"سلطان طلع فوق الشقه وبدر ومشاري كانوا بيطلعون "
سلطان: على وين على وين
بدر:الناس تقول صباح الخير صباح الورد مو على وين على وين وش شايف بالله
سلطان يضحك ويناظره : يمه منك
بدر ضحك : امزح شفيك بعد مانقدر عليك
سلطان ضحك على نياته : ياحوبيلك
بدر يضحك: ههههههه قم مناك بس
سلطان: اووه مشاري
مشاري : بدري
سلطان يضحك: سوري مانتبهت هذا خذني بسوالف اشوف في شخص جنبه بس ماثبته هههههههههههه
مشاري يضحك بخفيف: يادمك يلا امش
سلطان يضحك: وين الشباب
بدر: مادري ماشفت حد غير طلال ووليد نايمين قلنا نطلع نشوف وين ذهبوا
سلطان ومشاري يضحكون
مشاري يدزه: امش اجل وين ذهبوا امش بس
"بدر ضحك ومشى وركبوا الاسنسير من جديد"
سلطان متنكد: وين فواز
مشاري: مادري والله عنهم أي شي قلنا بندق عليهم اذا طلعنا
سلطان يتنهد: اهاا
وفي خاطره"حسبي الله عليك يا اديم "
"بعد مانزلوا دقوا على فيصل واللي معه وقالوا لهم انهم توهم قايمين من الكوفي وقالوا بيروحون فيكتوريا يتمشوون .. راحوا كوستا وقعدوا وكلموا على منصوور"
"فيصل يوم عرف ان فواز معهم ومادق عليه تنرفز وانقهر "
"بعد ماراحوا وقعدوا سلطان ماتحمل يقعد بدون فواز وجات اديم وزادت عليه استأذن من الشباب وراح وكلم شيما وراح لها بدون شعور "
.
.
.
في الشرقــــيه
3:00 عصرا بتوقيت السعوديه
كانت العايله متجمعه بعد الغدا وكان سفر نجود وبسمه محور حديثهم ""
نايف : يمه اليوم محمد ولد عمي بيوصل
ام نايف: حياه الله
نايف: أي سوي له عشا
نايف: لاتوصي
نايف: مسكين يمه اليوم بيرجع وبعد يومين بيمشي لندن والخاينات بيروحون معه
نجود وبسمه يضحكون
نايف: وش عليكم
ابو نايف: عاد ماوصيكم لاتزعجون عمانكم ولاتأذونهم
بسمه تبتسم: لاتوصي يبه
نجود: افا عليك يبه
ابو نايف: أي عفيه عليكم
نجود: نايف ليه ماتروح
نايف: ماقدر حبيبي عندي صيفي
نجود: خله يولي حرام ماتنبسط هالصيف
ام نايف: محد بيخربه غيرك
نجود تضحك: مالي دخل بس كاسر خاطري
نايف يضحك : عشان نخلص يانجوود ونفتك
بسمه : الله يوفقك
نجود: بالتوفيق
نايف: الله يسمع منكم
بو نايف: اليوم يبه نايف روح لبو سعيد وخذ منه الفي حقت خواتك انا طلبت منه يخلصهم بأقرب وقت واليوم دق علي وقال انهم خلصوا عاد روح انت واستلمهم
نايف: ماعرف بيتهم يبه
بو نايف: انا ادليك
نايف: خلاص
نجود: هيوووو واخيرااا
"بسمه مبسوطه"
.
.
.
"ياعسااااااااي اقدمه لكم بزواجكم"
اديم ولميس ضحكوا
لميس: اميييييييييين "وتفسخ حجابها "
غزل: هههههههه والله ماتقصرون
اديم: مابغيتوا تقوموون
لميس: طيب قوموا كلوا
"قاموا البنات على الطاوله يفطرون ويسولفون وغزل اليوم كان مبسوطه وسهر شوي رايقه "
"سهر كانت تناظر غزل وهي تسولف وفي خاطرها "اخ ياغزل جبتي راس اخوي ما الومه والله بس غريب انه غزل اللي جابت راسه وهي كل العناده فيها ليه ماحب اديم اللي هي احلى من غزل ليه ماحب عبير وش معنى غزل مع انه كل ماتشوفه تسفل فيه ههههههه عليه ذوق والله فناان بس الله يعينك غزل لاتطيقك ولاتواطنك مدري شلون بتعيش حياتك ياخوي ... اخ يابدر وينك وحشني الدب"
"قطع سرحانها جوالها الي دق "
سهر ترد بسرعه: هلا بابا
بو محمد: هلا يبه شخبارك
سهر: تمام والله وانت؟
بو محمد : الحمدالله .. صحيتوا؟
سهر: أي كلنا وقاعدين نفطر
بو محمد: اجل ماطلعتوا
سهر: لا لسا
بو محمد: اوكي بابا تجهزوا اليوم رايحين مدام توسوه متحف الشمع
سهر مبسوطه : اوووكي بابا
بو محمد: يلا ابوي مع السلامه
سهر: لحظه بابا
بو محمد: سمي
سهر : سم الله عدوك.. متى بنروح ؟
بو محمد: الحين 2 الا ربع خلكم جاهيزن على 2 ونص اوكي
سهر :اوكي خلاص ولايهمك
بو محمد: عفيه يلا مع السلامه
سهر: مع السلامه
سهر: بنات بي ريدي على الساعه 2 ونص عشان رايحين مدام توسوه
لميس: عربي تراني اول مره اجي هنا
"ضحكوا البنات"
سهر: رايحين متحف الشمع وبابا يقول تجهزوا
عبير: يالله يذكرني ببسومه تحب تروحه تذكرين سهر
سهر: أي ياحوبيلهم وحشوووني حسافه بجد ماجو بتصل عليهم بعدين
عبير: من جد مره تحبه بسومه
غزل: سؤال ؟؟ ديوم مو خالتك بلندن
اديم: الا هم بلندن بس في الساحل الشرقي
غزل: اهاااا ..سهر سلطان اخوك بعد في نيو كاسيل
سهر: ايه بعد اسبوع بيروح"وكشرت "
غزل: اهاااااا
عبير: ليه؟
سهر: عنده دراسه
عبير: حرااام
سهر: أي من جد اخوي حبيبي
عبير: يلا الله يوفقه
الكل: الله يوفقه ويفتك
سهر: الله يسمع منكم
جنى: انا بروح اشوف امي والحريم
اديم: بتطلعين كذا
جنى: ايه الدور مافيه حد غير ثلاث شقق ومستحلينها انتم وعايلتكم
وصايف تضحك
جنى: يلا سي يو وبقنعهم يودونا ملاهي
"وطلعت"
عبير: أي أي صح نبي نروح ملاهي
وصايف: خلوها بعدين مو من البدايه
سهر: والله ماندري عنهم وش يقرروون
.
