نـزلوا من السيـاره وتمـوا يمشــون ليـن مـاوصلـوا البــوابه..
سعيـد.: يلا يسووف شرات ما قلتلك ..تمشــي سيييده لين ما توصل البيــت..اتشووف جدامك بـاب تفتحه وتووقف وهم بييوون لك..
يـوسف نزل راسـه واطـالع الجيس الي بايـده.: استغــفر الله..
سعيد.: ههههههه بلاااااك الي يقووول الحينه انته الي بتشربه..
يوسـف.: بس حراااااام انا اودييه لين عندهم عسب يشربووونه..
سعيـد.: والله هم الي يبووون..اوهووووو الحيينه انت مااتقــول محتااج؟!!!..
يوسف.: انزين انزين يـــلاا..شووو انت ما بتي وياي؟!!..
سعيـد.: لااااا انا بترياك اهنــي ..بس لا تتحير هاا..
يوسف هــز راســه وحـول انظـاره صووب المـزرعه الي بيـدخلها الحيــن وهووو مول مب مرتااح للشي الي يـبا يسـويه..بس شو بيسـوي مجبــوووور..حدر داخل وشـرات ما قاله سعيـد تم يمشـي لين ما وصل البيـت وسار صوب الباب وفتحه..وايج من الباب وانصـعق من الي شــافه داااااخل..بطـل عيووونه مبـــهت ..شو هــــا!!!..بنااات دااااخل بعـــد؟!!!...اخخخخ عليهن شــو يســـووون اهنــــي!!!..كــان يشــوووف اشيـاء فضيييعه داااخل عمره ما شاااافها..الي يخطـف من جدااامه وهوو مــب معتدل في مشيته والي لاوي على وحده ويالس او يتمشى وياها والي تطـالعه وتبتسم له وهوو شرااات الخبــــايل يتطــالع مب فاااهم شــي واشـــياء ثااااانيه انصعق من شااافها..انتبــه مره وحـده لــواااحد وقــف جدااامه ..مــد له الريــال ايده..
.....: عطـني الجيس..
يوسـف يطـالعه وهوو مبهـت من الصــدمه..
....: ما تســـمعني انته!!..اقووولك عطني الجيس
يوسف توه استوعب ومد له ايـده بالجيـــس ..خذااه عنه الريـال وطـلع من مخـبااته مــبلغ وعطـاه يــووووسف..اهــني بــغى يتخـــبل من شـــاف المــبلغ هذا الي بين ايدييينه..تم فااااج عيووونه قد ما يــقدر يطـالع الي بايـده ويرد يطـالع الريـال الي واقف جــداااامه شرات الخبايل..
...: اشفيــك انته؟!!..يــا تدش داااخل او تطـــلع..
يوسـف.: هااه..لاا بطلع بطـلع..
طـلع يـوسف وتم يمشـي ع الســـرييييع وهو لين الحيـنه مصدوووم ليـن ما وصـل صوووب سعيــــــد..
سعيـد.: هااااا بشـــــــر ..شو استوى وياك..
يـوسف راواااه البيــزااات وهوووو مبقق عيووونه يطـالعه..
سعيـد.: هههههههههه هاااا ..شوو رايـــك؟!!..
يــوسف.: سعّووود شو هااااا!!..شــي ماايدش الراااااااس..الحينه انا شو سويييت عسب يعطوووني مبــلغ مثل هذا..
سعيـد.: حبيبي ..هذا عندك انته واااايد لكن عندهم ولا شــي..اقووولك هاذيله هواميييييير بلاك انته..
يوسف.: ههههههه والله مب مصـــدق..مبلغ كبييييييييير سعّووووووود..
سعيـد.: هههههه صدق صـــدق..يوووم اقووولك تعااال ويااايه وما بتندم كنت اتقووولي لاااااا..شوووف الخير الي يااك من ورااااي الحيينه..
يوسف.: هههههه فــــديييييتك انا ما عرفت قــدرك..لك مني عزييييمه الحيـــنه وفي ارقـى مكااان بعد لو تباااا..
سعيـد.: ههههههه ,,شوووف لا عزيمه ولا شــيااااته..شو رااايك اتي وياايه نسير نسهـر دااااخل..
يوسـف وهووو يتذكـر الي شـــافه من شـوي داااخل.: شوووووه!!!..اتخــبلت انته؟!!!...اخييييه شوو هااااا ..انا مااتوقعــت اشووووف الي شــــــفته قبل شـوي..شو هــاذيلا ما يستحوووون!!..
سعيـد.: ههههههههههه حلوه هاي ما يستحوووون..يااخي هاييله مستااانسييين وعايشين حياااتهم..تعااال لاااا نسيــــر صدقني بتستااانس يسووووف..
يوسف.: لا يابووووي وين انسير..يلا يلا خل انــــرد انا امييه اكيـد اتحاتيني الحينه..
سعيـد.: ههههههههه ولد ماما..
يوسـف بنبـرة جااامده.: سعّووووووووود!
سعيـد.: هههههه زين زين يلا نـــــرد..
..........................
اليــــوم الثــــاني ..وبالتحــديد هالليـــله..هــي من احــلى الليــــالي بالنســبه لحــارب الــي كــان مستاااانس من الخـــاطر..واخيــرا يا اليــوووم الي يتــريااااه من زماااااان..وأخيـــرا بيعيـــش ويا حبيـــبته وزوووجته وحيــاته كـلها حمده تحت سقف واحـــد..وحمــده بعـد نفس الشـي كـانت مســتااانسه لاانها واااايد حـبت هالانســــان..وقـت ما كـانت محتااجه له اتحـــصله..واي شــي اتقووله ماايردها..طيــب وحنوووون..وغيـر هذا ايحـبها ويموووت فيها..بس بنفس الوقـت حـاسه بخووف من حيـاتها اليــديييده مب عارفه كيـف بتكـون..مع انها وااثقه ومتأكده انـه ويا حــارب بتعيــش اسـعد انســانه..تقـريبا اكتمــلوا المعــازيم ويتــريوون طــلة حمده علييهم الي من حــلااها في هالليله كـانت امها داااخل تقـرا عليها قـبل لا يطــلعووونها..مـاشاءالله عليــها كــانت محــلوه واااااايد واحـلى شي انها متغيــره عن كــل مـــره..عـاد حمـد حـب يفاجئ اخـته وحــارب بعـد في هالليـــله بهــالقصيــده الي القـاها بصـــووته عـلى دخـلــــتها..كـان بيسـويها حق امـيره بعـد بس للاسـف مارام لاانه مـاكان شـي وقت وكل شي صار بسررعه..الكــل اتفــاجأ من الصـــووت الي انتشـر في كـل ارجاااء القــــاااااعه..الا مـريم الي كــانت اتعرف باللي بيسـويه حمد واستـــانســت يووم سـمعت صوووته..حمــده تمـت تمشـــي وميــوده دمعـــتها من الفرررحه..
.
ألف مبروك .. لحـارب .. ولحمده
ويا عساه السعد في طول العمر
يلا نفرح دام إنّ الحزن غااااااااب
يلا نهديهم ملاييــــــــن .. الزهر
يا حمده انتي يـا أجمـل ملاك
والله إنّج .. أغلى من كل الدرر
نور وجهج يغمر لكل الرحــــاب
ومنج يتسلف ترى نور القــــمر
العذارى بدرهن إنتي .. وطاب
وقتهن في فرحتج يا أجمل بدر
ويا حارب إنت .. يا خيــــر الشباب
يا رفيــــع الشأن يا راعي القدر
بالكرم والطيب .. تعرف ما تهاب
وما خسر شخص ٍ يعرفك ما خسر
إنت لي لك تخضع رقاب ورقاب
وإنت ياللي بالرجوله .. مشتــهر
ألف مبروك لحارب .. ولحمده
وبالرفاه وبالسعـــاده طوول العمر
وبعــد هالقصيــده حطــوا الزفـــــه وحمـده كانت تمشــي بكـل خجـــل وربكـــه من النــاس الي بياكلووونها بعيوووونهم..عوشــه كــانت تمشــي ويااها وسـاعدتها يـوم ركـبت الكووشه..من يــلست حســت براااااااحه لاانها كـانت اتحاااتي هاللحظــه..وعوشـه يـلست ويااها..شوي ويت مـريم عندها..
