"رجع من الدوام هلكان حتى ماله خلق يكلم اي احد كان متضايق كثير وهموم الدنيا كلها تجمعت على راسه وهو رايح لغرفته شاف امه جالسه لحالها سلم عليها وباس راسها وكمل طريقه بدون ما يقول اي كلمه ودخل غرفته ورمى بنفسه عالسرير وطلعت منه تنهيدة ضيق وحط يده على رسه وجلس يفكر الى متى بظل على هالحال لازوجه ولا عيال انا مو صغير كل اللي بعمري تزوجوا وعندهم عيال كبرهم وانا جالس محد يسال عني ويشوف طلباتي وامي يحليلها يكفيها اخواني وابوي صدق مو مقصره معي لكن احس اني خلاص ابي استقر 3 مرات اخطب وبعدين افك ومايصير نصيب معي ااااااااه بس الى متى هالحال بس "
ويقطع عليه حبل افكاره صوت جواله وهو يرن ماكان له خلق يرد بعد لكنه رن اكثر من مره ويوم شاف المتصل ابتسم ورد
..:: ياهلاااااا والله ومرحباااااااااااا
..:: هلااا فيك خاااالي شخبارك ؟؟
..:: والله بخير ياغزووولتي انتي شلووونك ؟؟
غزل : تمام نسال عنك وينك لاتدق ولا تسال ماكنك خالي شدعووووه ماتوقعتك ياخالي تركي كذا قااااطع ابدا مو لايق عليك القطاعه
تركي كنه ينتظر الي يضحكه : ههههههههههه انشغلت شوي ياغزيله
غزل : خاااااااااااااااالي وش هالدلع ترا ما احبه
تركي : ادري انك ماتحبينه عشان كذا قلته
غزل : عناد يعني ؟
تركي : افهميها مثل ماتبين
غزل : اقوووووووووووووووول الشرهه مو عليك على اللي يسال عنك وفاقدك شلون جدي وجدتي بس
تركي : والله بخير الحمدلله كلهم مبسووووطين
غزل : والله انبسطنا معك في البحر ليتك كل ويكند عندنا احسن لك من الرياض
تركي : هههههههههه عشان تشتاقين لي مو كل ويكند اجي
غزل : طيب تعال عندنا هالويكند
تركي بضيق : والله مدري وش اقولك بس واحد معنا بالشغل يبي يتزوج هالويكند وبحضر زواجه صعبه اني اجي
غزل : اهااا ... عقبااااااااااااااااااااااالك يارب قول امين
تركي بحزن : خليها على الله ياغزل
غزل : وش فيك ياخالي ماتبي تتزوج حنا نبي نفرح فيك عاد
تركي : الله يكتب اللي فيه الخير .. خليك مني انتي شخبارك اخوانك شلوونهم وشخبارهم
غزل : كلهم بخير يسلمون عليك
تركي : الله يسلمهم
ويسمع صوت امه تناديه
تركي : غزل دقيقه بشوف امي وش فيها
غزل : اوكي تيت
تركي وهي رايح للباب : هلااااااااا يمه امري
امه : تركي تعال تحت مساعد هنا
تركي : اوكي يمه جاي الحين
ورجع لغزل : غزوووله حبيبتي مساعد هنا بروح له اكلمك بعدين
غزل : اوكي خالي يلا سلم عليهم
تركي : يوصل تامرين على شي
غزل : سلامتك
تركي : الله يسلمك ,, فمان الله
غزل : فمان الكريم
" وسكر من عندها وهو مرتاح شوي لانه سولف معها واللي مريحه اكثر ان مساعد جا بوقته على الاقل يقدر يفضفض له محد يفهمه غير مساعد ونزل عندهم تحت "
تركي وهو نازل من الدرج : اوووه اووووه من عندنا يالله انك تحيه
مساعد بضحكته النادره : الله يحيك ويبقيك
تركي وهو يسلم عليه : شخبارك ؟؟ عساك بخير
مساعد : بخير يسرك الحال .. انت بشرني عنك ؟؟
تركي وهو يجلس وبهمس : ااااااااااه يا مساعد جيت بوقتك
مساعد : افا ياخالي وش صاير
تركي : ابد مو صاير شي بس متضايق واحس اني مخنوووق
مساعد : قوم طيب بالحوش خلنا نشم هوا ونسولف على راحتنا
تركي : لا عادي مايحتاج خلنا هنا
مساعد : والا تدري قوم نتغدا برا احسن منها نغير جو ونعبي بطونا
تركي : ههههههههه ما اخبرك تحب الاكل
مساعد : ههههههههه لا تدقق عاد بس ابي اسوي لك مغريات عشان تطلع
تركي : اوووووووه وصاير تنكت بعد
مساعد : اقووول تريك ابي اغير لك جو ماتبي تدري ياخوي بكييييييييييييييفك عفن بضيقك
تركي : افااااا هذا وانا خالك تقول كذا
مساعد : ياخال ماعرفنا لك
تركي : هههههه يازينك ساكت بس
مساعد : واخيرا ضحكت زين يلااا قوم نطلع بالحوش
تركي وهو قايم : عن اذنك يمه بنطلع شوي بالحوش ونرجع
امه : زين اجيب لكم الغدا برا
تركي : ايه يمه جيبوه برا
مساعد وهو طالع من الباب : اليوم قاعد لك قعده بتوقلي كل شي
تركي : قصر حسك لاتسمعنا امي الحين
مساعد : الله ياحلوووووووو الجووووو والله فكره نتغدا برا مره رااااااايق الجو
" وراحوا يجلسون عالطاوله اللي مقابله المسبح "
مساعد : ايووووه ماقلت لي وش فيك
تركي : ابد بس طفشت ومليت من كل شي حياتي صارت روتين ممل
مساعد : طيب كلنا زيك
تركي : مساعد انا ابي اتزوج وخايف افشل
مساعد : مو معناته فشلت مره راح تفشل كل مره
تركي بضيق : ليتها مره مو ثلاث
مساعد : واذا طيب انا بكل تجاربك ما غلطت
تركي : مدري احس تعقدت من الزواج لكن اليوم يوم عزمنا سعود على زواجه تضايقت كثير ودي اتزوج واستقر لكني خايف
مساعد : لاتخاف ولاشي عمرك 28 وتخاف تزووج وربك بيفرجها
تركي : لاتنسى اني فكيت 3 مرات
مساعد : لحوووووووووووووووول وبعدين والله عاااااادي
تركي حب يغير الموضوع : وانت ليه ما تتزوج ؟؟
مساعد : تدري انه اخر اهتماماتي الزواج خلني بشغلي وبعدين افكر اتزوج لكن انت مناعندك عذر لحالك بالبيت وجدتي كبيره وتبي احد معها تزوج وخلك زوجتك وعيالك يسلونها وجدي مثل ما انت عارف مريض وكل همه انه يشوف عيالك
تركي : مساعد سالتك ليه ماتتزوج وكلتني بقشوري لو اني سالك انا ليه ماتزوجت كان وش رديت علي
مساعد : ههههههههههههههههه الله يقطع ابليسك
تركي : زين يلا شوف الاكل قدامك كل وانت ساكت
مساعد يلطف الجو: تدري لو ادري ماطلعت معك اثاريك تدلع بس
تركي : ويحق لي اتدلع واحد عزابي مثلي مااافيه
مساعد : لاتنسى اني بعمرك وعايش واخر همي اني اتزوج تيكت ايزي ياخوي
تركي : ااااه بس الله يهونها يا اخوك
" وكملوا اكلهم وهم تحت نور الشمس"
.
