"هاااااهاااااااااي طيب طيب انا لقيتها وبعرف شلون اانتقم منك يامنصور.. وااااه ياناس متحمسه لسالفه التحدي "
غزل: سهوووره
سهر لفت عليها: تعال شوي اتركك من هالارواج بسسك
سهر: شوفي لونه خطييييير
غزل تبتسم مجامله: معليش حبيبتي عندي لك سالفه خطيره
سهر تحمست وتركت الروج ومشت معها وراحوا بعيد عن البنات اللي اصلا منشغلين عنهم
سهر: شعندك
غزل: سهر اانا في واحد مره عاجبنني
سهر فتحت عيونها: من وين
غزل تغمز: احد عنده هالمزاين بعيلته ويروح يفتش على غيرهم
سهر تحمست: طيب مين "كانت تنتزر تقول اخوها "
غزل: انا مادري بس احسه حتى هو يحبني او معجب فيني من نظراته
سهر تحمست زياده لانها متأكده مافي غير اخوها وابتسمت بقوه :طيب مين
غزل بدت تستدرج سهر وتتأكد من اللي فكرت فيه من شوي
غزل تكمل على سهر: بس الظاهر مو عارف يعبر انتي عارفه الوضع
سهر تأكدت انه اخوها: زين قولي تكفيين
غزل : بس لاتقولين لحد بالذات انتي
سهر قلبها يدق: اوكي
غزل بحيا مصطنع : مشاري
سهر شهقت : ايششششش
غزل تأأأأأكدت شكوكها
سهر عصبت: وانتي تحبينه
غزل: ليه عصبتي عيب يعني
سهر هدت شوي: لا بس مشاري
غزل بتعابير مصطنعه : وش فيه بالعكس احسه كيوت وخصوصا احب هلاسم حتى نظراته تبين ياسهر انا احس فيها وتذكرين يوم في بيتكم
سهر تذكرت: بس بس خلاص فهمت
غزل بخبث : شفيك طيب تنرفزتي
سهر حاولت تهدي وتحمد ربها ماتهورت وقالت لغزل ان منصور معجب فيها : لاوش دعوى عادي بس يعني توقعت حد ثاني
غزل تشققت: مثل مين يعني
سهر تحك راسها: مثلا مازن او مساعد اوو ياسر او "من ورى قلبها بس عشان تستر " بدر مادري هذا اللي قلت
غزل تبتسم فهمتها غزل وهي طايره : او يمكن حد من اخوانك
سهر فتحت عيونها
غزل : شفيك
سهر: واي نوت
غزل : لالا بس مشاري ياختي مره يجنن احلى واحد انا اشووفه
سهر: فيه احلى
"غزل حست تقلب وجهه سهر بعد ماقلت لها بعد حماسها .. معناتها غزل فهمت مشاعر منصور تجاهها وان سهر عندها خلفيه عن هذا الموضوع .. ومعانتها غزل تقدر تستغل مشاعره عشان تعلب فيه وتتحداه "
غزل مسويه هايمه : الحب يابنت العم مو على الاحلى
سهر متضايقه: ايه صادقه .. يلاغزوله قومي نرجع ناخذ الروج "وسبقتها "
غزل" سوري ياسهر اخوك جنني ولازم اعلمه من انا عشان يستهتر بمشاعري يوم احبك ويم انتي بزر من قال احبك اعذريني ياسهر .. " شوي وانقلبت الى شيطان " والايام بيننا يامنصور يالله مو متخيله شلون السفره بتكون اكششن قال يحبني قال شايف الحب لعبه مع وجهــك "
.
.
.
"نجوودي ماراح تقولين وش فيك "
نجود: بتهاوش مع ولد عمك
بسمه خافت: اي واحد
نجود: فواز
بسمه: لييه؟
نجود تذكر الموقف: حقيييير اكررهه يقول اني بشوه سمعتكم "وبتغرغر "
بسمه: ليه قال لك كذا
نجود: لاني مو متحجبه خير وش يبي فيني
بسمه حست بأختها وضمتها بالخفيف: ماعليك منها يمكن هو شوي متمسك
نجود: ماله دخل فيني بقول لعمي سلمان
بسمه خافت : لالا تكفين لاتسوينها سالفه نجود عشان خاطري مانبي مشاكل
نجود: والله لايشوف اجل خله يتوب عني ولايقرب صوبي ماله دخل
بسمه: هو اكيد بس يعتبرك مثل اخته ويغار عليك عادي
نجود: يغار ويخاف كيفه بس لايجرحني بكلامه
بسمه: ماعليش حبيبتي ماعليك منه
نجود: مالي دخل بقول لعمي
بسمه بنفاذ صبر: نجوود تكفين مانبي نسوي حساسيات هو بس يقولك واكيد بس مره واذا عادها عليك قولي لعمي زين
نجود فكرت فيها : اوكي
بسمه: ولاتتكدرين ماتسوى عليك جاين نوسع صدرنا
نجود انلفتت : اي والله وماعلي منه الحمار
بسمه تساير اختها: يلا قومي نلحقهم لايدورنا
نجود: بيروحون يتقهوون
بسمه: اي بيروحون الريشو
نجود: اوكي يلا
"وراحوا مع البنات للريشو يتقهوون لان القهوة بهذي المنطقه مررررره حلوه "
.