مريم.: هاا اشرايج في المفاجأه؟!!..
حمده.: فــديييييييييته اخووووووي والله احـــبه..انتي كنتي اتعرفين؟!!..
مريم.: ههههه هييييه..
حمده.: يالويـــه واشحقه ما خبرتيني..
عوشه.: اندوووكم صدق غبيه..لو خبرتج ما بتكوون مفاجأه..
مريم.: ههههه هي والله صـدقها عوشووه..
حمده.: والله والله استااانســـــت من خااااااطري..
مريم.: ان شاء الله دووووم مستااااانسه..
حمده.: ويااااج يالغااااااليه يا مرت الغااااااالي..
عوشه.: ههههه والله لولا القصيده مااظن بتمدحين هالكثر..
حمده.: هههههه جب انزين اصلا مرت اخوووي اتعرف انا اشكـثر احبـها واحـب ريــلها..
مريم.: هههه هي صــح اعرف ...فديييت حمدوووه انا اسمينا بنتوله عليييج..
حمـده بوزت.: وانا اكـــثر..بصييييييييييح..
مريم.: لاا لااااااااااا خلااص ما بنتوله عليج..
حمده.: هههههه صــدق والله فيني صييييحه ابغي اصييح ماادري ليش..
مريم.: واشــحقه بتصيحييييين .هالليله لاازم كـله تضحكيين وتستانسييين..
عوشه بضيــــج.: حمدوووه بذبـحج لو تغيرتي علي..
حمده.: حمدووووه بتم حمدوووه ما بتتغيــر لاا تحاتييين..
.
.
مـرت سااعه عـليهم وكـانوا مسـتاااانسيــن كــلهم عقبها دخــل حــااارب وياه ابو حمده وعمها وحمد ..عاد حـارب من طاحت عيونه على حمده بغى يتخـبل من جمااالها..كـان يقووول في خـاطره انها اكيييد محـلوه بس مثل هالحــلااه مااتوقع..حس عمـره محظووووظ في هالانســــانه ..من وصــل عندها ووقف مجــابلها عسب يحـب راااسها ما قدر يخش الي في خـاطره وقااااالها " انتي قمـــــــر"..حمده اهـني ماتت من الحيــــا ووخت رااااسها ..حب راسـها ووقف عــندها...مــره وحـده طـاحت عيوونها عـلى عوووشه الي كـانت يالسه ع الكرسي الي ع طرف الكووشه وهي تذرف دمووعها..ما رامــت اتيــود عمــرها اكثـــر نزلت دمووووعها هي بعد..شـافتها اميـــره وسـارت عندها على طووول عسب اتمش دمووعها عن يخترب مكياااجها..
اميره.: حبيبتي بس ليش اتصيحييين..
حمــده ما ردت عليها خـافت اتصييح زيااااده..
.
.
هالليـــله كـانت صــعبه واايد على حمــده فراااق اهــلها مع انه بيـتهم الا خطوتييين عن بيت ابووها بس بعــد غيــر يووم مااتكــووون شرات قــبل عاااايشه في بيتهم..وهالليله مـرت صعـبه على امهــا بعـد.. الي من دشـوا حمده وحـارب يتصوروون وهي اتصيــح..وخـاصه انه باجر بتســااافر عنهم ان شاء الله وبتسيـر ماليزيا..عوشـه من ردت البيت دشت حجرتها وعلى طوول يلست ع الشبريه وغطت ويهها بادينها وتمت اتصيييييح..حسـت عمرها وحيــده بدوووون حمده الحينه خلااااص ما بتفــضى لها ويمكن الوقت الي تكوون محتاجه لها مااتحــصلها..خلااص بتنشغـل في حياتها ويـا ريــلها..وشـي طبيعي ما بتكوون وياها شــرااات قـبل..ااااااه يا ربييي كيــف بستحمـــــل..وهي في هالحـاله رن موبــايلها..فجـت عيووونها من شــافت الاسـم الي ظاهر ع الشـــاشه..انصــــدمت مااتوقعت اتصــــالها بعـد كل هالمــده وبهالوقــــت..واضااايجت بنفس الوقـت لانها اتذكـرت الســاااالفه..مسـحت دمووعها وردت عليها باستغرااااب..
عوشه.: الووو..
.....: مرحبا
عوشه اهـني تيبسـت في مكــــانها ومن الزيغه بغت اتسكـر التلفوون بس منعها صوووته..
.....: عوووشه اشحـالج؟!
عوشه كـانت مصدوومه واتقووول في خـاطرها هذا شووو يبــا بعـد كل الي صاااااار وبعد الكلام الي قاله ..قالت وبصوووت بالكاد ينسمع ومبين انها كـانت اتصيح.: خيـــــر؟!!!
منصــور..: خير خير ان شاء االله..عنبووو ما بغيتي اتردين علي..من كمن يووم وانا اتصل بج..مره رديتي ومن قلت سلام عليكم بندتي..
عوشـه بطـلت عيووونها اتذكـــرت الرقم الغريييب الي كــان ايييها..يعـــــني هــذا الي كـــان امأذني يتصــــل..بس هــذا شو يــــبا مني بعـد الي صـار شوووووه..انا حتى اخـته انقطــعت عنها.....!!!
منصـور شـافها ساكته كمل كلامه.: فاظطريت اتصل من تلفووون خلووود عسب اتردييين..
عوشه وبصوووت واااطي.: انت شو تبـا مني..
منصـور.: ما بطـول عليج عووشه..انا ادري انج مسـتغربه من اتصااالي بس والله غصــبن عني..شي كـلاااام ابغي اقوووله لج واريح ضميري لاانه معــذبني..عوشه انا متصــل فيييج اليوووم واترجاااج اتسامحيني على كــل كــلمه غــلطت عليييج فيها ..عووشه انتي مـافي منج انا متأكد انج وحــده غيييير عن كـل البــنااات وهذا كـان رايي فيج من قـــبل بس الله يساااامح الي كـان السبب..
عوشـه اهـــــــني حســـت انها يــالسه تحــلم..
منصـور.: عوشـه انتي كــبرتي ابنظــري واااااايد واكـتشفت اني انا مااستاااااهلج لااني صــدقت الي انقاااااالي..بس قـــلت في خـــاطري عـــرفت اختاااااااار..
عـــوشه ما رامت اتيـود عمرها وتمــت اتصيييح على الكــلاام الي تســـمعه ..مــا تدري من الفــرحه والا من الضيــج..وقتها بس عـرفت انه منصــوووور عرف انه ظــلمها..وحســـت برااااااااحه كبيــــره من هالشي..
منصـور حــس فيها اتصيــح وقــلبه عــوره..: عـــــوشه...(همــــس)..عوشه حبيبتي..
عوشـه من سمعــت الي قــاله وقفـت صيــــاااااح وبطـلت عيووونها قــد ما تقــدر من الصــدمه.. حســـت انه قــلبها بــدى ينبــض باسـم منصــوووور مــره ثانيه..!
منصـور.: ههههه تحيدين ع المسن..كـلما اقوولج حبيبتي اتحطين لي هالويـه العبيييط الي مبطــل عيوووونه..هههه وانا ارد اضحك عليييييييج...
عوشـه اهـني تمـــت اتصيييح من خــاطرها وهي تتذكـــر ذيج الايـــــــام..
منصور.: عوشـه انا آسف خليتج تتضايجيين وتصيحين..اصلا المفرووض مااتصـــل لاانه خلااص كـل شي انتهـى وأسـفي ما بييب نتيجه..
عوشـه رمست على طووول وبصوووت خفييييف وهي تصيـح.: بس كــل شـي ممكـن يتصـلح..
منصـور.: لو انا اقــدر اصــلح شي جان مااتصـلت بج ..يبت اهلي بيتكم مره ثااانيه وخطبتج على طووول..لكـن للاســف يا عوووشه..(اتنهــــــــد بضييييج)...انا مـــالج من اسبووع ..
عوشــه اهـني انصعقـــت وتمت اتصيييح بصوووت عـــاااااااالي وهي مب حاااسه في عمرها..