.
.
الساعه 6:00 المغرب
في بيت ابو فيصل
نزلت جنى الصاله بعد امصحت من النوم وكانت لسا ببجامتها وماشافت في الصاله غير اديم وفيصل راحت ورمت نفسها على الكنبه وغمضت عيونها
اديم: بدري
"جنى ماردت..وفيصل كان يناظرهم"
جنى تفتح عيونها ببطئ: وين امي ؟
اديم: امي تسلم عليك راحت تزور
شهقت جنى : هئئئئئئئ وليش ماقومتني
اديم: احلفي كسرنا الباب عليك ولاصحيتي
جنى : ورغد راحت
اديم: اي لان ماعندها وقت اذا ماراحت اليوم
جنى عورها قلبها : ابي اروح ديوم توديني تكفييين
فيصل: خلاص انا بوديك وش تبين بعد
جنى انبسطت واستغربت وش عنده متكرم عليها: صدق فيصل
فيصل: اي صدق يلا بسرعه
جنى : ثواني "وجات بتقوم "
اديم: فيصل تكفى مر على عبير بنت عمي هي بعد تبي تروح ماراحت معنا وقلت لها تروح مع جنى ورغد بس رغد راحت فا مروا عليها
فيصل طاح قلبه بس مابين : اي مافيه خلاف
"اديم ابتسمت رضا عن اخوها ..وجنى طارت فوق.. فيصل في البدايه وافق عشان يقدر يتقرب كمان من جنى ويفهم الي بخاطرها كأي اخو بس بعدين انبسط وحس انه بيطير يوم قالت له اديم مروا على عبير .. حس الدنيا مو سايعته .."
فيصل : طيب دقي عليها تجهز لانتأخر
اديم : ان شاء الله
"ودقت اديم على عبير .. عبير في البدايه كانت شبه رافضه يوم عرفت انهم بيروحون مع فيصل بس بعدين قالت اديم انه عادي وغير كذا عبير كنها تبيها من الله ...فيصل كان قاط الاذن بيشوف وش ردها لمن تعرف انه هو الي بيوصلها بس ماقدر يفهم من كلام اديم شي غير انها تقنعها "
"بعد مرور خمس دقايق "
" نزلت جنى من جديد وعليها عبايتها "
فيصل : يلا
جنى بأبتسامه اوسع : يلا
"ابتسم لها وتقدمها وهي لحقته بعد ماسوت باي باي لاختها... اديم كانت تناظر اخوها وتتفداه بداخلها وكان تحلف بداخلها ان مافي حد مثله .. "
"وبعد ماركبوا السياره وحركوا "
فيصل: انبسطتي هاه
جنى: اي والله.. كل البنات زاروها واجحدوني ولا احد معطيني وجه فيهم كلهم ..مادري على وشو متكبرين على العمر يعني طيب والفرق.. جد مالت عليهم انا لو عندي وحده كبري اخت او بنت عم ماكان قطيت وجهي عليهم
فيصل كان يناظرها ويحس انه يبي يضحك بس بعدين قال ماراح يبين لها عشانها لساتها صغيره وكل شي يأثر فيها ويخاف يجرحها وبنفس الوقت يفكر شلون فرق بين جنى واديم وحده ساكته طول الوقت والثاني الي بقلبها على لسانها : افااا كل هذا بقلبك وخبيته
جنى تناظره وشمت ريحه شماته بس قعدت تناظره من جنب: خاطرك تسمع بعد
فيصل: اي ليه لا
جنى: لامافي عشان تتمصخر علي
فيصل: افا انا اتمصخر عليك
جنى: لا.. هممم بس ماعليك مني قولي وين بتودينا بعد المستشفى
فيص فتح عيونه: احلفي انا قلت بوديك المستشفى ماني بموديك مطعم
جنى: لافيصل تكفى انا قلت بكشخ عليهم على اساس اني بزور المغرب وبتعشى مثل ماهم طلعوا وفطروا
فيصل: هههههههه وحهد بوحده يعني.. بس مادري ماوعدك على حسـب
جنى: يوووه طيب..
