يـــــــوم العـــرس..أميـره وحمــده كانوا عـند نوره في هالوقت..حاز في خاطرهم واااايد انه عرس حمد اليووووم..حمـده كـله ساااكته ومالها خلق ترمس..ومبــوزه..اما اميـره اتحاول مااتبين شـي..كانت يالسه اتسوولف ويا نووره عاادي شرات قبل..نوره كـانت طالعه حلوه ماشاءالله عليها مكياجها كـان يناسب ملامح ويهها ..كـان ناااعم وحلووو..هي قالت ما يكثرون لها لاانها مااتحـب..وشعرها امسـوين لها فير ورافعينه بطريقه حلوه..
نـوره.: ههههههه الله يخس ابليسج ما تنسين شي..انزين يلا يلا نشي ييبي يزوووي..
أميـره.: ايييييه مالي خلق انا..يلا انتي متى بتطلعين..
نوره.: لاااا ماابااااا ..
أميـره.: هههه اندوووكم..جي ع كيفج ما تبين!!..
نوره.: ههههه والله انا العروووس كيفي..
أميـره.: هههههه اصلا موول مب لاايق عليج..
نوره.: ههههه جب جب انزين ويا فيسج..ههههه بس الصراحه عيبتني هااي..اونه اتخرطفت ع الدري هههههه عنبووو ما تعرفين تمشين عدل..
أميـره.: اضحكي اضحكي..يقووولج من عاب ابتــلى..
نوره.: ههههههه لااا والله اسوولف..بس الحمدالله انه شلوا الجبس لين العرس..والا مااتخيلج بهالفستان وشاله جبسج وياج ههههههه
أميـره.: ههههه سخيييفه والله..اصلا غصبن عنهم يشلوونه..لو ماكانوا شالينه كنت بكسره رووحي..
نوره.: هههه ادريبج دفشه..يلا لاااا سيري ييبي يزوووي
أميـره.: انا مب متفيــــجه..حمدووووه سيري ييبيها..
حمـده.: انا مالي خلق اطلع برع..
نوره اطالعت اميره باستغراب واشرت لها بايدها ( اشفيها؟!!)..اميره هزت جتوفها بمعنى (ماادري)..مع انها اتعرف زييين ليش حمدووه مبوزه..وحتى نوره حست انها مب مستاانسه لاانها بتستوي مرت اخووها..اضااايجت من هالشي وقالت في خاطرها شي اكيييد ما بتستااانس..انا الثااااانيه مب الاووولى..بغت تدمع في هالوقـــت بس يودت عمرها قد ما تقــدر عشان ما تنزل دمعتها...
.
.
كـانت متربعه ع الشبريه ويـــالسه روووحها..تصيـــح من خاااطرها..عوووشه قالت بتي بتيلس عندها لاانها ماكانت تبا اتسير العرس..بس امها ما خلتها وودتها وياااها بالغصب..حسـت انها تعبــت خلاااص تعـبت من كثر الصيــــاح..مب عارفه شو تسـوي في نفســها..تحس انه كل شي استـوى بسررعه..من زوود ما هي تتعذب تتمـنى الموووت اتحس انه ارحم لها..بس على طووول تستغفر ربــها ..ااااااه شو يســوووون الحيــــنه!!..اكيــد مستاااانسيين اكيـــد!!..نوووره كيــــف طالعه!!..اكيد احــلى عني ..حمــد ويــــنه وشوو الحـــال عليييييه!!..مستااااانس والا مضيــــج!!..شو بيســـوي يوووم بيشووووفها..اكيـــد بتعيبه اكيـــد..خلااااص حمد بينساااااااني بينساااااني اااااااه يا ربي..انا تعبت والله تعــــبت..متى برتاااااح بس متى...مــــره وحــده حســــت بالباااااب اتبـــطل..بطـــلت عيووونها يوووم شافت حمد الي دااااااش..اطـــالعته بكــــل لهفه وحــــب..كانت بتسير صوووبه بتلوي عليييييه وبتقووووله والله اشتقــتلك والله..انا احبـــك أحبـــك حمد وماابغيك تكوووون لغيري..بس الي منعها تجااااهله لها..شافته يطلع له كـندووره يديـــده من الكــبت..لبسها وسار صووب المنظــره..لبس الغتره والعقال ..وطـلع البشت من الكــبت..حطاه ع ايــده وسـار صوب الباااب من دوون لا ينطــق بولا كلمه..
مـريم.: حمــــد.....!
كـان معطـنها ظــهره ..صــد صووبها يوم سمع اسمه..بهـــت يوووم شــافها في هالحااااله..مريم اتغيرت اتغيرت واااايد..كـانت ضعفاانه وويها شاااحب..الهالاات السووده واضحه حوالين عيوونها من السهـــر..وايد اتأثر من شاااف شكــلها وغمضــــــته!!..بس ما بين لها..
مـريم وهي اتصيـح وبالغصب تنطـق.: مبـــروووكـــ..
اطالعها لوهـله وعقبها طــلع عنها من غير لا يرد عليها وبند البــاب ورااااه..وقــف عند الدري يوم حــس بدمعه حاااااااره نازله من عيوووونه..خذ نفس عميييق ..مسح الدمعه بسررعه ونـــزل من ع الدري وهووو حدده مضااااااايج..
.
.
مـريم ذبحــت رووحها من الصياااح ..بس كم بتصيييح..منو بيسمعها او بيحـــس فيها منوو!!..نشــت من مكاااانها وطـلعت من الحجـــره..كـانت حاااسه بوحــــده وخووووف لاانها يــالسه برووحها في هالبيت الكبيييير..سارت صوب الدري وكـانت تتناااافض مب عارفه اشفييييها!!..نزلت بخطوااات بطــــيئه ع الدري ليـن ما وصـلت تحت..اول ما طاحت عيوونها ع البــــاب اتفــــاجأت بدخــــلة جاااااسم عليييييها..جاسم انصــــدم من شااافها في هالحااااااله..هي اول ما شافته ربعــت صووووبه ولوت عليه وتمت اتصيييييح بحررررقه..جــنها يااااهل ضااااايعه وحصلت امها..
مريم.: جاااااااااااسم ..انتو وييييييينكم عني ويييييييينكم..
جاسم قــلبه اتقطـــع عليها وحس بلحظه انه كــــره حمــــد ..: حبيبتي مريم نحن موجووديييين والله موجووديييين..لا تسـوين في نفسج جييييه غنااااااتي خله يــــــولي..
مريم.: لييييييش لييييش انا يصير فيني جذييييه جااااسم..ليش هالعيييييب فيني انا ليبيييييييش..بس لااني انحـــرمت من ام!!..بس لااني احب ريلي واموووت فيه!!..اااااااه..الكـــــل كاااااارهني الكــــــل..انا اشذنبي انزيييين اشذنبي اااااااااه..
جاسم.: استغفـــر الله مريم انتي شو تقووووليييييين..!!!..هاي حكمة ربج محد يروووم يعترض فديتج..افااا منو الي كارهنج..نحن كــلنا انحبج اصلا..انتي العــزيزه الغااااليه..انتي دكتووورتنا مريم...يلا سيري لبسي عبايتج الحينه وتعالي ويايه البييت..ماايصير تيلسين رووحج ..
مريم هزت راسها.: لاا لاا جاسم..انا بتم اهـــني..
جاسم.: لاااااا فـــديتج ما يستوي اتمين برووحج..يلا عشااان خااااااطري مريوووم..
اطـالعته مــريم وابتسم لها..وهي بعـد ردت له الابتسااامه الي ياااالله اتبين من بين هالدموووع..
مريم.: فــديتك والله جااااسم..انت الوحيد الي اتذكرتني في هاللحظااااات..ربي لا يحرمني منك ولا من طيبة قلبك..
جاسم.: افا عليج فــديتج انا كـنت حاس انج مب مرتااحه ..وقلت لاازم اسير لها واييبها ويااايه البيت..
مريم.: خلااص فـديتك انا دقايق وبنـزل لك..اوكي..
جاسم.: اووووكي بترياج في الموتر زين
مريم.: اوووكي ..
............................