.
.
" هههههههههههههه ياحركتات"
فيصل يضحك : تكفيييييين ديوومه رويها صورتي وشوفي وش تقول عني
اديم: طيب طيب ولايهمك
فيصل: كلميني على اساس انا مو فيصل
اديم تضحك: اوووكي
فيصل: طيب يلا رويها
اديم: طيب ارسلها ودق علي عشان افتحها بلاول
فيصل: اوووكي يلا
" فيصل وهو كان قاعد على المسبح التقط له مساعد صوره وطلعت كيووووت ومساعد هو اللي اقترح عليه اقتراح يرسلها لاديم وتوريها عبيير ... " من ورانا يامساعد لوول " "
"ثواني وارسل فيصل ودايركت افتحتها عبير وثواني واتصل فيصل وخلته اديم على الخط عشان يسمع تعليق عبير"
اديم بأبتسامه كبيره تمد الموبايل لها : عبووره اسمعي هذي الاغنيه
"غزل وصلت الموبايل "
عبير ابتسمت واخذت الجوال وطاحت عينها على الجوال واول ماشافت الصوره صرخت وحطت يدها على فمها غزل انقزت لعند عبير
عبير: ادييييم نو واااااي
اديم ضحكت ورفعت يدها : مالي دخل هو قالي
عبير : يانااااااااسي كيوووت
غزل: وااااه يخقق اخوكم بس راح علينا هههههههههه
عبير تضربها : اقول انتي مناك لاتحتكين هذا خطيبي
اديم تضحك وخايفه عبير تذبحها لو عرفت على الخط
البنات : اشوف اشوف
عبير تضم الجوال تضحك : مابي مابي
وصايف: خلوها تنقلع عندي صور وش كثرها لاخوي لو تموت ماراح اوريها
اديم : بس هذي جديده
عبير: لقطي لقطي
غزل: ههههههههههه عبير خليني ارجع اشووف
عبير: اقوول هييي
غزل: يعني انا صديقتك الصدوقه مايصير
عبير: لا مايصير بس عاد لاتنشبون خلوني ارجع اشوفها
"البنات ضحكوا عليها"
جنى: بقول له قاعده تتغزل فيك
عبير بدلع: كيفي ختيبي
اديم تضحك ومتفشله البنت بدت تخورها
اديم تلحق بنت عمها: عطيني برسلها لك الحين بيدق علي
عبير تضحك : عادي برد عليه
اديم ضحكت وحدها متفشله: اقول بس
غزل تسحب الجوال: اقول ماعندنا هالحركات
عبير تناظرها من جنب : اسمع من يتكلم
سهر تضحك
"واديم اخذته من غزل لانهم بدوا يخورونها وفيصل يتسمع.. اديم اخذته وسكرت دايركت"
عبير: ياناسي كيوووت
نجود: هههههههه الاخت بدت تخورها من اخذته
عبير تضحك : ههههههههههه بس اشاره
"ضحكوا البنات "
وصايف: سهر شفيك ابد مانتي معنا
سهر قاعده تناظر بأبتاسمه بس بدون ماتعلق
سهر: مافيني شي ليه
"غزل انتبهت وهذا اللي خلاها تضمن اكثر"
وصايف: ابد مو معنا
سهر: معكم والله
غزل تقاطعهم : الا اقول ديووم
اديم: هلا
غزل تصطنع حيا : كني سمعت عندكم اخو ثاني
" البنات ضحكوا عليها "
جنى: هههههههه لايكون جايين نوزع اخوانا
"البنات ضحكوا "
غزل: كولي تبن انتي
جنى: كيفي اخووي
اديم: لا مو سمعتي الا اكيييد
غزل: يعني انا اقصد ماودكم تاذخون له وحده منا
" البنات ضحكوا"
لميس: امااااا جراءه طلعتوا ازيد مني ومسوين انا اجراء وحده فيكم
" البنات يضحكون "
اديم تضحك ضحكه حلوه مطلعه اسنانها : ليه خاطرك فيه ترى مايغلى عليك
غزل تصفق: هلأ هلأ أي والله اذا مافي مانع
"ضحكوا البنات وبدوا تعليق وسهر تحترق من داخل تعرف ان غزل مايهمها أي شي وماعندها وقت "
غزل: هههههههه اقول بس استهبل لاتصدقون
وصايف: ههههههه بقوله بقوله
جنى تضحك بقوه : عاد هو "وترص على الكلمه" حــــده على أي حد يخق
"غزل ضحكت "
غزل: وه طلع مغازلجي خلاص غيرت رايي مابيه
"ضحكوا البنات "
عبير: لاتحاولين مشاري مو مثل فيصل زين
غزل: شنسوي لك خذتي الزين وخليتي لنا بقاايا
لميس: عن الهرج اهلكم وش زينهم الحين بتنشبون لفيصل
"ضحكوا البنات "
اديم: شفتي شلوون
لميس: شوفوا شوفوا سهر ساكته خايفة تاخذون اخوانها منها
"ضحكت سهر وضحكوا الباقي "
منار: الظاهر كذا
عبير: صدق بنات حولوا على سهر
سهر تضحك : لو سمحتوا بعيد بعيد
منار تضحك : شوفوا الفرق وحده تقول يابختنا والثانيه تقول بعيد بعيد
سهر: ماعندنا مجاملات لو سمحتي
"ضحكوا البنات "
غزل تتكلم : عاد ماعندها غير سلطان ومنصور ... منصور مانصحكم فيه وسلطان هذا عالم اخر
وصايف تضحك : بالعكس منصور وش خف دمه
سهر تناظر غزل: قولي لها شينة الحلايا اللي يسمع من زينها
"غزل حست ان سهر بدت تحقد عليها حتى لو بالمزح وهذا اللي ماتبي توصل له "
غزل تضحك تغطي : لااستهبل كلكم اخوانكم مزاييين ... غيروا السيره
عبير تناظر اديم : انتظر الضوره
"اديم والبنات ضحكوا واديم رسلتها لها "
.
