مرت 3 أيـــام وما في شي اتغيـــر,,كـل شي على حـاله..الا ردة حمد و مريم لبيـتهم بالرغم من زعل ام حمد عليهم لين الحيــنه..وحتى اميــره..الي كـــارهه مريم ويا راشــــد من خاااطرها..وما تدري شي عن نـــوره..لاانها تتصل فيها ولا اترد عليها..واتقول في خاطرها من حقـها,,الي سوى فيها حمــد مب شـــــويه..كلمـا تتذكـر تكره مريم زيااااااده..مصدووومه مااتوقعت هالحركـه الخايسه منها!..وكـل يووم رايحين ورادين ع المستشفى عند بــو راشـد..الي يوم عن يووم حالته تسووووء اكثــر وأكثـــر..والكــل مضايج من هالشي..ولا عارفين كيف يتصرفووون او شو يسوون..ليــــن ما نزل عليهم الخــــبر شرات الصـــاعقه..خبر وفـــــــاته الي صـــدمهم كلهم صــدمه قووويه وما كانوا يتوقعوونه..بس حالته مول ما كانت اتســر..وهـــذا كان يوووومه..صرااااخ وصياااااااح في المستــــشفى..كـلهم متأثرييين ..مب متخيلين انه خلااااص بو راشد راااااح وما بيردون يشوفونه مره ثانيه..أســوء الايــام الي مرت عليهم ..ايــــام ثجيله ع الكـل ما كـانت اتمــر بسررعهـ...كــانوا يعانووون من الضيــج والملل والحــــزن..كـل هالاحــاسيس مجتمعه في داخل كـل فرد من عايـلــة بــو راشـــد..ما بيدهم شي يسووونه الا انهم يرضون بالامـر الواقع والي الله كاتبنه...مر شهــر ويحسون كأنه ســـنهـ من بطء مرور الايــام..لاانه كل لحظه مرت عليهم ما فارقهم الحزن..بس هــاي حــال الدنيـــا..مستحيل كل اللحظات تكووون فــرح..لاازم شويــة حزن..عشان الانسان اذا فـرح يحس بطعــــم الفرحهـ..
.
.
فزت مره وحده من نومها من سمعت صوت تلفوونها يرن..اتأففت وصدت صوب الكمودينه عسب اتشل الموبايل..اول ما شافت الاسـم بطـلت عيوونها الي بالغصب تتبطل من زود ما فيها رقـــاااااد..معقـــــولهـ ,,معقـــولهـ الي اشوووفهـ!!..ردت عليها على طووووول..
أميـــــره.: الوووو
نـــــــوره.: سلام عليكم..
أميـره.: وعليكم السلاااااام يا حي هالصوووت والله..شحااااالج
نوره.: تماااام الحمدالله,,,شحالج انتي..
أميـره.: بخير ربي يعاااااافيج...بسج عااد كـل ها تتغلين علينا!!..هنت عليج اتسوين فيييه جذي؟!!..اتصل بج واطرش لج مسجاات ولا اتردين عليه!
نـوره.: لاا فـــديتج بس انشغلت شويه...عظم الله اجركم..
أميـره بضيج.: أجــرنا وأجرج ,,يزاج الله خير..
نـوره وهي خلااص ما قدرت تحبس الدمعهـ أكثــر.: أميــــره سااااامحييييييييينيييي..
أميـره باستغراااااب.: نوره اشفيج ؟!..اسااامحج على شوووو,,!!..انتي الي لاازم تسامحيني مب انا!..
نـوره وهي اتصيـح.: لانج مب فاااهمه شـــــي..
أميــره عقــدت حيــاتها وحست فعلا انها مب فاهمه شي بعد ما سمعت نوره اتصيح!..: نوروووه بلاااااج؟!!..ليش تصيحين؟!..وشو الي انا مب فاهمتنه!!..
نـوره.: انا بقولج كل شي..بس الله يخـــليج اوعديني انج ما بتزعلين عليه وبتسامحيني..
أميـره منصـــدمه...اتقول في خاطرها بلاها هاي!!..المفروض هالكلام الي هي اتقوله يطلع منها هي مب من نـوره!..: نورووه انا مب فاهمه شـي..شو السالفه؟!!!..
نـــوره وهي تصيح من خاطرها.: السـالفه اني انا في لحظه اتصرفت بحقاااره ونــذاله..السالفه اني انا سبب الخلاااف الي بينج وبين اخوج ومريم..السالفه اني ما كـنت استاااهل كل هالاهتمام منج وهالتلفووونااااات..
أميـره وحست انها بدت تفهم السالفه.: حبيبتي انا قلتلج من قبل ..انتي ما يخصج في كل الي صار..هاي مريم الي تمت اتحن ع راااسه يتزوجج وعقب سوت حركتها الخاااااااايسهـ,,مااقول غير حسبي الله عليها والله يا نورووه طاحت من عيني..
نـــــوره بانفعـــــال.: لاااااااااااااااا,, لا تقولين عن مريم جي حرااام عليج..لو تدورين الكون كله ما بتلقين وحده احـسن عن هالانسـانه..
أميـــره بقــقـت عيونها في هاللحظه وحست عمرها ضايعه.: انتي شو تقولين!!!
نــــوره.: هييييه أميـــــره ..صدقيني هي ما يخصـها في كل الي صـــار..كــله مني..كــله مني انا السبب..
أميـره وهي بعدها ع نفس الحاله.: كيـــــف!!
نـوره وهي تصيح بحـــررقه.: اصلا يوم ييتوا خطبتوني الاهـل كلهم رفضوا اني آخذ واحد متزوج..بس انا عاندت الكـل وقلت ابغييه..قلتلهم انا موااااااافقه محد له خص فيني هذي حياتي وانا حرره فيها مع انه من داخلي كنت اقول اني اتخبـــلت!..كيف ارضى آخذ واحد متزوج..!..كـنت حاسه اني بقضي على عمري بهالقرااااار بس اقول ما عليييه ..بس عشاااان احقق الهدف الي اف بااااااالي واحررر ناااااااس طعنوووني من الظهر..حبيتهم من كل قلبي واخـــلصت لهم وآخـــر شي خلوا قلبي ينزف دم..كنت ابغيهم يتعذبووون شرات ما عذبووووني..قبل العرس بيوميين..شفت تلفوني و كانت يايتني مكالمتين ما كنت راده عليهم من رقم غريب..شفت اتصل مره ثااانيه ورديت ع طول فيه فضول ابغي اعرف امنوو!...
.
.
نــــــوره.: الوووو
.....: سلام عليكم..
نــــوره.: وعليكم السلام,,,امنوو؟!!..
...: انــا حمـــد,,,اخوو أميـــره!..
نـــوره اهـــني بهتت وسكــتت من الاحرااج..استحت تنطـــق..
حمـد.: اممم,,,انتي نــــوره!
نـــوره بصوت بالكاد ينسمع.: هييه..
حمــد.: طـبعا انتي عـارفهـ انه العرس عقب يومين ..!
نــوره.: هييه..
حمــد.: اممم ســــؤال,,انتي شو الي خـلاج توافقين على واحد متزوج؟!!..
نــوره اهـــني انصعقــــت من سؤاله.: ليش هالسؤال يعني!!..
حمـد.: بــــس جاوبيني..
نــوره.: اممم,,لا هو حرام ولا عيب..عادي ..!
حمـد.: حتى لو عرفتي انه الي بتتزوجينه يمووووت في حرمته..وما يقدر يعيش بدونها..!!!
نــــــوره مبققه عيوووونها من الصـــدمه.: شو الي تبغي توصله؟!!..
حمـد.: الي ابغي اوصـــله انه بعـده باجي يوميــن ونملج..بامكانج اتقولين انج ما تبيني..انا الصراحه واااحد اعشق حررمتي ودقييقه مااقدر على فراااقها..دخيلج اررفضي وهذا لمصلحتج انتي..انا ماابغي اخذج واظلمج وياايه لااني اعرف عمري مااقدر اوفي لج حقج واقــدرج..ان شاء الله بييج الي احسن عـني لا متزوج ولا شـي..ما بيكون عنده غيرج..يكون متفاهم وياج ويعززج...لكــن انا لاااا..
نـــــوره حاسه جنه حد كفخها ع خـدها بعـد هالكـلام!!..قالت في خاطرها هذا شو قـاعد يقوول,,,من صجه!!..قبل العرس بيومين ياي يقولي هالكــلام!!..لاااا مستحيــل,,,مستحيل ارضــى بغيره..هاي فـــرصه يتني وما تتعــــــوض..: لاااا والله!!..الحينه ياي اتقولي هالكــلام!!..ليش من قـبل ما رمست ولا قـلت شـي..وبعـدين مرتك هي روحها الي تمت تترجاني لين ما وافقت..وانا عاارفه انت اشكـثر اتحـبها واتعـزها..بس عادي عندي انا..ان شاء الله انا بعـد راح تحبني شرات مااتحبها ويمكن اكثر بعـــــد..ما سمعت عن الحـب الي ايي عقب الزواج.!!!