ردت أميــره بيتهـــا عقب العرس هي ويا يزوووي.. ابوها نزلهم..دشـت دااخل وشـافت البيــت فاااااضي وظلااااام..فتحت الليتااات وسـارت صوووب الدري..سمعـت يزوووي اتصــارخ ( بابااااااااااا,,,بابااااااااااا)..اتذكـرت راااشــد..اسبوووع كــامل مب شاااايفتنه ولا اتعرف اخبااااره..ما تدري ليــش حاسه انه حـنت له..بالرغم من كــل اللي سواااه فيها الا انها اشتااقت له وتبغي اتعرف اخباااره..دشـت الحجــره ويلستها ع الارض وابتسمـت لها ويزووي بعـد..(ههههه حياااتي والله ..يلا ماما اهناك العابج سيري العبي)..فصخـت عبايتها وبـدلت ثياابها وتمت تمسح مكيااجها..فكـرت تتصــل في راشــد تشوووف وييييينه وشو يسـوي..معقوووله بيكوون اهناك في المكان الوصخ ماااله!!!..تنهـــدت..وقالت في خاطرها ان شاااااء الله لاااااااا..شلت مبايلها من التسريحه ومشــت صوووب السرير ويلســت..اتحس انه ما يستااهل كل هالتفكير ..هو اكيــد الحين ولا مفتكـر فيها..حتى ما فكــر يزوورها يوم كانت في بيت ابوووها..ااااه هـــذا شوووه ليش ماايحس فيني..!!..اتذكــرت كيــف صاارخ عليها هاك اليووم وطيــحها ع ايــدها..وطلع من عـــندها وخلاااها بروووحها ميته من العوااااااار..دمعــت عيوووونها وحقــدت عليه ..وقـالت في خاااطرها موول ما يستااهل افكر فيه..مالت عليه واقووول بعـد بتصل بسأل عن اخباااره..ناااسيه يوووم ايصارخ عليه على طووول يمد ايده علي..موول ما يتفااهم مووول ..وبعـد اقوول بسأل عنه..حليلي انا وايد طيـــــبه..خله يولي اشلي فييييييه..دام هوو ما سأل انا بعد ما بسأل عنه..نشت من مكانها وشلت يزووي..وبدلتها ولبستها بجامتها ورقدتها..وهي بعـد انسـدحـت ع السرير ورقـــدت..ما حســــــت بعمرها الا وتسمـــــع تلفووووونها يرن..فـــزت من رقــــادها وشـلت التلفوون على طووول..بطـلت عيونها بصعووبه عسب اتشووف الرقم..بهــتت يووم شافت راشــــــد الي يتصـــــل..عدلت يلستها وردت عليه بسررعه
أميــره.: الوووو..
.......: الوووو
أميـره عقـــدت حياااااتها مصدووومه.: الووووو
.......: مرررحبا..
أميـره نزلت تلفوونها واطــالعته تتأكد انه الي متصــل راااشــد...شااااااافت رااااشد ..متأكده انه هووو..: انتي امنووووووه؟!!!!!
......: هههههههه امممم انااااا امممم هههههههههه
أميـره مبققه عيووونها .: الحمدالله والشكـــــر..
.....: اوووووووه راااااااااشد حبيبي قووووووم عنييييي..
راشــــد.: فدييييتج انا ..أحبــج أحبـــج شسوي..
أميــــره انصعقـــت من سمعـــــت صووووت راشـــــد..اتحس انها ضااايعه مب فااهمه شـــــي..
راشــــد شل التلفوون.: الووووو
أميـــره.: ............. مب مستوعبه شي..
راشـد.: الووووووه اميروووه....!
اميره.: الووو..
راشـد باستهزاااء.: هههه شحاااالج...هااا رديتي من عرس اخوووج!!..شو كااان العرس؟!!..
اميــره.: رااااااااااشد انت ويــــنك؟!!..ومنو هاي الي ردت عليه؟!!!..
راشـــد.: ههههههه هــــاي فطااااااااامي..زووووووووجتي وحبيبتي........!!!
أميــــــره اهـــني بغــــت تتخـــبل..بطلت عيوونها قــد ما تقـــــدر..وحسـت بالدمووع اتيمعن في عيووونها..: راشـــــد انا ارمسك جد..
راشـد.: وانا من صـــجي..شوو اقص عليج يعني؟!!..زوووجتي على سنة الله ورسووووله..لييييش حلال على اخووج وحرام على غييييره!!..شرات ما سوى في اختييه انا سويت في اخته..وحده بوحـــده..
أميـره تمت فتره مبققه عيونها بس تبغي تستوعب الي يقووله راشــد..عقبها تمت اتصيييح وتصااارخ.: انت اتخـــــــــــــبلت!!!!..رااااااااشد انت اتقــــص علي صح!!..اتقص علي..انا متأكــــــده..
راشـد.: ههههه لا واالله وشو الي يخليييج متأكده..والله عاد كيفج انا قلتلج..ههههه عسب بعدين مااتقولين ما خبرتج!!..المهم سمعيني ,,, قووولي حق اخوووج الحيواااان هذا يـــــا يطــلق هالجلبه الي خذاها والا يطــلق مريـــــم..واذا ما رضـــى بيشووووف شو بســوي فيه الخاااااااااايس..
أميـــره وهي تصييييييييييح بحررررقه ..: انت الخااااااااااااااااايس انزيييييييين..لاا تقوووول عن اخووووووي جييييييييييه..جي ع كيـــفك يطــــلقها..دااام مريم رااااضيه انت اشعلييييييييييك..
راشـد تم يصاارخ.: ومنوووو قالج مريم راااااااضيه هاااااااا منوو قاااااالج..مريم تتعــــــذب والحبيييييب ســـااااير يتزوج عليها ويستاااااانس..صدقيني بيطــــلقها غصــــــبن عنه..على فكــره..ترى هي روووحها قالتلي تبا تتطــلق والا جان مااتصـــلت بج في هالوقت واخــرب على عمــــري احلى اللحظااااات ويا زوووووجتي الغااااااااااليه..فطااااااااامي..
فطامي.: ههههه فــديتك والله..
أميـــــره اتصاااااااارخ واتصييييح من الخاااااااااطر.: انته جذاااااااااااااااااااب جذااااااااااااااب..
راشـد.: ههههههه يلا يلا انا ما عندي وقت اضيعه ويااج.,,المهم قوليييله شرات ما قلتلج ترى لو انا سرت ورمسته اشك انه بيتم صاااحي..يلا بــبـــــــااااااي..
أميــره.: انته حقييييييييييييييير..
راشـد.: هههههههههههههااااااااااي,,,هي صــح تعااالي ما باركتيلي هههههههههههه
مــاسمع الا حـــس اميــــرررره وهي اتصييييييييح واتحس قلبها ينزف..
راشـد ولا هامنه.: يلا مع السلاااااااامه..
سكر التلفون ع ويهها..وهي طيـحت عمرها ع الشبريه وتمــــت اتصيييييييح بصوت عااااااالي ..قالت عنه نــذل وقالت عنه حقير وقال وقالت....بس مااتوقــــــعته يوووصل لهااااي الدرجــــه..عمرها ماشافت انساااان جااااااااسي جــــيييه..مـــب عارفه شو اتسـوي اتحــس عمرها جنــها تحــــلم..اتمـــنت من خااطرها انه الي استوى يكووون حــــلم ..لكن للاســـف ,,,هي في الواااقع ..وااااقع اليييييييم تعيــــــشه ويا هالانسااااان الي يــوووم عن يووووم تكــتشف انه اســـوء من اليوووم الي قــــبله..!!!
.................................