.
.
Sports Forum
"فيصل كان ميت على عبير يبي يشوفها بأقرب فرصه بس ماهو قادر يعبر حتى بنظراته لان الشباب تحمعوا "
" كانوا الشباب قروبات متوزعه بالمكان .. كل قروب يسوي شي.. طلال اول ماجا عند قروب فواز الي توه منظم لهم كان يناظر فواز ويبي يفهم شي من عيونه "
طلال: فواز وين كنت فيه
فواز: كنت اتمشى
طلال: مزاعلنا ليه ماجيت معنا
فواز يناظره بمعنى تحقيق
طلال ابتسم : طيب شفيك مو على بعضك
فواز رفع حاجب: وش اللي حاشرك
طلال ابتسم وهو يشرب الديو ويرفع حاجب : اخوي واخاف عليك
فيصل يناظر فواز اللي انتبه له : حد دازك عليه
طلال ضحك وحس انه ماراح يقدر يستدرجه : اقول برب بس
مساعد يضحك : اما هالطلال ووليد عايشين الجو
فيصل: وابشرك اخوك انضم لهم
مساعد: لا تكفون جيبوه لايعاديه تراه هو كان ازيد منهم بس يوم اشتغل كنه شوي ركد
فواز ضحك : هاللي تشوفون عايشين احسن منا
فيصل : ماعلي منك جنون تهور وش اللي حادنا نفوسنا الزم
فواز يضحك : في هذا الشي جاد
مساعد: سلطان ماراح يجي؟
فواز: يقول الويك اند اللي بعده
مساعد: اهااا
" عند منصور وبدر "
منصور لمازن : نخلص القيم ونلحقكم
مازن : اوكيييه " وراح "
بدر: ليه تأخرت "ويضرب الكره "
منصور: الله لايوريك
بدر: سلامات "وينزل العصا ويناظره "
منصور نزل عصايته بعد: موقف احسد عليه
بدر تحمس وبصوت هامس: معها
منصور يهز راسه بيأس : ايه
بدر تحمس: وش صار وش صار
منصور: الوقت مو مناسب اقولك
بدر: قول بس
منصور: ولو حد سمع
بدر حط العصايه على الطاوله : تعال في السياره قولي
منصور: لا خل نلعب لاحق عليها
بدر يروح ويسحبه لانه متحمس الاخ ناوي يستفيد من خبرات منصور الغراميه امحق
"منصور ضحك ومشى وراه وركبوا سيارة منصور وبدا منصور يقول له بأختصار"
بدر شهق : العن شكلها ماقواااااااها
منصور يضربه: عن الغلط مع وجهك
بدر: اقول منصور ابعد عنها تراها قويه ومتهوره ياخي وش تبي فيها نصيحه ابعد وخليها قالبه السالفه معركه
منصور يضحك لان بدر بدا يغني وناظر قدام : وهذا اللي انا متحمس له انت خبرك انا شلون افرح بشعورالانتصار وبما انها معركه ومعها هي راح ابداها وانهاها بأنتصاري ونفسي اشوفها بلحظه ضعف وقتها
بدر: ابعد عن الشر ياخوي وغنيلو اقول اقول أي خبرات بناخذها منك ماخبر الحب فيه معارك طقني واطقك
منصور يضحك : تعرف مره متحمس انا لها بعكسك لاني ضامن النتيجه بالنهاية
بدر: ليكون ردها مثل رد اديم
منصور: لاحبيبي انا بضربها بالوقت الحساس يعني مو الحين بخلي اليوم اللي احسم فيه فوزي عليها يكون وقت ماتقدر تحكي فيه تنخرس
بدر: واذا حد خطبها قبلك وهي قبلت على طول على اساس تقهرك وتكسب هي
منصور شهق: شلووون راحت عني
بدر: انا صرت كل شي اتوقعه منها ذا الانسانه
منصور قعد يفكر: شسوي زين من جد راحت من بالي
بدر: دام تبي تكسب لاتخلي شي يروح من بالك
منصور: طيب شور علي بسرعه
بدر: مادري احجزها مثل ماسوا فيصل
منصور ابعد هالفكره :لالالالالالالا نوا وااي انا في مخططاتي اشياء كثيره وماتمشي مع اسلوب فيصل
بدر: اجل وش بتسوي يالذكي مو شرط الحين فكر وخذ راحتك وانا بفكر بعد لان الحين ماتوقع حد يفكر يتزوج احس لساتهم صغار وغزل لسا صغيره بعد بس بيني وبينك عقلها اكبر من عمرها انا اختي كبرها ولاسوت سواتها
منصور ضحك: بس تتحرطم عليها لاتروح مني بسبتك
بدر يضحك: شسوي احبك واخاف عليك منها
منصور: اقول انثبر يلا قوم ننزل وابي افكر شسوووي حسبي الله على شيطانها
بدر يضحك: من جد ماقوااه
"منصور ناظره ونزل وبدر لحقه "
"اول مادخلوا.. شافوا فواز وفيصل ومساعد ومعهم ثنين .. راحوا يسلمون عليهم لانهم عرفوا مين "
منصور: وينكم مابينتوا
سلطان: والله هنا بس مشغولين والله
منصور: اللي يسمع وش شاغلكم
سعود يضحك : مشاغل الدنيا مشاغل
بدر: حتى بالسفر
سلطان يضحك : شفت شلوون
.