حمد الي شكـله انصـــدم من جرأتها.!..: انتي شوو ما تفهمين!!..اقولج انا امووت فيها وماابغي غيرها لا قبل الزواااج ولا بعـد الزوااااج..وبعدين لا انا اقدر اقول اني ماابغيج ولا هي تقـدر تقولج لا تتزوجين ريلي..نحن انمر تحت ضغووووط يعني بالاصــــح انا وهي مغصوبييييييين..افهميني دخيلج..!
نـــوره الي مبطله عيوونها قــد ما تقـــدر,,هي مب مفتكـره في كـل الكلام الي يقوله..هي بس هامنها شـي وااحد,,انه فــــرصة الانتقـــام من راشـد ما اتفوووتها.. قــالت بكـــل عناد
وجـــرأه.: انــــــا ما يخصـــــني,,اهم شي عنديه انكم ييتوا وخطبتووووني..وهالكلام الي اتقوله بسوي عمري ما سمعته ..والزواج بعــــد يومييين وخلااااااص..
حمـد بعصبيـــه.: حتى لوو قلتلج اني مااباااااااج!!
نـــوره بعــــناد اكثر.: هييييييييييييييييييه,, حتى لو قلتلي انك ما تبااااااااني,,
حمـد شكـله منصــــعق من هالانســـــانه الي ويهها قوووي جيه.: صـــدقيني بتندمين..يالس اقولج ترى..
نــــوره.: لاااااااااا ما راح اندم لو شو ماايصير..
حمـد.: صـــدقيني عادي اودرج بأي لحـــظه..لا تستبعدين في ليلة العرس اروح عنج ..انا مب متخيل عمري ويا وحده غير مريم تفهمين!!..
نـــــوره باستهـزااء وكأنها مب مهتمه للكلام الي ايقوولهـ.: هههههههه زين عادي..اهم شي نملج!!
.
.
نـوره وهي اتصيـــــح بمـــــراااره..وبس سكـر ع ويهي التلفون من كثر ما كان مغيض ..اتخيلي يااميره متصل فيييه يقووولي انا ماابااااااج وانا اقوووله لاااا عااادي..اهم شي كان عندي انه نتزوووج واقهــــر رااااااااشد..اقهرررره لااني باخذ ولد عمه وعلى اخته بعــد..ما همتني ولا كلمه من الي قااااله..وبعـد كـل هاا..اتصلت فيه مريم المسكييينه تسأل عني ..واتصييييح اتقول انها ماايخصـها في كـــل الي صااااار..وانه هي قاعده اتحن ع راااااسهـ عسب يرد لـــي ..لاانه الحـركه الي سوااااها موووول مب حلوه في حقـــي..يحلييلها..ما تدري اني انا المفروووض اتوقع هالشي..لاانه هو اشكره مخبرني انه عادي يودرني..قلتلها لاااا خلاااااص انا ابغي الطلااااااااااق..في لحظه نسيييت كـــل شي..نسيت اني بيقولووون عني مطــلقه..والاهم ما فكرت شو بيقولوون عني الناااااااس اذا حمد ودرررني وساااااار..ما فكـــرت غييير في الانتقاااام من راااااااااااشد..آآآآآآآآآآه ساااامحييييييني اميييره ساااامحييينييييي..
أميـره طوول ما هي ترمس وهي مبطـله عيونها وفاجه ثمــها ..مب قـادره اتصـدق كل الي تسمعه..صـــدمه قـــووويه لهـــا..مب قادره تستوعب شـي..هزت راسها ودموعها تنزل من عيونها من دون لا تحس.: لااااااااااا,,انتي مــــب نـــــوره..انتي مـــب نــوره الي انا اعرفها..مستحيييل الي يالسه اسمعه انا..دخييلج قووولي غير هالكــــــلااااااام..انا متأكده انج انتي مـــب نــــوره..ويــــنها نـــوره الطيبـــه الحبووووبه الهااديه الي ما يخصها في شـــي..لااااا مستحيل نــــوره الي اعرفها ما تطلع منها هالسوااااااالف..شو خليتي حق الي قلووووبهم سوده الي ما يشلون فيها الا الحقد والكـــــره شوووووووه..!
نـــوره منهاااره من الصياح.: دخييييييلج سااامحيييييني انا معترفه بغلطــتي سااامحيني الله يخليج لا تزيديني الي فيني مكفيني..
أميـــره تصــــاااارخ وتصيييييح.: جـــــــــــب ولا كـــــــــــلمه,,,خلاااااااص انسي انه عندج رفيجه اسمها اميــره..لا اعررررفج ولا تعرفييييييييني..انتي وحده حقييييييييره ما تستااااهلين ارابعج..ماادري كيف انا مستمررره وياج لين الحينه..عنبوووج شو هالافكااااااارالي اف راااااسج..نسيتي الي بيني وبيـــــنج!!..نسيتي اني ربيعتج الرووووح بالرووووح..نسيتي انه راشـــد ولد عمي وريلي ومريم بنت عمي وحمد اخووووووي..لييييش اتسوين فينا جذي لييييييييش وكأني انا عدوووتج مب ربيعتج..ااااااخ والله طحتي من عييييييييني..حسبي الله علييييييييج..حســــبي الله عليييييييييج..
نــــــوره تصيييييح بصوووت عالي.: حراااااام عليج والله حرااااام..الي سواااه فيه راااشد مب شووويه..وانتي روووحج اتعرفييييين..
أميـره بأعلى صووووتها.: شووووو سوووى راااااشد!...قوليلي شووووو..ما ســـــوى شــــي..كل الي سوااااه انه فَـضـل وحده شررييييفه وصاااينه عمرها على وحــــده خااااااااايسه مال مقصـــــه قااااالها احبج وصـــدقته..يا مااا حذرتج وقلتلج هذا يقـــص عليج مع اني ما كنت اعررفه امنوووو..كنت اقووولج لا تصـــدقييييينه..تذكرين!!..قلتيلي لاااااا انا احبه وهووو يحبني..لا تحطيييين الغلطه على رااااشد لو انتي كنتي ساااده الدرب علييه وما عطيتيييه فرررصه يتقررررب صوووبج وماا سايرتييييه جان كبرررتي في عيييينه..
نــوره .: خلااااص دخيلج لا تلوميني على شـــي استوى..والله اني نـــــدمت قد شعر راااسي ع الي سوييييته..
أميــره.: لا بلووووومج.,,,لاااانج امطــــلعه راااشد الغلطااااان وانتي شريفة مكه ولا جنج سويتي شي..صح هوو غلط لكـن كل شي كان بيدج انتي..وخاصه انج كنتي وحده فااهمه وعااقله حزتها مب ياااااهل!!!..
نــــوره.: والله معترفه اني غلطت ..اقووولج نــــدمت من خااااااطري..
أميـره.: وشو يفيييد الندم!!..لو صـدق معترفه بغلطتج جان ما ا فكرتي بالانتقاااام..انتي يا نوره ماانتقمتي من راشـد وبس..انتي انتقمتي منا كــــلنا..السمووحهـ ماايشرفني استمر ويا وحـده شراااتج اتفكر بهالطريقهـ..مع السلامه..
نـــــوره اتصاااارخ واتصيــح وبكـل تررجي.: لاااااااااااا اميره دخيلج لاااااااااا...لا تعذبيني كثر ما انا متعــــذبه الله يخلييييج..انا آآآآسفه سااامحيني..سامحيييني دخييلج
أميـره قلبها يتقـطع ومتعذبه اكثر منها..مهما يصيــر هاي نـــوره الي وياها من ايام الطفووله..ما تقـدر تنسـى احـلى الايام الي قضووها ويا بعــض..بس مصدووومه منها وااااايد ع الي سوته..كانت تصيــح ومب رااايمه ترررمس ..لكــن بالزووور نطــــقت.: مع الســـــلامه..وسكرت التلفوووون على طووول وعقبها انفجرت من الصيااااح..لييييش يا نوووره ليش سويتي جيييه!!..هذا وانا اقووول انج اعـــز وحده من ربيعاااااااااتي..خليتيني اظلم المسكييينه مـــريم الي مالها ذنب في كــل الي صااااار..ذنبها بس انه حمــد يحبها ويموووت فيها..وما قدر ع فراقها..بعـد ما هدت شويه شلت تلفونها ودقت ع رقم مريم على طول..بعـد ثلاث رناات ردت عليها مــريم وهي متفــــاجأه من اتصاااالها..
مــريم.: يا هلا والله..
أميـره الي مبين من صوتها انها اتصيح.: اهلييين,,شحااااالج
مـريم منصـدمه من هدووئها وصوتها الي متغير.: الحمدالله بخير..شحاالج انتي فـديتج؟!
