سـاروا حمد واميره صوب حجـرة مـريم..حمد دق البـاب وعقـبها فتحه ووايج شافها متربعه ع الشبريه منزله راسها واتصييح..حدر داخل وبند الباب وراه..انتبهـت له مـريم وصـدت الصووب الثـاني..سار حمد صوبها ويـلس حـذالها..
حمـد لف ويههـا صووبـه.: حبيبي والله ما في شـي يستااهل دموعج..
مـريم.: حمـد خلني بروحي..
حمد اتقرب منها اكثـر وحضن ويهها بايدينه ومسح دموعها.: والله مااتحمل اشووفها..
مـريم بعتاب.: هي صـح..من جيه صارخت عليه جدامهم..
حمـد لوى ع جتفها وحب راسـها.: شو تتوقعين اسـوي يوم اسمع انه صـوورة حبيبتي ومرتي بين ايدين وحده غريييبه!!..
مـريم.: ماكان له داااعي اتصاارخ.. كـلكم حااطين عليه اليووم كــلكم..حاسه عمري وحيييده ما عندي حـد..ابوووي من صووب وانت من صوووب وحتى عوشووووه بعــد..حرام عليكم شو سويت فيكم انا..
حمـد.: فـديتج حياتي قلبي انتي لا تقوليين هالكلام..انا ويااااج ويااج طوول العمـر ما بتخلى عنج حبيبتي..
مريم.: ......
حمد قبض ايدها وحب ظهـرها .: حبيبي والله ما اتحمل اشوفج جيه..انا آسف سامحيني..
مريم حطت ايدها الثانيه ع ايـده ورصت عليه.: وانا مااقـدر ازعـل عليك ..ربي لا يحرمني منك..
حمـد.: ولا يحرمني منج فديتج..
.
.
عـوشه كـانت توها بتسير ع الدري بس انتبهت للباب ينفتح..صـدت وراها وشافت راشد دااش وعنده يزوووي جان تربع صوووبه..
عوشه.: فديييييييييييتها انا..ييبها ييبها..
راشـد مد ايدينه عسب اتشله.: شوي شوي
عوشـه من شلتها حضنتها وهي راقده ع ايدينها وباستها ع خدها.: فديييييتها يا ربييييي شووووف اشحلاااااااتها يووم اقولكم تشبهني تقولوون لاااا..
راشـد.: بتبرى منها لو تشبهج..
عوشـه.: ههههههه الا قوووول تتمنى انزين..
راشـد.: ويين اميـره عيل؟!!.
عوشه.: يـالسه في الصااله فووق..
راشـد راح عنها ومشـى صووب الدري وراح فووق صووب الصـاله..
اميـره اول ما شافته شهقت ع الخفيف.: مخلي يزووي رووحها في البيييت!!.
راشـد.: لا يبتها وياااي عوشووه شلتها عني..
اميره.: هييييه حسباااالي بعـد..
راشـد.: انا شفت سيارة حمد برع..مريم اهني؟!
اميـره.: هيييه في حجرتها..
مشـى راشـد عنها ساير صوب حجرة مريم
اميره.: تعااال تعاال وين ساااير..
راشـد.: بسير جداها بلااااج!!
اميره.: لاااا لاا اتسير..استـوى سوء تفاهم بينها وبين حمد والحينه هو عندها..
راشـد.: اي سووء تفااهم؟!!!..
اميـره.: ماشي مريووم كـانت اتصييح عسب خالووه عايشه اليوم طلعت من البيت وحمد حررج عليها..قال ليش اتسوين كل هذا عسب وحده ما تستاااهل..
راشـد.: هاي وبعديين وياااها!!..اكيد مسويتلها سحر هالملعوووونه..
اميره.: والله يا راشـد سحرتنا بطييبتها..انتو مااتعرفوون لكـن احناا دوم كنا انسير لها وانعرف اشقايل هالحرمه زينه وع نيااااتها وقلبها طيب..
راشـد.: انزييين وآخر شي شو شفتو منها!
اميـره تنهــدت ونشـت وسـارت عنده..: راشد دخيلك لا تيلس تعااتب مريم وتلوومها او تصارخ عليها ع الي اتسويه..الي في مكفييها..اول شي عمي حررج عليها وعقب حمد..خلااص خلوها ع راحتها..انت اتعرف مريووم اشقايل قـلبها رهييف ووااايد حسااااسه..والحرمه الصراحه تغمض..
انتبهـوا لعووشه يايه ع الدري وبايدينها يزووي وهي مشتطه..
عوشه.: تعااااالي يالويه تعالي شليها بنتج خيستني..
اميره سارت صوووبها.: فدييييييتها انا جي شو سوت..
عوشه.: وصخه رجعت علي ويا راااااسها..
اميره.: ههههه اييه لا تقولين شي عن بنتي..فدييتها وفديت زوااعها انا هاااتيها..
راشـد يا صوووبهن..: هههههه الحمدالله انها مب عندي لين الحينه..
عوشه.: هههه هيييه انا غبيه يووم شليتها..
....................
كـانت يالسه ع السيـاده بعـد ما خلصـت صلاة المغـرب..وبايدها المصحـــف تقرا قــرآن..الشي الوحيـد الي مخفف عنها حزنها و آلامها ووحدتها.. مرات اتقول في خـاطرها ويـــنها عن هالكتاااب من زمااااان..سبحـان الله يريح البــال ويهــدي النفس..بس كـانت غاافله عنه..تحمد ربها انه بنت عمها يـابت لها المصحـف عشاان تقرااه ويمر وقتها شـوي..لاان كــل العاايله ممنووع عليهم يحتكوون فيها بعد الي عرفوووه ..منبوووذه عند الكــل.. هذاالي معذبنها ومخلنها تعض اصاابع الندم على كـل دقيقه ضيعتها في الحــرااااام..وخصوصا يووم تقــرا آياات الله وان الله شــديد العقاااب..اتحس بقبضـه في قلبها وتصييح بحررقه على كل الي سوتـــه..في اليوووم تستغفر ربها الف مـره عشااان يمحي ذنوووبها وهي على ثــقه انه رحمــة ربنا واااااسعه..
انتبهـت لصووت دقـات الباااب ..استغــربت لاان ناادر ما تسمع حد يدق عليها الباااب يبغي اييها او يشووفها..
شهـد.: صدق الله العظيم..منوو؟!
بطـل الباب من غير مـا ينطق وحدر داخـل..صدت شهـد صوووبه وفجــت عيووونها متفااااااجئـــــه من الي اتشووووفه..مـــا صدقـــت عيوووونها يوووم شااافته حست انها تحـــلم..تمـت تطالعه بتمعــــن وفي لحظه نســت الخوووف كـله ونشت من مكاااانها و ربعــت صوووبه وارتمت في حظــــــنه وهي تصيييييييح..: ناااااااااااااصر اخووووووي حبيبي اتولهت عليييييييك..
نااصر.: شحاالج وشخبااارج
شهـد تمت اتصيييح وتشاااااهق مب رااااايمه ترمـــــس..وناصر يسمعها ويحس بقلبه يتقطع عليها..
