" بعد مرور كم يوم زياده بقى يوم واحد ويغادر فواز واهله مع عيال خاله"
" طلعوا البنات من بدري وراحوا يفطرون مع بعض مادام مابقى شي بيرجعون لازم يستغلون كل لحظه .."
غزل: مزاجي مقفل اليوم و حده واصل معي
سهر: افا ليه
غزل: بكرا بنسافر ومالي مزاج احط بقى اغراضي مو هاين علي
سهر تضحك: يلا كلها ايام ولاحقينكم
غزل: بس مابي بقعد معكم
سهر تضحك: حظا اوفرر عاد
لميس: اجل انا مو فارقه معي بس والله انبسطت معكم بس احس الشوق له حده
نجود: حق الحر والغبره
لميس: حلاتها والله
نجود: لايكثر بس
لمبس ضحكت
غزل: خلونا لانروح بعيد اليوم بس نبي تنتمشى هنا
سهر: على راحتكم ماعندي مانع
غزل: أي والله اريح لنا واصلا فواز قال لانروح بعييد بس انا ابي اروح هارودز ابي اخذ هدايا لصديقاتي
لميس: لا انا ابي اروح الهارفي نيكلز
بسمه: وانا بعد ابي اروح الهارفي
عبير: خلاص ننقسم
وصايف: اناا ابي اقعد بالشقه ماعندي حاجه بالثنين
جنى: ليه خل نروح
وصايف: شبعت من الهاارودز ومابي اروح الهارفي
جنى: بقعد معك اجل
وصايف: أي والله اريح لنا نروح الميني ماركت ونجيب حلاويات وناكل "وتغمز" حماس هاه
جنى تضحك لان الاكل هو اللي يجيب راسها : يسوو
نجود: احسن مانبي بزران
وصايف تناظرها: اقووول بس
نجود ابتسمت ابتسامتها الخاصه فيها
" انقسموا البنات قسمين بس بعدين اتفقوا انهم يبون الهارفي نيكلز مايبون يروحون الهارودز شبعوا منه قررت غزل تروح مع سهر وبعدين يلحقونهم وحنى ووصايف مثل ماتفقوا قرووا يروحون الشقه "
.
.
.
" عند الشباب"
فيصل: والله حتى انا ودي ارجع معك
مساعد: قدام
فيصل: مو بكيفي خواتي بيقومون علي وبيني وبينك "يغمز" اكحل عيوني هالكم يوم فيها بكرا بنحرم منها
مساعد يبتسم : انت اول ماترجع اخطبها رسمي
فيصل: حتى لو خطبتها وملكنا ماراح تصير كل يوم بوجهي واذا بلتقي فيها بلقاها مغطيه
مساعد يبتسم : احسن لها والله
فيصل: أي بعدي والله فيها
مساعد يبتسم : بس مو كنها صغيره؟
فيصل: لا هي صارت 20 وين صغيره
مساعد: تعرف بناتنا مايحبون يعرسون بهالوقت بس تدري دامها وافقت معناها تحبك وتبيك
فيصل حس انه بيطير: لاتخليني اطير الحين تراي يلا متحمل
مساعد يضحك هو يبي يشعلله : بس هي تنفهم كذا الحين اختي كم عمرها ولاتبي تعرس ولاشي يوم خطبها ولد خالتي سعود قومت الدنيا وقعدتها وبنت الخال معها تزيدها مايبون يعرسون الحيين
وهذا هي اختك اولهم
فيصل حس بيطير : أي والله فديتها يعني تحبببني
مساعد يغمز: تسوي نفسك ماتدري
فيصل يضحك : لابس اذا حد قالي يعني واضح انا مو قادر اتحمل زين انها وافقت ولا لو كان ردها مرد اختي كان انجنييت
مساعد يضحك : اقوول الثقل زين
فيصل: يلا مناااك
مساعد: اليوم انا عندك وماسكك بكرا لا رحت وش بتسووي
فيصل يضحك : بتنقع عند اللوبي ماني متعدي
مساعد يضحك وضربه على بطنه
فيصل يضحك وفجأه اختفت الضحكه: مسااعد هذي هي
مساعد استغرب: من هي
فيصل: اللي صار لي موقف معها يوم تغزني في بطني بالامبريلا حقتها
مساعد: الحمدالله والشكر وش فيها ..؟؟
فيصل عوره قلبه : والله مادري يومها ماكانت كذا بس مادري الحين كذا
مساعد: شكلها عرفت بس ليه خبت وجهها ..؟؟
فيصل: مادري والله تحزن
مساعد : من جد الحمد الله والشكر
" فيصل ومساعد التقوا في البنت اللي سبق لها موقف مع فيصل بس كان شكلها غير كانت ملزقه عينها اليسرى واول ماشافت فيصل خبت نفسها وكملت طريقها بسرعه .. تعجبوا من حالها بعدين تركوها "
.
