"فواااا ز صار لك اسبوع ولاجبت لي صاحب الرقم "
فواز: قلت لك ورت بجوالات خواتي ولالقيت يعني اكيد مو من الاهل
سلطان: افففف فواز تراها وصلت معي
فواز: تبيني اتصل على الرقم من عندي واوقفها عند حدها
سلطان: هذا اذا ردت عليك المهم كيف الاهل
فواز: والله تمام ناويين يروحون الملاهي
سلطان: لاحلوو بس الله يعينكم
فواز يضحك: أي من جد
سلطان: كيف بنات عمي
فواز: حدد وش كثرهم
سلطان: ماغيرهم نجود وبسمه
فواز: همم اهاا بخير ماعليهم زود
سلطان: هالله هالله فيهم
فواز: ولايهمك.اوكي سلطان بسكر الحين بطلع مع الشباب
سلطان: اوكي مع السلامه
"وسكروا"
.
.
.
" على كثر القصيد وكثر ماجا من الخيال افكار عجزت ومالقيت الا ثمان اشياء تشبه لك "
" لحظــــــــه عنــاق انظـــار"
..........: سهر
" الا والاسنسير بيسكر "
سهر شهقت ومن الناحيه الثانيه استوعب وضحك على شهقتها وطلع من الاسنسير
سهر راحت تضغط على الانسير
...: لحظه لحظه
سهر نزلت راسها: بدر لاتفضحني تكفى
بدر خق عليها ويتلافت : في حد لالا مافي حد "ويتكي على جدار الاسنسير " قولي لي كيفك
سهر استحت ونزلت راسها: الحمدالله بس تكفى خلني امشي لايطلع لنا حد
بدر: ماسوينا شي غلط واحد يسلم على بنت عمه فيها شي اولهم اخوك منصور وسلطان
سهر استحت ولاعرفت وش تقول : امي تنتظرني تحت
بدر : بخليك تروحين والله بس ارفعي راسسك كله حارمتني انتي
سهر تضحك ورفعت راسها
بدر يازعم خق : واااااه ارحميني
سهر استحت ولابينت : لاتتمصخر وخر خلني امشي
بدر يضحك : لاوربي ماخلق مثلك ماتشوفيني قاعد اغني على كثر القصيد وكثر "وكمل بيغني "
سهر ضحكت وحطت يدها على راسها : انت بجد متهوور وخر بس
"سهر حطت يدها على زر النزول وبدر كان بيتجرأ ويحط يده قامت بسرعه وابعدتها "
سهر عصبت : بدر
بدر بهيمان : صدقيني ماراح ارجع السعوديه الا وانا خالص عليك فيصل مو احسن مني
سهر استحت ونزلت راسها : طيب ممكن امشي لاحد يشوفنا عشان خاطري
بدر يضحك : وانا ماسكك الاسنسير مابعد يوصل
سهر: طيب تحرك ادخل الشقه
بدر يضحك : لا اصلا كنت ناوي اقعد في الممر
سهر ضحكت "وفتح الاسنسير وركبت على طول "
بدر يعلي صوته : واااااه يلومووني ياناس وقفي بوصلك
"سهر فتحت عيونها وهو ضحك "
بدر " يمه ارحميني وش ذا تخقق حشا بسم الله عليها لااحسدها ياااااه ربي خلها من نصيبي "
.
.
.
" ياربي مو قادره اتحمل اكثر تعبت وانا كاتمه لمتى لمتى وماني قادره اسوي شي ابي حد احكي له .. اقول حق مين اذا قلت لغزل بتذبحني .. خلني اقول للميس.... وقعدت تفكر وتفكر الايجابيات والسلبيات لو قالت حق لميس واكتشفت ان لميس شايفه كل شي وعارفه من البدايه ...وقررت تقول واللي فيه فيه "
منار بتردد : لميس
لميس لفت عليها : همم
منار : تعالي شوي
لميس شافت ملامح لميس وقامت على طول وقعدت جنبها
لميس: شفيكي
منار تناظر البنات وحست الوقت متكهرب : تبين نطله
لميس: لحالنا
منار: أي
لميس: واهلك مايقولون شي
منار: ماعلينا من حد مافيها شي
لميس: انا عادي بس اهلك
منار: ماعليك قومي احس اني مخنوقه
"ولميس قامت وبالفعل تحس ان لميس فيها شي مو هذي منار اللي تعرفها "
غزل: على وين
لميس: بنروح الصيدليه بنجيب مشتهيه اروح صيدلياتهم
غزل: رايقاات
"لميس ابتسمت مجامله ومنار ارتاحت من تصريفة لميس ولبسوا بسرعه وطلعوا .. طول الوقت كانوا ساكتيين.. ولميس كانت محترمه سكوتها .. واول ماطلعوا من باب العماره وهب النسيم بوجههم تنفست منار براحه ولميس تنفست بأنتعاش "
لميس: ااااااااه
منار: يالله من جد وحنا قاعدين بالكتمه فوق
لميس: من جد.. باي ذا واي تبين كوفي ولا نمشي
منار: يفضل نمشي مافيني كوفي
لميس: از يو لااايك
"وبعد فتره "
لميس: مانتي ناويه تحكين
منار: اوكي بس لميس لاتعصبين ولاابي حد يعرف ولا ابيك تلوميني واول شي خليني اكمل كلامي كله ومابيك تعلقين قبل لاتسمعين كل شي
لميس خافت : اوكي
"منار بدت تسرد ولميس اول ماسمعت شهقت ومنار خزتها وسكتت ولميس تسمع وهي مصدومه وبدت هي الثانيه تخاف .. وطولت منار وهي تحكس للميس ادق التفاصيل "
"وبس خلصت "
لميس بحماس: ااااااااااه يالخسيس والله لو اشوفه وربي لاوقفه عند حده اذا ماعنده حد يربيه انا بربيه
منار : لميس لااه تكفين هذا يقدر يسوي كل شي وصلني لهنا عادي يوصل لهلي ويدخلني بمشاكل انا ماللي فيها
لميس بقوه: لاتخافين مايقدر الخسيسس هذا بخليه يندم على كل شي سوااه
منار: لميس صدقيني بندم اني قلت لك
لميس هدت: انا ماقلت لك من البدايه انتبهي