الجزء 25
الم ,, وعــذاب ,, وضيج في القلب,,مب قــادره تستحمــل مب قــادره,,,كم حاولت تغمض عيونها ,,تبغي تنااااام...تبغي شويه تنســى الهـم الي هييه فيه..ع الاقل سااااااعه بس ترتاح فيها...بس مب قااادره ...دموووعها ع خدوودها ما جفت..دمووووع حاااره اتعبر عن حرقة قـــلبها...كــل شوي تتجلب يمييين ويســـار..بس آخر شي نشت ويـــلست...صــدت الصوب الثاني شافت عوشووه رااااااااقده ولا حاسه في شي...ابتسمت من بين دموعها وهي تتأمل ملامح ويهها البريئــه وهي راقـــده,,,فــديت قلبها انا...عوشوووه ماشاءالله عليها وااايد حلوه...وغير هـذا حبووووبه وسوالفجيـــه..يا حظ الي بياخذها...ربي يحـــفظها..فــديتها اصرت الا ترقــد وياااي ومااتخليني برروحي يوم شافت حالتي..حبتها ع راسـها وعقبها تمـت تـطـالع الفـراااغ الي جـــدامها ..غطت ويهها بايدينها وتمت تصيح بحررقه..شو يســووون الحيـــــنه؟!!..حمـــد كيـف يعاملهــا؟!!..اكيــد أحســـن عني...عرووس ولاازم يــدلعها..اااااااااه يا ربييي بموووت بمووووت..معقوووله يا حمــد هنت عليك اتســـوي فيه جيــه معقوووله!...ماادري شو الي خلاني اقول حق راشــد اني بطــــلق مع انــــي امووووت فيـــه!!..يمكن من زووود ما انا متعــــذبه..لااني خلااص مب قادره استحمـــل..والله مـب قادره...فكـــرة انه وحده اتشاركني في حمد تطعــن قلبي..ااااااااه حرام الي يصير والله حرااااااام..تمــت اتصيييييح وطلع منها صوت هالمره..صدت حذالها شافت عوشه اتحركـت ..هدت بسرررعه عشان مااتحس بشي..نشـت من مكانها وقـالت بتسير الصــاله...هناك تقدر تاخذ راحتها لاانه اتعرف انه الكـل رقود الحينه..وهي اصلا مب عااارفه الساعه كـــم,,,لكـــن اول ما تبا تبطـــل الباب اتيبست في مكــانها يوم بدت تسمع الحوار الي ورا الباب..
من ورا الباب,,,,
جاسم..: اميــه اشفيج؟!!..عوشه روحها قـالت بتسير ترقد عندها..
أم جاسم.: وهي شو الي يااااايبنها اهنيي؟!!!
جاسم.: أنـــا أميــه انا سرت ويبتها..حرام تيلس روحها في البيت..
أم جاسم.: لاااااا والله!!..شو حرام بعد..؟!!..ان شاء الله كلما ريلها سار عنها اتسير واتيبها اهني!!
جاسم بطل عيوووونه باندهاش.: وشو فيها اميه لو سرت ويبتها..!!..لا تنسين انه هذا بيتها..
فاطمه.: اتخسي الا هي بيتها..لا فديت رووحك ريلها مسوي لها بيت اتم فيه..مب كل يوم والثاني اتي اهني..قوم من جدامي خل اسير اقولها هالكلام..
جاسم قبض ايد امــــه بسرعه.: لاااا اميييييه وين اتسيرين الحينه حرام عليج البنت رااااااقده..يااميه والله تكسر الخااطر..هي روحها حالتها حااله وانتي اتقومينها من رقادها واتقولين هالكلام!!!..ثرج ما شفتي حالتها يوم سرت لها البيـــت والله انها اتقطع القلب فديتها مــريم موول ما تستااااهل الي ياها..
ام جاسم.: عدااااال يا بو قـلب انته..ماايخصني هاي مشكلتها هي الي لاازم تتحملها اذا ما قلتلها الحينه بقولها الصبح..والله مب حاله عيل جان كلما ريلها سار عنها يت عنا..كفايه متحمله اخووها العله الي مسوي له بيت اهنه وهذا عسبت اميره بس..والحينه تباني اخلي اخته بعد مااتزوجت وقلت خلااص افتكيت منها اتي كل مره اتبات اهنه!!..
جاسم مبطـل عيونه وكأنه مب مصـدق الكلام هذا طالع من امه...: اميه لهالدرجه تكرهينهم!!
ام جـاسم..: هي ,,, هيييه ...اكرههم ومااطيقهم موووول وياااالله كنت ابلعهم قبل..
جاسم اتضـايج وايد وانصـدم في أمـــــه..: ليش شو سووا فيج!!!
ام جاسم.: اووهووو جاسم,,,انا مب فاضيه حق السوالف الحينه..بروح اناااام..وانت بعد يلا سير ارقد يااميــه شكلك تعباان..
سكـت عنها جاسم وتم يطـالعها بنظرات عتااااااااب وضيج من كرهها لهم..بس هي راحت عنه ..تم واقف عند باب حجرة مريم متردد يدخل والا لا ...يخاف اذا دخل يقومها من رقادها او يزعجها..بس هو يبا يشوفها ويتطمن عليها..الحاله الي شافها فيها موول مااتسر..آآآه ياااميه كله ولا مــريم والله انها مسكيينه..ليش تكرهينها انزين!! ليييش..مع انها اتحبج وتحترمج واطيب منها ماشي..ربي يهديج بس..تقرب صوب باب الحجره وفتح الباب بهــدوووء..لكــــن اهني كــــانت الصدمه..بطل عيونه قــد ما يقــدر يوم شـاف مريم واقفه بشيلتها وعبايتها جدااااامه وعيونها منتفخااات من زود الصياااح...حس بحرااااااره في جسمه وقفطــه من الخااااااااطر يوم حس انه هي سمعت كـــل الحوار الي دااااار بينه وبين امـــــه والا شو الي يخليها بهالوضعيـــــه !!!..
جاسم.: مريم فــديتج اشفيج؟!,,,وين سايره؟!!..
مريم اتقربت منه وقبضت ايدينه وهي تطالعه وتصيح.: جاسم ,,,انا محد يحبني..انا منبووووذه عند الكــــل محد يحبني..دخيلك ودني بيتنا..
جـاسم وهو منحرررج مب عارف وين يودي ويهه منها..الله يسااااامحج يااميه..: مريم من صجج انتي اوديج بيتكم بهالوقت..افا بس هذا بيتج..حبيبتي ما عليج انتي ارتاااحي الحينه..
مريم بنظــرات ترجي.: جااااااسم الله يخــــــــلييك لو صـدق اتحبني واتعزني ودني بيتنا..
جاسم.: مريم فديتج عشان خااطري ارقدي وارتاحي الحينه ما يستوي اتردين بيتكم واتمين روووحج اهناك...
مريم بجـــديه..: جاسم بتودني والا لا؟!
جاسم.: عشان خاااطري مريم تمي,,
مريم هــدت ايديييينه ,,مسحت دموعها وخطـفت من جدااامه وطلعت برع الحجره ...هو تم مبطل عيووونه يراقبها لين مااختفت عن انظاااره...شل بعمره وطلع وراها على طووول شافها نازله ع الدري..لحقها بسرعه وتم يناااااديها...وهي مب مسوتله ساااالفه ..وصل صوووبها وقبضها من ذراعها..
جاسم.: مريم مريم
مريم وهي تصييييح.: جااااااسم هـــــــــدني بروح بيتنا..
جاسم.: اتخبلتي انتي اتسيرين رووووحج بهالليل!!
مريم.: هييييه بسير روووحي ( وهي تحاول تسحب ايدها)..هــــدني..
جاسم.: زين زين خلااص بوصلج..
مريم.: صــدق والله جاسم!!
جاسم نزل راسه بضيج.: هييه..
مريم.: انزين يلا..
نزل وياها جاسم وطلعوا برع البيت...في السياره كان الصمت سيد الموقف بينهم.. جاسم يالس يسوق ويسمع انفااااس مريم وهي تصيح بحرقه..وحـــاس انه قلبه بيتقطع على هالانسااانه والله ما تستاااهل الي يصيبها..حاس عمره عاااجز ما يروم يسوي شي عسب يساعدها ويخفف عنها..على هالحال لين ما وصل صوب بيت عمه..اول ما وقف السياره نزلت مريم..ونزل هو وياها عسب يطمن عليها..حمدت ربها انه اول ما دزت الباب انفتح ..دشت ودش هو وراها وساروا صوب بيتها..بطلت الباب ودشت داااخل..تمت تمرر عيونها ع البيت اتحس انه كئيييييب ومافيه حياااااه..مب عارفه كيف بتتحمل تقعد روووحها طووول الفتره الي حمد ما بيكون عندها..صـــاحت زياااده بصوووت عالي يوم اتذكرت كلام مرت ابوووها..ااااه حرام عليج انا شو سويت فيج عسب تشيلين ع قلبج كل هالحقد والكره لي...