منصـور قــلبه يـتقطع وهو يسمعهــا ونــدم لاانه قــالها ..تم ســاكت مب عـااارف شو يقوول يترياها تهــدى..يحـس معـزتها في قــلبه ردت شــرات قـبل واكــثر بعـد ما عرف انها مظلووومه..لو مـاكـان مـالج ليـن الحيــنه جــان مااتردد بانه يدق بااااب بيتهم مره ثاانيه وثااالثه بعـــد..لكـن شكـلها مب من نصيـــبه..
منصـور وحــاس بضييييق وعــوار فالقلب..: عوشه..ربي يهنيــج ويوفجج في حيـــــاتج..واعيـــد واقووووول انا آســف..آســف يا عووووشه على كـل الي ياااج مني..مع السلامه..
مـــاسمع منها الا صووووت صياااحها الي يقطع القــلب..مارام يستحمـــل وبند التلفوووون على طوول..وهي طيـحت عمرها ع الشبريه وانهــــارت من الصيااااح..اااااااااااااه انا ليش حظـــي جييييه لييييييييش..دش عليها جــــاسم مصدوووووم ..سار صووووبها بسررررعه..
جاسم.: عوووووووشه..عوووووشه بلااااااج؟!
عوشه اول ما شافته نشــت وارتمت في حظــــنه وهي ترمس بصوووت متقطع.: اااااه انا محتــاجتلك ...لا تودرني انا محتــاجتلك جاااسم..
جاسم مبــــــهت مب فاهم شو السالفه وخايف عليها.: فدييييتج انا وياااج ما بودرج بس قوليلي اشفيييييييج خوفتيني تراااج..
عوشه...تمــت اتصيــــــح ما رامت ترمــس..يلسها جاسم وهو لاااوي عليها ويهــديها لين ما هـدت شــوي..
جاسم.: عووووووشه دخيلج قوليلي اشفييييييييييج
عوشه.: انا مضــــايجه واااايد..
جاسم.: حبيبي من شووو مضــــايجه..عسبت حمده؟!!..
عوشـه هـزت راسـها بمعـنى هي بس في دااخلها شـي ثاااني,,ضيج اكــبر من ضيجها عشان حمده وزواجها..
جاسم.: ليش انزين؟!!..ربيعتج هااااي المفروض تستاانسيين لها..
عوشه.: والله مستااانسه لها بس بعد مااتحمـل اتكوون بعيده عني وقت مااحتاج لها..انت روحك اتعرف نحن كيف ويا بعـض..
جاسم.: ترى هاي سـنة الحيــاه..جي والا جـي لاازم بيي يوووم وبتعرس وانتي بعـد بتعرسين ان شااااء الله..
عوشه.: انت تم اهني لاا اتروووح مكااان..لو قلت بتسير الكوييت مره ثانيه بدوووسك اف بطـــنك..
جاسم.: هههههه لاا لااااا خلااااااااص مب ساير مكاااان ابغي استقـــر في بلاااادي شـويه..
عوشه.: هيييه جي اوكيـــه..
جاسم.: انزين فــديتج ارتحتي الحينه؟!!..
عوشه.: اممممم يعــني..
جاسم.: خلاااص انتي ارقــدي الحيين وان شاء الله لين باجر بتكونيين مرتااااحه..
عوشه حاست ثمها..: انا يوووعااااانه..
جاسم.: ههههههه جي ما كلتي شي في الفندق؟!!..
عوشه.: لااااااا ما لحقــــت..يعني اقووول لو اخوووي العزيز يظهرني الحينه وياخذلي شي من برع واايد برتااح..
جاسم.: ههههه يالعيااااره انتي..الحيييينه عااااااد!!!
عوشه.: يلاااا دخييييييييييلك اهم شــي اطــلع اغير جــــو..باجر اجااازه ماورانا شي..
جـاسم.: ههههه اسمييييج انتي..يلا انزين انسير..
عوشه حمدت ربــها انه جــاسم ويــــاها والا صــدق كانت بتمووووت من الضييييج..حسـت براااحه شــويه وطـلعـوا بــرع سايريــن صووب السيــاره..وهم يمشـون انتبـهوا لـراشــد كاشخ و طـالع من بيتهم وأميـره وااقفه عـند باب الصاله..اول ما شافتهم مشـت دمووعها بسررعه وسـارت صووبهم..كانت اتصيح لاانه راشـد بيودرها وبيطـلع بهالوقــت ..بيسير المكــان الخاااااايس الي تكرهه..
راشـد.: ها ويــــن ويــــن؟!!..
جاسم.: هههههه هااااي اونه يــوعااانه بسير اخذلها شـي تااكـله..
راشـد.: انزين انت بتسير تااخذلها وهي اشحقه يايه وياااك..
عوشه.: لااااااا ماي بروزر دخيبييييلك ابغي اطــلع اغير جــــو...
أميـره.: ويا هالويه تظهرين هالوقـــت!!..لا وبعـــدها كاااشخه..
عوشه.: ههههه مااتفيجت امسح الميك اب يوووم برد ان شاااء الله..ترانا ما بننزل من السياااره..
راشـد.: قصووورج بعد تنزلين من السياره وانتي جيه..
عوشه.: ههههه لاا ما بنزل ما بنزل..
جاسم.: وانت ويـــــن سااااير؟!!..
راشـد.: انا بسير عند ربيعي يبيني في شغلـه..
جاسم.: هييييه,,ويـــــن يزووووي عيل..
اميره.: رااااااااااقده..
جاسم.: ههههه وانا كـل ما اسأل عنها اتقولووون راااقده..افففف وايد ترقد هاااي..
اميره.: ههههه يالدب قووول مااشاءالله..جسوووم صــدقني لو صاحت بيي بفرها عندك..انا الصرااحه تعبااانه وابغي اررقد..
جاسم.: ههههه عاااادي ييبيها ..فديتها والله..
راشـد يطـالع اميـره.: سيــري شوفييييها يمكن اتصييح مخلتنها رووحها فووووق...
أميـره من كـثر ما مقهووره منه اطـالعته بنظــره وسكتت ما ردت عليييه..
جاسم.: يلا عيل انسير نحــــن..
أميـره.: ديـروا باالكم على عماااركم ..
عوشه.: ان شاء الله ماما..ما بتين ويانا..
اميره.: هههه لااااا ويـــن اييي..انا رووحي راسي يعووورني ..انتوو متفيجين تطلعوون هالوقـت..
عوشه.: ههههه هي والله متفيجيييين..
جاسم.: يــلاااا عيل مع السلامه..
أميـره & راشـد.: مع السلامه..
.......................
..............
.....
.
ومــرت الايـــام عليــهم بسررعه وتقــريبا مــافي شــي اتغيــر..حمـده وحــارب عايشيــن حيــاتهم مستانسيين ومرتااحييين ويـوم عـن يووم حــبهم لبـعض يكــبر..وعوووشه دام انه جـاسم وياها فحـاسه براااحه وخااصه انه اتصالااااتها في حمدووه شرات ماهي تقريبا مااتغيرت.. دووم لاازم يرمسووون بعــض ..وهالشــي مريحنها زيـــاااده..واميــره وراشــد شرات ما هـــم يووووم حلوييين ويا بعــض ويوووم ضرااابه..بس راشــد اتغيــر شــويه..حتى اميـره مااتوقعت هالتغيــير لاانه خـلااااااص غسلت يدها منه..وحســت هالتغييير بسبــة يزووووي..خصــوصا يووم كــبرت شـــويه كــله يــحب ييلس ويااها ويطـلعها ويااااه وياخذلها العاااااب..واااايد يحـــبها وهي بــعد متعلقه فييييه..
يوســـف مستاااانس على هالبيــــزااات الي ياخــــذهم ورى هالشغـــله لاان حـالتهم اتحســــنت وااااايد..الحيــن بس حسـوا انهم عايشين شرااات النــاس..طبـعا هو كـان قـاص على امـه ومفهمـها انه الشغـله الي يسويها عباره عن تجـاره بينه وبين ربيييعه وتم يخـرط عليها لين ما صدقت واقتنعـت وهي مسكينه تحمد ربها على هالخيــر..حتى يـوسف قـدر يتعلم السـوااقه في هالفتـره وياخذله موتـر على قـده من ورى هالبيـزااات..صح انه تمر علييه لحظــات يفكــر باللي يالس يســـويييه ويـحــس بندم لاانه هو عارف ومتأكد انه الله ما يــرضى بهالشي..ويحس بعـذاب في دااخله يووم يتذكـر انه البيـزااات الي غيرت حياااتهم هي بيـزااات حرااااااام..بس يـرد ويقووول غصــبن عنه مجبووووور وغير هــذا سعيـــد شرات الشيطـان واقف فوق راســه هوو الي يشجعه على هالشي..
