الساعه : 10 :30
" كان القمر بدر ذيك الليله .. اشعته الفضية تسللت لشباك غرفتة من الشباك .. استلقى على السرير اللي كان تحت الشباك مباشرة .. فقستمه قسمين .. ليله من ليالي الصيف .. حار مع تخللات نسمات هواء .. كان جالس على حافة سريره من الجهة المظلمه .. يناظر الجدار اللي قباله اللي ارتمى عليه ضوء القمر .. تنهد واستلقى على قفاه وغاص في سريره الكبير الفخم .. شلون تفكيره وصله الى هذي الحدود اللي مافكر بيوم من الايام يوصل لها .."
" طق طق طق "
" قام من سريره مخنووق وكنه طقت الباب فرج عليه "
"وقام ولبس ثوب النوم وفتح الباب مرورا بقسمه "
ياسر: بدر الله جابك
ابتسم له بدر ابتسامه حلوه : شفتني احس فييك
ياسر يبتسم : تفضل
"ودخلوا وقعدوا بقسم ياسر"
بدر: توقعتك نايم.؟
ياسر: حاولت انام ماقدرت.. المهم بغيتني بشي ؟
بدر: أي بغيت اكلمك بخصوص الماجستير نويت اكمله
ياسر فرح من قلبه : ازين ماخترت.. ووين نويت تكملها..
بدر: في امريكا
ياسر: حلوو والله.. الله يوفقك يابدر ..
بدر: أي بس حبيت اقولك وابيك ترتب لي كل شي لاهنت
ياسر: ابد ماطلبت شي
بدر: أي تكفى الحجوزات والسكن وكل شي لاني ابد مالي بهالسوالف
ياسر: اصلا كنت مسويه طلبتني ولا ماطلبت
" بدر بكلمة منصور هذي ذكرته بأبوه واول شي سواه قام وباس راس اخوه "
بدر: الله لايخلينا منك
ياسر ابتسم بعيون لماعه : ولامنكم .. وكويس بعد بالمره مع ولييد بخليكم بنفس الجامعه اللونج بيتش هو يدرس وانت تكمل دراستك.. منها تنتبه عليه وتونسه بالغربه.. ومايمديك ترجع الاهو ومعتمد على نفسه
بدر: وهذا اللي اقوله.. خلاص بقول لعماني انا بكرا
ياسر: أي خلاص ... بتفضوون علينا البيت
بدر يبتسم: شنسووي ومنها نعرف غلاكم عندنا
ياسر يضحك : عن هالحركات ..
"وسكتوا"
بدر: تعال كنك قلت لي الله جابك انت كنت ناوي تجيني
ياسر شبك يده ببعض : لاه مو كذا بس
بدر يناظره ينتظره يتكلم
بدر حس انه بيسحب الكلام من ياسر: بس وشو
ياسر: في موضوع كنت ابي اكلمك فيه بس مو عارف شلون ابدا
بدر يغمز: هاه بشر ليكون نويتها
ياسر ضحك : لالا مابعد
بدر يبتسم: اجل وشو ؟؟
ياسر: بدر.. انا قريب بكمل "............."