منار تناظرها وعيونها تلمع : انا مافضفضت لك عشان تلوميني
لميس حزنت عليها : سوري منوووري بس من خوفي عليك هذا واحد متهوور والموضوع ماينسكت عنه
منار: طيب شسووي
لميس تفكر : هممممممم بقول لمازن
منار شهقت : ايييييييييش صاحيه انتي
لميس: منار مازن يحبك ويخاف عليك مثل مايخاف علي وصدقيني اخوي مرره متفهم وماراح يهاوشك ولاراح يسوي لك شي بالعكس بيكون واقف معك لو قلتي له كل شي من البدايه
منار: انسسي انسسسسي
لميٍس: منار حنا نحتاج رجال باشياء مثل كذا
منار: وانا ماقدر اقول حق فواز ولا طلال عشان يذبحه ويذبحني فوقه
لميس: عشان كذا خليني اقول لمازن
منار: لميسسسسسسس انسسي نو وااي مازن
لميس: انتي ليش تماديتي معه
منار نزلت راسها : بديت اميل له وصارت تجذبني سوالفه وكل شي وبديت احسه يعيش معي وصرت افكر فيه كثير الحقيرررر
لميس: كووويس انه مابعد يسوي لك شي اكبر بس صدقيني وربي لو شفته بمسكه وبشرشحه
منار: شفيك انتي يمكن انا فهمت غلط يمكن حتى هو يبي يسافر وموقصده يلحقني ترى مو بس حنا نسافر
لميس: وااي نوت بس ماتوقع الصدفه تسوي كذا و اذا صادف وشفناه بكذا مكان صدقيني ماني راحمته
منار: اكبر تهور اني قلت لك انتي متهوره
لميس: مو متهوره ولا شي بس خليه علي
منار: لميس لاتورطيني تكفين لايحطنا برااسه
لميس متعوده على هذي السوالف من حكي ربعها : لاتخافين وجربي مره ثانيه تخبين عني شي زين
منار ابتسمت : زين
لميس: ااخ تحمست اشووفه
منار تضحك: صدق انك مشكلجيه
لميس: منار ليكون يحبك
منار انصدمت : اقول انثبري بس
"لميس ضحكت على فكرتها الغبيه"
لميس: لاتسبتعدينها يمكن يصير حب 2009
"منار ضحكت وحمدت ربها قالت حق لميس الي ماكسرت شي على راسها ولاغيرها"
لميس: تراي مت برد
منار: تبين نرجع
لميس: أي عشان لانتأخر
منار: اوكي
لميس: تعالي الحين قلنا لهم بنروح الصيدليه
منار: اففف
لميس: تعالي نروح وناخذ أي شي
منار: يلالا
.
.
.
"اليــــــــوم الللي بعده "
"الشـــــــرقيــه"
"المستشفى"
نايف بعصبيه : مره ثانيه انتبهي
......: قلت لك بالغلط
نايف وفيوزاته ضاربه : اسمعي يا سعاد تراني رجال وافهم حركاتك فياليت تحترمي نفسك و تبطليها هذا مكان شغل مو مكان "ورماها بنظره من فوق لتحت ومشى "
سعاد " ااااااخ مسوي لي شريف مكه وهو مطيح الميانه ع الاخر مع ريموه انا اوريكم ان ماقعدت لكم بالمرصاد "
نايف مشى بسرعه ناحية الكافتيريا وكان وقت غدا شاف ربعه وراح قعد بكل قوته ورما الفايل على الطاوله
خالد: اف اف عسى ماشر
نايف: اخلاقي واصله هنا بسبة هالبنات صدق قليلات ادب مايفرقون ان هذا مكان شغل ومصالاتهم مكان ثاني
رابح : وش صاير
نايف ماحب يحكي عنها بالذات: وحده ناشبه لي مو عارف اسمها تسوي نفسها حكتني بالغلط ياخي حنا رجال ونفهم الحركات اابد ماصار فيه حيا
خالد ابتسم : هونها ماتسوى عليك
رابح : ماعليك منها لمن تسوي لك حركه مره ثانيه وقفها وشرشحها وخل الكل يسمع عشان تتفشل
نايف مشكلته مايحب هذا الاسلوب : اناتوني ماسكها ومكلمها وخلني اشوفها تعيدها
خالد: والله نااس
نايف: تتحسف انك تاخذي صيفي هالبنات مايزيدون الا بالصيف
رابح: كل شي ولا بنات الصيف من كل الاشكال
خالد: الله يصلحهم
رابح: المهم بشرني كيف كانت العمليه
نايف نسى انه طالع من اصعب العمليات : اوو تصدق نسييت بس تصدق العمليات القيصريه من اصعب العمليات وابشعها ماكنت اتصورها كذا
خالد: ناوي تدخل عمليات قيصريه
نايف: لاهونت ان شاء الله عظام صراحه القيصيريه يبيلها قلب قوي
رابح: العظام بعد حلو والله وعملياته سهله وابد ماتخوف
نايف: أي الحمدالله
خالد: الله يسهل لك
نايف: تسلم
رابح: قوم افطر يارجل
نايف ابتسم : أي صح "وقام "
نـايف " نرجع لنايف اللي اغفلنا عنه .. نايف كل حياته بهالمستشفى اخذ له صيفي عشان يتدرب وعشان بس يتخرج يكون متعود على كل شي .. نايف شخصيته رسميه بزود على انه ماتعدى 22 سنه وفيه رزانه توزن بلد .. وعنده اسلوب مختلف عن باقي عايلته واصحابه .. شكله يبين انه دكتور وشخص جدي على قد مايحمل من جاذبيه .. ملامحه هاديه فيها شوي من الحده .. ولانه عنده هذا الشكل وصغر سنه كانوا البنات الي لسا داخلين المستشفى ويبون يتدربون مو تاركينه بحاله .. هو تعب وهو يستحقرهم .. مع انه كان فيه بعض البنات المحترمات الي يقدر يختلط معهم .. لكن غيرهم يفهمون اختلاطه معهم على انه فري ويعطي وجه ..فهو قرر كل بنت يحسها ناويت تتميلح ولا شي يوقفها عند حدها عشان يشتغل على راحته "
.