مــايد مرتاااح ويــا نــواااال وحـــبه لها بــدى يــزييد خـاصه بعـد ما عرف انها حــــامل..
شمـــا عايشـه حيااتها طبيـعيه وكـل همها درااااستها والحمدالله متــوفقه بفضــل الله وفضـل حمده الي اتســاعدها في اي شـي تبغيه وبوقفه امها واخووها وياها..
شهــد بعـد كــل هالعــذاب اتحـس الحيـنه براحه نفسيـة لاان امها وابوووها ويــاها واتغيــرت وااايد عن قـــبل..واتعــلقت اكــثر في اخووها نــاصر وحتى ناصر بعــد ..محد اتوقع انهم يكــونوون جي ويا بعـض لاان قـبل كـله يضااربوووون..مـا خبـروا ام وابووو شــهد عن الي سـوته يووم شـافووها اتأدبت و بعـد ما بغـوا يزيدوون عليهم رووحهم حالتهم حــاله بعد وفـاة ميثــه..
.
.
ومــرت سنــه وهم على هالحـــــال
.
.
دش البيــت وكــان شــالنها وهي اتطــلع اصــوااات ماادري شو تخربط وشو تقووول..ماشاءالله عمرها سـنه الحينه وكمن شــهر وتمشــي بعـــد..وهووو كـان يضحك عليها..صـعد فوووق وسـار صوووب الحجـره لقاها مقفووله..دق البــاب وهوو مستغـــرب من كمن يوووم وهي تقفل الباااب على عمرها..
اول ما سـمعت صووت دقات البـاب مسحـت دمووعها على طووول وسارت بسرعه صوب المرايه تشووف ويهها..حسـت انه مبين انها كـانت اتصيييح..سارت صووب الحمام وغسلت ويهها ونشفته وحست الحينه احسن من قــبل..وسارت بطـلت الباب...
مـريم وبابتســااااامه عريـــضه ولا جـنها كـانت تصيح..: هــــلا والله..فديييييييييييت هالويه انا..
حمد.: ويه امنووووا انا والا هااااي
مريم وهي اتشــل يزوووي من عند حمد.: هههههه يزووووي طــبعا..( اترمس يزوووي)..حياااااااااتي انتي تولهتي على عمووووه صــح!!..يلا قووولي عموووه قولي عموووه..
يزووي اطـالعتها وهي مبتسمه..
مريم.: ههههههه فديتها هالبنت قمر..يلا حبيبي قولي عموووووه..
يزوي..: اووووو
حمد.: ههههههه وانا ياي اقوولها قولي خاالي اتقووول اييييي..
مريم.: هههههه فدييييتها يا ربي..الله يحفظـــها ان شااااء الله..
حمد يدش داخل ويسكر الباب وراه.: تعاالي اشحقه قافله الباااب؟!..
مريم اتسير تيلس ع الكـنبه ويزوووي في اثباانها .: هاا..ماشي بس جيــــه..اقفله وانســى ابطـله..
حمد اطـالعها باستغـــرااااب وسار يلس عندها.: مريم انتي هاليومييين احسـج مب طبيعيه..كـله تبين تقعدين برووحج وتقفلين على نفسج البــاب..حبيبي اشفيــج
مريم.: امممم ماافيني شــي..
حمـد.: حتى الحيـنه يووم رحت عنج قلتيلي بتيــن بيت ابوويه لكـن ما شفتج ييتي!..
مريم.: كـنت تعبـانه شوي ما رمـت ايي..
حمـد اتقرب منها اكثر وبطـل عيوونه.: تعـــبااااانه!!..اشفييييج؟!!..اوديج المستشفى!!..
مريم.: ههه لاا لاا حبيبي لا تحااتي مافيني شي انا..بس تدري من تعــب الدوااام..
حمد.: متأكـــده مافيج شــي؟!!..
مريم ابتســمت له من ورى خاطرها.: هــــيه متأكده..
حمد.: هييييه صح نسيـــــت اقووولج..بســـتوي خاااااال للمــره الثـــانيه..
مـريم بطـلت عيوونها متــــفااجئه..: والله؟!!!..حمدوووووه!!!!!!!!!
حمد.: هههههه هيييييه..
مـريم.: هههههه ماشاءالله زيييين زييييييييين..تستاااهل والله..هي في بيت عمي صح؟!!..
حمد.: هي كــلهم هناك..
مريم.: يلا تعاااال انسير عيل ببـــارك لها..
حمــد.: اووكي حياااتي يلا نسير..
.
.
في الصـــاله كـانوا متيمعيــن حمده واميــره وعوووشه في صوووب..والصوب الثاااني ام جـاسم وام حمــد ..
عوووشه.: ماايخـــــصني اذا بنت اتسميييينها عووووشه..
أميـره.: ههههههه يا سلاااااام الام رووحها خبله بعد تبيــن البنت تطـلع خبله!!..
حمده.: ههههههه جب انزيييين عقلت عقلت خلاااااص..
عوشه.: لاااا وييييييين ..بعـــدج حمدووووه الخبله لا تحاولييين..اووووونه بتستوي أم..هههههه مااتخيلج حمدوووه..
حمده.: هههههه ليش ان شاااء الله ..شوو ناقصني
عوشه.: هههههه مووول مب لاايق عليييح..شرااات ما قلتلج هااا..اذا بنت عوووشه..واذا ولد اممممم عااايش ههههه..
حمده.: ههههههه مااتخيل ولديييه اسمه عاااايش..صدقيني بتبرى منه ههههههه
عوشه.: هههههههه خلاااااص من اليووووم بسميج ام عاااايش..
اميــره.: هههههههه يعني انا بكووون خــالة عااااايش
عوشه.: هههههه وانا بنت عم ام عاااااايش..
حمده.: ههههه اتخسين انتي وياااها..
في هالوقــت دشت عليهم مــريم روحها.. سـارت صووبهم سلمت على ام ريلها ومرت ابووها اول شـي وعقب سااارت صوووب اميره وحمده وعووشه..
أميـره.: هههههه تعالي تعااالي مريووووم..باركي حق ام عااااايش..
مريم.: حمدووووووه فــــديييييييتج ..الف الف مبرووووووك..والله فرحت لج من خاطريييييه..
حمده.: هههههه الله يبااااارك فيييييييييج عقبااااااالج ان شااااااء الله..
مريم اطـالعت عووشه الي كــانت مــوخيــه راااااسها من شااافت مـــريم حااادره عليهم..ومبين عليها اضااايجت..سارت مريم ويلست عــندها وهي مبتسمــه وجنها مب مهتمه..: ان شااااء الله..ههههه شو السااالفه سمعت اميرووه اتقول ام عااايش..
حمده.: ههههههه هااااي عوشوووه ويا راااسها اونه اذا بنت سميها عووشه واذا ولد عااايش..والحينه حاطين عليه ام عاااايش..
مريم.: هههههه انزين شو بلااااه عايش..حلوووو
أميـره.: ههههههه تعالي يزووووي وينها..
مريم.: يزوووي عند ابووها ياا توه بيتنا ويالس ويا حمد..لو تشوفيينها شو ســوووووت يوم شااافت ابوووها..هي كـــانت عندي واتطيـــح عمرها عليييييييه ..واتزاعج باباااااا وباباااااا..
اميره.: هيييه ويا راااااسهااا..حتى مرااااات اقوولها قولي مامااا..اتقووول بااباااا..تقهررررني..
مريم.: ههههههه فديتها والله..
نشـــت عوووشه من عــندهم مــره وحده وشــافووها وهي تــركــب الدري..دشت حجرة حمده ويــلست ع السريييير وغطت ويهها بايدينها وتمـــت اتصييييح مارامت اتيود عمـــرها أكثــــر..
اميـره باستغــراب.: اشفييييها؟!!!...
حمــده اتهز جتووفها.: ماادري..
