في بيـت مـايد هالوقت,,كـانت نوال يـالسه ويا امها في الصـالهـ ومنى بعـد ويااهم..
ام نوال.: عيل ويـن مــــايد اميه؟!!..
نوال.: طـلع قـال عنده شغله بيخلصها وبيرد..اميه بتخبرج اسمووه وحصووه ليش ما يوا ويااج؟!!
ام نوال.: قلتلهن والله بس قالوا عندهن امتحان..
منى فزت من مكااانها مره وحـده وشهــــقت.: تعاااااااااالي نوالوووووو,,نحن بعد عندنا امتحاااااااااااان..
نوال بطـلت عيونها مره وحده.: اي امتحاان يالخبله؟!!..
منى.: لااا لاااا مب امتحااااان,,اقصد كويييييز..
نوال.: هههههه والله هبله الكويز عقب باجر مب اليووووم..
منى يـــــلست واتنفست براااااحهـ.: افففففف ريحتيني والله..اتحرى باااااااجر..
نوال.: خ يــــولي الا هووو كــــويييز..
منى.: خالوووه شوفي بنتج من عرست وهي مهملـه ما تهتم في دراستها..
ام نوال.: وييييييه وييييه نوالوووووو,,غربلاات عدوييينج واشحقه ما تدرسيييين هااااا؟!!..لا تخليني اندم الحينه ليش انه يوزنااج قبل لا تخلصين دراستج؟!!..
منى.: هههههههههههههههه
نوال تطالعها وهي صاكه ع اسنانها بقهـر.: براااااويج...
نوال.: لااا اميييييييييه الله يهديج انتي تسمعين كلام هالخبله منووووه..هاي روحها الي عااايفه الدراااسهـ ومااتطيقه مووووليه..انا دوم وراها ذاكري وذاكري..انا حليلي مووول مااودر الكتب..
منـــى.: سفففففففففففففففففف طااااااااااااااااخ..
نوال.: يلا جب جب..منووووه يالدبه صدق انج ما تستحيين,,امايه يايه عندنا وانتي حضرررتج مااتوجبييينها..وين العصييير وين الفواااااله!!
منى نشــت بسررعه وهي قااافطه.: اووووووبس انا آسفهـ خالووووه...الحين الحين بسيير...
ام نوال.: لااااا لاااااا اميه يلسي فديتج يلسي ماابغي شي مشكوووره..اشفيج يا نوال الله يهديج خلي البنيه يااالسه يعني لاازم اتعبينها..
مـنى.: لااا خالووه لا تعـب ولا شياته ,, وسارت عنهم على طووول..
ام نوال.: اقووول نوااال؟!
نوال.: خير اميه..
ام نوال.: خير ابويهج فديتج,,شو استوى في سـالفة خطبة منـى..؟!!
نوال.: اممممم خلاااااص اميه مااستوى نصيب..مايد مااقتنع في الريااال وما حب اطباااااعهـ..وهي بعد ماارتااحت..
ام نوال.: هيييييه جيه يعني,,يلا الله بيعوضـها بواحد احسن عنه ان شاء الله..هي ماشاءالله عليها حليوه والف من يتمناها..اقووول اميه,,,شو رايــج اخطــــبها حق هـــزاع؟!!..
نوال اهـني انصـــدمت وتمت فتره مبققه عيونها وهي تطالعها بس فجأه انفجرت من الضحك.: هههههههههههههههههههههههههههههههههههههههههههههههههه ههههه
ام نوال الي تطالعها وهي عاقده حياتها باستغرااب.: نوالووووووووو,,اشحقه تضحكييييييين,,ما قلت شي ايضحك انا..
نوال.: هههههههههههه اميه الله يخلييج صخي عن تسمعج منووووه وتجلب البيت فوق راسـج..امييييه انتي من صجج بتخطبين هزاعووو الاهبل حق منووووه..ههههههههههههههههه مااتخيــــــل..
ام نوال مبطله عيوونها مب فاهمه شو الساااالفه.: وييييييييييييه واشفيها يعـــــني؟!!..فدييته ولديييه لا تقوليين عنه اهــبل ..شيخ الرياااييل هـــذا..شوفي يا يمـا انا الصراحهـ البنيه داشه خااطري واااايد..انتي رمسـي مايد ورمسيها وشوفي شو بيقوولوون وردي عليه خبر..
نوال.: ههههههههههههههههههههههههههههههههه
ام نوال.: نوالووووووو,,بس عاااد مب زين هالكثر تضحكيييييييييين..اشفيج انتي كلما قلت شي ضحكتي؟!
نوال.: ههههههههههههههه اااه يا قلبي,,ماشي ماشي..بس اتعرفين والله اذا خذوا بعـض يااميه اسمي اشكاااالهم بتكووون نكــــــته..يالسه اتخيل بس هههههههههههههه ..والله ان شااااء الله يا رب يصير هالشي عسب اضحـــــــــــك اكثر واكــــثر ههههههههه..
ام نوال تطالعها باندهااش.: الحمدالله والشكـر استخفت البنت..
نوال.: ههههههههههههههه الا ما قلتيلي يااميه..الحينه هزاعووو رمس..قال يبا يتزوج؟!!..والا بس انتي جذه اتقولين لي من دون لا هو يعرف..
ام نوال.: وييييه ثرج مااتعرفينه..دووومه امطفربي امييه بتزوج وبتزوج..عاد انا على طول يت في بالي منـــى..بس يوم قلتيلي انها مخطوووبه شليتها من راسييه وحطيت عيني على سلامه بنت ام غيـــث ييرانا..ماشاءالله عليها غــاويه..
نوال.: ياااالله عاده يااميه ما حصلتي الا هاااي الخقــــاقه؟!!..
ام نوال.: هي اترااا يوم رمست خواتج عنها قالو لي نفس الرمسه انها خقاقه وشايفه نفسـها..فقـلت لا بويه خلنا بعيد عنهم..والحينه يوم سئلتج عن منـى فاجئتيني الصراااحهـ..وانا الحينه ماابغي غيرها حق هـزاع ..احسهم لايقين ع بعض وااايد..
نوال.: ههههههههههههههههههههههههههههههههههههههههههه
ام نوال.: اوهوووووووووووو,,,ردت وضحـــــكت!!!
نوال..: هههههههههههه خلااص خلااص اميه آخر مره..انا برمسـها وبشووووف شو بتكون ردة فعـلها هههههههههههههههه مااتخيل..
ام نوال.: لا حول ولا قوة الا بالله..اميه انتي صاحيه اليوووم!!..بلااج كل شوي ضحكتي وقلتي مااتخيل..شوووه ما تتخيـــلين!!!
نوال.: ههههههههههههه ماشي ماشي..
......................................
.
.
كـانت يـالسه ويـاها والضيج ذابحـنها من الخبر الي سمعته امس ومن كـل شي..كانت مغطيه ويهها بادينها واتصيـح ..اتقربت منها وحطت ايدها ع جتفها وهي تدمع..كاسره خاطرها وايـــد..