.
.
" يازيييين شحاذينهم "
طلال: هههههههه انا اشهد
مازن: والله شوف غير شكل قايل اشكالهم ولا بالله عليك شوف شحاذين اهل الرياض ولا بجده اففففف ماودك تعطيها فلوس ودك تنزل تصفقها تخرش عليك الشباب عند الاشاره وانت مسرح
طلال ووليد: هههههههههه من جدد
مازن: يلا قطوا اللي عندكم بنشوف كم بتطول رقصتها
طلال حط لها فلوس ومازن وهم وليد
" مازن كان يتكلم عن شحاذه تشحت بطريقه مختلفه تماما عن شحاذيننا .. هي بنت شكلها ناااعم تلبس فستاان ويومها كانت لابسه فستان احمر وتمسك تفاحه بيدها وتصير موقفه طووول الوقت على شكل صنم واذا حطيت لها فلووس ترقص لك باليه على خفييف وتنزل عيونها تشوف كم حطيت وترقص لك على قد ماحطيت الواحد يستانس ويحط من غير شعور لوووول .. عاد عيالنا ماصدقوا على الله حطوا وهم مغضمين ... وهذي الشحاذه بعد ماترقص توقف على نفس حركتها واذا حط لها حد ثاني فلوس تبدا ترقص من جديد وهذا حالها طوول اليوم وتجمع لها كم فلس وعلى هالحال "
وليد: ليه ماتبتسم زين
طلال يضحك: ههههههههه احلف كفايه ترقص لك مع وجهك
مازن: هذي حتى ماتستحي واقفين نناظرها
وليد يضحك: تصدق بروح اوقف بوجهها وبحط عيوني بعيونها بشوف ترمش ولالا
مازن وطلال : ههههههه
طلال: ههههه لا الله يخسسك لا تفضحنا اممشش
مازن: يازينها
طلال: هههههه تعالوا في احلى امشوا
وليد: خووش شحاتيم انا اشهد انك تشتهي تحط لهم
مازن يضحك لانه عايش الوضع
" وبس هذا كان من جهة وليد وطلال ومازن "
.
.
.
"وينكم فيــه ؟؟"
سهر: انا في الهارودز
منصور: شتسووين؟
سهر: بنت عمي "ماقالت غزل " تبي تشتري لصديقاتها هدايا وجيت معها
منصور: منهي؟
سهر تلعثمت : غزل
منصور: ااهاا والباقي وينهم فيه
سهر: راحوا الهارفي نيكلز
منصور: ثواني وجايكم
سهر: ليه
منصور: بعدين تعرفين يلا باااي "وسكر"
" سهر خافت وش فيه منصوور وش يجيبه ياربي ليتني ماقلت غزل اوووووف "
غزل: شفيك تفكرين
سهر: مافيني شي
غزل: وش اخذ لندى؟
سهر: خذي لها أي شي كذا كيووت دباديب كريستالات أي شي
غزل: تعالي معي ندور
" بعد خمس عشر دقايق دق جوال سهر ورقع قلب سهر معه "
سهر: نعم..!