.
.
" يـــــــــاسر "
" ياسر طول هالفترخ ماله حس ولا خبر بالقصه ... ياسر على كثر مايحب لندن على قد ماكرها بعد وفاة ابوه .. له ذكريااات كثيره في لندن ... وراح يذكرها لنا بعدين ... كان يحس بهالرحله بكتمه بقلبه.. هو اول رحله جماعيه يطلعونها بدون ابووه .. ياسر مو دلوع ابوه ولا شي بس شي طبيعي كل هذا يأثر فيه .."
" بس الشي الوحيد اللي فرحه رضا عبير على فيصل لانه ارتاح جزئيا من المسئوليه اللي عبير.. لان عبير طول عمرها دلوعة ابوها وعارف انه ماراح يغطي مكان ابوها مهما كان ... بس قاعد يحاول لو القليل لان ياسر من النوع العصبي الكتووم .. اللي يبين على وجهة بس يلزم لسانه .. ياسر يفكر لو يتفرغ لنفسه شوي بس الابواب تتسكر بوجهه .. لازم يأمن على عبير بيت زوجها .. ويبي يضمن دراسة وليد اللي مابعد يقرر وش بيدخل خصوصا كل اختباراته القدرات ماتساعد .. وماوده يعود وليد على الواسطات مع انه قادر يبي يدخل وليد قسم هو يحبه ويبيه مهما كان لان وليد لو دخل قسم مغصوب عليه ماراح يقدر يكمل فيه .. وكل هذا مايساعده انه يتفرغ لنفسه لذا ترك هذي السوالف لبعدين "
.
.
.
"اليـــــــــــــــــوم اللي بعـــــــده "
" في المــــــــلاهي "
"اليوم الكل صحى بدري وكل واحد خذ اهله ومشى فيهم للملاهي لان الملاهي بعيده .. وكانوا البنات متحمسين ومثل ما تفقوا يسووون اللي خططوا له طلال ووليد تشققوا على البنات اول ماشافوهم بالبلوفراات وحماسهم واول ماطلعوا صفقوا لهم والشباب استغربوا من اشكالهم بس ماعلقوا "
وليد يصفق : GAP هالايام بعشره
طلال يضحك: لو سمحت بس عند بناتنا
" البنات مالحقوا يكلمونهم لان كل شوي توصل سياره وتاخذ اهلها "
وليد: بنات اخر زمن
طلال يضحك : اشكالهم حفله
وليد: من جد واتحداهم يلعبون بس عذر
طلال يضحك : من جد
وليد: تكفى خل نحفل فيهم
طلال يهمس لوليد : تعرف وش مشتهي
وليد: وشو
طلال: نركب هذي بنت عمي عبدالرحمن بسمه لعبه تخوف ونشوفها شلون تصارخ ياااي
وليد يضحك : هههههههههه حرام عليك بريئه البنت
طلال: وهذا الحماس وخاطري اصورها
وليد: اسويها فكل البنات الا ذي تكسر خاطري كافيه خيرها وشرها
طلال يضحك : اقول ياحنون امش نركب وين مزون بيروحون معنا
وليد: انا خايف عليه منك
طلال يخزه: وش قصدك
وليد يضحك: ابد ابد امش
"وركبوا ولحقهم"
.
" مــــــــــلاهي "
Towen tower
"في البدايه هذي الملاهي اكبر ملاهي في اوربا .. هي تقع خارج لندن تاخذ مسافه ناس يروحونها بالمطار ناس يروحونها بالسيارات المستأجره مثل ابطالنا.."