حمـده.: اميرووه فـديتج بس,,لا تسوين في روحج جـذه..شي واستـــوى خلاااص قولي الحمدالله..ترى الله ما يرضـى باللي تسوينه..
أميـره.: ماابغي ماابغي..بس خلاااص انا كارهه حياااااتي..مااحس انه بيي يوووم وبيصير زين ويايه..
حمـده.: آآآه يا اميره سكتي انا لين الحينه مصدوومه من كـل الي سمعته منج..(تبطل عيونها قد ما تقدر)..راشــد راشـــــد,,,تطـلع منه هااااي السواااااالف!!..يطلع جذه خااايس..يشرررب ويسهرر ومبهدل عيشتج..اخييييه والله مااتوقعته جيه والله..بس ارد واقووول انه انتي الغبيه لانج سكتي عنه طووول هالمـده..كيف ترضيين على عمرج يسوي بج جذه وانتي سااااكته!!..انا هذا الي قاااهرني
أميـره.: قلتلج تراني مستحيل حد يصـدقني انه راشـد يسوي جيه..وهوو يعرف كيف يطلع عمره من السالفه ادريييبه..فقلت بسكت بشوف شو آخرتها..والي سكتني اكثر انه مرااااااات اشووووفه وايد زيييييين معااااااي ولا جـنه مسوي شـــي..هذا الي يصبرني واقوول ما بخرب حياااتي بايـدي..خاصه يوم يبت يزووي قلت خلااص الحينه اكيد بيحس بالمسؤوليـهـ وبيودر سوالفهـ ..لكــنه شرااات ما هووو مااتغير شي..
حمـده.: لا والله!!!..لاانه مرات يكون زين ويااج سكتي عنه!!!..صدق انج طيبه وايد وع نيااااااتج..والله تقهريييييييييني..عيل كل ها يسوي فيج وانتي تسكتييين..!!!..حتى بعد ما يبتي يزوووي وشفتيه جذه سكتي!!!..
أميـره.: اسكتي حمدوووه الله يخليج خلااص الي صار صار ..دوم ادعيله اقول الله يهديه..ماادري ليش كنت احس انه على كل الي يسويه فيني هو محتاااجلي..وبعـدين انا ما عرفت كل هذا الا يوم حمـــلت..فحسـيت ان خلااااص الحينه ما ينفع اسير اقول لــحد..مافي الا انا اتم احن واحن ع راسه سبحان الله يمكن يوم يتأثر في كلاامي ويتغير ..اااه بس ما شي فايده..وبعـدين شوفي شقايل يزووي متعلقه فيه وهو بعـد وايد يحـبها..وعلى فكـره ترى خفف وايد بعـد ما يبت يزوووي..يعني احسن عن قبل..
حمده.: وشو الفااايده يووم انه لين الحينه عنده هالسوالف!!..اميرووه ترى انتي بعد بتتحااسبين عند ربج لاانج ساكته عنه..!!..لازم اترمسييين ابووويه لااااااازم ما يصير جيه
أميـره.: ما ينفع حمدووه ما ينفع..صدقيني لو هوو ما يبغي يودر ويشوف الي يسويه هذا صح محد يقـدر يغيـــره..مستحيل يقتنع في كـلام حــد..(زادت في صياحها)..وبعدييين الحينه موول مب وقته من عقب سالفة امه وغيااااابه اسبوووووع من البيت ..ااااه الله يعلم وييييينه شو حاله الحيـــن..وخاصه بعـد الخبر الي يااااااااني خلااااااص ماشي فااااايده..ماشي..
حمـده..: والله انه ما يستاااااهل اتيبين له عياااااال هذا..والله كرهتـــه اميرووووه مب قادره اتخيل كيف راشــد يطلع بهالحقااااااااره.. بس الحينه خلااص شو بتسوييين يعني؟!!..
أميـره.: اااااااه مااعرف مااعرف..
حمده.: خلااص فـديتج الحينه لاازم ترضين بالامر الواقع..وترى يزوووي فديييتها لاازم تبى اخت والا اخوووو..رووحها يوم تشوووف يااااهل صغييير تتخبل نونووو ونونوووو جنه الحينه هي كبيــــــره ههههه..وشوفي والله يا اميروووه لو شفتي عليه هالسوالف مره ثانيه ومد ايده عليج وسكتي بتطلعيييين صدق غبيه وما عندج مخ..لاازم اتخبريييييين اصلا..انا عمري ما شفت وحده جذه تستحمل كل هالاهانات وتســكت..والله مااتوقعتج جييييه بااارده وشخصيتج ضعيييفه!!!!!
اميـره.: حمدوووه بس عاااد..تراني قلتلج ليش سكـــت ومـا قلت شي..حمدوووه اتخيلي اسير اقول حق ابوويه راشـد يشــرب ويســـهر..!!..مستحييييل ييصـدقني مستحيييل..خاصهـ اذا يا راشـد ورمساااه..صــدقيني بيبري نـــفسه وبيطلعني انا الجذابه جدااام ابووووي..حمدووه حتى انتي يوووم بديت اقوولج السالفه ما صـــدقتي!!..خليتيني احلف امية مررره لين ما صـــدقتي..بعد وييين لو وصلت السالفه حق الاهـل..!!..
حمده وهي تدمع.: فديتج والله اميروووه مول ما تستاااهلين واحد شرات هذا الخااايس..راشــد ليش يسوي جيييه ليـــش..!!..والله حرااام الي يسويه بنفسه مب زييييييين..استغفر الله العظيم..ما يخــــاف ربه هـــذا!!..انزين والضررب الي كنتي اتحصلينه منه بعـد سكتي وخفتي ابوويه ماايصـدقج!!
أميـره.: ماشي فايده يا حمدوه صدقيني..ما تذكريين هاك اليووووم شو اسـتوى..يوووم يييت بيت ابوويه وانا اصييييح..قلتلهم انه مـد ايـده علي..آخـر شـي رديييت له ولا جنه شـي استوى عقب ما ياا هو ويا عمي الله يرحمه عند ابوويه ..
حمـده.: انزيييين لو كـنتي ياايه مره ثانيه ابوووي ما كان بيطوووف السااالفه صدقيني وكان بيهزبه هزاااااااب الهرررررم...
أميـره.: حمدووووه بس يلاااا لا تقولين عنه جيييه..خلااص الحينه الي صار صار..وما ينفع هالكلام ..ااااااه خل يرد بس عسب انا قلبي يرتااااااح وعقب يصير خييير..وان شاء الله ان شاء الله يا ربيييي يودر سوااااااااالفه كلها ويمشـــي في الطريج الصـــح..ونعيـش حياااتنا بدووون مشاااااكــل..
حمـده.: آميــــــن يا رب والله انا اتمـنى هالشي...
أميـره.: حمدوووووه يويلج ان فجيتي حلجج جدام حد...وخصوووصا عوشووووه ماابغيها اتعرف عن كل الي قلته لج فاهمه..
حمـده.: ان شااء الله ما بخبر حـد..بس انتي لا تسكتييييين اذا استوى شـــــي لازم اتخبرييييين..تعاالي عوشوه اتعرف انج حامل.؟!