بدر: طيب طيب واللي بعده
ياسر يبتسم ابتسامه كبيره: بدر لاتربكني
بدر يضحك : تراي فاهم هالمقدمات .. اللي بعده
ياسر بعد ثواني : انا صراحه ماقولك حبيت وحده بس شفت كل البنات ويوم شفتها حسيت انها انسب وحده لي
بدر بدا قلبه يرقع : ايوا
ياسر: واانا افكر اخذها
بدر " خاف لاتكون سهر لان صارت مواقف لياسر معها وتوتر بدر "
بدر ابتسم مجامله : ومن هي سعيدة الحظ
ياسر طبعا ماراح يقول : لااه ماقدر اقول
بدر خاف اكثر : لييه
ياسر: اذا صار نصيب راح تعرفها
بدر قلبه رقع بقوه : طيب كم عمرها ؟
ياسر يفكر: والله مو متأكد ولا اعرفه بس هي تدرس بالجامعه
بدر: بناتنا تقريبا كلهم بالجامعه
ياسر ابتسم: صدق
بدر يضحك : ياشييخ
ياسر ضحك : مادري بس والله ماني عارف عمرها يمكن 20 مادري والله
بدر ارتاح جزئي لان سهر عمرها 23 وبتدخل 24 : طيب هي وحيده ولا عندها اخوان
ياسر: لالا عندها 3
بدر ارتاااااااااااح مع انه مانتبه ان قال اخوان مو خوات وياسر سمع كذا ورد عليه على قد سؤال.. وراح فكره لبيت عمه بو فيصل على طول "
بدر ابتسم ابتسامه كبيره : الله يوفقك وتكون من نصيبك
ياسر: بس خايف
بدر: تخاف من وشو
ياسر: البنت اكيد انها مدلعه و واكيد تبي واحد اكبر من بكم سنه بس انا كبير عنها حول خمس سنوات
بدر: لالا لاتخاف ترى العمر ماله دخل .. وصدقني اذا هي من نصيبك بتاخذها
ياسر: الله يسمع منك بس بنات العايله ينخاف منهم يبون واحد يدلعهم وانا مالي مزااج دلع
بدر يضحك : لالا اخذها ومشيها على الصراط المستقيم
ياسر ضحك
بدر: الله يسعدك ياياسر وتاخذها ان شاء الله
ياسر: الله يسمع منك
بدر يقوم : خلاص اانا استئذن ماعطلك عن نوومك
ياسر: الله معــك
"وطلع بدر منه "
بدر" اشوااااا طلع مايحبها ريحتني ياخووي الله يريحك "
ياسر ابتسم " واخيرا ياسهر بتكونين عندي الله يكتبك من نصيبي بس "
.
.
.
"عند طــلال "
طلال: بسسسك توالفييين انا جايلك عشان تمسكين التليفون وتتلفيين
شهد تضحك : اوكي نجووده بعدين ارجع ادق عليك
"وسكرت "
شهد: هاه شتبي
طلال: وش ابي الشرهه علي اللي جايك ميب عليك
شهد تضحك : سوري حبيبي مو قصدي
طلال: كلي تبن .. مين تكلمين
شهد : هذي نجوود صديقتي
طلال: من بنته
شهد تناظره : وش تبي فيها بعد..!
طلال: وش ابي فيها بشبك معها يعني اللي عندي يكفوون بس ابي اعرف من بنته
شهد: بنت ال "............"
طلال انصدم : بنت عبدالرحمن
شهد استغربت : ايه
طلال منقهر : ويالذكيه مافكرتي بيوم تربطين بيني وبينها
شهد فتحت فمها
طلال انقهر ان نجود تعرف هالاشكال وبنفس الوقت يقدر يستغلها
شهد: يعني تعرفها
طلال: ايه بنت عمي .. اياااني وايااك تعرف اني خويك ولا اعرفك اصلا
شهد اخترعت: طيب لاتاكلني
طلال: من متى تعرفينها ؟
شهد: من اول هي صديقتي؟
طلال رفع حاجبه : وهي تعرف خرابيطك
شهد: وش خرابيطي انت الثاني
طلال : عن ننصب عن بعض اخلصي تعرف خرابيطك
شهد : أي تعرف
طلال: و هي مثلك
شهد: بنت عمك وماتعرف عنها شي؟
طلال: أي ماعرف ويلا قولي
شهد: لا ماعندها هالخرابيط
طلال: افكر بعد
" شهد سكتت.. شلون صدق ماربطت بس انا اعرف طلال قبل لااعرف نجود ولافكرت بيوم اربط .. بعدين على بالي ان في عشرين منهم وش دراني يقربون لبعض .."