مريم نـزلت راااسها وفيها صييييييحه..خايفه لا تنفجــر من الصياااح جدامهم وتنفضــح..لو شوو مااتخلي عمرها مستااانسه جداامهم بس في قــلبها تتألم وتتعــــذب..ندمااانه قد شعر رااسها لاانها خـبرت عووشه بالســـااااالفه وضيجت البنت وياااها..
...........................
في هالوقـــت كـانوا في المطــبخ يزهــبووون العشـــا...
نــوال يـالسه ع الكرسي ومتســـانده..: لا تنسيــن كثري الملح واللوومي في السـلطه..
منى.: انتي يباااالج ضرب انزين..ياااالسه وتتأمر حضــرتها..قلنا حاااامل بس مب جييييه تستوين هييييزه..
نوال.: ههههه سيري لااا رووحي فيني رقااد ومب متفيجه حق شي..
منى.: عنبووووو ما تشبعيين ارقااد انتي..كله تبا ترقد..
نوا ل..: ههههه شسوي هذا وحااامي..
منى.: ههههه شكـله الي اف بطـنج بيطلع كسلااااااان..
نوال.: ههههه هي شكـله جييييه..
منى.: اففففف متى بيطــلع..في اي شهــر انتي الحينه..
نوال.: في الســااادس..
منى.: ايهيييي انا اتحراج في السااابع..
دش عليـــهم مــــايد في هالوقـــت ..
مايد.: خييييبه انتو لين الحيــــنه ما خــلصتوا..
منى.: والله كــله من حــــرمتك ويا راااسها..قالتلي بنسير انسـوي عشاااا وهي حضرتها من اول ما حدرنا المطــبخ متفييزره على هالكرسي وتتأمر سوي جيــه وســوي جيه..
مـايد.: عااااادي من حقـــها ,,,( يغااايض منى)..نوااااال تعالي ريحــــي داااخل اشحقه يالسه اهـــني بعـد مافينا تفوووح منج ريحـة الاكــل..اصلا انا قاااايلج المطــبخ لا تدخلييينه..
منى.: عشــــــــــــــتوا.. جي بنت امنوووو عسب ما تدخل المطـــبخ..اوووكي اوووكي ما عليييه..ييبووولكم عشاا من برع تحلموووون تاكلوون ويايه..
مـايد.: ههههه وهــذا الي بنســـوييييه..شو بايعين عماارنا ناكل الي تســويييينه..وليش انيب لييين البيت..يلا نوال قومي قومي اتزهــبي بنطـــلع بنسير نتعشـى في مطــعم..
نوال.: ههههههههه اوووكي حياااتي انا اصلا زااهبه ما يبالي شي بس البس عباااتي وايييك..
منى بطـــلت عيووونها تتطــالعهم..: شوفووووو انتووو هايييييييييله صدق ما يستحوووووووون..انزين نوالووووو..سيري سيري خلي اكــل المطــاعم ينفعج..بس مره ثااانيه قوليلي نسيـــر نطـــبخ شوووفي شو بيتسوي فيج..
مايد.: هههههه قايلتلها بنسير نطــبخ وانتي روووحج يالسه..
نوال.: هههههههههههه شسوي انزييين والله مب متفيجه اسوي شـــي..احسن منووووه بلااااج..عسب يوم بتسيرين بيت ريلج ما تفضحيييينا واتسوين له الي في خـــاطره..
مايد.: هههههه الله يعيييينه هالريااال..شكله كل يوميييين بيباات في المستشفى..
نوال.: هههههههههه هي والله..
منى.: قولوووا قولووا الي تبوووونه...انا بســـكت ما بقووول شـــي..ان ما يلست جدااامكم الحييينه أتــلذذ في الاكــل وانتو تطاالعوووووني وتتمنوووون بس لو تاكلوون وياايه ماكوون انا منووووه..وانا ادريبكم يواااعه..
مايـد.: هههههه كيفج بطــنج بيعـــورج..
منى.: هههههه عادي نفااااااااااد..
..............................
اليـوم الثـاني,,,كـانت يــالسه في الصاله واترمسـها في التلفووووون وهي منصعقــــه من الخـــبر الي سمعــــته..
ام حمد.: ويدييييييه انتي شو تقوليييييين..من ويــــن ياااايبه هالرمسه ياام جااااسم
ام جـاسم.: والله العظييييم انه عووووشه بلسااانها قالتلي..
ام حمد.: لااااااااا مااصـــــدق..شقـــاااااايل جــــيه ..ليش حمد ما خبرني!!
ام جاسم.: هي ما خــبرت حمد اصلا..اكيييد خــايفه اتقوووله..
ام حمـد.: لا دخييييييييلج ياام جــااااسم قولي غييييير هالرمســــه..يعني شوووووه..ما بشوووف عيــــال ولديييييه..!!!
ام جـاسم.: وليييش مااتشوفييييين.!!..ان شاء الله ناااويه اتخلينه جيـــه؟!!..
ام حمـد.: يااختيييه والله ماادري شو اســـوي انتي صدمتينييي..
ام جـاسم.: والله هـــذا الي انا سمعته..هي رووحها خبرت عوووشه انها عقيم ومااترووم اتيب عياااال..ياام حمد الله يهــديج يعـد ما يبيــــله..انتي من اليوووم لاازم اتدورييين له حــرمه ثاااانيه
ام حمــد شهــقت..: يتزوج على مــــريم!!!!
ام جاسم.: هييييه وليش ما يتزوج علييييها..عيل تبين تحرمين الريااال من العياااال..حرام عليييج ياام حمــد..
ام حمـد.: لاااا والله فــديييت رووووحه ماابغي احرمه بس تهقيـن مريم تــرضى!
ام جـاسم.: واشعليييج منها انتي ..ترضى والا مــا ترضــى..اصلا غصــبن عنها تــرضى لاان العيــب فيها..
ام حمـد.: اخـــبرج هذوو حمد توه داش البيـت ..بخليج عيل..
ام جـــاسم.: زيين فـديتج وحاااااولي تقنعينه..
ام حمـد.: هي اكييييد..يلا مع السلامه..
ام جاسم.: مع الســــلامه..
يــا حمد صوووبها وحــــب راااسها .: اشحااااالج اميه..
ام حمد.: بخير ربي يسلمك اشحالك انته
حمـد يــلس عندها.: انا بخير دامج بخييير يالغااااااليه..
ام حمــد.: فديـــتك والله,,,عيل مريم وين؟!
حمـد.: مريم في البيــــت رااقده..
ام حمـد.: هييه انـــزين..الا بتخــبرك هي ما رمســتك عن شـي هاليوميين؟!!..
حمـد.: اترمسني عن شوووه يااميه!!...
ام حمــد.: يعــني عن شي جاااايد صاير مثلا..
حمـد باستغــراب.: شــي جاااايد!!..مثل شوووو..اميه شو السالفه شو مستوي؟!!...
ام حمــد.: يعني معقوووله خاشه عنك؟!!...
حمـد.: شووووه امييييه شو الساااالفه..
ام حمــد.: يا ولــديييه والله مب عااارفه شوو اقــووولك بس لااازم اتعـرف انه مـرتك مــريم عقييييم ومااتييب عياااااال..
حمد فــج عيووووونه في هاللحــــظه وهو يطـالع امه..وشكـله مب مستوعب الي سمعه..
ام حمد.: بلااك تطالعني جــذه..هــــذا الصج يااميــه..واكبر دلييل انه صارلكم سنه وخمس شهوور متزوجيين ولين الحييينه ما حمــلت..
حمـد لين الحينه فاااج عيوووونه مصدوووم.: اميـــه في بعــضهن عشر سنوااااات وعقب يحمــلن..
ام حمـد.: هي ادري..بس مرتــك لاااااا.. راحت عند الدختر وقالولها هالكلاااااام..
حمـد صووته بــدى يعـلى.: اميييييه انتي من ويــــن يايبه هالكلااااااام!!!...
ام حمـد.: منها هي..خــبرررت عوووشه وعوشه خــبرت امها وعلى طوول قالتلي..
حمــد صــخ مــره وحده وتم فااااج عيوووونه مب عارف شو يقوووول..
ام حمـد.: شوووف يــا حمد انا مستحيل اخليك جـذه بدوون عيــال..انت لاازم تتزوج..