اميره.: هـــيييه اول وحده هي عرفت من بعد امايه..
حمده بطلت عيونها وشهقت.: دبـــــــــــــه والله خبرتيييييييها قبلي..!!
اميره.: شو اسوي اول ويه جابلته من عقب ما رديت من العياده..
حمده.: ويا راســـها اتعرف انه عندج اخبااااار لاازم بتي جدااامج..اااخ يالقهر الحينه هاي اتعرف قبلي
اميره.: حمدوووه خلي عنج حركات اليهاال هاااي ..خلااص كبرتي..
حمده.: افففف زين زين عرفت اني كبرت لا تذكريني الله يخليج..الحين الله يعلم شو تسوي ويا شموووه فوووق..معقوولهـ ما خلصوا لين الحينه..!!
اميره.: انتي هبله يايبتنها عند عوشووه اتدرسها!!..هاي تلقينها دقيقه اتعلمها وساااعه تسولف وياها..
حمده.: هيييه ادريي اعرف حركاتها انا ويا فيسها..ما عليه ان شاء الله عقب براجع وياها..
اول ما خلصت كـلامها سمعوا حد يدق الباب..نشت اميره عسب اتبطـــله من بعد ما مسحت دمووعها..دش داخل وهو شالنـها ويضحك وياها..
جــاسم باســها ع خدووودها ونزل عمره عسب اييلسها ع الارض..: هههه حبيـــبتي والله,,يلا عمي بسـج حوااااطه حق اليووووم..سلام عليج بنت عمي شحاااالج
اميره.: هلا هلا وعليك السلاااااام ..تماااام شحالك انته..
جاسم.: الحمدالله بخييير..
أميـره وهي تمد ايديها ايدها حق يزووووي.: يزوووووي ماماااااااااااااا تعااااااااااااااااالي..
يزوووووي مستاااانسه اتصاااارخ.: ماماااااااااااااااا بيبي..
اميره نزلت عمرها عسب تشلها وهي تضحــك..شلتها وحضـنتها بالقووو ..: حياااااااااتي والله..يا ربيييي انا هالبنت واايد احبها ربي لا يحررررمني منها ان شاء الله..ها جاسم ان شاء الله بس ما لعوزتـكـــ..
جاسم.: هههه لا فـــديتها لا لعوزتني ولا شي ..بس ويا راااسها الا تبا تيلس ع ريووولي وانا اسووووق..!
اميره.: هههه هي ترى ابووها معودنها على هالشي..
جاسم.: هيييه صح بتخبرج ماشي اخبار عن راشـد؟!!..
اميره بضيــج وشويه وبتنفجر من الصياح جدااامه.: لاااااااا
في هالوقت يت حمده صوووبهم..
حمـده.: هلااااا والله ولد العم
جاسم.: اوووه انتي بعد اهني..اهليين شحااالج
حمده.: لا هناك هيهيهي..والله تمام شحالك انته..
جاسم.: بخير الحمدالله,, تعالووو ما سمعتوا شو اســـتوى؟!!..
حمده & أميـره بنفس الوقت.: شووو شووو استوى؟!
جاسم.: خيبه شوي شوي عن تاكلوووني هههه..ماشي يقولكم مريـــم واخيرا عرفت ويـــن تلقى امها وتبا اتسير عندها اليوووووم!!
حمده واميره اطالعوا بعض مندهشااااااااات بالقوو
حمــده.: احـــــــــــلف..!
جاسم.: والله العظيم..غريبه مااتعرفون!!..ترى هي نااااااسيه انه دريولكم يعرف وين بيتهم لاانه كان يوصلها ..ما يا ع باااالها هالشي موول الا اليووم..مسكينه والله فرحاااااانه واتصييييح..انا يووم شفتها دمعـــــت..
اميره.: هييييييييييييييه صح شقايل ما يا ع بالنا نحن بعــــد!!..كناا ناسيييييين والله..يا حيااااااتي مريووووم انا اصلا كلما اشوفها قلبي يعورني عليها واصييح..فديييتها والله واخيرا بيرتاح قلبها وبتشوووفها..(بــدت تدمع)..وفدييييت خالوووه عاااايشه بعد الي ظلمنااااها..منو كان يتصور انها بتطلع ام راشـــد ومريم!!
حمده بعد دمعت.: هيييه والله صــدقج,,انا ابااا اسير وياها ابغي اشوووفها..
اميره.: انا بعـــد في خاااطري والله..
جاسم.: انا ابغي اعرف بــس كيف بيكوووون اول لقاااااء بينهم من بعد ما عرفت انها امــــها..
حمده.: يا سلااااااااااااااااام وانا بعـــــد,,كششخه لو نسير كلنا و نصـور شو بيستوي ذاك الوقت..
اميره وهي تطالع جاسم واتأشر على حمدوه.: اندووك اسمع هاي شو تقوول..نصور اونه..وين تبين انتي..
جاسم.: هههه هاي عبالها فلم هـندي..
في هالوقت شــافوا عووشه نازله من الدري وشمــا ويــاها..صـدوا صوبهم واتقربوا عوشه وشما منهم..شما اول ماانتبهـت لجــااسم انحرررجت من الخاطر واحمررت بالقوو وعلى طول انخشت ورى حمده..
عوشه.: جسوووووم الدب انته اهنييه وانا ماادري..
جـاسم الي كـان مستحي لاانه شما موجوده.: هيييه يا ويهج,,خلااص عيل بترخص منكم انا..
أميـره.: اوكي خلاااص ربي يحفـظك..دير بالكـ على عمرك..
جاسم.: ان شاااااء الله..يلا مع السلامه..(وهو يسوي بايده حق يزووي)..بي باااي عميي..
اميره يلا ماما سوي بي بااااي حق عميي..
يزووووي وهي اتسوي بايدها.: باااااااااااي ميييييي
جاسم.: هههه فديتج انا..بااااي..وطلع عنهم..
حمده.: ما بغييييتوا اتخلصووون..!!..(وهي اتصـد وراها)..شمووه بلااج منخشه ورااايه..
شما توقف حذالها.: عوشوووه اشحقه ما خبرتيني انه اخووج اهني..لو عرفت جان ما نزلت..
اميـره.: عااادي فديتج مااستوى شـي..ترى هييه بعـد ما كانت اتعرف انه هو اهني..توه يااا..
عوشه.: عادي عادي شموووه الا هو جسووووم هههه..
حمده.: المهم قوليلي شو سويتي وياهاااا..اشك انها فهمت شي منج..
شمـا.: لاااا حمدووه حرام عليج..فهمتني عدل..حليلها تعبتها وياااي..
عوشه.: هي حبيبتي دام انه ابله عوووشه علمتج لازم بتفهمييين..لا عادي فديتج لا تعب ولا شي
حمده.: ههههه مالت..
اميره.: تعالوا انسير نيلس اشحقه واقفيين..
ساروا كلهم صوب الصاله ويلسـوا..عوشه قبل لا تيلس سارت صوووب اميره عسب اتشل يزووي عنها..