أميـره.: تمااااام ربي يسلمج..وشخبارج وشخبار حمد..؟
مــريم مبطله عيونها ع الاخـر..معقوله أميـره اترمسها بهالطريقه!!..: الحمدالله كلنا بخييييير دامج بخيير يالغاااليه..شخباار يزوويه فديتها وراشـد..
أميـره.: يزووويه بخير عند عوشوووه وراشــد تدرين فيه مشغووول يداري الشركه..
مريم.: هييييه فــدييييته والله ..ربي يعييينه ان شاء الله..امممم أميـره اشفيج؟!..ليش صوتج متغير؟!!!..
أميـره ما قـدرت تستحمــل اكثر..صاااحت من خــاطرها
مـــريم بهتت في هاللحظه..: أميــره فديتج اشفييييج,,ليش اتصيحين..قوليلي شو مستوي؟!!..
أميـره.: مـريم انا آســفه على كل كلمه غلطت فيها في حقج..انا خلاااص عرفت انه انتي ما ايخصج في كل الي صار..حمد هو ودرها بكيـــفه..
مـريم الي استااااانست من خاطرها على هالكـــلام..من متى وهي تترياااا اتي اميره واتقوووولها جي.: حبيبتي والله مسمووووحه بالحـــــــــل..ما تتصورين اشقـد فررحتيني..الحمدالله..الحمدالله انج عرفتي هالشي..والله اني دووم كنت اقول لحمـد رد لها..لااااازم اترد لها المسكينه هي اشذنبها اتسوي فيها جيه!!..كان يقول لاااا انا ماابغيها بطـلقها..وحتى اتصلت في نوره نفسها وقلتلها انا ما يخصـني والله واني بخلييه يرد لها..جان اتقوول انها تبا الطلااااق بعـــد..
أميـره الي اتغصصت اكثر يوم ذكرتها مـريم بسالفة نـــوره..شـويه وبتقول عنها كل شي وبتفضحها..لكـن يودت عمرها.: زيـــن زين انهم اطـلقـوا..خلااااص فـديتج حمـد لج انتي وبـس..اصلا هو ما يبـا غيرج..ودام انه رااااااضي يعيش بدون عياال كيـفه محد يرووم يغصـبه على شـي هو ما يبــاه..وبعدين حـراام..انتي اتعـذبتي بما فيه الكــفايه..خلاااص عيشوا ويا بعـض مرتاحين ومستاانسييين..
مـريم الي انقـــبض قـلبها من ذكـرتها اميره بالعياااال..دموعها نــزلن من عيونها غصبن عنها..آآآه يحلييلج يا اميــره..ما تدرين انه اخوووج يمووووت في العياااااااال..قـالت وهي قلبها يتقــطع.: لااااااااا,,ان شاء الله راااح يتزوج وبتشوفووون عيااااااله...هو ماله ذنب احـرمه من شـــوفة عياااله واحرمكم انتووو بعـد وخاصه خالوووه فـــديييتها ..تتمنــى من الخاطر تشوووف عيـــاااااله..كسررت خااطري وايد يوم قـالت خلااص يا مـريم ما بيـدي اسوي شـي..حمـد يباااج انتي وبـــس ..يباااني امووووت ولا اشوووف عيااااله..( وبدت تعـلى صوت صيـاحها)..قلتلها لاااا فــديت رووحج يعل عمـرج طوييييل..ان شااااء الله راااح تشوفيييينهم بس لا تستعيليييين..
أميـــره.: حبيبتي مريم والله ما تستااااااهلين..منو كان يتوقع يصير فيكم جيـه..!!..ما عليـــج..اشدراااج يمــكن باجر نسمع خبر انج حااااامل..مافي شـــي مستحيل عند رب العاااالمين..ما عليج من اي دكتووور..انتي بس خلي ايمــانج بالله قــوي وادعــــي انه الله يرزقكم بالذريه الصاااالحه..والي الله كاتبــنه بيصييير..
مــريم.: ان شاااااااااااااء الله ربي يسمع منج..والله اني في كــل صلااااه ادعي ربـــي ..
أميــره.: زيــن تسويييين فــــديتج..انتي بــس خليج صـــبووووره..وربــنا مع الصابرين غناااااتي..
مـريم.: اااااه ان شااااااء الله..اميره فـديتج تعالوا اليوووم اتغــدوا في بيتنـا..ما تلاحظوون ان من زماان ما اتيمعــنا ويا بعــض!!
أميـره.: هي صــدقج والله..خلااص بقول حق راشــد وان شاء الله يـرضى..
مـريم.: لا ما عليج بيـرضى ان شاء الله..
........................................
كـان واقف مجابل التسريحهـ يعـدل السفره..كـان كـــاشخ في هاللحظه..وهي كـانت منسدحه ع الشبريه وتتأمـل فيه وهي مبتسمه..نشـت من مكانها وسارت صوووبه..هو صـد صوبها يوم شافها وابتسم لها..وهي حطت ايدينها ع جتوفه..
نـــوال بدت تختفي ابتسامتها وبكـل ضيج.: خلااص يعني بتروح..
مـايد.: هي حبيبي.. انتي رضيتي ترى..لا تغيرين رايج في آخر لحظه هب وقته الحين ههههههه
نـوال شلت ايدينها من جتوفه وعطتها ظهره وهي تمسح دمعتها الي نزلت.: حبيبي رتبت لك كـل شي في الشنطـه وحطيت لك كل الاغراض الي تبااه..
مـايد اتقرب صوبها ولوى عليها من ورى.: يلا عاد فـديتج لا تتضايجين..انا مب مطول 4 ايااام بس..
نـوال الي صاحت ما رامت اتيود عمرها.: مب متعوده على فرااااقك هالقد حبيبي..
مـايد.: ما عليه فـديتج ترى عندج منووه وامج بتي وخواتج..ههههه بيسدوونج عني بعد شو تبين..وبعدين انا مب ساير امريكـا!..ســاير قطــــر..
نـوال صـدت صوبه ..: حتى ولو اهـم شي ســفره...
مـايد.: بيكوون بينا تلفونات حبي لا تحاتين..رن تلفونه هالحظه رد عليه وكان ربيعه يقوله يظهر لاانه يترياه عند الباب..
مـايد.: يلا فـديتج ربيعي يترياااني..
نـوال وخت راسـها وهي تصيـح.: تروح وترد بالسلامه..
مـايد ابتسم ولوى عليها.: بس حبي ترى بهون هاااا ههههه..
نـــوال اتصيـح.: ........
مـايد.: يلا عاد عشان خاطري ابتسمي بس عشان ارتاااح..
نـوال:........
مـايد.: يلا حياااتي عشان خاطري..
ابتسمت له نـوال من بين دمووعها..حبها ع راسها ..وعقبها سحب مايد شنطته و طلعوا من الحجره وساروا صوب الصاله..منى كانت مسندحه ع الكنبه هناك ومندمجه في فلم..اول ما شافتهم نشت من مكانها وسارت صوب مااااايد..
منى.: مرووووح الحينه!
مـايد.: هههه شو رايـج انتي!!
مـنى.: دب والله بتودرنا وبترووووح..
مـايد.: هههه يعني لين متى بتم اجابلكم انا..ابغي استانس شويه..
مـنى.: هههه مب مشكله فـديتك روح استاانس..سلمت ولوت عليه ..تروح واترد بالسلامه ان شاء الله..
مـايد.: الله يسلمج فـديتج..مشى عنهم وهو صاد صووبهم ومبتسم...يلاااا مع السلااااامه ..
نـوال وهي اتصيـح.: دير بـالك على عمرك حبيبي ..واول ماتوصل اتصل بي على طووول..
مـايد.: ان شاااء الله لا تحاااتيين..وطـلع عنهم...
مـنى.: نوالووو اشفيج اتصيحين..الا 4 ايام بس..
نوال سارت صوب الكنبه ويلست.: منووووه مب متعوده ع فراقه هالكثر..متعوده اشوووفه كل يووووم..
منى سارت ويلست حذالها.: هههه يلا ما عليه عسب تتولهوون ع بـعض..
رن تلفون نوااال في هالوقت ..وابتسمت يوووم شافت الاسم..مسحت دموعها وردت..
نـــوال.: هـــلاااا والله ..
هـزاع.: اهليييييين والله,,شحاااالج؟!
نـــوال.: الحمدالله ربي يعافيك شحالك انته
هزاع.: تماااااام والله..ها شو تسوين..؟!..هههههه راح ريلج والا بعده..
نوال.: جب دب وااحد..لا تضحك انزين..هي توه طلع..
هزاع.: ههههه زين زين..والحينه محد في البيت غيرج وغير هاييج ام القطااااوه
نوال.: ههههههههه هيييه ..اسكت عنها الحينه مندمجه في فلم..من فير الله وهي اتابعه..
منى صـدت صووبها وعرفت انها ترمس هزاع..اتغصصت لانه ياب طاريها.: شو يقووووول هذا ويا راسه شو يقوووووول!!!