جـــاسم بضعـــف وضيــــــج وبقـلب مكسور.: مريم ..
مريم مسحت دموعها واطالعت جاسم.: تســــلم فــديتك ما قصرت..خلااص سير ارتاح الحين..
جاسم.: مريااامي فديتج شو رايج اتم وياج..عادي برقد في الصاااله المهم مااتمين فالبيت بروحج..
مريم.: لاااا حبيبي سير ارتاح في البيت ,,,ههه جاسم انا مب ياهل الله يهداك,,,سير ولا تحاتي..
جاسم وهو يتأمل ويهها.: الي يشوف شكلج موول ما يتطمن..
مريم مسحت دموعها الي اتهل وابتسمت.: لا فديتك اطمن انا بخير..
جاسم نزل راسه وعقب رفعه واطالعها بنظرات ترجي.: مريم لا تزعلين من كلام اميه..
مريم غمضت عيونها ونزلت دموووعها الحاااره ع خدها يوم اتذكرت الكلام الي سمعته..مسحتها وابتسمت لجاسم غصب.: مااقول غير,,,,,ربي يسامحها..
جاسم نزل راسه بحزن..اتقربت منه مريم ورفعت راسه وابتسمت له.: شكــلك مب حلووو وانت مبوز انزين
جاسم سايرها وابتسم لها.: ما كنت ادري اتصدقين..
مريم.: هههه خلااص زين انك عرفت..
جاسم اتنهـد بضيج.: يلا فديتج مع السلامه ,,وصـد صوب الباب بيطـلع..
مريم نادته.: جااااسم..صــد صوووبها..
مريم اتقربت منه وهي مبتسمه.: لا تضااايج حبيبي,,عااادي والله كل الي سمعته كـنت اعرفه من زماااااان..انا بظل اعزها واحترمها لو شو ما قالت عني او عن راشـد..
جاسم.: مريم انا مصدوووم..
مريم تنهــدت.: الله يسامحها..
جاسم اتنفس بعمق وابتسم لها بابتسامه باهته.: يلا مع السلامه..
مريم.: ربي يحفظك..اول ماتوصل البيت طمني عليك انزين..
جاسم.: ان شاء الله..
طلع عنها جاسم..وهي اتجدمت بخطواتها صوب الدري..وقفت عليه وتمت اتوزع نظراتها لكــل أرجاء البيت ..حست بالوحــــده وخووف فضيييع ..هـدت نفسها وتمت تقرا المعوذات وهي سايره فوق صوب حجرتها..ودمووعها مب رايمه توقفها..وصلت الحجره..اتمـنت انها تبطـل البــاب وتلقـى حمد يـالس بانتظـــارها..سـاندت راسها ع الباب وهي حاطه ايدها ع المقبض..غمضت عيونها واتخيـلت اول ما بتبطل الباب يـالس يترياها بابتســامته الي ترد الرووح الي صـار لها فتــــره ما شافتها مرسوومه ع شفايفه.. يتريااااها بكـــل لهفــهـ وشــوق..واتشوف الفــرحه في ملامح ويهه من يشوفها..نزلت مقبض البـاب وصـدت صوب الحجره شـافتها ظــــلااااااام..اسودت الدنيا في عيوووونها ونزلت لأرض الواقع..وعرفت انه كـل الي اتفكـر فيه مجـرد حلم اتمنـته بهاللحظات انها تتحقق..شغلت الليتاات وشـافت الحجـــره الوااااااسعه ..اتخيـلت وجووود حمــد في كـل زااااويه من زوايااها ..صــــاحت من كـل خاطرها يوم اتخيلت حمد ويا نوووره..ااااااه اصلا حمد ولا مفتكـر فيه الحين..شو يبــا فيه معرس يديـــد واكيـد مستااانس ويا حرمتــــه اليــدييييده..ااااه قلبي ااه..فصخت شيلتها وعبايتها وسارت صوب التسريحهـ,,,شافت الصوره الي كـانت ويا حمد يوم عرسهم وكانوا مبروزينها..كـان لااوي ع جتفها بايــد ولاف ويهها صوبه بايده الثانيه ويطـالعها بكـــل حب..شلت البرواز وياها وتمت تتأمـل فالصـوره ..ما قدرت توقف دموعها الي طاحت ع زجاج البرواز..مسحتهن بكلينكس وودته وياها عند الشبريه..اتساندت عليها وضمـت الصوره ع صـدرها وهي تصيـح بحـــرقه..خلااص مب رايمه تستحمــل..نــدمت ع اللحظه الي رضـت فيها انه حمد يتزوج عليها..ونـــدمت لاانها هي الي اختارت له العروووس.. اااااه كـله مني.كـله مني انا الي يبته حق عمري انا..استاااااهل الي يصير لي ااااااه استاااااااهل..من كثر مااتصيح ومن زود التعب ما حست بعمرها الا وهي في ساااابع نومها..ثــواني ودقــايق مــروا وهي ضامه البرواز ومب حاسه في عمرها..لكـن مره وحده بدت تبطـل عيونها بصعووووبـهـ..يوم بدت تسمع همس في اذنها ينادي باسمهـــاا..(مـــريم,,مـــريم)..ردت غمضت عيونها من زود التعـب وقالت اكيـد قاعده تحــلم..بس الصوت اتكرر بعــد مـــره وتم ينااادي باسمهــا..تمـت تحاول تبطـل عيوونها بس مب رايمه لاانها وايد نعساااانه..رقــدت ولا حست في عمرها الا يوم حسـت انه حد لمس ايدها وقبضها ..فزت من نومها وسمت بالرحمن وبطـلت عيونها قـد ما تقــــدر وهي زاااااايغه..صـدت ع يمينها بسررعه وعلى طوووول شهقــــت من خاطرها..انصــــعقت من الي يالسه اتشوفه..قـــــالت اكيـــــد هي تحلم اكيييييييد..غمضت عيوووونها وردت فتحتها مـــره ثااانيه شـــافته يالس وقابض ايدها..يعني معقوووولهــ هي الحينه مب يالسه تحــلم وهاللي اتشوووفه جدامها حقييقه!!!!..
رفع ايدها وحباها..: مـــــــريم..
مريم بلعـت ريجهـا وهي زايغه وتتنااااافض مب مصـدقه الي تشوووفه جدامها.: حــ ..حــمــ..د!!!
حمـد..: يااااااا روووح حمــــد..
مـــريم كـانت مصدووومه..لفت صوووبه وتمت تلامس ويهه وايدييينه تبغي تتأكــد انه هذا الي جدامها حمـــد ما يتهيـأ لها..
مريم بـدت تذرف دموعها.: حمـــــــــــد
حمـد شل البرواز الي كانت ضامتنه مريم وشاف الصـوره وماقدر يقاوم دمعته في هاللحظه..يلس حذالها واتقرب منها..: تذكرين قبل لا نتصور هالصوره شو قلتلج!!!!
مريم تطـالعه وعيونها مليانه دمووووع تصيييح من الخاطر مب رايمه ترمس..مب مصـدقه انه الي يرمس وياها حمد!!!
حمـد.: قلتلج,,الانسـان ما يروم يعيش بدون قلبهـ صح!!..قلتيلي هي اكيــــد..قلتلج..انتي قلبي اللي انا مااقــدر اعيـــــش من دوووونه..ربي لا يحرمنــــي منج ..والله مااتحمل بعدج ابغيج طووول العمــــر ويـــــاي لااني مااقدر اعيش بدووونج..رديتي علي وقلتيلي حياتي انا وياك على طوووول..ههه حمـــد مب وقته الحين شوف الحرمه كيف تطــــالعنا خل نتصور يلا..تذكــرين والا لا.؟!!
مـريم من الصـدمه اتصيييح مب رايمــهـ ترمس وهي تشووفه..