يزوووي تصاارخ عليها.: بااااااااباااااااااااا (ماابااااااا)
عوشه تطالعها بغيض.: تعااااااااالي قلتلج
يزووووي الي تلوي ع رقبة اميـــره وتصد عن عوشه وتصارخ اكثر.: باباااااااااااااااااا
اميره.: ههههه يزوووي مامااا سيري عند عموووه عوووشه..
عوشه.: خاااااايسه مااحبها انزييين..يوم نباهااا مااتي عدنا..الحينه لو عندي حلاااوه والا لابسه عبااه بظهر جاااان عقت نفسها عليه..
شما.:ههههه فديييتها والله..عســـــل هالبنت..حراااام لا تقولين جيه..اصلا اليهااال كلهم جــــذه..
حمده نشـــت من مكاانها وسار صوب اميره.: اصلا هاااااي تبا خااااالتها..يزووووووووي خالوووه تعاااالي ..
يزوووي اطالعتها ولصقت في اميره اكثر.: بااااااابااااااا باااابااااا..
اميره.: ههههههه خلااااااص سييييروا ماتباكم ..(اميره لوت عليها وتمت تبووووووسها)..خلووووها عندي بنتي حبيبتي خلووها..هااااي حيااااتي هااااي عمري كله.. يا ربييي والله احبهاااا هالبنت..لااخلااااني ربي منها ان شااااااء الله..
حمده.: هييييييييه الحينه بـــس,, خ يشرف النونووو الثاااني عقب بتنسييييينها..
اميره وهي تحضنها بالقووو.: لااااااااااااا لاااااااا فديت روووحها لا تقولييين جييييه هالبنت انا مستحيل انساااها مستحييييييييل..
عوشه.: ههههه عقب يزووي بتيلس تخـق اونها الاخت العوووده..
شمـا.: ليـش اميره حاامل!!!
حمده.: ههه هيييييييه..
شمـا.: مبرووووووووك ..تستااااهلين والله..
اميره بضيج.: الله يبارك فيج..
مره وحـده انتبهوا كـلهم لصووت ياااي من الصااااااله الثاااانيه..(اميــــره..اميــــــره)..اميره فزت من مكاااانها مره وحده وهي مبطله عيونها وتتصدد .: راااااااااااشد..هذا صووووت رااااااشد يا جمااااااااااعهـ..
حمده وعووووشه نشــــوا من مكاااااانهم بعـد
عوشه.: هييييييييييه هووووو..راشـــــد ..رد واخيييييييييرا رد ..
حمده.: سيييييري انزين شوفييييه يالس يزقررج اميرووووه ..
اميره.: اااه الحمدالله والله اني كنت احاااتييييه واااايد...يلا يلا بخلييييييكم..
ومشت عنهم بسرررررعه وهي شاله يزوووي وسارت صوووب الصاله الثاانيه ..اول ما دشت فجــت عيوونها وانصــدمت من الي اتشووفه..شكـــله كان فضييييع..عقم كندوورته مبطله وعيووونه محمررره وويهه شااااحب.. ومتبهـــدل من الخااطر وحااالته حااااله..اول شـي حطت في باااااله انه شاااااارب....معقـــــولهـ..معقووولهـ بعـد كـــل هالمــده هي تترياااه واخر شي يرد لها سكراااااااااااااان!!..
يزوووووي عاد ما صــدقت..من شااافته تمت اتصاااااارخ (باااااا باااااااا,,بااباااااا) وهي تضحك مستاااااااانسه وتحاول تنزل عمرها من عند اميييييره عسب اتسيييييييير له..
سار صوووبها على طووول اول ماشاااافها وشلااها..وعيووون اميره عليييييه وهي فاجتهن قد ما تقدر..
راشـد وهو ضااامنها بالقووووو.: حبيبتي والله اتولهـــــت عليييييييج..
اميره اتقربت صووبه وهي تدمع من دون لا تحس وتطالعه من فوق لين تحـت.: رااااااااااشد انته ويييييينك حرام عليــــــك اتخليني احاااتيك جييييه..
راشـد صد عنها وسار يلس ع الكنبه ويزووي ع ريووله ..اتســـــــاند ورفع راسه واتنهـد بعذااااااب..: اااااااه اميـــــره انا تعباااااااااان ..تعبااااااااااان..
اميره سارت صوووبه ع طوول وهي مصدووومه من حاااالته..اول مره اتشووف راشـد بهالحااااالهـ ..يلست حذااله وحطت ايدها ع جتفه وهي اتصيح.: رااااشــــد حبيبي اشفييييييكــ قووووولي..شو الي خلاااااكـــ اتصيييير جـــذيييييه..
انصـــــــعقت يوووم شاااافت دموووع تنزل من عيووون راشـــــد..قالت في خاطرها..مستحييل,,مستحيييييل هذا يكوون راشـــد..الي ياس يصير شي مب طبيعي..عمررها ما شااااافت راشـــد يــدمع ويكووون بهالضعف والانكساااااااار..من الصـــدمه تمت ساااااكته تشووووفهـ وهي مبققه عيووونه..كأنها تبغي تتأكــــد اذا هذا صـدق راااشد والا لا!!!..لاان راشــد الي اتعرفه 180 درجه غييييير عن هذا الي اتشووووفه جـــدامها!!
راشـد.: آآآآه يا دنيااااااا,,منوو كان يتوقع يصير كـــل هـــذا!!..( قبض ايد اميره )..اميره انا مضااااايج ومحتااج لج واااااايــــد..
اميره الي اتصيح من خاطرها من بعد ماشافت دمووعها..حطت ايدها ع اييييده.: راااااشد اشفيييييكـ الله يخليييك ارمس.. حبيبي انا ويـــــاك على طووول بس قولي اشفييييك وريحني..
راشـد.: اميــره الي صااااار شي وااايد كبيــــر..وصدمه قويـــه لي انا بالذاااااااات..مب قادر استوعب شي لين الحينه..والله والله اني كنت احبه واااايد واعــــزه..واي شي مضيج بي اقوووله وهو يريحني..مووول مااخش عنه شــي..طلعاااتنا وييااااتنا كلها كـانت ويا بعـــض..كان اكثر من اخووووويه هالانسااااااان..اي شي ابغي اسويييه لاازم اقوووله اول شـي..وهو بعـد نفس الشي..لكـن الحيـنه خلاااااااص..لا بيسمعني ولا بيرمسني ولا بيطلع ويااااااي..انحرم من كـــــل شــــي..اااه مب قادر..مب قادر يا اميره انسـى شكـــله وهوو في المســتشفى..مب قااااادر يحط عينه بعيني او يرررمســــني..بس يصييييح ويصييييح..جــــنه جثــه هااااامده..( زاد في صيااااحه في هالوقت وهو حاس انه قلبه يتقطع..)..خســرر كل شي وانابعد خسرررت وياااااااه..خسررنا كـــــل شي ..كل الاياااام الحلوه الي قضييييناااااها مع بعض خلااااص ما بتتكــــررر مره ثااااانيه..محمــــــد راااااااح يا امييييييره راااااااح ..
