"بعد فتره فواز وصل وانضم للشباب الي التقوا في بعض من جديد ماعدا منصور وبدر شوي وبيجون لهم وغير وليد وطلال اللي ماحد يدري وينهم راحوا فيه ... اما من عند البنات منار رجعت واقعدت تعلم منار كل شي اللي انفق وجهها داايركت وقرروا هي ولميس يتصرفون بأأسرع وقت ومحمد مع الشباب والشباب مستغربين من محمد شكله متغيير .. وبسمه لساتها منصدمه من تغير معامله نجوى لها المفااجاءه تحس ماعندها مانع لو عاملتها مثل هذي المعامله بكرا بس مو اليوم لانها تحس انه حلمها يتحقق "
" نجود صحيح كانت مشغوله البال في بداية اليوم الا انها بعدين طنشت "
نجود: بنااات انا بروح احجز لي في New ID
وصايف وجنى: وانا وانا بعد
وصايف: مرررررره مشتهيه اصور
سهر: انا بعد ابي بس بحجابي اصوور
غزل: وانا بعد ابي .. ايه وش علينااا
نجود: اي من جد بس كل وحده يبيلها اربع ساعااات
لميس: وشو ذا
نجود: هذا مكان تاخذين مع اربع غيارات يعني اربع ستايلات وتروحين ويصورونك حول 200 صور وكل وحده ستايل غير وانتي تختارين وتاخذينها مررره مرره حلو مثل الفنانات
لميس تحمست: ابيي
نجود: مايصير كلنا نروح بيوم واحد اصلا ماتوقع في حجز يكفي
وصايف: شوفوا انا وجنى ونجود وبيوم والمحجبات بيوم
جنى ضحكت : اي صح
لميس تبتسم: اوكيه مافي خلاف وعادي ياخذونا محجبات
نجود: كل مره سوي ستايل بحجابك وبيطلع حلوو
لميس: اي تكفون حمااس منار ماتبين
منار: مسويه انا قبل لااتحجب
لميس: حظك يادوبا ماوريتني
منار: ماشلتهم مع الرياض
نجود: خلاص احجز لنا ثلاثتنا
جنى ووصايف: ايه ايه
سهر: خلاص اجل
نجود: يلا تعالوا معي نروح نحجز
وصايف وجنى : يلا
اديم: كلموا ماما عطوها خبر
وصايف وجنى: اي اكييد
"راحوا جنى ووصايف ونجود مع بعض والباقي قعدوا في دبنهامز"
سهر: يلا امشوا بنات نطلع طفشنا
عبير: يلا من جد
سهر: انا احس اني برجع الشقه
عبير: ليه
سهر: احس بديت اتعب
غزل: يمكن نروح الهايد بارك
سهر:خلاص اجل انا بكلم منصور يوديني الشقه وبجيكم الهايد بارك
عبير: تبين اجي معك
سهر: لاعندي كم شي بسويه وبجيكم "تبتسم " نو نيييد يعني
عبير: خلاص اجل توفرين
سهر ابتسمت
"وبالفعل طلعوا البنات عند بوابة دبنهامز وسهر دقت على اخوها يجيها بالسياره يرجعها الشقه وقعدوا البنات ينتظرون سهر تروح عشان يمشوون .. مايبون يتركونها لحالها "
"وصل منصور بعد عشر دقايق ربع ساعه شي زي كيذا والبنات تعبوا من كثر ماينتظرون وسهر كل شوي تدق عليه... وصلهم بسيارته المظلله والصوت طالع من السياااره واول ماوصل فتح شباكه ونادى على سهر اللي كانت اوردي منتبهه له "
غزل"ياشيييني.. يعني انا اكشخ واحد واخقق واحد "
"سهر جات وركبت وودعت البنات وحرك بها منصور واللي يشوفه مع سيارته يحس بهيبه منصور"
منصور: شعندك
سهر: تعبت قلت بريح وبرجع
منصور: وين بيروحون بعد؟
سهر: بيروحون الهايد بارك
منصور: اهااا
"قعدت سهر ساكته "
"وبعد فتره "
منصور: يحتاج انزل معك
سهر ابتسمت : لا بس نزلني وامشي بزر انا
منصور ابتسم : مادري قلت يمكن
سهر: يالله مشتااقه لسلطان
منصور:صدق ماقالي
سهر: منصوور والله جد كريهه دراستهم
منصور: ليه انا مقصر معك بشي
سهر ناظرته: انا ماقلت كذا
منصور: اجل ليه فجأه قلتي هالكلمه الحين لاني تأخرت
سهراستغربت منه : منصور انا ماقلت كذا
منصور: بس مبين انه نحزه
سهر: لانحزه ولا شي حرام اقول مشتاقه لاخوي
منصور: لاموحرام اشتاقي له قد ماتبين
سهر عطته نظره ولفت وجهها "وش فيه منصوور .. وش هالكلام صاحي ذا .."