فيصل: يلا دقي على بنت عمك تطلع
جنى تناظره : لها اسم ترى
فيصل وفيه الضحكه على هالهبله من جدها قاعد ترادده وبخاطره "بلاك ماتدرين وش بيصير فيني لو نطقت بأسمها ": احلفي
جنى تضحك : ههههههههههه امزح ادري انك خجول بس مو لذي الدرجه
فيصل: جنوو اخلصي
جنى : طيب طيب "ودقت عليها "
"كان فيصل وقتها قلبه يدق طبول وده لو يمسك قلبه ويوقف دقاته قبل لاحد يسمعه وقعد يتخيل كيف بتطلع الحين "
"وبعد ماطلعت عبير "
" انصدم فيصل من الي يشوفه اول بنت يشوفها مغطيه.. بالعاده كاشفات ولامتلثمات ..قعد يتفداها بداخله وحس انه وده يطير فيها .. بس حاول يمسك نفسه "
"اول ماركبت عبير سلمت بصوت واطي وسكرت الباب بهدوء..وحرك ..فيصل بخاطره " ياني فديتها فرق بينها وبين هالعنز الي جنبي ليتها تبدل اماكن "
جنى: وعليكم السلام نورتي
فيصل بخاطره " اي والله"
عبير ضحكت عليها ولاعلقت
جنى تلف على عبير: كيفك عبوووره
عبير وهي مستحيه حتى تتكلم وجنى بتخليها تحكي غصب عنها : تمام وانتي
جنى: هئ يعني ماشيه توني قايمه والاخلاق مشينه
"عبير تضحك بصوت واطي"
"فيصل بعد ماوقف عند اول اشاره سحب جنى وخلاها تصلح جلستها"
فيصل: جنى تراك راكبه قدام اهجدي
جنى: طيب لاتدف
"فيصل ضحك ووده يعلق على اسلوب اخته ماكنها بنت ابد"
"كان فيصل يتحرقص وكان يبي جنى تسولف مع عبير عشان يسمع صوتها بس جنى مدري وش جاها.. عشان كذا فضل يشغل المسجل بدل هالسكوت ..وعلى طول صوت ماجد المهندس تخلل كل زاويه في السياره "
اقـدر اتحمل كل شي
يوقف دمي ومايمشي
وخل عيني تزاعل رمشي
وخل كل شي بيا يصير"
طارت عبير يوم سمعتها تحب هلاغنيه موت.. وقطع عليها صوت جنى الي وطت صوت المسجل شوي بس كان مسموع صوتها وصوته "
جنى: عبييير تدرين فيصل بيعشينا بعد مانطلع
"فيصل وده يذبحها هو ماوعدها.. وعبير من جهة استحت شفيها ذي خرفت وين تبيني اروح معهم ياربي ذي مي بصاحيه "
" بس بعد قطع عليهم صوت نغمه جوال عبير"
نغمـه " بيك اتنفس تدرييني .. صوتك همي ينسيني ..تدري انت من تلاقيني وتضحكلي وانسى الااه "
"فيصل زادت دقات قلبه معقوله عبير تحب ماجد مثل ما انا احبه .. وعبير تفشلت وساتحت وحمرت خدودها وتمنت الارض تنشق وتبلعها ولاتسمع احلى نغمه بحياتها تدق في سياره فيصل عمرها متخيلت هالموقف وعلى طول حطت سايلنت ماعرفت شتسوي مستحيل ترد وهو يسمعها "
جنى كنها مسكت شي عليهم : اووووه اووه "وتصفق " وش هالصدف
"فيصل زين ماصقعها يحس انه مو قادر يسوي كنترول على نفسه وعشان ماكان عنده رد بعد.."
"عبير كل الي سوته قرصت جنى من جنب"
جنى تضحك : ههههههههه طيب طيب يمه منك وبعدين ليه مارديتي ولاهذي نغمه مشغلتها بس
"عبير شهقت "
"وجنى سمعتها وضحكت وفيصل لف عليها وخزها يعني اسكتي"
جنى تضحك : هههههههههههههههه طيب طيب سوري يمه منكم حشى كل واحد ..."وتتحلطم مثل العجايز "
جنى تحك راسها : كنا قربنا
فيصل بهمس: شغلك بعدين
"عبير ماتت حيا "
"بعد 3 دقايق من الصمت نطق فيصل "
فيصل: يلا انزلوا وانا بانتظركم بالكوفي شوب الي تحت اوكي
جنى: اووكي.. بس مراح تسلم على فهد زوج نجلا
فيصل: الا بسلم بس انتوا اخلصوا بلاول بعدين بجيكم بس لاتتأخرون اوكي
جنى: اوكي .. يلا عبير
"نزلت عبير وهي ساكتــه "
.
.
.
"جلس وحيداً في غرفته ... بين جدارنها ويتمعن في كل زاويه وياخذه الحنين الى مامضى .. حاول يشغل نفسه في التفتيش في اثاثه ..يفتح خزانته ويسكرها ويفتح ادراجه ولايلقى غير فتات ورق قديم .. يحكي قصة قلبه وخواطره من زمان بعيد .. ويناظر البراويز ويلقاها خاليه بنظره .. واذا ملّ جلس على سريره ينتظر النعاس .. وتغفى عينه ويعيش في دنيا الاحلام .. ويلقى نفسه واقف على البحر ومافي هناك غير ضوء القمر ينور المكان ..وذا بأنسانه تظهر من بين الظلمات .. توقف على الرمال وقريب من الشاطئ .. كان يتعجب هذي حبيبته واقفه تحت ضوء القمر..ولابسه وشاح ازرق وكأنه السماء بدون مطر .. ناداها والتفت وعطته نظره يملاها الاسى .. وكل ماقرب بدت صورتها تتلاشى من بين عيونه ..دور عن اثار قدمها فوق الرمال ولا لقى شي .. دقق النظر بين اخر نقطه بين السماء والبحر علو وعسى يلاقيها ولكن لقى نفسه وحيــد ..ويرجع من جديد الى غرفته ولا سريره "
"ضرب بكل قوته على مكتبه وحط يده على راسها يبي ينساها خلاص موته بيكون على يدها .. حس بدا يجيه جنوون.. كفااااااااااااااايه كفاااااايه .. فواز وصلت معاه ماعاد قادر يستحمل .. على طول خطر في باله خطبته الي مايدري عنها شي .. بينزل الحين لامه ويقولها تشوف اخرتها معهم يبي ينشغل بحياته ماعاد يبي يفكر فيها .. طلع وكنه تايه... مر على غرفة اخوه ووقفه صوت ضحكته .. كان عارف انها وحده من خوياته الي يعرفهم مشى متوجه له يحس انه يبي يفرغ كل الي فيه في اخوه .. بس كنه يد مسكته تمنعه من يكمل مسيره بعد ماسمع كلام اخوه"
طلال:والله مو من زينها اديموه هالشيفه مفكره نفسها واااو
طلال: لا للحين ماردوا الظاهر حطت الكلام الي سمّيتها فيه بأذونها والمشكله انها ماتبيه وماهي راضيه تتكلم
"فواز وقتها انصدم وش قاعد يقول هذا ومن قاعد يكلم ..فواز كل شي فيه وصل معه كان عادي وقتها ينفجر ... دخل على اخوه بدون استئذان "
فواز بصوت عالي : طلال سكر السماعه
طلال الي كان يكلم جوال وهو قاعد ع النت وماكان يشوف من يجي ولف على اخوه وانصقع من الي يشوفه وسكر السماعه بدون نقاش ووقف على حيله
فواز وهو يقرب منه : من الي كنت قاعد تكلمه
طلال من بعد ماشاف عصبيه اخو ماقدر ينطق
فواز وعيونه بدت تحول: مييييين؟ وحده من خوياتك هااااه
طلال نزل راسه
فواز: صحيح ان حنا تركناك تكلم وتلعب على كيفك بس مو معناها تطلع سوالف وقضايا هلك للي يسوى ومايسوى
طلال رفع راسه وقتها وكنه استعد لمواجه اخوه
فواز بعد فتره وبصوت اوطي : ومن قالك انها رافضتني
طلال بقوه نزلت عليه : ميب هي ولا اشكالها الي يرفضونك.. هي اصلا ماتستاهل اسمك يرتبط بأسمها اصلا هذي....