أميره مب فاهمه شو السالفه هو يرمس وهي اتصيييح ,, لوت ع جتفه .: حبيبي انت ترمس عن امنوووه,,منووو محمــــد!!!
راشـــد.: محمـــد هذا رفيييج عمــــــري يا اميـــرهــ...مب رفيجي وبـــــس..كـــان اكثر عن اخووووي الي كل يوووم لاااازم اشوووفه واسووولف وياااااه..
أميــره.: انزيين شووو صاااار فييييييه؟!!..
راشــد.: اااااااااه صار الي عمررررري مااتوقعــــت انه يصيييير..طاااايح في المستشــــفى منشــــل ما يروووم يحركـ شي فيييييه..ليـــتني مــت ولا شفته في هالحاااااالهـ لييييتني..
أميـره تصيح من خاطرها.: لااااااااااااا فديتك لاا اتقول جيه حراام عليك,,يعل عمــرك طويييييل ان شاء الله..لا حول ولا قوة الا بــالله..ياااالله لا تبلييييينـــا..واشحقه صار فيييه جيييه؟!!..
راشـد شافها والدموع تنزل من عيوونه .. واميـره مصدووومه واتصييح بنفس الوقت..عمررها ما شافت راشـد في هاالحاله..تنهــــد بكـــــل ضيج.: شو تبيني اقوولج..الي استوى يت شرات الصفعه ع خــدي خلااني اصحـى من نووومي..خلااني اعرف انه كـل الي كـنا نسويييه غلط اف غــــلط..والله مــــا يرضـــى به..الســالفه انه في يووم محمــد اتصل بي..وقالي بـــاجر لا اتــي المزرعهــ والسهرات بتتكنسـل كمن يووم لااني ســاير ويــا الاهـل اهناك..كـان ساير هوو ويـا امه وبنت عمــه ..بنت عمه هذي متعلقه واايد في ام محمـد من يوم ما كـانت صغيـره..حتى لين ما كبرت واتزوجـت ..لاانه امها اتوفت يوم يابتها واعتبرت ام محمد شرات امها..اهلها كانوا مسافرين وريلـها كان مدااااوم..فقـالت بتسير تيلس عند ام محمد لاانه ما عندها غيرها..واتفقوا يسيرون المزرعه..وســـاروا اهـــــناااااكــ..فلليـــل اتصل بي محمـد وقالي يا رااااشد يا الوقت الي انتقـــــــم فيه منها..!!..انا استغربــت قلت تنتقم من امنوووه!!!..قالي انتقــم من بنت عمـي الي حبيــــتها من خااااااطري وآخر شي سارت اتزوجـــت غيري.!!..انا قلتله..خيييبه هاي سالفهـ جديمه شو ذكرك فيها..وبعدين خلااص انسى البنت لاانها صارت لغيـــركـ..جان يقووولي لاااااا ما بنساااها..انا لاازم انتقم منها لاااااااازم..قلت له شو تبى اتسوي يعــــني..قااالي وهووو يضحـــك بخبـــــث بعـــــتدي عليييييييييييها!!..انا فجيت عيووووني هالوقت وقلت هذا اكيد يسوووولف..قلتله قووولي الصج شو بتسوي..قاااالي قلتلك تراني بعتدي عليييييها..والحيييين بعـد..قلتله وانا مصدوووم..انت اكيييييد مب صاااااااحي اكييييد..لاا انت اتخـــبلت..يالغبي هاااااي بنت عمـــــك..قالي انته جب ما يخصك انا بسوي الي اف راسي يعني بــسوي..اصلا من صوووته كاااان امبيـــن انه شاااااااااارب ومب عاااارف شو يقووووول..صك التلفوووون ع ويهـــي وعقبها ما عرفت شووو صاااااار..ما حسيت بعمرري الا واناااا رااكب سيااااارتي وسااير طررر صوووب المزرعهـ..دشيييت على طوووول وما همني شــــي وقتها..اول ما دخلت شفت قاااابض الحاارس من قميـــــصه وويه الحارس كله دم..وهوو يصااااااااااارخ عليييييه..ليييييييييش سويييييت جيييييييه ..لييييييش سويييييت جيه..(حس بقلبه مقبوووض ودموعه تنزل هالوقت..سكت شوي ومارام يكـمل..واميره تتريااااه مندمجـه من الخاااطر..مبطله عيووونها من الصــدمه وتذرف دموووعها بصـــــمت..)..قلت في خاااطري لييييتني ماااا سرت ذاااك الوقت ولا عرفت باللي صــــار..سبحان الله ..صــدق كمـــــا تدين تداااااااااان..شرااات مــــا ســـوى في بـــنت عمــــــه ..استوى في امــــــــه اتخيــــــلي..يا اميره اتخــــيلي الموقف انتي بـــــس..واتوفــــت الله يرحمها..
أميـــره وقفت مره وحده وهي تشــــهق ومبققه عيونها ع الاخر..تحس بقلبها وقف يوم خلص راشـد كلااامه.: راشـد انته شو تقوووول,,!!!..معقـــــــولهـ هذا الي صااااار معقـــــولهـ..حرااام حراااااام والله..شو ذنبـــها الام المسكينه هااااااي عسب يستوي فيهااا جييييه..!!..هاااي يزاااات امه حليييلها الي ربته وكـــبرته يســـوي فيها جــــذه...(وهي تصييح بصوت عالي)..حراااام عليييه والله حراااااااام..امه موول ما تستاااهل الي صاااار لها..لكــــن سبحااان الله..قـــدر الله وماااشاااااء فعـــل..وشرااات ما قلت ترى كمــا تدييين تداااان..استغفر الله العلي العظيم..كيـــف هاااان عليك اتسوي في بنت عمك جذه كيييييف..خاااااايس والله انه خااايس وحقيييييربعد..هذا ربيعك الي ميـــت علييييه..هـــذا..!!..انته اصلا كيــف اترااااابع هالاشكااااااال!!!..كييييييييف..يعــــني هذا السبب في رووحااااتك وييـــاااتك للمــــزررعه..هذا السبب في كل الي كــنت اتسويييييه..الشررررب والسهر كله بسبته هووووو!!..سارت يلست حذاله وهي منهااره ..شفت اشصااااار من ورى سوااااالفكم هاااااي شفت!!..ياااامااا قـــلتلك يا رااااشد ودر هالسواااالف انته الحينه خلااااص متزووج ولازم تسمع كلااااااامي..قلتلي لاااا هاي خصوصيااتي ومااحب حد يتدخل فيها..سكــتت واتحمــلت ولا قــلت شي..كـنت اصبر عمري غصب واقووول اكيد بيتغير في يووم اكيـد..لكـن ماشي فااااايده..اااااااه..كأنه ذبح امه بااااايده..
راشـد يصاااارخ.: اميره الله يخليييج اسكتي انا الي فيني كااافيني دخييييلج مب ناااااااقص..ادعي الله يقــــووومه بالسلاااامه والله انتي لو تشووووفينه قلبج بيتقطع عليييييه..خلاااااااص ما يروووم يتحــــرك..يااا امييييره ما ايرووووووم..