"طلعت جنى من هنا وبعد ماعدت شقة العيال انفتح الباب وراها"
جنى لفت: طلال
طلال مستغرب من شكلها : جنى شفيك
جنى استحت: بروح حق امي
طلال ابتسم: اهاا قلت ليكون بتنزلين كذا تفشلينا
جنى: خخخخخخ من زين لبسك والله انه احلى من لبسك
طلال ضحك وبخاطره مااقواهم عيال عمي عبد العزيز: طيب امشي لاتفشلينا
جنى كملت طريقها ودقت الشقه على الحريم
وليد: من تكلم
طلال: جنى الخبله
وليد يضحك يوم تذكرها: طيب يلاننزل
طلال: تدري احس عيوني بتتفقع من النووم
وليد يضحك": وانا بعد خيسنا
طلال: من جددد
"ونزلوا "
.
.
"جنى بعد مادخلت على الحريم سلمت عليهم ووقفت بدايه الصاله "
جنى: استعدوا بنروح متحف الشمع اليووووم
نجوى: ياغبرك
جنى تضحك: وش دراكم
نجوى: ندري قبلكم
جنى: هههههههه تعالي نجوى ليه ماتجين معنا بالشقه يقال انك تحمينا كبر منا
"ضحكوا عليها"
نجوى: لا حبيبتي ابي نفسي ناقصين تعبلون فيني
جنى: والله بالليل نصير رايقات وكل وحده تقول قصه خخخخخخخخ
"ضحكوا عليها"
ام محمد: جنو كنك نحفانه
جنى طارت يوم قالوا لها كذا: ياحوبيييييلك"وطارت تبوسها "
ام محمد ضحكت
ام فيصل: أي نزلت من وزنها حق السفر انا قلت لها اذا مانحفت بلبسها عبايه
"ضحكوا على جنى"
جنى: اتخيل نفسي
نجوى تحرها: بالعكس وش زينك
جنى: ياحلوك ساكته
ام فواز: طيب اقعدي يمه شفيك واقفه
جنى: خلاص برجع انا بس بشووفكم اتطمن عليكم بدل ماتطمنون علينا
"ضحكوا عليها"
جنى تضحك : يلا باااي
"وطلعت ..متوجهة ناحية الشقه الاخت قاعده تفرفر في الدور واول مادخلت مسكتها اديم"
اديم: وانتي بتقعدين رايحه راجعه تتمخطرين بالدور
جنى تطنشها: عندك شي اخت اديم
اديم: احلفي
جنى: اقووول بس"وتكلم وصايف" وش بتلبسين
وصايف: مادري مابعد اقرر.. انتي؟
جنى: وانا بعد بقوم اطلع لي ملابس
وصايف: بقوم معك "وقاموا"
"وباقي البنات قاعدين على الطاوله ياكلون ويسولفون وبعدها شوي شوي قاموا يلبسون ويتجهزوون"
.
.
.
الســــــــــاعه 2:26
"البنات ماكانوا كلهم خالصين بس يوم دقوا اهلهم قالوا انهم خالصين كانوا ماسكين دور على المكوه يكوون ملابسهم وهذا اللي اخرهم "
وصايف متنرفزه : اووووه اول واخر مره نسافر بدون خدامات
جنى مثلها: من جد وش ذا
عبير: طيب اخلصي بسرعه وراك ناس
وصايف: افففف "وتكوي بشوي شوي تخاف يخترب لبسها "
اديم: طيب يلا اللي خلصوا ينزلون لايذبحونا الحريم
غزل: يلا اديم لميس سهر قوموا نسبقهم
لميس: يلا
عبير: استنوا شوي
منار: استنوا
لميس: لاجد عشان لانتأخر عليهم
عبير: طيب يلا
"وشالوا اغراضهم وسبقوهم والباقي بسرعه بسرعه يتجهز"
"اول مانزلوا كان وليد وطلال واقفين معصبين على البنات "
طلال اول ماشافهم : مره ثانيه بنقولكم قبل ساعتين
غزل تضحك والبنات يضحكون
وليد يطالعهم منقهر : وييييييه يلا امشوا
"ومشوا قدامهم وطلعوا برا لبسوا البنات نظاراتهم وكان شكلهم كيووت "
"العيال كانوا مع ابو محمد وبو فيصل واقفين ينتظرون البنات يطلعون عشان يقسمونهم "
"واتفقوا في الاخير على انه بو محمد بيروح مع زوجته و نجوى وسلمان وبنته سهر بالسياره الخاصه اللي تنقلهم وسهر ماكنت تدري انه كذا التقسسيم ... وبو فيصل بيروح مع زوجته وعياله بتاكسي ومنصور وسلطان ياخذون بسيارتهم الباقي .. مع انه ياسر طلب سياره تاخذه وين مايروح هو معه هله بس مابعد توصل .. المهم في النهايه طلعوا كل البنات وكانوا الشباب معصبين ليش متأخرات حظراتهم "
منصور لف عليهم ونادى على سهر: ممكن اعرف ليه متأخرين؟
سهر: صحينا متأخر ومادرينا الا بعدين
منصور: طيب يلا روحي انتي مع سلمان ونجوى مع ابوي
سهر: لاااه ابي اروح مع البنات
منصور: سهر لاتنرفزييني وش كثركم يالله تتقسمون يلا اشوف
سهر: زين باخذ وحده مع البنات معي
منصور: يكون احسن ولف متنرفز
سهرتنادي: غززل تعالي
"غزل عقدت حواجبها يعني خير ماهي بجايه وذا معها"
"منصور سمعها تناد ي ولف عليها وسهر انتهبت بس مابينت تبي تشوف وش ممكن تسوي غزل بمزاجه "
سهر تبتسم لغزل: تعالي بنروح مع بابا