حمـد اطــالعها وهووو منصــعق..نش مــره وحـــده وطــلع من بيــت ابوووه ســاير صوووب بيــــته..يحـس عمره ضااايع مب مستوعب شي لين الحيـــنه...دخـل البيت وركب الدري ومشـى بسررعه صوووب الحجـره..فج البـــاب ولقاها رااااقــده ومتلحــفه ..يلس ع الشبريه من الصووب الثاااني وشـل عنها اللحــاف بهدوووووء وانصــدم من الي شــــافه ..مـــريم كــانت ذااابحه رووحها من الصيااح واول ما شافته انصــدمت هي بعـد لاان مااتــوقعت يشووفها وهي بهالحــــاااااله..قفطـت وما عرفت شوو اتسـوي وهي اتشوووف نظــرات الصــدمه في عيوووونه..نشـت وعدلت يلستها ومسحـت دمووعها وابتســمت..
مـريم موخيـه راااسها.: هلا حبيبي..
حمد لف ويهها صوووبه وخــلاها اتوايهه..: مــــريم صـــدق الي سمعته!!..
مـريم اهـني حســت ببروووده في جســــمها كـله من القفطـه والصـــدمه لاانها حســـت انه عـرف بالسااالفه..في داخلها تــدعي انه ماايكووون عـارف شـي..بصووت واااطي..: شو سمعــت؟!!..
حمـد.: مـــــريم انتي مااتيبين عياااااااال..!
مـريم اهـني انقبض قـلبها وتمـت اتصيـح بصوووت عاااالي شراااات اليـــــهااااااال...
حمـد وهوو يصــارخ.: جــــــــــذاااااابيييييييييييين...قصـــوا علييييييييج اصلا..وانتي على طووول اتصــــدقيين!!..
مـريم يــالله ينفهم شو تقوول من زود الصياااح.: انا ســـرت كشفت عــند دكتوووره متخصــصه يايه من المــــانيا وقالتلي هالكــلاام..حمد انا عقيييييم انا عقييييييييم..
حمـد.: جـــــــــــــــــــذاااااااابه..هاذيــــله ماايعرفوووون شــــي..
مريم.: اذا هـذيلا ما يعرفوون شــي عيل منوو يعرف!!..
حمد وهوووو يصااارخ باعــلى صوووته.: انتي تبييييين تخـــــبليييييني!!..تبيــــن اتقووووولييييييين اني خلاااااااااااص ما بستـــــــوي ابوووووو..!!...
مـريم اتهــز راسها بمعــنى لااااا..: لااااا لااااا وامنووو قالك ما بتســتوي ابوووو ( مســحت دموووعها وابتسمـت بالغصــب)..ان شااااء الله بتســتوي ابووووو..حمد انته بتتزوج..
حمد اهــني فج عيووونه منصـــــعق.: لاااا انتي اكيد مب صاااحيه..
مريم.: هههه لا حبيبي انا صااااحيـــــه ومن صــجي قاعده اقووولك هالكــــلاام..وخل العروووس عليه انا..
حمــد.: انتي هــــــــــــــبله ..غبيـــــه ...مينوووووووونه..يالسه تستعبطين عليه حضرتج!!!
مريم وهي اتصيـــح بحررقه.: لاااااا حمـــد صـــدقني من صـــجي والله من صـــجي يالسه ارمســــك..انته لااااازم تتزوج لااااااازم..
حمــد يــــصااااارخ.: مريم صدقيييييييييييييني لو قلتيلي جي مره ثااااانيه بتشوفين مني شي عمرج ما شفتيييييه..وخلي عنج هالخراااااااابيط وان شاااااء الله اليااااهل الي بييني بيكوووون منج انتي...
مريم.: حمد دخييييييييييلك لا تحـــط لنفســـك امل..انا قاااالوووووولي انتي عقييييييييم...
حمد.: يلتعنووووووووون...انتي اشعلييييج منهم..كـــــل شي بإرادة رب العاااالميييين..هم اشعرفهم..
سكـــتت مريم عنــه وتمــت اتصيــــح من خـــاطرها..اتقــرب منها حمــد ولــوى عــــليها .: بس حيااااااتي بس..لا تصيحييييين ما عليج منهـــــم خياااااس قصـوا عليييج..مـريم اهـني صاااحت زيااااااده وحســت بعذاااب في دااااخلها لاان حمد قاعد يوووهم نفســه وهي متأكـــده من الي سمعته..
.
.
أصعب اللحظـات الي مــرت على مـريم.. قضـــت يوومها كــله بصياااااح..مووول ما غمضـــت عيووونها في هاليووووم كــانت ســهراااااانه طوووول اللليل..ااااه يــــا ربييييي..انا الي اموووووت في اليــهاااااال جي يستوي بي..لييييييش ليييييييش..من مـــتى وانا اتـــريا اليــــاهل واخر شــــي يصدموووني بهالخبر حراااام والله حـــرااااااااام..يكفي اني عااايشه طوووول عمري محروووومه من ام..والحيـــن اكتشف اني محروووومه حتى اكوووووون ام..اااااااااااه ليش يصير فيني جيـــه لييييييييييش..استغـــفر الله يــــا ربي استغفـــر الله..اللهم لا اعتـــــراض..الي قاااااهرنها انه حمـــد ولا جـــنه سمع شــــي..يسووولف ويضحــك عاااادي مووول مب مصـــدق الخـــبر..مـــريييح نفســــه ع الاخـــــر..ليييين اليـــوم الي عقـــبه حســـت به صــدق نش من غفــــوته يوووم دشــت بيت عمها وكــان يالس ويا امه فالصــاله وماانتبهـوا لمريم يوم دشــت لاانهم معطيـنها ظهورهم..
ام حمد.: علشاااان خـــاطري انا يا حمـــد..(دمعـــت)..ترضــى يااميـــــه امووت قبل لا اشوووف عياااالك..
حمد حــب راســـها وهووو مضااااايج..: يعـــل عمرج طويييل يالغاااليه ..ربي لا يحرمنا منج لا تقولين جييه..
ام حمـد.: اذا صـدق اتحب امـك بتتزوج..
حمـد.: اميـــــــه بس عااااااد ..ليش اتزوج!!!..انتي صــدقتي انه مريم مااتيب عيــــال!!..
ام حمـد.: هي عيل شووووه..هي بروووحها اتقووول..خلااااص يااميــه اغسل ايدك منها ما بتييب لك عيااال..لاااازم تتزوج لااازم..
مــريم حســت قــلبها اتقــطع في هالوقت وغمضـت عيوونها متألمه من الداااخل ومـب قادره توقف دمووعها.مسحتهن وســارت صوووبهم..
مريم.: هيييه حمــد..اغسـل ايدك مني انا ما بييب لك عيااااال..
ام حمـد.: ودام انج اتعرفين هالشي اشحقه ماااتحنيين عليه يتزوج..والا تبينه يتم طوول عمره وياج محد يشاركج فيه..
مـريم ترمس بعذااااب واتصيح.: والله والله خالوووه امس طوول اليووم وانا احن علييه واقوووله اتزوج لكـن هوو مب مصـــدق لين الحينه..
حمـد.: طــبعا ما بــــصدق ,, انتو قاصين على عماركم اصـــلاا..سايرتلي عند دكتوووره وحده غبيه مااتعرف شـــي قالتلها هالكـلام وصــدقتها..انا لو ابغي اعرف بودييييج بـــرع صووب لندن مب اهـــني..ماايعرفووون شي..
مـريم.: حمد اول شــي انا مـاسرت عند دكـتوره وحـده بس..انا ســـــايره عند كمن وحده واكدووولي هالكـلاام..وثاني شي آخر دكتوره سرت عندها قلتلك انها متخصصه ويايه من المـانيا..والدكاتره الي في المانيا احـسن بوايد من لــندن..هاا شــو رايــك..قووول انك مب مصدق بعـــد...
ام حمـد.: هااااا سمعـــت..يعني خلااااااص مافي الا انك تتزوج عليها..عيل تبا اتم طووول عمرك بدووون عيااال..
حمد فاجئهم بابتســــامه ..: عااااادي..بتم طووول عمري بدووون عيااال ..ماابغيييهم اصلا اذا مب من حبيبتي وعمري كــله مــريم..