"وطلال قعد يفكر بحبيبة اخوه.. معقوله هي من طقة شهد .. يووه.. لاماتوقع..بنات عمي محترمات "
طلال: تعالي وش تعرفين عنها
شهد: وش تبي توصل له؟
طلال: ابي اعرف كل شي عن بنت عمي مو من حقي؟
شهد : مو من حقك اذا هي قالت لك؟
طلال: انتي شفيك صايره لعينه؟
شهد فتحت عيونها : انت اللي شصاير فييك؟
طلال: شهووده حبيبي قولي لي عنها أي شي
شهد: ليه تبي تعرف؟
طلال بعد تفكير: لان فيه شي بينها وبين اخووي كبيرر واكيد قالت لك ابي اعرف وشو بينهم ؟
شهد بصدمه: انت اخوووك فوااااااااز ؟؟
طلال فتح عيونه وتعرفين بعد فواز : ايه
شهد: ماتطيقه ولاتواطنه بعيشة الله كل شوي تعلنه توه كاسر جوالها
طلال فتح عيونه : ايشش؟؟
شهد: أي لاهي تطيقه ولاهو يطيقها؟
طلال هي هي اتحدى اذا مافي شي بينهم اكبر من الحب: ليه وش السبب؟
شهد ماعندها مانع تقول أي شي اصلا هي مثل الرويتر : مادري تقول طلع لها فجأه ودايم يهزئها وكسر جوالها ومادري بس اللي اعرفه انهم يكرهون بعض
طلال: اهاااا " وسرح"
طلال: شهوده
شهد: لبيه؟
طلال: لبى عيونك .. حبيبي لو قلت لك ابيك تعرفين كل شي بالضبط من نجود عن علاقتها بفواز.. تقدرين تعرفين لي ..
شهد: ليه انت مهتم
طلال: حبيبي بعدين هلاسئله صدقيني بكون ممنون لك وش قلتي حبيبي
شهد تبتسم وتغمز: كم لــي؟
طلال بغمزه : اللي تبين
شهد تضحك :اوكيي وش وراي انا اجل
" شوي قعدوا يسولفون واستئذن طلال بسرعه .. لانه اللي اعرفه مو شي هين .. كاسر جوالها ومتهاوش معها .. وشو بينهم لازم لازم اعرررف والله ماخليكم والله ماخليكم .. طيب حتى فواز قال يكرها اجل ليه جا وكان شايل هم معرفتي عن اللي بينهم يالله................ لازم لازم اعرف "
.
.
.
" وصــــــــل يوم الاربعاء"
"هذا اليوم هو عيد فيصــل وعبيــر .. والبنات كمان كلهم متحمسسسات لعبير وكلهم ودهم الملكة تكوون قبل المدااارس .."
" في هذا اليوم كانت العايله تتجمع بيت بو محمد .. بس ياسر لزم عليهم انها تكون في بيتهم .. وخصوصا انهم من توفى ابوهم ماحد تجمع هناك وياسر كان حاز بخاطره .. وخصوصا ان وصله خبر بيحكوون عن خطبة عبير وفيصل قرر يسوي العزيمة في بيتهم "
" تجمعت العوايل وكانوا البنات متكشخات .. وعبير كانت متكشخه حدها .. والبنات ذبحوها تعلييقات تندمت انها تصلحت "
عبير: بسسسسسسسس كلوا تبن كلكم
غزل تضحم : هههههههههههه تفكر بيشوفها
عبير عصبت والبنات يضحكون
وصايف: ويييه وين يشوفها مانبي اخونا يخترع من الحين لا لو يمكن لابسه زين قلنا بعد
" البنات ضحكوا "
عبير: اكرررررهكم كلكم
اديم: هييي حدكم عن مرت اخووي
عبير استحت : ياحبيلك بس
سهر: وع بدينا بشغل الحمااااه
عبير تضحك: مالكم شغل غيرانين .. لاني انخطبت وانتم لساتكم عوانس
" البنات ضحكوا وصارخوا "
سهر: مين مادح لها العرس ذي
عبير: ادري ادري بك غيرانه وبالذات انتي
سهر: وووووووع انا هذا اللي كان ناقص
جنى تقاطعهم : زين زين وين غدااااااكم امحق بيت نسايب لاطعينا بدون غدا
" البنات ضحكوا وعبير نجنت "
جنى تضحك
اديم تناظر : جنووو عيب
عبير: يجيني فيكم يوم قولوا اميييييين
البنات : بسم الله علينا
غزل: محد طاير ع الزواج كثرك توك متخرجه وعلى طول ماعندك وقت
سهر تضحك: خايف الزوج يروح عليها
" البنات كلهم يضحكون عليها وعبير حدها طرطعت ووجها صار احمر منهم "
سهر تقوم لها يوم حست فيها : هههههههه حبيبي عبوووره ماعليك منا نستهبل بس على قولتك غيرانين
عبير بدلع: كولي تبن ماحبك
سهر تضربها على راسها : مو بكيفك
عبير ضحكت
عبير تقوم : برووح اشووف الغدا لا تاكلونني الحيين " وقامت "
اديم لجنو: الله يفشلك
وصايف لجنى تقلد نغمة اديم: شفيك تفشلينا في مرت اخونا
البنات ضحكوا
منار تضحك : حزنتني حسيت بشعورها
غزل: يااي ياطيب انتااا
منار تضحك: انثبري بس
.