نـاصر.: شهـــــد..شهـــد ..بس
شهـد بصوت متقطع.: انتوووو وييييينكم عني وييييييييين..ليش ودرتووووني اهني...انا ماابغي اتم عندهم ماابغي..
نـاصر.: لا تحااتيين خلااص ما بتمين واايد..بعد يوميين امي وابووي بيوون..
شهــد رفعت رااااسها وبطــلت عيووووونه وتمت تطـــالعه ..قبضت ايديييينه وتمت اتنااااااقز من الفرحه واااااااااااااي نااااصر من صجك انته..احلف احلف دخيييييلك..
نـاصر ابتسم بضيييج..: هي بس......
شهـد.: بس شووووو!!!..
نـاصر.: ميــــــــثه..
شهــد.: هييييييه ميثوووووه فديييتها شخبااارها..اكييييد اتعااااافت صح!!..لانه هالفتره وااايد طولوا..
نـاصر والدمعه انحدرت من عيونه.: ميثــــه ماتت..
شهــد فجـت عيووونها ع الاخـــر من الصدمه وتمت اتهز راسها ..: جذااااااااااااااب..
ناصر.: والله,,اليووم ابوي اتصل فيه وخبرني..
شهـــقت مره وحـــــده وانهاااااارت..: لاااااااااااااااااااااا...لااااااااااا نااااااصر لااااااااااااا..دخيييييلك قووووول غير هالكلااااااااام..دخييييييييييلك..ليييييش ماتت لييييييييييش..انا قااااايله بشوووووفها وبلاعبها هالمره يوم بيوووون..باخذلها كل الي خاااطرها فييييييه..كــــل شي كـــــل شي..وما بضااااارب وياااااااها..ووببووووووسها على خدووودها المغززاااااااات..حراااااام حراااااام ليييييش اتموووووووت ليييييييييش..كــل هالعلاااااااج وهالعمليييااااااااات واخر شي تموووووت..حرااااااام والله حراااااااام..ااااااااااااااااه ليتني انا ولا هي ..ليتني اناااااا..نزلت عمرها عالارض وتمت اتصييييح باعلى صوووتها..
نـاصر كان راااص ع شفاااايفه يمنع دموووعه بس مب قااادر.. تنزل غصبن عنه..سار صووبها وهو يحاول يقومها..: بس شهــــــد هاي ارادة رب العاالمين..الله مب كااتب لها عمـــر زياااده..الله يرحمها..
شهــد.: ااااااااااه نااااااااااااااااااااصر حرااااااام بعـــدها يااااااهل..حراااااام انا ابغي اشوووووفها..ابغي اشووووفها..
ناصر..: حبيبتي المووت ماايعرف صغير والا كبير..وبعدين هي كانت في عذاااب والسبه هالمـرض..المووت اريح لها..
كـان خاطف من صووب الحجـره ومن كثر ماكان صوت صياحها عاالي دش على طوول بس ماانتبهوا له..تم واااقف ومنزل رااااسه وهو بعـد مضااايج من الي صاار..
شهــد.: اااااااااااااااه ناااااااااصر مب قااادره..مب قااادره اتخيل انهم ياييييين بدووووونها مب قاااادره اتخيــــل..حلييييها كــــل مااتقوووولي تبا شـــي اضرررربها..بدووووون سبب كنت اضررررربها..ان شااااااءالله تنكسر ايدي ان شااااء الله..هي حليييلها دوووم كانت اتيني مبتسمه اتقووولي الله يخليج خليني العب بالكمبيوووتر..اصااارخ عليييييها واقووولها طلعي بررررع...يعل لسااااني القص ان شاااااء الله..هالمره قاااايله اني بعوضها عن كل الي كنت اسويييييه فيها,,بخليها تلعب بالكمبيوتر لين ما تشبع وبحسسها اني احـــــبها وانت تقوووولي ماااااااااتت..اااااااااااه يا ربييييييييييي لييييييش ليييش..
ناصر رووحه حالته حااااله مب عااارف كيف يهديييها ولا عااارف شووو يقووولها..صد ع وراها يوم حس بايد ع جتــفه..شافته شهـــد ومن دوون لا تحس سارت صوووبه وقبضت ايييييده..
شهـد.: عااااااااااااادل...عاااااادل قوووول انك يااااي اتخبرنا انه الي سمعته جــــذب..دخييييييلك قوووول انه ميثااااااني ما ماااتت..قووووول انه نااااصر يالس يسووولف ويااااااي ..الله يخلييييييك عاااادل الله يخلييييييييييك..
سحبـها ناااصر صوووبه وهووو حاس انه ضعييييف ومنكســر مب عااارف شو يســـــوي..اذا هو بنفسـه يصيييييح بهدوووء لاانه وااايد يعز اخته ميـــثه واااااايد..وهي بعـد كانت اتحـــبه..لاانه دووووم كـان يطلعها ويودييها الالعاااااب.. عادل ما رام يستحمـــل..حـالتهم كـانت تقطع القـلب..غصبن عنه دمعت عيونه وطـلع من الحجـــره..
ميثـه كـانت احلى وحده فييييهم..ماشاءالله عليها .. بـــيـضه بياااض الثلج..ومليــااانه شويـــه..وشعــرها كثييييييف واســــود..من تبتسم تنبــان غمازاااااتها الي اتحليها اكثر واكــثر وتضووق عيووونها..كلهم كانوا يحبونها ويقطعوونها بوووس يوم يشوفوونها.. ..لكـن الله قـدر وصـار فيها جـذه..يقولوون ان الي صــابها كــان حسد من كثـر ما كــانت جميله.. وخاصه انها من النوووع الي كـانت ترمس بكـل عفويه وبرااااااءة يهااال جدام النـــاس..عسـب جيه الكــل حزين ومتأثر بمووووتها..الله يرحمها..
.........................
اليوم الثـاني..,,كـانوا يالسيـن كـلهم في صـالتهم والحـزن كـان مخيم عليهم في هاللحظــات..عايشـه طوول الليل ما قـدرت تناام من كثر التفكيـر في الاياام الياايه..وعيـونها بدن يعورنها من كثـر الصياااح خاصه يووم شافت الصـدمه والحزن بعيوون عياااالها..الي معـذبنها من امـس ليييين اليوووم هوو يووووسف الي ما نطــق بحرف واااااحد من خبرتهم بالسـالفه..سكووووته مضيج بها وااااايد..مـروه الوحيده الي كـانت اتصيح وياها واتـهديييها وعارفه ومتأكده انها مظلوومه ومااتسـويها..
مـروه.: بس اميه دخيـلج بس لا تصيحين..ما نبا منهم شـي خلاااااص..ترانا ميمعـين لنا مبلغ وبنصرف منه..
عايشه.: يا بنتي هالمبلغ شو بيسـوي فينا..بنصرف منه على شوو والا على شووو!..مصيره بيخــلص..
مـروه.: لا تحاتين يااميه الله بييسرها علينا ان شاء الله..
عايشـه.: آميييييين يااااارب..الله بييسرها وبيسااااعدنا ان شاااااء الله..
مـروه اطـالعت اخووها يوسـف الي كـان يالس في زاااويه وهو سـرحاان وشكـله في عاالم ثاااني..اطـالعت امها وشـافتها تتطـالع يوسـف بعـد..