اميـره سكتت عنه وتمــــت اتصييييييح..
راشــد.: بس اشوووف دمووووع النــــدم والعذااااااب ع خــده تنـــزل..مب راااايم يوقفهـــن مب رااايم..هالشي الوحيد الي يتحرك فييييه..اااااه يا محمـــد ليــش سويت جيه اف نفســـك وفي امــك المسكيــنه الي ماااالها ذنـــب,,نـــــاس يتمــنوون يكوون عندهم ام وانت تسوي فيها جييييه!
اميره ردت على طوول .: بس انته عــــــندك ام..
نش راااشد بسررعه عقد حيااته وهو يشووووفها وصااااارخ عليها باعلى صوووته خلا اميره تفز من مكااانها وحتى يزوووووي.: لاااااااااااااااا ما عندي ام..منو قال عندي ام!!!..اميييييه ماااااتت الله يرحمها ماااااتت..ان سمعتج مره ثانيه اتقووولين عندك ام ما تلوومين الا نفسج فااااهمه
اميره اتيبست من الخووف هاللحظه من الزيغه وسكتت ويزووووي تمت اتصيييح من سمعت صراااخ راااااشد..راشـد لوى عليها وتم يهـــدييييييها..(بس بابااااااا حبيبي بس..لا تصيحييين فـــديتج خلااااص انا آسف بابااااا)..
اميره نشـت ووقفت حذاله.: راااشــد انته شكــلك واايد تعبااان,,خلااااص سير ارتااااااح..
راشـد.: اااه واااايد تعباااان واااايد..
اميره.: خلااص حبيبي ييب يزووي وسير ارتاااااح..
راشـد وهو ضمـها بالقوو.: لاااااااااا خلي يزوووي عندي انا ابغيها متوله عليها..
اميره.: بس ما بتخليــــك اتريح انا ادريبها..
رااشد.: ما عليييه خليها..
اميـره.: خلااص برايـك..
مشى راااشد عنها وهو شـال يزوووي..وهي كـانت اترااقبه بعيوونها لين ما اختفى عن انظارها..عقبها يـلست ع الكـنبه اتصيييح..مب مصــدقه الي صاااار..مب عارفه هاي دمووع فرررح والا حـــزن..فررح لاانه راشــد خلااااااص بيودر كل سوالفه من بعد الي صاااار وحــزن على الي استوى في ربيييعه وامــــهـــ!!..متأثره وااايد بالسااالفه ومب قاادره تتصــور انه في ناااس جذه ما يفكــروون باللي يبوون يسوونه قـــبل..حســــت ابضييييييج فضييييع وهي تتذكــر كلااام رااااشد..ما كااان هاامنها محمــد كثر ما هاامنها امه وبنت عمـــه المظلووماات الي ما كان بايدهن الا انهن يستسلمن ويخضعن لهالوحوووووش ..مالهن ذنب في كــل الي صااااار..حرااام والله حراااااام..وحده اتوفت والثانيه الله يعـــلم كيف حاااااالتها..غطت ويهها بايدينها وصاحت من خاطرها..وهي تــدعي انه راشــد يااخذ عبره من هالموقــــف وانه ربنا يهــديييه ويــتم يلووم عمره ع كل الي سوااه قـــبل..ويحس ابنــدم ويتغير ياااااا رب..
.
.
كـانت يالسه في الصـاله وهي نااقعه من الضحـك ترمس في التلفوووون.!
هــزاع.: اوهوووووو الحينه انتي بترمسين والا شووووه!!!
نوال.: هههههه اااه يا قلبي وايد ضحــــكت اليووووم..معقووله يعني معقـــولهـ مااتعرف شو السااالفه!!..
هــزاع.: اي ســـــالفه نوالوووو ارمسي والا بسكر التلفون ع ويهج..
نوال.: ههههه خلااص خلااص برمس..احم,,,سمعنا انك تبا اتعرس
هزاع.: هههه يقولوووووون..
نوال.: انزييييين ,,واتعرف اماااايه حاطه عينها على امنووو؟!!!
هزاع.: اشدرااااني اميييه كال يووم اتحط عينها على وحده..وعقب اتغير رااايها..هههه والله حاله انا اقوول اذا جييييه عمري ما بعرس..
نوال.: ههههههه لاا لاا ما علييك هاي الي اختارتها هالمره ثاااابته ما بتتغير..
هزاع.: ههههه زين زين والله ما بغييينا,,وامنووووو هااااي؟!!..
نوال.: هههههه يعني معقووولهـ امااايه ما قالتلك!!!
هزاع.: لااااا والله ما قالتلي شي..
نوال.: هههههههه تبا تخطــــــبلكـــ منوووووه اخت ماااااايد..
هزاع انصــــدم هالوقت..بطل عيووونه قد ما يقــدر.: نعـــــــم!!!..عيدي عيدي لو سمحتي؟!!!
نوال.: ههههههه لاااا ويقولك بعد انها من زماان حاطه عينها عليها وتتمناها حقــك..لاانها اتحس انكم لايقييين ع بعــــض..الصراااحهـ,,صدقت امايه بهالشي..لاايقين ع بعض ههههههههههههههههههههههه
هزاع.: هاي الي تبااااني اكفخها الحيييينهـ..انتي ايييه شو تقوووليييين!!..من صدقج والا تتمصخرييييين!!
نوال.: هههههه لاااا والله العظيم من صـجي ..اليوووم خبرتني وقاالت دام انها رفضـت الي كان خاطبنها ..تبا تخطــبها لـــكــ..
هـــزاع.: ههههه شوووووووه!!..الحينه انا بهالوسااااامه وبهالجماااااال آآآآآخذ هالخبله ام الزنووبه الورديه الخواااااافهــ,,,لالااااا لااااا يا بويه وين تبووون انتوووو...
نوال.: ههههههه حرااام عليك ما خليت شي ما قلته عنها..صــدق هزاعوو والله ترى ما بتحصـل احسن من منوووه..من اياااام الابتدائيه وانا اعررفها ..وحده طيبه وحبووووبه وسوالفجيه..وشنسوي فيها بعد خبله شويه شرااااتك هههههههه..يعني جد جد صــدقت امايه يوم قالت لايقين ع بعض هههههههههههه
هزاع.: هههههههه انتي من صجج نوالوووو,,يعني من قلة البناااااات آخذ هاااااي؟!!..اصوووم واصووووم وافطر على بصــــله!!!
نوال.: هههههههههه يلا جب جب عااد ماارضى عليها ترااااني..كله ولا منووه فديتها رفيجة عمري هاااي..عاااااااد جان هيييه اتوااافق الحينه بعــدني ما رمســــتها ..ههههه الله يستر بس..
هزاع.: من زيييييينها عااد مااتوافق..اصلا بتواافق غصبن عنها..وبتصلي ركعتييين شكـر بعــد لااااني انــــا هــــزاع بشحمي وبلحمي خاااطبنها..وااااااااااااالله..