فواز: طلال قلت لك مين قالك انها رافضتني
طلال ارتبك : هي ميب رافضتك بس
فواز بدا ينتفض : بس ايشش
طلال: بس سمعت انها ماتبي تعرس الحين والاخت معلقتنا ماردت علينا للحين
فوازوكنه مايبي يسمع زياده : سؤالي واضح من قالك
طلال بجراه : يوم كنا بالشاليه سمعتها هي ووحده من البنات يتناقشون وتقول انها ماتبي تعرس وبس
"تحطم فواز وقتها و خارت القوه الي كان بيواجه امها فيه .. وكل شي بدا يصير اسود بعيونه .. هو اذا ما اخذ اديم الحين ماراح ينام ولايرتاح قبل لاتجيه وحده تنسيه دانه والمرض الي سببته له "
"لف فواز وجا بيطلع وطلال يوم شاف الي بعيون فواز كره نفسه وكره اديم وكره نفسه انها تكلم وقال "
طلال: فواز والله هي مارفضتك
فواز لف عليه : حصل خير
طلال ومو عارف وش يقول : فواز هي بس بتكمل دراستها وو كل بنت تبي تكمل دراستها ومن حقها
فواز: قلت لك حصل خير ."وطلع بصمت لغرفته وكنه لسى مااستوعب الي صار وحط راسه وبثواني غفى مع ان الوقت لسا بدري .. بس بينه وبين نفسه ماعاد يعرف وقت النوم بدري ولامتأخر وقت ماجاه نوم نام ... لان النوم هلايام محارب عيونه "
.
.
.
في الريــــاض
في بيت ابو مساعد
"في غرفه البنات "
لميس: مناااار وش عندك منسدحه يلا قومي
منار بصوت واطي : مالي خلق
لميس: ترى ماراح تقدرين تنامين باليل
منار ماردت
لميس: منوور يلا قوومي نكمل قريز انانتومي greys anantomy
منار: نشوفه بعدين مافيني الحين
لميس تقوم لعندها: منور فيك شي انادي ابوي يوديك المستشفى
منار فزت : لااااه مافيني شي بس الدوام يطيح حيل الواحد
لميس: ماجبتي شي جديد اخلصي
منار تناظر لميس بسرحان : انا افكر اوقف دراسه
لميس فتحت عيونها : ايششششش
منار: والله مالي خلق اكمل
لميس: وش قاعده تقولين انتي مجنونه
منار تقوم عنها : انا قلت افكر وبعدين انسي انسي"وراحت الحمام وانتم بكرامه "
لميس تحاكي نفسها : ليكون تسويها..والله ماهي بصاحيه
لميس قامت لعند الحمام ودقت الباب عليها : منووو بس تخلصين انزلي لي تحت بخلي الخدامه تسوي فرنش فرايز اوكي
منار من داخل : اوكيييك
"طلعت لميس وتركت منار ... لميس توجهت لعند الخدامه خلتها تسوي لهم كوكتيل وفرنش فرايز وبعدها راحت TV room عشان تجهز المسلسل حقهم ... اما منار طلعت من الحمام ووقفت على المرايه تصلح نفسها عشان محد يعرف فيها شي .. اذا لميس لاحظت شلون خالي وزوجته .. صلحت نفسها وحطت كحل ومساكارا عشان تخف ملامح النوم الكئيبه *_^ ..ولبست جينز غامق ماسك على الجسم ومكركب من نهاية الساق وبلوزه جينز سكري شبه مساكه على الجسم .. وبعدها طلعت .."
" اول مافتحت الباب تذكرت اناه نشت جوالها ورجعت تاخذه وقعدت تشوف المسجات الي وصلت لها والمسد كوول "
....:: احــم
على طول ارفعت راسها وابتسمت لمازن بأبتسامه خفيفه الي كان واقف ويلعب بمفاتيحه عند بداية الصاله
مازن : السلام عليكم
منار: وعليكم السلام ياهلا
مازن : شخبارك مناار
منار توسعت ابتسامتها : شعندك مزوون
مازن ينبسط اذا دلعته وبنفس الوقت مايحب لانها كنها قاعده تثبت له للمره المليون انها تعتبره اخووه: لابس يومين ماشفناك قلنا نسأل
منار ابتسمت وتكتفت وبنغمه خاصه فيها قالت : بــس "وتضحك " انا بخير .. ممكن امر
مازن اكتشف انه ساد الطريق عليها بس يوم لف وناظر كان يقول بخاطره يوسع لها مو من سمنها عشان ماتمر ولف وناظرها ورفع حاجب بأبتسامه هي مافهمتها
منار: ممكن
مازن عارفها عنيده "ياختي وش فيها لو تمرين من جنبي صدق انك بزر مو الحين تعتبريني اخوك " وبعدها ابعد فكرة انها تمر جنبه وجنب ومسك الدرابزين : تفضلي
منار ضحكت عليه وقالت له عشان تقهره : than u Abdi
"مازن فتح عيونه وهي ضحكت ونزلت مسرعه "
مازن بصوت عالي : هين يامنييير
"وبينه وبين نفسه " عبدك وربي لصير لعيونك عبد " وكمل مسيرته لغرفته وما امداه غير ملابسه وطلع برا البيت "
.
.
.
