو مالقينا الرقم
بدر براحه : بكل بساااطه مشاري ولاشي بحياتهااا
منصور فتح عيونه : احلللللللف
بدر: ماله غير تفسير واحد وبعد بس خلني اتأأكد وانا اقولك شلوون تعرف اذا انت تعني شي بحياتها ولالا ؟؟
منصور: ادووخ انا يادكتور الحب
بدر يضحك : ههههههه الله يخسك يالطعسي دكتور الحب قال
منصور يضحك : والله هذي مأساءه رفيقك يعاني منها
بدر: ااااااه الكل يعاني
منصور: بس مو مثلي
بدر: أي والله
منصور يضربه : ليكوون تحب
بدر: لالالا انا ما احب ولا احب الحب اصلا
منصور: ماجربته بلاك
" وبدر بداخله يضحك "
بدر : أي ولا ابي اجربه
" وجلسوا ينتظرونه "
.
.
.
" الريــــــاض "
" في هذا الوقت رجعت لميس بيتهم واخوها مازن نزلها ومشى عنها .. وهي طلعت والبيت كان فاضي .. وطلعت فوق لغرفتها .. ووبس وصلت الدور العلوي وقفت وناظرت بباب اخوها ودايركت تذكرت سالفة ارتباك مازن اخوها .. حست بنشوه لقافه .."
لميس " ياربي مدري ادخل اشوف مزون وش مخبي ولالا .. ياربي اخا ف ادخل .. وش بيكون مثلا بس اكييد مو شي قوي .. وش بيكون مثلا .. ياربي بدخل و ماعلي .. يمه اخااف .. لالا يلا بدخل "
" وفتحت الباب وهي خايفه على اخوها وتركت الباب مفتووح .. وشافت الحوسه مثل ماهي.. وقربت من عندها وشافت الحوسه اوراق وشي كتب ومدري وشو رفعت ورقة بتقرا وجت بتقرا ارقام ومدري وشو كنها فاتوره تليفوون .. وجت بتنزلها وانصدمــــــــــــــت "
لميس " ايششششششش نو واااااااااااي "
.
.
.
" الشرقيه "
بدر: يالله حيييهم تومانور ستاربكس
مشاري يناظره : عن التزق
بدر ضحك : تفضل اقعد شفيك واقف
مشاري ضحك عليه وقعد
بدر: شخبارك وش مسوي زمان عنك
مشاري يبتسم له بمعنى شعندك : انا الحمدالله انت شعندك
بدر: والله ماعندي شي ارحب فيك فيها شي" ويناظر منصور "
منصور: لا ابد مافيها شي
بدر: وش تبون اطلب ؟
مشاري: انتم ما شربتوا شي
بدر بنصب : لاا ننتظرك
منصور اصلا شبعان بس يمشون على اساس ماقرروا : انا بس جيب لي كيك حلو ولا شي
بدر: وانت مشاري ؟
مشاري : انا موكاتشينو
بدر: ولايهمك " وقام "
مشاري: وانت شخبارك وش مسوي
منصور وهو ماله خلق مشاري: والله انا الحمدالله عايش
مشاري: الحمدالله
منصور: وين كنت فيه ؟
مشاري: ابد كنت احوس على الكورنيش
منصور : لحالك ؟
مشاري: مواعد واحد من الشباب على التسعه ونص وانا فاضي جلست افرفر
منصور: اهاا كلمنا مره ثانيه وش يقعدك لحالك
مشاري ابتسم : ولاااا يهمك
" شوي وجا بدر"
بدر لمشاري : انت بجيب الاوردو فلوس ودفعنا
ضحك مشاري: زين جايبيني يذلوني
بدر يضحك : شفت شلوون
" وقعدوا يسولفوون "
بدر: يلا قووم
مشاري: يمكن ماخلص
بدر: وش دعوى يصنعونه؟
مشاري ضحك : زين " وقام "
" بس مشاري كنه يدري قام وترك موبايلاته "
بدر غمز لمنصور وبسرعه سحب الجوال الثاني
بدر: بسرعه كم رقمها
منصور طلع جواله وقله الرقم بسرعه ودق عليه
بدر يناظر الجوال وبأستغراب : ماطلع لي شي "وسكر"
بدر: الرقم مو مسجل
منصور: احللللللللف
بدر رجع الجوال: انت شيكت بنفسك ذاك الجوال وانا شيكت ذا الجوال ولا طلع رقم معناتها تلعب علييك
منصور: وش اللي يثبت لنا
بدر: هممممم مافي غير نحاول نسحب منه
منصور: يلا علييك
" وبس وصل منصور وشربوا كم شربه من الكوفي ومنصور اكل لقمه من الكيك "
بدر: الا مشيييير
مشاري يناظره: هلا
بدر: اقوول صاير تسرح كثير هلايام ليكون عندك منا ولا منا " وجلس يغمز "
مشاري: امححححق انا وجهي وجه تغمزك
بدر ضحك : يعني شلوون تبي تثبت لنا انك ماتحب " ويغمز "
مشاري: عاد اقول عن التغمز
بدر ضحك : زين قوولي تراي مو ملقووف
مشاري: لا وقسم بالله
بدر: على كثر اللي مرقمهم ومشبكهم ماتحب وحده
مشاري: هذا اللي كان ناقص
بدر: معناتها تحب وحده من الفاملي حقنا هههههه
مشاري يضحك : ماحصل لي الشرف اعشق وحده بناتكم مالها امان
بدر ومنصور ضحكوا
مشاري: والله ماتظمن اهلك وش مخططين لك وش لي فيهم انا ماتفرق عندي أي وحده
بدر ومنصور بأرتياح : ااهااا أي صدق
" بدر لف وغمز لمنصووور "
" وقعدوا يسولفون وشوي حسوا يبون يطردون مشاري يبون يتفقون على اشياء ثانيه "
.
.
.
|