.
.
" نجــــــــــــود "
لفت نجود بأستغراب وشافت الشخص وتبلعمت
........: من وين جايه
نجود ناظرته بأستهزاء: نعم...!!
......: قاعد اقول من وين جايه
نجود: اخ فواز فيه حد حاطه برج مراقبه لي
فواز نرفزته كلمتها بس مسك نفسه : من وين جايه
نجود تأشر بيدها : وش تشووف يعني
فواز شاف بيدها كيس بس ماعرف وش محتواه
نجود: وبعدين وش يدخلك وين رايحه وجايه
فواز: بسوي نفسي مو قاعد اسمعك بس انتبهي تطلعين مره ثانيه لحالك .. مو خوف عليك .. خوف على السمعه بس"وقرر يمشي "
نجود طلعت كلمتها من قلب: صدق انك حقير
فواز انصقع حس انه هلانسانه تهينه ولف عليها بقرف: شقلتي ......!!
نجود عيونها تلمع لان الكلمه تجرح : أي انت حقير وبقول لعمي على اللي قلته لي ياقليل الادب صدق انك سافل .. سااافل "ومشت تركض وفتحت الاسنسير وكانوا ناس بيطلعون ودخلت قبل لايطلعون وهم استغربوا وعلى طول طلعت المفتاح وضغطت على رقم الدور"
فواز وقف منصدم " ااااااااااااااخ ليه انتي كذا ليييه .. وان وش فيني قلت لها كذا .. انا ماقصد... لا انا اقصد عشان تحترم نفسها وتتحجب حالها حال البنات وتبطل لعبتها اللي هي مو حاسه فيها "
.
.
"من الناحيه الثانيه "
"اوكيييييييييييييييه كذا اجل يافواز طايح لي من ورانا وصرت تعرف تبكي وماني عارف .. ولا ماطحت الا على نجود.. توك تارك اديم وتطيح لي على نجود .. ماشاء الله عليك بس .. بس وش قلت لها عشان تخليها تبكي وتركض .. ما اخبر انك تعرف تجرح "
.......: يلا بو طليل
طلال انتبه : بو طليل بعينك يلا
وليد: عندك مفتاح
طلال: ايه يلا
" كان فيه فاصل زجاجي بين اللوبي وباب خارجي لقسم ثاني .. طلال كان واقف ويناظر بس تمنى يسمع .. وحمد ربه انه فواز ماشافه ..وبعدها طلع المفتاح ودخل على اللوبي ووقتها كان فواز توه داخل الاسنسير "
.
.
.
" وش هالرقم "
بدر: رد ترى عادي
فيصل يناظره : برد مع خشتك بس مستغرب مو سعودي
فيصل : hello
بدر يضحك: ابوك يالهلوو
فيصل يضحك واستغرب ماوصله رد : الووو
بدر يعلق: اييه كذا ومطها بعد الووووووووه
فيصل يضحك ويبعد السماعه : وربي لو ماتسكت بهالقاروره
بدر يضحك
............: مرحبا
فيصل رقع قلبه هذا صوت بنت وش دعوى كذا ناعم حتى ان هو توتر قدام الشباب ولا قدام بدر خافه يفهم غلط : السلام عليكم .. من معي
...: وعليكم السلام انتا فيصل صح
فيصل نزل راسه عشان لاحد يناظره : أي من معي
.......: عطيييييني التليفون لاتجننين ولد اختي
فيصل استغرب من هالازعاج
.....: هلا يبه فيصل
فيصل حس انه عرف الصوت بس يبي يتاكد: هلا والله بس عفوا من معي
...... تضحك : يمه انا خالتك سمر ,.. هذي رغد تبي تجننك
فيصل ضحك : هلا والله بالخاله شخباارك
الخاله سمر : الحمدالله يبه انت شخبارك
فيصل: والله انا بخير مانسأل الا عنكم
الخاله سمر: تسلم يايبه شخبار الاهل عسى مبسوطين بلندن
فيصل : اييي والله ماعلينا .. الاورا ماتجينا هاه
الخاله سمر تضحك : رغد عندها دراسه وماودي اعطلها بس ان شاء الله نلحق عليكم بعدين .. الا مشاري ورا تليفونه مغلق
فيصل: مشاري طول الليل يفضيه والحين يقعد ماعنده شاحن
الخاله سمر تضحك : خله بس يعقل عن هالتوالفين
فيصل يضحك
الخاله سمر: كيف اديم وخواتك والبنات
فيصل: والله بخير مشتاقين لكم
رغد: مامي سلميني عليه
الخاله سمر: فيصل تسلم عليك رغد
فيصل : الله يسلمها شخبارها
الخاله سمر: والله تمام هذي هي
فيصل: دوم ياربي
"شوي قعد يسولف وسكر "
فيصل يتكلم : الخاله بتجينا قريب
مشاري كان توه داخل الصاله: خالتي سمر
فيصل : ايه
مشاري: ياحليييييييلها
فيصل: مطرطعه عليك ليش دايم شاغل الخط
مشاري يضحك
منصور: من جد مشاري ارحم نفسسسك
مشاري يضحك: ترى محد احسن من حد هاااااااه
بدر: والله ماخسر نفسي عليهم المكالمات غاليه
"ضحكوا"
بدر: لاوالله مو عن بخل بس يخسون هالخايسات اخلص رصيدي بسبتهم والمكالمه هنا غاليه
ياسر يناظره ورافع حاجب وش يخربط ذا
منصور يغمز لبدر عشان ينتبه لياسر لان الاخ قاعد يفضح نفسه بنفسه
بدر على طول التفت وضحك وقام يرقع
بدر ويخبي ابتسامته : أي والله هالشغل يخسي اخسر فلوسي عليه لاحق على التعب والخساره.. حنا هناك ويالله نلحق راس على اتصالاتهم فما بالك هنا
ياسر حس ان فيه شي
منصور يضحك : أي والله جايين نروق وننبسط يقعدون يأذونا
" مشاري ضحك بدرن تعليق .. والشباب يضحكون على بدر اللي قاعد يفضح نفسه بنفسه "
بدر خاف : أي وبس مانتوا ناوين تطلعون
"شوي ويدخل فواز وبعدها بفتره دخل وليد وطلال "
"وطلال طول الوقت باله مشغول على اخوه فواز اللي ابدن ماتوقعه يكون طايح له مع وحده من قرايبه .. غريبه وش بينه وبين نجود وهو محيرينه حق اديييم سواء الحين ولا بعدين ......لالا اكيد انه فيه شي بين فواز ونجود لان لو ماكان بينهم شي كان فواز الح على انه ياخذ اديم هالحين .. بس شلون يتعلق بنجود واديم محيره له.. الظاهر انه فواز عارف ان اديم بترفض عشان بس يتخلص من اديم من بدري ويروح يملي عينه بنجود .. بس هو مابين لنا اكيييد عشان يبعد العيون عنه عشان الكل يقول مابينهم شي لان فواز محير لاديم أي أي اكيييد .. اااخ يافواز ماتوقعت يطلع منك كل هذا "
.