هزاع.: ههههههه قوليلها شي فلم يحطونه الحينه اسمه كيف تهرب من القطوه..خل اتااابعه ينفعها ترى ..
نوال.: هههههههههه يقولج شي فلم اسمه كيف تهرب من القطوه تابعيه بينفعج..
منى انقهرت اكثر.: هيهيهيهيهيهيهي مول ما يضحك...
هزاع.: ههههههههههه قوليلها ويييييييييييو ,,ام الزنووووبه الورديه وترمس بعد
نوال.: هههههههههه بس هزاعو دخيلك صخ عنها ..امنو قدها بتغدي عروووووس باجر..هههه صدق او لا تصـدق,,,منوووه مخطوووبه..
هزاع.: ههههههههه منو هذا تعيس الحظ الي امه داعيه عليه وبايع عمره بياخذها!!!
منى رافعه حواجبها..تطالع نوال وهي مبطله عيووونها.: دبــــــــــــه والله اشحقه اتخبريييييييييييينه!!
نوال.: هههههه عادي لا ,, الا هووو هزاعوووو..
هزاع.: هههه صـدق والله خاطبينها؟!!
نوال.: هههههه هي والله ..شوفي حتى مب مصـدق انتي تنخطبين!!..مب لايق عليج والله هههههه
منـى بصوت عااااالي.: مااااااااااااالت على هالويه..ليش ان شاء الله..شو ناقصني فديتني كااامله والكمال لــ الله.. اصلا طابوووور عند الباااب يتريووون اشاره مني ..
هزاع.: اففففففففففففف خل تسكت هااااااي حشاااا ازعااااااااج,,,صووووتها يزيغ اعوذ بالله..
نوال.: ههههههههههه حرام عليك..
هزاع.: وامنوو خاطبنها؟!!..
نوال.: وااااحد ولد عرب ونااااس..بس شوو ناااس..قوم الهااي هاااااي خخخخ..يا بختها منوووه..هو ربيع مـايد في الدوااام..ويقرب حق اهل ريل خوله..
منى مغيــــضه.: لاااااااااااا شو رايج بعد تعطينه اسمه بالكاامل واتدلينه وين بيتهم ..!..دبه والله ما خليتي شي..انتي موول مااترومين اتيودين لسااانج عفان الله..!!..
نوال.: هههههه بلااج انتي كله ولا هزاااااع عاد..هذا كاتم الاسرار فديته..
هزاع.: هههه اقووول ,,بخليج انا الحينه ويا هالخبله..
نوال.: هههه انزين فديتك مب مشكله..لا تنسى اتيب امايه وخواتي بيتنا..
هزاع.: ان شاء الله,,,يلا مع السلامه
نوال.: مع السلامه..
................................
كـل الاهل كانوا متيمعين في هاللحظه في صـالة البيت الكبيره..الا ام جاسم لاانها في العـده..كـانت يالسه وياهم وهي في عالم ثـاني..تسمعهم يسولفوون بس مب عارفه شو يقولون او عن شو يرمسووون...بلحظه حست بضيـج وانها مب حاااسه برااحه ومحتايه تيلس بروحها شوي..نشت من مكانها وسارت الصاله الثانيه يلست اهنـاك وغطت ويهها بايدينها وتمت اتصييييح..اتذكـرت ابوها وافتقـدت يلسته ويااااهم ..مره وحده طرى في بـالها يوم قـال لها وقال لـراشــد انه امكـــم عــــــايشه..مااتعرف ليش يا في بالها هالكلااام..!..لاانه راشـد قالها انه هالشي مستحيل وهي كانت فاقده الامل..صوووته اتردد في ذهــــنها وهو يقـول هالكـلام..انصـدمت وبطلت عيونها وكأنها الحينه بس تسمع هالكـلام..حطت ايدها ع راسها وحست بصـدااااع وزادت في صياااحها..حاسه عمرها متشتته ..ضاااايعه..ابـوها اتـوفى وما عرفوا منه اذا امهم صـدق عااايشه والا لا ..معقــــــوله!!..معقــوله تكون عايشه ونحن ما نـــدري!!..أمــي أمـــي الي نتمناااها من سنييييين عايشه واحـنا ما نـــدري!!..اذا كانت عاايشه ويـنها عـنا!!..ليش ما ســـئلت عنا ونحن في امس الحاجه لها..معقوووله هي ما تبانا!!..والا على قولة راشـد ابوووي ما كان عارف شو يقول لحظــــتها..!!..وان امــــي ميته ومستحيل اتكون عايشه!!..حست لحظتها باحباااااط كبيييير..تمت اتصيح بحررقه..اااااه يا ربيييييي..امـي عاااايشه والا لااااا..!!..كيـــف بنعــرف كيــــف..بس مره وحـده يا في بـالها عمـــها...هيييييييييه عمــي سلطاااااااان!!..هو اكيييييييد يعرف اذا امي عاااايشه والا لااااا اكيــــــد..!..انا كيــف راح عن باااااالي..!..بس معقووولهـ لو يعرف ما بيخبرنا.!!..هييييه..ليش لاااااا ..دام انه ابوووي ما خبرنا الا في لحظاته الاخيره..اكيد ابوويه الله يرحمه قايل لعمي سلطااااان ما يخبر حد اكيييييييييد..!..و لو كانت عايشه ابووويه ليش يقول لنا انها ميــــته..ليش ما خبرررنا من قبل انها عاااايشه!!..ااااه يا ربي والله ضااايعه..انا لاااازم اسئــله ..لااااازم اعرف اذا هي عااااايشه والا لاااا..والله لو عرفت انها عااايشه بلف الكووون كـله عسب احصــــلها..ااااااه يارب..يارب تكوووون عاااايشــه يارب..ترى والله لين الحينه محتايييين لج ياامييييييه..نشت من مكانها بسرررعه وهي كلها حماااااس عسب تسـئل عمها في هالوقت..سارت صوب الصاله الي متيمعين فيها..مسحت دموعها قبل لا تدخل ودشت..سمعتهم لين الحينه يسولفوون..شافت مكان فاضي بين عمها و حمد سارت يلست..
بو حمد وهو يلوي عليها.: وين سرتي ابووويه..
مريم الي من حماسها تبغي ادش في الموضوع على طووول.: ماشي عمي حسيت بضيـج وطلعت شوي..
الكـل اطالعها باستغراب..
راشـد.: اشفيج مريـم..؟!!..ليش مضايجه
مريم اطـالعته بتردد وبلعت ريجها وعقبها صدت صوب عمها.: عمـي ابغي ارمسـك في موضوع..
بو حمد عقد حياته باندهاش.: خير يا بنتيه شو عندج..ارمسي..
عوشه نشت من مكانها بسررعه واتربعت ع الارض مجابل مريم وعمها وحطت ايدها ع ذقنها وهي تطالعهم بتمعن..تتريا السااالفه..: يلا يلا مريووم ارمسي
راشـد الي اطالعها بعصبيه.: انتي اييه اييه ردي مكانج يلا..
جاسم.: ههههه شو اول مره تشوفين حد بيرمس!!
عوشه.: هههه اشفيكم انتو خلوووني شكله الموضوووع very important
حمده نشت بعـد وسارت يلست حذالها.: لييييش ,,,هي غير عني!!
عوشه.: سيري سيري انتي..لين الحينه قلاااااااااده اففف..!!..خلااص كبرررتي..
حمده.: اندوووكم انتو اونه كبرررتي..مب جني قــدها.!..يالويه..مب ناااشه انا بعـد ابا اسمع السالفه عدل..
أميـره.: هههه خس ابليسج يا حمدووه قـلنا الحينه بنيوزها يمكن تعقل..بس ماشي فايده..دامج لين الحينه ويا عوشوووه..اتشوفين بنتج يااميه..
ام حمد.: اشفيها بنتييه فديتها خليها ع راحتها..يلسي اميه ما عليج منهم وانتي بعد يا عوووشه..يلا مريم اميه شغلتي بالنا ارمسي..
حمـد.: حشاا ما خلوها تنطـق..يلا مريم ارمسي..
يزوووي نزلت بسررعه من ريول ابوها وراحت يلست نفس يلسة حمده وعوووشه..والكل ضحك عليها..
اميره.: ههههه فديتها يا ربييييي احبها هالبنت..هي من الحينه اتقلد خالتها وعمتها..الله يستر يا خووفي تطلع شراااتهن..
عوشه.: ههههه غصبن عنها اصلا..نحن قدوتها..
جاسم.: هههه مالت ع القدوه..
مريم.: ههه يلا بس دخيلكم خلوني اررررمس ترى قلبي يرقع..
جاسم.: ههه خيبه خيبه ..الله يستر ما اادري شو تبا اتقووول.!
بو حمـد.: اشفيج فـديتج ..يلا كلنا نسمعج..
مريم شافت الكـل يطالعها..متـوتره ومرتبكه وقلبها يـدق..بلعت ريجها وشافت عمها.: اممم,,عمـي بسألك سؤال..وابغيك اتجاوبني بكــــل صراااحهـ..