عايشـه وهي تمسح دموعها.: يووسف اميه لييش ســــاكت..دخيلك ارمس قول شـي..
يوسـف..: .........
عايشه.: الله يخليييييك لا اتم ساكت جـــذه..من امس وانت ما نظـــقت..
مروه.: يوووسف اشفييييك ليش ما تشاركنا في الكلااااام..شو هالبرووود الي نزل عليك مره وحـده..
يوسـف.: تدرين انا مستغرب من شووو مروه!..
مروه.: من شوو؟!..
يوسـف.: انج مب حـاسه باللي انا احسـه..يحلييلج..بعدج صغيره انتي..
مروه وامـها اطـالعن بعـض باندهاااااش..
مروه.: بعدني صغيره!!..حرام عليك انت اكبر عني بسنتين بس..وبعدين ما فهمت شو الي انا مب حاسه فيه!..
يوسـف.: ماادري انا الي اشوفه ان بعده عقـلج صغييير ومااتفكـرين عـدل..
مـروه عقدت حياتها باستغراب .: شو قصـدك يووسف..وبعدين هالكلاام شو يخصه في سااالفتنا الحينه..هذا بدل مااتي تشوف لنا حل حق المشكـله الي نحن فيها ياس تقول كلام مب مفهوم..
يوسـف.: هههه شو المشكــله الحين!!..المشكله وايد بسيطه.. انه نحن ردينا شرات اول بس..امج حضرتها بتيلس تتشحـت من الاوااااادم عسب اونها اتوفـر لنا الي نبيـه..تبيني انا اتصـرف!!..امممم اوووكي..بتصرف..انا فاااضي هالايام ما وراااي شـي..اممم شو رايج
اســـرق!!..فكـره حـلوه تراها وايد ناس عايشين بهالطريقه..ليش ماانعيش شراتهم ع الاقـل احسن من الشحااته صح والا!..
انصــعقت مروه من هالكـــلام وويااها عااايشه الي كـانت فـــاجه عيوونها ع الاخــر تشوووفه..معقـــوله!!..معقوووله يوسف مصـــدق انه هي ســرقت!!..هي اكيــد مصــدق والا جاان ما قـال هالكـــلاام..انفجــرت من الصيااااح وهي مصدوووومه..
مروه وهي تصيــح.: يوســـف حراااام عليييييك انزيييين ليش تقوول جيه..
يــوسـف نــش من مكااانه وهووو مشتـــط ويصااارخ.: حرااااام عليه انا والا حراااام عليها هيييه..عااايبنج الي صااار يعني!!..عمــرها سمعتنا اتشكــينا من شــي..عمرها سمعتنا نقووول انه الي تصرفه علينا مب مكفينا وانه نبغــي زيااااده!!..ليييش تطمــع ليييييش..مااتعرف انه الطمع مب زيييين..والي يطمع هذا يكووون مصيره..يعني الحينه مستااااانسه يوم ينقااال عن امج حراااميه..ياااما ربعي يعاايرووووني فيها ويقولووون كيف رضت على عمرها تشتغل بشكااااره!..وانا ادااااافع واقوووول ماايخصكم فيييييها..انا افتخـــر انها هاااي امـــيه..يكفي ان تشتغل شـغله شرييفه اتعيشــنا منه..وآخرتها اكتشـف انها سـايره بيت الناااس طمعااانه فيهم ومب مكفنها الي يعطووونها..ســارت سرقــتهم!..
عايشـه تصــاااااارخ وتصيييييح..: بـــــــــــس اسكـــــت الله يخليييييييك اسكت..جان زين تميت ساااكت ولا رمســـــت..والله حراااااااام علييييييك ..ااااااه يا ربييييييي والله الي يصير لي وااااايد علي مب قــــادره استحمله خلااااص..
مروه اتصيح من خاطرها.: بس فـديتج بس اميه ما عليييج منه ..ما عليييج منه..شكله نسـى انج امـــه..
شيخه تبا اتدخل نفسـها..وهي بعد اتصيح.: ماما ..ماما..انتي ليش سرقتي..حرااااااام..ابله قالت لنا الي يسرق الله بيودييه النااااار..
يوسـف باستهــزاااء.: ههههه..عيييييب والله عييييب ياهل اتقول حق امها جيـــه..اتعلم امهــا وقــدوتها الحلال والحرااااام..
عايشه.: ااااااااااه بس دخييييييييلكم بـــــــــس..كم بتحمل انا حرااام عليييييكم..يوووم انه عياااااالي مصدقيييين عيل مالوومهم يوم هذيلاك صــدقوا..
مروه.: لاااا اميييه لاااا..انا مب مصــدقه اميييه انا اعرفج زيييين..انتي مستحييييل اتسـوينها..اصلا هم بالعمااله حاطينه عندج عسب تطلعين من بييتهم..شو تبين فيهم خلااااااص دوري شغــل ثاااااني اريح من هـذا وانا بكووون معااااج..
عايشـه لــــوت عليها..: فدييييييييت رووووحج انا.. انتي الوحيـــده الي حاسه فيني..
يوســف.: على فكـره ترى راعي البيـت هاك اليووم ياا اهــني وقااال انه غيـر راااايه ومحتااااي اجاااار البيـــت..يا ندفــــع او نطــلع برررع بيبيع البيـــت..وعطاااني فرصه اسبووووع بس ادبر له المبلغ..واذا ما عطينااااه نحن واغراااضنا في الشااارع..يلا الحينه ياامي العزيييزه..قوليلي شو بتســويييييييين!!..
عايــشه اهـــني خلااااااااص وصـــل حـدها ومـا قدرت تستحمــــل اكـــثر..غــــاب كــل شي عن بــــالها وطــاح راسـها على جـتف مـروه..يـــــوسف فـــج عيوووونه ومـــــروه شهقـــت ولــوت عليها وتمت تصاااارخ..: امييييييييييييييييييييييييييه..امييييييييييه اشفييييييج شو اســتوى فييييييج..تمت اتهـــزها وهي تتناااافض من الزيييغه..امييييييييييه دخيييييييييلج قوووومي..(اطالعت يووووسف وهي منهااااااااره)..يوووووووووسف اميييييييييه..اميييييه ماادري شو صاااار فييييييها..شو تتتريااااا سووووا شي خل انوديها المســــتشفى..
شيخه اتصيـــــــح وهي تهــزها..: ماماااااااااااااا ماماااااااااااااا قووووومي..
يـــوسف يحس انه مب عااارف يتصــرف..شرات الخبايل يتصدد يميييين ويســــار..اخر شي شل تلفووونه واتصــل في حمداااان وقااااال اييي ضرووووري ضروووووي..
مروه اتصيح من خااطرها..: والله والله يا يوووووسف لو صار في اميييه شـــــي انســـــى انه عندك اخت اسمها مــــــروه..عمــري ما بساااامحك عمــري..والله حقيييييير في حد يرمس امه جيــــه!!..شو من قلب عليك انته.. ااااااه امييييييييييه دخييييلج قووووومي..
يــوسف تم سااااكت وهووو يطـالع شــكل امـــه.. حس بعواار في قلبه ونـــزلت دموووعه غصبن عنه..
.............................