.
.
" الله يعينها اللي بتاخذ ياسر "
عبير تصرخ : ماااااااااالت سعد عينها والله
سهر تضحك : هههههههه سوري عبير بس اخوك مره معقد
عبير: والله فديته رزين
وصايف: ماعلي منك لايضحك ولا شي احسن منعزل عن الشباب انطوائي بزود
عبير: لا مو انطوائي والله بس 28 سنه كبير والشباب الباقي صغار يعني اكيد في فرق بالسن
جنى: انا يخوفني اخاف بس يطيح علي بشي
سهر تضحك: ليه جنو شتسوين من ورانا
جنى تضحك : لا هييي لاتفهمون غلط بس يعني احسه كل شي يعتبره عيب حرام كذا يعني
عبير: حراااام عليكم والله انه يجنن
وصايف: مسكينه اللي بتاخذه
عبير: اصلا مانبيكم بناخذ له اديم
غزل: هيييييييي هييييييي ترى غزل مرت اخوي لايسمعك فواز
"اديم ابتسمت من خاطرها بلاكم مادريتوا "
"البنات لفوا عليها وهي تبستم "
وصايف : اوه اوه وقمنا نباااسم
غزل: لاتحرجووووون مرت اخوووي
سهر: ههههه اوكي نغير
وصايف: نرجع لياسر اخوك
عبير: هييي هيييي اشوفك ماخذه اخوي محور حديث
وصايف تضحك : لاوالله ودي اعرف هالشخصيه الغامضه
عبير: مو اكثر من اخوك مشاري ماينعرف له
وصايف: وانتي وين شايفته
عبير: عشرين مره شفته
لميس: مافهمتووها تبي تبين ان فيصل احسن من مشاري
البنات : اووووووووه كذا "وضحكوا "
عبير ابدن ماكانت تقصد كذا ورمت المخده على لميس: اقول انقلعي
لميس مسكتها وضمتها وتضحك
عبير حمرت خدودها
وصايف: خلاص خلاص ماتبين نسولف عن اخوك خل نحول على اخوي واااه فديته
جنى: انتي لاتقولين شي بس حنا بنقول لك الزين والشين
عبير بجرأه : لو سمحتي هو كله زين
" البنات فتحوا عيونهم وضحكوا "
اديم تضحك : ياحبيلك ياعبير
سهر: وش ياحبك لها قولي بنهون عنها ماتستحي
عبير تضحك : اقول يلا مناك مو على كيفهم
وصايف تضحك ومفتحه عيونها : امااااااا الثقه
لميس: ماحد يوثق من هنا والطريق اكييد بينهم شي وتغمز
عبير ضحكت وفتحت عيونها وتصرخ : لميييييييس بذبحك يازينك ساكته سكتوا بنت خالكم
غزل: ههههههههههههه تعجبني تجيبها صح .. وبعدين ماقالت شي كذب
عبير خبت وجهها بالمرايه : كلوا تبين بناااااات
اديم: اعقلوا عن مرت اخووي
عبير رفعت وجهها: كولي تبن انتي الثانيه "ورجعت خبت وجهها "
سهر تضحك : لالا خلاص خذوها طلعت تستحي
عبير فعت وجهها الي تصبغ باللون الاحمر: بنااااااااات بسسس
غزل تضحك : اااااااااه بموت
جنى: بعد بكرا بنروح الملاهي هيييييييي
وصايف: من جد ونااااااسه
بسمه: اللي مايلعب ليش يروح
وصايف: يمسك شناطنا
بسمه ضحكت : لاوالله
سهر: انا ماالعب بس بروح اغير جو اصوركم
غزل: حمااااااااس بلبس بكرا بلوفر كبير وبغطي شعري بالهات حقه
سهر: أي أي كيووووت وانا بعد
غزل: شتبين انتي ماراح تلعبين
منار: خلاص انا بخاويك
عبير: وانا بعد
لميس: شفيكم غيرتوا الموضوع خل نرجع نسولف
عبير ضحكت وكانت بتذبح لميس: اقول سكروا فمها ذي
غزل تضحك وتسايرها : أي والله يلا
اديم ضحكت : اقوول اعقلوا
وصايف: أي خايفه لانها محور حديث العايله هي و عبير
"البنات ضحكوا "
غزل: بالضببببببببط
لميس: خل نلعب لعبه الصراحه
البنات : ايييييييي يلايلا
اديم وسهر قاموا: لالا لو سمحتم
وصايف: هيييييي تعالوا تعالوا
اديم تضحك : والله انا وحده مافيني ولا اقوى عليكم
غزل: تعالو تكفوووون
سهر: انثبروا بس
عبير تضحك : خلاص تعالوا ماراح نلعب بس خل نسولف
"وقعدوا يسولفون حتى شوي شوي وانسحبوا وناموا "
.
.
.