حمـد: هذا انا الحيـن ..ما رمت اتحمــل بعــدج,,والله ما رمــــت..
مـريم وهي تصيييح وتشاااهق.:انـ ـ ـا مـ ـب قـ ـ ـادرة اصـ ـ ـدق..يعـ ـ ـ ني انتـ ـ ـه حمـ ـ ـ ـد!!!
حمـد لـوى عليها يهديها.: هي فـــديتج انا حمــد الي ماله غنى عنج..
مريم غمضـت عيونها وهي في حضـنه.: انا اكيــد في حلم..
حمـد.: لا حياتي انتي في علم..
مريم.: حمــد انت اتعرف اني انا اتعــذبت واااااايد!
حمـد.: نفس العذاب الي كان فيني انا..
مـريم وهي تصييييح.: حمـد خلكـ وياي لا تروووح انا محتاجتلكـ واااايد..
حمـد.: حبي انا بتــم وياااج على طووول..قلتلج تراني مااتحمل بعدج..ارتــــاحي..
سكـتت مـريم وهي مغمضه عيووونها ليـن ما غلبها النوووم وما حست في عمرها..وخى حمد راسه وشـافها..حب راسها ورقدها ع الشبريه ولحفها عدل وهو بعـد رقد وياها..
.............................
اليوم الثـاني,,كـانت ميوده أعصــابها قــد ما تقــدر..متوتره واااااايد..يالسه ع الكنبه في حجرتها وصاكه ع اسنااانها واتهـز ريـلها بعصبيه..شـافتها قـاعده تتعبث في اغراضها..جان اتنش واتطـلع حرتها في هالمسكينه..تمت اتناااااازعها لين ما صااااحت ..كانت اتصااااااارخ..ودرتها وسارت صوب الكنبه ويلست وهي خلاااااص كارهه حيااااتها..حطت ايدينها ع راسها ووخته وهي حااسه بصـدااااع فضييييع..زاعجت عليها باعلى صوووتها (سكـــــــــــتي والا والله بييي اضربج الحينه)...صاحت زيااااااااده من خااااطرها ..في هاللحظه دشــت عوووشه الحجرهـ وهي مستغررربه سااارت صووووب يزوووي على طوووول..
عوشه.: فـــــــدييييييتها والله اشفيييييها...!
أميـره بعصبيه.: عوشوووووووه شليها وديها برررع والا لو طاحت بايدي بذبحها من الضرب..
عوشه شلتها وضمتها بقوووه.: حياااااااااااتي والله...لييييييييش اشفييييييييج عليها فـــــدييييتها..
أميـره نشـت من مكانها وشلت عباتها وشيلتها.: عوشووووه خليها عندج انا بطــلع..
عوشه تطالعها باستغراااااب.: وين سايرهـ؟!!!
أميـره وهي تبند عقم عبايتها.: اوووووه عوشوووه بطـلع وخلاااااااااص..(رفعت راسها تطـالعها)..شو اترييييييين يلا اطلعي ..بتصيح زيااااده لو شافتني بالعبااااه
عوشه.: استغفر الله مب صاحيه هالحرمه اليووم..زين زين هي جي والا جيه ذابحه روحها من الصياااح فديتها ماادري شو مسويه فيها..(وهي تهدي يزووي)..بس عموووه بس حياااتي ..قوليلي شو مسويه فيج ماما الدبه..!!
أميـره.: عوشووووه بسرررعه طلعي والا ترااااني بطلع حرتي فيج انتي
عوشه.: اميييييييه انتي اشفيج اليوووم..اكيد متريقه فلفل..
أميـره.: اوهوووو يلا عوشوووه بلا عبط طلعي برع..
عوشه.: انزين قوليلي وين ساااااايره!!
أميـره.: لاا حول ولا قوة الا بالله..(تصاااااارخ)..عوشوووووه الله يخلييييييييييج طلعي وخليني والله مب متفيجتلج..
عوشوووه زاغــــت.: بسم الله ..زين زين بطلع حشااااا كلتني..سارت جدى الباب وهي شاله يزوووي الي كانت تصارخ واتصيح (مامااااااااا,,ماماااااااا)..طلعتها عوشه وهي اتهـديها ونزلت تحت..اول ما تبا تبطـل الباب بتطلع برع البيت شافت راشــد واقف جدامها...
عوشه.: يزووووووي شوفي باابااااااااا..
يزووي ما صـدقت على طول دورت بعيووونها وشــافت راااشد وهو مبتسم لها..بغت تتخـــــبل تمت تضحك بصووت عاالي وهي تصارخ ( بابااااااااااااااا).. والدموع في عيووونها وتمت اتطيح عمرها عليييه ليييين ما شلاااااها..
راشـد.: ههههه فـــديتج انا ..انتي اتولهتي على بابااااا صح!!
يزوووي وبنفس نبــرة راشـــد.: آآآآح!!
راشـد.: هههه حبيبتي والله..(باااااسها على خدوودها)..بلااها ليش كانت اتصيح؟!!
عوشه.: هاي اميروووه عصبت عليها..
راشـد.: وهي وينها الحين؟!!
عوشه.: هي في الحجره قالت انها بتطـلع..
راشـد.: وين بتسير؟!!
عوشه.: ماادري ما قالتلي..
راشـد.: انزين انا بطـلع وباخذها وياي..
عوشه.: خلااااص اوووكيه..(وهي تغمز له)..دير بالكـ عليها..
راشـد يعقد حياته ويطالعها بنظراته الحاده الي تخاف منها عوشه.: توصيني ع بنتي؟!!!!
عوشه.: هااا,,,انا,,متى.!!
راشـد.: ههههههههه
عوشه.: ههههههه ويا راســـك والله اتحراك عصــبت..انت عاادي على اي شي اتعصب..
راشـد عطـاها نفس النظرااااااااات.....
عوشه بلعت ريجها وهي زايغه.: خ..خـــلااص آســفه آســــفه..
وخطفت من جدااامه بسرررعه..ضحك عليها وراح صوب موتره وظهر هو ووياه يزووي..
................................
بطـلت عيوونها في هاللحظـه..اتمــددت وحسـت انها شبعااانهـ رقااااد..ابتسمـت يوم شـافته ظاهر من الحمااام وهوو ينشف شعره بالفووده..نشت واتساندت ع السرير..و هو سار صوووبها..
حمـد.: صبــاح الخير حبي..
مريم.: صبااح النوور فديتك..متى ناش؟!
حمـد.: جي قبل شوي..شحالج اليوووم حياااتي؟!
مريم.: دام اني وياااكـ انا بخير..
حمــد.: فديت رووحج انا ربي لا يحرمني منج..
ابتسمت له مريم وسكتت عنه وسار هو صوب التسريحه يسحي شعره ..صد ورااه صوب مـريم يوم نادته..
حمد.: هلا فـديتج..
مريم كانت منزله راسها..رفعته وشافته بعيوون مليانه دموع وبصوت مخنوق.: حمـد انت مب المفروض تكون بايـت عند عروستك أمس؟!!
حمـد اتغيــر شكــله اهـــني واضااايج.: اوووه مـريم بس لا تذكريييني..
مـريم بـدت تصيح.: حمـــد انت اشسويـــــت!!!
حمـد.: شو سـويت انا!!..ما سويت شــي..(مشى صوووبها ,,اتقرب منها ويلس حذالها)..مريم انا بطــلقها..
مــريم بطـلت عيونها قـد ما تقـدر وصـدت صوووبه.: انت شو تقووول!!!
حمـد بدون اهتمام.: الي سمعتيه..
مريم اتهز راسها وهي تصيح.: حمد دخيلكـ لاااااا..رووح لها روووح..
حمــد اطالعها باندهاااااش.: مريم حبيبتي تتحسبيني ارتااح يوم اشووفج تتعذبين!!!
مريم.: بس انته جيـه بتيب المشاكل حق عمرك..هي اشذنبها تودرها ؟!!