فـليل جـريب العشــا..دشت عليه الحجـره شـافته مبـطل الدريشه وواقف عــندها ويشووف الاجـواء برع..صـد صوبها اول ما دشـت..
حارب.: حيالله شمووووه..
شمـا وهي سايره صووبها ومبتسمه.: الله يحيييك حروووب..شو تسوي واقف اهنـي..
حارب.: ماااشي واقف اشم هوا مثل ما يقولوون..الجـو حلو اليووم..
شمـا تغمــز له.: امممم واقف اتشـم هــوا والا مشتااااق ^_*..
حارب اتنهـــد.: الاثنيييين يااختيييه..
شمـا.: انزين ممكن اعرف ليش كل هالتغـلي!!..
حـارب.: عسب اتحـس بالكلاام الي قـالته..
شمـا.: هي حليلها حرقت تلفونك من كثر ما تتصل بك وانت ما اترد عليها..اشدراك يمكن ندماانه وتبا تعتذر..
حارب.: ماادري انا ابغيها اتحـس..بس والله اشتقت لها واايد..
مــا حس الا ويسمع صووووت من ورااه خلاه يتفاجأ ويفج عيونه..: انــزين وانا حســيت..والله حسيـــت..اطـــالع شمـا باندهاااش وردت عليه بابتساااامه..
صـــد صووبها على طوووول وتم يطـالعها جـنه مب مصـدق الي يشوفه..عاد حمده من كـثر ما متولهه عليه ما رامت تستحمـل نزلت راسها ونـزلت دمووعها خاصه يوم اتذكــرت اخر كلام دار من بينهم..ابتسـم حــارب وفي داااخله كـان مستااانس من الخاااطر..اتقرب صوووبها ولـــوى علييييها..:حبيبتي والله..
شمـا طـلعت من عندهم وخلتهم برووحهم شافت انه مب حـلوه اتم وياهم..اما حمـده كـانت منحــرجه واااايد ومحمــــره وزاااد صيااحها..
حـارب حب راسـها..: حيااتي بس لا تصيحين..بس دخيلج مااتحمـل قطعتي قلبي تراج..
حمـده.: انت ويينك عنـــــي..
حـارب..: فديتج انا موجوود..بتحصليني في قـلبج..
حمده رفعـت راسها وتمت تطالعه بترجي..: لا تسـوي فيه جي مره ثانيه انزين..
حارب قبض ايدها ووداها صوب الكنبه ويـلسوا..: حبيبتي والله مااتهونيين عليه بس الكلام الي قلتييه جرحني واايد ..
حمـده سكــتت وتمـــت اتصيــــح..
حـارب لوى ع جتفها وباس راااسها .: حبيبي بس خـــلااص اعتبريني ناااسي كـــل شي..
حمـده.: انا آســــفه..والله ندمااانه ع الي قلته..انا وقتها اصلا كنت مضااايجه واايد وما عـرفت شو قــلت..(وبصووت واطي)..اصلا انا مااالي غـــنى عنــــك..
حــارب شهـــق وهو يقــلدها.: اووووو ماااااي جااااااااد!!!
ضحكـــت حمده عليه من بييين دموووعها..
حارب.: ههههه فديت هالضحكه انا..قوليلي حياتي من شو كنتي مضاااايجه..
حمـده.: من واايد اشيااء..اول شي الدراااسه وكراااافها .. و ثاني شي العــرس جرب واحس باجي واايد اشياء ما سويتها..
حـارب.: فديييتج لا تحاتيين ان شاء الله كل شي بيعدي على خير انتي بس شدي حيلج في دراستج..والعرس لا تحاتييينه مووول..اي مكان تبين اتسيرييين له اتخلصين اشغاالج انا مستعد اوديح وبأي وقــت اتحبين..
حمـده.: ربي لا يحــرمني منك..
حـارب.: اووووو مــــاي جــــ .....
حمده تقاطعه.: هههههه بس لاااا..طلعت اخس عني انته..
حارب.: ههههه شفتي عاد وحليلي قمت استحي على اخر عمــري..
حمده.: هههههه اخخخ عليييييك..
حـارب..: ههههههههه حياااااتي والله مشتااق لج..
حمـده.: وانا اكــثر..
حارب نش من مكــانه.: يلا قووومي بنظـــهر شو رايج؟!!
حمـده.: لاا حااارب عندي امتحااان باااجر..هههه بس يــايه عسب اراضيك وارووح..
حارب.: فدييييت الي يايين يراضووني..افاااا يعني ما بتظهرين!
حمـده.: والله في خاااطري..بس مااقدر..
حارب.: واااايد والا شـويه؟!!..
حمـده.: امممم تدري انا من رديت يلست اذااكر وموول مااستوعبت شي لاانه كـل تفكيري كـان في حضرتك ويا هالويه..بس اهم شي ذاكرت والحين باجيلي شويه ويبالي ارااجع..اذا خلصت بسررعه بنظهر زييين..
حـارب.: يا بعــد عمـري والله انا آسف لااني خليتج تفكرين..
حمـده.: خلااااااص ما صااار شي ..خل ننســى وولا جنه شي صاار اوكيه..
حارب.: اوكييييك حبي..يلا تعالي عيل خليني اوصلج بيتكم..
حمـده.: اووكي يــــلاا..
............................
الجزء الثالث والعشرون
في المستشـفى,, كـان يـالس عنده ويهـديه..وهوو منزل راسـه ويذرف دمووعه حاس بضييييقه مب طبيعيه..كل الي صار يدووور في راااسه ومخلنه يتعـذب اكثر..الشي الوحييد الي حاس بقلبه يتقطع عشاانه هوو انه امه في العنايه المركزه الحينه..ياها انهيااار عصــبي بسبتـــه..بس يحمد ربه انه بسيــط..حمدان ويااه وهو بعـد حاس بضيج من كل الي صااار..كله كوووم وصوت صيااح مروه الي يتخلل في اذونه كوم..صح انها كـانت اتصيح بصوت وااطي بس صووت انفااسها الرقييقه يووصله..كـل ما يطـيح عينه عليها قلبه يعـوره ويتفداااااها في خااطره..حاس انه خلاااص هو فعلا حــبها..ما جد شااف وحده واتعلق فيها بهالطـريقه الا مـروه!!..يعني اكيد يحــبها..توه بس اتأكد من مشااعره بس الي يفكـر فيه الحينه شوو ممكن تكوون نهاية هالحـب!..بعد عنه هالافكـار لانه مـب وقته الحيـنه..روحهم مساكين حالتهم صعـبه وغير هذا امهم طـاحت عليهم..
حمدان حط ايده ع جتف يووسف.: يا يووسف لا اتسوي في عمرك جيه..الله يقومها بالسلامه ان شاء الله..
يوسف مسح دموعه وصد صوبه.: ان شاااء الله..
حمدان.: يوسف انته سمعت الدكتور شو قال..يلستكم اهني ما منها فاايده..
يوسف.: مب راااااد..انا بتم عند امي..
حمدان.: شو الفايده اتم اهني..تراك ما بتشووفها..شو رايك انرد الحينه واتيلها بااحر..وان شاء الله حالتها بتكوون احسن من اليووم..وبيطلعوونها من اهني..
يوسف.: يااا رب..الله يسمع منك..