منصور: وينكم فيه..؟
سهر بعدت عن غزل: منصور قلي وش تبي بالضبط
منصور يتنهد وبصوت واطي : ابي اكلم غزل
سهر شهقت : انت انجنييييت
منصور يسوي يكسر الخاطر : سهر انا ماصدقت على الله الفرصه تجييني تقوم تضيعينها على اخوك
سهر: بس انا قلت لك عن حالة البنت
منصور: طيب ابي اتأكد بنفسي
سهر تضرب برجلها على الارض: منصور بتذبحني لو عرفت اني قلت لك
منصور: من قال اني بقولها انك قلتي لي بسوي اني عرفت من مشاري بس غزل اقصد سهر لاتجنننيني
سهر حزنت على اخوها وهي اللي تفكره نسى من جد وغير كذا قام يغلط بأسمها وبنفس الوقت خافت اخوها يتعذب لمن غزل تقولها بوجهه: لالا منصور ماقدر
منصور رص سنونه : سهر الهارودز بلفه عشرين مره وبلقاكم زين لاتخليني اعصب عليك
سهر: منصور مو هاين علي تقولها بوجهك تفهم..!!
منصور بخاطره ياحبيلك يا اختي : حبيبي والله صدقيني لمن تقولها بوجهي برتاح وبتركها بكيفها وبحريتها بلييف مي belive me
سهر: منصور
منصور: سهر عشان خاطر اخووك
سهر: حنا عند بوبي براون محل للميك اب
منصور: مع اني ماعرفه بس بسأل بس تعالي عندي شي ثاني
سهر: وشو بعد
منصور: بدق عليك دقه وابيك تغيرين مكانك
سهر: وشووووو
منصور: اللي سمعتيه ياسهر قدامك حتى اوصل هالمكان سلام
"سهر خافت ياااربي وش اسوي انا واوي وش فيه متهوور كذا .. لفت ناظرت غزل اللي تتنقى في الميك اب وتسمع هاللي يسولف على راسها وهي تايهة ياربي غزل لو عرفت وش سويت انا بتكرهني بس انا هم بعد ابي اريح اخووي ياربي شسووي ... بسرعه فزت وراحت لعند غزل"
سهر وريقها ناشف: غزووله....... اسمعي بروح اجيب لي كريسبي كريم وبرجع لاتتحركين سامعه
غزل: طيب بسرعه يمكن اغير المكان
سهر عشان لاتشك : اوكي بس اخلص بدق عليك وبحدد موقعك اوكي
غزل: خلالالاس
"ومشت سهر وراحت مكان بعييد بس تقدر تشوف منصور وغزل "
" منصور اخذ فتره يدور فيها بوبي براون ويوم لمح المحل راح له ركض ويوم شافته سهر وقفت على حيلها هو وقف ثانيه على المحل تحنح وضبط نفسه ودخل "
" غزل وقتها كانت تتكلم مع احدا اللي يشتغلون عشان الدفع "
" منصور سوى نفسه يصفر وكأنه لاهي وقرب منها "
منصور يشهق مسوي مستغرب : اوووووه وش هالصدف
لفت غزل بقووه وفتحت عيونها منصور وش مجيبه هنا وعقدت حواجبها
منصوريبتسم: سبحان الله ايش الصدفه هذي
غزل ابتسمت بأستهزاء صدف اقص حاجبي اذا صدف : شفت شلووون
البياع : so u want this
منصور : yes plzz
غزل كشرت : نو ثنكيووو
"ورمت منصور نظرة ومشت و صاحب المحل استغرب بس منصور ابتسم له ولحق غزل "
منصور: ليه غيرتي رايك
غزل معصبه: انت مالك دخل فيني فاهم
منصور: سوري بابا ماكنت اقصد اضايقك بس نت ابي اوصل لك كلام من مشاري
" غزل صحيح حست انه سهر قالت لمنصور بس ماتوقعته لسا حاط امل عليها ... بس سوت نفسها معصبه وهذا اللي تبيه .. تبي تخلي الشكوك تدور براس منصور "