"وبعد ماوصلوا"
منصور: مره ثانيه اذا تأخرت عليك تقدرين تدقين على محمد اسرع
سهر رمته بنظره : قول انك ماتبي توصلني اصلا وقاعد تذلني "ونزلت معصبه "
"سهر نزلت وهي زعلانه ومنصور ضرب على الدركسون ليه قال لها كذا وليش يتعامل معها كذا .. صدق ماينعرف له .. وسهر كانت زعلانه على اخوها ليه يقول لها كذا.. ايوا من حقي اشتاق لاخوي وتوأمي بس هو فسرها عشرين تفسيرر فتحت الاسنسر وركبت"
سهر" مدري من حقي ازعل على اخوي ولا اقدر مشاعره.. يمكن منصور متضايق شوي عشان اللي قلت له عن غزل.. بس هو مابين انه متعلق فيها بالعكس نفسيته هذي هي .. اجل ليه يتكلم معي بذا الاسلوب .. ياربيييي.. اويمكن هو متضايق من شي وانا زدتها بتوصيلتي.. "
"فتح الانسنير ونزلت وشوي يفتح باب الشقه المقابله واخترعت سهر وهو انتبه لها"
نشوتك تلعب مع قطر المطر .. وانتشى قطره معك ...
والسحاب يطاردك بين الشجر ... خالق الزين ابدعك ...
الندى في وجنتك .. صار عطر بلمستك ...
والهوى غنى طرب .. تستثيره بسمتك ...
كلما ضمت عيوني منك طيف يا بعد كل الطيوف ...
قلت ما مثلك على الدنيا وصيف لا حشا مالك وصوف
سهر: بسم الله
............... " سهـــــــــر"
الجزء العاشر
الفصل الاول
نشوتك تلعب مع قطر المطر .. وانتشى قطره معك ...
والسحاب يطاردك بين الشجر ... خالق الزين ابدعك ...
الندى في وجنتك .. صار عطر بلمستك ...
والهوى غنى طرب .. تستثيره بسمتك ...
كلما ضمت عيوني منك طيف يا بعد كل الطيوف ...
قلت ما مثلك على الدنيا وصيف لا حشا مالك وصوف
سهر: بسم الله
............... " سهـــــــــر"
" لحظه عنــاق الانظـــار "
سهر نزلت راسها بسرعه: اسفه اخترعت فكرت مافي حد هنا
...: لاتعليـــــــــق
سهر ماسمعت رد ومشت وقلبها يضرب ..." يالله معقوله ياسر.. توني اشووفه .. تلوق عليه لان لطلتك هيبه.. خوفتني قبلته لدرجه قلبي قام يرقع ماكنت ادري انه هنا.."دخلت وسكرت الباب وراها تبي ترتاح
ياسر واقف متصنم " هئ ياياسر تكذب على نفسك تقول انها سحرتك ماسهرتك .. ياربي ابي اتنفس .. لاحشا مالها وصوف.. ياربي " ودق زر الاسنسير بتعب يحس من شافها انهد حيله .. شلون قدر يقول عنها ذاك الكلام.. معقوله حد يشوفها وماينسحر.. "
ياسر" بس بس كفايه" ياسر يحاكي قلبه اللي لساته يضرب ويضرب ماهو لاقي تفسيير يريحه لهلانسانه.. يحسها محيرته "
ياسر" انا وش قلت قلت ماني مفكر بأي وحده بخلي امي تختار لي بس بس انا شفت هذي هذي الانسانه واحس اذا ماخذتها بتقعد بخاطري ... ماظني بديت احبها كل السالفه انجذاب اي انا متأكد انجذاب "وركب الاسنسير ومخه يفر ويفر وعشرين فكره توديه وتجيبه ومايبي يرجع مراهق يفكر في البنات الحلوات وبسس
.