" المهم كانت السوالف بكل مكااان .. وبعدها حطوا الغدا وتغدوا .. وبعدها رجعوا يقيلوون .. "
فيصل بصوت واطي لابوه : احم يبه يلا تكلم
بو فيصل ابتسم : احم .. ياجماعة الخير.. ودي في هاليوم بما ان الكل مجتمع و مبسوط اني اتقدم رسمي واخطب اختك عبير ياياسر لولدي فيصل .
ياسر ابتسم : البنت بنتك ياعمي والشور شورك .. وعبير قبل ماتصير اختي هي بنتك ياعمي .
بو فيصل: انا وصلتني موافقتها بس الاصول اصول.. وياسعد عين فيصل يوم انه بياخذ بنتي عبير
بومحمد : عالبركه ياسر .. وعقبال مانفرح لزواجك .. ويوم السعد اللي اروح اخطب لك فيه
ياسر حب راسه عمه اللي يحسه مثل ابوه
" بعدها صاروا يباركون لفيصل بعد ماخلص كلام عن الخطبه "
فـواز : يبه لو سمحت بهذي الفرحه ودي تصير الفرحه فرحتين وتخطب لي بنت عمي بو نايف
عشريييييييييييييييييييييييين استفهااااااام فوق راس طلال وانواع الصدمات
والباقي :؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الجزء العاشر
الفصل الثاني
" المهم كانت السوالف بكل مكااان .. وبعدها حطوا الغدا وتغدوا .. وبعدها رجعوا يقيلوون .. "
فيصل بصوت واطي لابوه : احم يبه يلا تكلم
بو فيصل ابتسم : احم .. ياجماعة الخير.. ودي في هاليوم بما ان الكل مجتمع و مبسوط اني اتقدم رسمي واخطب اختك عبير ياياسر لولدي فيصل .
ياسر ابتسم : البنت بنتك ياعمي والشور شورك .. وعبير قبل ماتصير اختي هي بنتك ياعمي .
بو فيصل: انا وصلتني موافقتها بس الاصول اصول.. وياسعد عين فيصل يوم انه بياخذ بنتي عبير
بومحمد : عالبركه ياسر .. وعقبال مانفرح لزواجك .. ويوم السعد اللي اروح اخطب لك فيه
ياسر حب راسه عمه اللي يحسه مثل ابوه
" بعدها صاروا يباركون لفيصل بعد ماخلص كلام عن الخطبه "
فـواز : يبه لو سمحت بهذي الفرحه ودي تصير الفرحه فرحتين وتخطب لي بنت عمي بو نايف
عشريييييييييييييييييييييييين استفهااااااام فوق راس طلال وانواع الصدمات
والباقي :؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
" سكــــــــــوت تنازلي عمّ على المجلس .. "
" الكل التفت جهة فواز .. فواز قرا بعيونهم كل المعاني .. هم مستغربين او زعلانين او فرحانين او حتى عتبانين .. هو ماغلط او قال شي غلط .. ابد ماتوقع ردة فعلهم بتكون بهذي الطريقة "
"طلال هو الوحيد اللي تفكيره اخذه لبعيد .. فواز مايحب نجود يبغاها ليـــــه ؟؟ هو لازم يعرف السر بالموضوع ... عيونه كانت توحي بأنوااااااع الاستغراااب .. عطى اخوه اختيارين ياهو مايعرف يعبر عن شعوره يا انه هو صدق مايعرف يعبر عن شعوره وبالنهايه عرف انه صدق مايعرف يعبر عن شعوره "
" اما فــواز دار راسه من ردة فعلهم "
فواز يوجه سؤاله بعيونه لياسر : قلت شي غلط
ياسر ابتسم وبواقعيه وكسر صمت السكوت : لا يا فواز ماقلت شي غلط
فواز: يبه عمي انا قلت شي غلط
بو فيصل ساكت
بو فواز ساكت
بو محمد: لا يابوي ماقلت شي غلط بس هم مستغربين من خطوتك هذي على اساس انك ك..