في نفس هذا الوقت في الشرقيه
وفي المستشفى
"وفي غرفه نجلا بالتحديد "
كانت عبير وجنى ورغد وام فيصل وام رغد وام سهر وام نايف قاعدات اخر ناس
شوي ويدق جوال جنى
جنى: يوووه هذا فيصل ما امدانا
نجلا بأبتسامه: وش مقعدك هنا تدورين الفكه من الدراسه هاه
جنى: هههههه لا والله بس ماشبعت منك
عبير: اي هييين ... الا ماصدقت خبر
جنى: ايه انتي هنا يطلع لسانك صدق لاقالوا الكلب ماينبح الا عنده هله
عبير فتحت عيونها وشهقت بعدين بس قالت : صدق انك بزر
جنى: خخخ ماجبتي شي جديد
ام فيصل : يمه جنى يلا قومي ورغد قومي معهم يمه
جنى: وانتوا يلا بعد
ام فيصل : لا حنا بنروح نعزي على ام سعيد تو متوفي زوجها
جنى:افففف.. طيب عزيهم عني
عبير: ههههههه لاتتميلحين
"ضحكوا عليهم "
ام فيصل: يمه عبير امك بتروح العزا
عبير: امي راحت قبل لااطلع
ام فيصل : اها يلا ع اساس نلحق عليها
ام رغد : يلا
"وبدوا يسلمون عليها وبدوا الحريم يخفون ونزلوا كل البنات ماعدا عبير قالت بتلحقهم .."
" تحت فيصل كان ينتظر البنات واول ماشاف الحريم اقبلوا عرفهم ووقف وسلم عليهم .. وبعدها قعد يتلافت وين عبير عنهم "
جنى كنها سمعت نداه وقالت بخوف لانها تأخروا : فيصل عبير لساتها فوق الحين الحين بتنزل
فيصل ارتاح قلبه اشوا انها ماراحت
فيصل : طيب جنى تعالي معي فوق بروح اسم على زوجها هو فوق
جنى: ايه ينتظر على باب الغرفه
فيصل: طيب يلا قومي
جنى: رغد بترجع معنا
فيصل ناظرها وابتسم : اوكي رغد خلك هنا بروح اسلم على فهد وبنرجع ماحنا متأخرين لاتتحركين اوكي
رغد لمست رقه قلبه وخوفه عليها : ان شاء الله
"وطلعوا فيصل وجنى .. وبعد ماركبوا الاسنسير وصلوا للدور الي فيه غرفة نجلا واول مافتح ونزلوا كانت عبير بوجههم "
"عبير فتحت عيونها .. ولمح فيصل عيونها وحس انه اليوم جد مابقى فيه صبر على هالملاك"
جنى: لاتبقين عيونك فيصل جاي يسلم على فهد وبننزل
"فيصل رماها بنظره بدون ماتنتبه جنى وانتبهت عليها عبير وذابت وقتها ومشى عنهم "
عبير تضرب جنى : زين وانا شقلت
جنى: تكفي بقت عيونك
عبير: اسكتي انا خفت ليكون جايين تسحبووني
جنى: ههههههههه شدعوى وبعدين جد ليه تأخرتي انتي
عبير: امي عطتني هدية حق نجول واستحيت اعطيها جمبكم خبرك ماعندي خبره بهذي السوالف
جنى: ايي وانا اقول وش عندها مع نجلا
عبير: يالقفك
"بعد ثانيتين دق جوال عبير.. وكان فيصل مقبل على طول ردت عبير "
عبير: هلا ديومه
اديم: هلا والله كيفك
عبير: تمامو وانتي
اديم: منيحه .. وينكم
عبير: هنا الحين بنطلع
اديم: وليش ماترد جنى علي
عبير تناظر جنى : مادق عندها "وتبعد السماعه " ليه مارديتي على اديم
جنى شهقت : هئئئئئئ جوالي نسيته عند نجلاء
فيصل قطعهم : يلا ننزل
جنى : لالا فيصل استنى بجيب جوالي نسيته"وطارت خافت يمشي عنها "
"عبير تفشلت ورجعت تكلم اديم بصوت واطي وعطت فيصل شوي ظهرها"
اديم: هههههههههه سمعتها هالهبله خلاص
عبير: ههههه اوكي يلا باي
اديم: باياتو ولاتطولون
اديم: لا ماحنا بمطولين سي يا
اديم " سي يا وسكروا "
"رجعت لفت عبير على فيصل وكان يناظرها اول مالتقت عيونهم "
" في عيونها شفت العنا
عيون تدور على الهنا
قامت تناديني انا لبيــه "
فيصل ماقدر مايقاوم ومايقول لها شي واخذ نفس يبي يتكلم وعبير وقتها كنها تنتظره يتكلم يقول اي شي واول ماجا بيتكلم رقع قلب عبير وعلى رقعته كانت جنى مقبله تهرول فيصل بخاطرها "ياعساك الماحي قولي امين "
جنى وهي ماتدري بالي صار: يلا نمشي
فيصل يناظرها ولاوي بوزه ويتنهد : يلا
"ودقوا الاسنسير وانتظروه يوصلهم وفيصل كان يهز رجوله "
"من جهة عبير كانت موقفه بعد جنى وفيصل بمسافه سحبتها جنى "
جنى: لايفكرونك غريبه عنا
"فيصل حس فيها وكان وده يبوس اخته جنى " ياحوبيلك ياجنى بس مدري شسوي فيك ياجنى اوقاتك غلط في كل شي "
"وفتح وعلى طول ركبوا وكانوا ساكتين وجنى تلعب بجوالها .. وعلى طول اول مافتح سبقهم فيصل واشر حق رغد وقامت وانتظرتهم وكملت معهم مع انها كانت متقدمه جنى وعبير "
.
.
.
.........:شفيـــك انتي وش صاير لك
......: سهر والله مالي خلق
سهر: مالك خلق وشو
غزل : توني كنت مسكره من خالي تركي
سهر: طيب
غزل: وشو وطيب
سهر: يعني كملي
غزل: كان حزين هالويكند بيحضر زواج واحد من ربعه وو
سهر: وطيب بيحضر زواج واحد من ربعه و وشو تتكلمين بالقطاره انتي ..