.
.
" بعــــد مرور اسبوع "
"في الهايد بارك"
منار: ماما خلاص انا قررت مابي اكمل دراستي
لميس: لاتحاولين بس
ام فواز: ليش يايمه
منار: ماما القسم مره صعب بطريقه مو طبيعيه وانا تعبت ولا جبت علامة وحده ترفع من معنوياتي او تحلل هالتعب ماقدر اكمل ماقدر
ام فواز وش تسوي بعد
منار كملت: وانا مابي اضيع سنين عمري وانا ماني فالحه بشي
ام فواز: خلاص على راحتك
ام محمد: اذا طلعتي وش بتدخلين هنا
منار: مابعد اقرر بس بطلع من هالديزاينر
ام محمد: لازم تحددين في البدايه قبل لاتتهورين
منار: عساي ادخل محاسبه بس اطلع من هالقسم
ام محمد لام فواز : دامها توها اول سنه خليها تختار لها قسم تكون واثقه منه ومرتاحه فيه
ام فواز: هي ادرى بمصلحتها
لميس لغزل: هههههههههه والله انكم كلكم ساحبين وحده محاسبه ووحده تطلع وتدخل وطلال ماعنده ماعند جدتي بسس فواز طلع زين منكم
غزل تضحك: اقول عن الغلط يمه اسمعي بنت اخوك وش تقول
ام فواز تبتسم : وشو
غزل: تقول كلنا ساحبين "ااااااااي"
قرصتها لميس
لميس: ماعليك منها ياعمه تنصب عليك
ام فواز حست فهمت وضحكت
ام مساعد: قوم نمشي نتخفف
ام فيصل: اي والله قوموا
ام فواز: هالهندي قاعد على معدتي طروا لهم مره ثانيه هندي
"ضحكوا البنات"
"قاموا ام فيصل ومساعد وفواز وام محمد قعدت مع البنات"
لميس: تعرفين انك كلبة
منار: لميس ماقدر
لميس: لوحده غيري مو انا هاه
منار: موبس عشان ذاك الشي والله صعب ذا القسم
لميس: اي هين مدري من مات لو مادخله
منار: الحين كرهت كل شي زين
لميس: ترى مايسوى تضيعين طموحك عشان ناس تراب
منار: اففف
لميس بصوت اوطي: خليني اشوف لامسكه واتوطى ببطنه واقول وش يبي منك لانه واصل لاهنا ولاعرفنا وش نواياه
منار: اففففففف تدرين عاد الحين بقوه تندمت اني قلت لك
لميس: تندمتي ولالا انا الحين عرفت وبوريك وش بسووي " وبعدت عنها عشان لاترد عليها "
منار " اففف يا لمييس والله انها فضيحه "
ام محمد:اقول بنات ماوريتوني صوركم
سهر: واااااه يايمه تجنن مره مره تجننننننننن
ام محمد: لااااه
غزل: اي ياخاله مررره مرره رهيبه
ام محمد: معكم هي
غزل تضحك: وش دعوى نحوس فيهم
ام محمد ضحكت وهي تراقب غزل وتحركاتها
"غزل انتبهت على خالتها اللي كل شوي طاحت عينها بعينها "
سهر: لا ارجعي معنا ونوريك اياهم
ام محمد: ها نجوود بسوومه مبسووطين
بسمه ونجود ابتسموا: اي والله
ام محمد: الحمدالله
وصايف: جنو قومي نروح نجيب كووفي
جنى: يلا قومي
نجود: بروح معكم
وصايف: ها خالتي بنات تبوون
ام محمد: لامشكورين انتبهوا على نفسكم بس
البنات محد كان يبي
" راحوا البنات"
.
.
.
بدر يصرخ : منصووور شوووف
منصور يلتفت : وشو
بدر: ماتدري وش لاحظت
منصور: وش لاحظت
بدر: شووف جهة البنات وشوف غزل شلون تضحك وهي تكلم وشوف مشاري شلون يضحك وهو يكلم كنه قاعد ينكت لحد وهي قاعده تسمع وتضحك
منصور رقع قلبه وبدا يلاحظ
منصور بصدمه : وناظر شلون تناظره
بدر: يعني هم يكلمون بعض
" منصور وقف مذهول وبدر يناظره خايف عليه "
بدر خاف على صديق حسها لحظه صعبه لو مر هو فيها وشعور صعب : منصور
منصور ساكت ويحس انها بتغلبه بلحظه: نعــم ...!!