ام حمـد اطـالعته مبطله عيوونها وعصـبت.: لاااااااااا عاد اذا انت ما تبغي نحـــــن نبغي..شوووووف يا حمــد..والله..والله لـــــو ما رضيييت تتزوج لا اني امـــك ولا اعــــرفك..(وبــدت تصيــح)..
مـــريم اهــــني تمــت اتصييييح بصوووت عـــالي وهي تطـالع حمد..وحمـــد منصـــــعق من الي سمعـــه حس عمــره ضااااايع ..نش من مكـــانه بسرررعه وطــلع من البيـت وهوو مصدوووووم..
مريم اتقـربت من ام حمد ولوت ع جتفها وتمــت اتهـــديها وهي رووحها ميــته من الصياح..دشت أميــره في هالوقت وهي شاله يزووي..يلستها تحــت وسـارت هي صووبهم وهي فاجه عيوووونها منصــدمه ..
أميـره..: بسم الله اشفيييييييييييييكم!!!...
مريم اول مـاشفتها نشـت سارت صوبها وقبضت ايدها.: اميـــره الله ياااابج..تعالي تعالي يلسـي برمسج عن شـي..
أميـره .: اول شي قوليلي اشفييييييييكم..امااايه اشفييييج؟!!..
مـريم.: يعني مااتعرفييين..كـــله من اخووووج..خالووه اضطرت تحــلف اذا مااتزوج لا هي امه ولا اتعرفه..
اميـره اهني شهقـت وهي تطالع امها وسارت يلست عندها.: ليييييييييش يااميــــــه؟!!..حراام عليييج..
ام حمـد.: حـــراام عليييه هووو الي يبا يحرم نفسه من العيااااال..
أميــره اطــالعت مـريم في هالوقــت وهي فاجه عيوونها منصـــدمه انه مــريم عاادي عندها..
مـريم سارت يلست عندها.: اميـــــره,,,العروووس بتكوون من صوووبج انتي..
أميـره.: شووووه..من صوووبي انا!!!..
مـريم.: هي من صووبج انتي..ربيعتج نـــــوره..مب مخطوووبه صــح؟!!..
أميـره بطلت عيووونها ع الاخــــر بصـــدمه..: انتي من صجج..
ام حمــد.: هيييه نـــوره خوووش بنيه وتناااسب حمــــد..
أميـره لين الحين مصووبه نظراااتها صووب مريم.: مريوووووم انتي عااادي عندج اتيوزييين ريــلج!!!..
ام حمـد.: هيييه وليش مب عااادي..الحرمه العااجل جي تســوي يووم تعرف انه العيب منها..
مريم وهي تتعذب من الداخل بس محد حاس فيها.: هيييه صــح كلاااام خالووه..صدقيني اميــره انا راااااضيه..يلا شو تتريين..اتصلي في نوووره..
أميـره.: نووووره عاااااد!!..
مريم.: هي شو فيها نـــوره..غااويه وحبووبه..وتراااها ربيعتج وانتي اتعرفينها عــدل..
أميـره فيها صيــحه.: حرااام مريوووم..صدقيني بتندميين عاللي تسويييينه..
ام حمـد.: يلا عااااد اميرووووه اتصلي فيها وفكيـنا..لا بتندم ولا شــي..مــريم وحده متعلمه وفااهمه الدنيا عـدل..
مريم ابتســمت غصبن عنها.: يلا عااد امييييره اتصلي فيها..
........................
نـــــزل من السيــاره وكـان الوقت متأخـــر..دز باب البيــت وحــدر دااااخل ..مــره وحــده دعم اليـــداااااار لاانه مب حاااس اف عمـــره..كمــل دربـــه وهووو مب معــتدل في مشيـــته وغير هــذا يغني وناااسي عمره..(لا تجــرح احسااااااااسي..انا انسااااااااان حسااااااااااسي..)..دش الحجـــره وهوو على هالحاااال..كــانت راااقده وسمــعت صووووته..نشـــت بسرررعه ويلســت ع الشبريه مبـــطله عيوووووونها من الي تشوووفه..بغــت تتخبل يووووم شــافته جييييه..نشـــت من ع السرييير بسرررعه وربعـــت صووووبه..ويودته من جتوووفه وتمت اتهــزه واتصاااااارخ..(يوووووووسف شوووووو هااااااا..شو هااااااااااا انت شو مســــوي اف عمرك)..
يوسـف.: لا تجــــرح احساااااااااسي..انا انســــــان حسااااااسي...فج رووحه من عند امـــه ومشــى عنها وهوووو مــب مركــز..راح صوب السرير وطاااح عليها على طوووول وما حـــس الا وهوو في ساااابع نووومه..عايشــــه اهــــني انصــــعقت كــانت مبــطله عيووونها تتطـــالعه ومــره وحــده حـطت ايدينها ع ثمها وانهـــــارت من الصيااااااح..
...........................
كـانت متســانده ع الســـريير وهي منهمــكه في التفكيــر من الي انقـــال لها اليووم الظــهر..مــب راااايمه تــرقد من التفكيــــر..لاا لاا..كيــــف آخذ وااااحد متزووج كيـــــف..ومتزوج امنوووو!!..مـــــريم..لاااا حراااام..بس..بس هي رااااضيه ..وهي الي رمستني وقــالتلي..وتمت تترجاااااني..مسكييينه والله ما تستاااهل الي صااابها..انزين يوووم انه هي رااااضيه انا ليــــش ارفض..هذا اخوو اعـــز ربيعااااتي..وغير هــذا انا بموووت لو تميت في هالبيييت زيااااده..خلااااص مااقــدر استحـــمل..اصلا لاازم احمــد ربي انه الفرصـــه يتني عسب اطـلع من هالبيت وافتــك..عااادي شو ما يكوون الرياال اهم شي افـــتك..بس لحــظه في شــي انا نااااااستنه..رااااااااااااشد..كيف طــلع عن باااالي هالشري..شو بيســوي لو عــرف اني باخذ ولـد عمـــــه..وبكووون الزووجه الثااانيه على اخته مـــــريم..اوووووه وانا ليش زااايغه منه لين الحيـــنه..خ يولي اصلا ماايروووم يســوي شي.. هااااي فرصـــتي عسب اخـــليييه يعــرف انه نوووره الي قص عليها واحتقرها واهانها ومااتنزل ياخــــذها..بياخذها ولــــد عمـــه..لاااااا وعلى اخته مـــريم بعـــد..
.
.
اليــوم الثااااني اول مــــا نتشت شلت تلفووونها واتصـلت في اميره على طووول..
اميره ومبين عليها كانت راااقده.: الووو
نوره.: هههه صباح الخير..
اميره.: نورووووه يبالج ضــرب..حد يتصل هالوقت!..
نوره.: ههههه نشي بسج رقااااد...
اميره.: جي انا رقـــدت!!..يزووووي طول الليل اتصيح ماادري بلااااها..
نوره.: فــديتها انا يمكن تعبااانه جان وديتيها المستشفى..
اميره.: راااقده الحينه..
نوره.: امممم انزين اميـــره..
اميــره.: هاااا شوووو..هي والا لا..
نوره.: هههه ويا فيسج انا موااافقـــــــــــه..
.
.
الجزء الرابع والعشرون
أميـره حسـت بنغـزه في قـلبها جـنها مااتوقعت ردها..وحز في خاااطرها واايد يوم تذكـرت مــريم..
نـورة.: الووو..أميرووه بلااج صخيتي
أميـره مغتبــنة.: لااا..لااا ماشي ..فاجئتيني الصراحه..خلااص انا بخبر الوالده عسب تتصل في امج..
نـورة ماارتاحت.: أميـــره اشفييييج..بلااه صوتج انجـلب..
أميـره نــزلت دمعـتها.: هههه مافيني شي نوروووه مستاانسه لاانج بتصيرين مرت اخوي..
نـورة.: ومــريم!
أميـرة ما قدرت تستحمـل ,,صاحت.: مــريم مسكيــنه..طول عمرها عايشه بدوون أم,,وانحـرمت بعد انها اتصير أم..
نـورة بضيـــج.: وانا بكـل وقاحه ايي اخذ ريـلها منها..