غزل: يووه سهر ماتفهمين انتي,, تعرفين موضوع الزواج لخالي مره حساس ويوم قلت عقبال مانفرح فيك قال خليها على الله
سهر فهمت كل شي لان كان عندها خلفيه : اهااااااااا ياحرام
غزل: اي والله معور قلبي
سهر: طيب قولي له انتي كلميه دامك قريبه منك اكيد بيسمع منك
غزل: تعرفين شلون شال فكرة الزواج من راسه يعني مافي امل .. الا اذا هو تكلم
سهر: اهااا
غزل: مع ان البنات شكثرهم بس ماتقدرين تشورين عليه وهو مايبي يتزوج بلاساس
سهر: اي فهمت فهمت
غزل: لاااااااااااااااااا
سهر اخترعت: يمه غزل شفيك
غزل تضحك : هذا الكلب سليمانوه يبي يركب فوق الكرسي يجيب الكرتونه حقتي وقفي وقفي "وتركت السماعه "
سهر: صدق خيله خرعتني
منصور: من الي خرعك
سهر: يمه بعد انت كل واحد يصرخ من جهة
منصور يضحك : من بعد يصرخ من الجهة الثانيه
سهر: هذي غزل سلمان يلعب بأغراضها وصرخت فكرت صار فيها شي
منصور: هههههههه.. قولي لها خل تجهزه بمره الحين انا
سهر: اوكي
"وبعد ثانيه "
سهر: يلا روح
منصور: لا ابي اسمعك وانتي تقولينها
سهر ضحكت عليه
سهر اول ماجات غزل: غزووله
غزل: شتبين شتبين
سهر: هههههههه شفيك اعصابك هذا وانا ادلعك
غزل: حرق لي اعصابي
سهر: جاك الفرج هذا منصور بيجي ياخذه الحين
غزل تتنهد : اففف واخيرا هذا اخوك اول مره يسوي خير فحياته لي
سهر: هههههههههههههههههههه
منصور اول ماسمع قرب من عند سهر
منصور بهمس : شتقول
سهر تأشر يعني اسكت
غزل تكمل: وولدكم خلوه عندكم مانبيه قولي لامه لاعاد تجيبه
سهر: هههههههههههه طيب
غزل: يلا باي
سهر: وين
غزل: بروح اغير ملابسه وسخها بااااااااااي "وسكرت"
سهر: ههههههههههه
منصور: شتقول
سهر: تقول هذا اخوكم اول مره يسوي خير فحياته لي
منصور: هههههههه صدق انها مهويه
سهر فتحت عيونها
منصور: هاااه "وغطى وجهها بيدينه وطلع عنها يعني لاتناظرين "
سهر ابتسمت : اما منصور يحب هههههههههههه مايلوووووووووووووق
.
.
.
من جهة ثانيه
جنى: فيصل تكفى ودنـا بناخذ عشا على الطريق
فيصل: يالعياره الحين انتي من متى تتعشين هالووقت
رغد بدلع وبأستغلال فرصتها الاخيره: فيصل تكفى على شاني ودنا اي مطعم تعرف مابقى شي علينا وبنسافر
جنى: اي والله حرام
فيصل تفشل وقال يلا عشان بنت خالته وبحسن نيه قال: خلاص ابشري يارغد اي مطعم تبون
جنى: هيوو .. نبي اي مطعم على ذوقك
فيصل: هممممممم
عبير تكلمت الحين وبقهر: بس انا رجعوني البيت بالأول
جنى: لييييييه عبير تكفين اذا وصلنا الحاره ماراح يرجعنا فيصل
فيصل ترك النقاش لهم
رغد بدلع: لييه ياعبير خليكي معنا بننبسط صدقيني لاتخربينها علين عشاني
فيصل قاطعهم : عبير اذا انتي مستحيه مني فاتراني ماني بجالس معكم بتركم لحالكم
انقهرت عبير من رغد واستحت من فيصل مع انها مقهوره منه : لا اختي دنو محد معها بالبيت وامي مو موجوده لازم ارجع
فيصل حس فيها وحس انها تحسست من دلع رغد الواضح
فيصل: خلاص براحتك
عبير بخاطرها " اي تبي تاخذ راحتك معها "
جنى: عبير
عبير: جنى بلييز
رغد: فيصل اذا نزلناها بتودينا
فيصل ماعرف وش يقول
"عبير كانت تنتظر رد منه "
رغد: فيصل
فيصل : هلا
رغد: بتودينا ولالا
جنى: فيصل تكفى
فيصل: اوكي باخذ لكم شي على الطريق لاني مواعد الشباب وماقدر اتأخر
جنى: اففف يا هالشباب الي ماتطفش منهم
"فيصل سكت ومارد عليها وعبير استانست لانه ماراح يختلي بالهقرده الي جنبها وحمدت ربها انها مغطيه عشان محد يشوف ملامح وجهها الا من عيونها "
"عبير كانت منقهره من ركبت السياره ورغد قاعد تتمايع عليه.. وهو معطيها وجه وكنه العيد .. .. انكسر شي كبير في داخل عبير يوم شافتهم يضحكون مع بعض ومو مهتم لها .. بعدين قالت في خاطرها"اااه ياعبير اصلا شلون بيفكر فيك وهي مايعرف غير اسمك ..ااما هذي الشقرا الي عندهم مقابلته ليل نهار ليش مايميل لها او يفكر فيها .. "بعدين نفضت الافكار من راسها ورجعت "اجل ليه عطاني ذيك النظره الي ذوبت قلبي.. اوووه احسن لي ما افكر بشي الحين .."
" من ناحية فيصل انقهر يوم رفضت عبير ماتروح معهم ودانه ما اتوقع انها سبب ترفض .. ليه طيب هذا هي تروح وتجي مع سهر ومنصور ومع كل حد وش معنى معي انا .. انقهر في البدايه بعدين فكر بعكس تفكيرها " ليش ماتكون غارت علي من رغد .. ايه وليش ماتغير .. اوووه وجودها معي بنفس المكان يخلي كل شي فيني معطل حتى تفكيري يتعطل ااااااخ منها "
.
الجزء السادس
الفصل الثاني
هل تدرك ماذا يعني أن يكون في القلب مقعد واحد ؟ وما أهمية ذلك المقعد في حياة امرأة وحيدة ؟ وماذا يعني أن تمر قوافل الأحلام ويمر القادمون والراحلون ويبقى ذلك المقعد الوحيد محجوزا لرجل واحد دون سواه
"”1 new massage
" حبي الغالي ما شاء الله ياحلوك وانت نايم
الله لايحرمني منك ينور حياتي
وانا اتاملك
مر بخيالي شريط حياتنا بكل مافيها
من طيبتك ..وحبك... وكرمك... وتفاهمك.. وشووووووووقك.. واخلاصك ..