" في سيارة منصور كانت سهر ونجود وبسمه ومعهم سلمان "
منصور: يلا قوموا وصلنا حشا ماكنكم رايحين ملاهي جاييين تنامون
بسمه ماكانت نايمه شهقت
منصور اخترع: شفيك ووجع
بسمه ضحكت : يخوف شكل الملاهي كلها حدايد
منصور ارتاح: وانا اقول وش فيك بس تراها حماااس
بسمه: تخوف والله أي حماسه
منصور: الحين بتلعبين وبتغيرين رايك
بسمه باستهزاء : أي طيب
منصور يضحك: تخافين بسووم
بسمه تبتسم: شرايك شوف شكلها بلاول
منصور: اجل بلعب معك
بسمه تضحك : لاتطنز
منصور يضحك : طيب صحيهم يلا "ويدز سهر" سهر ووجع قوومي يامال اللي مانيب قايل
سهر فتحت عيونها : وصلنا
منصور: أي يلا... بسوم قومي نجوود
بسمه تصحي نجود الي قامت وحطت نظارتها ومنصور يناظرها من المرايه
منصور: يممممممه العيون سم الله علي
نجود: حل عني
منصور: بسم الله علي وش هالنفس الشينه بسمه انتي مثلها
بسمه ضحكت: مادري يمكن شينة بس مو مثلها"وتصحي سلمان" سلومي قووم
منصوريصارخ ويعلي على صوت السي دي : سلووومي حبيبي قوووم
بسمه كانت مبتسمه و سهر ونجود ساكتات ومبرطمات
سهر تتأفف : كل ذا عشان ملاهي مالله حادنا
منصور: ماتبين تلعبين
سهر بنفس شينه : لا
منصور: كان قلتي من البدايه
بسمه: هذاني ماني لاعبه بس بلعب دنو وسلوومي مع نجود
منصور: لاتحاولين انتي بتلعبين معنا
بسمه: لاتحاااول بس
منصور: بنشوووف
بسمه تضحك وهي في داخلها نو واااي تلعب
سهر: وينهم وصلوا ..؟
منصور: أي هذا ناس قدامنا وناس ورانا
نجود: بنضيع في هالملاهي يبي لنا ووكي تووكي
منصور ضحك : هذا اللي فاتنا
سهر: من جد نخاف نضيع
منصور: لاتخافون بنجيب معكم طلال ووليد
سهر ياكرها لهم: لامانبيهم هالمهابيل
منصور: بكيفكم..!!
بسمه: لايبي لنا رجال مانبي نروح لحالنا وقسم بالله نضيع
منصور يضحك : بسمه تدرين مافي حد يخاف على نفسه كثرك
بسمه تضحك بحيا: قول الصلاه على النبي
منصور يضحك : شفتي
بسمه ضحكت وسهر بعد ابتسمت
" المووووووهم بعدها وصلت السياره واتفقوا كل واحد يوقف سيارته ويقص التذاكر ويدخل ويتلاقون داخل ... وبالضبط هذا اللي صار .. تجمعوا البنات بجهة والعيال والامهات قريب منهم"
بسمه تضحك: اشكالكم حفله
عبير تغمز: نعجبك
"غزل كانت مخططه اشياء كثيره لطلعة الملاهي هذي "
غزل: سهوووره مو باين منك شي كل وجهك هات ونظاره
سهر ضحكت: شوفي مالي مزاج
بدر يصفق عشان يلفت انتباه البنات ومسوي ثقل بنفس الوقت عليهم
بدر يصارخ: تعالوا هنا شوي
"قربوا البنات وبدر كان يناظر سهر ولاحظ على وجهها انه متغير وبدا عقله يتشاغب"
بدر يتفلسف : يابنات وليد وطلال بيكون معكم وخلوا جوالاتكم مفتوحه عشان لاضعتوا ..اوكيه
البنات بتمتمه : اوكي
"غزل كانت متعمده ماتلبس نظاره ومنصور كان عكسها لابس .. تقدرون تقولون غزل تحس بنظرات منصور لها وكانت تتعمد تناظر مشاري وكان همها مين لانها مسويه نفسها تناظر بعيد محد انتبه لها غير سهر اللي قامت بجد تكتوي على اخوها "
بدر يصفق: انطلقوا يابنات.."وبحركه للشباب " وهيا ياشباب
منصور: يلاااا "وبدوا يركضون"
فيصل: نظاااارتي اخاف تطيح ماني براكض
بدر بصوت عالي : قول مافيني ليااااااقه
منصور يضحك بصوت عالي: حرام تفشله قدام خطيبته
فيصل: اقول انخرسوووا بس"وقام يركض معهم "
"ومساعد وياسر يمشون بهدواه وراهم "
"لان الملاهي اذا قعدت تتمشى فيها ماراح توصل ولا حق لعبه وحده "
ام محمد : حنا بنقعد بهذا المقهى بس تخلصون تعالوا هنا
ام فيصل: عطونا شنطكم وحطوا جوالاتكم بجيوبكم
بسمه : نجوى انا بجي معك
طلال يصرخ: لالالالا يلا امشوا كلكم
بسمه تبتسم: انا ما العب
طلال يمشيها: أي أي بس لازم تكون وحده معنا مرافقه
نجوى تضحك : لاروحي بسمه في العاب ميب خطره وانا بروح مع محمد
بسمه استحت : خلاص اوكي
طلال ووليد: يلالالالالالالالا