حمدان.: يالله ياا يوسف نش خلنا انسير الحينه وما عليها شر ان شاء الله..
نش يوسف من مكانه وسار صوب مروه وشيخه يخبرهم انه بيسيرون..
مروه.: لااااا,,لاااااااا انا ما بتحرك من اهنييييييه..انتو جان تبوون سيروا برايكم لكن انا لاااااا..
شيخه تصييييييح.: انا بعـد بتم عند ماماااااا..
يوسف.: يلستكم اهنه من دوون فايده..بنيها بااجر ان شاء الله..
مروه.: مااقــدر مااقـدر ارد البيييييت..انتو سيروا انا بتم..
شيخه.: انا بعد بتم..
يوسف.: يلا نشي انتي وياها اقوولكن بنيها باجر..بتقعدن اهني شو تسـون؟!!..ما بيخلونكن اتسيرن عندها..
مروه.: ماايخصــــــني انا مااقدر ارد البييييييت ومااشوفها مااقــدر انته ما تفهم..
يوسف.: يعني انا الي اقدر!!..مروه باجر من الصبح بنيها ان شاء الله..يلا نشوا الحينه ربيعي يترياا..
نشـوا مروه وشـيخه ومشـوا ورى يوسـف وطـلعوا من المستشـفى..وهم حاسين بضييييج وحزن من الي صااار..
...................
اليوم الثاني,, كـانت يالسه في الصـاله تطالع التلفزيوون..رن تلفووونها وردت عليه على طووووول..
أميـره.: هلا هلا
نوره.: اهلييييين..انا يييييت..انزل والا!!
أميـره.: لا خيسي في الموووتر..
نوره.: هههههه ويا راسج..انزين يلا تعااالي صوب الباااب دخليني..
اميره.: اونج يعني ما تندلين الدرب..يلا احدري بسرررعه مااقدر ايي انا يزووي عندي..
نوره.: فديييييييتها انا هالبنت..متولهه عليها..
اميره.: هههه تترياااج..
نوره.: زين الحين يااايه..
سكرت عنها نوره ونـزلت من موترها وتمت تمشي لين ما وصلت بيت اميره ودشت داخل..نشت اميره اول ما شافتها وسارت صووبها وسلمت عليها..انتبهت نووره ليزووووي بين ايدين اميره
نوره.: يا حياااااااااااااااتي هاتيها اشوووووف..
اميره.: هههه اندوووج..تشبهني صح؟!!..
نوره.: هييه والله وااااايد تشبهج..توني ياااايه بقووولج..
اميره.: زيييين الحمدالله..ما تعبت عليها ع الفااااضي..
نوره.: ههههه ماشاءالله عليها ربي يحفظها ان شاء الله..
اميره..: ويحفظج ويخليج لاهلج..عقباااالج يا رب..
نوره.: ههههههه متى بس متى..
اميره.: هههههه عيب ما يقولوووون جيه..
نوره.: صدق بعد شووو.. لين متى بتم اميروووه..
اميره.: ترى كل ما حد يا رفضتييييه حضرتج..
نوره.: الحين انتي مخلتني واقفه عند البااب وتسولفين..قوليلي اتفضلي انزين..
اميره.: هههه حياج حياج..
مشــوا صوب الصاله وقـعدوا فيها..
نوره.: تصدقين اميره..قبل الزوااج كان آخر شي افكر فييه ..لكن الحييين مااقص عليييج ابغي اعرس اليووم قبل باااجر..شو ما يكوووون الريااااال بس ابغي افتك من البيت الي انا عااايشه فيه..
اميره.: صدقيني عقب بتشتاقيييين لبيتكم..
نوره.: صح عقب يمكن اشتااااق لكن الحييين احس اني بموووووت..كل شوي ابغي اظهـــر بس عسب مااشوووفها الحقيييره..
اميره..: بس نوووره حرام عليج لا تقولين عنها جيه..اتحمليها عشان خاطر اخووج..
نوره.: كم بتحمــــل كم..اي اخوووو..هذا اتسميينه اخوووو ..هذا عدووو..صار خاااااتم في صبعها..كله يووقف اف صفها ويدافع عنها..ثرج مااتعرفين شو استوى هاك اليووم..والله يااميره مد اييييده عليه ابسبتها اتخيلي..
اميـره شهقـت..: صـــــدق!!..لهالدرجه يعني..
نوره.: ااااه واكـــــثر..من جيييه خلاااااص كارهه عيشتي..
اميره.: ما علييه فديتج تراهم ما بيقعدوون عندكم على طوول..اكيد بيظهرووون..
نوره.: هههه عقب 5 سنيين او اكثر..
اميره.: ما عليييه ان شاء الله انتي الي بتظهرين قبلهم عيل
نوره.: ههههه ان شاء الله دعوااتج يااختيه..
اميره.: هههههه دوم ادعيلكن انتي وعوشوووه..
نوره.: هههههه الله يخس ابليسها عوشوووه ماادري اشحقه مستعيله بعدها صغييييره..
اميره.: ههههههه اتقول ليش حمدووووه احسن عني!!..
نوره.: ههههه صدق انزييين هايييله مااشاء الله عليهن جنهن توووم..المفروض يعرسن ويا بعـض
اول ما خــلصت نووره كلامها اتفـــاجئوا بعووووشه داشه عليييييهم..
عوووشه.: سلاااااااااام علييييييكم..اوووووه نوروووه اهني..
نوره & أميـره.: هههه وعليكم السلااااااام..
نوره.: ههههه هلا هلا..ماشاءالله عمرج طوييييل..
اميره.: ههههه هي والله..ترى يقووولج لي طريت الـــ ....شسمه..زهب العصا هههههه
عوشه وهي سـايره صوووبهن وتشهــق..: ما عليييه..ما علييييه يا اميرووووه..انا براااويج..ان ما طلعت حرتي في بنتج..اعترفوا شو كنتو اتقولوووون
نوره.: ههههه ماشي حصلنا لج ريل..
عوشه ربعـــت صووووبها ويلست حذالها.: وييين ويييين..
أميره.: هههههههه غربلااااات العدوووو..عوشووووه اثقلي
عوشـه.: ههههه صدق بعد شوو..لين متى بنتم جـذه..يحليلنا انا ونووره..عنسنا ويلسنا..
نوره.: هههههه حراام عليج..انا الي عنست لكن انتي بعدج صغييييره..
اميره.: اندوووكم اونه عنست..يلا عااد نوروووه بعدج..اشلكم بالزواااج وعواار الراااس ..خلكم جذه مرتااحيييين..استااانسوا في حياتكم الحين
نـوره حسـت من كلام اميره انها مـب مرتااحه ويا راشد..اطالعتها بنظـره بينت فيها انها فهمت قصـدها..اميره نـزلت راسـها بحـزن..
عوشه.: يعني الحيييييين انتي مب مستاانسه؟!!
أميـره.: لا الحمدالله مستانسه..(تبا تغير السالفه)..تعالي انتي ليش راده من وقت اليوم؟!!
عوشه.: ترى ما عندي شي خلصت كلاسااتي..
نـوره.: وشووو الدراااسه ويااااج ان شاء الله بس امشيه..