"غزل قربت وماكان هامها منصور الي كان ماخذ الحذر من احد ينتبه له وهو يناظر غزل وخصوصا لابس نظارات ومحد بيفكر يشوف عيونه وين تروح "
غزل: هاه شتبين
منصور"حشا موبنت "
سهر: بنروح مع بابا
غزل: استتي بقول لفواز
"ومشت غزل ومرت من عند منصور ولاكأنها تشوف حد ماتعرف من الفشيله ولاهو تقهره بس "
"غزل وقفت قدام اخوها وكان لسا يناظرها مايعرف وش يسوي فيها يحس انها بس تبي تقهره"
غزل: فواز اانا بروح مع عمي سلمان
فواز: لاتضيقين عليهم
غزل بعناد: لا ترى عادي تقول سهر تكفي السياره يلا عاد حبيبي انت
فواز يبتسم : زين يلا امشي لاتفشليني مو قدام العالم
غزل ضحكت : اوووكي يلا باي
"ومشت مع سهر وهي لسا صافطته وتتعمد تمر قدامه كان خاطره يعقر لها بطريقها ويكسر غرورها"
منصور بصوت واطي يغني : واقدر اخليك تبكي ..واقدر اخليك تسهر قد ماتزيد بعنادك قسوتي بتزيد اكثر
"غزل انبسطت يوم سمعت لانها عرفت انه فهم حركاتها وكملت طريقها بشموخ مضاعف ..واخذت سهر وراحوا قدام سياره بو محمد اللي كان يتكلم مع ياسر "
ياسر: خلاص ياعمي جيبوه معنا
بو محمد: لاعادي يايبه عندنا وسع انت جيب دنو معنا عشان يالله يكفيكم السيارات
سهر لابوها : بابا غزل بتروح معنا
بومحمد يبتسم لغزل: حياها الله
ياسر لف وشاف هالعصفور اللي يتكلم وفتح عيونه "سهــــــر"
"رقع قلبه هذي هي سهر "طق طق طق طق ماتوقعها كذا " لف نظره ماحب يطول "
ياسر: خلاص ياعمي اللي تشوفه الحين بدر بيجيبها موديها الميني ماركت
بو محمد: خلاص صار .. يلا يبه اركبوا عشان تخفون
"وركبت سهر وغزل السياره الي كانت مظلله ولفوا على الشباك بدفاشه يشوفون الشباب"
سهر عمداً: ياربي فديتهم اخواني يجننون
غزل بقهر: وع عيال عمي عبدالعزيز احلى
سهر: لاواخواني احللى وبالذات منصور
غزل بقوه:وع لاوالله سلطان احلى
سهر ضحكت وصلحت جلستها وابعدت غزل عنها: ابي اعرف وش فيك على اخوي والله انه طيب
غزل بقوه : لاوالله نذل
سهر تضحك : ش مسوي لك
غزل: ماسوا شي بس دايم يحب يستفزني
سهر: قولي وش سوا لك وانا اوريه شغله
غزل: بس بس ماحب اسمع طاريه مغازلجي ويقهر ويحرق الاعصاب وينرفز كل شي
سهر ضحكت ولفت على الشباك وصرخت
غزل: شفيك
سهر حطت يدها على فمها : هاه ولا شي
غزل تغمز : أي أي يلا شعندك من صرختي عشانه
سهر: والله ولاحد بس اشوفهم شفيك
غزل: أي صدقتك "وتتنهد " شوفي شوفي عبير و ووصايف وجنى هالمهبل
سهر تضحك: ولاعندهم
"برا السياره "
"قاالوا لهم بالتقسسيم والبنات انقهروا بس يلا لازم يتوكلون مردهم بيلتقون "
"وقتها وصل بدر معصب ودنو وسلمان يضحكون "
بدر يوم وصل : اشوف كل واحد ينذله عند امه
"الكل ضحك عليه اول ماوصل "
سلمان: ههههههههه دنو دنو تعالي نلوح لماما
دنو اول شي لصقت في بدر: بدر يلا اشوف روحي عند ياسر انا الغلطان موديكم
منصور: والله محد قالك مسوي لي فيها حنون
بدر يتأفف
ودنو ضحكت وسلمان معها مسكوا يد بعض بيرووحون لامهاتهم
ياسر يحي دنو: حيييه حيييه دنوو
"دنو على طول تركت يد سلمان وركضت له وسلمان على طول عند امه"
وليد: هههههههههه اهم شي وجهك
بدر: فشلوني اول شي شالوا كل الحلويات وقلبوا فيها بالبقاله وبعدين رموها وكل واحد خذلي على حبه علك وماني عارف حسافه مشيتي والله
"ضحكوا عليه "
"بدر ضحك وقعد يدور على سهر مالقاها وين راحت وهو يتلفت شاف عبير تبتسم له قام وناداها"
بدر: شعندك تضحكين
عبير: عليك يوم وصلت
بدر : اوه كشخوك اخت عبيير
عبير: هههه حرام عليك يعني انا مو كشخه
بدر: هههههه الا قلبو يلا مع مين بتروحين
عبير: مادري والله
بدر يكلمهم : شلون اتفقتوا
منصور: انا مين بيروح معي
بو محمد: خذ انت مساعد واهله وتوكل
فيصل: انا بجي معكم
منصور: خلاص صار
بو محمد: خلاص اجل يلا يبه تحرك
سلطان : وانا باخذ عمي بوفيصل ومشاري والبنات وبمشي فيهم
بو فيصل: خلاص يبه صار
فواز: انا باخذ امي ومنار وغزل وبروح
بو محمد: غزل بتروح معنا فا انت روح مع طلال ووليد وامك ومنار يروحون مع بوفيصل