" اليـــــوم الثــــــــاني "
" قامت وتحس انها شبعانه نوم التفت حولها وماكان فيه حد استغربت وشافت الساعه وشهقت "
"عشاااااااااان كذا شبعانه نوم "
"وقامت وطلت بالصاله وكانت هاااااااااديه وراحت الغرفه الثانيه وشافت مافي حد خافت لحالها "
"وين راحوا ذولا عني اففففففف "
"وراحت تتحمم وقررت بعد مالبست طلعت شقة الحريم ودقت الجرس وارتااحت اول ماردت "
ام ففيصل: غزل مارحتي معهم
غزل سلمت عليها : ماصحوني وين راحوا هم
ام فيصل: مادري والله بس عطونا خبر انهم بيطلعون
غزل :اففففف شلون ماصحوني
ام فيصل : ادخلي الحين
"غزل دخلت وسلمت على الامهات وكانت متنرفزه "
ام محمد: متى نمتي امس
غزل: نمنا مع بعض بس مادري ليه ماقوموني
ام فواز: نومتس ثقيل تحملي
غزل ضحكت : بس مو لدرجه ماقوم اذا صحوني
ام فواز: والله ماعلي منتس
غزل ضحكت : زين زين شلوني يعني بقعد انا هنا معكم
ام محمد تبتسم : وش فينا
غزل استحت : مافيكم شي بس شكلي غلط بينكم
ام فواز ضحكت : قومي روحي لهم
غزل: اخاف لحالي,, لحظه بدق عليهم
"دقت على سهر وشرشحتها وطلعوا انهم رايحين هارفينكلز وبعدها سكرت "
ام فواز: كلمي طلال يوديك
"ترررررن ترررررن "
ام فواز : قومي افتحي عسى يكون طلال ولا وليد يودونك
قامت غزل وفتحت وانصفق وجهها يوم شافته
غزل توترت
......: بسم الله علي روحي نادي امي
غزل رمته بنظره مجبوره ماترد عليه وراحت لهم وغيرت ملامحها : خالتي منصور يبيك
ام محمد استانسيت ماتدري ليه : ان شاء الله يبه
ام فيصل: خليه يوديها للبنات
غزل: لاااااااا مابي
ام فواز: محد بيجيك
غزل: يمه لا استحي "يقال انها "
ام محمد ابتسمت ومشت
منصور يبتسم : ياللهم حيييييييهم
ام محمد تضحك : شتبي
منصور يبتسم : شعندها هنا
ام محمد : البنات راحوا عنها وتركوها وجات معنا
منصور يضحك : اهااا
ام محمد تختبره: توصلها
منصور رقع قلبه : اوصلها وين ..؟؟
ام محمد: لعند هارفينكلز
منصور قعد قلبه يدق
ام فواز اقلبت : السلام عليكم
منصور ابتسم وقرب من عمته وباسها على راسها : وعليكم السلام هلا والله
ام فواز: شخبارك يبه
منصور: الحمدالله والله
ام فواز : يبه منصور اذا ماعليك كلافة خذ غزل لعند الهارفينكلز مع البنات
منصور توتر وناظر امه اللي غمزت له بجد ماعرف وش يقول وبالذات جنب امه
ام محمد: أي يبى وصلها مسكينه طفشانه
منصور: خلاص ياخاله ناديها
ام فواز: الله يعطيك عافيه وييسر لك
"وراحت ام فواز "
منصور بحماس : يمه من جدك
ام محمد: ليه انت بتسوي فيها شي
منصور متحمس : فديييييييييتك انا والله انا ويني عنك من اول
ام محمد ضحكت : عاد انتبه عليها ولاتاخذ راحتك بزياده
منصور: يمه احس اني باكلك الحين
ام محمد ضحكت : اقول بس "شوي يسمعون الصوت داخل غزل رافضة تجي "
منصور تنكد : يمممه
ام محمد: لحظه شوي" وراحت "
ام محمد: غزل يلا منصور مستعجل
ام فواز: لاتفشليني فيه ترى شوفي اذا مارحتي لاتقعدين تزنين ودوني ودوني محد موديك
ام محمد: يلا تراه ولد عمك مو ماكلك
غزل فكرت للحظه " صحيح اني ابي اروح بس اخاف يتوحد فيني مع اني طول امس افكر شلون لو شفته بقعد اهزأأه ياربي مافيني جرأه الحين "
ام محمد: يلا يمه
غزل: ان شاء الله "برطمت ومشت وتتوعد لامها "
وامها تضحك : انا عارفه لو قعدت بتطفشني
ام فيصل: مع ولد عمها ماعليها خوف
"منصور اول ماشافهم "
منصور: انا انتظرها تحت ومشى
غزل "أي مسوي شريف مكه جنب امه وهو من جنبها "
ام محمد : يلا وانتبهي على نفسك
غزل اكيد مع ولدك يبغى اقرا على نفسي بعد : ان شاء الله خالتي
"وطلعت وقلبها يرقع تحس انها مرره خايفه "
" منصور كان ينتظرها تحت على نااار وهي ركبت الاسنسير وكانت مررره تنتفض ماتعرف شتسوي تستغل فرصة وتنفذ اللي طول الليل تخطط له ولا تجحده وبعدين تسويه "
غزل" صحيح اني قلت ابي اشوفه لحالنا واهاوشه بس مو بهالسرعه ياربييه.. لالا انا بسكت واذا تكلم او قال أي شي بوقفه عند حده "
"نزلت وكان ينتظرها وشافها لبست النظاره .."