بو حمد.: اسئلي اسئلي يا بويه
مريـم.: عمي,,يوم انا وراشـد كنا عند ابويه الله يرحمه وهو في العنايه..قـالنا انه ......
الكـل مندمج و مبطل عيونه ويترياااااها تكمـــل بس قاطعها راشـــد..
راشـد.: مريم اشفييييج؟!!..انتي لين الحينه ما نسيتي ؟!!..قلتلج ابويه الله يرحمه وقتها ما كان عارف شو يقول..ومستحيل الي قااااله يطلع صــج..
حمـد باهتماااام.: مريم ما كمــــلتي ..شو قاااااال؟!!..
مريم.: رااااشد انت ليش فاقد الامــل جيه..يمكن الي قاله يطـلع صـــــــح!..قـال انـه امنــــا عـــــــايشه لين الحيــــــنه..عمي دخيلك قووول وريحـنا..امي صــدق عايشه والا لااااااا؟!!..اكيـد انت تعــــرف..
الكــــل بهت في هاللحظه ..تموا يطالعووون بعضـــهم بصــــدمه..بو حمــد انصـعق بعد ما خلصت مريم كـــــلامها..موول مااتوقع هالسؤااال الي بتســئله مــريم..الله يســامحــك يااخووووي دام انك كنت قايل لهم انها ميـــته..ليش على آخر شي اعترفت لهم بالحقيــــقه..ما فكـرت سو بيسووون لو عــرفوا منو امــــــهم..!!!!..
ام حمــــد.: كيـــــــف عايشه!!..وهو قــــال انها ميـته من زماااااان!!..
مـريم الي بدت تذرف دمووعها.: عمي الله يخـــليك قولنا الصــج..اميه عااااايشه والا لاااا؟!!..واذا هي عــايشه ليش ابويه قالنا انها ميـــته ليييش.!!..انت الوحيد الي تقـدر اتفيدنا الحينه يا عمي وانا متأكـده انك عارف كـل شي..
حمـد وهو مبقق عيونه يطالع ابوه.: ابووويه معقـــــوله ام مريم وراشــد عايشه وهم ما يدروووون؟!!!..
الكـل كان يطـالع بو حمـد في هاللحظه والصدمه مبينه في ويووههم..وهو ســــاكت مب عارف شو يقوووول..يحس انه هـذا اصعب موووقف انحــط فيييييه في حيااااته..لكـــــن مره وحـده حـررك راااااسه بمعــــنى هــــــيه..كـلهم انصعقــوا هاللحظه واطالعوا بعـــض..نش راشـــد بسررعه ويلس حذال عمه من الصوووب الثاني وهو مبطل عيونه ع الاخر..
راشـد.: عمـــــــي اميه عاااااااااااااااايشه لين الحينه!!!!!!!!!!!!!
بو حمـد اتنهـد ابضيـــج.: هيييه يا ولديييه..امـــك عااايشه لين الحينه..
أميـره.: ابووووووويه الكلاام هذا ماايدش الرااااااااااس..كيف عاااايشه وعمي الله يرحمه قال انها ميــته.!!..واذا صـدق عااايشه وينها عن عيــــــالها!!!..
جاسم.: عمي دخيــلك فهمنا..نحن مب فاهمين شي..
ام حمـد.: هي والله يااا بو حمـــد..واشقايل نحن ماانعرف عن هالشي..!!!!
مريم وهي تصيييح.: شــــــفت يااا رااااشد شــــفت..يوووم اقووولك انا حاااااااسه انها عااااااايشه..اتقولي لاااااا..راشــد انت عارف شوووو يعني امــنا عااااايشه..متخيل معاااي الوضــع انته..يعني خلاااااااااص بتكووون لنـــا ام..امنـــا الي كـنا نحـــلم نشوووف صورتها بـــس او انعرف شـــي عنها..ع الاقل اسمها بــــس..والحيييينه بنشوووفها ع الطبييييييعه..يااا جماااعه انا في حـلم والا عـــــلم!!..فهمووووني تراني ضااااايعه..صدت صوب حمــد..حمد,,امـــي امـــــــي عااااااااايشه..انا بشوووووف امي يا حمــد بشوووووف امــــــي..وتمت اتصييييييييح..
الكـــل اتأثر يوم شــاف حـالة مــريم..حمده وعوشه دمعت عيونهن وحتى ام حمد واميره..
حمـد.: مريم حبي هـدي دخيلج..ابووويه فهمنا شو السااالفه..
راشـد.: عمي دخيييييييلك اررمس بسرررعه ..امـــــي وينها عناا كــل هالسنيييين..
بو حمـد كان لاوي على مـريم وهي تصيــح وكـــان مضااايج من الخاطر.: بس ياابووويه بس لا تسوين في عمرج جذه..هدي عمرج فديتج..انا بقـــولكم كــل شي الحينه وخلااااص..يا الوقت الي اتعرفوون فيه الحقيييقه..
ام حمــد.: يلا يا بو حمـــد,,دخيييلكـ ارررمس..
بو حمـــد.: عــلي الله يرحمــــه كــان عنده رفيج اسمه خليفه..كــانوا ويا بعـــض واااايد..كانوا شـرى الاخواان ويمكن اكثر بعـــد..احيد ما كان ييلس عنا كثر ما ييلس ويااه..ودوومه مطيح في بيتهم..هم كـانوا ناس على قـد حاالهم..ما عندهم الخير الي نحن عدنا..مع هذا هو كان يرتاااح عندهم اكــثر..وخليـفه كـان ممنوع عليه انه يطـب بيتنا..لاانه ابويه كـان عنده خلاااف ويا ابوو خليفه..حتى مول ما كان راضي من رفجة علي بـخلفيه..ودوم كان يقووله يودره..لكـن هو كـان معاااند..لاانه كان حاس انه هالشخص الوحيد الي يرتاااح له رغم الخلااف الي كانت بين ابويه وابووه..اذكـر في يوم ..يا عندي وقــالي يا سلطــان انا بتزوج..انا استغربت ليش ياي ايقولي انا هالكــلام!!..المفروض يقوول لااميه مب انا..!!..قلتله والله زين..شو تتريا رمس امـــيه.!..قـالي انه ما يرووم يرمسها..لاانه البنت الي يبغيها مستحيل يرضووون فيها اميه وابووويه..قـــلتله لييييش..منو بتاخذ انته..!..جان يقوول انه يبــا اخـــت خـــليفه..!!!..انا انصـــدمت اهـني..قلت انت اكيــد اتخبلت!!..معقــولهـ بتاخذ وحده مب من مستوانا..!!..والمصيبه انه شي خلااااااااف بين ابويه وابوها..وانت عارف هالشي..المفرووووض ما تفكر مجرد تفكير انك تاخذ بنتهم..ليش قــلوا البنـــات!!!..جان يقــول انه شـافها ودشـت قــلبه..دوووم يفكر فيها..صورتها ما فارقت خياله من شافها..وقـال ابغيها اتكون حليله لي وماابغي غيــــرها..ومب شـرط انها تكوون من مستوانا..وانه هوو ما يخصـه في الخلااف الي بيـن ابوويه وبين ابوووها..قـلتله برايـك..رمس امييه وشوفها شو بتقوول..وعلى طول سار رمسـها..شـي طبيعي رفَـــــضت..ويوم وصل الخبر لابوووي عصب و تم يزاااعج عليييه..بس هو معاااند ما يبا غير هالبنت..وقـال بكـل عناد لابوي انه بياخذها يعـني بيــاخذها..حتى لو مـــا كانوا راضيـــن..لدرجة انه خـلى ابووي يحـــلف اذا خذاها لا هووو ولده ولا يـــــعرفه..عقـبها طلع من البيت وما شــفنااااااااه فـتره طويييله..يمكن شهـرين وهو ما طـب البيت..وللاســــف سمـعنا بخبر زوااااجه بهالبنت من نااااس ..اضايجنا كــلنا وخاصه اميييه الي قــلبها كـان يحــــرقها عليييه..كيـف يتزوج بهالطـريقه من دون شوووورنـــا!!..المهم انه هو ما فكر حتى يسـئل عنا..وكـان مستاااااانس في حيــاته ويا زوووجته..بس امي مووول ما كانت مرتاحه..دوم تتصل به وتسئل عنه رغم كل الي سواااه..وابوويه حـالته حــاله..مرض وطاح في المستشـفى والسبه هالشي..وهو يوم عـرف انه ابووي في المستشفى على طول يا عنده..اكثـر واحد اتأثر بهالشي لاانه حس انه هوو السبب في كـل الي صاار..وخاصه انه حـالة ابوي مااتســر..كان طووول الوقت ويااااه ..في هالفتـره كان مودر حـررمته ومول ما ايسير لها..وهي كـانت حامل..وهو ولا يسئل عنها..حط اللوم كله عليها وقال انه هي السبب في الي صااار لابووووي..لـين اليوووم الي وصـله الخبر انها تبا اتــررربي..وابوي في هالوقت كانوا مرخصينه من المستشفى بالرغم من سوووء حالته..يـانا خبر انها ربـــــــت ويــــابت تووووووم..بــــنت وولــــد..زاد المـرض على ابوووي في هالوقــت ورقدووه في المسـشفى مره ثـــانيه من صـدمته بهالشي..مب متخيـل كيـف ولده العوووود يتزوج بدووون شوووره وياخذ وحده بهالمســـتوى واييب منها عيـــال بعــــد..!!..عاد هو من سمع انه المررض زاد على ابوووي قاال خلااااااص بيطلقها وبيفــــتك من هالمصااااايب ..وفعـلا طــلقها وخذ عنها التووووم..مــريم وراشــــــد ويابهم المستشـــفى عند ابووووي وشفناااااهم..كـــــانوا احــلى طفلين شفتهم في حياااااتي ماشاءالله..يا يبشره انه خلااص طـلقها وانه هالطفلين بيعيشووون عنــا بخيـر ونعمــــه..ابوووي من بعـد هالخبر بـدى يرتاح شويه ويستعيد صحـته..وخصوصا يوم شاف اول احفاده بين ايدينه..ساعتها نسـى كل الي سووااه عـــلي..الام ما سكـتت عن عيــالها ..كـانت دوم اتيـنا عسب تشوووفهم بس ابويه وعلـي يوقفون في ويهـها ويقولون لـها انســـي انه عـندج عيــال انســــــي..في هالوقـت خليفه اخوها كان متوفي في حادث ..وما كان عـندها حد تلجـــأ له.. احيد كانوا يقولون انها سارت المحكمه اطالب بعيالها لاانه من حقـها حضانتهم..بس ماادري كيـف خـلصوا الموضوع وطـلعت هي الخســـرااانه..خصوصا انه نحـن واسطتنا اكبر وهي مــا عندها حد..ومن بعـد مااتحولنا لبيـــــتنا الثاني ما شفناها موووليه..لاانها ما اتعرف ويــنا نحـــن..وبجـي فقدت الامـل انها تشوف عيــالها..(في هالوقت صـد صوب مريم الي كــانت اتصيـــح من خاطرها وهي مبطله عيوووونها..وصـد صوب راشـد الي ملامح الحــزن والضيـج مبيـنه على ويهــه ومندمج يسمع الســالفه )..وكـــبرتوا عــندنا يـــا راشــد ويــــا مـــريم..