فواز يناظر امه : خلاص يمه انتي روحي معهم وانا قبل لااجيكم بروح استأجر سياره
مساعد: وانا بعد ابي اروح استأجر سياره
بو محمد: والله نحتاج سيارات خاصه
بوفيصل: خلاص يبه فواز انت الحين روح مع طلال ووليد واستأجروا لفواز وحده ومساعد وحده وخل طلال يسوقها وتعالوا هناك
طلال: بنطول اذا رجعنا استأجرنا
فواز: تكفى تراك شبعان من هالمتحف وبعدين عشان الرجعه ماننزحم
طلال: خلاص
وليد: لو ادري جبت سيارتي
طلال ضحك : اقول بس
بدر يضحك: من جد يلا يلا مشينااااااا
"وتوزعوا"
"بومحمد اخذ اهله وغزل معهم"
"وبوفيصل راح مع عياله ومشاري مع سلطان"
"ومنصور اخذ اهل مساعد وفيصل"
"وياسر خذ امه وعبير وبدر وراحوا بتاكسي "
"وانطلقوا "
.
.
.
"بعد ساعه "
"في مدام توسوه"
"مرت ساعه مو وصولهم وهو يفرفرون ويصورون والبنات والامهات لحاله والعيال والابهات لحال"
جنى: يمه انا طاحت رجلي مابي اشوف شي شبعت رجولي تكسرت
وصايف: ايوالله مليت انا وحده
جنى: جوعانه
منار: وانا بعد
ام محمد: عاد تحملوا الرجال يقولون غداها عشاها
جنى: لااااااااه ماقدر
ام فيصل: توكم فاطرين
جنى: امداه تهضم
منار: ههههههههه حلوه
جنى تناظرها : لااه عجبتك
منار تضحك: أي أي
جنى: اقول قومي مناك بس
"جنى تناظر سهر وغزل وعبير الي يسون حركات ولميس تصورهم"
جنى: اهم شي حماسهم
منار: هههههههه من جد
وصايف:قوموا بس نقعد على الكراسي
جنى: مااما حنا بنقعد وانتم روحوا تمشوا كملوا طريقكم
"مشوا عنهم والحريم قاعدين يتمطقون حبه حبه "
"وغزل والبنات يدورون احلى شي ويصورون لدرجه انهم سبقوا الكل "
وصايف: حرام عليهم ابوي وعمي كل مانجي يجيبونا نشوفهم شبعنا منهم
جنى تضحك: من جد
منار: شفيكم رجالنا مثقفين
جنى: امحق ثقافه
وصايف: اسكتي بس ماحنا ناقصين
جنى تضحك: لايفوتونكم اللي يمسكون في عيال ديانا
منار: يتخيلون نفسهم ههههههه مساكين
وصايف: يجننون صراحه
جنى : من جد
.
.
" عند الشباب اللي تقدموا عن بوفيصل وبومحمد وياسر وفواز اللي قاعدين يقرون "
بدر: منصور منصور تعال اصورك هنا عند جينيفرهذي
منصور يضحك وينقز: يلايلا
بدر: عاد سوي حركه"ويغمز"
سلطان يضحك: اثاريك منت بهين
"منصور راح وراها ومسكها من خصرها ضحكوا الشباب عليه"
مازن: ماعنده وقت
منصور: بسرعه صور لاحد يشوفنا
"بدر ضحك وبسرعه صوره"
"مازن عجبته الحركه والصوره"
مازن: وانا وانا بعد
سلطان: هههههههه الله يفشلكم امشوا بس
بدر يضحك: يلا مازن "ويكلم سلطان " بالحقيقه ماراح يصصير خل يتخيلون
"ضحكوا عليه "
سلطان: طيب بسرعه
"مازن راح جنبها وسوا نفس حركاتها الي كانت مميله خصرها وماسكه المايك بس الاتجاه المعاكس الشباب شافوه وضحكوا وحسوه خكري "
"بدر على طول التقت لانه تفشل وقرر يغير الحركه وصارت الصوره رهيبه "
فيصل : امشوا بس
بدر: طلال ووليد وينهم
فيصل: هههههههه الله يعلم انهم عند انجلينا جولي
منصور: يلا امشوا تلقونهم خاقين على وحده يفكرونها صدق
"ضحكوا عليه"
"وسبقهم "
"مروا العيال من عند ومنصور اول ماشافهم ضحك عليهم وعلى شكلهم"
منصور: الحمدالله والشكر عجايز اللي يشوفكم
"جنى ووصايف ومنار يناظرون بعض وش يبي ذا"
"منصور كمل طريقه ومانتظر رد منهم "
جنى: الحمدالله والشكر
وصايف ومنار يضحكون : من جد
وصايف: قوموا شوفوهم جايين لايقولون وش مجلسهم
جنى: خل يقلبون وجههم وش علينا منهم
منار: من جد
"شوي وقربوا من جنبهم ويناظرونهم "
فيصل: وش مقعدكم هنا
جنى تبرر بأنفعال: والله تونا قاعدين تعبنا قلنا بنريح
"سلطان وفيصل ضحكوا ماقدروا على انفعالها"
سلطان: اسم الله عليك خلاص استريحوا
فيصل ضحك : ياحوبيلك والله
"وصايف ومنار ابتسموا وجنى استحت"
سلطان حس اخذ راحته معها لانها بزر
سلطان : ههههههه اي والله
فيصل يناظره: اقول امش بس"وناظرهم " تيك كير
"سلطان ضحك وكمل طريقه معهم"
منار: يووه مو ناقصين ذولا بعد ويعلقوون
وصايف: هههههههه من جد
"الباقي مرو عليهم وابتسموا بس وكملوا "
وصايف بصوت واطي: يعني حنا نعرفكم
جنى ومنار: ههههههههههههه من جد
.