عوشـه.: الحمدالله امشيـه..بس كارفينا كرااااااااااااف اففففف..
نوره.: ههههه الله يعيينكم..بس احلى من المدرسه صح..
عوشه.: هييييييييه احلى بوااايد بعـــد..
................................
عقب صلاة المغـرب طـلعوا حـارب وحمـده السوق وشمـا بعد وياهم..كـانوا سـايرين صوب الوافي سنتر..
حمـده.: خلنا اندش هالمحـل..
حارب.: بس لااااااا ما مليتوا انتووو
شما.: حراام عليك حارب بعدنا ما شرينا شي..
حارب.: تراكم تمللووون الواحد..ساااااعه تدوروون في محل واااحد ولا ايعيبكم شي
حمـده.: خلااص خلااص مب لازم بنرد البيت..
شمـا.: زين جيه زعلتها..
حمده.: لاااا مب زعلااانه بس هوو مب من خااطره مظهرنا..
حارب.: ههههه احلفي انتي بس..يلا يلا كملوا ..بتريااكم بررع انا..يوم بتختاروون شي خبروني..
حمده.: انزين لا تحرج مره ثانيه..
حارب.: هههه فديتج والله مب محرج انا..
حمـده ابتسمت له وصدت صوب شما.: يلا نسير..
شمـا.: يلا..
دشـن حمده وشـما المحـل وتمن يدوورن ويطالعن الي فيه..فجأه طاحت عيوون حمده على وحـده شكـلها مب غريب علييها..يوم اطـالعتها هاييج ابتسـمت لها ويـت صوووبها واهني حمده اتذكرتها على طووول..وسلمـن على بعـض..
حمده.: هلا والله هلاااااااا ..يا حي هالشووووف والله
نوال.: فدييييييتج انا اشحاااالج؟!!
حمده.: الحمدالله ربي يسلمج اشحالج انتي وعلووومج
نوال.: بخير الحمدالله..(انتبهـت لشـما وااقفه عدال حمده..ابتسمت لها ومدت ايدها اتسلم عليها)..اشحاالج
شمـا ابتسـمت لها.: الحمدالله بخير اشحالج انتي
نوال.: زييينه الحمدالله ..حمدووووه موول مااتغيرتي ..هههه على طول عرفتج..
حمده.: ههههه زين والله..انا يا ربيي اقول هالبنت شكلها مب غريب عليه ..يوم ييتي صوبييييه اتذكرتج..
نوال.: هههههه ليش يعني انا متغيره!!!
حمده.: ههههه هيييه ماشاءالله متنانه شويه ومحـلوه ..احيييدج ضعيفوووونه..
نوال.: ههههه شو نســوي بعــد عرسنـا ترانا..لازم نتغير شويه
حمده بطـلت عيوونها متفــاجئه.: صـــــدق والله
نوال.: ههههه هي
حمده.: زييييييييييين زييين والله مبروووووووك..
نوال.: الله يبااارك فييييييج..صـدت نوال الصوب الثاااني وشـافت منى يـــــايه صووبها ابتسـمت لها..اول مــا يت منى انصـــدمت شـــــما..وتمـت فاااجه عيووونها..عرفتها على طوووول..هاي اخـــــت مــــــايد!!!!..منى ما شافتها وانتبهت على حمـــده وابتسـمت وهي فاجه عيونها متفاجئــه..
منى.: انا جني اعـــرفج..
حمده.: ههههه اووووه انتي بعـــد اهني..يا هلا والله
منى.: ههههه اهليييين حمدوووه اشحااالج؟!!
حمده.: الحمدالله بخيييير اشحالج انتي..
منى.: تمااااام الحمدالله..ههههه وجان اتذكــــر المدرسه..
حمده.: ههههه يا سلااااام والله ايام حلوه كـــانت..هههه ماشاءالله اشوووفكم حتى اهني ويا بعــــض..
نوال.: هههههه هي ترى الي ماخذني اخوووها..
حمده.: هييييييييييييه وانا اقوووووول.. زين زين ماشاءالله
شمـا اهني حسـت بريووولها مب شالتنها بطيييييييح من الصـــــدمه..ابتعـدت عنهم شـويه وحســـت بقلبها مقبووووض..
حمـده.: انزين منوووه وانتي ما عرستي؟!!..
منى.: ههههه لا يااختيييه بعــدني..وانتي؟!
حمده.: هههه انا ماااالجه..
نوال.: اوووووه مبروووك مبرووووووك..
حمده.: الله يباااارك فييييج..
منى.: مبرووووك حمدووووه..يلا عقبااااااالي..
حمده.: الله يبارك فيييج..ههههه ان شاااااء الله جرييييييب..انتي وعوشووووه..
نوال.: ههههه عوشووووه شخبارها
حمده.: الحمدالله زييييييينه..
منى: ههههه لين الحينه شيطاااانه..
عوشه.: ههههه لين الحينه مااتغير فيها شي..
نوال.: هههه حليلها والله سلمي عليها واااااايد..
حمده.: ان شاااء الله يبلغ..
مره وحـده انتبهـت مـنى لشــما الي يت وقفت عند حمده ..اطــــالعتها بـــــصدمه موول مااتوقعت وجووودها ..قـالت في خاطرها هاي شو يــاييبنها اهنييه!!!...حمده يوم شافت منى تطالع شما قالت..
حمده.: اعــرفكم ..هاي شــما اخت ريــــلي..
نـوال ابتسـمت لها وهي مـــب عاااارفه انه هي الي مــايد كــان يمووت فيها.: يا هلا والله..
مـنى مـدت لها ايدها وسـوت عمــرها مااتعرفها..: هلا اشحالج
شمـا مصدووومه مب قادره تسـتوعب وجووود منى اهــــني وحمـــده اتســولف وياها وويــا الي قالت انه اخو منى ماااخذنها..لااااااا كيــــــف!!..معقوووله مايد سواها!!..معقووووله..!..تمت فتره تطالعها عقبها ردت عليها.: الحمدالله بخير..
حمده.: يلا عيل بنطلع نحن ما حصـلنا شي حلوو اهني..
نوال.: هي نحن بعــد..
حمده.: يلا عيل نسيــر..
طـلعوا كـلهم من المحـــل..انصعقـــــت شمــا يوووم طاحت عيونها على مـــايد وهو واقف يسووولف ويـــا حاااااارب..شـــافته وكــلها لهـــفه وشووووق له..شريــــط ذكرياااااتها ويــــاه مر في بـــالها بشكــل سريييييع وحســت انها متولهه وااااايد على ذيج الاياااااام..مــــــايد خلاااااااااص نسااااااني ..بسهوووله نساااااني وتـــــزوج..حســت لحظتها بألم في قـــلبها جنه حــد طعــنه..ما قــدرت اتم وااااقفه ابتعــدت عنهم وسارت وقفــت في زااااااويه وتمـــــت اتصييييييح من خـــــاطرها..
بعـد ما راحوا مـايد ويا نوال ومنــى..
حـارب.: عيل شــــما وييينها؟!!..
حمده وهي تتصدد..: ماادري توها كــــانت اهني..
حارب طـلع تلفووونه ودق رقمها..
حمده.: لحظه حارب مب هاي الي اهنااااك..
