- السلام عليكم

كيف الحال ؟ هذه القصيده من بوح قلمي

ومن اعماق احساسي ,

ماطابت الدنيا ولا البخت لي طاب

ولا تحقق لي مقاصيد وآمال

والا القدر لابد نجعل له اسباب

كلن على يومه مسير ولا جال

كنت احسب إنا يالغضي دايم احباب

نصبر على ضيم الدهر كل ماطال

كان العشم تبقى ذخر كل الاصحاب

وابقى معك ياصاح في كل الاحوال

ابدي معك ياصاح في كل مرقـآب

ولا انقصر لو زارني هم واشغال

نسكن سواد العين من كثر الاعجاب

ما همنا حاسد ولا حقد عذال

ولا نطاوع هرج واشي وكذاب

واسرارنا من سدها عشرة اقفال

واليوم صكت دنيتي كل الابواب

شيبت من جور الليالي والاهوال

سرنا نقابل بعضنا مثل الاغراب

والعين من كثر القهر دمعها سال

اللي كتبته يالغلا عبرة آعتاب

من ما حصل لي من معاناة واهمال

ذكرك بقلبي يالغلا دوم ماغاب

وحياة من قدم رجب قبل شوال

تسرح وتمرح صورتك وسط الاهداب

طيفك وليف الروح ماغاب ع البال ..

ما احلل النقل دون ذكر المصدر
ابو مصعب