.
سهر: غزل امشي
غزل: ماقدر خلوني شوي اناظر هالاقمار
سهر تضحك: بكيفك بنمشي
غزل: بس لاتبعدون
"سهر وعبير ولميس مشوا مسافه بسيطه عنها "
……………..: اعصابك لاتسعبلين علينا
غزل رصت على سنونها تعرف هالصوت وياكرهها له لفت بقووه : شتبي
منصور"يمه مقواها ياختي هالبنت ولاتخاف ولاتستحي"وبقوه : عيب تقعدين تناظرين كذا ماتربيتي
غزل عصبت: موناقص الا انت بعد تعلمني الادب
منصور بطولة بال : لاتطولين صوتك بابا
"البنات سمعوا اصوات بدت تعلى ولفوا"
سهر اول ماشافتهم ثنينهم ومبين معصبين شكت بالسالفه "اكيد حد قاري عليهم ذولا من يشوفون بعض شبوا حريقه "
"سهر ضحكت وراحت تبي تشوف وش صاير"
سهر: سلامات
غزل رفعت يدها بعصبيه : شوفي اخوك ذا مادري على ايش شايف نفسه يتأمر علي "ومشت"
"سهر استغربت عصبية غزل المفاجأه"
منصور يهاوش سهر: هذي بنت عمك مريضه "ومشى هو الثاني "
"سهر فتحت يدها الحمدالله والشكر الا شوي والشباب جايين راحت بسرعه عند البنات وغزل ساكته ومتنرفزه"
سهر:غزل شفيك حبيبي ترى عادي
غزل: مو هو الي يعلمني الادب
سهر : طيب طيب اهدي
"عبير ولميس قاعدين يناظرون بعض وساكتين مايبون ينطقون "
سهر لعبير ولميس: ممكن شوي
"عبير ولميس مشوا وهم ساكتين "
سهر: غزل شفيك امسحيها بوجهي
غزل: يخسي الاهو امسحه بوجهك
سهر: طيب طيب
غزل: الله ينكد عليه مثل مانكد علي
سهر: وش قال لك
"قالت لها غزل اللي صار..سهر اتفشلت من اخوها"
سهر: طيب خلاص امسحيها بوجهي
.
"من الناحية الثانيه الشباب كانوا مقبلين "
"وبدر من شاف قفا سهر قام يباسم من شافها وراح اخر واحد يازعم انه متأخر"
.
غزل: قومي نمشي العيال وصلوا
"سهر لفت تبي تشوفهم وانتبهت حق اخر واحد الي كان ينقز يأشر لها ..سهر شافته ضحكت ولفت قبل لاحد ينتبه ومشت مع غزل بسرعه وكملوا مع عبير ولميس "
.
.
"بدر هي هي اخيرا انتبهت لي اكيد الحين بتتزقرت اي تدري اني وراها واشوفها ياناااسي فديت هالقفا "
.
.
"بعد ربع ساعه"
"التقوا البنات مع بعض "
اديم: ماما انا بروح الحمام اوكي
ام فيصل: اوكي
سهر: بجي معك
"راحوا اديم وسهر"
"بالحمام وانتم بكرامه "
"بعد ماخلصوا "
سهر: اديم لحظه
اديم لفت عليها وابتسمت : هلا
سهر: اديم شفيك حالتك ماهي عاجبتني
"اديم بلاك مادريتي انه السبب اخوك بحزني هذا كله "
اديم ابتسمت بنعومه: مافيني شي بس تعبانه شوي
سهر:اكيييد
اديم: دونت وري هاني
سهر: اي هوب ذات "وغمزت "
اديم: يلا
سهر: استني بصلح الميك اب حقي
اديم: اجل انا بروح
سهر: اوكي
"صلحت سهر ميك ابهها وطلعت "
……..: هي هي
سهر لفت على مصدر الصوت وشهقت : بدر
بدر يتبسم : وحشتيني
سهر توترت واختبصت: بدر وش هالتهور
بدر يغمز: دونت ووري مافي حد
سهر : انا بمشي
بدر: اسمعي اسمعي
سهر لفت : بس مسجات "ويأشر بجوالها"
"سهر فتحت عيونها"
بدر كمل: بلوتوث
سهر ضحكت : بحاول
بدر: ماني تاركك الا لمن توافقين
سهر توهقت ووافقت : خلاص
بدر: يلوموني ياناااس على فكره نك نيمي مجنونك"ويأشر عليها "
"مشت سهر وقلبها يرقع "
بدر: سهر
"سهر التفت يعني وش تبي بعد "
بدر: فديتك قمر
"سهر استحت ولفت بسرعه ومشت وقلبها يرقع وتتفداه من داخل"
سهر في خاطرها "ياللله يابدر وشلون انت جريئ "
"وصلت عند اهلها مبسوطه وشوي عطوهم الرجال خبر بأنهم خلاص بيطلعون بيروحون يتغدون وبعدها على طول توجهوا للسيارات"
"ركبوا السيارات بنفس الترتيب بس اللي تغير انه فواز استلم السياره ومساعد عطوه سيارته وانقسم كل واحد مع اهله واتفقوا يروحون مطعم amaiya "
.