فواز فهم وش يقصدون وقطع عمه : اسف عمي بقاطعك .. يبه عمي بو فيصل .. اعذروني اعتذار البنت مالها غير تفسير واحد وهو الرفض بطريقة مباشره .. وانا ياعمي تقدر تقول مستعجل على الزواج .. والبنت ان شاء الله ربي بيوفقها باللي احسن مني وبيعطيها على قد نيتها
"فواز بكلامه سكت الكل حاظرين "
"فيصل بغى يصرخ ويتكلم ويقول انه اديم تبيه بس تبي تكمل دراستها بلاول بس شي ربط لسانه "
فواز حس انهم ماقتنعوا بكلامه : عمي بوفيصل اعذرني علقت البنت فتره طويله بس النصيب ياعمي جا كذا .. والبنت لها كمان حرية الاختيار .. ومثل ماقلت لكم ابي اكمل ديني قبل لاانحرف .. وانا رغبان في بنت عمي بونايف .. بعذ اذنك يبه وبعد اذنك عمي بو فيصل وبعد اذنك عمي بو نايف والباقي على راسي
بو فيصل ابتسم: من حقـك ياولدي وانا ماني رافض وربي يسعدك وانت بتاخذ بنتي بنت اخوي بو نايف كنك ماخذ بنتي .. والله يسعدك يايبه باللي رغبت فيها .. ولاعاش من منعك عن اللي تبيه وعن الطريق اللي انت تشوفه خير لك.
فواز قام وباس راس عمه: اعذرني ياعمي
بو فيصل: على وشو اعذرك يايبه على انك كملت نص دينك .. يايبه انت بتروح لوحده من بناتي مانت بماخذ غريبه
فواز: تسلم ياعمي
"فواز لف وناظر بعيون اخوان اديم مشاري كان يسمع الحوار ومنزل عيونه .. وفيصل اول مالتقت عينه بعين فواز نطق "
فيصل: صدقني فواز لو بنزعل حنا بنزعل لو رحت لغريبه بس على قولت الوالد ماخذ الا وحده من بناتنا الله يسعدك .. وبعدين وش حلاتها من فرحة يوم اللي بنعرس انا وانت مع بعض.. بس خل الموافقه تجي من الكبار والبنت
فواز ابتسم ابتسامه كبير وناظر بعيون ابوه وعمانه
بو نايف: انا مالي كلام على فواز.. فواز ينشرى بفلوس الدنيا كلها والله ويافرحتي انا يابوك يوم بتاخذ وحده من بناتي بس ماحددت لي من تبي
فواز ابتسم : نجود ياعمي
بو نايف : حلالك يا يبه
وليد بحماس: هييييييي عمي مايصير تاخذون الموافقه الحين ونجيب المليك الحين ونملك عليهم ثنينهم
" ضحكوا الشباب عليه "
" فواز لو انا اضمن 1 % ان البنت موافقه كان مانتظرت ثانيه زايده "
فواز: أي والله مايصير
بو فواز ضحك : مادريت ان ولدي مستعجل كان فرحت فيه من يومها
فواز: لاخليتك يايبه هذا انت عرفت يلا
" ضحكوا العيال "
" الكل فرح لفيصل وفواز مابعد تكتمل فرحته ينتظرون الرد من البنت .. وهذا الشي اللي كان يحاتيه فواز وخايف منه ولو ينرد هالمره مايعرف وش يصير فيه "
"طلال .. بعد ماسمع العايله وهي تتفق على كل شي واخوه متحمس شال نفسه وطلع وراح بعيد ومسك التليفون على شهد ودق عليها "
طلال : هلا شهد
شهد : هلا
طلال: اسمعي .. ابيك الحين تقولين لي نجود تبي فواز ولالا
شهد: طلال قلت لك من اول هي ماتبيه ولاتحبه حسب ماقالت لي
طلال: طيب اسمعي الجماعه تتكلم وبياخذونها لاخوي كلميها خليها توافق عليه
شهد: طلاااال وش قاعد تقول لاتورطني معهاا