مـريم صااارخت وانهارت من الصياح.: لييييييييييييييش لييييييييييييش حرااام عليكم..حرمـــتوا اميه من شــــوفتنا..مـا قــلتوا في خاطركم نحــن بنكـــــبر وبنكووون في حاجه لهااااا..!!
راشـد منصــــعق.: عمـــي انته شو تقووول!!..هاي قصـه صجيه والا بس جي تأليف..انا مب داش في راسي هالكلام يا عمي ..كيـــف جي!!..أمـــي كــانت من عـايله فقيييره وابووووي خـــذها غصـــب ومن دووون لا حــد يدري..هي كيــف رضــت على هالشي..!!..وعقب خذتوونا عـندكم وحرمتوونا منها..شو هالظـــــلم يا عمي شـــــووووو!!
بوحمد.: يا ولـدي هذا مب وقت عتاااب ولا لوووم ..كـل شـي استــوى وخلااااص..بس صـدقووني لو كـنتوا عايشين عـندها ما بتكـون حالتكم جــي..احمـدوا ربـكم على هالعيــشه الي عايشينها ويانا..انتـوا عايشين في خيـر ونعمـه والحمدالله ..اما اذا كنتوا عـندها اللقمــه بالزووور اتحصــلها عسب اتأكــلكم ايــاها..
راشـد.: عمـــي لهالدرجه كـــانت فقيره!!!
بــو حمــد.: هيييه يـــا بويه..
مـريم تصـــااارخ.: هـــــذا مب معنااااته انكم تحرموووونا منها ..ع الاقـــل انشووووفها ليــن مــا نكــبر وانعــرف منوو امنـــــــا..
بو حمـد.: ابـوكم الله يرحمه ما بغـى اتعرفوون انه هالانســـانه اتصيـر امكــم لاانه ما يشـــرفه هالشي..خصوصا بعـد ما وصــــل فوووق فوووق..كيـف يقولكم انــه هاي الي عايشـه بهالمستوى اتصير امـــكم...وهووو عيشــكم احســن عيشــه ووفــر لكــم كــل شــي..وخصـوصا ان نحـن من عـايله معــرووفه..
راشــد بكـل غيــــض.: لااااااا والله..!!..عيـــــل ليش قــــبل لا يـــاخذها ما فكــــر بهالتفكيــــر..ليــــش اتــزوجــها ويـــابتنا نحـــــن وخذانــا عنها عســب نعيـــش طووول عمــارنا بدووون ام..
مـريم.: هي والله صــدقه رااااشد..وبعـــدين لو شـــو ما كااااانت بتظــل ام وتبـغي عيـــالها..يـا عـمي ماشي فـرق لا بيـــن واحد معروووف وتاجر ولا واااحد فقير وعلى قــد حاااله..عــند ربـــنا كــلنا ســواسيـــه وما يفرق من بيــنا الا بالتقــــوى والعمــــل الصاااالح..
بو حمـد.: اذكـروا الله يـا عيال وقولوا الله يـرحمه ويغمـد رووحه الجــنه..هـذا كــان طـــبعه ..وانا يـاما قـلتله انه الام تبغي عيـــالها قاااال لااااا..ماابغيهم يكبرون ويشوفون المستوى الي امهم فيـــه..!!
عم الهــدوووء في المكـان كـله..كلهم ســكتوا وهم مصــدومين مب عارفين شو يقولون..اول مره يعـرفون بالسالفه هــاي..!..ما يسمعون الا صيـاح مريم الي كـان بصوت عـالي ..حمد اتقرب منها وتم يهـديها..وكـلهم يشوفونها ومتأثرين في حـالتها ..اميـره وام حمـد يشوفونها ويصيحون وياها بصـمت..ما تــنلاااام ع الي اتسويه وهي مصدووومه بهالســالفه اليوووم ونفس الشي حمده وعوشه بعد يصيحووون..راشـد الي صـدمه قويه نزلت فوق راسه..كان منزلنه وهو حـاس بضيــــج كبييييير في صــدره..مب متخيـل انه امه تكووون هالقد فقيـره..
راشـد.: انزين المهم الحيـنه,,منووو اميـــه وويــنها هي وكيـــف عايشه..!!
مريم.: اااااااااه وينها ويــــــنها..بسييييييير عندها ابغي اشوووفها فـــديتها..ابغي اشوووفها..
بـــــو حمــــد بعيووون مليـانه حزن يمررهن على راشـد ومـريم.: بتصــدقوووني لو قـــلتلكم انــكم شفتوا امـــــكم!!!..
الكـــل بهــــت هاللحظه..راشـد ومـريم انصــعقوا وتموا يـطالعووون بعـــض وهم مبطلين عيووونهم..
راشـد.: شـــفنااااهااا!!..ويـــــن شــفنااها يا عـــــمي وييييييييين!!!..
بو حمـد ابتسم بضيـج وحـزن.: شفتوها في بيــــــتكم..!!
مــريم.: في بيــــــتنا!!..كيـــف ,,ومتـــــى ؟!!..عمـي دخيــلك نحن ضايعين قووولنــا منوو امنــا وخلااااااص..
بو حمــد اتنهــد بكـل ضيـــج.: قلتلــكم..امــكم كـانت وحـده فقيـــره ولازالت فقيـــره..لــــدرجة انه الحـــاجه خــلتها تشتغــــل بشكـــــاره في بيووووت النـــــاس..وقــدر الله انـــها يــــت اشتغــلت في بيــــت عــــــلي..يا سبــحان الله..وكأن رب العالمين دلاها ع البيـــت الي ساكنين فيه عيـــالها..ويبغيـــــها تشوووفهم بعــد مـــا كبــــــروا..
عوشــــه شهقـــــت من كـــــل قــلبها.: خــــــالوووووه عــــــــــــــــــــايشه!!!...
بو حمـــد هــز راســــه بمعـــــنى هــــي..وهو مب متخيــل كيف بتكـــــــــــون ردة فعــــلهم..!
.
.
الجزء 27
صـــــدمه قويه نـــزلت على راس الكـــــــل,,,كـلن انشغل بتفكيره هاللحظه في هالانسانه الي يـــت هالعـــايله والمعظم حـــبها..عوشه وحمده واميره وام حمد..اعتبروها وحده منهم وفيهم من اخلاااقها العاليه وسوالفها الحلوه..لكـن بالاخير حسـوا انها ما تستااااهل شي من وقـتهم الي عطوها ايـــاها بعــد سالفة الســــرقه..اما مـــريم حـــبتها من البــــدايه وارتاااحت وياها وحتى بعـد سالفة السرقه ما اتغير هالشي فيــــها..يوم عن يوووم اتحـس ابوله اكثـر لها ولسوالفها الحــلوه..الي اتخـليج ترتااااحين لو هموووم الدنيا ع راســـج..فمــا بالكم الحينه يووم عـرفت انهـــــا هاي امــــها..