غزل تسوي نفسها مرتبكه : ومشاري وش يبي فيني
منصور: هههههههههههه ياحلاتك لاتبيلهتي ... انا ماعرف والله تقدر تسألي نفسك .. بس هو قالي اقولك انك ياليت تخففين مكالمات معه لان يحس ان اخوانك بيحسوون ولا يبي يسبب لك مشاكل
غزل فتحت عيونها شلون هالحمار يطلع عليها كلام : انت قلييييل الادب
منصور: كله من فضلك
غزل بعصبيه واصله حدها : تفوو علييييك "قالتها كلام مو فعل .. ولفت بقوووه ومشت "
منصور عصب صدق انها قليله ادب مسك يدها بكل قوته : انتي هييييييه شوفي ماجابتها امه اللي ترفع صوتها علي او تقلل ادبها علي اختي واللي هي اختي حتى بالمزح ماتتفل علي تجين انتي يالخسيسيه وتسوينها " شوي كان بيعطيها كف "
غزل ارتاعت بس مابينت : لمن تبطل اشاعات وتأليف كلام تعال تكلم معي يالوسخ
منصور: غزل احتررمي نفسك ادم النفس عليك طيبه ولا والله لاخلي كل العايله تعرف عن خباياك مع مشاري وتليفوناتك معه على بالك ماشفتك يوم تكلمينه بالهايد بارك وتتضحكين معه
غزل بداخلها حلوو يعني فهم الحركه : ماعلي منك شفتني ولا ماشفتني بس اللي علي منه انك مااااالك دخل فيني ليه حااشر نفسسك ليييه؟ تبي تقول لاخواني قوول ماتهمني ترى ماتهمني تفهم " ولينت ملامحهاا " وبعدين قاعد تألمني
منصور ترك يدها مع انه بداخله خايف عليها وكارهـــــا بنفس الوقت : غزل كفي الشر من اوله سامعه
غزل: منصور اذا قصدك اتنازل عن الحرب معك ابدن مو متنازله ومومعناته اني معك بالحرب ما اكمل حياتي مع اللي اح وابيه " وعطته ابتسامه خطيره وعدته "
" منصور وقف مكانه ... هذي الانسانه تعب ماتتعب ... مابدت اللعبه معي الا وناويه تكملها .. غزل جرحتيني جرحتيني .. وصدقيني راح تتندمييين صدقيييييني "
" اما غزل فراحت ماشية تدور سهر وفي لحظه ليه مافكرت ان سهر اللي دبرت كل هذا "
غزل" معقوله سهر يطلع منها كل هذا .. بس هذا اللي ابيه ابي ... منصور وثق من حبي لمشاري المزيف .. وماراح يقدر يجيب أي دليل لاني لا اكلم مشاري ومشاري المسيكين ولايدري عن هوى داري هههههههه هذا المطلوب منك ياسهر بس معقوله تبي تمشكلني مع اخوها .. راح اعرف وش نواياك ياسهر .. اااخ الكلب تعورني يدي .. بس يمه عيونه تخووف شراار بس يخسي الا هو يخووفني ..ومشت ودقت على سهر تتأكد "
سهر خايفه بس مابينت : هلا غزووله
غزل: هلا سهوره وينك ؟
سهر استغربت : انا انا جايتك الحين
غزل: لاخليكي في كريسبي الحين جايتك انا
سهر: اوكي اوكي اطلب لك شي
غزل استغربت : أي كلاسك بلييز
سهر: ولا يهمك باي
" سهر سكرت من هنا وركض لكريسبي طلبت بسرعه وقعدت وقلبها يدق خايفه غزل شافتها ولا انتبهت لها "
" دقايق وغزل جايه "
" غزل قربت وقاعده تدرس ملامح سهر اللي كانت تسوي نفسها ملتهيه بلاكياس "