منصور"وربي ان النظاره تحلي بس هي بعد حلوه .. ياترى هل هي بعد تقول عني كذا .. لاتخسي انا احلى منها بالنظاره وبدون " ((مسكيين لووول ))
غزل شبكت يدينها وبعض ومشت وهي تناظر قدام وهي عارفه بس ينتبه لها بيمشي .. بس اللي صدمها انها طلعت برا وماحست انه حد جنبها او وراها يمشي "
غزل لفت : وينه ذا ليكون ماشافني افففففف ليكون لازم ارجع ياربي مالب خلق
منصور من داخل انتبه لها بس سوا نفسه مانتبه لانها ماكلمته ولاقالت له انها اوصلت او حتى يلا .. تتحمل ماحد قالها تنطشه وتمشي انا اعرف شلون اخليها تطنش "
غزل انتظرت شوي ورجعت تتأفف ودخلت وقعدت تناظره وهو كان عارف هذا الشي وكانت متكي على طاوله الرسيبشن وشكله مبين ينتظر ويلعب بجواله وهو اصلا مو عارف وي يروح بجواله "
غزل مسكين ظلمته صدق شلون انا ماقلت له يلا او اشأرت له
غزل قربت وقررت انها ماتتذمر او تبين أي شي من اسلوبها الخشن معه عشانها هي المحتاجه وبأدب قالت : منصور
منصور ذاب على هلادب اللي نازل وكانت الابتسامه بتطلع بس حاول يمسكها ورفع راسه : يلا
غزل ارتاحت لانه ماقال شي من تعلقاته اللي تنرفزها : أي
منصور: تفضلي "ومشى "
منصور" هي هي عرفت اخليها شلون تستحي "
"ومشى وهي تلحقه وبعدها بعدوا مسافه قليله من الفندق حتى جا التقاطع مع الاشاره ووقفوا وصار منصور جنب الاشاره وغزل بعيده عن بشوي ... شوي شوي وبدوا الناس يتجمعون نتظرون الاشاره عشان القطع ..غزل لاشعوري قربت من منصور بسبب الزحمه .. منصوركان يحسها من جنب ....... "
منصور" اااااه ياناس ليتها طول الوقت كذا عاقله وهاديه وربي انها احلى .. مايلوق عليها الاتقدر تجكيها سلوب الخشن ليتها تبطله... ياربي خايف انطق بشي او اعلق على شي وتاكلني وانا كذا بصراحه عاجبتني"
قرين منصور يتحدث لووووووول " لايامنصور شلون تترك الفرصه الي جاتك .. غزل هذي هي جنبك ومحد معكم .. فرصة يامنصور ماتتعووض تحرك قول أي شي "
منصور قلبه قام يرقع من هذي الافكار وفتحت الاشاره ولف شافها واشر لها تتقدم واقطعوا بسرعه"
منصور قاعد ينفض هلافكار من راسه.. يوم استقروا على الطريق حق هارفينكلز "
"وقرر مايبدا في الكلام الا لمن يقربون عشان لو صار نقاش بينهم مايطول "
"شووي "
منصور بتوتر ويحس بحراراه : غزل
غزل انتفضت شفيه ذا يكلمني بهذي الطريقه وش يبي مني : نعــم ..!
منصور اخذ نفس : ترى انا مو قصدي اضايقك او انرفزك اذا شفتك
غزل ردت بسرعه : اجــل..!
منصور ماعرف وش يقول يقول لاني احبك ولا اعرف اعبر ماعرف شيقوول : انا مشكلتي ان اسلوبي كذا
غزل ردت برواقه وبسرعه : لايامنصور انت تتعمد تنرفزني وتضايقني انا بالذات لاني لاحظتك مع كذا بنت ماكنت تضايقها وتنرفزها مثلي مع اني ماسويت لك شي
منصور توتر صح وشوي شوي : يمكــن يمكــن
غزل تنتظره يكمل
منصور: يمكن لاني ياغزل احسك غير عن البنات
غزل رقع قلبها ذا بدا يخورها بس هي راحت بأتجاه ثاني " شكله ناوي يلعب علي هنا مثل مالعب علي ذيك المره " وبأستهزاء: من أي ناحيه
منصور حس اسلوبها المستهزء في طريقة كلامها وشاف الطريق مابقى الا خطوتين على هارفينكلز
منصور: غزل انتي الوحيده من البنات اللي حسيت نفسي اميل لك اكثر شي
غزل شي نفضها وصحاها وذكرها باليوم اللي اعترف لها بنفس الاعتراف بس هالمره بطريقه غير وقفت وحطت عينها بعينه وردت عليه من قلب : منصور لاتحاول انك تخدعني وتمثل علي مثل ذيك المره.. منصور انا اخر وحده تفكر فيني وانت اخر واحد افكر فيك فلا تحاول تقضي اوقات الفراغ معي .. او تحاول تلعب معي العاب خطره مثل هذي لانك خسران بكل الحالات ... ترى لاتفكرني مثل غيري اصدق أي كلمه.. ترى اختيارك غلط في انك تكون خصمي " وبدت تسرع مشيتها وهي تحس انها تطير .. ومنصور لاشعوري وقف كن كلامها وقفه عند حده "
"غزل حست هذي مسألة تحدي بينها وبينه ولازم هي تكسبها يمكن تعجبها بعدين "
منصور كان متوقع رد قوي منها بس مو مثل اللي رمته عليه " اااااااااخ انا كلب ليش قلتها ليش قلتها مع اني اخترت الوقت الصح اللي تكون فيه رايقه ومو معصبه.. البنت يامريضه يامريضه مافي غيرها من اكلمها تقلب انسانه غير.. ياربي ليش قلت لها الحين بتفكرني بموت عليها ... اااااااااااااخ يالقهر ..... بديت اكرههاا .. بس لا دامها فهمتها انها لعبة التحدي مستعد ابتديها معها واطلعها خسرااانه مو انا منصور بن سلمان اللي تتحداني .. انا اوريك ياغزل .. هي ليييييش كذا مو حالها حال البنات هذا عبير وفيصل وش زينهم هذي تخسي تجي يم عبير شبر.. انا اوريها الحقيييييييره قاهرتني شلون ماردييييييييت عليها شلووون .. ودي خذتها وصفقتها "
منصور مالقى نفسه يلحقها : غزل غزل
غزل دعست بريك لانها كانت بتقطع اخر تقاطع وتبتعد عن منصور بس لوتحركت خطوه كان السياره شالتها طار قلب منصور عليها
منصور راح لها معصب ومسكها من يدها : ماتشوفين عميه الظاهر
غزل قاعده تنتفض وتحس جسمها كله ينتفض : مالك دخل زين خلني اروح ان شاء الله جهنم
منصور من شي يحسه : امييييييين ونفتك منك ومن شرك
غزل جنونها وحد يدعي عليها : قول استغفر الله قول استغفر الله
منصور بقوه : ماني بقااايل زين واللي وصلك هنا بيوصلك لجهنم هارفينكلز الشرهه علي انا اللي تعبت نفسي ومشيت مع هلاشكال .."ومشى "
منصور يحس بحرقه بقلبه " استغفر الله العظيم " مشى ومشى ومشى وشوي لف يتطمن عليها وكانت متكيه على الاشاره عورت قلبها شوي وقطعت تطمن عليها وكمل طريقه وهو يتذكر كل شي
منصور " انتي وش جابك لي .. ماهقيتك قاسيه هالقد .. بصير اكرها واتحداها عشان اكرها اكثر.. بس انا متأكد انها تحبني مع انه ماوجد اي اثبات بس انا متأكد انها تحبني او مردها بيوم بتحبني وانا مستعد اجاهد عشان هذا الشي والايام بيننا ياحبيبيتي ياغزل هههه مايلوق بس يلا انا اوريها "
.