بدر: ماعليك منها اتركها هاللعبه من البدايه
منصور بعصبيه هاج على بدر: انا مراح اتركها ماراح اتركها تسمع وبلعبها معها للنهايه وباخذها وبعذبها مثل ماهي قاعده تعذبني الحين
بدر خاف على تهور منصور: طيب طيب
منصور: لو اعلم كل العايله بخفاياهم يغازلون بعض من ورا اهاليهم وتقوم عليهم العايله لاخليهم يعتبرنها مثل أي وحده حقيره تغازل من ورا اهلها وهم مايدرون عنها وباخذها انا وبعذبها تسمع
" بدر ارتجف كل مافيه... لان بدر يكلم اخته من ورا اهلها شلون لو عرف منصور بيذبحها .. ياربيه مو معقوله اللي قاعد يصير "
بدر: براحتك
بدر" براحتك بس خلني افكر وش اسووي بسهر لو عرف منصور بيذبحها وبيحرمني منها ياربي لازم اتصرف لازم اتصررف "
منصور يناظرهم بعيون تطاير شرار : انا مشاري مالي حق عليه بس هي... خلني ارجع الشرقيه خلني ارجع والله لاتشوف شغلها الحماره...
بدربتهور: بس يمكن هي تحبه من جد
منصور صارخ عليه : تحبه ماقلنا شي بس تكلمه لاااااااااااااا
بدر انتفض: أي صح غلط عليها " وهو اكبر متهم "
"منصور بدا يتنفض من العصبيه ماتوصل انها تكلمه وتضحك معه"
بدر: منصووووور
منصور فز: نعـــم...!!!
بدر: وين سارح مشاري يناديك
منصور لف بنظره
" منصور كان يتذكر موقف صار له قبل كم يوم في الهايد بارك... ومنصور سوا نفسه ماشاف شي وتجنبهم من ذاك اليوم لان لو شافها عادي يذبحها "
"الشباب كانو في كوفي PRET كان عند زاويه اوتيل الكمبيرلاند هذا الاوتيل كله خليجين وشبابنا كاناو يروحون يتقهوون فيه *_^ تعجبهم الاجواء لووول "
مشاري: شباب ماودكم نشوف فيلم كذا من زمان ماشفنا
بدر: اي والله
مازم: حتى انا مشتهي اشوف فيلم حلو
فيصل: كلنا مره وحده
مساعد: لا انا مالي خلق اشوف افلام واصلا الافلام ماتستهويني
مشاري: بندخل اكشيين
مساعد: لااكشن ولا رومانتك مالي فيها
بدر يضحك: ايوااا
مساعد يضحك
فيصل: وش عندك؟
مساعد: يوه مالي في الافلام بقعد مع ياسر ولا يا ياسر؟
ياسر فز : هاه
بدر يضحك: اووه وصرنا نسرح ونسهى
ياسر ناظره بنظره وش تبي
بدر ومنصور: ههههههههه
منصور: دنياا
بدر : من جد
ياسر: وش فيكم
مساعد يضحك: لا ولاشي يالعم
ياسر ابنسم ورجع سكت
بدر ومنصور رجعوا يضحون
ياسر ناظرهم: عسى ماشر
منصور: لا بس يقولون بتروح السينما
ياسر: لالا مالي فيها
مساعد: خلاص وانا بعد بخاويك
ياسر : على خير
بدر: لا لازم نوديهم معنا ذولا مانضمنهم
منصور ضحك
ياسر خزه
ومساعد ابتسم
فيصل: اقول اهجدوا اهجدوا
مشاري: تمااام اجل
مازن: ولاتنسووني انا كمان
"ومنها اتفقوا الشباب انهم يروحون السينما اليوم.."