مـريم قبضـت ايد عمها بقـوه ورصـت عليه وهي مبققه عيونها قـد ما تقـدر..و منهاره من الصياح..: عـ عــمي,,عمــي انتـه شو تقـــــول؟!!..اللــــه يخليـــك قـــووولنــــا الصــج..عمـــــــي منو امــــــنا؟!!..
حمـد.: هــــذا هووو الصـــج يا عيـــــــال..ادري انه صـعب تصدقووون هالشي..كيـف هالحــرمه الي يــت تشتغل بشــكاره اتصير ام مــــريم وراشــــد..!!..لكن هـــذا هو الوااااقع..ما في غيــره..ولاازم تقتنعووون فيـه..ام راشـد ومريم هي عــــايشه..البشــكاره الي يت تشتغل في بيــــت عــلي..وبس هاي هي كــل الساااالفه..
ام حمـد تهز راسها وهي منصعقه.: لا حول ولا قـوة الا بـــالله,,شــي ما يدش الراااس صـــراااحه..هي اشــــدراها عن هالبيـــت..واشمعــنى يت اهنه بالذاات..انا اشـك انها هي كـانت عاارفه انها بتحصل عياالها من جـي يت..والا معقـــــولهـ الصـــدفه تجمعها بعيــالها بعــد هالسنييين!!!..الحرمه من يـت ما شفنا منها الا كــل خير..كـنا عادينها شـرات وحده من خواتنا وابدا ما قصرنا عليها بــشي ولا حسسناها انها اقل عنــا..بس على اخر شي هي خربت على عمرها وسرقــــت..معقووولهـ الحاجه تســـوي جذه بــــعد!!!..
جــــاسم.: ماادري انا ما شـفتها واايد..بس يوم كـنت اشوفها كانت على نياتها ..ومن شكلها امبين انها وحده طيـــبه وما يخصها في شـي..بس انصـدمت الصراااحه يوم قالولي انها طلعت حراميهـ!!!..والحينه يا عمي اتقووول انها اتصير ام مريـــم وراشـــــد!!
مـريم وقفت اتصيـــــح من خاااطرها.: يا جـــــماعه انتو حااااسييين بالي انا حااااااستنه..!!...خالووووه عاااااااايشه الطيـــبه الحنوووونه ..الي هاك اليوم شــفت عيالها في المووول..قتلهم يا بخـــتتكم عندكم ام شـــراااااتها!!..ما شفت فيها ولا عييييييب من يت عندنا..من ايلس وياها احـس براااحه ما بعــدها رااااحه..تقووووول هاي اتصيـــــر امـــــي يا عمـــــي؟!!..(يلست عنده وقبضت ايدينه ..وهي تطالعه بنظرات ترجي.)..الله يخـــليك يا عمــي الله يخـــليك..قوووولي الصــج..انا في حـــلم والا علم..عمي دخيلك لا تخليني استااانس الحينه وعقب انصــــدم تراني خلاااص ما عدت اتحمــــل صدماااااات زياده..هي هي خالوووه عايشه اتصـــــــير امنــــا!!!..راشــــــد..يا راشـــد سمعت عمي شو يقووول..يقووول خالوه عايشه اتصيــــر امــــنا..انت مصــدق هالكلام!
راشـــد الي طووول الوقت وهوو سااااكت من آثااار الصـــدمه علييييه..لدرجـة انه ما رام ينــطق بكــلمه وحـــده..لكــنه وقف مــره وحـــده ووجـه نظرااات غيــــــض صوووب عمــه وانفجــر عليهم..
راشـد وهو يصـارخ..كان شال الصاله بصوووته.: جــــــــــــــــــــــذب جــــــــــــذب..عمي انته اكيييييييد مب في وعيــــك وانت تقووول هالكلااااام..شي مليووووون وحده فقيييييييره في البلاااااااد..ما حصلت غير هالبشكاااره الحراااااميه الي ماادري من اي شـــارع يااااايه..وحــده لاااااااااااايثه وخرباااااااااانه وحقيييييييييييييره..تقووول عنها امييييييه..ليش!!..لهالدرجه طايحييين من عينك نحــــن!!..عمي دخيييييييييلك قووووولنا منووو امــــنا وخــــلصنا..لا تيلس اتدور اي وحده اتي في باااالك واتقووول انه هااااي امــــنا!!..
بو حمـد.: راشــــــد هدي اعصاااااابك اشفيك انته!!..اقـعد اقعـد الله يهـــدييييك..يا راشـد هذا الواقع ولازم تـــرضى بـــه..امــك هي نفسـها البشكـــاره الي يــــت تشتغل بيتكم..حتى انا في البدااايه انصـــدمت وما صــدقت..يا ولدييه لا تقوول عنها جــــيه تراها امــــــك!!!..يا جماعه في شي انتوو ما تعرفووونه..انكم ظالمين الحرمه هاااااي!!..
حمــده وهي تذررف دمووعها متأثره ومنصــدمه بنفس الوقت.: ظــــالمينها!!..كيف يعني ظــالمينها ابووويه!!
بو حمد.: علي الله يرحمه كان خايف وايد من وجودها في البيت..كان خايف اتقولكم كـل شي..وكمن مره راح لها وتم يروغها بس هي تترجااه عسب اتم..منها اتشووفكم ومنها محتاايه حق الشغله هااي عسب اتوكـل عياااالها الي مالهم غيرها..وحلفت انها مااتخبركم انها امكم كان مكفنها شوفتكم..علي مول ما كان مرتاااح وخاصه يوم شاف البنيااات يرووحن عندها دووم..واتعلقن فيها..وبالاخـــص مرريم..ما كان يباااها اتطب عندها مووووليه..بس شاااف انه هي يوم عن يوم تحبها زيــــاااده..هذا الي خـــــــلاااااااه........اهني اتنــــهد بضيييييييج والعيون كلها عليه مندمجين بالقووو..الله يســـامحه بس الله يــساااااامحه ويرحمه ويجعل مثواه الجنه ان شاء الله..هذا الي خـــــلااااه ياخذ الذهب ويحطه عندها..بس عسب تطــلع من هالبيــت..اللــه يرحمــك يا عـلي الله يـــرحمك..
عـــــــــلامة تعجب كبيره نزلت على راس الكــــل..كـلهم يطالعوون بعض بانهدااااااش كبييييير..شي مب رايمييين يصدقووونه..مـريم حطت ايدها ع راسها وجفــت كل دمووعها من الصدمه..كانت مبـطله عيوونها وبــــس..وعوووشه وحمده الي يطالعون بعض ويهزون رووسهم بمعـنى لااا مستحيييييل ..راشـد كان يـطالع جدااااامه ومبقق عيوووونه..الي يشووفه يقوول سرحااان وفي عالم ثاني..ولا جنه قاعد وياااهم..كانه يحاول يسوي عمـره ما سمع كـل الكـلام الي قاله عمـــه..اميـره كـانت اتصيــــح من خاطرها وهي منصـــعقه من كل الكـلااام الي انقال..كانت اتمرر عيونها على مريم وراااشد وتتريا ردة فعلهم...جـاسم كان عاقد حياااااااته ..مب قـــادر يستوعــــب شي..اما ام حمــد الي تصييييييح بحررقه من صــــدمتــــها..صمــــت كبيـــر ســاد المكـان فجـــأه..العـم يمرر عيونه عليهم وهوو خـلااص مب عارف كيف يتصـرف او شـو بامكانه يسوي اكثر عن جيــه..عارف ومتأكد انه الصدمه قويه وااااااااااايد عليهم لكـــن هــذا الواااقع الي لازم يتعايشوون وياه..كسـر هالصمت صوووت عوشه الي كـانت اتصارخ واتصيييييييح..
عوشه.: لاااااااااااااااااااا عمي لاااااااااااااااا,,دخيييييييييلك لا تقوووول الكلام هذا..انت عرفت شو قلت يا عمييي عرفت..انت قلت انه ابووووي هو الي حط الذهب عند خالووه عاااايشه..لاااااااااااا حرااااااام عليك..ابوووويه ماايخصه..ابووويه مستحيييل يسوي جيه مستحييييييل..يا ربيييييييي شو قاعد يصير اليووووم..عمي انته قاعد اتقووول اشيااااااء صعب انه نحـن نتقبلها..اول شي خالووه عايشه اتصير ام مـريم وراشــد..مـريم الي دوم كانت تقوولي يا عووشه ابغي اعرف اسم امي بس..ما تدري انها هي اتعرف اسمها واتعرف كيف شكلها ودووم مطيحه عندها..مب معقوووووول هالكـــــلام مب معقووووول..وراشـــد اول ماشافها من الله ما بلعها..دووم كنا انقووله انها وحـده طيبه وع نيـاتها وهوووو ما يقتنع..والحينه اتقووول انه هاااااي امــــه!!!..وبعــد اتقووول انه ابووووي ظلمـــــــها!!!....اااااااااااااااه حراااااااااام والله حرااااااااااااااااام..