حمـد.: ماادري ماادري,,مريم شو اقووولج..والله ما قدرت اتم وياااها والله..مـاقدرت انسـى شكــلج يوم ييت اخذ البشت..والله انه ما فاااارقني وتم في باااالي..كـنت احس عمري جااااااسي عليــــج واااايد..حســيت بضييييج فضيع وجنـي توني بس استوعــبت اني انا خلااص بتزوج عليـــج..كـرهت حيااااتي ونـــدمت قد شعر راســي لااني رضيــت بهالشي..ما قدرت استحمــل فكرة اني انا اليوووم بكون ويا وحده ثاااانيه غير مريـــم..والله انه كان صعب علي ..
مـريم غطت ويهها بايدينها وتمت اتصييييح..
حمــد لوى عليها..: بس حبيبتي لا تصيحين..انا مستحيل ارضـى بزووجه ثانيه مستحيـــل..ولو على اليـهال..ماابغيهم اذا مب منج..
مريم رفعت راسـها وشافته وردت نزلته وصــــاحت بصوت عاالي..
حمـد.: حبــي بس دخيلج لا تصيحين عورتي قلبي..
مـريم حطت راسـها ع صــدره وتمت اتصيــح بحرقـه..
حمـد ضمــها بكـل حنااان وتم يهـــديها ..وااايد ترتااااح يوم تكون بقرب هالانســـان..اتحس انه ضيجها كله يرووح...مستاانسـه واايد لاانه فضــلها هي وياا عندها..هالشي اثبت لها انه حمـــد مب بس يحــبها..!..الا يموووووت فيها..لا خلااااني منك الرب يا حمــد ماادري شو كـان بيصير فيني لو ما كنت ياااااي عندي..عاادي اموووت..!
رفعت راسـها بعـد ما هدت واطـالعته بنظـــرات حب حـب..رفعت كف ايدها ولامسـت خــده..: حمـد والله أحــبكــ
مسك ظهر ايدها وخذ نفس طويل وابتسم لها وتم يطـالعها بنفس النظرات.:
تدرين وش معنى وجودج تدرين وش معنى هواج
تدرين بس شو يصير فيني لو ايدي تلمـس ايديـج ..!
تــدرين انـتـي فــي حيـاتـي أجـمـل وأحـلــى مـــلاك..!
تـــدرين انتي بكـل دقيقه تحتويني واحتويج.!
لـو وصفـت الـشـوق فيـنـي مــا اظــن انــه كـفـاج
ولـو وصفـت احسـاس دمعـي كــل دمـعـه تفتـديـج
لــو أقــول انـــي أحـبــج وأشـعــل الـدنـيـا بـهــواج
صـــدق ان كـلـمـة أحــبــج والله اشــويــه عـلـيــج...
مريم اهـني طـــــارت من الفرحـهـ على هالكـلام ابتسمت ووخت راسـها بخجـل.: اوييييه سكــــتني مب عارفه شو ارد عليكـ..
حمـد.: هههههههه مب لاازم تردين يا قلـــبي ..اهم شي اشوفج مرتاحه ومستانسه..
مريم.: دام اني ويـاكـ لاازم برتااح وبستاانس..
حمــد..: حبي انا يوعاااااااااان..
مريم.: افا عليكـ بسويلكـ احلى ريووق,,,بس انت هـد ايدي
حمـد.: ههههههه فديتها يوم لامست خــــدي..
مريم وهي اتحاول تسحب ايدها.: ههههههه انزين يلا هـــدها حمد..
حمــد حب ظهر ايدها.: ربي لا يحرمني منج..
مريم.: ولا يحرمني منك حبيبي..
اول ما خــلصت مــريم كــلامها شافوا باب الحجـــره اتبــــطل بكــــل عنف..داشـــه وعيوووونها عليهم تطــالعهم والشراااار يتطاير من عيونها..
أميـره بصوت عــالي.: خووووووش والله خوووووووش...يـــا ويييييل حالي انا ع الكناااااااري..لا لا الصراااااحه مسكتييييين..ليتني يايبه الكيمره ويااااااي..جان صورتكم ..والله يباااااالكم صوووره اتصدقووووون!!
مريم و حمد اطالعوا بعض وهم منصـدمييين من دخــلة اميره عليهم..
أميـــره اتقربت منهم وهي خلاااااااص حاسه عمرها بتنفجر من زود ماهي معصبه ..وجهت انظارها صوب حمـد.: انته شووووه!!..ما عــــندك دم ..ماتستحي ع ويهــــك شــارد امس من عند حــرمتك اليــــدييييده !!..مخلي هالمسكينه روووحهــا في الشقــه حلييييلها ما عـــندها حـــد..!!!(بــدت تصااارخ)..شـــو تباااا الناس يقولووون عنها شووووووه!!!..المعرس شرد عن عروووووسته في ليييلة عرسهم!!!...واهــــلها وين يودووون ويووههم من النااااااس!!!..اكيـــد بيطلعووون الف عيـــب في البـــنيـــه..عمري مااتوقعــتك تكوووون نـــذل لهالدرجه عمــــــــــري..
حمــد اهـني عقــد حياااته وعصــب .: انتي ايييه اييه بلااااج داشه علينا جــذه اتزاعجيــــن!!!.ارمســــي عــدل احسن لج..
أميـــــره صــارخت زيااااده.: انا رمســـــتييييه عــدله انت الي مب عااااارف شو تقوووووول بعــد ما سويييت سوااااااااتــــك حسبي الله علييييييييييك..كسرت قلب البنيــــه وخليتني اطيييح من عيييينها لااني كنت مفهمنها انــــك تبااااها مــــالت علييييييي..
مسـحت مريم دموعها ونشـت من مكانها وسارت صوب أميـره .: اميره اشفييج هـدي اعصاااابج..تعالي انسير نيلس في الصاله..
أميـــره بنظرات شرررصوب مريم واتصارخ لدرجة ان مريم فزت مره وحده.: انتي جـــــــــــــب ولا كلمه!..بعـــد لج ويـــه ترمسيييييييين!!..مسويه روووحج وااايد طيـــبه يعني..كــــل الي استوى من تحت رااااسج انتي اصــــلاااا..تتحريني مااعرف..!!!..ظهرتي على حقييقتج خلاااااااااااااص...ما بتطلعييين احسن عن اخووووج الحقييييييير..
مريم انصــــدمت..اتيبست في مكانها وهي مبطله عيونها ..مب عارفه شو تقووول..
حمــــــد باعلى صوووووته.: امييييييييييييرووووه!..نش من مكانه وسار صوووبها..ماايخصج في مـــــريم ولا تدخلينها في السااااالفه..هي مالها خـص في كل الي صااااار..
أميـره.: هيييييييه صح صح..مووول ماايخصها في الي صاااااار..حلييييلها برييييييييئه مب مسويه شي..مب جــــنه هي الي اتصــــلت بك وطلعتك من عند نووووره عسب اتسير لها الي ما تستحي ع ويهها..مسويه روووووحها مسكييينه وع نياااتها مول ما يخصها في شي..تتحرى بهالحـــركااااات الحينه بتغطي ع نفسها سواااتها الخاااااااايسه..
مـــريم منصــــعقه من رمسة أميـره وتتطـالع حمــد وعيونها انترسن دموووع.: حمــــد انا متى اتصــلت بك؟!!!
حمــد اطـالعها وعقبها اطالع اميـره وسار صوبها وقبضها من ذراعها بكل غيض.: أميروووه لا تيلسين اتطلعين رمسه من عندج..
أميـره سحبت ايدها منه وهي اتصارخ.: قوووووم عني..اصلا ما في مجال اتقص عليه انزين انا عرفت كــل شي..نووره قالتلي انه اتصــلوا بكـ وانت طلعت على طووول وعقبها ما ردييييت وهي حلييلها تمـــت تتريااااك لين الفير..قلت محد غيييرها هاي اكيييييييييد هالحقييييييييره..اتأكــدت زيااااااده يوم يييييت وشفت يلستكم الحــــلوه ويا بعـــض.اصلا هي خااااااايسه بالعماله سوت جييييييه بالعمااااله..عسب اطلعني جذااااااااابه جدام ربيعت عمري واتزعلها مني..هي اكثــر وحده اتعرف انا اشكثر ويااااها..كانت متعمده اصلا يوم قالت اخطبيها حق حمد بس عسب اتسوي جييييييه..