حارب.: هي اظن هي..تعالي انسير صووبها..
شمـا انتبهـت لهم واتقربــــت منهم..
حــــارب.: ويـــــن سرتي انتي؟!!..شمـــا بلااااج؟!!
شمــا الي كـان مبين عليها انها اتصيـح.: مافيني شي..
حمده.: شموووه بلااااااج ليش سرتي بعيد عنا
شمـا.: ماشي بس دشيت المحل الي اهناك قلت يمكن احصل الي ابغيه بس ما حصلت..
حمده باستغـــراب.: واشحقه اتصيحيييين؟!!!..
شمـا.: مـــاشي يلا خل نتحرك من اهـــني..
حارب.: اول شـــــي قوووولي بلاااااااج؟!!..
شمــا.: صدقووووني مافيني شــــي..
حـارب.: انزين خــذتي دواج قبل لا تطلعين من البيت؟!!!
شمـا.: هييييه..
حارب.: زيـــن يلا نسيــــر..
مــايد كـان يمشـي جــدااامهم ونوال ومنــى وراه..
نوال تشهــــق.: جذاااااااااااااااابه منووووه..
منى.: والله العظيــــم انا انصــدمت يوم شفتها ويا حمده..
نوال.: بس احـــس مب مبيــــن عليها انهــــا مال هالسواااااالف
منى.: حبيييبتي..ياما تحت السوااهي دوااااهي..
نوال.: ان شااااااء الله بس هووو ما شافها
منى.: لاا لاا ماشااافها..اصلا خلااااااص هو ناسنها ما عليج..
...........................
في المسـتشفى,, كـلهم في هاللحظــه ملتميين حووولها ومســتااانسين على سلامتــــها..وقـالوا انه بــاجر بيرخصـونها لاان حـالتها والحمدالله اتحســنت..يـوسف كــان متــــلوووم فيها وكـله منزل راسـه مع انه ســامحته وولا جـنه شـــي صاار..بس هوو مستحي من الي ســوااااه مااتوقع عمـره يكـــون بهالوقــاحه ويــا امــه الي اتضحـي عشاانهم..
مـروه.: امييييييييه ردي ويانا اليوووووم..
عايشـه.: والله انا ودي يااميــــه ..ماادري ليـش بيخلووني لين بااجر..
مروه.: انا برقــــد وياااااج..
شيخه.: انا بعـــــد..
مروه.: اففففففففف من هالبنت..كله اتقــــــلد..
عايشـه.: يــوسف فـديتك اشفيك..
يوسـف رفع راسـه وابتسم بضيـج.: مافيني شــي يالغااليه..
عايشـه.: ليــــش ساااكــت؟!!..
يـوسف.: ما عندي شـي اقوووله يااميــه خليني ساكــت احســن انا لســـاني خااااايس..
عايشـه.: لااا اتقــول جيــه فــــديتك لوو شوو ماتســوي غلاتـك في قلبي مثل ماهي ما تتغير..
يـوسف نـش وحب راسـها..: لا خلااااني منج ربي يــــاامييييه..رن تلفــونه في هاللحـــظه..طلعه واول ما شاف الرقـم طلع من الغرفه ورد عليه..
يوسـف.: الووو
سعيـــد.: خيـــــر ..شو تبغي الف مره متصــل بي؟!!.
يـوسف شـاف حمداان الي كـان يترياهم برع ياي صوووبه ..ابتعــــد عنه عسب يرمس على راااحته وحمدان انصــدم من حركته..
يوسـف.: بـــــلاك ارمس عدل..
سعيـد.: بعـد الي سـويته تباااني ارمسك عدل..خلصني شو تباا؟!!
يوسـف.: يااخي لو بترمسني جيه ما بقوووول..
سعيـد.: اوهوووو يلا عاد يسوووف مب متفيج لك انا..
يوسف.: انزين بتخبرك عن الشغله الي كنت اتقولي عنها..اقدر اسويها الحين؟!!..
سعيـد.: اي شغــله لا تقوول مال المزرعه؟!!..
يوسف..: هيييه هاي..
سعيـد.: ههههههههههههههههههه
يوسف.: اوهووووو سعّوووود ارمسك جد انا..
سعيد.: الحيــــنه هاااا..! اتحيد يوووم يييتك لين باب بيتكم اترجاااك ورغتني..
يوسـف.: هي هي احيييد..أنا آســف وحقك عليه..الحينه انا محتاااااااج لهاااي الشغله..
سعيـد.: آســــــف شوفلك غيري..
يوسـف.: افاااا بو عسكوووور الحين يووم محتااااج لك اتردني!..
سعيد.: تراااني احتجت لك قبل وردييييتني..مب مره وحده بعـــد..
يوسف.: خلاااااص عاااد اتأسفناالك بعد شو تبغي..
سعيـد.: هي بس الحينه لااازم تتريـــا لين ماايي دوورك..لاانه ميمعين وايد شباااب وكل يوم او يوميين واحد عسب ما ننجك..
يوسف.: مب مشكــله بتريااااا بس دخيـــلك يا سعييييد انا واااايد محتااااااااااج لا تنساااااني..
سعيـد.: افاا عليك يسوووف مهما يصير تراك تبقى ربيعي ..ما علييك انت لا تحااااتي..
يوسـف.: تســـلم تســلم يالغااااالي..
........................
مـا بقــى على عـرس حمده وحـــارب..الا ثلاث اسـابيع..وفي هـالايـام حمده ياالله ملحــقه على امتحاناتها الفاينل وعلى تجهيـزات العرس..بس زيـن انه ماكـان باجيلها وااايد اشياء.. والكـل كان مشغووول في التجهيزات..فحسـوا الايـام مــررت بسرررعه..وفي الفتـره الي طـافت ردوا جــاسم وامه من الكــويت..وكـانت حـالتهم احسـن شويه من قــبل..جــاسم رد وكــله امــل وتفـــاؤل انه الايـام اليــايه اتكــون احـــلى من الايـام الي مرت عليــه..اول مــا رد على طـول قدم اوراقه عسـب الشغـل واتـوظـف..عشـان ينشغـل وينســى الي صـــار..
.
.
بــاجر ان شــاء الله عــرس حمده وحــــارب..وفي هاللحظه عـوشه كـانت عــند حمده الي كـانت لاابسـه فسـتاان العـرس ويــالسه..وعوشووه تلعب في شعــرها..
عوشــه.: اللـــــه ..شوفي اشحــلاااات شـعرج الحيــنه..هااا شو رايج؟!!..
حمده.: ههههههه خيـــبه ليش هالقد رااافعتنه..
عوشه.: حلااااااته بلااج انتي..يلا يلا الحينه دوور الميك اب..
حمده.: ههههه لاا لاا عوشوووه بس عاد مصختيها مافيني ويهي يخترب لين بااجر..
عوشه.: اووونه يخــترب..الا بيحــلوا حتى بتقولييين لييتني ما حجزت الحرمه حق الميــك اب..
حمده.: ههههه مااااالت..وايد مصدقه عمرج..
عوشه.: ههههه حمدووووه يالويــــه انتي من صجج بتعرسييييين!
حمده.: ههههه شفتي عاااااد..