طلال: وخفوا نفسكم لاتقعدون تتمطقون لي يلا بنركض
عبير تضحك : هي وين حنا فيه
طلال: اقول امشي مافي حد
"طلال ووليد سبقووهم .. والبنات يمشون شوي شوي يصللحون لبسهم ونفسهم ويعطون امهاتهم الشنط ... "
"بعد فتره طلال ووليد زهقوا "
وليد: شوفوا حنا بنركض تبون تلعبون الحقونا
البنات شافوا انهم بعدوا عن اهلهم وعادي اذا ركضوا
جنى: يلاااااااا
طلال ناظر وليد وضحك
وليد: يلالالالالا
"وصاروا يركضون"
جنى بعد فتره بسيطه حست عظامها تتكسر: وه وه تعبت
طلال ووليد لفوا عليها : هههههههههه لعنبوها لياقه فيكم
طلال: شوفهم ينافخون مابعد نسوي شي
وليد بتشاؤم : شكلنا ماراااح نلعب اقول خفوا نفسكم
جنى تنفخ : ماقدر خل نمشي وش حادنا
طلال: تونا على الصبااااااح ويالله نخلصها
"شوي ويشوفون بسمه تتسحب وراهم "
وليد: طلالال اقول قم نلحق الشباب ذولا ماوراهم الا العنا
طلال: شسوي فيكم بتركضون ولاشلون مابعد نوصل للمنطقه اللي نبيها
" البنات بدوا يركضون شوي شوي وصدق بعضهم مافيهم لياقه ... ماعدا نجود ومنار ولميس كان ماعندهم خلاف "
وليد يركض: خطير الهوا
طلال: من جد مره يسااعد
"وبعد ماوصلوا للمنطقه وقفوا يستريحون"
غزل تدق اصبع : عز الله لعبنا هنا
عبير تضحك : من جددد
وصايف: حماااس حماااااس
جنى: من جدددد
سهر: ما اقواكم
جنى: يلا وش بنلعب الحين
منار تناظرها: حمااسك
جنى تضحك: ليه شفيكم تراها مو مرره
غزل: أي من جد
طلال: يلاااا جنووو هذي بنلعب
"جنى لفت عليها وكانت اوكيه مقبوله تلعبها"
جنى: اوكيييه يلا من بيلعب
"تناقشوا من يلعب كل شوي وحده تقول العبوا جربوها بعدين حنا"
"في النهايه اللي ركب وليد وطلال وعبير وغزل وجنى ووصايف ولميس"
لميس: cammon gyus
نجود: شوفيها شوفيها وبعدين نلعب وراكم
عبير: نجود شكلها مو مره تخوف نلعبها كلنا حماااس والله
نجود فكرت بعدين قالت : يلالا خلاص
" المهم ركبوها وغزل لصقت في اخوها وعبير كذلك وجنى و وصايف ركبوا مع بعض ولمي ونجود"
"المهم نجود ولميس كانوا مسكرين عيونهم طول اللعبه وصراخهم وين واصل بعكس طلال ووليد اللي كان صوت سوالفهم على العااالي"
" وجنى ووصايف كمان كانوا مبسووطين ويصارخون ووصايف تصفق"
.
.
.
عند الشباب
" دايركت توجهوا لاخطر لعبه .. ياسر ومساعد ضيوف شرف من البدايه "
" اللي ركبوا بدر ومنصور وفيصل ومازن "
مشاري: والله ماركبه
بدر: جبان جبان هي هي
مشاري: ياعساي اجبن انسان بالعالم والله ماركبتها
منصور: بكيفك بتفوتك يلا امشوا بسرعه
مساعد لياسر: متهوري
ياسر يضحك : من جد
مساعد: صوروا نبي نشوفكم وانتم تلعبون
مازن: ولايهمكم يلا شبااب
" راحوا وركبوا والشباب كان قلقين عليهم لان اللعبه بقوه خطيييره "
" الشباب مع ان اعدادهم زوجية الا ان فيصل ماصار مكانه جنب مازن لان صادف اللي جنب فيصل وحده فرنسيه عمرها مابين 15 و 16
ماازن قلبه يدق ويكلم فيصل
فيصل : لايفوووتكم
مازن يضحك: حسبي الله على شيطانها
منصور يصارخ: ذولا قلوب حجر عليهم
"الاجانب يطالعونهم شعندهم يصارخون"
بدر يصفق بحماس ويسبهم ويسوي نفسه يرقص
منصور يضحك عليه
وحده من الموجودات متزوجه ومعها زوجها تناظره وتقول: stupid
بدر شهق ويسبها بالعربي ويناظرها: ستيووبد بعينك ان شاء الله قولي امين عمى بعينك هالمزارقه يالمريضه
منصور يضحك وبدزه: لاتمشكلنا مع زوجها
بدر يناظر زوجها: مافكرت الافيه هالسيلاني مدري شلون خذته
فيصل ومازن يضحكون
"فتحت ابواب الدخول"
بدر بحماس : هييييييه
"وركبوا وربطوا الاحزمه "
"فيصل يشوف مازن قاعد يطلع جواله"
فيصل: اقوول بس دخله لاتتفلسف لايطير منك
بدر بدا خاف : من جد مزون دخله
مازن يضحك: أي الخوف رحمه
بدر يتمسك: انا اشهد
بدر لمنصور: شفيك انت متبلعم
منصور يضحك: بيني وبينك نشفت