مـريم وهي اتصــــيح من الخاطر.: اميييييره حرام عليج اتقولين عني جيه انا ماايخصني..
أميـــره.: جب لااااااااا,,,لا تيلسين اتسوين لي هالحركاااات المااااااصخه..خلااص ياامي ظهرتي على حقيقتج..
حمــد اتقرب منها وصفعها بقووووه من القهر..مــريم حطت ايدها ع ثمها وبهتت
أميــره انصــدمت من الخااااطر لاان هاي اول مره حمـد ايمد ايده عليها ..تمت فتره مبطله عيوونها وهي حاطه ايدها ع خدها اتحس بألم..عقبها ذرفت دمووووعها
حمد قبض ذراعها بقوه وتم راص ع اسناااانه من الغيض.: انتي ايييييييه مصختيها تراااج وانا سكت عنج وااايد..كله ولا مـــريم عااااد..هي لا اتصلت فيني ولا شي..هذا ربيعي الي كان يتصـــل..انا برووووحي يييت لهاااا لااني اصلا رضيت بهالزوااااج وانا هب مقتنع فيه..فهمتي...يعني غصب اتم ويااااها وانا مااباهااااا!!..خلها اتقوووول انها هي الي ما بغتني ..اهم شــــي عندي انا مرررريم لا يهمووووني العيااال ولا شييي..
اميره سحبت ايدها عنه بقوووه وسارت بعيــد عنهم وتمت اتصييييح..اتقربت مريم صوووبها وحطت ايدينها ع جتوووفها وهي الثانيه بعــد اتصيح بحررقه على كل الي صار جدامها.: بس حــــبيــــبــ .......
قاطعتها اميره واطالعتها بنظرااااات شررررر وصااارخت عليها.: انتي جـــــــــــــب قووووووومي عني..كــــله منج انتي كـــــله منج انتي ...حسبي الله علييييييج..ماادري شقاااااايل انخدعنااااا فيييييييييج وحبيناااااج ..صــدقت مرت عميي في كــل كلمهـ قالتها عنــــــج يالحقييييييييره..سارت صووب الباااب وطلعت من الحجـــره..
مـــريم تمت مبققه عيوونها تطالع اميره وهي ساااايره لين مااختفت عن انظاااارها...عقبها يلست ع الارض وغطت ويهها بادينها وتمت تصيح بصوت عااااالي شرات اليهااااال..يا حمد صوووبها..يلس حذالها وحضنها..
حمــد.: بس حبيبتي بس.. خ تولي ما عليج منها..انا براويها الجــلبه
مريم بصوت متقــطع.: حمـ ـــ ــد..قــ ــ ــولــ ـ ـها انـ ـا ما يخـ ـ ـصني,,والـله ما يخـ ـ ـ ـصني..
حمــد: خ تزوووووول لا تسوين في عمرج جذه عشاااانها حبي..
مريم من زوود مااتصيح مب راااايمه تــــرمس...سكتت وما ردت عليييه ..وحمــد يلس ايهدييييها..
...............................
نزلت من فوق وسارت الصـاله ..يلست ع الكنبه بقوووه وحطت المخده ع ريولها وايدينها عليها وهي تناااااافخ..افففففففف اففففففف افففففففف
نوال.: بلااج يالويــــه تتأففيييين...
منى.: نوالوووو والله ملييييييت من اليلسه في البيت..قومي نظهر..
نوال.: سيري لااا..متفيجه انتي تظهرين هالوقت!!
منى.: يلا لاااا والله ملللللل..بنسير نتغـدا برع شو رايج؟!!
نوال.: لا والله!!.,,,ومــايد؟!!
منى.: ترى اتقولين ساير ويا ربيعه وقال انه بيتأخر..
نوال.: امممم بناخذلنا من برع وبنيب البيت شو رايج؟!
منى.: عادي عادي اهم شي اظهر ,,,والله ملييييييييت..
نوال.: ههههه يلا انزين سيري اتزهبي..
منى.: ان شااااااااء الله..فديت مرت اخوووي انا..
نوال.: هههه هي حق المصلحه..
منى.: ههههه هي عيل شووو
نوال.: دبــه وحــده,,يلا شو اترييين نشــي والا ماشي سيييره!
منى نشـت بسرررعه وربعت صوب الدري وهي اتقوول.: الحييين الحييين بييي..
نوال.: ههههه
.
.
بعد ربع ساااعه منى حضرتها اتزهبت ونزلت تحت ..سمعت صوووت هرررن سيارة نواااال وبنفس الوقت تلفوونها رررن وعرفت انه نوال الي تتصل لاانها متأخررره..ما ردت عليها وطلعت برررع بسرررعه..وتمت تررربع صوووب سياااارة نوااااال لاانها كانت اتهررررن لها..خس الله ابليييسج نوالووو صمختييييني اتشوفيني يايـــه!!..اول ما وصـلت عند السيااااره بطلت البااااب ..بطـلت عيوونها قـد ما تقـدر بنفس الوقت ..شهقـت وابتعـدت عن الباااااب يوم شااافت الي متفيزر حذال نوالووو..
نوال.: ههههههههههههههههه هزاعوووو استح يلا قووم خل البنيه تركب..
هزاع.: ماابغي انا عايبتني اليلسه اهنييي..
منى انقــــــــهرت واطالعته من فوووق لين تحت..
نوال.: هههههههه يلا قوووم ما شفتها اشقاااايل تربع عسبت هالطلعه وانت يالس اتهررررن لها مسكييينه..
منى بققت عيوونها يوم سمعت هالكلاااام..يعني هالدب الي كان يالس يهرررررن ويا رااااااسه..اخييييييه وانا كنت ارربع صووب السيااااره..اكيد كان يضحك عليه الخااااايس هو ويا نوالوووو الدبه..لكن انا براويها..
منـى من زود القهر نظقـت.: يعني لين متى بتم واقفه انا..نوالوو بتسيرين والا ادش داخل؟!..
هزاع.: هههههه نوالووو بسألج سؤال..لو الحين قلتلج اظهري من السياره ودشي داخل..بس وانتي تركبين الدري الي عند المدخل ..شفتي قطـــوه يالسه عند باب الصاااااله!!..بتحدريين والا بتشلين نعالج وبتضربينه فيها...
منى حست بقفطــه وحراره في كل جسمها..الخاااااااااااااايس لين الحينه مب ناااااسي..عطتهم ظهرها ونقعت من الضحك ما قدرت اتقاوم..
نوال.: هههههههههههههههههه انته لين الحينه حاط عليها المسكيينه..والله ما يسوى عليها هالموقف الي استوالها..امممم بس اتصــدق سؤال محرررج هههههههههههه..الله يعيني بتجتلني منووووه اليووووم اتقول ليتني ما قلت بنطلع..
منى صـدت صوبهم وسكتت وسوت عمرها محررجه..
منى.: نواالوو انا بدش داخل ..بااااي..(عطتهم ظهرها ومشت)..
نوال .: لاااااااااااا لاااااااااااا منوووووووه تعاااالي والله ما تسيرين
وقفت منى وهي صـــاده عنهم..
نوال.: يلا هزاعوووو قوووووم مافينا ع زعل منااااايه..
هزاع.: انا بوديكم انزين,,,
منى في خاطرها.: اخييييييييه هاللي قاصر بعد!
نوال.: صــدق والله هزاعووو؟!!!!
هزاع.: هيييه افا عليييج انتي بس ..
نوال.: فدييت اخويه انا..زين والله بتريحني ما كان لي خلق اسوووق بس عسبت خاااطر منووه الحلوه قلت بسير..ههههه ابغي اراضيها..
منى افترت صوووبهم وهي مبطـله عيوونها موجهه انظارها صوب نواااال..نوالووووووو صــدق انج دبــــــه,,,ليش رضـيتي هالدب يوديييييينا لييييييييييش!!!.
هزاع.: زين عيل انروح بسيارتي والا سيارتج
نوال.: امممم سيااارتي..
هزاع.: يلا نزلي عيل..
نزلت نوال ونزل هزاع بعد وياها وسار ركب مكانها..اما نوال اول ما يت الصوووب الثاني ..زختها منوووه من زراعها وسحبتها صووووبها..