.
.
" في المطعــــــــــم "
"انقسموا رجال وحريم وكل ناس على طاوله وش كبرها .."
"كل اللي صار بالمطعم اول ماقعدوا واستقروا استغل بدر ترسل بلوتوث "
"سهر اول مانتبهت لاول مسج مسكت جوالها بيدها وانشغلت تتراسل معه"
"اول شي رسل لها اغنيه بعدين شافها ماردت رجع ورسل لها اغنيه .. وشوي بدت ترسل له اغنيه وبعدين بدوا يتكلمون بالمسجات "
...........: خالتي ام فيصل ممكن دقيقه
"كل اللي على الطاوله لفوا جهة اللي يتكلم"
ام فيصل استغربت :فواز سم يبه
فواز: بعيد شوي ياخاله
"ام فيصل استغربت والكل استغرب بس بعدين طنشوا"
ام فيصل : سم يبه
فواز: خالتي بطلبك طلب ولو انه جريئ شوي بس ابيك تفهميني ياخاله
ام فيصل : سم يبه
فواز نزل راسه: خالتي انا ابي اكلم اديــم
ام فيصل انصدمت
فواز: وعلى انفراد عمتي لو سمحتي
ام فيصل ارتبكت : ماعرف وش اقولك يايبه بس صدمتني بطلبك
فواز: عارف ياخاله بس انا بالفعل محتاج اكلمها وماقدرت اسوي شي يغضبكم عشان كذا طلب منك انتي ياخاله
ام فيصل سكتت
فواز: ثواني ياخاله
ام فيصل ناظرته: ماتوقع اديم ترضى يايبه
فواز: قولي لها قولي لها مثلا تروح تشوف الجو أي شي خالتي لازم اكلمها ابي اتفاهم معها بموضوع وياليت مايكون في احراج
ام فيصل تبتسم : بيشكون كذا
فواز: خلاص لقيتها انا برسل سلمان يروح أي مكان وانتي امري اديم تروح تجيبه
ام فيصل: خلاص يايبه اللي تشوفه ترى مو عن شي الا لاني واثقه فيك يافواز
فواز: تسلمين ياخاله وياليت محد يدري بالموضوع ابدا
ام فيصل: لاتشيل هم
"راحت ام فيصل وقعدت وكنه مافي شي صار ولابينت شي وفواز كذلك "
.
"عند طاوله العيال "
فيصل بصوت واطي لمساعد : شوفها شوفها هي اللي مقابلتني
مساعد: أي وحده؟
فيصل: لابسه حجاب بني
مساعد عرفها وحس برجفة بداخله
فيصل يدزه: عرفتها
مساعد: هاه ايه "ولف على فيصل " الله يهنيك
فيصل: تلومني
مساعد: الوم اللي يلومك
فيصل انبسط : ههههه ياحبيلك
منصور: شعندك انت وياه
فيصل: اووه بدينا
فواز بصوت واطي: سلمان بابا قوم اللعب
"سلمان على طول قام ماصدق على الله "
.
"ام فيصل كانت تنتظر قومه سلمان "
ام فيصل: وه وه اديم قومي يبه جيبي سلمان يبه
"اديم على طول قامت..فواز بس شافها انتفض صار الموضوع جد "
"شوي وقام فواز"
فواز: بروح اجيب سلمان لايطلع برا "ومشى "
"سلمان بس شاف حد وراه زادت شطانته وقام يركض "
اديم تضحك عليه: سلمان بابا مافيني حيل اركض وراك تعال هنا
"سلمان مكمل"
اديم"من جده ذا مالي مزاج ركض وراه "ومشت تسحب رجولها تسحب
..........: سلمان
"نشف ريق اديم ووقف مكانها "
فواز: سلمان تعال بابا هنا
سلمان وقف وقعد يناظرهم من بعيد
"اديم تجمدت ماعرفت وش تسوي وقلبها يدق ويدق"
فواز نزل ويمد يده لسلمان : تعال
سلمان شوي شوي بدا يجي عند فواز
فواز يوم شافه رفع نفسه وبأبتسامه: اديم
اديم انتفضت: هـ هـلا
فواز يفكر: هممم ممكن نتلكم شوي
اديم انصقعت "نعــم من متى ": كيـف
فواز: لاتخافين عندي اذن من الوالده
اديم زعلت"شلون امها تخليها تكلم واحد غريب عنها من جد امها خفت "
فواز: اذا مافيه مانع
اديم: على السريع لو سمحت
فواز: انا اسف على اللي صار من سلطان
اديم: السالفه فيها سلطان
فواز: ايه وامسحيها بوجهي
اديم ابتسمت: لاعادي حصل خير
فواز: اتمنى جد تعذريني وتعذريه على اللي سواه وفيه شي ثاني بعد
اديم: اسمعك
"وصل سلمان لعند فواز قام فواز وحمله لاشعوري"
فواز: انا ابي اسمع بأذني رايك فيني
اديم : نعم
فواز: اقصد اذا كنتي موافقه علي ولالا والعذر الي رفضتيني عشانه عذر مقدمات ولاعذر حقيقي
اديم نزلت راسها ماعرفت وش تقول حست انها متوهقه
فواز: انا ماراح اضغط عليك بس ياليت اكون على بينه عشان عشان ماحط احلامي على اوهام
اديم حزنت عليه : ماعرف وش اقولك يافواز انت اربكتني وماني قادره افكر حتى
فواز: هالتفكير على هالقرار انا متأكد انك ماخذته من اول بس اظن كفايه علي 25 سنه انتظر
اديم: اوكي فواز.. انا حاليا ما افكر بالزواج وانا رفضتك لاني بجد ابي اكمل دراستي انا اعرفك انك موصغير وتبي تكمل حياتك وتاخذ شريكه حياتك فاتقدر تدور لك حد غيري يكمل معك هالمشوار انا ماقدر اتزوج الحين وانا مابديت احقق شي من طموحي ..وكل طموحاتي ماتحتمل اني اكون مرتبطه
فواز اعتبرها رفض محترم: خلاص يابنت العم .. الله يوفقك وتحققين اللي في بالك
"اديم ماعرفت وش تقول كسر خاطرها ومشت بسرعه"
"فواز حس شي انكسر فيه بس دامها رفضته بهذي الطريقه هون عليه شوي..وخصوصا هو شاف بنات العايله كلهم وماانكر ان في وحده منهم فيها عيب وراح يختار هو بنفسه البنت اللي تعجبه"
"اخذ سلمان ورجع الطاوله ويحس نوع ما مرتاح "
.