غزل: هييي
سهر: هييي خلصتي اخذتي شي
غزل: لا
سهر: اجل ليه طولتي فيه ؟
غزل بنظره حاده : التقيت مع اخوك منصور
سهر ارتبكت وسوت نفسها مصدومه : والله
غزل: ايه ماصار شي بس سألني عنك
سهر: اهااا "ونزلت راسها " خذي حقك
غزل اخذته ولسا تناظر سهر: سهر طلبتك
سهر تبتسم : امري
غزل: قولي والله اقول الصدق
سهر: تعرفيني ماحلف ليه احلف؟
غزل: بس ابي اعرف الصدق
سهر: وش بغيتي تعرفين ؟
غزل : سهر انتي دليتيه عن مكانا ؟
سهر تلعثمت وردت بسرعه قررت تكذب كذبه بيضاء : هئ لو اعرفت انه هنا ماكان جيت معك
غزل استغربت : ليه ؟
سهر: مابي منصور يلتقي فيك؟
غزل: ليــه؟
سهر نزلت راسها: لاني قلت له يبتعد عنك وان في بالك حد ثاني
غزل ههههههههه ياحوبيلك ياسهر يلوموني فيك : اهاا خلاص صدقت
سهر ابتسمت والتهت بلاكل
غزل قعدت تفكر " والله وعرفتك ياسهر توصلين الحكي لمنصور.. اجل ابشر بلاخبار يامنصوور "
.
.
.
" حقيييييييييره حقييييييييييره حقييييييييييييره "
بدر: هد اعصابك وفهمني ؟
منصور حكى له كل شي بسرعه وهو ينفس
بدر فتح عيونه : هذي متووحشه
منصور: صدقني لو شفتها بذبحها ماتقدر ولاتحترم
بدر: وش لك فيها يابن الحلال البنت قوويه مبين عليها
منصور: والله لاخليها تندم تخسي الا هي تستقوي علي تخيل بكل قواة عين تقولي بتحداك وبكمل حياتي مع اللي احب وابي يعني اثبات انها تكلمه
بدر عزى على حال صديقه البنت هو خاف منها ومن سوالف منصور عنها
منصور: اااااه تعالي الهارودز ماقدر اسووق والله لاسوي شي بنفسي بسببها
بدر: لالالا هد نفسك و ثوواني وانا عندك
" بدر بسرعه ماكان عنده سياره فاراح لمنصور مشي وغير كذا الحين بياخذ سيارة منصور وطول الطريق يفكر وحاقد على هذي البنت الشرانيه العدوانيه .. كرهها مثلها .. حسها هي بتكوون سبب في تفريقه مع سهر .. اول شي سهر يحبها وسهر مره مع غزل .. ويخاف تخرف سهر عليييه .. وغير كذامنصور توعد لبنت عمه يوم عرف انها تكلم مشاري .. بلاه مادرى اني اكلم اخته .. لو يدري بيذبحني .. حس انه يبي يكلم سهر ويقول لها انهم يحاولون يبعدون عن بعض حتى بالنت .. ماهو نااقص يفتح باب مايقوى على تسكيره .. وبعدها رجع تفكير لولد عمه .. ياخي ذا ليه مايفهم يعني البنت تحب الا ياخذها بالقووه .. وبعد مايندرى عنها ذي التبن وش تبي توصل له اففف "
" خمس دقايق ووصل بدر لانه كان يهرول .. وكلم على منصور وجا له منصور دايركت "
بدر: اووووف ماتسوى عليك ياخووي
منصور ابتسم له على الخفيف ومشى معه
بدر: والله خلها علي لاخليها تجي وتبووس رجولك
منصور يبتسم : لا انا مبسووط خلط بعييد
بدر: مبسوط نقص على بعض شوف وجهم
منصور: تحمد ربها انها بتمشي اليوم ولا كان عادي انحرها
بدر يضحك: انا اشهد انك قدها
"وبعدها ركبوا السياره وقعدوا يحوسون لحالهم "
.
.
.
|