منى.: انتي ايييييييه تستعبطين حضرتج!!!!
نوال.: شوووه بلااااااج..!!..اركبي يلاااا
منى.: ماابا ماابا,,هذا اخوووج ليش يرز ويهه ويانا..
نوال.: هههههه حرااام عليج..فديته اخووي والله طيوب وحبوووب..عاادي بلااااج شرات اخووج..منوووه الصراحه انا حاسه بتعب مب رايمه اسوووق..
منى.: هييه هييه صح..التعب هذا ما ياااج الا الحينه هاا,,,من شوي ما فيج شي
نوال.: ههههه لاا منووه كنت حاسه بس عسب مااكسر خااطرج رضيت..
هزاع.: شوووو مطوليييين!!..
منى.: ماااالت علييييييك..
نوال.: هههههه اييه اييه عن الغلط لو سمحتي..يلا منوووه اركبي..
منى .: افففففففففففف..مشت عنها وسارت ركبت ع السيت الي ورى نواال..وبندت الباااب بالقوووووو متعمـــده..
هزاع.: خييييييييبه ..نوالووووو جي يبندووون البااااب ..!!..صــدق انج دفشه..الله يرحم سياارتج..راحت فيييييها..
منى في خاطرها.: خييييبه تخيبك انزين..محد غيرك الدفش يالسباااااااااال..
نوال.: هههههه عادي مب هامتني السياااره انا..ابغي اعرف بس الحلوين ليش معصبييييين..
منـى تجدمت ومدت ايدها وقرصت نوال ع جتفها..
نوال.: ههههه آآآآآآآي ..دبه منووووه..هاي يزايه امدحج.!!..ما عليه براويج ..
.....................
اتجلبت عالفراااش وهي حاسه انها خلااص شبعانه ارقاااد بس مالها خلق اتنش..شلت مبايلها وشافت السااعه 7 ونص المسااا...نشت من ع السرير ويلست عليه بتعــب..اتمددت وقامت من مكانها وسارت تسبح..بعـد ما خلصت طلعت من الحجره وسارت الصاااله..شافت الكـل موجووود..
حمــده.: سلاام عليييكم...
الكل.: وعليكم السلاااام..
سارت صوب عمتها حبتها ع راسها..
حمـده.: عمتي شحاااالج
ام حارب.: الحمدالله بخيير..
حمـده.: شموووه الدبه شخبارج
شما.: والله بخير..يالويه ما بغيتي تظهريين!!..
حمـده وهي سايره صوب حارب.: ههههه عسب تتولهوون عليه..يلست حذاااله..
حمـده.: انته ويييين كنت؟!!..
حارب.: انا موجوووود انتي الي مب داريه عني..24 ساعه منخمده..
ام حارب.: ما يسـوى عليج هالحماااال الي يسوي بج جذه..!
حمـده.: ههههه شسوي انزين والله غصبن عني..موول مالي خلق حق شي كله ابغي ارقد..
ام حارب.: لاااا فديتج انتي الا تتعلثين بس..من ييتي بيتنا وانتي ما تقعدين ويانا وااااايد..الا مرااات..كله تيلسين في الحجره روووحج..حتى شغل البيــــت ماتين اتساعديني فييييه..
حمـده انصــدمت من كلام عمتها..اطالعت حارب ع طووول وشافته صاد الصوب الثااني مندمج في التلفزيون ومب مهتم..ردت واطالعت عمتها.: عمتي اشفيج عليه!!..اتعرفين اني ادرس في الجامعه ووراي مذاااكره..مااحصل وقت حق شغل البيت ولا اليلسه وياكم..
ام حارب.: حتى شما عندها مذاكره..بس ع الاقل اتي اتساعدني..!
حمده.: بس شمااا غير..هي مدرسه وانا جااااامعه!!..
ام حارب.: وشوووو يعني!!..كله واحد..
حمـده مصدووومه مب عارفه شو تقوول وهي تطالع عمتها..
ام حارب.: والحينه تتعلثين بالحماااال..الا تعباااانه..الا ابغي ارقد..الا مالي خلق حق شي..
تمت مبطـله عيوووونها بس من الصــدمه..ارتااااحت يوم حارب بدى يرمس.. لاانه هي حاسه انه لسانها انربط
حارب.: امييه صــدق..حمده من حملت وايد تتعب حتى شوفيها شقايل ضعفاانه مول ما تاكل..ووايد اترجع..
ام حارب.: زيين يااميه تراها تتوحم وهذا شي عادي..بس حرمتك الصراحه وايد تباااالغ..يرضيك يااميه النااااس ايووونا اليووم عسب يشوفوونها وهي حضرتها رااااقده ومب طايعه اتنش!!!..كسرنا الباب واحنا اندقه وهي لابستنا..انا ادري انها كانت وااااعيه بس ما تبغي تظهر..ويهي قفط الصراااحه جدام الحريم ..نبا نشووف مرت ولدج ونبا نشوف مرت ولدج..وهي حضرتها ولا ع البااال مع اني امس خبريتها انه ناس بيووونا..
حمده مقهوووره من اسلوب عمتها .: والله شسوي يعني تعباااانه شقايل بجابلهم وانا تعبااانه!!!
حارب باستغراب .: حمده..امي خبرتج امس انه حريم بيووون وانتي ما ظهرتي جدامهم؟!!!!
حمده شويه وتصيح.: خبرتني بس انا كنت تعبااانه وراااقده..حتى نسيييت انه حد بييي
حارب.: شو نســيتي !!!..تستعبطين ؟!..فشله والله..الناس يايين عشانج وانتي ما تظهرين!!..شو بيقولووون عنج الحينه.!!اكيد بيقولوون خقاقه..
ام حارب.: والله يا حارب من اول ما يـوا وهم يسئلووووني .. واقوولهم الحين بتي..وآخر شي روحوا ولا شافوووها..والله افتشلت ياامييييه..ما كنت ادري انه اهلج ما علمووج اذا ضيوف يووا البيت من الواجب انج تظهرين جدامهم وخاصه انه يايين عندج..!
مررت عيونها الي بدت تدمع على حارب وعمتها ونشت من مكانها بقهر وصـعدت فووووق وعلى طول سارت حجرتها..يلست ع الشبريه وحطت ايدينها ع ويهها وتمت تصيييييح..شوي ودش حارب عليها وسار يلس حذالها وحط ايده ع جتفها..
حارب.: حمـــده..
نشت حمده بعصبيه وقفت جداااامه وهي مقهووووووره انصعق حارب يوم شافها تضرب بطنها بايديييينها وتصاااااارخ.: انا هاليااااااااااهل ماابغيييه مااابغيه..ان شاء الله يمووووت عشان ترتاحوووون انت وامك وايلس استقبل ضيوووووفها..
نش بسررررعه ومسك ايديييينها بالقوووو وصارخ عليها باعلى صوووته.: اتخبــــــلتي انتي!!!.تبيني اكسر ايدييييينج الحييييينه!!!!
حمـــده.: هـــــــــــدني..انته جــــــــب ماايخصــــك فيني انزييييييين..اشوووفك وااايد دافعت عني جدام امـــك!
حـارب اهـني اتغير شكــله..عقد حياااته والشر في عيووونه..صفعها طـــراااااااق من الخااااااااطر..
حمــــده انصـــــدمت ..تمت مبهــــته وهي حاطه ايدها ع خدها واتحس بألم..خطفت من جداامه وهي تصيييح من كل الي صاااار..عمرها مااتوقعت انه حارب بيمد ايده عليها في يووم..لبست عبايتها وشيلتها وطـلعت من الحجره بسرررعه..حارب تم متيبس في مكانه يلاحقها بنظراته..يوم شافها ظهرت سار وراااااها..هي في هالوقت كانت نازله..وهي في الصـاله تمت تمشي بسرررعه مب مهتمه حق ام حارب وشما الي كانوا يالسين يطالعوووونها باستغراااااب..طلعت برررع وحارب كان نازل من ع الدري ويمشي بسررعه
ام حارب .: بلااها مرتك ,,حضرتها وين سايره؟!!!