.
.
" متى زيـــن "
" بس يرجعون هلي شيوم شفيك "
شيماء: سوري سلطان بس انا والله صايره احاتي هالايام احس اني خايفه من هلك
سلطان : حبيبي حنا ماعندنا شي بالغصب وحتى لو صار صدقيني ماني متخلي عنك
شيماء : صج
سلطان ابتسم ابتسامه طلعت غمازاته : صج
شيماء ارتاحت جزئياً : الله لايحرمني من هالابتسامه
سلطان : ولامنك .. اني واي يلا عليناكلاس بيبدا والشباب راح يعصبون علينا
شيماء: اوكي بس سلطان هلي بييون بعد يومين
سلطان : صدق
شيماء بأبتسامه: ايه
سلطان : يوصلون بالسلامه يارب
شيماء: الله يسلمك
.
.
" انا مادري متى بيعقل هالولد ومايندرة به صج ولا جاذب "
سامي : انا احيانا اي فيييل انه جاد وايام لا
غيث: بينني يقول يبا ياخذها وين يبا هاه
امل : مو شرط ان مثل هذي العلاقات ماتنجح بالعكس انا اشوفها تنجح
غيث: اي بس سلطان مو ويه هالعلاقات ماحد يضمنه
امل: باي ذا الواي هي اللي صدقته
سامي: اي من جد
غيث: الله يستر
Kitty : camon guys time to class
غيث : يلا قومن
"وقاموا القروب كله للكلاس وغيث واللي معه يحاتون سلطان وشيماء الى وين بيوصلون اما الاجانب كانوا يشوفونهم عصافير الحب "
.
.
.
Sports Forum
كان فيصل ومساعد قاعدين يلعبون بلياردو وكان وليد وطلال وربعهم معهم بس يتسبحون بالمسبح .. مساعد لاحظ الراحه في عيون فيصل وبنفسيته.. حس انه حالته تحسسن وحمد ربه على تحول حالته من القلق الى الراحه .. وتمنى للحظه انه يكون مكانه وبنفس شعوره بس ابعد الفكره دايركت قبل لاتتعمق ويصير مهووس مثل فيصل وكنه عارف انه مافي مجال يكون ملك في قلب وحده ..مع انه دور بين اهل امه بس مالقى اللي تناسبه اغلبهم متزوجين والباقي ياصغار مره ياكبار مره هذا غير عنده خاله مابعد تتزوج وهي كبيره بالسن وهو مايختلط فيهم مره يعني نادر مايلتقي معهم لان معظم وقتهم في المزرعه فما يختلط معهم ..وخصوصا بعد ماكشف على بنات عمه واهلهم و مافي وحده دخلت مزاجه حس انه صعب يلقى فتاه احلامه بين اهله ولهذا السبب اغفل عن سالفة الزواج
فيصل : مساااعد ياهوو وين رحت
مساعد ابتسم : هنا والله
فيصل: اللي ماخذ عقلك
مساعد بأستهزاء : ويييه واللي يرحم والديك
فيصل ضحك : هذا اللي اقول وش عنده مشغول البال
مساعد: والله سرحت بكوره البلياردو بس
فيصل يغمزله: أي هوووب ذات العب
"وقعدوا يلعبون "
مساعد وهو يصقع الكوره : ماقلت لي لو التقيت فيها شبتسوي
فيصل نزل العصا وتنهد : اوووه لاتسأأأأألني الحين محد حق علي شسويت وش ماسويت وش ناظرت وش ماناظرت . .. مساعد والله ماتدري وش شلون زاذ غلاك بعد اقرحك علي احس الدنيا نورت بعيني ماني مصدق اللي قاعد يصير وكيف بهذي السهوله
مساعد: وانا قلت لك من البداي مافي شي يوقف بطريقكم
فيصل: قلت يمكن لان توهم مخلصين من سالفة فواز واديم واكيد بيسكتون عن سالفة التخطب لفتره وخطبتي لها بتكون بوقت غلط بس ماكنت بتصير بهذي السهوله
مساعد: الله يسر لك وش تبي اكثر المهم ماقلت لي وش بتسوي
فيصل يتخيل: اول شي بسألها عن رايه في المفاجأه
مساعد بطولة بال: ليش ناوي تطقها سالفه
فيصل تخيل وضحك
مساعد: اصحى تراك خاطب مو مملك
فيصل يضحك لسا : محد قالك اسألني وشبتسوي قلت خلني اتخيل بس
مساعد ابتسم: دام بس خيال مامنه خلاف الكل يتخيل "ويضرب بالكوره " العب بس العب
فيصل مسك العصا من جديد وعلى شفاه ابتسامه"شوي ويضرب الكوره السوداء "
مساعد تنرفز : الله يخسك
فيصل يوم استوعب ضحك
مساعد: مسوي لي سرحان اخ فيصل
فيصل ضحك : شدراك
مساعد: الحين على ايش نلعب
فيصل: عادي نكملها ونعتبر الحمرا هذي السوده
مساعد يضحك : هندي معك هاه
فيصل ضحك
"شوي ويجي بدر ويصفر "
بدر: تااايم اووفر "ويناظر الطاوله يبي يشوف كم باقي ولا لقى السوده ويضحك "
بدر: اللي يسمع تعلبون على شي سنع اقول قوموا بس خلو اللعب لهله تعال مشير نوريهم اللعب الصح
مساعد يناظر فيصل اللي انتبه له
فيصل لبدر: اقول انقبر بس
بدر يضحك : لابس على ايش تلعبون يعني
فيصل: السوده توها طايحه طاح حيلها
مشاري يضحك على حماس فيصل: طيب ليه معصب تراها لعبه
مساعد ضحك وفيصل تفشل
بدر يضحك:من جد
فيصل ترك العصايه على الطاوله : يلا فرجونا لعبكم ومساعد قوم نطلع برا تراها ممله
بدر ومشاري ضحكوا ومساعد لحق فيصل
مشاري: وين منصور عنك
بدر: ليه طفشت مني
مشاري يبتسم : مع وجهك اسأل عنه
بدر: هذا هو بالطريق
مشاري: اهااا طيب يلا طلعهم
"وبدوا هم يلعبون "
.