.
"اديم رجعت وحطت يدها على راسها "وفي خاطرها "ياربي انا وش قلت بيذبحوني هلي لو دروا" لفت ناحية امها اللي تناظرها واديم تلومها بعيونها ام فيصل حست فيها بس ماتقد تسوي شي قدام البنات وبعدين وصل الاكل وانشغلوا "
.
.
.
"تك تك تك تك "
"رفعت جوالها وفتحت المسج عرفت انه من بدر"
"كح كح كح"
"غصت يوم شافت المسج "
غزل تضربها : اسم الله عليك اشربي ماي
"شربت سهر وخبت جوالها بيدها "
سهر في خاطرها "هذا متهور وربي راسلي صورته ياربي شسوي"
"شوي ورجعت تشوف الصور وكان شكله كيوووت انهبلت عليه "
"ماعرفت وش تسوي تخبيه تحذفه بس الصوره عاجبتها "
"قررت تسيفها في فولدر وتحط مسجاته في فولدر خاص وتحط على موبايلها قفل بعد دقيقه لووول "
غزل: شفيك
سهر: هاه مافيني شي
غزل: اكييد
سهر: أي فكيني انتي الثانيه"وابتسمت "
سهر" انا اللي يلوموني فيك ياربي فديته يهبببل "
.
.
.
"بعد ساعه "
يعني الساعه: 6:30
"رجعوا الاهل الشقه عشان يرتاحون "
"ام فيصل كانت تحاتي بنتها الي وجهها منصفق "
"ام فيصل مسكت بنتها اول ماجات بتروح ناحية شقتهم"
ام فيصل: يمه اديم
اديم: ماما بعدين مو قدامهم
ام فيصل: طيب زعلك قالك شي
اديم:دونت ورري ماصار شي بس بعدين اقولك
ام فيصل: براحتك
"ام فيصل راحت الشقه وخافت انها استأثمت في بنتها"
.
.
.
" ترى لهنا ويكفي ماتسوى علي"
....... يتنهد : سلطان واللي يرحم والديك تراي تعبان ولاتصدع لي راسي
سلطان: فواز بالله عليك قولي تسوى علي
فواز سكت وبعدين قال : كلمتها
سلطان انصدم : وشو
فواز: كلمتها واعتذرت بالنيابه عنك
سلطان: على كيفك
فواز: لاعلى كيفك ياسلطان
"ترن ترن ترن"
سلطان ارتبك يوم جق حس مو وقته
سلطان: بعدين نتفاهم يافواز.. شيما متصله ومواعدها انا اليوم عن اذنك
"فواز انقهر وكمل طريقه للشقه"
.
.
.
الشـــــــرقيــــــــه
ام نايف: بتفضون علي البيت
بسمه: ماما لاتحزنيني ترى اهون
ام نايف تبتسم: لايمه روحوا وسعوا صدركم
نجود: جد يمه مو انتي اللي جايبه الفكره
ام نايف: خلاص لاتاكلوني روحوا ووسعوا صدركم ولاتضايقون عمانكم
بو نايف: ماوصيكم
نايف وهو داخل: يلا يمه محمد ينتظرنا
"بسمه ونجود ضموا امهم وابوهم وطلعوا بسمه كانت شوي تدمع "
نايف: انا بودعكم بالمطار
بسمه ونجود ضحكوا وكملوا معه
.
.
.
لنـــدن
جنى: لاتنااامون
غزل: حرام عليك طاحت رجولنا
جنى: سخيفات من جينا ما نبسطنا
غزل: تونا بدينا طلعات خلينا نريح عاد
جنى: وصايف تبين تطلعين
وصايف: خلينا نريح شوي
جنى: طيب بس لاتنامين
عبير: عشان يالغبيه نسهر بالليل
جنى: طيب يلا ارتاحوا بس الساعه 8 بنطلع سامعات
منار: انا ماني طالعه بالليل
جنى: انتي خسرانه
"قاموا كل شوي وحده تروح تريح بالغرفه حتى جنى ووصايف راحوا يسولفون وهم منسدحات بالغرفه مابقى غير اديم وسهر "
سهر: بتقومين
اديم: لامابي اخرب نومي اذا نمت الحين مانام في الليل
سهر: اهاا طيب ديومه
اديم: هلا
سهر: لاتقولين لي مافيك شي الحين بعد لاني شفت شي ومادري اذا راح فكري بعيد ولالا
اديم خافت: وشو
سهر: ماراح تقولين يعني
اديم: وش تحكين عنه
سهر: عن فواز
اديم اختبصت
سهر: ماتبين تقولين لي وتحكين لي مثل اوول
اديم توهقت: في حد غيرك شاف
سهر: لا مافي الا انا
اديم: قلت له اني مابيه
سهر انصدمت شلون سوتها وهي اللي ماتقدر تطل بوجهه: من جدك
اديم تبرر"وقالت لها كل شي بسرعه"
سهر: ياحليله
اديم: كسر خاطري احس بتأنيب الضمير
سهر تبتسم: دامك ماتبينه خلي يروح بطريقه بيصير حرام لو انك علقتيه
اديم: عارفه بس رده كان حلو وهذا اللي خجلني
سهر تبتسم: لاماعليك ويكفي انه امك تدري وبس
اديم: بس امي ماتدري اني قلته مابيك
سهر: لاتقولين لها قولي لها سألني عن سبب رفضي بس وانا بينت له اني ابي اكمل دراستي بس وهو اذا تقدم لغيرك بتفهم امك انه ماقدر ينتظر عشان تكملين دراستك
اديم تناظرها بتفكير : أي والله
سهر تبتسم: شفتي لو ماقلتي لك
اديم: ياحوبيلك والله
سهر: خلاص يلا انا الحين بروح ارتاح
اديم: ثنكيو سهر
سهر: لاعاادي وش دعوى
"وقامت سهر عنها وقعدت اديم تفكر في حياتها "
.