حمـده وهي تصيح وبالغصب ترمس.: اااااه ابووويه كيــــف جيه كيــــــف!!!
راشـد نش من مكــــانه والشرااااااار يطاير من عيوووونه يمرر عيونه ع الكـل ويصااارخ بأعلى صووووته.: اتخـــــــــــــــسي هاااااااي امــــــي,,,لحـــد يقوووول عنها امــــــي تسمعووووون!!...هااااااااي كانت بشكاااااااااره وبتظل بشكاااااره..وحراااميه بعد..ووحده وصخـــــه..ان شفت حد قااال عنها امنا صدقووووني بيندم..عمـــــي انت من صـــجك,,وحده ماادري من اي زباااله يااااايه تقووول عنها اميييييه..ماابغــــــي ام..خلاااااااااص ماابغي..انا كنت عاااايش مرتااااح جذه بدووون مااعرف منووو امــــيه..خلاااااص يا عمي مشكوووور وما قصررررت ...ما نبغي نعرف امنا..ولا نبغي انعرف شي عنها..امي شرات ماقااال ابووووووي مااااااااتت مااااااااااااااااااتت..ومشى بسرررعه عنهم بيطلع برررع..وقفت اميييره بسرعه وهي اتصيييييح من الخاطر..: رااااااااااااااااااشد وين ساااااااير..
راشـد بكــــــــــل عصبيه..: جهـــــــــــــــــــــنم..طلع وسكر الباب ورااه بالقووووو..بو حمد كان مضايج وايد..منزل راسه وهو يهزه و يقوول ..لا حول ولا قوة الا بالله..والكـل تم يطالع راشد بصدمه.. وهو يرمس لين ما طلع بررع..في هالوقت نظراتهم كانت مصوبه صوب البااب الي طلع منه راشـد ..كانوا منصدميين من ردة فعــــله..
ام حمـد الي تذرررف دموعها.: ما ينـلام راااشد ..مره وحده يقولون له امـك هي الي كانت تشتغل بشكـاره في بيتكم..بعده مصدووم ومب قادر يتقبل الفكره..هو اكيـد اتخيل كيف فقيره بس مااتوقعها تكون لهاااي الدرجه..وخاصه انه حاط في باله انها حرااااميه..مااظن بيصــدق انه ابووه الله يرحمه ويسااامحه ع اللي سوااه هو السبب..
أميـره بالغصب ترمس من الصياح.: اصلا مستحيييل يصــدق يااميه..هو من الله اول ماشافها كان كارهنها ماادري ليييش..هو اذا كره حد من البدايه خلااص صعب تتغير نظرته فيه..حتى كان مانعني انا اني اشووفها او اسير ايلس عندها..كنت اسير من دون لا هو يعرف..
عوشه نفس الشي ذابحه روحها من الصياااح .: معقووووووولهـ,,,معقووولهـ يا عمي نحن ظلمنااااها!
بو حمد اتنهــد بعذااب.: هذا الصج يا بنتي
نشـــت مريم ومررت عيونها ع الكـل وبـدت تذرف دمووووعها بـعد صـدمتها..صدت صوب حمد ..خذت نفس طويل ويالله قـدرت تنـطق.: حمــــد,,حمـــد قولي الصـج..انا في حلم ولا علم..حمـد عمي يقول خالووه عاااايشه اتصير امــــــيه انته مصـــدق هالكـــــلاااام!!..هههههههههههههههههه يا ناااااااااااس خالوووووه عاااايشه اتصيييير اميييييه ..الانسااانه الي حبييييتها وعزيتها وما كنت اصبر عنها يووووم واحد..دوووم كنت اسير لها ..اتصيييييييير اميييييييييه..ونحن ظلــــمنااااااااااها والسبه ابووووووووي هههههههههههههه ورااااااااااشد كارهنها كررره العمى..وتمت اتصيييييييح واتصييييييييح..حمد الي ما راام ايود عمره دمعت عيوووونه..نش بسررعه ولوى عليها..بس حبيبتي بس لا تسوين في عمرررج جــــذي..
مـــريم حست الدنياااا اتدووور حواليها ..تمت اتمررر عيووونها وهي حاسه انه المكاااان مضبب..ليـن ما غطـى المكـان غيمــــــه سووووده وبغت اتطيح من ايدين حمد بس يودها وهو يصااااااارخ (مــــــــــــــــــريم) .. فقدت الاحساااااااس كليا باللي حواليـــها..الكـل التم حووووولها هاللحظه وهم يصااارخوووون مـــريم مــــريم..لكـن لا مجيـــــب..كانت شـــرات الجثه في ايدين حمـد ..ما في شي يتحـرك فيها..مااتريوا دقيقه وحده..على طووول ودوها المستشفى..
.
.
أسبـــوع كـامل مـر وهم ما يعـرفون شـي عن راشـد ولا يعرفون وين داره..مـريم من بعـد الطيحه بيومين طـلعت من المستـشفى بعـد مااتأكدوا من تحسـن حالتها..كـان هالشي من آثـار الصـدمه عليها وقـلة الاكــل..اليوم الي طاحت فيه مول ما كلت شي ..من زود ما كانت اتفكر في السالفه..يوم طـلعت بعد ماارتاحت..ليل ونهااار اتصيـــــح واتصـــــيح تبغــــي امها..شرات اليــاهل الصغيـــــر يوم يضيع عن امـــه ..بس احسن شي انها بـدت تستوعب انه خالووه عايشه هي نفسها اتصيـر امها..لاانها هي كـانت متشتته ومب مستوعـبه السالفه كيـــف..بو حمـد يلس ويااها برووحها وعـاد لها الساااالفه مره ثـانيه بكـل هدااوه وطولـة بااااال..وبطريقـه قـدرت انها تستوعب السالفه بسهـولهـ...الكـل كان مصدوووم من هالشي بس هي طبعا اكثرهم..الشي الي مخـلنها تتعذب اكثـر انه خالوه عايشه الي هي امـها الي كـانت في امس الحاجه لها..موجوده في بيتهم وعايشه وياااهم وهي متعلقه فيها وااايد..ومـاكانت اتعرف انها امـها..ليـن ما طـلعت من عندهم وهي مظلوومه وفقدت الامل من شوفتها..والحينه عايشه في عذاب مب طبيعي تبغـي توصـلها بأي طـريقه بس مب عارفه كيـف وابدا ما عندها القـدره على التفكيـر..حمـد يحاول قد ما يقـدر انه يخفف عنها ويهديها..هو بعـد صدمته في السالفه وايد قويه..عمره مااتوقع انه في يوم بيقولون له انه هاي الي كـانت تشتغل عندهم تستوي ام مريم وراشـــد..عوشه عـذابها ما كان اقل عن مـريم..كـانت اتحب هالانسـانه وااايد واتحب سوالفها..ويوميـا مطيـحه عندها..مب قادره تتخيـل انها اتصير ام راشـد ومـــريم..ومب قادره تنـسى اليووم الي صارخت عليها وتمت ترووغها من البيــــت مع انه قلبها كان يتقــطع ذاك الوقت..بس كـانت تستحمـل لاان باعتقادها ان الشي الس سوته مب هين.بس الحين الي معذبنها اكثر انها طلعت مظلوومه وابوها هو الســبب..والي اكدت لها هالشي امـــها..الي كـانت عارفه كـل شي قـــبلهم..بو راشـد كان قايلها القصه كــــامله قبل لا يطيح عليهم بكمن يووم..طبعا نفس الشي انصـعقت شراااااتهم...عوشه يوم بدت تقولها السالفه ما خلتها اتكـمل لاانها عارفه كـل شي..وقـالتلها بعد انه كـلام عمها صح اميـه بالميـــه..ونفس الكلام الي قـالها ابوها بالضبط..عوشه كـانت تتمـنى في هاللحظات انها اترد لبيـــتهم..ع الاقل تـسئل عنهم ..او ناسيه شي واتي تاخذه..او بالغلط ع الاقل اهم شي تشوفها مره ثانيه..تبغي تعتذر لها واتقووولها انها اتولهت عليها وايد وايد ..حاسه بتأنيب الضمير..تبغي اتقولها هذم عياااااالج مريم ورااااشد شوفيهم..كـلما حد يدق جرس البيت تتخيلها هي ياااايه وتسير تربع صووب الباب..ونفس الشي كانت حالة مريم..وحمده واميره وام حمد بعد وايد كانوا متأثرين ومصدوومين من الســـالفه..