مساعد لمازن: مازن ترى قدمت حجزنا
مازن: لييشش
مساعد: ماقدر اتأخر طلع عندي شغل وبعدها سفره لليابان وقررت اقدمها
فيصل: صحيح ماقلت لي
مساعد: تو الحجز ضابط وكل شي صار بسرعه
مازن رضى بلامر الواقع : خلاص على خير
منصور: وانا شكلي بقدم حجزي
بدر: لااااااه احلفوا فضوا علينا المكان
منصور يضحك: حبيبي حنا عندنا مشاغل
ياسر: لابس بيني وبينكم الفتره اللي قعدناها حلوه تجمعنا وانبسطنا وعاد خلاص خل نفضى لمشاغلنا
بدر: قل بعد تبي تقدم
ياسر يضحك: لا انا مضبط اموري بس اللي عندهم مشاغل خلاص اتوقع وسعوا صدرهم
مساعد: أي والله والمشروع يبغالي اروح الشرقيه اضبط الامور هناك
منصور: أي صحيح وغير كذا ابيك تكلم سالم تقوله على الموظفات لان محمد جاب لي عنوانينهم وقال عطهم أي مكتب من طرفنا وهم يستقدمونهم
مساعد: على خير
بدر: بيفووتك الحماس على نهاية اوقست
منصصور سمعه وضحك ومازن ضحك
مازن: ترى شوف واصله هنا "ويأشر على خشمه " لاتزيدها
بدر يضحك
مساعد: بديير اعقل عن اخووي
بدر يضحك: والله ماقلت له شي غير بيفوتك بس
مازن يضحك: ماشاء الله بس
بدر : ههههه والله بس
" الشباب ضحكوا "
.
.
.
" وينك فيه "
غزل: حنا عند مكانا اللي نفس كل مره
فواز: اوكي ثواني وجايك
"وسكر"
وصايف: وش فيه فواز
غزل: موصيته يجيب لي شي بطريقه والحين بيجيبه
سهر: ااهااا
" اديم صلحت نفسها لاشعوري يوم عرفت ان فواز بيجي.. وغير كذا .. مازالت تحس ان فواز شي بحياتها حتى لو انه ما اخذها او مانتظرها لانها عطته الصلاحيه .. بس اللي لاحظته بنفس الوقت انها تلتقي بكل شخص بالعايله ولا يجيها اهتمام كثر مايجيها لمن تشوف فواز.. لان صراحه فواز هو اللي نادر ماتشوفه بس البااقي تشوفهم كثيرر.. وبنفس الوقت تحس ماحد يفكر فيها او يناظر فيها.. لانها محجوزه حق ولد عمهم ."
"دقايق و وصل فواز ونادى على غزل.. بخطفه بصر لمح اديم ورقع قلبه لاشعوري نزل نظارته على عيونه بسرعه خاف حد انتبه له .. وبالفعل كانت سهر منتهبه له "
"غزل راحت له واخذت الاغراض"
فواز: تبي شي ثاني
غزل: لاسلامتك بس سلم على خالتي
فواز رفع عيونه وابتسم ابتسامه هاديه : السلام عليكم خالتي ام محمد
ام محمد تبتسم: هلا والله يبه وعليكم السلام شخبارك؟
فواز: بخير دامك بخير.. تامرينّي على شي
ام محمد: سلامتك والله
فواز : الله يسلمك مع السلامه "ودارت عينه تلقائي على مكان ادييم وتنهد من قلبه ومشى "
فواز" مشى وهو في قلبه عشرين تنهيده .. اديم اديم .. لالا خلاص ماني بعايد افكر فيها.. البنت يافواز عايفتك خلني بعيد عنها بسس لالا اااااه "
"فواز كان مشتت تفكيره... تفكيره كل شوي ياخذه لاديم اللي اصلا ماكان يفكر فيها بس من بعد لقائهم حس انه باقي بذاكرته وكيف تتكلم وكيف اسلوبها حسها غير غير عن البنات .. وغير كذا فواز قرر مايجيب طاري اديم قدام سلطان اللي يجرح في اديم وهي ماتدري ويأذيها .. وفواز بداخله مايسمح لنفسه هو يجرح فيها عشان يسمح لغيره لان البنت ابد ماتستاهل "
اديم " وش فيني فتحت فمي عليه .. انا وش لي بهالسوالف ياربي..مو انا رفضته خلاص ماعاد بينا رابط وتنهدت براحه "
.
.
|