.
.
"غير طبيعي ازدحاااااااام شوارع لندن ... وكأن كل من في اوربا موجود في لندن.. صحيح هي مدينه جميله في ماضيها وحاضرها ولو زرت متاحفها وتاريخها كان شفت جمال الحاضر ..
لندن مدينة الضبااب .. مدينه يتخللها شي من الجو الشاعري المتقلب ...
كان متحمس لهذي السفره المختاره من كبار العايله .. كان يتذكر كل المواقف اللي صارت له مع البنت اللي للأسف تشابه حبيبته خارجياً ومتأكد انها تعاكسها تماما داخليا .. مالقى شخصيه من شخصيات العايله اهتم لها كثرها .. يمكن لانها كانت غير عن كل البنات في اشياء واضحه .. مع انها جميله الا انها تحاول تخفيه بتصرفاتها المتهوره ...
ياربي لااا وش جميله ليكون انعجبت فيها.. لااااه ويني وين انعجب في هذي .. انا كل اللي يهمني انتمائها للعايله والتصرفات اللي تصدر منها .. كان يخاف عليها من نظرات العيال لها ويغار عليها كغيره اي ولد عم لأهله ...
ترك تفكيره في هذي البنت الي تحاول تشغل باله وانشغل في نفسه
أيـــــــن قلــبي ..............!!
هذا السؤال اللي حير فواز ..حس نفسه تايه خلال هذي الايام .. اديم وتخلت عنه حالها من اللي قبلها.. هو كان يدور لقلبه الاستقرار اللي عمره قلبه ماحس فيه .. كان يحس انه طفل وموعارف شلون يتصرف .. التفت لبنات عمه اولا وشافهم كلهم كبر اديم واصغر .. يعني اذا اديم رفضته اكيد الباقي بيرفضونه ... التفت لولد عمه سلطان ولتوأمه اللي هي اخته سهر وكان عارف ان عمر سلطان 23 وبيدخل بلاربع وعشرين وبما انه هي توامه اكيد نفس الشي .. يعني سهر سنها مقبوول .. بس سهر دلوعه بزيااااده وانا ماقدر عليها .. واخاف تصير لي مشاكل معها مما يخلي علاقتي مع سلطان تتشتت فا ابعد التفكير عنها .. طبعا ابعد فكرته عن بنات عمه عبدالرحمن لانه يحتقر نجود ونجود كذلك وبسمه تذكر برائتها بس مستحيل يقبلون يزوجون الصغيره قبل الكبيره ,,
تقفلت الابوا بوجهه من كل مكاااااااااااااان حس يبي يصرررررخ مالقى نفسه يكلم سلطان ويحكي له اللي بقلبه.. ومن ماخلى كره سلطان لاديم يكبررررررر"
فواز: وش دخل اديـــــــــــم ياسلطان الله يهديك لاتزيدها علي
سلطان : اي لو هي موافقه ماصارلك اللي قاعد يصير
فواز: طيب انا اسف اني كدرت عليك وعكرت مزاجك
سلطان عصب: فواز لاتستوي لي حساس اوكي
فواز ماعرف وش يقول بس اللي فيه يكفيه
فواز: ممكن تشيل اديم نهائيا من بالك
سلطان كتم غيضه ورص سنونه: ان شاااااء الله
فواز: كذا اقدر اتكلم معك
سلطان: طيب اسمعني شور على امك وخلها تدور لك وهي بتشوف اللي يناسبك او خواتك لان سهر على ماقالت انهم ماعندهم اسرار على بعض واكيد اختك تعرف البنات ومين الخاليه ومين المليانه وخلهم ينقون لك بتكسب بالحالتين
فواز: بفكر بلاول انا مابي اتزوج الحين خلاص كرهت الزواج بس
سلطان: فواز انت تحتاج اللي تنسيك عبير وماضيها صدقني بتلقاها عند اهلك
فواز: بفكر ياسلطان بلاول مابي اتسرع
سلطان: انتم تختلطون مع البنات كثير ياخي حرك عينك واختار لك
فواز ضحك : ياشييخ
سلطان: مسوي لي فيها ماتناظر استغل الفرصه اقوول
فواز يسايره: ولايهمك
سلطان استانس: وماوصيك نظاره سوده
فواز ضحك على النصيحه: اقول انثبر
سلطان انبسط: انا عارف منت مسويها بس اضحكك
فواز: ليكون مجربها
سلطان يتنهد: انا عندي اللي تكفيني
فواز رجع عصب: شيلهاااااا من بالك
سلطان تحمس: لاتحاول
فواز: سلطان انت بتجلط ابووك
سلطان: عاد من زين بنات عمك كل وحده شايفه خشتها على ايش قولي عندهم خير كلنا عندنا خير ماهم احسن من حد
فواز: انت ليه حاط الفكره هذي براسك
سلطان بسرعه: والدليل اديم رفضتك وانت ولد عمها محمد
فواز: اوووووووه ردينا
سلطان يغير: انا خلاص غسلت يدي منهم
فواز: انا تعبت معك عنييد ومغرور
سلطان: قلتها مغرور تبي تجيب لي وحده تزيد على غروري والله مانعيش انا ومعها
فواز تنهد : الله يهديك بس
سلطان بسرعه: جميعا
فواز: خلاص ريح اعصابك اانا بسكر
سلطان: لييه؟
فواز استغرب: الوالد يتصل
سلطان تفشل: اوكي سي يو
فواز: فمان الله "وسكر"
"ومن هناك لاابوه يتصل ولاشي هو دايم اذا دخل في مناقشات مع سلطان يا يتهاوشون يا يصير شي اعظك وفواز فكر يسكر قبل لايصير شي اعظم اللي فيه يكفييه "
"فكر دايركت يلحق على الشباب قبل لاينجن "
.
.
.
|