.
.
الساعه 1 بالليل
بتوقيت السعوديه والبحرين
مطار البحرين
بسمه : والله ان محمد طيب .. والنعم منه ..
نجود بلا مبالاه : مو شي جديد
بسمه : اوكي طيب ..
نجود : شوووفيه جا اسكتي خلاص
محمد بكل شموخه : هلا بنااات ايش تحبون تشربون الحين
بسمه : انا عن نفسي ما ابي
محمد : ليه اشربي لك شي او كلي شي خفيف كورسون هذا انا سمعت كلامكم وماطلعنا قاعة الدرجة الاولى والسبب ماتحبون اكلهم يلا الحين اسمعوا كلامي
بسمه ماحبت تحرجه : اوكي خلاص
محمد بابتسامه تذوب اللي مايذوب : اوكي نروح كوستا يلا
وجلسوا نجود وبسمه على الطاوله ومحمد كان واقف
محمد : ايوووه ايش اطلب لكم
نجود : لاتيه وكورسان
لف على بسمه : ايووووه وانتي ؟
بسمه بخجل : قلت لك كورسون بس
محمد يستهبل : متى قلتي لي
نجود دخلت عرض : محمد شكل الطياره بتطير وماشربنا شي
"وابتسم وراح"
نجود : تصدقين احس نجوى حسااافه على محمد
بسمه : ليه بالعكس لايقين لبعض
نجود : لا والله ماشفتيها هي واختها كيف شايفين نفسهم
بسمه : لا والله حرام عليك .. غزل عسل ونجووى قلبها طيب
نجود : بس ماتحسين انه قهر نجوى عند محمد ليته ماخذ نجلا اختي احسن من نجوى
بسمه : نجود تراهم متزوجين وعندهم ولد .. ونجلا متزووجه والا نسيتي
نجووود : لا مانسيت بس
بسمه : نجود خليهم بحالهم والله يسعدهم وهذا محمد وصل بالاكل
محمد : تفضلوا يا بنات العم
بسمه وكعادتها الخدود تصير طماط : زاد فضلك
محمد بذوق عشان مايحرجهم : اووكي انا بروح اتمشى واذا خلصتوا او تبون شي عطوني مسد كول مو رايح بعيد اوكي
نجود : اوكي ..
محمد : عن اذنكم
" وكانت عيون بسمه تلحقه وقلبها يدعي له حست بطيبته وبهيبته في نفس الوقت تحس ان في شي بقلبه لهلانسان لكن في نفس الوقت تبعد هالفكره من بالها لانه متزوج وماتبي تخرب له حياته وهي تحب نجوى مثل اختها وتتمنى لها الخير"
" وبـــــــعـــد فتـــــــــــــره "
بسمه : اقووول نجوود نسيت الشوكلت والتشيبس ماجبته
نجود : اوكي الحين اخذ لنا من هنا
بسمه : اوكي دقي على محمد قولي له
ودقت نجود عليه ومايرد
نجود : ماااااايرد ترا
بسمه : اوكي خلاص مو لازم
نجود : قووومي عادي ماراح يقول شي
بسمه : لااا فشله لازم نقوله
نجود : والله عادي قومي قبل ما يتأخر الوقت ترا مابقى شي
بسمه بتردد : هممممممممم يلا
" وراحت مع اخته يشترون اللي ناقصهم "
.
.
عند محمد
"كان يمشي راجع لهم وهو يفكر في بسمه وكيف انها كبرت وكيف كانت هاديه وشخصيتها فرق عن خواتها يحس انها حنونه ... وحتى وهي تتكلم حركاتها اللي تسويها بيدها كانت عاجبته .. لكن كان يعتبرها مثل سهر اخته ومافكر فيها الا كأخت وبس .. ويوم وصل عند كوستا وما شافهم خاف عليهم .. وكان خايف انه صار لهم شي .. جلس يدورهم يمين ويسار ماشاف احد .. ويدق عليهم وماكانوا يردون خاااف اكثر واكثر..
محمد بينه وبين نفسه " ياااااربي وين راحوا لايكون صار لهم شي .. هذا واهلهم موصيني عليهم اقوووم اضيعهم .. وصار يدور وعقله مو معه .."
..:: مــحـــمد
لف مثل المجنون عليها : وين رحتووووا
نجود : بسمه كانت تبي اغراض ورحنا نجيبها
محمد : كيف تروحون ماتقولون
نجود : دقينا ومارديت
بسمه بندم انها راحت : اسفه محمد .. بس خفت يتأخر الوقت وما اخذتهم اسفه وحقك علي ادري اني غلطانه
محمد اللي كان معصب عليهم وكل عصبيته راحت من بعد كلامها : اوكي يلا حان وقت الاقلاع
"ومشوا"
.
.
.
لنــدن
جنى شهقت: وصااايف لايفوتك
وصايف شهقت الثانيه
عبير: شفيكم
جنى: شوفي شوفي هناك
عبير شافت وشهقت : اخسسس لهذي الدرجه
وصايف: ماتوقعته كذا
جنى: بس بس اسكتوا لاتقولون لحد
|