بدر يضحك ويصارخ: لايفوتكم شكل منصور خايف
"االشباب من ورا يضحكون ومنصور من جد بدا ينشف وصيح العداد بأنطلاق اللعبه "
" طراااااااااااااااااااااخ "
"وبدت انواع الصراخ يطلع "
مشاري من برا: شوفهم بيموتون وتبوني العب
مساعد يضحك: والله تخوف
مشاري: بقوه
ياسر: انا العب العاب بس مثل كذا مالعب
مشاري: تذكرون اللي باليونيفرسال بأمريكا مثلها بس مصغر ركبتها ماقلت شي اما ذي تخوف ابي اشووف وجووهم
ياسر يضحك
مساعد: منصور من قالوا بيركبون سكت ولاعلق
ياسر يضحك : من جد الله يعينه
" بعد مرور دقيقه وكم ثانيه وقفت اللعبه من سرعتها "
بدر حاط وجهه على يده : واااااااااااااااااو مابغينا
منصور: اللي يركب هذي اللعب سوبر مان صراحه
بدر يضحك: تدري خفت عليك ماسمعت لك حس
منصورك وفيه صوت يطلع مه هالجو وهالسرعه
بدر يصارخ : ماااازن فيصل هل من ضحايا
فيصل شوي وكان واقف جنبهم: بشروا
بدر يضحك : كل شي اوكيه وين مازن
مازن: هذا هو جاي فاتكم انا ماخفت على نفسي خفت على الي عندي راح صوتها وهي تصارخ وانا اقولها اسكتي اسكتي ترى عادي مافي شي
منصور يضحك: ما الومها
بدر ضحك
مازن جاي متنرفز : حسبي الله على شيطانه من ركبت وهو يضحك وصوت ضحكته مقزز
فيصل: يضحك ولا وحده بتموت عليك
مازن يضحك: احلف والله
فيصل: والله توهقت
منصور: تعود على الجنس اللطيف
فيصل يضرب مركبة منصور ويضحك
مازن : اقول قوموا لايطردونا
بدر: خل اعصابنا تركد
مازن: يعرفون اعصابك تركد ذولا قوموا
"وقاموا ونزلوا وبصراحه الشباب ماتأثر فيهم هذا الألعاب"
"اول مانزلوا عبروا عن شعورهم وصورهم الشباب اول ماوصلوا والشباب خذوا صورهم وفطسوا ضحك على اشكالهم وقت اللعبه .."
بدر: تجنن الصوره
منصور يضحك : بقوووه
مازن متشائم من صورته لان شكل اللي جنبه مقزز استغفر الله ومخربه عليه
منصور يضحك عليه : من زينك
مازن : والله اني احلى
منصور يضحك : اقول بس يلا وش بتلعبون الحين
فيصل: مافيي راحه
بدر يضحك: اقول بس يلا شوفوا ذيك يلا
"وبدوا يركضون "
.
.
.
" كل من الطرفين على كل لعبه يسوون قصه طلال ووليد طفشوا من البنات كل بنت جربت لعبه الا بسمه اللي مافي امل تلعب "
" عند البنات "
عبير: لالا ماحنا راكبينها ذي منتوا بصاحيين
نجود : خلاص شوفوا انتوا العبوها وحنا بنروح ذيك اللعبه
وليد: خلاص
سهر: نبي نشووووفهم
عبير: بنلعب وبنخلص وهم ماخصلوا
سهر: لالا اللي بيروح يلعب لعبتكم يروح بس حنا بنشوفهم وهو يلعبون ذي تراها خطييرره
غزل: يلا انا بروح العب نجوود بتلعين
نجود:ايه
عبير: وانا بعد
غزل: جنو وصايف.. في حد بعد بيلعب
جنى: انا بركب مع وليد وطلال
"شهقوا البنات "
سهر واديم: من جـــــــــــــدك
وصايف: بنجرررب بس حلو الشعور بالمغامره
وليد وطلال: وش عليكم منهم ماهو بصاير عليهم شي
اديم خافت عليهم : لا لاتركبونها انتم بنات وين تقوون على ذا الالعاب
وصايف بعناد : مالي دخل بلعبها بلعبها كل صديقاتي يجربون هذي الالعاب
سهر: اسمع وين راحت صديقاتها
وصايف تضحك : من جد ماهو صاير علينا شي يلا يلا وليد طلال بسرعه " عشان تسكت البنات"
"وليد وطلال ركضوا بحمااس ومعهم جنى ووصايف والبنات يسحبون نفسهم وراهم لانهم مو لاعبين "
"اما نجود وعبير وغزل راحوا يلعبون لعبه بعيده شوي عنهم"
"المووهم"
"وصلوا اللعبه وكانت زحمه"
غزل: اوووووف متى دورنا
نجود: باقي هذي اللعبه لمن تخلص وقبلنا ناس وبعدين حنا
عبير: يمه شوفوا قلبي قام يرقع
غزل: هههههه انا صارت عندي مناعه
عبير تضحك : ههههه بس ولو يبيلها قلب
نجود : زين مافي حد بعدنا بنركب اخر شي
غزل: هذا اذا ماخونا على لعبتين
نجود: بنقول لهم نبي مع بعض مو بكيفهم
" وقعدوا ينتظرون وقلبهم يطير مع اللعبه خايفين هالمره لحالهم مافي حد ينتظرهم ولا وليد وطلال اللي كانوا يحمسوونهم .."