ياحلوها من أيام الله يديمها علينا ويعيننا على ذكره وشكره وحسن عبادته
ويسعد صباحك ياقمر..
درتك المكنونه......ام عيالك"
"على طول نزل الجوال من يده ولف عليها وقعد يتأملها .. موعارف شيسوي فيها يحبها ويعشقها بجنووون .. كان قاعد يتفداها وهي نايمه كنها ملاك جنبه .. قام من غير شعور وعطاها بوسه خفيفه وهي نايمه وبعدها ماعرف وش يسوي .. ومالقى غير انه يبادلها هالحركه الرومنسيه بس مو مسج .. اخذ ورقه وكتب الكلام الي يحس تجاه هلانسانه من دون شعور .. "
" حبيبتــي ...
أكيد انه فيه حبايب في هالكون
أكيد انه فيه أشواق بينهم
أكيد انه فيه مودة وإحساس
أكيد انه فيه مشاعر تضمهم
أكيد انه فيه عشق وهوجاس
أكيد إنهم يخافون على بعضهم
أكيد انه فيه نظرات وعبرات
أكيد إنهم متلهفين لبعضهم
أكيـــد.
لاكن حبيبتي ...
مستحيل في حد مثلنا
مستحيل فيه حب مثل حبنا
مستحيل في شوق مثل شوقنا
أو حتى إحساس مثل إحساسنا
أو ضمة مشاعر مثل مشاعرنا
أو نظرت عيون تشبه عيونا
مستحيل ياحبيبتي مستحيل.
حبيبتي ...
هل ممكن حبي لك له مثيل؟
هل ممكن أحاسيسي والمشاعر والهفة يكون لها مثيل؟
لأ حبيبتي أكيد انه مستحيل
حبيبتي ...
وحشتك في قلبي خلتني قتيل
فرحتي وانتي جنبي ما لها مثيل
سعادة عيني برؤياك اكبر دليل
إني احبك وأهواك ياسنا النور في حياتي
ابو عيـالك *_^ محمــد "
" طوى الورقه وحطها تحت ساعتها الي تشيلها وقت النوم بس كان يبي يحط شي جنبه وماعنده شي حاليا وهو توه على الصباح دار بنظره على الغرفه مالقى شي .. بس قال بيعوضها لمن يــرجع .. القى نظره عليها وخذ شنطته ونزل "
.
.
.
الاربعـــاء
الصباح
دخل منصور دوامه وكان مزاجه شبه رايق .. وعلى طول توجه لمكتبه ودخل وقعد على الكرسي الا السكرتيره داخله عليه
السكرتيره : صباح الخير
منصور: صباح النور
السكرتيره : استاز فيصل ابن عمك طلبك وئلي اعطيك خبر بأنك تتصل فيه
منصور : اوكي.. حد غير فيصل طلبني ؟
السكرتيره : اي وصل لنا فاكس من لندن بخصوص شركه المقاولات..
منصور : اوكي جيبي البريد واتصلي على فيصل وحوليه
السكرتيره : حاضر بدك شي تاني استاز
منصور: لا الله يعطيك العافيه
"ابتسمت السكرتيره وطلعت.. منصور في خاطره "شيبي فيصل فيه من الصباح "
"ثواني ووصله الاتصال من فيصل "
منصور: السلام عليكم
فيصل: وعليكم السلام ياهلا صباح الخير
منصور: صباح النور كيف الحال
فيصل: والله الحمدالله.. ليه مداوم متأخر اليوم
منصور: ماكنت بجي اصلا
فيصل: ههههههه اخ منك طيب منصور بكلمك بموضوع
منصور صلح جلسته : تفضل اسمعك
فيصل : بخصوص مشروعك انت ومساعد الي طلبت مني اكلم شركة الناصر تبنيه لنا
منصور: طيب وش فيه ؟
فيصل: هذي الشركه كانت متكفله في بناية مشروع لخالد ....
منصور: طيب
فيصل: وهذي الشركه استخدمت نوعية رديئه في بناية المشروع مع انه كان متكفل في معدات البني الا انهم بدلوها بنوعيه رديئه من ما خلى خالد ... يعيد بني مشروعه من جديد .. وهذي الشركه بعد ماخصلت مشروع خالد... اختفت والحين ظهرت
منصور: بس يافيصل انت قلتي انها شركه مضمونه وممتازه ومعروفه شلون الحين تقولي هالكلام
فيصل : هي صحيح انها شركه معروفه وممتازه بس بعد الاتفاق معهم سمعت العكس ..
منصور: الحين انت متأكد من الي قالك ولا واحد يبي يخرب المشروع
فيصل: انا تكلمت مع محامي خالد ... واك لي هالكلام
"منصور سكت "
فيصل: وهم على ماعرفت انهم بدوا يبنونه
منصور: خلاص خلاص.. شوف انت كنسل الاتفاقيه وغصب عنهم يكنسلونها
فيصل: حنا نقدر نكنسلها ..بس بياخذ وقت على ماندور شركه ثانيه تبينه
منصور: انا مو مستعجل على المشروع انا ابي اسوي مشروع نظيف وراقي ما ابي اسويه سريع واي كلام ..
فيصل: خلاص الحين انا ادق عليهم واكنسل الاتفاقيه ..
منصور: جزاك الله الف خير وزين انك نبهتني
فيصل: ولو هذا شغلتنا
منصور: احسن شي خليتك محامي لي
فيصل: ههههههههههه
منصور: اي والله انت ولا الغريب
فيصل: اوكي اجل اخليك الحين
منصور: اوكيه تعال تعال
فيصل : هلا
منصور: والي يعافيك دق على مساعد وقوله عشان يصير عنده خلفيه
فيصل: ولايهمك
منصور: تسلم .. فمان الله
فيصل: فمان الكريم
"وسكروا وقعد منصور يفكر بهالشركه الي اتفقوا معهم وانقهر وقتها "
.
.
.
الساعه10:00
في المستشفى
فهد: حبيبي جاهزه
نجلا: امي ما راح تجي تاخذني
فهد يتنهد : وليه تجيك.. وانا مو مالي عينك
نجلا رمته بنظره
فهد بصوت واطي وراص على سنونه: كفايه نجلا هذي النظرات قتلتيني صراحه"ويتنهد " ادري انك عتبانه بس انتي عارفه ....