نوال.: ههههه لافــديت روووحك هاي الشيــخه مــــنى الي الف من يتمـــــناها انزييين..
هزاع.: ههههه هييه ما يحتااااي ..
نوال.: ههههههه يلا هزاعووو شو قـــلت..دخيييلك يااخووويه واااافق ترى صــدقني منوووه ما تتعوض ..هههههههههه يالسه اتخيل اذا خذتوا بعض عقب كل حياااتكم قررررض اف قرررض اسميني بنقع عليكم من الضحـــــك ..بكتب فيكم قصـــه هههههههههههه..من اول قــــطوه جمعتكم في بعـــــض لييييين ما خذتها..يا سلاااااااااااام والله احلى قصه هههههههههههههه
هزاع.: ههههههه اسمعوا انتو هالخبله شو تقووووول,,..نوالوووو انا اخووووج حرام اتسوين فيني جييه اتخليني آخـــذ هالمينوونه..بس اتصدقين شي واحد يمكن يخليني اوااافق اني اخذها اتعرفين شوووو
نوال.: شووووووو
هزاع.: القراااااااااااااض..اسميني بقرضهـــا ع رااااحتي عقب هههههههههههههه
نوال.: ههههههه هي شفت شو الي يميزها عن بااااااقي البناااات!!!
هزاع.: هههههههه هي صدقج..خلااص موافق انا موافق..
نوال.: هههههههههههه يسسسسسس,,الحييين بسير ارمسها انا بشوووف شو بتقووووول
هزاع.: والله يا نوالوووو ان ما وافقت بعااااااند وبقووول ماابغي غيييييرها وبخليها غصبن عنها اتواااااافق..
نوال.: ههههه خيبه خيبه..شوي شوي عااد مب جيييه
هزاع.: ههههههه يلااا سيري رمسيها ..وعقب اتصلي فيني وخبريني شو قاااالت..
نوال.: ههههههه اوكيييه يلا باااي
هزاع.: بااااي
...........................................
في الســـياره,,كـانت يالسه ورى على اعصـابها ..اتهز ريلها بحركه سريعه واتحس انه رعشه تسري جسمها كله من زود ما هي متوتره..كل شويه تطالع ساعتها واترد اتشووف الدرررب اتحس انه وااااايد بعيــــد ..بعــــدهم ما بيوصلووون الحييين..كل شوي اتحس انه بيستوي شـــي وبيمنعها من هاللقاااااء مااتعرف ليـــــش اييها هالشعووور..
مـريم وهي تصيـــح.: حمد قوووله يسرررع دخيلكـ
حمـد الي كان يالس ع السيت الي جدام.: ليــش يسررع.. اشفيج اتريي بنوصل الحينه..
مريم.: حمد انا واايد خااايفه..اخاف اسييير ومااحصلها..او اشدراك يمكن محولين بيت ثاااااني..
حمد.: الله يهديج بس انتي شلي عن راسج هالافكار ان شاء الله بنحصلها لا تحااتييين..بس انتي هـــدي لا تسوين في روحج جــذه..
مريم.: اااااااه يا ربييي الحينه من متى نحن ندور وندوور..اخافه مضيع بس..
حمد.: مريم حبيتي اشفيج انتي..نحن تونا طالعين من البيت..ما عليييج هو قاال يندل البيت عـدل لا تخافين...
تمـت مريم على هالحــاله فتـره ..شافت الدريول بدى يـدش في السكيـــك..وزاغت لحظتها لاانه كان ظلااام...تمت اتشوووف الدررب وهي اتحس انه قلبها يررقع لاان حاسه الحينه انها جرييبه من البيـــت..بس مب متخيله يكوون بيتهم في هالمكــــان!!..احســـاسها ما خاب..شافته وقف عنـد بيـــت من البيوت الي هنـاك..سمعت حمد يسأل الريال اذا صـدق هذا بتيهم والا لا وكأنه مصدووم من بعـد ما شاااف شكـل بيتهم كيـف..والمكان الي فييه..
حمـد.: يلا مريم هذا بيتهم ..خل ننزل..
مريـم.: متأكــــد!!..اخاف مغلط ..
حمـد.: لاااا شوو مغلط.!..هذا بيتهم يلا نزلي..
نزل حمد من السياره ونزلت مريم بـعـد واثنينهم كانت عيونهم ع البيـت ..مريم متيبسه في مكانها وعيونها ع البيت واتصيـــح..امهـــــا عايشه في هالبيت وهي ما تدري عنـــها..اااااه ويــــني عـــنج من زماااان يااميييه ويـــــني..حمد صح انه في البدايه انصـدم بس عقب شاف انه عادي يكونون عايشين في هالبيـت ..لو بيتهم كـان احسن من هالبيت جان ما يت تشتغل خــدامهـ!!..اتأثر واايد وصد صووب مريم..شافها اتجـدمت صوب البااااب..ودقت الجرس..وتقرب حمد منها بعــد..ردت دقت مره ثانيه..
مريم وهي تحس انها تتناافض وقلبها يدق واتصييح.: يووم اقولك محولين بيت ثاااني..ما بشووفها مره ثانيه خلااص ما بشوووفها..
حمد.: حبيبي هــدي هـدي دخيلج..لا تسوين في رووحج جذه..اتريي اشويه الحينه بيفجون البااااب..
اول مـا خلص حمد كـــلاامه شافوا البــــاب اتبـطل ..يــوسف طـــلع وكـان واقف يمرر عيونه عـليهم باندهــــاش..صوب عيونه ع مـريم الي كـــانت تصيييح واستغرررب وااايد..بـــلااها هاااااي!!..وامنووو هذا الي وياها!!..شو يبووووون!!!..رغم انه حاس انه شـكل مريم مب غريب عليه وشايفنها مكان بس مب عارف ويـن..مريم يوم شاف شـــاب وااقف استحـت وردت ورى..اتجــدم حمد..
حمـد.: سلام عليكم..
يوسف.: وعليكم السلام..
حمد.: اخوي هذا بيـــت عايشه؟!!..
يوسـف وهو عاقد حياته .: هي نعـم..خير في شي؟!!
مريم الي رمست ع طوووول.: هي موجووده الحينه؟!!..
يوسـف.: هي موجووده..
مريم.: انت ولـــدها؟!!!..
يوسف .: هي انا ولدها..انتو امنووو؟!!
مـريم اطـالعت حمد بعيووون ملياااانه دمووع وهو بعـد صد صووبها..كأنها اتقووولهـ هذا اخوووووي يا حمـــــد هذا اخوووووي..ردت اطـالعته وهي تتأمـل فيه واتصييييح..ويوسـف موووول مب مرتاح من هالوضـــع..مصدووم من هاي الي واقفه اتصيح وتشوووفه..مب فااهم شو الســــالفه..
يوسـف.: ما قلتولي انتوو امنوو وشو تبوون بالضبــط؟!!
مريم وهي ترمس وتصيح.: يااخووي نحـن ياييين انشوووف امـــك..ممكن تناديها لـــــنا..