عوشه.: انزيين يلا يلا قووومي اونه الحيـنه بدخــلج ع المعازييم..
حمده.:ههههههه سيري لااااا خليني افصخ الفستاااان..
عوشه.: لاا لاا حمدوووه دخيــلج يلا..
حمده.: هههه اففففف يلا انزين..
عوشـه.: اتريي بحــط الزفــــه..
حمده.: ههههه بعــااااد زفـــه..جنه الحيــنه صــدق بظهر جدام المعازيم..
عوشـه سـارت عند المسجل وحطـت السي دي داخل.: يلا اول ما بتسمعـين امشـي شوي شوي
حمده.: هههه ان شاء الله ماماتي..
عوشه.: يــــــــلااا..
حمده.: هههههههههه شو هاااااا ويا رااااسج..تبيني اطـــلع على هالاغنيــه؟!!!..
عوشه.: هههههه اوييييييي شو ياب دقني دقني الحييييينه..ههههههه اتريي اتريي بغير..
حمده.: ههههههه زين يلا ويا ويهج..
عوشـه.: هااا هاااي اكيـــد الزفه يلا استعـــدي...
حمده.: ههههههههه يا سلااااااااااااام..شلها عااااااالي..
عوشه.: هههههه اوهووووو وين الزفــــه عيل..
حمده.: هههههه خلي خلي شــــلها عااااالي..بيووووول..
عوشه.: هههههههه هاي الي بتفضحــــنا..خلااص ما بنحط شلها عااالي باجر..
حمده.: هههههه هي صدقيني عاادي انش..
عوشه.: ههههههه انتي طلعتي اخــــس عني موول مااتروميييين..وتبا اتعرس بعـــد ههههههه
حمده.: ههههه جب جب موول ماايخصه..انزين عوشووووه قولي الصــج حلوو الفستان والا لااااا..
عوشه.: اوهووووو كم مره تسئليييين..والله والله واااااااااايد حلوووووو وطالع خبااااااااال عليج..
حمده.: ههههه اوييييييييي استحيييييييييت..
عوشه.: ههههه موووول مب راااكب..رن تلفونها في هالوقــت وشـــافته..اوهووووو اذوووووني..من يومييين وهم يتصلون من هالرقم..
حمده.: انزين ردي شوفي امنووو
عوشه.: لاااااااااااااا مااحب ارد على ارقام غريبه خ يولووون..
حمده.: هههههه لا تحااتييين لو واحد يبا يغاااازل ما بيكمل وياج من يسمع صوووتج..
عوشه.: هههههه سخيييفه انزين..افففففف مب طايعيين يسكروووون..
حمده.: اقوووولج ردي انزييين يمكن وحده اتعرفج..
عوشه.: حمدووووه لو طــلع وااااحد بذبحج..
حمده.: ههههه زيييين يلا شوووفي..
ردت عوووشه.: الووو
...: .........
عوشه.: الووووووووو
..: سلام عليكم..
عوشه غطت السمااعه بايدها واطالعت حمده بعصــبيه ورصت ع اسناانها وقالت بصوت واطي.: واااحد..
حمده.: هههههه انزين بندي التلفوون ع ويهه وخلاااااااص..
وفعلا هذا الي ســوته سكـرت التلفوون ع ويهه..
عوشه.: سخييييييييفه اونه ردي..
حمده.: ههههه وانا اشدرااااني انزييييين قلت يمكن وحده اتعرفج..
رن تلفووونها مره ثاانيه..
عوشه.: اوهوووو هذا بعــد اتصــــل..
حمده.: طااااف طاااااف..
عوشه.: اكـــــبر طااااف بعـــد..المهم يلااا العرووووس المعازيم يتريوونج..
حمده.: ههههههه اي معاازيم انتي بعد قاصيين على عمارنا..يلا يلا طلعي بفصخ الفستااان..
عوشه.: افااااا ما بتطلعيين جداااامهم..
حمده.: هههههه لاااا قوليلهم العرووووس بتطـلع الفير جان بتتريووونها..
عوشه.: هههههه من زييينج عسب يتريوونج لين الفير
حمده.: ههههه جب انزين..تدرين انا بـاجر مفكــره مااطــلع جدام النااااس ..
عوشه.: لا والله!!!..جي ع كيفج هوووو..عيل هالحفله وهالخلق الي ياييين اشحقه بالله..مب عسب يشوفوون حضرتج..
حمده.: اخيييييييه عوشوووه انا مااحب حد يطالعني..
عوشه.: بالعكـــس المفرووووض اتحسين بفخــر انه العيووون كــلها عـــليج..
حمده.: يااختيييه اخاف يحسدوووني..
عوشه.: هههه مااالت علييييج,,,يحسدووونج على شووو يا حظــــي..
دشــت عليهن اميـره في هالوقـــت وبــــايدها جيــــس..على طووول صوبت عيوونها على حمده وبطــلتهن باستغـرااااب..: غربلااااات ابليسج يا حمدوووه لين الحينه لاابسه الفســتاااان!!!..
حمده.: هاااي عوشوووه ما ااتخليني افصخه..هههه شوفي شو سوت في شعري ويا راسها..
اميره.: هههههه اخييييييه يوووم عوشوووه اتسـوي شــي بعد كيف تبينه يكووون..
عوشه.: اميروووووه دبه وحده..مااحبج..شو فييه هالجيس الي بايــدج..
اميره.: ههههه احم احم..تعاااالوا خل اراوييكم فستاااان يزوووي..خبااااال خبااااال
حمده.: هههههههه اندوووووكم..قووولي والله شريتيلها فستااان..
عوشه.: هههههه الحين هاااااي اي فستااان يطيح عليها..
اميره.: ههههه جب جب يلا عن الغلط..بس انتن الي تلبسن فساتييين عيل..جي بنتي انا غيييير !!..
حمده.: ههههه يلااا اشوووف راويييينا..
يلست اميـره وطـلعت الفسـتان من الجيـس ..: هاااااه شو راااايكم..
عوشه.: ههههه وااافديييييييييتها اناااا الفستاان روووووعه اميرووووه..
حمده.: هههههه حياااااتي انا..خذتيلها ابيض بعـد يعني بنطقم انا وهي..
اميره.: ههههه هي بتغطي عليييج اصلا..بس تدرووون الحين خاايفه يطلع كبيير عليها بعدني ما لبستها ..بس عيبني واااايد وقلت لاازم اخذه
عوشه.: هههههه اصلا امبين انه عوووود..هذا لبسيها في عرسي انا هههه..فدييييييييتها يا ربيي ليش ما يبتييها
اميره.: تحـــت عند امييييه ومريوووم..
عوشه.: انا بسييييير ايييبها..
حمده.: هي سيييييري عوشوووه والله اني ولهااانه عليها..
اميره.: يالويـه مب ناويه تفصخين الفستااان انتي!!..
حمده.: هههههه بفصخه بس اتريااكم تطلعووون..
اميــره تــوقف..: يلا انزين بنطـلع نحـــن..
حمده.: انزين عقب تعاااالوا وييبوا يزووووي..(بدلع)..تدروون بعد انا استحي انزل تحت..
عوشه.: هههههه مـــــالت عليييييج ..مووول مب لايق لا تحااولين..
|