" وصـــــل دورهم .. وطبعا بداية كل لعبه يعطونهم تعليمات وكذا شوي وقالوا لهم يوقفون عن بوابة كل مركبه "
عبير تسحب غزل: تعالي معي
نجود: احلفوا العب لحالي "وقلبها يرقع" اخاف بروح اجيب لي حد
عبير: ماراح ينتظرونك حبيبتي اركبي مع أي حد بيملوون المقاعد ماراح تلعبين لحالك"وطلعت لسانها"
غزل تضحك : وش فيكم تتعازمون علي انا بركب الحين معك واللعبه اللي وراها مع نجود
نجود من الخوف عصبت : انقلعوا
“ exuise Me “
نجود قلبها بدا يرقع وبدا يصفهم وبدا المسئول يصفهم وبدا يملي المراكب اللي ورا ونجود على حظها كانوا معها ثنين اجنبين قدامها وجنبها واحد خليجي نجود شافته ونشف ريقها وعبير وغزل يضحكون عليها انهم ورطوها وهي تبي تقولهم انه خليجي وماهي قادره تحكي ووجها بدا يتصبغ باالون الاحمر وخصوصا مو عارف ه وش تسوي هي خايفه هي متوهقة "
"شوي يجون شباب يركضون من ورا وكانت اصوات ركضهم ملفته لفوا البنات وشهقوا "
غزل: لفي لفي كنك ماشفتيهم
" هييي هيي من قال انهم مانتبهوا لكم "
بدر: عبييييييروه
فيصل رقع قلبه عبير هنا
بدر: مادريته اختي شجاعه تعالي تعالي
عبير ضحكت ومسكت بغزل
منصور انتبه لغزل : اقووول بس مافيه بزران يلعبون خل نبدلهم
"لاتعليق من البنات "
بدر جا بيروح لها ومسكه المسئول
بدر : just I want to tell here something veeery emportant
المسئول ابتسم له :
Don’t be late
بدر رجع له ابتسامه : اوكي
بدر راح لعبير وشاف اللي جنبها وعرف انها غزل هي هيي غزل هناا : اقوول وش مجيكم ذي الالعاب
عبير: شفيك بعد مانلعب
بدر يتبسم : ماخبر انكم مغامرات
عبير: اقوول بس لاتستهبل
بدر وده ينادي منصور عشان يشوف غزل
بدر بتميلح: بس انتوا الثنتين بتلعبون
عبير: لا معنا نجود هناك مسكينه
بدر لف يبي يشوفها بس المكان مزحوم من حماس الراكبين
غزل: ترى اللعبه بتبدا وانت معطلها
عبير: من جد
بدر بخاطره ياشييييييينك: انزين مع خشتكم مسوين قويات بنشوف وجوهكم لاطلعتوا
غزل رمته بنظره وعبير ضحكت
"وطلع بدر من هنا وركبوا البنات من هناك "
بدر راح يتحلطم ويهمس لبدر: الحمدالله والشكر ذي زين تحب نفسها
منصور ضحك : ليه تقول كذا
بدر: مادري هذاني ماعرفها وتكرهني كل حد تكرهه عدوانيه تقول "ويقلدها " ترى اللعبه بتبدا وانت معطلها "ويرجع بتعابير خاصه " ياكرهي لها بس
منصور يضحك ويخزه : اقول عن الغلط
فيصل يتمليح : بدر عبير ماتخاف تلعب
بدر انتبه وجود فيصل وضحك وحط يده على خسره : بس تبي تعلمك انها بنت ناس تخوف ماتخاف
فيصل فتح عيونه : اسم الله علي
منصور ضحك: شوي شوي عليه يستفسر الحبيب بس
فيصل يضحك : لانشميه طلعت
بدر: أي حبيبي وش على بالك
"شوي وينتبهون لحركه فواز اللي كنه متنرفز من شي وطلع من اللعبه "
فيصل حسب فهمه: ما الومه الانتظار حق كل لعبة يطول
بدر ومنصور بعد فهموها كذا : أي والله خل نصف بس ونمسك له مكان كانه يبي
فيصل : بدق عليه بشوف
"ويوم دق سمع ان فواز مايبي يلعب"
بدر: اقول تعالوا نشووف البنات وجوهم اذا طلعوا" ويضحك ومشى بحماس يبي يشوف اشكالهم "
"وهم لحقووه "
.
.
.
|