طلال بأنفعال : وش اورطك اقنعيها بكلامك المهم تاخذه دامها حتى لو ماتبيه .. فواز اخوي بيموت قهر لو انرفض مره ثانيه تسمعيييين .. حببيه فيه قولي لها بيحبك بعدين ومن هالكلام وخرطي عليها الحب يبدا كذا المهم تقنعيها فواز لو ينجرح مرتييين بيموووووت علي وبحملك الذنب ياشهد لو اسمع الرفض منها سامعه " وسكر "
"شهد من الجهة الثانيه دار راسها وش تقنع في نجود العنيده ياربي ياطلال وش وهقتني فيه يفكر المسأله سهله "
" طلال شال السماعه من جديد ودق على غزل "
طلال: غزل انزلي تحت واطلعي الحوش انا انتظرك
غزل: وش صاير؟
طلال: بتعرفين بس بسرعه انزلي مو وقتك ابد "وسكر "
" غزل من الجهة الثانيه شالت نفسها وشالت طرحتها وطلعت له ولمحته من بعييد واشر لها "
"غزل تمشي بهدوء وهو يناظرها ماله خلق برودها ويأشر لها يعني اسرعي"
غزل: شعندك
طلال: فواز اخوك خطب نجود
غزل انصـــــــــــدمت : أيــــــــــــش
"غزل ماستوعبت شلون ومن متى ؟ طيب واديييم ؟؟ "
طلال: عاد صار اللي صار
غزل: واديم طيب؟
طلال: على قولته يبي يعرس واديم رفضته أي من جد اديم ماتستاهله على بالها بينتظرها
غزل: طيب البنت تدري
طلال: عاد اخر همي درت ولا مادرت المهم
غزل: وشو بعد
طلال: نجود
غزل: وش فيها نجود
طلال: ابيك تقنيعها بفواز
غزل: خل ترفضه اصلا انا مو اصلاح معها
طلال يخزها ويمسك يدها : ياويلك ياغزل لو ينرفض فواز من جديد بيكون بسببك
" طلال قاعد ويحمل الناس ذنب مالهم دخل فيه لوووووووول "
غزل: من اللي اختار له نجود
طلال: هو اللي اختارها المهم صيري صلح معها أي شي بس فواز لاينرفض
غزل: بيكفي هو نجود عنيييده ترى اذا ماتبيه بكيفها هي الخسرانه
طلال بنفاذ صبر: غزل عشان اخووك افهمي عشان اخوووك
غزل: غريبه هالحب المفاجئ
طلال: وش قصدك
غزل: كل يوم طالع لي بهوشه مع فواز والي طلع لك هالحب
طلال: مالك دخل زين
غزل: انا مالي شغل يوم عيد الي ترفض فيه نجود فواز .. اديم تستاهله اكثر
طلال عصب وصارخ: غزل ووجع
غزل: شفيك انت البنت حرة تختار اللي تبيه ماحد يغصبها على شي هي ماتبيه
طلال يعرف عناد غزل وين يوصل وقرر يهدي شوي ويكذب عليها : غزل حرام عليك عشان اخوك فواز يحب نجود ويبيها.. هو اكيد ماحبها الا ويعرف طبعها .. خليه ياخذ اللي يبي ويحب ساعديه انتي اخته الكبيره حاولي تضغطين على عنادك عشان اخوك فواز ..
غزل انصدمت: فواز يحبها
طلال بخاطره استغفر الله : ايه ياغزل حرام عليك
غزل: الحين هم قرروا خلاص
طلال: بس باقي موافقتها
غزل: خلاص امري لله
طلال باسها : عفييه عليها اختي
غزل ضحكت : لجل عين تكرم مدينة
طلال: يلا وهالله هالله ماوصسك
غزل: دونت ووري.. طيب تعال دامك تضبط اخوك ورا ماتضبط اختك
طلال ضحط وضربها على الخفيف : اقول انقلعي
غزل ضحكت وراحت
" طلال بدا يحس تفكيره مشوش .. هو صحيح انه انصدم من طلب اخووه لنجوود اللي هي تكرهه وهو يدعي انه يكرهاا.. هو اكيد بينهم شي اكبر من كذا .. عشان كذا فواز طلبها .. وفواز لو مايحبها ماكان تهور بطلبه .. بس شكله حب من طرف واحد .. انا مايهمني شي اهم شي ان فواز ياخذ اللي يبيه ولا ينرفض من جديد من بنات العم ال.... المغارير المشكله مدري على ايش اخ يقهروون "
.
.
.
|