أميـرة.: لا حبيبتي لا تقولين جيـه..مريم رووحها تبـغي هالشي..
نـورة.: انزين واخــوج؟!!..
أميـرة ارتبكـت .: هااه اخووي!..شو بلااه ؟!
نـورة.: هو مواافق والا لا؟!!!
أميـرة.: نورووه بلااج..لو ماكان موافق جان ما خبرتج..
نـورة.: زين خلااص فديتج بخليج..
أميـرة.: اوووكي عيوني مع السلامه..
نوره.: مع السلامه..
نشـت أميـره من السرير وسـارت صوب منز يزوووي شافتها رااااقده..تمت تتأملها وهي مبتسمه وتتفدااااها في خاااطرها..فدييييتها يا ربيي اموووت في هالبنت انا..يعلني ما خلا منها فديت روووحها..عقبها فكـرت تتصل في مريم عسب اتقولها انه نورة وافقت..اضاايجت واايد من هالشي..منو كـان يتوقع يصير جيه بين مـريم وحمـــد..مب قادره تتخيـل كيف حمد بيتزوج على مـريم..هي اكثر وحده اتعرف كيف هوو يحبها ويمووت فيها..لين الحيــنه ذكـــريات قبل في باالها..يووم ايخطط وياها كيف يتلاقى ويا مريم ويسوولف وياها ..اتحس بعوااار في قــلبها..اذا هــي اتحس بهالاحسااس عيل مريم شووووه..دمعـت عيوونها في هاللحظه ..مسحتها وشلت تلفوونها تتصل في مريم..لاان هي قالتلها اول ما نوره اترد عليها خبر تتصل ابها..ااااااه مااقول الا الله يعيــــنج يا مـــريم والله يسـتر من الي سويتيييه ويبتييه حق عمرج مااظن بترتاااحين وانتي تشوفين حمد وياا غيرج..
مـريم ردت عليها بصوت مبحوح.: الووو..
أميـره.: صباااح الخييير مريوووم..
مريم.: صباح النوور هلا اميره..
أميـره.: مريووم بلااااج..انتي في الدوام؟!..
مريم.: لا ما داومـــت اليوم..
أميــره.: لييييييش؟!!..
مـريم ما راامت تستحمـــل صااااحت على طول.: اميييييره حمد من امس ما رد البييييت ماادريبه ويييين ..اتصل به تلفوونه مغلق..اميره والله طوول الليل ما رمت ارقد لين الحينه عيوووني ما غمضت وانا اترياااااااه ..انا خاااايفه علييييه خايفه علييه واااايد اميرووه دخيلج قوليلي شسوي..انتي مااتعرفين وييييينه !!
أميــره شهــقت وهي مبهــته.: انزيييين اتحركي سوي شي سيري بيييت ابوووويه يمكن هوو اهناااك..او يعرفوون عنه شي..يعني وين بيكوووووون..
مريم.: رحــــت وسألت محد يعرف عنه شي امج رووحها اتحاتييييه..
أميـره.: انزين يلا يلا انا بسكر عنج الحينه وبتصل به يمكن ايرد..
مـريم.: خلااص اوووكي..
سـكرت عنها أميــره وقبضـت مريم تلفوونها وتمـت تتطـالع فيه وتصيييح بحـــرررقه..ااااه حمـــــد ويــنك..دخيلك اتصل طمني عليييييكـ..بس مااتحمــــل بعــدك والله مااتحمــــل..حطـت ايدينها ع ويهها وتمت اتصيح بصوت عااالي..مـارامت اتم يااالسه جيه..شلت عنها اللحــاف وقالت بتسير بيـت عمها يمـكن عرفوا عنه خـــبر..طـلعت من الحجـره ونـزلت تحـت وهي تمشـي بسررعه صووب البــاب..اول ما تبـــــغي اتبطــــله اييها صووووت من صوووب الصااااله تلتفت صوووبه بسررعه واتفــــج عيووونها..في هاللحظه حســـت الروووح ردت لها..حطت ايدها ع قلبها وخذت نفس عميييييق..وربــــعت صوووووبه ولوت عليييييه وهي تصيييييح شرااااات اليهااااااااال..
مـريم.: حراااااااااام علييييييك تسوي فيني جييييه والله حرااااااام..انت وييييينك
حمد ابتسم ابضيج ولوى عليها جنه مب شايفنها من سنيييين.: اتولهــــت عليييييج يا قـــــلبي..
مـريم وهي بالزوور ترمس من زود الصياح.: وانا اكــــثر حبيبي وانا اكـــثر..ليش ودرتني بروووووحي حرام عليك..
حمد.: حيـاتي بس اهـــدي..
مـريم تمـت اتصيح مـب قادره اتهـدي..من الضييج الي اتحس فيه..اتحـس انه هاللحظات الي اتعيشها هي اتعس لحظات في حياااتها..عمرها مااتوقعـت انه اتمر عليها هالايــام..عمـرها ما حطت في بااالها انه كـل هذا يصـير فيها..حسـت انها ويــا حمد بتعيـش اسعد انسانه في الوجود وللابـــد..صح حطت في بـالها انه لاازم بتصير مشـاكل او اشـياء اتعكر عليهم الجـو..لكــن شرات هالمصيبـــه مااتوقعـتها..هي لين الحين مصدوومه كيــف تنحــرم من اليااهل الي كـانت تتريااه على احر من اليمر..مـب قادره تتخيـل انها مــا بتصير ام..وانها مـا بتقــدر اتفـرح حمـد بيــــاهل يثبـت علاقتهم ويتمـوون مع بعـض طول العمر مرتااحين ومستانسين..تمـت اتصيـح وتصـيح بحررقه وحمد قلبه يتقطـع عليها وهـو بعـد مب احسن عنها.مضــايج من الخـاطر ومصدووم من كل الي يصير فيه.. وهذا واااضح من ملامح ويـهه الي يمــليه الحـــزن..تم يهـديها ويـلسها ع الكنبه ولوى عليها..هـدت اشويه وهي حـاطه راسها ع صــدره..وهـو كـان متساند ورافع راسـه ولا اراديا الدمووع تنزل من عيوونه مب قادر ايودهن..ايحـس انه خلااص صاير انسان ضعيــف مب رايم يقاوم دمووعه..تم فتـره على هالحـال يفكــر بالي يصير فيه وهو بعـد شرات مريم مااتوقع هالشــي..دوووم يحـلم باليووم الي اتيــله مـريم وتبشره انها حـامل..مـب قادر يستوعـب كيـف مريم ما بتيبـــله عيااااال..نــزل راســه وشـــافها مغمضه عيووونها ورااااقــده..غمضـه شكـلها وااايد واتلـوم لاانه راااح عنها ومـاخلاها ترقـد فالليل..تم يــــطالعها ويتأملها..فـــديت روووحها انـــا,,اكيــد تعبااانه من الســهر..آآه حيااتي ثرج مااتعرفين كيـــف انا كـنت متعـــذب في ذيج اللحظات..والله اني مااتحمـــــل فراااااقج ثوااااااني حبي بس غصـــبن عني رحــت عنج..ونــــــدمــــت!..حــب رااااسها وهمس في اذنها..(مريـــم,,مـــريم)..نشـــت مريم ورفـعت راااسها واطـالعته وهي مضوقـه عيوونها..وقف حمد ووقفـها وياااااه..
حمد.: حبيبتي تعالي ارقدي في الحجـره عسب ترتااحييين..
مـريم قبضت ايدينه ودمعت وتمت تشوفه بنظرات ترجي.: لا تخليني بروحي..
ضمها حمد بكــــل حب وقالها.: حياااتي عمري قلبي انتي مستحييييل اخليج بروووحج اطمني ولا تحاااتيين شـــــي..
سكـتت مريم ما ردت عليه وكـانت اتصيح بصمــت..وحمد قلبه يتقطـع عليها موول ما يتحمــل يشووف دمووعها.: حبيبتي بس دخيلج لا تصيحين..
مـريم مب رااايمه تســكت تصيح من خاطرها..لوى حمد ع جتفها ووداها الحجــره عسـب ترتااح وهو بعـد رقــد وياااها لاانه تعــبه مب اقل عن مـريم..هوو تعبااان اكثر عن مريم بس محد داري عنه..
|