يوسف وهو مبهــــت.: منو اقوولها؟!!
مريم.: قووولها مــــــريم يايه اتشوووفج وهي بتعــــرف..
يوسف.: خلااص اووكي,,
راح عــــنهم..ومريم اهني صدت صوب حمد وانفجرت من الصياااح..
مريم .: حمــــــــــــد هذا اخووووووووي بس ما عرفني ..ما عرفني
حمد لوى عليها وتم يهديها.: بس فديتج لا تفضحينا جدامهم الحينه دخيـــلج..
مريم.: اااااااااه بشووووف امـــــي ..مب مصــدقه اني بشووفها الحينه مــب مصــدقه..الحين بشووفها وانا اعرف انها امـــــيه يا حمـــد..انت حااااس فيني!
حمـد كــاسره خاطره مريم ومتأثر وايد.: هي حبيبتي حـاس فيج والله حـاس بس انتي هـدي الحينه..
ابتعدت عنه مريم واتقربت صوب الباب بسررعه يوم حسـت حد يسحـــبه..بققت عيوونها قـد ما تقـــدر وعلامات الفرررح بينت ع ويههـــــا..حسـت انه من الفررحه بيغــمى عليهـــا بس سيطـــــرت ع الوضع وهي تشوووف عايشــــه واقفه جـــــدامها وكانت حالتها نفس حالة مريم..
.
.
في نفس الوقـــت ..كـان يـالس في الميـــلس وحـالته النفسيـــه تعبااااانه واااايد..حاول يرقـــد وينسـى كل الي صااااار بس ما قــدر يغمض عيوونه..صد الصوب الثاني وشاف يزووي ع الكنبه راااقده وفي سااابع نومها..قام حبها ع راسـها وعقبها سـار صوب المكتبه الي هنـاك رد شافهم مــره ثااانيه..حط ايدينه ع راااسه وحس بصــداااع فضيــع..يعرف انه ماشي يريحـه غيييرهم..ماشي يخليه ينسى الي صار غيرهم مب رااايم يقااوم مـب رااايم..كأنه الغرش تنطـق وتقوول ليــش وااقف ..تعال اتجــدم منـــا ليش خااااايف..!!..شرات ما انت محتااج لنــا..ترى حتى نحن محتاجين لــكــ..يـــا في بــااااله شكــل ربيعه محمــد لحظـــتها ابتعـد
ع طوول ورد يلس مكاااانه وهو حااااس انه خلااص بيمووت من الضييج..يحس انه متشتت ومب عارف شو يســــوي..لكـن الشيطان مب مخـلنه في حــــاله..واقف ع راســه وكأنه يقوله نش يــااخي نش خذهم واشرربهم ليــــش حارم نفسك منهم...!!..ترى خــلاص ماشي مزرعه مره ثاااانيه وهاي آآآآخر غررررش تمن لــــك..اشربهم وعقب خلااااااص لا تشرب غيرهم وتووووووب..فعلا هذا الي يااالس يفكر فيه راشـد هاللحظــــات..ما يرووم يقص ع عمـره ويقوول انه خـلااص ما يبــاهم..هو فعلا محتاااج لهـــم..وفي هالوقت بالذاااااااااات..نش بسررعهـ صوب المكتبه..وخذ الثلاث غرررش الي تمن عنده..ورد يلس مكااانه..ساعتها بـــس نســـى كــل شي..نســــى ربيعه والي صااار له ونسـى يزووووي واميـــــــره..وكأن الغرش طيرن عقـــله..تم يشررب ويشـــررررب لين ما حـس انه خـــلاااااص طااااار من الميلس لعالم ثانــــي..في هالوقــت عاد فزت يزووووي من رقااادها وكأنها حست انه ابووها ياس يسوي شي غـــلط..قامت وهي اتصيييييييح من خاطرها وسارت صوووبه ع طوووووول وهي تصيـــح بابااااااااا باباااااااااا..لكــــن راااشد ولا حاس اف عمره ما سوالها سااالفه..ما نشت من عنده وتمت اتصيييح واتصييييح واتصارخ باباااا باابااااااا..لكن لاا مجيييييب..سارت من عنده يوم حست انه خلاااص ماشي امل منه..سارت صووب الباب وتمت اتدق واتـــدق وهي تصااااارخ ماماااااااااا,,مااااااماااااااا..لكن امنوا بيسمعهــا!!..ردت مره ثانيه صوووب راااشد وهي ذابحه رووحها من الصيااااااح..واخيرا راشـد اتحــرررك ومد ايدينه وشلها بالزوور زين ما طيــحها لاانه مب حاس اف عمره ويلسها ع ريوولهـ..لكن يزووي ما سكتت لاانها مب مرتااحه من الوضع وتمت اتأشر صوب البااااااب واتقول مامااااا ,, ماماااااااااا..راشـد ولا عارف شو السااالفه عايش في عاالمه الخاااص وقتها..لكـن حاااس في يزووووي اتصيح وعارف انها تبغي شــي..لا شعووريا مــد ايده صووب الكااااااس الي كــــان ملياااان من هالسم الي يشررربه..وقربها من حـــلج يزووووي وشــــربها ايااااااها..ما كـــفاااااه شررربه رووحه لهالســـم...خــلى بنته بعــد تذوووق منه..محد كـان حاس فيها هالمسكينه ذاك الوقـــــت..كـــان وااااااقف في بلعووومها مب قادره تبــــلعه..تبغي تكــح وتحاول تسحب الكاس من حلجها بس مب راااايمه لاانه رااااشد مب حاس اف شي ومب طايع يخوز الكااااس من حلجها..ازرررقت البنيه من الخااااااطر بس محـــــد اهــني عسب ينقــــذها ..على هالحــــاله انقطـــعت آخر انفااااس يزوووووي ووقــــف كل عضوووو شغااال في جســــمهـــا..وبهالشي انتهــت حيــاة طــفله صغيــــره..جميــــله بمعــنى الكـــلمه..كــانت تحمل مواصفااات وايد حلوه اتميزها عن باقي الاطــفال..خجووولهـــ واااايد بس اذا توالمت ويا حــد تضحك ويااه وتسير عنده..ابتســــامتها اتحليها اكثر واكثر وخاصه غمازاتها..ودعت حيــاتها وهي في حضـــن ابوها..ابوها الي يمــكن حبــته اكثــــر من امها الي كـانت تتعب عليها..وآخر شي هـذا الي يااها منه..قضـــى على بــــنته حبيـــبته..الي غيرت فيه اشيااا واااايده..كـان متعلق فيها بدرجه ما تتصـــوروونها..قضـى عليها في لحـــظه ما فكر فيها الا في نفســـهـ وراااحته..حتى نســى لحظـتها الي صـار في ربيعـــه وامــهــ وهو الي كـان متأثـر واااايد من سالفتـــهـــم..
.
.
لكـــن المهم الحيـــــنهـ ,,شو بيصيــــر لهـ يوم بينش من غفـــوته وبيلقـى بنته الي يمووووت فيـــها ميته بين احضااانهـ!!!