نجلا تقاطعه : اوكي اوكي "وجات تبي تقوم بنفسها "
فهد حزن وقتها ومسكها من غير شعور عشان يساعدها
نجلا تناظره : وفر خدامتك تراي اقدر امشي
"فهد ماعرف وش يسوي فيها وقتها "
فهد ترك يدها بعد ماحررتها منه ..
فهد من قلب: اوكي انسه نجلا انا تحت انتظرك بس تخلصين انزلي اوكي "وطلع وسكر الباب بالقوه"
نجلا مسكت عبايتها وقعدت وهي تنفخ : اي اصلا يبيها من الله
شوي وقالت: شلون مايخاف علي ادوخ او يصير فيني شي يمشي عني
وشوي وقالت : هئ احسن انا الي قلت له وفر خدماتك استاهل واتحمل مايجيني
"قامت ولبست عبايتها وشافت شنطتها لساتها موجوده "
نجلاء: هئ ويبني اشيل شنطتي بعد.. صدق انسان مايقدر هئ
"نجلاء عندت كانت تبي تتصل عليه وتخليه يجي يشيل الشنطه بس غرورها ماسمح لها وقالت اانا اوريه واتصلت على النريسات وطلبت تخلي واحد من العمال يشيلون شنطتها بس النيرس كانت طيبه معها وساعدتها هي بنفسها "
"من جهة ثانيه كان فهد ينتظرها على نار وكان خايف عليه بس ما يستحمل يقعد معها وهي جالسه تتذمر عليه وكان يحاتي من بيساعده ومن بيجيب شنطتها كان خاطره يطلع فوق . يوم شافها طولت عليه جا بيطلب الاسنسير الا نجلا والنيرس نازله من اسنسير ثاني "
"نجلا كانت عارفه ان قلبه ماراح يطاوعه وبيجيه فا اول ماشافت ابتسمت ابتسامه جانبيه وراح لها "
نجلا: مو قلت لك وفر خدماتك
"كانت تقصد انها كانت عارفه انه بيجي يساعدها "
تنهد فهد واخذ شنطتها من النيرس وابتسم لها وشكرها
"اول ما مشت عنهم النيرس عطى فهد نجلا شنطتها وسبقها ونجلا ضلت واقفه مكانها "
نجلا وهي فاتحه عيونها : من جده ذا على الحركه الي سواها
"بس ضغطت على نفسها وشالت شنطتها الي ماكانت مررره ثقيله ومشت بس بخطوات بطيئه ..والباب ماكان مره بعييد وهذا الشي ساعدها .. اول ماطلعت ماشافته وشهقت ليكون مشى وخلاها.. حستها فكره غبيه اول ماشافته جاي جهتها بالسياره لانه هو كان راح يجيبها من الباركنج وماكان كمان مره بعيد كان مقابل باب المستشفى .. على طول نزلت وحطت شنطتها بنفسها ورا .. ورجعت ركبت قدام "
"كانوا طول الوقت ساكتين ولاحد فتح فمه بكلمه "
"اول ماوصلوا بيت بو نايف نزلت نجلا وتركت الباب مفتوح وخلت شنطتها مانزلتها .. ماشبهها زوجها الا كنه بزر ولقى امه .. لان نجلا بس تزعل تطلع عليها حركات طفوليه عجيبه "
فهد يضحك : طول عمرك بزر و جبانه
"نزل فهد ونزل شنطتها "
" نجلا اول ماوصلت بيتهم امها كانت تنتظرها على طول حضنتها وتحمدت لها السلامه "
ام نايف: وين زوجك
نجلا تناظر الباب: الحين يجي. وين خواتي
ام نايف: والله غايبات عشانك بس نايمات مايدور بتجين بدري
نجلا: اهااا
"اول ماوصل فهد فزت ام نايف"
ام نايف: ياحيا الله بو فيصل.. اقلط اقلط حياك
فهد يبوس راس عمته: هلا عمتي لالا اعذريني وراي دوام
ام نايف: شدعوى اشرب لك كاس عصير عن هالشمس
فهد يناظر نجلا: ماعليه ياعمه جاينكم اليوم الاجتماع عندكم وبكون فيه ان شاء الله
ام نايف ابتسمت : خلاص يايبه الي تشوفه
فهد: عن اذنك مع السلامه "ويناظر نجلا " نجلا تبي شي
نجلا نزلت راسها: لاسلامتك
"فهد القى نظره اخيره عليها ومشى"
ام نايف: يلا يمه نجلا قومي ارتاحي .. واول مايصحون خواتك بخليهم يجوونك.. وانا بروح اقول للخدم يبدون بتجهيز البيت
نجلا ابتسمت لامها : ان شاااااء الله
.
.
.
" اهم شي عطيت منصور خبر "
فيصل: ايه عنده
مساعد : كل تأخيره فيها خيره .. والله يقدم الي فيه الخير
فيصل: مساعد انت مشغول الحين
مساعد عرف تمليح فيصل: عندك شي تبي تقوله
"سكت فيصل وبعدها قال "
فيصل: شفتها امس
مساعد : لااااه ع البركه .. بس وين
"فيصل حكي حق مساعد كل شي بالتفصيل وبعدها سأله سؤال "
مساعد : لالا لاتبدا بالحساسيه والوسوسه وانت توك مابديت والبنت ماتعرف عن مشاعرك اي شي..
فيصل : طيب انا احسها تحبني
مساعد : فصييل لاتتبيزر لي خلك رجال .. شلون تحسها وانت اول يوم تلتقي فيها
فيصل يتنهد : انا قلت احس ماقلت اكيد
مساعد : وبعدين المفروض تعطيها العين الحمرا من البدايه عشان لاتتعبك بعدين
فيصل يضحك بداخله : انا على قولتك مابديت والبنت مدري عنها شي تقولي عطها العين الحمرا
مساعد : هههههه اقصد لاتصير خفيف
فيصل: اي خلني اضمنها اول بعدين يصير خير
مساعد : الله يقدم الي فيه خير لك ويخليها من نصيبك
فيصل : اوكي اجل بو سعود ماعطلك .. ادري اني عطلتك بهذرتي
مساعد: بهذي صدقت كنا نسولف عن الشغل فجأه قلبتها
فيصل : هههههههه ياخي شسوي مارتاح لغيرك
مساعد: لا شدعوى.. خلاص اجل سلم على الاهل
فيصل: يوصل وانت بعد
مساعد : مع السلامه
"وسكروا "
.
.
.
|